ក្នុងជំនួបនេះ លោកប្រធានគណៈប្រតិភូ បានលើកឡើងពីភាពធន់នៃសេដ្ឋកិច្ចកម្ពុជា ក្នុងបរិការណ៍ដែលសកលលោកកំពុងជួបប្រទះកត្តាប្រឈមមួយចំនួនដូចជា ជម្លោះភូមិសាស្រ្តនយោបាយ និងការឡើងថ្លៃប្រេងឥន្ធនៈ។

លោកបានលើកឡើងពីឥទ្ធិពលនៃកត្តាប្រឈមថ្មីៗដែលអាចធ្វើឱ្យសម្ទុះកំណើនសេដ្ឋកិច្ចកម្ពុជាមានការថមថយខ្លះៗ ប៉ុន្តែក៏នៅរក្សាបានអត្រាកំណើនល្អ ដោយសារមូលដ្ឋានសេដ្ឋកិច្ចរឹងមាំ និងការឆ្លើយតបគោលនយោបាយមានប្រសិទ្ធភាព។

លើសពីនេះ លោកក៏បានលើកឡើងពីសារៈសំខាន់នៃការរក្សាបានទំនុកចិត្តលើប្រព័ន្ធធនាគារ ស្ថានភាពគុណភាពឥណទាន និងការអនុវត្តវិធានការមួយចំនួន ផងដែរ។

ជាការឆ្លើយតប លោកជំទាវបានថ្លែងអំណរគុណចំពោះការចែករំលែកទស្សនាទានអំពីស្ថានភាពសេដ្ឋកិច្ចកម្ពុជា និងបានជម្រាបជូនពីគោលនយោបាយរបស់រាជរដ្ឋាភិបាលពាក់ព័ន្ធនឹងការអភិវឌ្ឍវិស័យថាមពល ដោយផ្តោតលើប្រភពផ្គត់ផ្គង់គ្រប់គ្រាន់ និងថាមពលស្អាត ដែលជាកត្តាយ៉ាងសំខាន់ក្នុងការកាត់បន្ថយផលប៉ះពាល់ពីការកើនឡើងតម្លៃប្រេងឥន្ធនៈ។

បន្ថែមលើនេះ លោកជំទាវក៏បានលើកឡើងពីអទិភាពនៃការពង្រីកឥណទានដល់សហគ្រាសខ្នាតតូច និងមធ្យម (SMEs) និងការលើកកម្ពស់ហិរញ្ញវត្ថុប្រកបដោយចីរភាព ផងដែរ។

AMRO បានវាយតម្លៃថា សេដ្ឋកិច្ចរបស់កម្ពុជាត្រូវបានព្យាករថានឹងមានកំណើន ៤,៩ ភាគរយនៅឆ្នាំ ២០២៦ ដែលលើសពីមធ្យមភាគអាស៊ាន ទោះបីជាមានភាពមិនប្រាកដប្រជាសកលកើនឡើងក៏ដោយ៕

តាមដានជាមួយយើង៖ Million Times

អត្ថបទ៖ ប៊ី

second...

x

The post សេដ្ឋកិច្ចកម្ពុជារក្សាបានអត្រាកំណើនល្អ ទោះបីជាពិភពលោកប្រឈមនឹងភាពមិនប្រាកដប្រជា appeared first on Millions times.

ក្នុងសេណារីយោរបស់ ADB ករណីដែលស្ថានភាពនៅមជ្ឈិមបូព៌ាធូរស្រាលឆាប់រហ័ស កំណើនត្រូវបានគាំទ្រដោយដំណើរការវិស័យកម្មន្តសាលដែលមានភាពធន់។ កំណើនត្រូវបានព្យាករថានឹងកើនថែមទៀតដល់ ៥,០% នៅឆ្នាំ២០២៧ ដោយសារស្ថានភាពនៅក្រៅប្រទេសមានភាពប្រសើរឡើង ហើយកំណែទម្រង់ក្នុងស្រុកបន្តលើកកម្ពស់ផលិតភាពសេដ្ឋកិច្ច។

នាយិកាប្រចាំប្រទេសកម្ពុជារបស់ ADB លោកស្រី Yasmin Siddiqi បានមានប្រសាសន៍ថា «កម្ពុជាបន្តបង្ហាញភាពធន់នឹងសម្ពាធពីខាងក្រៅ។ វិស័យកម្មន្តសាលនៅតែរឹងមាំ ហើយកិច្ចខិតខំប្រឹងប្រែងរបស់រាជរដ្ឋាភិបាលដែលកំពុងបន្តដើម្បីជំរុញវិស័យទេសចរណ៍នឹងជួយរក្សាសន្ទុះសេដ្ឋកិច្ច ទោះបីជាមានបញ្ហាប្រឈមជាសកលក៏ដោយ។»

