សេដ្ឋីនីអនឡាញ Archives - Millions times

Lifestyle ថៅកែតែសុខភាពសម្រស់ លោកស្រី ប៊ុន ចំរើន ក្រៅពីកាបូបដៃជាង ២ ម៉ឺនដុល្លារ នៅមានប្រេនល្បីៗដទៃទៀត

Vin Chang — Wed, 25 Feb 2026 06:46:08 +0000

នៅលើបណ្ដាញសង្គមមួយរយៈមុនការ ផ្ទុះការភ្ញាក់ផ្អើលព័ត៌មានរបស់ថៅកែតែសុខភាពសម្រស់ លោកស្រី ប៊ុន ចំរើន កាន់កាបូបដៃតម្លៃជាង ២ ម៉ឺនដុល្លារ ក្នុងកម្មវិធីមង្គលការមួយ។

តាមដានជាមួយយើង៖ Million Times

អ្នកជំនួញក្នុងវិស័យអនឡាញរូបនេះ មិនត្រឹមតែពូកែក្នុងការបង្កើតផលិតផលផ្សេងៗឡើយ ការថែរក្សាសម្រស់ និងគ្រួសារក៏លោកស្រីមានភាពប៉ិនប្រសព្វដែរ។ មិនតែប៉ុណ្ណោះរសនិយមក្នុងការតុបតែងខ្លួនរបស់ថៅកែតែសុខភាពសម្រស់ និងហាងផ្កា CM.Decor Flower ដ៏ល្បីនៅខេត្តសៀមរាប ព្រមទាំងមានសាខានៅភ្នំពេញរូបនេះ ដ្បិតថាចូលចិត្តភាពសាមញ្ញ តែមិនថាសម្លៀកបំពាក់ កាបូបស្បែកជើងឡើយ សុទ្ធសឹងជាប្រេនល្បី និងមានតម្លៃថ្លៃ។

បើនិយាយពីការរៀបចំខ្លួនប្រចាំថ្ងៃ លោកស្រី ចំរើន ជ្រើសបែបសុភាពរាបសា និងមើលទៅទន់ភ្លន់ មិនឡូយឆាយបង្ហាញអ្វីលើសលប់ឡើយ។ ផ្ទុយទៅវិញពេលចូលរួមកម្មវិធីណាមួយអ្នកជំនួញធំៗច្រើនក្នុងដៃរូបនេះ តែងរៀបចំខ្លួន សម្លៀកបំពាក់ មុខមាត់ និងសម្ភារយ៉ាងល្អឥតទាស់។

សម្រាប់កាបូបដៃម៉ាកល្បីៗវិញ សហគ្រិនស្ត្រីវ័យក្មេង និងមានរូបសម្រស់ស្រស់ស្អាត ប៊ុន ចំរើន មិនមែនមានតែម៉ាក Louis Vuitton Himalaya Matte Crocodile Leather Capucines MM តម្លៃរាប់សិបម៉ឺនដុល្លារ និងមានកាបូបដៃជាច្រើនទៀត ដូចជា Hermes Mini Kelly ពណ៌លឿង និងពណ៌សជាដើម។ ចំណែករ៉ូបវិញ ម៉ាក Dolce&Gabbana ជាម៉ាកដែលថៅកែស្រី Life Skin ll Cambodia ចូលចិត្តបំផុតដែរ។

គួរបញ្ជាក់ផងដែរថា បើទោះជាមុខជំនួញមមាញឹកយ៉ាងណាក៏លោកស្រីមិនភ្លេចការងារសង្គម ធ្វើសប្បុរសធម៌ជាច្រើនលើកច្រើនសាមកហើយ ពិសេសអំឡុងពេលសៀមឈ្លានពានកម្ពុជា មានទាំងជួយជាស្បៀង និងបរិច្ចាគដល់ទាហានជួរមុខ។ ទន្ទឹមគ្នានេះដែរ លោកស្រីក៏បានចូលរួមកសាងសារមន្ទីរសម្ដេច ពិន សែម នៅវត្តរាជបូណ៌ផងដែរ។ សារមន្ទីរនេះ នឹងក្លាយទីតម្កល់ និងរក្សាទុកវត្ថុសិល្បៈបុរាណ ដែលមាននៅក្នុងវត្តរាជបូណ៌ដែលសម្តេចព្រះព្រហ្មរតនមុនី ពិន សែម ព្រះចៅអធិការវត្ត បានប្រមែប្រមូល និងរក្សាទុកជាង៤០ឆ្នាំមកហើយ៕

អត្ថបទ៖ ឆដា, រូបភាព៖ ផ្ដល់ឲ្យ

The post Lifestyle ថៅកែតែសុខភាពសម្រស់ លោកស្រី ប៊ុន ចំរើន ក្រៅពីកាបូបដៃជាង ២ ម៉ឺនដុល្លារ នៅមានប្រេនល្បីៗដទៃទៀត appeared first on Millions times.

