សេដ្ឋីស្រុកខ្មែរ Archives - Millions times

លោកអ្នកឧកញ៉ា ភាព ហៀក និងកូនស្រីបណ្ដូលចិត្តស្លៀកឈុតតែ១ បណ្ដើរគ្នាត្រសងនាថ្ងៃ ៨ មីនា

Vin Chang — Wed, 11 Mar 2026 10:03:45 +0000

កាលពីថ្ងៃ ៨ មីនា ទិវាសិទ្ធិនារីអន្តរជាតិ ក្នុងផ្សារទំនើប Chip Mong 271 សេដ្ឋិនី និងជាស្ថាបនិកក្រុមហ៊ុន ជីប ម៉ុង ព្រមទាំងលោកស្រី លី សុខឆេង ជាកូនពៅនៃគ្រួសារ។

តាមដានជាមួយយើង៖ Million Times

ក្នុងថ្ងៃនោះដែរ ស្ត្រីអ្នកជំនួញទាំងម្ដាយ និងកូន បានស្លៀកពាក់ឈុតដូចគ្នា គឺជាម៉ាក Paul Smith របស់អង់គ្លេស។ សម្លៀកបំពាក់ម៉ាក Paul Smith ដែលធ្វើពីសូត្រពណ៌សយ៉ាងស្រស់ស្អាត រម្យទម និងស័ក្ដិសមជាមួយអភិជនជាន់ខ្ពស់។

ម្ដាយកូន និងជាថ្នាក់ដឹកនាំជាន់ខ្ពស់នៃក្រុមហ៊ុន ជីប ម៉ុង តែងតែធ្វើរឿងដែលកក់ក្ដៅច្រើនរួមគ្នាកន្លងមក ហើយនាថ្ងៃពិសេសនានាក៏បង្ហាញពីរូបភាពគំរូក្នុងក្រុមគ្រួសារឲ្យមហាជនបានឃើញពីក្ដីស្រលាញ់គ្មានអ្វីអាចកាត់ថ្លៃបាន នៃកូនស្រី និងម្ដាយ។

អាវសលាយរូបចម្រុះរបស់ Paul Smith ដែលលោកអ្នកឧកញ៉ា ភាព ហៀក និងលោកស្រី លី សុខឆេង អគ្គនាយិកា នៃក្រុមហ៊ុន ជីប ម៉ុង រីថែល ពាក់មានតម្លៃ ៦៣២ ដុល្លារ។ គួរបញ្ជាក់ថាម្ដាយកូនអ្នកទាំង ២ ឧស្សាហ៍ស្លៀកឈុតស្រដៀងគ្នាមិនថាបុរាណ ឬសម័យ តាមកម្មវិធីមួយចំនួន និងការថតរូបជុំគ្រួសារ៕

អត្ថបទ៖ឆដា,រូបភាព៖ Chip Mong 271 Mega Mall

The post លោកអ្នកឧកញ៉ា ភាព ហៀក និងកូនស្រីបណ្ដូលចិត្តស្លៀកឈុតតែ១ បណ្ដើរគ្នាត្រសងនាថ្ងៃ ៨ មីនា appeared first on Millions times.

ឈុត Dior ពណ៌សរបស់ថៅកែស្រាបៀហ្គ្រីតអ្នកឧកញ៉ា សុខ សុភាព ក្នុងថ្ងៃសម្ពោធផលិតផលថ្មី

Vin Chang — Tue, 10 Mar 2026 09:52:58 +0000

អគ្គនាយិកាក្រុមហ៊ុនឆេមពាន គ្រុប គឺអ្នកឧកញ៉ា សុខ សុភាព ថ្មីៗនេះទើបបង្ហាញវត្តមានក្នុងកម្មវិធីមួយរបស់ក្រុមហ៊ុន និងបានជ្រើសសម្លៀកបំពាក់យ៉ាងប្រណីត ហើយក៏ជាម៉ាកកម្រផងដែរ។

តាមដានជាមួយយើង៖ Million Times

អ្នកឧកញ៉ា សុខ សុភាព បានចូលរួមបង្ហាញផលិតផលថ្មីនៃក្រុមហ៊ុនឆេមពាន គ្រុប ដោយបានស្លៀកសម្លៀកបំពាក់ម៉ាក Dior ដែលមានតម្លៃរាប់ពាន់ដុល្លារ។ ក្នុងនោះដែល CEO ស្រីវ័យក្មេងបានដើរទស្សនាខ្សែសង្វាក់ផលិតកម្មនៃផលិតផលរសជាតិ ហ្គ្រីតឡាយ៍ នៅរោងចក្រ អ៊ីនធឺ-ម៉ាតទ្រីដ បេវើរីជ របស់ក្រុមហ៊ុន ឆេមពាន គ្រុប។

របៀបក្នុងការជ្រើសរើសឈុតសអាវក្រៅ និងសំពត់ Dior របស់អ្នកឧកញ៉ា សុខ សុភាព ពិតជាមានរសនិយមខ្ពស់ខ្លាំងណាស់ ដោយមានបន្ថែមអាវពីខាងក្នុងមួយជាន់ទៀត។

