តាមដានជាមួយយើង៖ Million Times

ការលើកឡើងនេះ បានធ្វើឡើងក្នុងកម្មវិធីបណ្ដុះបណ្ដាលផ្នត់គំនិតស្ថាបត្យកម្មគំនិតផ្ដួចផ្ដើមសាលារៀនកម្ពុជានិងការសម្ពោធកម្មវិធីស្ថាបត្យកម្មខ្មែរ ដែលបានធ្វើឡើងនៅទីស្ដីការក្រសួងរៀបចំដែនដី នគរូបនីយកម្ម និងសំណង់ កាលពីព្រឹកថ្ងៃទី១៣ ខែវិច្ឆិកា ឆ្នាំ២០២៥។

នៅក្នុងកម្មវិធីនេះ ឯកឧត្តម សាយ សំអាល់ បានថ្លែងអំណរគុណដល់គណៈស្ថាបត្យករកម្ពុជា ដែលបានប្តេជ្ញាចិត្តខ្ពស់ចំពោះបុព្វហេតុលើវិស័យរបស់ខ្លួន និងបានថ្លែងអំណរគុណដល់ថ្នាក់ដឹកនាំនិងមន្រ្តី នៃក្រសួងរៀបចំដែនដី នគរូបនីយកម្ម និងសំណង់ ដែលបង្ហាញអំពីវីរៈភាពក្នុងការបំពេញកិច្ចការងារជាច្រើននារយៈពេលជាង ២ឆ្នាំក្នុងអាណត្តិទី៧នេះ ដើម្បីរួមចំណែកជំរុញឱ្យជាតិសាសន៍ខ្មែរមានជីវិតកាន់តែល្អប្រសើរ។

ឯកឧត្តម លើកឡើងថា បច្ចុប្បន្នក្រសួងកំពុងតែបណ្ដុះផ្នត់គំនិតដល់ប្រជាពលរដ្ឋគ្រប់រូប និងគ្រប់កោសិកានៃសង្គមជាតិ ឱ្យទទួលបានផ្នត់គំនិតនៃការរស់នៅបែបថ្មី តាមរយៈស្ថាបត្យកម្ម។ ជាមួយនេះ ដើម្បីកសាងការឯកភាពជាតិលើកិច្ចការស្ថាបត្យកម្ម ឯកឧត្តមឧបនាយករដ្ឋមន្ត្រី បានកត់សម្គាល់ឃើញថា មានចម្រៀងមួយចំនួនដូចជា (១) ពង្សាវតាខ្មែរ ដែលបានបង្ហាញយ៉ាងច្បាស់នូវអ្វីដែលយើងធ្លាប់មាន,អ្វីដែលយើងធ្លាប់បានបាត់បង់និងអ្វីដែលយើងចង់បានត្រឡប់មកវិញ, (២) ឱ!ភ្នំពេញអើយ បានបង្ហាញឱ្យឃើញអំពីផេះផង់គំនរឆ្អឹងថ្លុកឈាមនៃសង្គ្រាមក្នុងរបបប្រល័យពូជសាសន៍និងការសម្លាប់មនោសញ្ចេតនារបស់មនុស្ស, និង (៣) ភ្នំដងរែក ដែលទាំងនេះសុទ្ធសឹងជាបទចម្រៀងមានអត្ថន័យជ្រាលជ្រៅជួយបណ្ដុះផ្នត់គំនិតអប់រំដ៏ល្អសម្រាប់ស្ថាបត្យករ។

ឯកឧត្តមឧបនាយករដ្ឋមន្ត្រី បានចាត់ទុកអគារក្រសួងរៀបចំដែនដី នគរូបនីយកម្ម និងសំណង់ និងអគារក្រសួងស្ថាប័នរដ្ឋមួយចំនួនទៀត ដែលកសាងឡើងនាពេលបច្ចុប្បន្ននេះ គឺជានិមិត្តរូបនៃការរស់រានមានជីវិតឡើងវិញនៃស្ថាបត្យកម្មខ្មែរ នាសហសម័យ។