កាបូបដៃ ៣ ម៉ូដ ដែលលោកស្រី លាង ធារ៉ា កាន់ចូលកម្មវិធីមង្គលការអ្នកជំនួញអនឡាញដ៏ល្បីកាលពីពេលថ្មីៗ

Vin Chang — Tue, 24 Feb 2026 08:19:43 +0000

កាលពីចុងសប្ដាហ៍មុនលោកស្រី លាង ធារ៉ា បានចូលរួមមង្គលការអ្នកជំនួញនៅក្នុងវិស័យអនឡាញដូចគ្នា ហើយបានបញ្ចេញនូវកាបូបដៃថ្មីៗរបស់ខ្លួន។ ដោយកម្មវិធីដ៏ធំនោះ ម្ចាស់ ធីអែនអិល គ្រឿងអលង្ការ បានផ្លាស់ប្ដូរឈុតសម្លៀកបំពាក់ប្រពៃណី និងសម័យជាច្រើនឈុត។

តាមដានជាមួយយើង៖ Million Times

មិនតែប៉ុណ្ណោះកាបូបដៃដែលសេដ្ឋិនីរូបស្រស់ និងពូកែក្នុងមុខជំនួញគ្រឿងអលង្ការ ផលិតផលថែរក្សាសម្រស់ លាង ធារ៉ា ប្រើប្រាស់ក្នុងកម្មវិធីមាន ២-៣ ម៉ូដផ្សេងៗគ្នា ហើយសុទ្ធសឹងជាម៉ាកល្បី និងផលិតផលខ្លះមានកំណត់។

លោកស្រី លាង ធារ៉ា បានប្រើប្រាស់កាបូបដៃម៉ាក Chanel ១ និង Dior ២ នាថ្ងៃចូលរួមកម្មវិធីអ្នកជំនួញអនឡាញល្បីឈ្មោះដូចគ្នា កាលពីចុងសប្ដាហ៍មុននោះB។ ក្នុងនោះមាន Mini Lady Dior Bag
Metallic Lambskin and Celestial Green Satin Embroidered with Beads មានអង្កាំពណ៌បៃតងលាយស ដែលមានតម្លៃជាង ៨ ពាន់ដុល្លារ។

ចំណែក Dior មួយម៉ាកទៀត គឺជាកាបូប Dior Lady D-Joy Micro ធ្វើពីក្រណាត់ Latte Satin ប៉ាក់មានគជ់ខ្យងពណ៌ស និងលោហធាតុពណ៌មាស និងមានតម្លៃអាចដល់ខ្ទង់ ៥ ពាន់ដុល្លារ។

រីឯចុងក្រោយគឺ Chanel Pearl Ring Minaudière ស្ថិតនៅក្នុង Collection Fall-Winter 2025/26 ២ដែលមានតម្លៃជាង ៣ ម៉ឺនដុល្លារឯណោះ៕

អត្ថបទ៖ឆដា, រូបភាព៖ T&L Jewelry

The post កាបូបដៃ ៣ ម៉ូដ ដែលលោកស្រី លាង ធារ៉ា កាន់ចូលកម្មវិធីមង្គលការអ្នកជំនួញអនឡាញដ៏ល្បីកាលពីពេលថ្មីៗ appeared first on Millions times.