សម្រាប់ឈុត Dior ពណ៌សរបស់ថៅកែស្រាបៀហ្គ្រីតអ្នកឧកញ៉ា សុខ សុភាព តម្លៃអាវ និងសំពត់បែងចែកដាច់ពីគ្នា។ ពោលអាវ Dior Fitted Jacket Ecru Millefiori មានតម្លៃ ៥ ៤០០ ដុល្លារ និងសំពត់ Dior Mid-Length Flared Skirt Ecru Millefiori ៤ ៤០០ ដុល្លារ។

ចំណែកគ្រឿងអលង្ការវិញ អ្នកឧកញ៉ា សុខ សុភាព ពាក់ចិញ្ចៀន និងក្រវិលពេជ្រ ដើម្បីឲ្យស៊ីគ្នាជាមួយនឹងឈុត Dior។ គួរបញ្ជាក់ថា គឺអ្នកឧកញ៉ា សុខ សុភាព ថ្មីៗនេះទើបបង្ហាញវត្តមានក្នុងទើបតែឡើងភូមិគ្រឹះដ៏ធំស្កឹមស្កៃកាលពីចុងខែកុម្ភៈកន្លេងទៅថ្មីៗ៕

អត្ថបទ៖ ឆដា, រូបភាព៖ GREET Beer

The post ឈុត Dior ពណ៌សរបស់ថៅកែស្រាបៀហ្គ្រីតអ្នកឧកញ៉ា សុខ សុភាព ក្នុងថ្ងៃសម្ពោធផលិតផលថ្មី appeared first on Millions times.

អ្នកឧកញ៉ា គិត ម៉េង និងគ្រួសារ បរិច្ចាគថវិកាជួយដល់ជនភៀសសឹក ២ លានដុល្លារបន្ថែមទៀត

Vin Chang — Tue, 16 Dec 2025 14:25:40 +0000

អ្នកឧកញ៉ា គិត ម៉េង និងក្រុមគ្រួសារ បានបរិច្ចាគថវិកាបន្ថែមទៀត ជួយដល់ជនភៀសសឹក ២ លានដុល្លារ ហើយសប្ដាហ៍មុនក៏ប្រធាន និងនាយកប្រតិបត្តិ នៃក្រុមហ៊ុន រ៉ូយ៉ាល់ គ្រុបបរិច្ចាគ ២ លានដុល្លាររួចមកហើយដែរ។

តាមដានជាមួយយើង៖ Million Times

ធ្វើឲ្យការបរិច្ចាគរបស់អ្នកឧកញ៉ា គិត ម៉េង មកដល់ពេលនេះកើនដល់ ៤លានដុល្លារ ដោយមិនរាប់បញ្ចូលតាមអង្គភាពផ្សេងៗនោះទេ។

ក្រុមហ៊ុន រ៉ូយ៉ាល់ គ្រុប បញ្ជាក់សារជាថ្មីនូវការប្តេជ្ញាចិត្តជាមួយនឹងជំនួយមនុស្សធម៌ចំនួន ៤ លានដុល្លារ សម្រាប់គ្រួសារជនភៀសសឹកដែលរងផលប៉ះពាល់ពីជម្លោះព្រំដែន។

គួរបញ្ជាក់ផងដែរថា ក្រុមហ៊ុន រ៉ូយ៉ាល់ គ្រុប តែងតែរួបរួមជាមួយប្រជាជនកម្ពុជាក្នុងគ្រាដ៏លំបាក។ តាមរយៈការបរិច្ចាគជាបន្តបន្ទាប់ក្នុងខែធ្នូនេះ ជំនួយមនុស្សធម៌សរុបដែលផ្ដួចផ្ដើមដោយអ្នកឧកញ៉ា គិត ម៉េង ប្រធាន និងជាអគ្គនាយកប្រតិបត្តិនៃក្រុមហ៊ុន រ៉ូយ៉ាល់ គ្រុប ឈានដល់ ៤ លានដុល្លារ ដើម្បីជួយដល់ក្រុមគ្រួសារដែលជម្លៀសខ្លួន ដោយសារជម្លោះព្រំដែនថ្មីៗនេះ។

នៅថ្ងៃទី១៦ ខែធ្នូ ឆ្នាំ២០២៥ ក្រុមហ៊ុនបុត្រសម្ព័ន្ធ របស់ក្រុមហ៊ុន រ៉ូយ៉ាល់ គ្រុប នោះគឺ ក្រុមហ៊ុន Royal Group Phnom Penh SEZ និងធនាគារ JTrust Royal Bank បានចូលរួមបរិច្ចាគចំនួន ១ លានដុល្លារ ក្នុងមួយក្រុមហ៊ុន បន្ទាប់ពីការបរិច្ចាគមុនចំនួន ២ លានដុល្លារ របស់អ្នកឧកញ៉ា គិត ម៉េង ដែលសរុបទាំងអស់ ៤ លានដុល្លារពីក្រុមហ៊ុន រ៉ូយ៉ាល់ គ្រុប ទាំងមូល។

ជិត១០ថ្ងៃនៃសង្រ្គាមនៅតាមព្រំដែនកម្ពុជា-ថៃ បាននឹងកំពុងផ្ទុះឡើង ធ្វើឲ្យជនភៀសឹកនៅពេលនេះកើនដល់ប្រមាណ ៥០ ម៉ឺននាក់ហើយ៕

អត្ថបទ៖ ឆដា, រូបភាព៖ Royal Group of Companies

The post អ្នកឧកញ៉ា គិត ម៉េង និងគ្រួសារ បរិច្ចាគថវិកាជួយដល់ជនភៀសសឹក ២ លានដុល្លារបន្ថែមទៀត appeared first on Millions times.