តាមដានជាមួយយើង៖ Million Times

របាយការណ៍ទស្សនវិស័យអភិវឌ្ឍន៍អាស៊ី (ADO) ខែមេសា ឆ្នាំ២០២៦ ព្យាករថា វិស័យកម្មន្តសាល នឹងនៅតែជាក្បាលម៉ាស៊ីនកំណើនសំខាន់របស់សេដ្ឋកិច្ច សម្រាប់ឆ្នាំ២០២៦ ខណៈដែលទិន្នផលឧស្សាហកម្មត្រូវបានរំពឹងថានឹងកើនឡើង ៧,៣% ដោយសារការបញ្ជាទិញសម្លៀកបំពាក់ច្រើនគួរសម និង កំណើននៃការរួមចំណែកពីវិស័យកម្មន្តសាលក្រៅពីវាយនភ័ណ្ឌ ដែលរួមមានគ្រឿងបង្គុំអគ្គិសនី សំបកកង់ និង គ្រឿងសង្ហារឹម។ កំណើនមធ្យមនៃវិស័យកសិកម្មត្រូវបានរំពឹងថានឹងបន្តទទួលបាន០,៩% ដែលគាំទ្រដោយតម្រូវការនាំចេញអង្ករ និងគ្រាប់ស្វាយចន្ទី។ គំនិតផ្តួចផ្តើមរបស់រាជរដ្ឋាភិបាលដែលលើកកម្ពស់ផលិតកម្មប្រកបដោយនិរន្តរភាព និង ធ្វើសមាហរណកម្មពលករចំណាកស្រុកដែលវិលត្រឡប់មកក្នុងវិស័យនេះវិញ នឹងជួយពង្រឹងកំណើនក្នុងវិស័យនេះថែមទៀត។

កំណើនវិស័យសេវាកម្មត្រូវបានព្យាករថានឹងធ្លាក់ចុះពី ៣,៤% ក្នុងឆ្នាំ២០២៥ មកនៅត្រឹម២,៣% ក្នុងឆ្នាំ២០២៦ ដោយសារផលប៉ះពាល់នៃការបិទព្រំដែនជាមួយប្រទេសថៃ។ ការវិនិយោគផ្ទាល់ពីបរទេសនៅតែមានភាពរឹងមាំក្នុងឆ្នាំ២០២៥ ជាមួយនឹងការវិនិយោគលើទ្រព្យសកម្មថេរដែលបានអនុម័តកើនឡើង៤៥% ដែលឆ្លុះបញ្ចាំងពីទំនុកចិត្តរបស់វិនិយោគិន និងការបន្តធ្វើពិពិធកម្មផ្នែកផលិតកម្មដែលមានតម្លៃបន្ថែមតែខ្ពស់។

អតិផរណាត្រូវបានព្យាករថានឹងកើនឡើងដល់ ២,៨% ជាមធ្យមនៅឆ្នាំ២០២៦ ប្រសិនបើការកើនឡើងនៃថ្លៃទំនិញសកលដោយសារជម្លោះនៅមជ្ឈិមបូព៌ា មិនអូសបន្លាយដល់រាប់ខែ។ ការប៉ះទង្គិចតម្លៃប្រេងឥន្ធនៈដែលអូសបន្លាយពេលយូរអាចបង្កើនថ្លៃដើមនាំចូល និង ជះឥទ្ធិពលអវិជ្ជមានដល់វិស័យ កសិកម្ម ផលិតកម្ម និងទេសចរណ៍។ ឱនភាពសារពើពន្ធត្រូវបានព្យាករថានឹងកើនឡើងបន្ថែមទៀតនៅឆ្នាំ២០២៦ ដោយសារការកើនឡើងនៃការចំណាយ រួមទាំងការគាំទ្រដល់គ្រួសារងាយរងគ្រោះ ខណៈដែលកំណើនប្រាក់ចំណូលធ្លាក់ចុះដោយសារកំណើនសេដ្ឋកិច្ចថយ។

ការសម្រេចបាននូវគោលដៅរបស់កម្ពុជា ក្នុងការក្លាយជាប្រទេសដែលមានប្រាក់ចំណូលខ្ពស់នៅឆ្នាំ២០៥០ ទាមទារឱ្យមានការបង្កើនផលិតភាពប្រកបដោយនិរន្តរភាព ដែលគាំទ្រដោយការវិនិយោគលើមូលធនមនុស្ស។ គម្លាតជំនាញនៅតែជាបញ្ហាសំខាន់ ដោយនិយោជកតែងតែលើកឡើងពីបញ្ហាប្រឈមក្នុងការស្វែងរកកម្មករដែលមានសមត្ថភាព។ ការកែទម្រង់របស់រាជរដ្ឋាភិបាល ដូចជាការធ្វើឱ្យមានការចូលរួមពីវិស័យឯកជននៅក្នុងស្ថាប័នបណ្តុះបណ្តាលសាធារណៈ នឹងជួយឱ្យការបណ្តុះបណ្តាលស្របតាមតម្រូវការទីផ្សារ និងពង្រឹងកម្លាំងពលកម្ម។

លោកស្រី Siddiqi បានបន្ថែមថា “ការអភិវឌ្ឍកម្លាំងពលកម្មប្រកបដោយផលិតភាពគឺចាំបាច់សម្រាប់ការទាក់ទាញការវិនិយោគចម្រុះប្រកបដោយគុណភាព ហើយកិច្ចសហការរវាងវិស័យសាធារណៈ និង ឯកជនក្នុងការអភិវឌ្ឍជំនាញគឺមានសារៈសំខាន់ណាស់ ក្នុងការសម្រេចបាននូវកំណើនរយៈពេលវែងរបស់កម្ពុជា៕”

អត្ថបទ៖ ប៊ី

second...

x

The post ADB ៖ សេដ្ឋកិច្ចកម្ពុជានឹងកើនឡើង ៤,៥% ក្នុងឆ្នាំ ២០២៦ ក្នុងករណីស្ថានភាពនៅមជ្ឈិមបូព៌ាធូរស្រាលឆាប់រហ័ស appeared first on Millions times.