ម្ចាស់ក្រុមហ៊ុន Sybells Paris សុខ រស្មី ស្អាត រៀបរប ថ្លៃថ្នូរ ក្នុងឈុតប្រពៃណី ស័ក្ដិសមឋានៈ

Vin Chang — Wed, 18 Feb 2026 09:57:54 +0000

រសនិយមក្នុងការរស់នៅប្រចាំថ្ងៃលោកស្រី សុខ រស្មី ចូលចិត្តបែបសាមញ្ញៗ គ្មានភាពរញ៉េរញ៉ៃច្រើនឡើយ។ តែបើថ្ងៃពិសេស ឬមានកម្មវិធីណាមួយនោះម្ចាស់ក្រុម Sybells Paris រូបនេះ ពិតជាមិនធម្មតាឡើយ ទាំងការតុបតែងខ្លួន និងសម្ភារនិយម ធ្វើយ៉ាងណាឲ្យសមនឹងមុខមាត់ ឋានៈក្នុងសង្គម។

តាមដានជាមួយយើង៖ Million Times

ម្ចាស់ក្រុមហ៊ុន Sybells Paris ថ្មីៗនេះចូលរួមកម្មវិធីភ្ជាប់ពាក្យក្មួយប្រុសស្រី លើទឹកដីខេត្តព្រះសីហនុ និងធ្វើឡើងនៅភោជនីយដ្ឋានចាប៉ីយក្សរបស់ប្អូនប្រុសខ្លួនតែម្ដង។ ក្នុងឈុតប្រពៃណីពណ៌មាស អមដោយគ្រឿងអលង្ការពេជ្រ bulgari សេដ្ឋិនីរូបនេះពិតជាស្អាត ស័ក្តិសម នឹងឋានៈ មុខមាត់ក្នុងសង្គម ពិសេសបង្ហាញយ៉ាងច្បាស់ឥទ្ធិពលម្ចាស់ក្រុមហ៊ុន។

មិនអស់ត្រឹមប៉ុណ្ណេះឡើយ លោកស្រី សុខ រស្មី ក៏បានបន្ថែមដោយកាន់កាបូបដៃ Bottega Veneta ពណ៌មាសមួយទៀត ឲ្យសមនឹងឈុតសំពត់បត់ផាមួង អាវប៉ាក់ពណ៌មាសដូចគ្នា។ សម្រាប់កាបូបដៃ Bottega VenetaKnot Minaudiere clutch របស់លោកស្រី សុខ រស្មី កាន់មានតម្លៃជិត ៥ ពាន់ដុល្លារ។

គួរបញ្ជាក់ថាកាលពីខែមករា កន្លងទៅ បានរៀបចំឡើងភូមិគ្រឹះយ៉ាងធំស្កឹមស្កៃ ដែលមានតម្លៃរាប់លានដុល្លារ និងមានតែងគ្រឿងសង្ហារិមមានតម្លៃ ព្រមទាំងអំពូលគ្រីស្តាល់ យ៉ាងប្រណីត៕

អត្ថបទ៖ ឆដា, រូបភាព៖ Sok Reaksmey

The post ម្ចាស់ក្រុមហ៊ុន Sybells Paris សុខ រស្មី ស្អាត រៀបរប ថ្លៃថ្នូរ ក្នុងឈុតប្រពៃណី ស័ក្ដិសមឋានៈ appeared first on Millions times.

ម្ចាស់ប្រេន Nimol Felix ទទួលបានកាដូមាស ១ គីឡូពីស្វាមីនៅថ្ងៃទិវាក្ដីស្រលាញ់

Vin Chang — Wed, 18 Feb 2026 08:11:58 +0000

តម្លៃមាសកំពុងមានសន្ទុះ និងមានឱកាសចំណេញច្រើន ដូច្នេះហើយអ្នកជំនួញល្បីៗលើវិថីអនឡាញជាច្រើន នាំគ្នាវិនិយោគលើហាងឆេងមាសនេះ។ ដោយក្នុងនោះ អ្នកខ្លះទិញជាដុំៗមានទម្ងន់១ គីឡូក្រាម ហើយខ្លះទៀតច្នៃជាកាបូបមាស ដែលមានទម្ងន់ជាង ១០ តម្លឹងឯណោះ។

តាមដានជាមួយយើង៖ Million Times

ថ្មីៗនេះថៅកែឡេ Felix បានទិញកាបូបមាសទម្ងន់ ១៣ តម្លឹង១ ហើយកុម្ម៉ង់ថែមពីហាងជាបន្តបន្ទាប់ទៀត។ មិនអស់ត្រឹមប៉ុណ្ណេះឡើយសេដ្ឋិនី និមល ទទួលបានកាដូមាស ១ គីឡូ ពីស្វាមីនៅថ្ងៃទិវាក្ដីស្រលាញ់កាលពីពេលថ្មីៗកន្លងទៅនេះ។