អ្នកឧកញ៉ា ម៉ុង ឫទ្ធី ចាត់ចែងក្រុមការងារយកសាច់ជ្រូកជាង ១ តោន សម្រាប់ផ្គត់ផ្គង់ដល់ជនភៀសសឹក

Vin Chang — Tue, 16 Dec 2025 06:11:04 +0000

អ្នកឧកញ៉ា ម៉ុង ឫទ្ធី ស្ថាបនិកនៃក្រុមហ៊ុន Mong Rithy Group Ltd បានចាត់ចែងក្រុមកម្លាំងការងារចុះទៅជួយដល់ជនភៀសសឹក ដែលបានបង្ខំចិត្តចាកចេញពីផ្ទះសម្បែង ព្រោះត្រូវសៀមឈ្លានពាន។

តាមដានជាមួយយើង៖ Million Times

ដោយមើលឃើញពីទុក្ខលំបាកនៃប្រជាពលរដ្ឋភៀសសឹក កាលពីថ្ងៃ ១៥ ខែធ្នូ កន្លងទៅអ្នកឧកញ៉ា ម៉ុង ឫទ្ធី បានបញ្ជាឲ្យក្រុមការងារយកសាច់ជ្រូកជាង ១ តោន ដឹកទៅជំរំជនភៀសសឹកនៅខេត្តបន្ទាយមានជ័យ។

សេដ្ឋីផ្នែកកសិកម្មប្រចាំស្រុកខ្មែររូបនេះ បានចាត់ចែងក្រុមការងារដឹកជញ្ជូនជ្រូកសាច់ សម្រាប់ធ្វើអាហារចំនួន ១ ២០០ គីឡូក្រាម។ ដោយមានលោក ស្ទីវហាយដិ ជាប្រធានសមាគមផ្ដល់ភាពញញឹមកម្ពុជា បានផ្ដល់អង្ករ ១២ តោន សម្រាប់ចែកជូនដល់ជនភៀសសឹក ១ ២០០ គ្រួសារ ស្មើនឹង ៦ ៥០០ នាក់ នៅវត្តសូរីយ៉ារាម ភូមិជើង ឃុំកូប ស្រុកអូរជ្រៅ ខេត្តបន្ទាយមានជ័យ។

ស្ថាបនិកនៃក្រុមហ៊ុន ម៉ុង ឫទ្ធី បានបន្តឲ្យដឹងទៀតថា មុនពេលលោក ស្ទីវហាយដិ ជាប្រធានសមាគមផ្ដល់ភាពញញឹមកម្ពុជា មុនចែកអំណោយ ៣០ នាទី យន្តហោះ F-16 របស់សៀមឈ្លានពាន បានហោះកាត់ និងទម្លាក់គ្រាប់បែកនៅជិតទីតាំងចែកអំណោយ បង្កការភ្ញាក់ផ្អើលដល់ប្រជាពលរដ្ឋ ជាពិសេសជនភៀសសឹក។

ចាប់តាំងពីមានការឈ្លានពានពីសំណាក់សៀមមកលើកម្ពុជា អ្នកឧកញ៉ា ម៉ុង ឫទ្ធី និងគ្រួសារមិនដែលនៅស្ងៀមឡើយ។ អ្នកឧកញ៉ា បានចូលរួមសកម្មភាពជាច្រើនទាំងការចូលរួមបុណ្យសពវីរកងទ័ពខ្មែរដែលបានពលីនៅសមរភូមិ និងចាត់ចែងជំនួយផ្សេងៗ ដើម្បីជួយដល់រាជរដ្ឋាភិបាល និងប្រជាពលរដ្ឋភៀសសឹក។

ប្រធានគណៈកម្មការផែនការ វិនិយោគ កសិកម្ម រុក្ខាប្រមាញ់នេសាទ អភិវឌ្ឍន៍ជនបទ បរិស្ថាន ធនធានទឹក និងឧតុនិយមនៃព្រឹទ្ធសភា (គណៈកម្មការទី៣នៃព្រឹទ្ធសភា) ក៏បានចូលរួមជាថវិកាច្រើនដងហើយ តាំងពីសៀមឈ្លានពានខែកក្កដា ម្ល៉េះ៕

អត្ថបទ៖ ឆដា, រូបភាព៖ ឯកឧត្តមបណ្ឌិត ម៉ុង ឫទ្ធី

The post អ្នកឧកញ៉ា ម៉ុង ឫទ្ធី ចាត់ចែងក្រុមការងារយកសាច់ជ្រូកជាង ១ តោន សម្រាប់ផ្គត់ផ្គង់ដល់ជនភៀសសឹក appeared first on Millions times.

