ទូតចិន៖ ចិនរីករាយនាំចូលផលិតផលកសិកម្ម មានគុណភាពពីកម្ពុជាបន្ថែមទៀត

Virak វីរៈ — Tue, 07 Apr 2026 06:23:40 +0000

លោក វ៉ាង វិនពីន ឯកអគ្គរដ្ឋទូតចិនប្រចាំកម្ពុជា បានលើកឡើងថា ប្រទេសចិន រីករាយក្នុងការនាំចូលផលិតផលកសិកម្ម ដែលមានគុណភាពខ្ពស់បន្ថែមទៀតពីប្រទេសកម្ពុជា។ ការលើកឡើងនេះ ស្របពេលដែលកម្ពុជាបាននាំចេញអង្ករជិត ៩ម៉ឺនតោនទៅចិន ក្នុងត្រីមាសទី១ ឆ្នាំ២០២៦នេះ។

តាមដានជាមួយយើង៖ Million Times

តាមរយៈហ្វេសប៊ុករបស់ខ្លួន កាលពីថ្ងៃទី៦ ខែមេសា ឯកអគ្គរដ្ឋទូតចិន បានបង្ហោះថា រយៈពេល ៣ខែ ដើមឆ្នាំ២០២៦ កម្ពុជាបាននាំចេញអង្ករចំនួន ៨.៩ម៉ឺនតោន ទៅកាន់ប្រទេសចិន កើនឡើង ១៤១% បើធៀបនឹងរយៈពេលដូចគ្នាកាលពីឆ្នាំមុន តម្លៃនាំចេញលើសពី ៥៦.៣៨លានដុល្លារ។

ឧកញ៉ា សុង សារ៉ន អគ្គនាយកក្រុមហ៊ុន Amru Rice បានលើកឡើងថា ចិន ជាប្រទេសឈានមុខគេលើការនាំចូលអង្ករកម្ពុជា និងប្រទេសផលិតផ្សេងទៀត។ លោក ក៏បានជំរុញឱ្យខិតខំដោយវៃឆ្លាត ក្នុងការប្រជែងទីផ្សារជាមួយប្រទេសផ្សេងទៀត។

សហព័ន្ធស្រូវអង្ករកម្ពុជា បានឱ្យដឹងថា ប្រទេសកម្ពុជា បាននាំចេញអង្ករជាង ៣៦ម៉ឺនតោន ក្នុងរយៈពេល ៣ខែដើម ឆ្នាំ២០២៦នេះ ដែលគិតជាទឹកប្រមាណ ២០៧លានដុល្លារ។

ក្នុងនោះ នាំចេញតាមរយៈក្រុមហ៊ុននាំចេញអង្ករចំនួន ៥៨ក្រុមហ៊ុន ទៅកាន់គោលដៅចំនួន ៥៦ ដោយក្នុងនោះទៅកាន់បណ្តាប្រទេសក្នុងតំបន់អឺរ៉ុបចំនួន ៣១, ទៅកាន់ប្រទេសចិន និងហុងកុង, ទៅកាន់ប្រទេសក្នុងតំបន់អាស៊ានចំនួន ៥។

ក្រៅពីនោះទៀត ក៏បាននាំចេញទៅកាន់គោលដៅ ១៨ប្រទេសផ្សេងទៀតដែរដូចជា៖ អាហ្វ្រិក មជ្ឈឹម បូព៌ា អាមេរិក កាណាដា អូស្ត្រាលី ញ៉ូហ្សេឡេន ជាដើម៕

អត្ថបទ៖ វីរៈ រូបភាព៖ ទូតចិន

The post ទូតចិន៖ ចិនរីករាយនាំចូលផលិតផលកសិកម្ម មានគុណភាពពីកម្ពុជាបន្ថែមទៀត appeared first on Millions times.

៣ នីតិវិធី ជំរុញការនាំចេញផលិតផលកសិកម្មកម្ពុជា ចូលទៅទីផ្សារចិន

Vin Chang — Fri, 21 Feb 2025 09:13:24 +0000

លេខាទី២នៃការិយាល័យសេដ្ឋកិច្ចនិងពាណិជ្ជកម្ម នៃស្ថានទូតចិនលោក Zhang Yuntao បានឲ្យនឹងពីនីតិវិធីមួយចំនួន ក្នុងការជំរុញការនាំចេញផលិតផលកសិកម្មកម្ពុជាទៅចូលទីផ្សារចិន ដែលម្ចាស់ក្រុមហ៊ុនគួរតែដឹង។