មិនត្រឹមកាបូបឡើយ ថៅកែស្រីល្បីឈ្មោះរូបនេះ នៅមានគ្រឿងអលង្ការធ្វើពីមាសជាច្រើនទាំងខ្សែក ខ្សែដៃ ក្រវិល ចិញ្ចៀនធំៗ។ សម្រាប់រដូវកាលចូលឆ្នាំចិននេះវិញ ម្ចាស់ប្រេន Felix ក៏បានរៀបចំសែន ចែកអាំងប៉ាវ និងទទួលអាំងប៉ាវពីមនុស្សជុំវិញខ្លួនដែរ។

គួរបញ្ជាក់ថា ហាងឆេងមាសមួយរយៈនេះ បានធ្លាក់ចុះវិញបន្តិច ក្រោយរដូវកាលចូលឆ្នាំចិនជិតចប់ ពោលនៅព្រឹកថ្ងៃ ១៨ ខែកុម្ភៈ ឆ្នាំ ២០២៦ នេះ តម្លៃចុះមកនៅក្រោម ៦ ០០០ ដុល្លារក្នុង១ តម្លឹង៕

អត្ថបទ៖ ឆដា, រូបភាព៖ Nimol Felix

The post ម្ចាស់ប្រេន Nimol Felix ទទួលបានកាដូមាស ១ គីឡូពីស្វាមីនៅថ្ងៃទិវាក្ដីស្រលាញ់ appeared first on Millions times.

លោកស្រី សុខហេង ក្រៅពីមានហាងលក់ពូកសុខភាពក៏ជាថៅកែ បុរីផងដែរ

Vin Chang — Tue, 17 Feb 2026 09:59:41 +0000

លោកស្រី សុខ ហេង (ឈ្មោះពិត ឡេង ម៉េងអាំង) ដែលល្បីល្បាញខាងប្រេន Jasmine, Loma, និង M.A ដែលនាំចូលគ្រឿងសង្ហារិម និងសម្ភារផ្ទះបាយហើយនោះ ភាគច្រើនមិនសូវមានអ្នកដឹងថា សេដ្ឋិនីរូបនេះ មានជំនួញផ្នែកអចលនទ្រព្យផងដែរ។

តាមដានជាមួយយើង៖ Million Times

លោកស្រី សុខហេង ដែលល្បីល្បាញនៅលើបណ្ដាញសង្គម និងស្វាមីលោក ភុំ ភិរម្យ បានកសាងហាងជាច្រើនកន្លែងក្នុងប្រទេស។ បើទោះជាប៉ុន្មានឆ្នាំនេះលោកស្រី សុខ ហេង ជួបបញ្ហាជាច្រើនក៏ដោយ តែថៅកែហាងពូកសុខភាព សុខ ហេង មួយនេះ តស៊ូមិនចុះចាញ់ឡើយ ធ្វើឲ្យជំនួញនៅតែទៅមុខរលូន។

ក្រៅពីជំនួញសម្ភារៈផ្ទះបាយ និងពូកសុខភាពហើយនោះ លោកស្រី សុខ ហេង ក៏មានជំនួញធំ ដែលមិនសូវមានអ្នកស្គាល់ នោះគឺម្ចាស់បុរី ចាស្មីន នៅខាងខេត្តបាត់ដំបង។

លោកស្រី សុខ ហេង មានភាពល្បីខ្លាំងអំឡុងឆ្នាំ ២០១៩ មកម្ល៉េះលើហ្វេសប៊ុក មានលក់ជាពូកសុខភាព កម្រាល ខ្នើយឱប ខ្នើយកើយ ដែលមានប្រេនផ្ដាច់មុខដំបូងគេបង្អស់នៅក្នុងប្រទេសកម្ពុជា តែមុនមានឈ្មោះបោះសំឡេងនៅបណ្ដាញសង្គម លោកស្រីគឺជាអ្នកលក់នៅផ្សារធំថ្មី។