ឯកឧត្តម សាយ សំអាល់ បានបញ្ជាក់ថា ដើម្បីកសាងស្ថាបត្យកម្មខ្មែរនាសហសម័យគឺទី១ យើងត្រូវចាប់ផ្ដើមលុបបំបាត់សំណង់មិនរៀបរយបន្តិចម្តងៗ ដោយក្នុងរយៈពេល១០ឆ្នាំចុងក្រោយនេះ ក្រសួងរៀបចំដែនដី នគរូបនីយកម្ម និងសំណង់ បានដោះស្រាយបញ្ហាសំណង់មិនរៀបរយនេះ ជូនប្រជាពលរដ្ឋចំនួន ៥០ម៉ឺនគ្រួសារ​ ដែលប្រៀបបានជាការជួយទាញប្រជាពលរដ្ឋទាំង៥០ម៉ឺនគ្រួសារនេះ ឱ្យចាកចេញពីភាពក្រីក្រដូច្នោះដែរ, និងទី២ បញ្ចៀសបញ្ហាកកស្ទះចរាចរណ៍ និងបញ្ហាលិចទឹកតាមដងផ្លូវ ដោយកសាងចំណតយានយន្ត និងសួនច្បារទីធ្លាលំហរសាធារណ:តាមសាលារៀន ឬពង្រីកផ្លូវធ្វើដំណើរបន្ថែម។

ឯកឧត្តម សាយ សំអាល់ បានសង្កត់ធ្ងន់ថា អនាគតរបស់ប្រទេសកម្ពុជា គឺអាស្រ័យលើការចូលរួមរបស់យើងទាំងអស់គ្នាក្នុងស្មារតីស្នេហាជាតិ ដូច្នេះដើម្បីប្រែក្លាយប្រទេសជាតិ ឱ្យកាន់តែល្អជាងមុនតាមរយៈស្ថាបត្យកម្ម គឺត្រូវរៀបចំកែលម្អបន្ទប់គេងឱ្យបានស្អាត បន្ទប់ទទួលភ្ញៀវស្អាត បន្ទប់ទឹកស្អាត និងចង្ក្រានបាយស្អាត។

ដោយឡែកនៅលើកិច្ចការរៀបចំដែនដី នគរូបនីយកម្ម និងសំណង់ យើងត្រូវរួមគ្នាធ្វើយ៉ាងណាឱ្យកម្ពុជាដែលជាប្រទេសតូច ក្លាយជាភូមិឋានក្សេមក្សាន្តសម្រាប់ប្រជាពលរដ្ឋគ្រប់រូប មានលំនៅឋានរស់នៅសមរម្យ មានជីវភាពល្អប្រសើរ មានការងារធ្វើ មានប្រាក់ចំណូល មានប្រាក់សន្សំ មានអាហារហូបចុកគ្រប់គ្រាន់, មានជីវិតលំហែ និងធ្វើឱ្យកម្ពុជាក្លាយជាទីដែលមនុស្សគ្រប់រូបមានក្តីប្រាថ្នា ចង់មករស់នៅទីនេះ៕  

អត្ថបទ៖ វីរៈ រូបភាព៖ ក្រសួងរៀបចំដែនដី

The post ក្រសួង កំពុងបណ្ដុះផ្នត់គំនិតពលរដ្ឋគ្រប់រូបឱ្យទទួលបានផ្នត់គំនិត រស់នៅបែបថ្មីតាមរយៈស្ថាបត្យកម្ម appeared first on Millions times.

តាមដានជាមួយយើង៖ Million Times

អយុធ្យា មាន​ជំនាញ​គំនូរ​បុរាណ ថែម​ទាំង​ចេះ​សរសេរ​អក្សរ​បុរាណ​ខ្មែរ​ដល់​ទៅ ៣ សម័យកាល គឺ សម័យ​មុន​អង្គរ សម័យ​អង្គរ និង​ក្រោយ​អង្គរ។ ជិន ស្រី​អយុធ្យា បញ្ចក់​សិក្សាផ្នែក​រចនា​ក្រាហ្វិក នៅសាកលវិទ្យាល័យ​ភូមិន្ទ​វិចិត្រ​សិល្បៈ ក្រោយ​បញ្ចប់​ថ្នាក់​គំនូរ​បុរាណ នៅ​សាលា​មធ្យម​វិចិត្រ​សិល្បៈ។