តាមដានជាមួយយើង៖ Million Times

លោក Zhang Yuntao បានលើកឡើងពីកិច្ចសហប្រតិបត្តិការនាំកសិផលរបស់កម្ពុជា ទៅកាន់ទីផ្សារចិនក្នុងសិក្ខាសាលា ស្ដីពីលក្ខខណ្ឌតម្រូវ និងកិច្ចសម្រួលពាណិជ្ជកម្មនាំចេញទៅសាធារណរដ្ឋប្រជាមានិតចិន កាលពីថ្ងៃ២០ ខែកុម្ភៈ ឆ្នាំ ២០២៥ កន្លងទៅ។ អ្នកតំណាងការិយាល័យសេដ្ឋកិច្ច និងពាណិជ្ជកម្មចិនរូបនេះបានបន្តថា ដើម្បីជំរុញការនាំចេញផលិតផលកសិកម្មកម្ពុជា ចូលទៅទីផ្សារចិន ត្រូវប្រតិបត្តិតាមនីតិវិធីដូចជា៖

ជំហានទី១ ក្រុមហ៊ុននាំចេញត្រូវតែចុះបញ្ជីការ និងរោងចក្រវេចខ្ចប់របស់ខ្លួន នៅអគ្គនាយកដ្ឋានគយចិន ដើម្បីធានាថា ផលិតផលរបស់ខ្លួនសមស្របនឹងស្តង់ដារអធិការកិច្ចចិន។

ជំហានទី២ គឺការរៀបចំឯកសារ រួមទាំងវិញ្ញាបនបត្របញ្ជាក់ប្រភពដើម ទំនិញ ហើយត្រូវយកចិត្ត ទុកដាក់លើការគ្រប់គ្រងកូតា ផលិតផលមួយចំនួន និងវិញ្ញាបនបត្រអធិការកិច្ច (ដូចជាអង្ករ) ត្រូវដាក់ពាក្យ សុំវិញ្ញាបនបត្រកូតាពន្ធគយរបស់ប្រទេសចិន ហើយពន្ធគយក្នុងកូតាមានកម្រិតទាបរហូតដល់ ១ ភាគរយ។

ជំហានទី៣ គឺការបោស សំអាត ដើម្បីឆ្លងកាត់គយ បន្ទាប់ពីទំនិញមកដល់កំពង់ផែចិន ត្រូវដាក់ឯកសារដូចជា ទម្រង់បែបបទគយ វិក្កយបត្រ បញ្ជីវេចខ្ចប់។

ក្រៅពីនេះសហគ្រាសទាំងអស់គួរយកចិត្តទុកដាក់បញ្ជីចូលប្រើប្រាស់ក្នុងទីផ្សារ និងស្តង់ដារអធិការកិច្ចថ្មីៗនៃអគ្គនាយកដ្ឋានគយប្រទេសចិន ដោយត្រូវពង្រឹងការគ្រប់គ្រងគុណភាព យោងតាមពង្រឹងការបង្ការ និងកម្ចាត់សត្វល្អិត និងជំងឺ ព្រមទាំងការគ្រប់គ្រង សំណល់ថ្នាំសម្លាប់សត្វល្អិត ដើម្បីជៀសវាងកុំឲ្យមានការបដិសេធមិនឲ្យចូល។

មិនទាន់អស់ឡើយ ដោយក្រុមហ៊ុននានាត្រូវពឹងផ្អែកលើភាគលាភ នៃកិច្ចព្រមព្រៀងពាណិជ្ជកម្មសេរីនានាដូចជា RCEP និងកិច្ចព្រមព្រៀងពាណិជ្ជកម្មសេរីកម្ពុជា-ចិន ដើម្បីកាត់បន្ថយថ្លៃដើមពន្ធគយ និងពង្រីកសក្ដានុពលទីផ្សារ។ ជាងនេះទៀត ម្ចាស់ក្រុមហ៊ុនត្រូវស្វែងរកវិធីអាជីវកម្មថ្មីៗ ដើម្បីលក់កសិផលខ្លួនដល់អតិថិជនចិនដោយផ្ទាល់ តាមរយៈវេទិកាពាណិជ្ជកម្មអេឡិចត្រូនិកឆ្លងដែន ដើម្បីកាត់បន្ថយខ្សែច្រវាក់ផ្គត់ផ្គង់ឲ្យកាន់តែខ្លី និងបង្កើនប្រាក់ចំណេញ៕

អត្ថបទ. មេរ៉ា, រូបភាព៖សភាពាណិជ្ជកម្មកម្ពុជា

The post ៣ នីតិវិធី ជំរុញការនាំចេញផលិតផលកសិកម្មកម្ពុជា ចូលទៅទីផ្សារចិន appeared first on Millions times.

​ស្ថានទូតចិន Archives - Millions times

ទូតចិន៖ ចិនរីករាយនាំចូលផលិតផលកសិកម្ម មានគុណភាពពីកម្ពុជាបន្ថែមទៀត

៣ នីតិវិធី ជំរុញការនាំចេញផលិតផលកសិកម្មកម្ពុជា ចូលទៅទីផ្សារចិន

ស្ថានទូតចិន Archives - Millions times