ក្នុងនាមជាអ្នកជំនួញធំ ការរៀបចំខ្លួនរបស់លោកស្រី ក៏មិនធម្មតាដែរ មិនថាកាបូប ស្បែកជើង និងសម្លៀកបំពាក់ សុទ្ធសឹងជាប្រេនល្បីៗ។ ជាក់ស្ដែងថ្មីៗនេះ អតិថិជនរបស់ថៅកែស្រីរូបនេះ លាន់មាត់សរសើរពីរូបសម្រស់លោកស្រី សុខ ហេង កាន់តែស្អាត ក្នុងឈុតពណ៌ស្វាយ និងកាបូបដៃ Mini Lady Dior Bag តម្លៃជាង ៨ ៥០០ ពាន់ដុល្លារ។

ថៅកែហាងពូកសុខភាព សុខ ហេង រូបនេះ បញ្ជាក់ថា មួយរយៈនេះលោកស្រីថែរក្សាសុខភាព ដោយសម្រកទម្ងន់ ដើម្បីការពារបញ្ហាផ្សេងៗ ហើយបានទាំងស្អាតថែមទៀត៕

អត្ថបទ៖ ឆដា, រូបភាព៖ Sok Heng

The post លោកស្រី សុខហេង ក្រៅពីមានហាងលក់ពូកសុខភាពក៏ជាថៅកែ បុរីផងដែរ appeared first on Millions times.

រដូវកាលមាសឡើងថ្លៃ ស្រីណៃ មិនឲ្យចាញ់ CEO ល្បីៗដទៃទៀតឡើយ

Vin Chang — Mon, 09 Feb 2026 08:16:40 +0000

ប្រមាណ ១ ខែជាងមកនេះ តម្លៃហាងឆេងមាសកំពុងមានតែឡើងថ្លៃ ដូចនេះហើយក្នុងនាមជាអ្នកជំនួញលើវិថីអនឡាញល្បីឈ្មោះម្នាក់ ស្រីណៃ ក៏មិនខុសពី CEO ដទៃទៀតដែរ ដោយវិនិយោគលើមាសគីឡូរាប់សិបតម្លឹង។

តាមដានជាមួយយើង៖ Million Times

កាបូបមាសស៊ីគ្នានឹងឈុតប្រពៃណីខ្មែរ សំពត់បត់ ច្នៃពីសូត្រមានតម្លៃខ្ពស់ ដែលស្ទីល៍បែបនេះ ត្រូវបាន CEO គ្រឿងសម្អាង ឬម្ចាស់ផលិតផលថែរក្សាសម្រស់ជាច្រើនរូបរបស់ខ្មែរ តែងតែបង្ហាញបង្ហាញពីរសនិយមកាបូបច្នៃពីមាសសុទ្ធ ដែលមានតម្លៃរាប់ម៉ឺនដុល្លារ និងមានទម្ងន់រាប់សិបតម្លឹង។

ស្រីណៃ ក៏ជាសេដ្ឋិនីដែលរកស៊ីលើវិថីអនឡាញ មានកេរ្តិ៍ឈ្មោះបោះសំឡេងក្នុងប្រទេស ហើយក៏ជាបុគ្គលម្នាក់ដែលកាន់កាបូបមាស និងពាក់គ្រឿងអលង្ការធំៗ ធ្វើពីមាសសុទ្ធ មើលហើយពិតជាគួរឲ្យស្ងើចសរសើរ។

បើទោះជាតម្លៃហាងឆេងមាសកំពុងឡើងថ្លៃយ៉ាងណាក៏ដោយ តែសម្រាប់ ស្រីណៃ CEO MoJo រូបនេះមិនខ្លាចញញើតក្នុងការចំណាយលើគ្រឿងអលង្ការដែលធ្វើពីមាសឡើយ។ មិនត្រឹមតែកាបូបដៃមាសឡើយ ថ្មីៗនេះសេដ្ឋិនីអនឡាញរូបនេះទើបធ្វើដំណើរកម្សាន្តនៅក្រៅប្រទេស និងទិញកាបូបដៃម៉ាកល្បីជិត ៤ ម៉ឺនដុល្លារម្ដងរួចមកហើយ៕

អត្ថបទ៖ ឆដា, រូបភាព៖ NayNay Shanti

The post រដូវកាលមាសឡើងថ្លៃ ស្រីណៃ មិនឲ្យចាញ់ CEO ល្បីៗដទៃទៀតឡើយ appeared first on Millions times.