កំណើនសេដ្ឋកិច្ចកម្ពុជារំពឹងថានឹងមានការថមថយបន្តិចក្នុងឆ្នាំ ២០២៦ ធៀបនឹងកំណើនប្រមាណ ៥,២ ភាគរយនៅឆ្នាំ ២០២៥។ ទោះបីជាបីយ៉ាងណាក៏ដោយ ទស្សនវិស័យនេះបង្ហាញថា សេដ្ឋកិច្ចរបស់ប្រទេសកម្ពុជានៅតែស្ថិតក្នុងស្ថានភាពស្ថិរភាព និងមានការព្យាករណ៍ថាកំណើននឹងងើបឡើងវិញដល់ ៥,២ ភាគរយនៅឆ្នាំ ២០២៧ ដែលគាំទ្រដោយកំណើននៃការវិនិយោគជាបន្តបន្ទាប់ និងការធ្វើពិពិធកម្មនាំចេញ។

កំណើនសេដ្ឋកិច្ចរបស់កម្ពុជា នៅតែបន្តគាំទ្រដោយវិស័យផលិតកម្ម ដែលផ្តោតលើការនាំចេញរបស់ខ្លួន ទោះបីជាតម្រូវការសកលកាន់តែទន់ខ្សោយ និងវិស័យពាណិជ្ជកម្មត្រូវបានរំពឹងថានឹងទទួលបានរងផលប៉ះពាល់ ដោយសារវិបត្តិសង្គ្រាមនៅមជ្ឈិមបូព៌ា ក្នុងរយៈពេលដ៏ខ្លីខាងមុខនេះក៏ដោយ។

តាមដានជាមួយយើង៖ Million Times

ក្នុងពេលជាមួយគ្នានេះ ការកើនឡើងនៃលំហូរចូលនៃការវិនិយោគផ្ទាល់ពីបរទេស ជាពិសេសទៅក្នុងឧស្សាហកម្មមិនមែនកាត់ដេរ កំពុងជួយពង្រីកមូលដ្ឋានឧស្សាហកម្មរបស់ប្រទេសកម្ពុជា និងកាត់បន្ថយការពឹងផ្អែកលើវិស័យប្រពៃណី។

ទន្ទឹមនឹងនេះ អតិផរណាត្រូវបានព្យាករថានឹងកើនឡើងដល់ ២.៩ ភាគរយនៅឆ្នាំ ២០២៦ កើនឡើងពី ២.៥ ភាគរយនៅឆ្នាំ ២០២៥ ដែលឆ្លុះបញ្ចាំងពីការកើនឡើងនៃតម្លៃថាមពលសកល និងភាពតានតឹងភូមិសាស្ត្រនយោបាយដែលកំពុងបន្ត។ ទោះបីជាមានការកើនឡើងនេះក៏ដោយ សម្ពាធតម្លៃនៅតែមានកម្រិតមធ្យម ដែលបង្ហាញថាលក្ខខណ្ឌតម្រូវការក្នុងស្រុកមានស្ថេរភាព ហើយហានិភ័យអតិផរណាអាចគ្រប់គ្រងបាន។

ការកើនឡើងកម្រិតមធ្យមនៃអតិផរណាទំនងជាមិនធ្វើឱ្យប៉ះពាល់ដល់អំណាចទិញយ៉ាងខ្លាំងនោះទេ ប៉ុន្តែវាបង្ហាញពីការងាយនឹងរងផលប៉ះពាល់របស់ប្រទេសកម្ពុជាទៅនឹងផលប៉ះពាល់ខាងក្រៅ ជាពិសេសការប្រែប្រួលនៃតម្លៃប្រេងឥន្ធនៈ និងនាំចូល។

យ៉ាងណាក៏ដោយ ទស្សនវិស័យរយៈពេលមធ្យមរបស់ប្រទេសកម្ពុជានៅតែវិជ្ជមាន។ ការរួមបញ្ចូលគ្នានៃលំហូរចូលវិនិយោគដែលមានស្ថិរភាព ការធ្វើពិពិធកម្មសេដ្ឋកិច្ចបន្តិចម្តងៗ និងការនាំចេញដែលមានភាពធន់ ត្រូវបានគេរំពឹងថានឹងគាំទ្រដល់ការវិលត្រឡប់ទៅរកកំណើនដ៏រឹងមាំជាងក្រោយឆ្នាំ ២០២៦ ដែលពង្រឹងជំហររបស់ប្រទេសកម្ពុជាជាសេដ្ឋកិច្ចដែលកំពុងរីកចម្រើនខ្លាំងមួយនៅក្នុងតំបន់៕

អត្ថបទ៖ ប៊ី

second...

x

The post កំណើនសេដ្ឋកិច្ចកម្ពុជារំពឹងថានឹងកើនដល់ជិត ៥ ភាគរយ ក្នុងឆ្នាំ ២០២៦ នេះ appeared first on Millions times.

