តាមដានជាមួយយើង៖ Million Times

មិន​ត្រឹម​អគារ​មិត្តភាព​កម្ពុជា-កូរ៉េ នៃ​មន្ទីរពេទ្យ​កុមារ​ជាតិ ប៉ុណ្ណោះ​ទេ ជំនួយ​ឥត​សំណង​របស់​សាធារណរដ្ឋ​កូរ៉េ ក៏​រួម​មាន​ទំនើបកម្ម​បរិក្ខារ​ពេទ្យ សេវាកម្ម និង​ការ​បណ្ដុះបណ្ដាល បច្ចេកវិទ្យា​វេជ្ជសាស្ត្រ​ថ្មីៗ ដើម្បី​បម្រើ​សេវា​សុខភាព​ជូន​កុមារ​កម្ពុជា ប្រកប​ដោយ​គុណភាព និង​សមធម៌ សំដៅ​ធ្វើ​ឲ្យ​សុខភាពកុមារ ប្រកប​ដោយ​សុខភាព និង​សុខុមាលភាព។

អគារមន្ទីរពេទ្យថ្មីនេះមានកម្ពស់ ២៤,៧ម៉ែត្រ, ទទឹង ៣៧,៨០ ម៉ែត្រ និង​បណ្ដោយ ៧៦,៨០ម៉ែត្រ មាន​កម្ពស់ ៥ ជាន់ (រាប់ទាំងជាន់ក្រោមដី) គិតជាផ្ទៃក្រឡាសរុបស្មើនឹង ៩ ០៥៣ ម៉ែត្រការ៉េ តាម​ជាន់​នីមួយៗ មានបែងចែកមុខងារដូចខាងក្រោម៖

-ជាន់ផ្ទាល់ដី៖ ផ្នែក​ពិគ្រោះ​ជំងឺ​ក្រៅ​ផ្នែក​ឯកទេស​រោគ​កុមារ ផ្នែក​ឱសថ​ស្ថាន សម្រាប់​ជំងឺ​សម្រាក​ពេទ្យ កន្លែង​ទទួល​ភ្ញៀវ និង​អាហារដ្ឋាន​សម្រាប់​បុគ្គលិក​នៅ​ចន្លោះ​រវាង​អគារ​មិត្តភាព​កម្ពុជា-កូរ៉េទី១ និងទី២នេះ។

-ជាន់ទី១៖ ផ្នែកស្ដារតាលទ្ធភាពពលកម្ម (Rehabilitation) ផ្នែក​លាង​ឈាម (Artificial kidney) និង​ជំងឺ​តម្រងនោម និង​បន្ទប់​វះកាត់​ផ្នែក និង​ត្រចៀក ច្រមុះ បំពង​ករ។

-ជាន់ទី២៖ ផ្នែក​ជំងឺ​មហារីក​កុមារ (Oncology) មាន ៣២ គ្រែ និង​មាន​បន្ទប់​ដាក់​អ្នក​ជំងឺ​ដោយ​ឡែក ១ និង​ផ្នែក​ជំងឺ​លោហិត​សាស្ត្រ និង​ប្រព័ន្ធ​ការពារ​មាន ៣០គ្រែ។

-ជាន់ទី៣៖ ផ្នែក​ជំងឺ​ប្រដាប់​រំលាយអាហារ (Gastrology) មាន ៣៤ គ្រែ និង​ផ្នែក​កង្វះ​អាហារូបត្ថម្ភ​មាន ៣០គ្រែ។

-ជាន់ទី៤៖ ផ្នែកជំងឺផ្លូវដង្ហើមទីទី១ (Pneumology 1) មាន ៣៤ គ្រែ និងផ្នែកជំងឺផ្លូវដង្ហើមទីទី២ (Pneumology 2) មាន ២៨ គ្រែ និង​មាន​បន្ទប់​ដាក់​អ្នក​ជំងឺ​ដោយ​ឡែក​១ ។