ខួបអាពាហ៍ពិពាហ៍ ១៤ ឆ្នាំ លោក តាន់ សុវណ្ណារិទ្ធិ ទិញពេជ្រទាំងឈុតៗជូនភរិយា លោកស្រី តែ ស៊ូអេង

Vin Chang — Mon, 02 Feb 2026 10:06:37 +0000

នាថ្ងៃខួបអាពាហ៍ពិពាហ៍ ១៤ ឆ្នាំនៃចំណង់ស្នេហ៍ និងគម្រប់ ២០ ឆ្នាំនៃការស្រលាញ់គ្នារវាងលោកស្រី តែ ស៊ូអេង និងលោក តាន់ សុវណ្ណារិទ្ធិ បានប្រារព្ធយ៉ាងកក់ក្ដៅក្នុងក្រុមគ្រួសារ កាលពីចុងខែមករា កន្លងទៅ។

តាមដានជាមួយយើង៖ Million Times

សម្រាប់ថ្ងៃខួបនៃអាពាហ៍ពិពាហ៍ ១៤ ឆ្នាំលោកស្រី ស៊ូអេង ម្ចាស់ T.R.E កន្លងទៅថ្មីៗ សេដ្ឋិនីជំនួញអនឡាញដែលមានកេរ្តិ៍ឈ្មោះល្បីល្បាញនៅខាងវិស័យនេះ ទទួលបានការជូនពរជាទីគាប់ចិត្តពីស្វាមី នោះគឺគ្រឿងពេជ្រដ៏ច្រើន។

ថ្ងៃខួបអាពាហ៍ពិពាហ៍នោះដែរ លោកស្រី តែ ស៊ូអេង ក្រៅពីទទួលបានកាដូពីស្វាមីដែលជាគ្រឿងពេជ្រហើយនោះ ម្ចាស់ក្រុមហ៊ុនផលិតផលថែរក្សាសម្រស់រូបនេះក៏ទទួលបានកាដូពីសាច់ញាតិ មិត្ត និងមិត្តភ័ក្ដិនៅក្នុងវិស័យអនឡាញជាច្រើនផងដែរ។ ដោយការទទួលទានអាហារនៅហាងដ៏ល្បី នៅRosewood កាលពីថ្ងៃ ២៩ ខែមករា ឆ្នាំ ២០២៦។

ក្រៅពីទទួលបានកាដូគ្រឿងពេជ្រហើយ លោកស្រី តែ ស៊ូអេង ក៏ត្រៀមបើកបង្ហាញសមិទ្ធផលថ្មីដែលនឹងបង្ហាញឲ្យឃើញនាពេលឆាប់ៗក្នុងនេះ អាចជាផ្ទះលម្ហែ ដែលមានតម្លៃរាប់លានដុល្លារ៕

Screenshot

អត្ថបទ៖ឆដា,រូបភាព៖ Sou Eng Te

The post ខួបអាពាហ៍ពិពាហ៍ ១៤ ឆ្នាំ លោក តាន់ សុវណ្ណារិទ្ធិ ទិញពេជ្រទាំងឈុតៗជូនភរិយា លោកស្រី តែ ស៊ូអេង appeared first on Millions times.

ស្រីណៃ ទៅដើរលេង និងទិញកាបូបប្រេនៗបន្ថែមក្ដីសុខឲ្យខ្លួនឯង

Vin Chang — Wed, 28 Jan 2026 10:01:39 +0000

កាបូប ខោអាវ ស្បែកជើង គ្រឿងអលង្ការប្រេនៗគឺជាដៃគូរបស់មនុស្សស្រី ជាពាក្យដែលគេឯងតែងនិយាយមិនខុសមែន។ ជាក់ស្ដែងអ្នកជំនួញ ស្រីណៃ បានធ្វើដំណើរទៅបរទេស ដើម្បីសម្រាកលម្ហែ និងទិញសម្ភារទំនើប បន្ថែមក្ដីសុខឲ្យខ្លួនឯង។

តាមដានជាមួយយើង៖ Million Times

ម្ចាស់ប្រេន Mojo បានទៅដើរលេងនៅម៉ាឡេស៊ី ដើម្បីដើរលេង ហើយក៏ដើរផ្សារទំនើបដើម្បីទិញកាបូបប្រេន Dior Mini Lady Dior – Himalaya Crocodile Niloticus ដែលមានតម្លៃជិត៤ ម៉ឺនដុល្លារ។