ថ្លែងក្នុងវេទិកាពិភាក្សា នៃទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍ ឆ្នាំ២០២៦ កាលពីថ្ងៃទី២៦ ខែមីនា ឆ្នាំ២០២៦ លោក Zhao Hongyu អគ្គនាយករងក្រុមហ៊ុន Beijing Electronic Digital Intelligence Technology (BEDI) បានលើកឡើងពីការរីកចម្រើនដ៏ឆាប់រហ័ស និងអត្ថប្រយោជន៍ជាក់ស្តែងរបស់ AI ព្រមទាំងឧត្តមានុវត្តន៍ជាអន្តរជាតិ ក្នុងការអភិវឌ្ឍ និងការប្រើប្រាស់បច្ចេកវិទ្យា AI។

លោក Zhao បានរៀបរាប់ពីដំណើររបស់ក្រុមហ៊ុន BEDI ក្នុងការកសាងហេដ្ឋារចនាសម្ព័ន្ធ AI ដ៏ធំបំផុតមួយរបស់ ប្រទេសចិន។ លោកបានលើកឡើងថា៖ “យើងបានបង្កើតក្រុមការងារដ៏ខ្លាំងមួយ មកពីគ្រប់វិស័យ និងមានបទពិសោធន៍ចម្រុះ។ ក្រុមហ៊ុនមេរបស់យើងជាក្រុមហ៊ុន Semi-conductor ធំបំផុតនៅក្នុងប្រទេសចិន ហើយក្រុម​ហ៊ុនរបស់យើងផ្ទាល់ គឺជាក្រុមហ៊ុនដែលកំពុងព្យាយាមកសាងមូលដ្ឋានគ្រឹះឌីជីថលសម្រាប់ប្រទេសចិន។”

លោកបានរៀបរាប់ពីរបៀបដែលមាតិកាបង្កើតដោយ AI (AIGC) កំពុងផ្លាស់ប្តូរការធ្វើទីផ្សារ ទេសចរណ៍ និង​ការអប់រំ ដោយអនុញ្ញាតឱ្យសហគ្រាសធុនតូច និងមធ្យម អាចទាញយកអត្ថប្រយោជន៍ពីបច្ចេកវិទ្យា ដែលពីមុនគឺសម្រាប់តែក្រុមហ៊ុនធំៗ។

លោកក៏បានបង្ហាញឧទាហរណ៍ដែលក្រុមការងាររបស់លោក បានជួយឱ្យសហគ្រាសក្នុងស្រុកបង្កើតវីដេអូ ផ្សព្វផ្សាយរាប់ពាន់ ដោយប្រើ AI ត្រឹមតែក្នុងរយៈពេលមួយយប់ ដែលជួយកាត់បន្ថយចំណាយផលិតកម្ម និងពេលវេលាយ៉ាងច្រើនសន្ធឹកសន្ធាប់។

លោក Zhao បានជំរុញឱ្យភាគីពាក់ព័ន្ធនៅកម្ពុជា ចាប់យកដំណោះស្រាយ AI និងបង្កើនកិច្ចសហប្រតិបត្តិការស៊ីជម្រៅក្នុងការកសាងពិភពលោកឌីជីថលជាមួយគ្នា៕

តាមដានជាមួយយើង៖ Million Times

អត្ថបទ៖ ប៊ី

second...

x

The post បញ្ញាសិប្បនិម្មិត (AI) នឹងក្លាយជាកម្លាំងចលករជំរុញសេដ្ឋកិច្ច​ឌីជីថលរបស់កម្ពុជា appeared first on Millions times.

ឯកឧត្តម បានលើកឡើងដូច្នេះ នាឱកាសអបអរសាទរខួបលើកទី៤៦ នៃការដាក់ឱ្យចរាចរប្រាក់រៀលឡើងវិញ នាថ្ងៃទី២០ ខែមីនា ឆ្នាំ២០២៦នេះ និងបានអញ្ជើញធ្វើបទបង្ហាញពីលទ្ធផលស្រាវជ្រាវរួមគ្នារវាងរដ្ឋសភា និងធនាគារជាតិនៃកម្ពុជា ស្តីពី «ការអង្កេតលើការប្រើប្រាស់រូបិយវត្ថុនៅវិស័យសាធារណៈ» ។

តាមដានជាមួយយើង៖ Million Times

យោងតាមលទ្ធផលស្រាវជ្រាវរួមគ្នានេះ បានបង្ហាញនូវទិន្នន័យគន្លឹះមួយចំនួនរួមមាន៖

• ក្រសួងសេដ្ឋកិច្ច និងហិរញ្ញវត្ថុ៖ ប្រមាណ ៨០-៩០% នៃចំណូល និងចំណាយរបស់រាជរដ្ឋាភិបាល ត្រូវបានប្រតិបត្តិជាប្រាក់រៀល ។

• ក្រសួងទេសចរណ៍៖ សម្រេចបានរហូតដល់ ៩០-៩៥% នៃចំណាយរដ្ឋបាលក្នុងស្រុកជារូបិយវត្ថុជាតិ ។

• បញ្ហាប្រឈម៖ ការប្រើប្រាស់ប្រាក់ដុល្លារនៅតែមានកម្រិតខ្ពស់ (ប្រមាណ ៨៤% នៃ M2) ជាពិសេសក្នុងសកម្មភាពដែលពាក់ព័ន្ធនឹងបរទេស ដូចជាការវិនិយោគផ្ទាល់ពីបរទេស (FDI), ជំនួយអភិវឌ្ឍន៍ផ្លូវការ (ODA), និងការទូទាត់ក្នុងវិស័យកាត់ដេរ ។

ឯកឧត្តមបណ្ឌិត កែវ ពិសិដ្ឋ ក៏បានលើកឡើងនូវចំណុចគន្លឹះសំខាន់ៗ ដើម្បីអនុវត្តយុទ្ធសាស្ត្ររុញច្រានការប្រើប្រាស់ «ប្រាក់រៀល» ជាដង្ហើមនៃសេដ្ឋកិច្ចឌីជីថល រួមមាន៖