អគារមិត្តភាពកម្ពុជា-កូរ៉េ អគារទី២ នៃមន្ទីរពេទ្យកុមារជាតិ ក្រោម​ជំនួយឥតសំណងរបស់កូរ៉េ មានតម្លៃ ១៦,៩៩ លានដុល្លារ៕

អត្ថបទ៖ ឆដា, រូបភាព៖ ក្រសួងសុខាភិបាលនៃព្រះរាជាណាចក្រកម្ពុជា

The post មន្ទីរពេទ្យកុមារជាតិបានបើកការដ្ឋានសាងសង់អគារមិត្ត​ភាពកម្ពុជា-កូរ៉េ ក្រោមជំនួយឥតសំណងរបស់កូរ៉េ តម្លៃ ១៦,៩៩ លានដុល្លារ appeared first on Millions times.

តាមដានជាមួយយើង៖ Million Times

ព្រះរាជក្រឹត្យព្រះមហាក្សត្រ ត្រាស់បង្គាប់យ៉ាងដូច្នេះថា តែងតាំង ឯកឧត្ដម ឃួន ផុនរតនៈ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ ជា ឯកអគ្គរាជទូតកម្ពុជា ប្រចាំសាធារណរដ្ឋកូរ៉េ។ ចំណែក​ លោកស្រី ជ្រឹង បុទុមរង្សី ដែលបញ្ចប់អាណត្តិ ត្រូវបានបង្គាប់ឱ្យចូលប្រទេសវិញ។

លោក ឃួន ផុនរតនៈ បច្ចុប្បន្នជារដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ។ លោកជាអនាគតកូនប្រសារលោក ម៉ៅ ធនិន អភិបាលខេត្តកំពត។

នៅថ្ងៃទី៥ ខែមិថុនា ឆ្នាំ២០២៥នេះ លោក ឃួន ផុនរតនៈ បានភ្ជាប់ជាមួយកូនស្រីអភិបាលខេត្តកំពត មានឈ្មោះថា ម៉ៅ នរនាថ ធ្វើឡើងក្រោមមេបាចាស់ទុំត្រកូលរាមច្បង ព្រមទាំងភ្ញៀវកិត្តិយសយ៉ាងឱឡារិកតាមប្រពណៃជាតិខ្មែរ៕

អត្ថបទ៖ លីហ្សា រូបភាព៖ The Ring Wedding Cambodai

The post អនាគតកូនប្រសារអភិបាលខេត្តកំពត តែងតាំងជាឯកអគ្គរាជទូតខ្មែរប្រចាំនៅកូរ៉េ appeared first on Millions times.

សម្តេច ហ៊ុន ម៉ាណែត នាយករដ្ឋមន្រ្តី បានគូសបញ្ជាក់ចំពោះអគ្គនាយកដ្ឋានអត្តសញ្ញាណកម្ម​​​ ក្រសួងមហាផ្ទៃ មន្ត្រី និងបុគ្គលិកស្ថានទូតកម្ពុជាប្រចាំនៅកូរ៉េ ព្រមទាំងនិស្សិត និងសហគមន៍ខ្មែរស្ម័គ្រចិត្តទាំងអស់ ដែលបានខិតខំប្រឹងប្រែងរៀបចំ និងសម្របសម្រួលការផ្តល់សេវាលិខិតឆ្លងដែនជូនប្រជាពលរដ្ឋ និងពលករខ្មែរដែលកំពុងស្នាក់នៅ និងធ្វើការនៅក្នុងប្រទេសកូរ៉េ នៅស្ថានទូតកម្ពុជា រហូតឈានសម្រេចបាននូវការបិទបញ្ចប់ដំណើរការនៃការផ្តល់សេវាដោយជោគជ័យគួរជាទីមោទនៈ ហើយដែលពិតជាបានជួយសម្រួលដល់ការលំបាក និងកាត់បន្ថយបន្ទុកចំណាយរបស់ប្រជាពលរដ្ឋ និងពលករយើងនៅក្នុងប្រទេសកូរ៉េបានយ៉ាងច្រើន។