កញ្ញា ជា​វិចិត្រករ​គំនូរ​បុរាណ ដ៏​មាន​ទេពកោសល្យ​ម្នាក់ ដែល​ជួយ​ផ្សព្វផ្សាយ​យ៉ាង​សកម្ម​ចំពោះ​​​ស្នាដៃ​គំនូរ​បុរាណ ខ្មុក​ស្មាច់ និង​អក្សរ​បុរាណ នៅ​លើ​បណ្ដាញ​សង្គម​ជា​យូរ​មក​ហើយ។ ការ​គាំទ្រ​ដ៏​ច្រើន​នេះ បាន​ជំរុញ​ឲ្យ​អយុធ្យា កាន់តែ​ខិតខំ​ឈ្វេងយល់ និង​ហ្វឹក​ហាត់​សរសេរ​អក្សរ​បុរាណ និង​កំពុង​ចែករំលែក​ចំណេះដឹង​នេះ​ជា​បន្តបន្ទាប់​ដល់​យុវជន​ជំនាន់​ក្រោយ​ទៀត​ផង​។

ងាក​ទៅ​មើល​រូប​គំនូរ​របស់ ជិន ស្រីអយុធ្យា ពិតជា​ស្រស់​ស្អាត ប្រណីត ជា​បែប​បទ​របស់​ខ្មែរ​ប្រាកដ​មែន។ មិន​ត្រឹម​ចេះ​សរសេរ​អក្សរ​បុរាណ​នៅ​លើ​ក្រដាស ឬ​ផ្ទាំង​គំនូរ​ហើយ ស្រី​អយុធ្យា មានបំណង​រៀន​សូត្រ​បន្ថែម​ពី​អក្សរ​បុរាណ និង​របៀប​សរសេរ​លើ​ស្លឹករឹត​បន្ថែម​ទៀត ព្រោះ​នាង​ចង់ ចារ​អក្សរ​របស់​ខ្លួន​នៅ​លើ​ស្លឹករឹត។

គួរ​បញ្ជាក់​ថា​​ជំនាញសិល្បៈគំនូរបុរាណរបស់ ជិន ស្រីអយុធ្យា ​បានរៀន និងអនុវត្តផ្ទាល់ចូលមកដល់​នេះរយៈពេល ១២ ឆ្នាំ​ហើយ៕

អត្ថបទៈ មេរ៉ា, រូបភាព៖ FB ជិនស្រី អយុធ្យា

The post ជិន ស្រីអយុធ្យា ជាងគូរគំនូរលើជញ្ជាំងដ៏មានថ្វីដៃ និងចេះ​សរសេរ​អក្សរ​ខ្មែរ​បុរាណ៣សម័យកាល appeared first on Millions times.

លោក នៅ ស៊ីនិត វិស្វករ និង​ជា​អ្នក​ម៉ៅការ​សំណង់ ដែល​ទទួល​បាន​ការ​ទុកចិត្ត​ពី​អតិថិជន ព្រោះ​គុណភាព និង​ម៉ូដ​ដែល​លោក​ចេញ​ឲ្យ​ភ្ញៀវ​ទាំង​ស្អាត និង​មាន​តម្លៃ​សមរម្យ​ទទួល​យក​បាន។ វិស្វករ រូប​នេះ​ទទួល​ម៉ៅការ និង​សាងសង់​ផ្ទះ​គ្រប់​ម៉ូដ មិន​ថា​ទំហំ​តូច​ធំ​ឡើយ​គឺ​លោក ធ្វើ​ដោយ​ផ្ចិតផ្ចង់ និង​អស់​ពី​ចិត្ត​ជូន។

ចំណុច​ដែល​ធ្វើឲ្យ​អតិថិជន​គាំទ្រ​ខ្លាំង​ចំពោះ​ផ្ទះ​ដែល វិស្វករ​ល្បី​ឈ្មោះ នៅ ស៊ីនិត គឺ​ម៉ូដ​នីមួយ​ៗ​ស្អាត ទាន់​សម័យខុស​ពី​គេ ហើយ​ក៏​មិន​ចាំបាច់​ ខ្វាយខ្វល់​បញ្ហា​ខ្លាច​ជាង​កិបកេង​សម្ភារៈ​សំណង់​ឡើយ។ មិន​តែ​ប៉ុណ្ណោះ​មុន​ចេញ​ជា​រូបរាង​ផ្ទះ វិស្វករ​រូបនេះ តែងតែ​គូ​រ​ប្លង់​ 3D ឲ្យ​មើល​ជា​មុន ចុងក្រោយ​ផ្ទះ​ពិត ក្នុង​រូប​ក្នុង​ប្លង់​គំរូ​មិន​ខុស​គ្នា​សោះ​។