• យន្តការតម្រូវ (Mandatory Rules)៖ ក្នុងរយៈពេលខ្លី រាល់កិច្ចសន្យាដែលប្រើប្រាស់ថវិការដ្ឋ ត្រូវតែធានាការកំណត់តម្លៃ និងការទូទាត់ជាប្រាក់រៀលទាំងស្រុង ។

• ការធ្វើទំនើបកម្មតាមរយៈ «បាគង»៖ ការពង្រីកកម្មវិធី «Bakong សម្រាប់ភ្ញៀវទេសចរ» និងការជំរុញការទូទាត់ពន្ធ កម្រៃសេវាសាធារណៈ និងអាជ្ញាប័ណ្ណតាមប្រព័ន្ធឌីជីថលជាប្រាក់រៀល គឺជាយុទ្ធសាស្ត្រវែងឆ្ងាយដើម្បីលុបបំបាត់ការប្រើប្រាស់ដុល្លារជាប្រចាំ ។

• សហប្រតិបត្តិការអន្តរស្ថាប័ន៖ បង្កើតគណៈកម្មការអន្តរក្រសួង និងប្រព័ន្ធចែករំលែកទិន្នន័យដឹកនាំដោយធនាគារជាតិ ដើម្បីតាមដាន និងគ្រប់គ្រងហានិភ័យអត្រាប្តូរប្រាក់ឱ្យមានប្រសិទ្ធភាព ។

ឯកឧត្តមបណ្ឌិតបានសង្កត់ធ្ងន់ថា កម្ពុជាមានមូលដ្ឋានច្បាប់ និងការរៀបចំវិស័យសាធារណៈរឹងមាំរួចជាស្រេចទៅហើយ ។ គន្លឹះឆ្ពោះទៅរកភាពជោគជ័យ គឺការដោះស្រាយបញ្ហារចនាសម្ព័ន្ធ និងការសម្របសម្រួលអន្តរក្រសួង ដើម្បីប្រែក្លាយប្រាក់រៀលឱ្យទៅជារូបិយវត្ថុគោលតែមួយគត់ក្នុងប្រតិបត្តិការជាតិ ដែលនឹងជួយពង្រឹងអធិបតេយ្យនយោបាយរូបិយវត្ថុ និងបង្កើនភាពធន់នៃសេដ្ឋកិច្ចជាតិចំពោះការប្រែប្រួលសកល ។

សូមបញ្ជាក់ផងដែរថា ក្នុងពិធីអបអរសាទរនាថ្ងៃនេះ ក្រៅពីបទបង្ហាញរបស់ ឯកឧត្តមបណ្ឌិត កែវ ពិសិដ្ឋ ក៏មានការផ្សព្វផ្សាយអត្ថបទស្រាវជ្រាវរួមគ្នារវាងធនាគារជាតិនៃកម្ពុជា និងកម្មវិធីអភិវឌ្ឍន៍សហប្រជាជាតិ (UNDP) ស្តីពី «ដុល្លារូបនីយកម្ម និងផលប៉ះពាល់ក្នុងវិស័យកាត់ដេរ ផលិតស្បែកជើង ផលិតផលធ្វើដំណើរ និងកាបូបនៅកម្ពុជា» ដោយលោក Enrico Gaveglia តំណាង UNDP ប្រចាំកម្ពុជា និងលោកស្រី អ៊ីវ ឯកនិម្នល ជំនួយការតំណាង UNDP ព្រមទាំងមានកិច្ចពិភាក្សាស្តីពី «វឌ្ឍនភាព បញ្ហាប្រឈម និងគោលនយោបាយជំរុញការប្រើប្រាស់ប្រាក់រៀល» ដោយមានតំណាងទីភ្នាក់ងារសហប្រតិបត្តិការអន្តរជាតិជប៉ុន (JICA) ប្រចាំកម្ពុជា ជាអ្នកសម្របសម្រួលផងដែរ៕

អត្ថបទ៖ ប៊ី, ប្រភព៖ រដ្ឋសភា

second...

x

The post ឯកឧត្តមបណ្ឌិត កែវ ពិសិដ្ឋ៖ វិស័យសាធារណៈត្រៀមខ្លួនរួចរាល់ក្នុងការប្រើប្រាស់ប្រាក់រៀល ដើម្បីពង្រឹងអធិបតេយ្យនៃសេដ្ឋកិច្ចជាតិ appeared first on Millions times.

ក្នុងសិក្ខាសាលាស្តីពី «សារៈសំខាន់នៃប្រាក់រៀល៖ ការយល់ដឹងពីរូបិយវត្ថុក្នុងសេដ្ឋកិច្ចកម្ពុជា» ដែលរៀបចំធ្វើនៅវិមានរដ្ឋសភានា កាលពីថ្ងៃទី១៩ ខែមីនា ឆ្នាំ២០២៦ នេះ ឯកឧត្តម បានថ្លែងថា ប្រាក់រៀលមិនត្រឹមតែជាមធ្យោបាយទូទាត់ប៉ុណ្ណោះទេ ប៉ុន្តែគឺជាដួងព្រលឹង និងជានិមិត្តរូបនៃអធិបតេយ្យជាតិ មោទនភាពជាតិ និងឯករាជ្យភាពនៃគោលនយោបាយសេដ្ឋកិច្ចកម្ពុជា។

ឯកឧត្តម ឈាង វុន បានគូសបញ្ជាក់ថា ការប្រើប្រាស់ប្រាក់រៀលកាន់តែច្រើន នឹងផ្ដល់លទ្ធភាពឱ្យធនាគារជាតិនៃកម្ពុជា គ្រប់គ្រងអត្រាការប្រាក់ និងបរិមាណសាច់ប្រាក់បានកាន់តែមានប្រសិទ្ធភាព។