អ្នកជំនួញស្រ្តីល្បី ២ រូប និងជាមិត្តប្រធានសមាគមសិល្បករ ចូលរួមបរិច្ចាគជួយដល់ជនភៀសសឹក

Vin Chang — Fri, 12 Dec 2025 09:36:36 +0000

អ្នកជំនួញស្ត្រីដែលជាអ្នកជំនិតស្គាល់គ្នាជិតស្និទ្ធជាមួយសេដ្ឋិនី ម៉ៅ ចំណាន ស្រាប់ បាន ចូលរួមបរិច្ចាគថវិកាមួយចំនួនជួយដល់វីរកងទ័ព និងជនភៀសសឹក តាមរយៈសមាគមសិល្បករខ្មែរ។

តាមដានជាមួយយើង៖ Million Times

ក្នុងនោះមានលោកស្រី ឆាយ លក្ខិណា ដ៏ស្រស់ស្អាត ហើយជាថៅកែហាងគ្រឿងអលង្ការ LukFook Jewellery។ លោកស្រី ជាដៃគូយល់ចិត្ត និងតែងតែគាំទ្រគ្នាទៅវិញទៅមកជាមួយលោកជំទាវអ្នកឧកញ៉ា ម៉ៅ ចំណាន ហើយក៏ជាប្រធានសមាគមសិល្បករខ្មែរ។

ចំណែកមិត្តរួម និងប្រៀបដូចជាគ្រួសារម្នាក់ទៀតរបស់ប្រធានសមាគមសិល្បករខ្មែរ គឺអគ្គនាយកក្រុមហ៊ុន PTC Computer អ្នកឧកញ៉ា តាំង វួចឡាយ ហើយថ្មីៗនេះដែរ លោកអ្នកឧកញ៉ា ម៉ៅ ចំណាន ទើបតែជាអ្នកដឹកដៃឲ្យកូនស្រីក្នុងថ្ងៃមង្គលការផងដែរ។

ដោយថៅកែស្រីនៃហាង LukFook Jewellery និងស្វាមីបានបរិច្ចាគថវិកា ១ ០០០ ដុល្លារ រីឯអ្នកឧកញ៉ា តាំង វួចឡាយ ព្រមទាំងស្វាមីបានបរិច្ចាគថវិកា ១០ លាន រៀល ដើម្បីជួយដល់វីរកងទ័ព និងជនភៀសសឹក តាមរយៈសមាគមសិល្បករខ្មែរ ដែលមានសេដ្ឋិនី ម៉ៅ ចំណាន ជាប្រធាន។

គួរបញ្ជាក់ថា ទាំងលោកស្រី ឆាយ លក្ខិណា និង អគ្គនាយកក្រុមហ៊ុន PTC Computer ជាស្រ្តីដែលតែងតែជួយដល់សង្គមជាតិតាមរយៈមូលនិធិផ្សេងៗ៕

អត្ថបទ៖ ឆដា, រូបភាព៖ សមាគមសិល្បករខ្មែរ និង The Ring Wedding Cambodia

The post អ្នកជំនួញស្រ្តីល្បី ២ រូប និងជាមិត្តប្រធានសមាគមសិល្បករ ចូលរួមបរិច្ចាគជួយដល់ជនភៀសសឹក appeared first on Millions times.

ថៅកែបុរីមេគង្គ លែន ឧបត្ថម្ភថវិកា ៥ ម៉ឺនដុល្លារ តាមរយៈសមាគមសិល្បករខ្មែរ

Vin Chang — Fri, 12 Dec 2025 07:38:54 +0000

អ្នកឧកញ៉ា ជាម ឃុនណាត ប្រធានក្រុមប្រឹក្សាភិបាល ក្រុមហ៊ុនបុរី មេគង្គលែន និងក្រុមហ៊ុន ខេ អិន អិន គ្រុប និងភរិយា បានចូលរួមឧបត្ថម្ភថវិកា ៥ ម៉ឺនដុល្លារ ជួយដល់វីរកងទ័ព និងជនភៀសសឹក តាមរយៈសមាគមសិល្បករខ្មែរ ដែលមានលោកអ្នកឧកញ៉ា ម៉ៅ ចំណាន ជាប្រធាន។

តាមដានជាមួយយើង៖ Million Times

ទឹកចិត្តសប្បុរសដ៏មានតម្លៃនេះ មិនត្រឹមតែជាជំនួយសម្រាលការលំបាកមួយគ្រាប៉ុណ្ណោះទេ ប៉ុន្តែជាការឆ្លុះបញ្ចាំងជាក់ស្ដែងនៃស្មារតីសាមគ្គីជាតិ ក្តីស្រឡាញ់មាតុភូមិ និងការយកចិត្តទុកដាក់លើអាយុជីវិតរបស់ជនរងគ្រោះដែលជាខ្មែរតែមួយ។

អ្នកឧកញ៉ា ជាម ឃុនណាត ប្រធានក្រុមប្រឹក្សាភិបាល ក្រុមហ៊ុនបុរី មេគង្គលែន និងក្រុមហ៊ុន ខេ អិន អិន គ្រុប កាលពីខែកក្កដា ឆ្នាំ ២០២៥ កន្លងទៅក៏បានឧបត្ថម្ភថវិកាជូនវីរកងទ័ពជួរមុខការពារបូរណភាពទឹកដីកម្ពុជាយើង ៥៣ ៦១១ដុល្លារ និង ៥០ លានរៀល។ ដោយការឧបត្ថម្ភថវិកា ៥៣ ៦១១ ដុល្លារ និង ៥០ លានរៀលនោះធ្វើឡើងចំនួន ៣ លើក។

អ្នកឧកញ៉ា ជាម ឃុនណាត កន្លងមកតែងតែបរិច្ចាគ ឧបត្ថម្ភ និងគាំទ្រដល់យុទ្ធនាការផ្សេងៗរបស់រាជរដ្ឋាភិបាលកម្ពុជា ក៏ដូចជាកិច្ចការងារមនុស្សធម៌ជួយដល់សង្គមជាតិ។