គ្រប់​អតិថិជន​ដែល​ទទួល​បាន​ផ្ទះ​ហើយ បាន​ផ្ដល់​មតិ​ល្អ​ៗ ព្រោះ​ស្រលាញ់​ពេញ​ចិត្ត​នឹង​ស្នាដៃ​ដែល​លោក នៅ ស៊ីនិត រចនា​ឡើង។ គួរ​បញ្ជាក់​ថា​វិស្វករ នៅ ស៊ីនិត ជា​វិស្វករ​មាន​បទពិសោធន៍​ច្រើន​ក្នុង​ការ​សាងសង់​អាគារ​តូច​ធំ និង​ជា​បុគ្គល​ខាង​ផ្នែក​ស្ថាបត្យកម្ម​ដែល​មាន​ឱកាស​បាន​ចេញ​ទៅ​ក្រេប​ជញ្ជក់​ចំណេះដឹង​ផ្សេង​ៗ​ពី​បរទេស។

ខាងក្រោម​គឺជា​ម៉ូដ​ផ្ទះ​ដ៏​ស្រស់​ស្អាត និង​គួរឲ្យ​ចង់​រស់នៅ ដែល​ឌីហ្សាញ និង​សាងសង់​ដោយ​លោក នៅ ស៊ីនិត ផ្ទាល់៖

តាមដានជាមួយយើង៖ Million Times

អត្ថបទ៖ មេរ៉ា រូបភាព៖ ផ្តល់ឲ្យ

The post ម៉ូដផ្ទះដែលវិស្វករល្បី នៅ ស៊ីនិត ឌីហ្សាញ និងសាងសង់ដោយផ្ទាល់សម្រាប់អតិថិជន ស្អាត គួរឲ្យចង់រស់នៅ appeared first on Millions times.

ស្ថាបនិកក្រុមហ៊ុន Re Edge Architecture លោក ហ៊ុន ចាន់សាន ដែល​មាន​បទពិសោធន៍​ការងារ​ក្នុង​វិស័យ​ស្ថាបត្យកម្ម​ជាង ១៣ ឆ្នាំ ក៏​ជា​អ្នក​ដឹកនាំ​ដ៏​ល្អ​ដែល​អ្នក​ជំនាន់​ក្រោយ​គួរ​យក​គំរូ​តាម។

តាមដានជាមួយយើង៖ Million Times

កាល​ពី​ដើម​ឆ្នាំ ២០២៤ កន្លង​ទៅ លោក​បាន​ចូលរួម​កម្មវិធី Alternative Approaches for Adapting and Thriving in the Creative & Media Industries ក្រោម​ប្រធានបទ ”មេរៀន​នៃ​ភាព​ជា​អ្នក​ដឹកនាំ​ក្នុង​ការ​ធ្វើ​ឱ្យ​មាន​តុល្យភាព​ភាព​ច្នៃ​ប្រឌិត និង​បាន​ផល​ចំណេញ” លោក​ក៏​បាន​លើក​ឡើង​ពី​របៀប​ដឹក​នាំ​ខ្លះ​ៗ ជូន​ដល់​អ្នក​ចូលរួម​ផង​ដែរ។

លោក​បាន​លើក​ឡើង​ថា សម័យ​ឌីជីថល​នេះ​កាន់តែ​ជឿន​លឿន​ទៅ​មុខ​ខ្លាំង​ហើយ ហើយ​នៅ​ក្នុង​វិស័យ​ស្ថាបត្យកម្ម ស្ថាបត្យករ​ជា​មនុស្ស​របស់​សង្គម​ជាតិ​ដែល​មាន​កាតព្វកិច្ច​បម្រើ​ផលប្រយោជន៍​រួម​ទៅ​អ្នកដទៃ​ដោយ​ប្រើ​វិជ្ជាជីវៈ វិទ្យាសាស្ត្រ សិល្បៈ​ក្នុង​ខ្លួន។ ដូចនេះ​លោក ហ៊ុន ចាន់សាន រីករាយ​ដែល​បាន​ឃើញ​មាន​ស្ថាបត្យករ​កម្ពុជា​ពូកែ​ៗ​ជាច្រើន​កំពុង​រីក​ធំធាត់​កាន់​តែ​ច្រើន ហើយ​លោក​ក៏​កាន់តែ​សប្បាយចិត្ត ព្រោះ​ជំនាញ​ស្ថាបត្យកម្ម​ទាមទារ​ឱ្យ​បាន​ឃើញ បាន​ប៉ះ បាន​ប្រើប្រាស់ និង​អនុវត្តន៍​ផ្ទាល់ ធ្វើ​ឱ្យ​ស្ថាបត្យករ​កាន់តែ​មាន​ភាព​ច្នៃ​ប្រតិដ្ឋ និង​មាន​គំនិត​ថ្មី​បន្ថែម។