តាមដានជាមួយយើង៖ Million Times

ក្នុងឱកាសនោះ ឯកឧត្តម យឹម លាត ទេសាភិបាលរងធនាគារជាតិនៃកម្ពុជា បានបង្ហាញទិន្នន័យគួរឱ្យកត់សម្គាល់ថា ការចរាចរប្រាក់រៀលបច្ចុប្បន្នមានការកើនឡើងប្រមាណ ១២% ក្នុងមួយឆ្នាំ គ្រាដែលប្រាក់រៀលមានតម្លៃថេរជិត ២ទសវត្សរ៍មកហើយ ដែលជាកត្តាចម្បងក្នុងការបង្កើតទំនុកចិត្តដល់សាធារណជន។

ជាមួយគ្នានេះ ឯកឧត្តមទេសាភិបាលរង បានសង្កត់ធ្ងន់ថា ការកាត់បន្ថយការពឹងផ្អែកលើប្រាក់ដុល្លារ គឺជាយុទ្ធសាស្ត្រដើម្បីការពារកម្ពុជាពីការប៉ះទង្គិចសេដ្ឋកិច្ច ដែលកើតចេញពីប្រទេសប្រើប្រាស់ប្រាក់ដុល្លារ។

ឯកឧត្តម ឡេង ប៉េងឡុង អគ្គលេខាធិការរដ្ឋសភា ក៏បានលើកឡើងដែរថា សិក្ខាសាលានេះប្រារព្ធឡើងចំពេលខួបលើកទី៤៦ នៃការដាក់ឱ្យចរាចរប្រាក់រៀលឡើងវិញ (១៩៨០-២០២៦)។

ឯកឧត្តមបានសង្កត់ធ្ងន់ថា៖ «ការលើកកម្ពស់ប្រាក់រៀល គឺជាការជួយលើកកម្ពស់សាមគ្គីភាពជាតិ និងស្មារតីជាតិនិយម»។

សូមបញ្ជាក់ដែរថា សិក្ខាសាលាដែលរដ្ឋសភាសហការជាមួយធនាគារជាតិនៃកម្ពុជានេះ ក៏មានការអញ្ជើញចូលរួមពីតំណាងក្រសួងសេដ្ឋកិច្ច និងហិរញ្ញវត្ថុ ក្រសួងពាណិជ្ជកម្ម និងនិស្សិតប្រមាណ ៤០០នាក់ មកពីសាកលវិទ្យាល័យចំនួន៤ ក្នុងរាជធានីភ្នំពេញ ដើម្បីស្វែងយល់កាន់តែច្បាស់ពីតួនាទីប្រាក់រៀលក្នុងពាណិជ្ជកម្ម និងស្ថិរភាពរូបិយវត្ថុ។

តាមរយៈអង្គសិក្ខាសិលានេះ ក៏មានការអញ្ជើញចូលរួមពីវាគ្មិននិងការធ្វើបទបង្ហាញផងដែរពីឯកឧត្តម ទេព ភិយ្យោរិន្រ្ទ អនុរដ្ឋលេខាធិការនៃក្រសួងសេដ្ឋកិច្ច និងហរិញ្ញវត្ថុ ,ឯកឧត្តម គឹម មាសសុខសីហា អគ្គនាយកក.ប.ប នៃក្រសួងពាណិជកម្ម , ឯកឧត្តមបណ្ឌិត ឃូ វុឍ្ឍី អគ្គនាយកនៃអគ្គនាយកដ្ឋានគោលនយោបាយ និងសហប្រតិបត្តិការអន្តរជាតិនៃធនាគារជាតិ, លោកជំទាវ កុល ធារិន, ឯកឧត្តម ជាម ប៉េអា និង លោក អ៊ឺង ហាន តំណាង The SEED Cambodia ។

តាមរយៈបទបង្ហាញពិស្តារពីអង្គសិក្ខាសិលានេះអង្គសិក្ខាសាលាបានយល់ស្របគ្នាថា ការប្រើប្រាស់រូបិយប័ណ្ណជាតិ (ប្រាក់រៀល) មិនត្រឹមតែផ្ដល់នូវអធិបតេយ្យសេដ្ឋកិច្ច និងស្ថិរភាពអត្រាប្តូរប្រាក់ប៉ុណ្ណោះទេ ប៉ុន្តែវាគឺជាឧបករណ៍គោលនយោបាយដ៏រឹងមាំក្នុងការគ្រប់គ្រងអតិផរណា និងរក្សាស្ថិរភាពម៉ាក្រូសេដ្ឋកិច្ចកម្ពុជាឱ្យមានចីរភាពក្នុងឆាកអន្តរជាតិផងដែរ៕

អត្ថបទ៖ ប៊ី

second...

x

The post ប្រាក់រៀលដើរតួនាទីយ៉ាងសំខាន់ក្នុងការជំរុញសេដ្ឋកិច្ចជនបទ និងអាជីវកម្មខ្នាតតូច appeared first on Millions times.