គួរបញ្ជាក់ផងដែរថា បុរីមេគង្គ លែន ក៏បានបង្កើតមូលនិធិ ដើម្បីបន្តគាំទ្រដល់វីរកងទ័ពខ្មេរ និងប្រជាជនខ្មែរដែលបានភៀសសឹក។ គិតចាប់ពីថ្ងៃ១០ ខែធ្នូ រហូតមកដល់ថ្ងៃទី១១ ខែធ្នូ បុរី មេគង្គ លែន ទទួលបានថវិកាសរុប ៥០០០ រៀល និង ១៣ ១១៧.៥៧ ដុល្លារ៕

អត្ថបទ៖ ឆដា, រូបភាព៖ Mekong Land

The post ថៅកែបុរីមេគង្គ លែន ឧបត្ថម្ភថវិកា ៥ ម៉ឺនដុល្លារ តាមរយៈសមាគមសិល្បករខ្មែរ appeared first on Millions times.

លោកអ្នកឧកញ៉ាបណ្ឌិត ពុង ឃាវសែ ចូលរួមឧបត្ថម្ភថវិកា ៣ លានដុល្លារ

Vin Chang — Wed, 10 Dec 2025 09:46:02 +0000

លោកអ្នកឧកញ៉ា ពុង ឃាវសែ (ធនាគារកាណាឌីយ៉ា) បានប្រកាសចូលរួមឧបត្ថម្ភថវិកា ៣ លានដុល្លារ ជួយដល់កងទ័ពជួរមុខកម្ពុជា ដែលឈរជើងនៅបណ្ដោយព្រំដែនកម្ពុជា-ថៃ និងជនភៀសសឹក តាមរយៈសម្ដេចតេជោ ហ៊ុន សែន។

តាមដានជាមួយយើង៖ Million Times

ការចូលរួមឧបត្ថម្ភថវិការបស់ លោកអ្នកឧកញ៉ាបណ្ឌិត ពុង ឃាវសែ ៣ លានដុល្លារនេះ សម្រាប់ជួយទ្រទ្រង់កងទ័ពដែលបានឈរពាំងនៅចំពោះមុខសត្រូវដោយមិនខ្លាចញញើត។ មួយចំណែកទៀត គឺដើម្បីជួយដល់ប្រជាជនដែលបានរត់គេចពីគ្រាប់កាំភ្លើង ទាំងគ្មានអ្វីនៅក្នុងខ្លួន។

គួរបញ្ជាក់ថា កាលពីថ្ងៃ ៩ ខែធ្នូ ឆ្នាំ ២០២៥ កន្លងទៅសម្ដេចតេជោ ហ៊ុន សែន ថ្លែងអំពាវនាវប្រជាពលរដ្ឋទាំងអស់ ឲ្យចូលរួមស្ម័គ្រចិត្តឧបត្ថម្ភដល់កងទ័ព ដើម្បីបង្ហាញពីភាពរួបរួមសាមគ្គីគ្នា ជាធ្លុងមួយនៃខឿនការពារជាតិរបស់កម្ពុជា។

ក្រោយសម្ដេចតេជោ ហ៊ុន សែន អំពាវនាវក្រុមហ៊ុនធំៗជាច្រើនក្នុងស្រុកខ្មែរបានចូលរួមយ៉ាងសស្រាក់សស្រាំខ្លះ ១ លានដុល្លារ, ២ លានដុល្លារ និង ៣ លានដុល្លារ ជាដើម។

លោកអ្នកឧកញ៉ា ជាអ្នកជំនួញបានចាប់ផ្ដើមអាជីពធនាគាររបស់ក្នុងទសវត្សរ៍ឆ្នាំ ១៩៩០ ដោយបានបើកដំណើរការធនាគារកាណាឌីយ៉ា និងរួមចំណែកក្នុងការស្ថាបនាឡើងវិញវិស័យហិរញ្ញវត្ថុរបស់ប្រទេស។ នៅឆ្នាំ ២០០០ គាត់បានបង្កើត អូស៊ីអាយស៊ី គ្រុប (OCIC) ដោយពង្រីកទៅលើវិស័យអចលនទ្រព្យ និងហេដ្ឋារចនាសម្ព័ន្ធ ដែលការអភិវឌ្ឍរបស់លោកបានដើរតួនាទីយ៉ាងសំខាន់ក្នុងកំណើនសេដ្ឋកិច្ចកម្ពុជា៕

អត្ថបទ៖ ឆដា, រូបភាព៖ OCIC និងអ៊ីនធឺណេត

The post លោកអ្នកឧកញ៉ាបណ្ឌិត ពុង ឃាវសែ ចូលរួមឧបត្ថម្ភថវិកា ៣ លានដុល្លារ appeared first on Millions times.