សេដ្ឋិនីអនឡាញ ស្រីណៃ បានបញ្ជាក់ពីតម្លៃកាបូប កាបូបដៃតូច Christian Dior Lady Dior ធ្វើពីស្បែកក្រពើ Niloticus ពណ៌ស ជាមួយនឹងបន្តោងកាបូបមានដាំគ្រីស្តាល់រាប់រយគ្រាប់ មានតម្លៃ ៣ ៨០០០ ដុល្លារ។

អ្នកជំនួញអនឡាញដែលមានកេរ្តិ៍ឈ្មោះល្បាញល្បី ស្រីណៃ តែងតែបំពេញក្ដីសុខរបស់ខ្លួន ដោយទិញរបស់របរមានតម្លៃមិនថាជាខោអាវ ឡានទំនើប ពិសេសបំផុតគឺកាបូបប្រេនៗនេះតែម្ដង។

លោកស្រី មានកាបូបប្រេនល្បីៗមិនថា Dior, LV, Hermès,Gucci និងប្រេនលំដាប់កំពូលដទៃទៀត ហើយគ្រាន់តែបន្ទប់ និងទូរដាក់កាបូបវិញ សឹងតែធំជាងហាងមួយទៅហើយ៕

អត្ថបទ៖ ឆដា, រូបភាព៖ Chamroeun Phannay

The post ស្រីណៃ ទៅដើរលេង និងទិញកាបូបប្រេនៗបន្ថែមក្ដីសុខឲ្យខ្លួនឯង appeared first on Millions times.

ថៅកែក្រុមហ៊ុនស៊ីប៊ែលប៉ារីស លោកស្រី សុខ រស្មី និយមស្បែកជើង Manolo Blahnik

Vin Chang — Wed, 28 Jan 2026 07:38:33 +0000

នាថ្ងៃឡើងភូមិគ្រឹះថ្មីរបស់អ្នកឧកញ៉ា អ៊ូ ឆាយ ដែលជាឪពុករបស់ថៅកែក្រុមហ៊ុនស៊ីប៊ែលប៉ារីស ហើយលោកស្រី សុខ រស្មី ដែលជាកូន និងជាសមាជិកក្នុងក្រុមគ្រួសារ បានរៀបចំពិធីផ្សេងៗតាមបែបប្រពៃណីដ៏អធិកអធម និងតែងខ្លួនយ៉ាងប្រណីត។

តាមដានជាមួយយើង៖ Million Times

សម្រាប់លោកស្រី សុខ រស្មី និងស្វាមីក៏មិនខុសពីសមាជិកគ្រួសារដទៃទៀតដែរ ដោយអំឡុងពេលកម្មវិធីបែបបុរាណ ការរៀបចំតុបតែងខ្លួនផ្សេងៗក៏ស្ថិតនៅក្នុងឈុតបុរាណដូចគ្នា។ ដោយថៅកែស្រីស៊ីប៊ែលប៉ារីស រូបនេះបានជ្រើសរើសចរបាប់ និងសំពត់ក្បិន២ គឺបៃតងចាស់ និងពណ៌ក្រហម។

បើទោះជាគ្រងឈុត និងរៀបចំខ្លួនបែបបុរាណ តែលោកស្រី រស្មី បានបាក់ស្បែកជើងយ៉ាងទាន់សម័យ ពណ៌ស៊ីគ្នាជាមួយឈុតនោះតែម្ដង ដែលជាម៉ាក Manolo Blahnik ដ៏ល្បីសម្រាប់ស្ត្រីមានរសនិយមខ្ពស់ និងជោគជ័យដទៃ។

ស្បែកជើងទី ១ Green Satin Jewel Buckle Pumps ត្រូវគ្នាជាមួយឈុតបៃតង ហើយស្បែកជើងនោះគឺមានតម្លៃ ១ ៤៩១ ដុល្លារ។ ចំណែក១ គូទៀតនៅតែជាម៉ាក Manolo Blahnik របស់ពណ៌ក្រហមManolo Blahnik Burgundy Satin Maysale Buckle និងមានតម្លៃដូចពណ៌បៃតងដែរ។

គួរបញ្ជាក់ផងដែរថា លោកស្រី សុខ រស្មី គឺជាអ្នកជំនួញដ៏ល្បី និងជាបុគ្គលសាធារណៈដែលជួយដល់សង្គមជាតិជាច្រើនតាមរយៈគាំទ្រផលិតផលក្នុងស្រុករបស់កសិករខ្មែរ៕

អត្ថបទ៖ ឆដា, រូបភាព៖ Sok Reaksmey

The post ថៅកែក្រុមហ៊ុនស៊ីប៊ែលប៉ារីស លោកស្រី សុខ រស្មី និយមស្បែកជើង Manolo Blahnik appeared first on Millions times.