ឯកឧត្តម ជា ធីរិទ្ធ បានឱ្យដឹងនៅក្រោយជំនួបថា នៅក្នុងជំនួបនោះ សម្ដេចតេជោ ហ៊ុន សែន បានសម្ដែងនូវការស្វាគមន៍ និងរីករាយដែលបានជួបជាមួយឯកឧត្តម ហើយសម្ដេចតេជោសង្ឃឹមថា ទំនាក់ទំនងរវាងកម្ពុជា និងដាណឺម៉ាកនឹងកាន់តែរីកចម្រើនបន្ថែមទៀត ក្រោមការដឹកនាំរបស់ឯកឧត្តមជាឯកអគ្គរាជទូតប្រចាំព្រះរាជាណាចក្រកម្ពុជា។

តាមដានជាមួយយើង៖ Million Times

សម្ដេចតេជោបានបង្ហាញនូវការពេញចិត្តចំពោះទំនាក់ទំនងកន្លងមកដែលមានភាពល្អប្រសើរ ហើយសង្ឃឹមថា នៅឆ្នាំក្រោយដែលជាខួបលើកទី ៦០ឆ្នាំនៃទំនាក់ទំនងកម្ពុជានិងដាណឺម៉ាក ប្រទេសទាំងពីរនឹងមានការរៀបចំកម្មវិធីនានាដើម្បីអបអរសាទរនៃខួប៦០ឆ្នាំដែលនឹងឈានមកដល់នៅឆ្នាំក្រោយនេះ។

នៅក្នុងឱកាសនោះ ឯកឧត្តមឯកអគ្គរាជទូតដាណឺម៉ាកបានសម្ដែងនូវការអរគុណចំពោះសម្ដេចតេជោដែលបានអនុញ្ញាតឱ្យឯកឧត្តម និងសហការីបានចូលជួបសម្ដែងការគួរសមនាឱកាសនេះ។ ឯកឧត្តមបានលើកឡើងថា នៅក្នុងការបំពេញបេសកកម្មរបស់ឯកឧត្តម ឯកឧត្តមបានប្រឹងប្រែងក្នុងការពង្រីកទំនាក់ទំនងរវាងកម្ពុជា និងដាណឺម៉ាកឱ្យកាន់តែរីកចម្រើនទាំងក្នុងក្របខណ្ឌនៃការទូតនយោបាយជាពិសេសគឺសេដ្ឋកិច្ច ពាណិជ្ជកម្ម និងការវិនិយោគរវាងប្រទេសទាំងពីរ។

សម្ដេចតេជោបានពេញចិត្តចំពោះការលើកឡើងរបស់ឯកឧត្តម ដោយសម្ដេចបានឯកភាពលើការធ្វើយ៉ាងណា ឱ្យទំនាក់ទំនងរវាងកម្ពុជានិងដាណឺម៉ាកមានទំនាក់ទំនងកាន់តែល្អបន្ថែមទៀតជា ពិសេសទៅលើបញ្ហាសេដ្ឋកិច្ច ពាណិជ្ជកម្ម និងការវិនិយោគ ឱ្យមានភាពល្អប្រសើរ មានការកើនឡើងហើយស្របទៅនឹងកិច្ចសហប្រតិបត្តិការនៅក្នុងវិស័យនយោបាយ ការទូត រវាងប្រទេសទាំងពីរដែលមានជាមួយគ្នា។

សម្ដេចតេជោបានលើកឡើងថា ទំនាក់ទំនងរវាងកម្ពុជា និងដាណឺម៉ា គឺនៅមានសក្តានុពលច្រើនទៀត ដែលភាគីទាំងពីរអាចធ្វើការជាមួយគ្នា ជាពិសេសលើផ្នែកពាណិជ្ជកម្ម ការវិនិយោគ និងសេដ្ឋកិច្ចជាដើម។ នៅក្នុងឱកាសនោះ សម្ដេចតេជោក៏បានចែករំលែកអំពីស្ថានការណ៍អន្តរជាតិមួយចំនួនដែលកើតមានឡើងនៅពេលបច្ចុប្បន្ន

ជាពិសេសបញ្ហាព្រំដែនរវាងកម្ពុជានិងថៃ ដែលបានកើតឡើងនាពេលកន្លងមកនេះ ដែលភាគីទាំងពីរកំពុងតែរក្សាគោលជំហរបទឈប់បាញ់ ហើយសម្ដេចបានបញ្ជាក់អំពីជំហររបស់រដ្ឋាភិបាលកម្ពុជានាពេលកន្លងមក គឺគាំទ្រចំពោះការរក្សានូវជំហរនៃការគោរពបទឈប់បាញ់ និងការដោះស្រាយបញ្ហា និងការចរចាដោយសន្តិវិធី។

នៅក្នុងឱកាសនោះ ឯកឧត្តមឯកអគ្គរាជទូតដាណឺម៉ាក បានពេញចិត្តចំពោះជំហររបស់កម្ពុជាក្នុងការដោះស្រាយបញ្ហាព្រំដែនរវាងកម្ពុជា និងថៃដោយឈរលើការគោរពបទឈប់បាញ់ និងការដោះស្រាយបញ្ហាដោយសន្តិវិធី។

ជាចុងក្រោយសម្ដេចតេជោ ហ៊ុន សែន បានជូនពរឯកឧត្តមឯកអគ្គរាជទូត ដាណឺម៉ាក ក្នុងការបំពេញបេសកកម្មការទូតនៅព្រះរាជាណាចក្រកម្ពុជាប្រកបដោយភាពជោគជ័យ៕

second...

x

The post កម្ពុជា-ដាណឺម៉ាក ឯកភាពជំរុញទំនាក់ទំនងសេដ្ឋកិច្ច ពាណិជ្ជកម្ម និងវិនិយោគរវាងប្រទេសទាំងពីរ appeared first on Millions times.