ក្រុមហ៊ុនធំៗជាច្រើនរួមគ្នាជួយឧបត្ថម្ភថវិកា ដល់កងទ័ពឈរជើងនៅព្រំដែន និងជនភៀសសឹក

Vin Chang — Wed, 10 Dec 2025 03:44:46 +0000

នៅព្រឹកនេះក្រុមហ៊ុនធំៗបានស្រាក់ដៃគ្នាល្អណាស់ ដោយបានចូលរួមថវិកា ឧបត្ថម្ភជួយដល់កងទ័ពឈរជើងនៅព្រំដែនកម្ពុជា-ថៃ ព្រមទាំងជនភៀសសឹកជាច្រើនម៉ឺននាក់។ ក្នុងនោះមានជីប ម៉ុង គ្រុប, រ៉ូយ៉ាល់ គ្រុប និងបុរីពិភពថ្មីជាដើម។

១. ជីប ម៉ុង ឧបត្ថម្ភថវិកា ៣ ០០០ ០០០ដុល្លារ អង្ករ ៣០០ តោន ទឹកពិសាកម្ពុជា១.៥លីត្រ ៣០ ០០០កេស ជួយដល់កងទ័ពជួរមុខកម្ពុជា ដែលឈរជើងនៅបណ្ដោយព្រំដែនកម្ពុជា-ថៃ និងជនភៀសសឹក។

តាមដានជាមួយយើង៖ Million Times

២. អ្នកឧកញ៉ា ហុង ពីវ ម្ចាស់បុរី ពិភពថ្មី ប្រកាសចូលរួមឧបត្ថម្ភ ២ លានដុល្លារ ក្នុងនោះ ១លានដល់កងទ័ពជួរមុខ និង១លានដុល្លារ ដល់ជនភៀសសឹក តាមរយៈ សម្ដេចតេជោ ហ៊ុន សែន។

៣. ក្រុមហ៊ុន រ៉ូយ៉ាល់ គ្រុប របស់អ្នកឧកញ៉ា គិត ម៉េង ឧបត្ថម្ភថវិកា ២ លានដុល្លារ ដល់ជនភៀសសឹក តាមរយៈសម្ដេចតេជោ ហ៊ុន សែន។

៤.ក្រុមហ៊ុន ប៉េងហួតគ្រុប បានប្រកាសចូលរួមឧបត្ថម្ភថវិកាសរុប ២ លានដុល្លារ ដោយក្នុងនោះ ១ លានដុល្លារ សម្រាប់ជួយដល់កងទ័ពជួរមុខ និង ១ លានដុល្លារ ជូន ដល់ជនភៀសសឹក តាមរយៈសម្តេចតេជោ ហ៊ុន សែន។

មិនមែនមានតែក្រុមហ៊ុន ៤ នេះទេ នៅមានក្រុមហ៊ុនជាច្រើនទៀត បានចូលរួមជួយសម្រួលទុក្ខលំបាករបស់ជនភៀសសឹកខ្មែរ ដែលត្រូវបង្ខំចិត្តចាកចេញពីផ្ទះសម្បែង ដើម្បីគេចចេញពីការបាញ់ប្រហាររបស់ទ័ពសៀម៕

អត្ថបទ៖ ឆដា, រូបភាព៖ អ៊ីនធឺណែត

The post ក្រុមហ៊ុនធំៗជាច្រើនរួមគ្នាជួយឧបត្ថម្ភថវិកា ដល់កងទ័ពឈរជើងនៅព្រំដែន និងជនភៀសសឹក appeared first on Millions times.

មង្គលការដ៏អស្ចារ្យនាចុងឆ្នាំនេះ រវាងកូនសេដ្ឋី អ៊ឹង ស៊ីវឈន់ និងសែរាជវង្សទ្រង់ ពង្ស់សូរិយា ល្បីដល់អឺរ៉ុប

Vin Chang — Wed, 03 Dec 2025 09:51:31 +0000

មង្គលការរបស់កូនប្រុសសហស្ថាបនិកក្រុមហ៊ុន អាយអិនជី ហូលឌីង លោក អ៊ឹង ស៊ីវឈន់ និងព្រះនាងខ្មែរ នរោត្តម ពង្ស់សូរិយា បានល្បីសុះសាយទៅដល់សារព័ត៌មានបរទេស ព្រោះភាពអស្ចារ្យដែលកម្រ។

តាមដានជាមួយយើង៖ Million Times

ទស្សនាវដ្ដី Point de vue បានចុះផ្សាយពីមង្គលការដ៏ធំនោះថា “ពិធីរៀបអភិសេករបស់ទ្រង់ នរោត្តម ពង្ស់សូរិយា ក្មួយស្រីរបស់ព្រះមហាក្សត្រកម្ពុជា” ដែលនេះជាចំណង់ជើងច្បាស់ៗតែម្ដង។

ទស្សនាវដ្ដីបារាំងខាងលើបានសរសេររ៉ាយរ៉ាប់ទៀតថា “ព្រះអង្គម្ចាស់ក្សត្រិយ៍ នរោត្តម ព្សង់សូរិយា និងពាណិជ្ជករ អ៊ឹង ស៊ីវឈន់ បានប្រារព្ធពិធីមង្គលការ កាលពីសប្ដាហ៍មុន ដែលរួមបញ្ចូលគ្នានូវប្រពៃណី និងទំនើបកម្ម។ ពិធីជប់លៀង កម្សាន្តសប្បាយ និងការតុបតែងលំអពោរពេញទៅដោយពណ៌មាស… ប្ដីប្រពន្ធមួយគូនេះ បានរៀបចំពិធីមង្គលការយ៉ាងអធិកអធម ដោយមានការថ្វាយព្រះពរ ពីព្រះបាទ នរោត្តម សីហមុនី“។