តាមដានជាមួយយើង៖ Million Times

សម្តេចនាយករដ្ឋមន្រ្តីបានឲ្យដឹងថា គិតចាប់តាំងពីពេលបើកដំណើរការនាថ្ងៃទី១០ ខែមករា ឆ្នាំ២០២៤ មកដល់ថ្ងៃទី២ ខែវិច្ឆិកា ឆ្នាំ២០២៤នេះ ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានទទួលពាក្យស្នើសុំផ្តល់លិខិតឆ្លងដែនសរុបចំនួន ៦.២៥២ ច្បាប់ និងបានបើកលិខិតឆ្លងដែនជូនប្រជាពលរដ្ឋ និងពលករខ្មែរបានសរុបចំនួន ៤.៩៧១ នាក់ ។ 

ជាមួយគ្នានេះផងដែរ សម្តេចក៏សូមសម្តែងនូវក្តីរីករាយសាទរចំពោះទំនុកចិត្ត និងភាពកក់ក្តៅរបស់បងប្អូនប្រជាពលរដ្ឋ និងពលករខ្មែររស់នៅក្នុងប្រទេសកូរ៉េ ដែលបានមកទទួលសេវាផ្តល់លិខិតឆ្លងដែននេះ។

ស្ថានទូតខ្មែរប្រចាំប្រទេសកូរ៉េខាងត្បូង កន្លងទៅក៏ធ្លាប់បានជូនដំណឹងពីការបិទបញ្ចប់ការផ្តល់សេវាធ្វើលិខិតឆ្លងដែនធម្មតាដល់ប្រជាពលរដ្ឋ និងពលករខ្មែរធ្វើការនៅប្រទេសកូរ៉េខាងត្បូងម្តងរួចមកហើយកាលពីខែសីហា ដោយបញ្ជាក់ថា រាល់ការស្នើសុំធ្វើលិខិតឆ្លងដែនធម្មតា គឺត្រូវធ្វើដោយផ្ទាល់នៅប្រទេសកម្ពុជា។

ក្រោយការផ្អាកសេវាផ្តល់លិខិតឆ្លងដែនធម្មតាសម្រាប់ពលរដ្ឋ ខ្មែរដែលកំពុងរស់នៅធ្វើការ និងសិក្សានៅប្រទេសកូរ៉េ បានមួយថ្ងៃ ស្ថានទូតកម្ពុជាក៏ប្រកាសបើកដំណើរការឡើងវិញ ចាប់ពីថ្ងៃ​ទី​៤ ខែកញ្ញា ដល់​ថ្ងៃទី​២ ខែវិច្ឆិកា ឆ្នាំ២០២៤។ សេវា​លិខិតឆ្លងដែន​នេះ ផ្ដួចផ្ដើម​​ដោយ​សម្តេចនាយក​រដ្ឋមន្ត្រី ហ៊ុន ម៉ាណែត ត្រូវ​បាន​ដាក់​ឱ្យ​ដំណើរការ​កាល​ពី​ខែ​មករា ដើម្បី​សម្រាល​បន្ទុក​ចំណាយ​លុយ​កាក់ និង​ពេលវេលា​ដោយ​ពួកគេ​ត្រូវ​​ត្រឡប់​មក​កម្ពុជា​វិញ​សម្រាប់​ការបន្ត ឬ​ធ្វើ​​លិខិត​ឆ្លង​ដែន​ថ្មី៕

អត្ថបទ៖ សាងតេជៈ រូបភាព៖ ផេកសម្តេចធិបតី

The post ១០ខែទូតកម្ពុជាប្រចាំនៅកូរ៉េ ទទួលពាក្យស្នើសុំផ្តល់លិខិតឆ្លងដែនសរុបជាង ៦ពាន់ច្បាប់ appeared first on Millions times.