បង្ហាញភូមិគ្រឹះស្កឹមស្កៃសេដ្ឋិនី តែ ស៊ូអេង ដែលទើបសូត្រមន្តឡើងថ្មីៗនេះ

Vin Chang — Tue, 02 Dec 2025 09:57:06 +0000

កំពូលអ្នកជំនួញអនឡាញប្រាក់លាន តែ ស៊ូអេង ដែលទើបប្រារព្ធកម្មវិធីឡើងគេហដ្ឋានកាលពីចុងខែវិច្ឆិកា ឆ្នាំ ២០២៥ យ៉ាងគគ្រឹកគគ្រេង។ ប្រសិនបើមើលតែពីមុខ អ្នកតាមដានជីវិតសេដ្ឋិនីម្ចាស់ផលិតផល TRE ដឹងត្រឹមតែធំ។

តាមដានជាមួយយើង៖ Million Times

តែបើក្រឡេកមកមើលពីលើវិញ បានដឹងយ៉ាងច្បាស់ថា ភូមិគ្រឹះស្កឹមស្កៃប៉ុណ្ណា មានទាំងអាងហែលទឹកផ្ទាល់ខ្លួនដ៏សម្បើម ដែលអាចឲ្យគ្រួសារកម្សាន្តយ៉ាងសប្បាយរីករាយ។ ទិដ្ឋភាពភូមិគ្រឹះថៅកែផលិតផលថែរក្សាសម្រស់រូបនេះ មិនថាមើលពេលយប់ ឬពេលថ្ងៃឡើយ ពិតជាអស្ចារ្យ រកពាក្យបរិយាយមិនបានឡើយ។

សេដ្ឋិនី តែ ស៊ូអេង ជាអ្នកជំនួញអនឡាញជើងចាស់ ដែលប្រឡូកក្នុងវិស័យគ្រឿងថែរក្សាសម្រស់នេះច្រើនឆ្នាំមកហើយ ដោយមុនប្រកបអាជីពមួយនេះ លោកស្រី និងស្វាមីក៏ធ្លាប់បើកហាងលក់ម៉ូតូពីមុនមកដែរ។

អគ្គនាយិកាក្រុមហ៊ុន ធី អ អ៊ី នាំចូលគ្រឿងសម្អាងពីបរទេសរូបនេះ មិនត្រឹមតែមានកេរ្តិ៍ឈ្មោះខាងរកស៊ីប៉ុណ្ណោះទេ ថែមទាំងទទួលបានការស្រលាញ់ចូលចិត្តពីសំណាក់ម្ចាស់ផលិតផល និងអ្នកជំនួញអនឡាញដទៃ។

ក្នុងជីវិតលោកស្រី តែងប្រកាន់ខ្ជាប់ការធ្វើល្អមិនបៀតបៀនអ្នកដទៃ រកស៊ីដោយភាពស្មោះត្រង់ ហើយជាលទ្ធផលការទទួលគឺគ្រួសារទាំងមូលកាន់តែរីកចម្រើនពីមួយថ្ងៃទៅមួយថ្ងៃ។ ដោយត្រឹមតែមានភូមិគ្រឹះធំទូលាយ ឡើយការរស់នៅយ៉ាងឡូយឆាយ ឡានទំនើបៗ និងទិញសម្ភារៈប្រើប្រាស់សុទ្ធតែរបស់ល្អៗ ប្រេនធំៗលំដាប់អន្តរជាតិ៕

អត្ថបទ៖ ឆដា, រូបភាព៖ Te sou eng

The post បង្ហាញភូមិគ្រឹះស្កឹមស្កៃសេដ្ឋិនី តែ ស៊ូអេង ដែលទើបសូត្រមន្តឡើងថ្មីៗនេះ appeared first on Millions times.