Point de vue បានបន្តទៀតថា “ពិធីមង្គលការអ្នកទាំង២ នេះបានប្រព្រឹត្តទៅក្នុងរយៈពេលជាច្រើនថ្ងៃរួមបញ្ចូលទាំងពិធីផ្សេងៗគ្នា។ ទី១ ពិធីជប់លៀងមុនអាពាហ៍ពិពាហ៍ បន្ទាប់មកពិធីមង្គលការតាមប្រពៃណីខ្មែរ ព្រះរាជពិធីថ្វាយព្រះពរពីព្រះមហាក្សត្រ និងចុងក្រោយ ពិធីជប់លៀងបែបបស្ចិមប្រទេស រួមមានការច្រៀងរាំកម្សាន្ត”។

ក្រៅពីកម្មវិធីអាពាហ៍ពិពាហ៍ Point de vue ក៏បានចុះផ្សាយពីជីវប្រវត្តិសិក្សារបស់ព្រះអង្គម្ចាស់ក្សត្រិយ៍ នរោត្តម ពង្ស់សូរិយា ដែលបានបញ្ចប់ការសិក្សានៅមហាវិទ្យាល័យនៅសាធារណរដ្ឋប្រជាមានិតចិន។

ក្រៅពី ទស្សនាវដ្ដី Point de vue បារាំង ក៏មានឆាណែល YouTube អេស្ប៉ាញ Royals al Dí បានផ្សាយពីមង្គលការកូនប្រុសអ្នកឧកញ៉ា អ៊ឹង ប៊ុនហ៊ូវ សហស្ថាបនិកក្រុមហ៊ុន អាយអិនជី ហូលឌីង គឺលោក អ៊ឹង ស៊ីវឈន់ ដែលជាសហគ្រិនវ័យក្មេងកាន់ក្រុមហ៊ុនច្រើន និងព្រះនាង សូរិយា ក្មួយស្រីមហាក្សត្រខ្មែរនាពេលបច្ចុប្បន្ន ដែលបានរៀបមង្គលការធំអស្ចារ្យ កាលពីពេលថ្មីៗនេះ។

Royals al Dí បានចុះផ្សាយដែលមានន័យសង្ខេបថា “ពិធីរៀបអភិសេករបស់ព្រះអង្គម្ចាស់ក្សត្រិយ៍ នរោត្តម ពង្ស់សូរិយា បានក្លាយជាចំណុចរបត់មួយសម្រាប់រាជវង្សកម្ពុជា។ ប្រពៃណី ភាពប្រណិត រចនាបថ និងភាពអស្ចារ្យជាច្រើនទៀត បានមករួមគ្នា ដើម្បីបង្កើតពិធីមង្គលការមួយដែលត្រូវបានចាត់ទុកថាជានិមិត្តរូបបំផុតប្រចាំឆ្នាំនៅអាស៊ី៕

អត្ថបទ៖ ឆដា, រូបភាព៖ Soriya Norodom និង Seav Chhuon Ing

The post មង្គលការដ៏អស្ចារ្យនាចុងឆ្នាំនេះ រវាងកូនសេដ្ឋី អ៊ឹង ស៊ីវឈន់ និងសែរាជវង្សទ្រង់ ពង្ស់សូរិយា ល្បីដល់អឺរ៉ុប appeared first on Millions times.

លោកស្រី ហេង សុខា ភរិយាសេដ្ឋី អ៊ឹង ប៊ុនហ៊ូវ ស្លៀកឈុតប្រេន Jenny Packham តម្លៃជាង ៦ ពាន់ដុល្លារ

Vin Chang — Tue, 02 Dec 2025 07:04:01 +0000

លោកស្រី ហេង សុខា ភរិយាសេដ្ឋី អ៊ឹង ប៊ុនហ៊ូវ សហស្ថាបនិកក្រុមហ៊ុន អាយអិនជី ហូលឌីង នាថ្ងៃមង្គលការកូនប្រុសទី៣ អ៊ឹង ស៊ីវឈន់ កន្លងទៅថ្មីៗនេះ បានធ្វើឲ្យភ្ញៀវចូលរួម ក៏ដូចជាអ្នកតាមដានលើបណ្ដាញសង្គមពីកម្មវិធីធំប្រចាំឆ្នាំ ដែលសែរាជវង្សបានផ្សាសាច់ផ្សាឈាមជាមួយគ្រួសារជំនួញ លាន់មាត់សរសើរ។

តាមដានជាមួយយើង៖ Million Times

ភរិយាឯករបស់សេដ្ឋីលំដាប់ជួរមុខស្រុកខ្មែរទៅហើយ ការរៀបចំតុបតែងខ្លួនថ្ងៃសិរីជ័យមង្គលកូនប្រុសទៀតនោះ ពិតជាមិនអាចឲ្យធម្មតាៗបានឡើយ។ ដោយលោកស្រី សុខា បានបង្ហាញពីភាពអស្ចារ្យ តាមរយៈសម្លៀកបំពាក់បុរាណ អមជាមួយគ្រឿងពេជ្រ គជ់ខ្យង និងត្បូងទទឹម ត្បូង ធំៗចែងចាំងភ្នែក។

មង្គលការកូនប្រុសរយៈពេល ២ថ្ងៃ លោកស្រីបានផ្លាស់ប្ដូរឈុតសម្លៀកបំពាក់បុរាណ ដែលច្នៃពីហូលផាមួងប្រណីតរបស់ខ្មែរច្រើនឈុត ហើយគ្រឿងអលង្ការក៏បានដូរម៉ូដរហូតដែរ ដើម្បីឲ្យស៊ីជាមួយពណ៌សម្លៀកបំពាក់។