ក្នុង​នាម​ជា​អ្នក​ដឹកនាំ​វិញ​ម្ចាស់ Re Edge Architecture បាន​គិតគូរ និង​យក​ចិត្ត​ទុក​ដាក់​ដល់​អតិថិជន​ដែល​ទទួល​សេវាកម្ម​លោក​ដោយ​រៀបចំ​ឱ្យ​បាន​ល្អិតល្អន់ និង​ដិតដល់​ឲ្យ​សម​នឹង​តម្លៃ ហើយ​ធ្វើ​យ៉ាង​ណា​ឲ្យ​ការងារ​បាន​ល្អ​បំផុត សម្រាប់​ភាគី​ទាំង​សងខាង​តែ​ម្ដង។

កាល​ពី​ពេល​កន្លង​ទៅ​ថ្មី​ៗ​នេះស្ថាបត្យករល្បី​ឈ្មោះ បាន​ចូលរួម​កម្មវិធី របស់​ក្រសួងរៀបចំដែនដី នគរូបនីយកម្ម និងសំណង់ ក្រោមប្រធានបទ «បដិវត្តកម្មបញ្ញាសិប្បនិម្មិត និងយុទ្ធសាស្ត្រត្រៀមខ្លួនសម្រាប់អនាគតកម្ពុជា» ក្រោមអធិបតីភាព ឯកឧត្តម សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រី​ក្រសួងរៀបចំដែនដី នគរូបនីយកម្ម។

ហ៊ុន ចាន់សាន ក្រោយ​ពេល​បញ្ចប់​ការសិក្សា​ថ្នាក់​វិទ្យាល័យ​នៅ​ក្នុង​ប្រទេស​សិង្ហបុរី​នា​ឆ្នាំ​ ២០០០ យុវជន​ដែល​មាន​ឪពុកម្តាយ​ជា​អាជីវករ​រស់នៅ​ក្នុង​រាជធានី​ភ្នំពេញ រូប​នេះ​បាន​ជ្រើសរើស​យក​ការសិក្សា​ថ្នាក់​បរិញ្ញាបត្រ​នៅ​សាកលវិទ្យាល័យ Massachusetts college of Art and Design នា​ទីក្រុង Boston របស់​សហរដ្ឋអាមេរិក​ក្នុង​ឆ្នាំ​​ ២០០១ និង​បញ្ចប់​ការសិក្សា​ក្នុង​ឆ្នាំ​ ២០០៦​។ ក្រោយ​មក​រូប​លោក​ក៏​បាន​បន្ត​ការសិក្សា​ថ្នាក់​បរិញ្ញាបត្រ​ជាន់​ខ្ពស់​នៅ​សាកលវិទ្យាល័យ Northeastern University ក្នុង​ទីក្រុង​ Boston នៃ​រដ្ឋ Massachusetts ដដែល​រហូត​ដល់​ទទួល​បាន​ជោគជ័យ​ក្នុង​ឆ្នាំ​ ២០០៩​។

ហ៊ុន ចាន់សាន ជនជាតិ​ខ្មែរ​តែ​ម្នាក់​គត់​ដែល​ធ្លាប់​ជាប់​ឈ្មោះ​ក្នុង​តារាង​បុគ្គល​អាស៊ី​ល្បី​ៗ​ទាំង ៥០នាក់​ ចុះផ្សាយ​ដោយ​សារព័ត៌មាន​អន្តរជាតិ​សិង្ហបុរី​កាល​ពី​ពេល​កន្លង​ទៅ។

ទទួល​បាន​នូវ​គម្រោង​ធំៗ​ជាច្រើន​ដូចជា សណ្ឋាគារ Lumiere ការិយាល័យ​របស់​ក្រុមហ៊ុន Chip Mong Insee (​រោងចក្រ​ផលិត​ស៊ីម៉ងត៍​នៅ​កំពត​) និង​ទីស្នាក់ការ​កណ្តាល​របស់​ធនាគារ ABA និងស្ថាបត្យកម្មរបស់ Rose Apple Square ខេត្ត​សៀមរាប​ជាដើម៕

The post ហ៊ុន ចាន់សាន ស្ថាបនិកក្រុមហ៊ុន Re Edge Architecture ដែលបញ្ចប់ការសិក្សាពីអាមេរិក appeared first on Millions times.