ចំណែកនាល្ងាចកម្មវិធីមង្គលការកូនប្រុសជាមួយព្រះអង្គម្ចាស់ក្សត្រិយ៍ នរោត្តម ពង្ស់សូរិយា អ្នកម្ដាយកូនកំលោះបានគ្រងឈុតដ៏ប្រណីតនៃប្រេន Jenny Packham ពណ៌ឈាមជ្រូកហើយក៏ជាម៉ូដដែលលក់អស់ពីស្ដុកផងដែរ។

រ៉ូបប្រេន Jenny Packham ពណ៌ក្រហមក្រមៅមានឌិនអង្កាំសុះសាច់រ៉ូបនេះមានតម្លៃ ៦ ៦៥៦ ដុល្លារ។ ចំណែកគ្រឿងពេជ្រវិញក៏ស៊ីនឹងរ៉ូបទៀត ដែលមានទាំងពណ៌ស និងត្បូងពណ៌ក្រហមធំៗ៕

គួរបញ្ជាក់ថា កម្មវិធីមង្គលការ CEO រូបសង្ហាកាន់កាប់ ៥ ក្រុមហ៊ុនក្នុងដៃ អ៊ឹង ស៊ីវឈន់ និងព្រះអង្គម្ចាស់ក្សត្រិយ៍ នរោត្តម ពង្ស់សូរិយា បានបញ្ចប់ទៅដោយភាពស្រស់ស្អាត និងជាការចងចាំនៃមហាជនខ្មែរ៕

អត្ថបទ៖ ឆដា, រូបភាព៖ the ring wedding cambodia, One Memory និង NaThib Makeup Artist

The post លោកស្រី ហេង សុខា ភរិយាសេដ្ឋី អ៊ឹង ប៊ុនហ៊ូវ ស្លៀកឈុតប្រេន Jenny Packham តម្លៃជាង ៦ ពាន់ដុល្លារ appeared first on Millions times.

សេដ្ឋីស្រុកខ្មែរ Archives - Millions times

លោកអ្នកឧកញ៉ា ភាព ហៀក និងកូនស្រីបណ្ដូលចិត្តស្លៀកឈុតតែ១ បណ្ដើរគ្នាត្រសងនាថ្ងៃ ៨ មីនា

ឈុត Dior ពណ៌សរបស់ថៅកែ​ស្រាបៀ​ហ្គ្រីត​អ្នកឧកញ៉ា សុខ សុភាព ក្នុងថ្ងៃសម្ពោធផលិតផលថ្មី

អ្នកឧកញ៉ា គិត ម៉េង និងគ្រួសារ បរិច្ចាគថវិកាជួយដល់ជនភៀសសឹក ២ លានដុល្លារបន្ថែមទៀត

អ្នកឧកញ៉ា ម៉ុង ឫទ្ធី ចាត់ចែងក្រុមការងារយកសាច់ជ្រូក​ជាង ១ តោន សម្រាប់ផ្គត់ផ្គង់ដល់ជនភៀសសឹក

អ្នកជំនួញស្រ្តីល្បី ២ រូប និងជាមិត្តប្រធានសមាគមសិល្បករ ចូលរួមបរិច្ចាគជួយដល់ជនភៀសសឹក

ថៅកែបុរីមេគង្គ លែន ឧបត្ថម្ភថវិកា ៥ ម៉ឺនដុល្លារ​ តាមរយៈសមាគមសិល្បករខ្មែរ

លោកអ្នកឧកញ៉ាបណ្ឌិត ពុង ឃាវសែ ចូលរួមឧបត្ថម្ភថវិកា ៣ លានដុល្លារ

​ក្រុមហ៊ុនធំៗជាច្រើនរួមគ្នាជួយឧបត្ថម្ភ​ថវិកា​ ដល់កងទ័ពឈរជើងនៅព្រំដែន និងជនភៀសសឹក

មង្គលការដ៏អស្ចារ្យនាចុងឆ្នាំនេះ រវាងកូនសេដ្ឋី អ៊ឹង ស៊ីវឈន់ និងសែរាជវង្សទ្រង់ ពង្ស់សូរិយា ល្បីដល់អឺរ៉ុប

លោកស្រី ហេង សុខា ភរិយាសេដ្ឋី អ៊ឹង ប៊ុនហ៊ូវ ស្លៀកឈុតប្រេន Jenny Packham តម្លៃជាង ៦ ពាន់ដុល្លារ

ឈុត Dior ពណ៌សរបស់ថៅកែស្រាបៀហ្គ្រីតអ្នកឧកញ៉ា សុខ សុភាព ក្នុងថ្ងៃសម្ពោធផលិតផលថ្មី

អ្នកឧកញ៉ា ម៉ុង ឫទ្ធី ចាត់ចែងក្រុមការងារយកសាច់ជ្រូកជាង ១ តោន សម្រាប់ផ្គត់ផ្គង់ដល់ជនភៀសសឹក

ថៅកែបុរីមេគង្គ លែន ឧបត្ថម្ភថវិកា ៥ ម៉ឺនដុល្លារ តាមរយៈសមាគមសិល្បករខ្មែរ

ក្រុមហ៊ុនធំៗជាច្រើនរួមគ្នាជួយឧបត្ថម្ភថវិកា ដល់កងទ័ពឈរជើងនៅព្រំដែន និងជនភៀសសឹក