ស្ថាប័ននីតិប្បញ្ញត្តិ (ព្រឹទ្ធសភានិងរដ្ឋសភា)បានសហការរៀបចំសិក្ខាសាលាដ៏មានសារៈសំខាន់ជាមួយក្រសួងស្ថាប័នមួយចំនួន លើប្រធានបទស្តីពី «ការពង្រឹងភាពធន់ជាតិ និងកាលានុវត្តភាពនៃយុទ្ធសាស្ត្រអភិបាលកិច្ចវិទ្យាសាស្ត្រ បច្ចេកវិទ្យា នវានុវត្តន៍ ឧស្សាហកម្ម និងពាណិជ្ជកម្មរបស់កម្ពុជា» នៅវិមានរដ្ឋសភា នៅថ្ងៃទី១២ ខែមីនា ឆ្នាំ២០២៦។

ពិធីបើកសិក្ខាសាលានេះ បានប្រារព្ធធ្វើឡើងក្រោមអធិបតីភាពដ៏ខ្ពង់ខ្ពស់សម្តេចមហារដ្ឋសភាធិការធិបតី ឃួន សុដារី ដោយមានសមាជិក សមាជិកាព្រឹទ្ធសភា រដ្ឋសភា រាជរដ្ឋាភិបាល មន្រ្តីរាជការនៃអគ្គលេខាធិការដ្ឋានរដ្ឋសភា ព្រឹទ្ធសភា និងរាជរដ្ឋាភិបាល ជាង៣០០ នាក់ បានចូលរួមផ្ទាល់និងចូលរួមតាមអនឡាញជាច្រើនទៀត។

តាមដានជាមួយយើង៖ Million Times

មានប្រសាសន៍នៅក្នុងឱកាសនោះ សម្តេចប្រធានរដ្ឋសភា បានលើកឡើងថា ភាពធន់ជាតិ គឺជាសមត្ថភាពដ៏រឹងមាំរបស់ជាតិ ក្នុងការទប់ទល់រាល់វិបត្តិដែលកើតឡើងជាយថាហេតុ ក៏ដូចជាការស្ដារឡើងវិញនូវស្ថានភាពជាតិឱ្យមានភាពល្អប្រសើរឡើងដោយឆាប់រហ័ស ហើយបន្តអភិវឌ្ឍខ្លួនឱ្យកាន់តែរីកចម្រើនសម្រាប់ថ្ងៃអនាគត។

ដើម្បីសម្រេចបាននូវភាពធន់នេះ ចាំបាច់ត្រូវមានគ្រឹះសេដ្ឋកិច្ចដ៏រឹងមាំ មានសាមគ្គីភាព និងឯកភាពសង្គមជាធ្លុងមួយ រួមជាមួយនឹងប្រសិទ្ធភាព និងសមត្ថភាពនៃស្ថាប័នជាតិ ព្រមទាំងមានទស្សនវិស័យជាយុទ្ធសាស្ត្រដ៏ច្បាស់លាស់។

សម្តេចរដ្ឋសភាធិបតី មានប្រសាសន៍បន្តថា ការរៀបចំសិក្ខាសាលានេះឡើង គឺជាសក្ខីភាពឆ្លុះបញ្ចាំងពីការប្ដេជ្ញាចិត្តរួមគ្នាយ៉ាងម៉ឺងម៉ាត់ ក្នុងការជំរុញការអភិវឌ្ឍវិស័យវិទ្យាសាស្ត្រ បច្ចេកវិទ្យា នវានុវត្តន៍ ឧស្សាហកម្ម និងពាណិជ្ជកម្មកម្ពុជា ដើម្បីឈានទៅសម្រេចបានបេសកកម្មដ៏ឧត្តុង្គឧត្តម ក្នុងការប្រែក្លាយកម្ពុជាទៅជាប្រទេសមួយដែលមានរដ្ឋាភិបាលឌីជីថល សង្គមឌីជីថល ហើយមានភាពធន់ និងការអភិវឌ្ឍដោយចីរភាព និងបរិយាបន្ន។

សម្តេចមានជំនឿជឿជាក់យ៉ាងមុតមាំថា ក្រៅពីបទអន្តរាគមន៍គន្លឹះ ឯកឧត្តម លោកជំទាវ លោក លោកស្រី ទាំងអស់ នឹងចូលរួមក្នុងកិច្ចពិភាក្សា និងសួរដេញដោលឱ្យបានផុលផុស ដើម្បីយល់ច្បាស់អំពីសមិទ្ធផលសម្រេចបាន និងកង្វះខាតនានា ហើយត្រូវរួមគ្នាគិតគូរឱ្យបានស៊ីជម្រៅ អំពីដំណោះស្រាយគន្លឹះ ក្នុងការប្រែក្លាយបញ្ហាប្រឈមទាំងនេះទៅជាកាលានុវត្តភាព សម្រាប់ការរៀបចំ និងអនុវត្តគោលនយោបាយ និងយុទ្ធសាស្ត្រនានា ឱ្យមានប្រសិទ្ធភាព និងសម្រេចបានសមិទ្ធផលដ៏ត្រចះត្រចង់បន្ថែមទៀត។

សិក្ខាសាលាសភា ស្តីពី «ការពង្រឹងភាពធន់ជាតិ និងកាលានុវត្តភាពនៃយុទ្ធសាស្ត្រអភិបាលកិច្ចវិទ្យាសាស្ត្រ បច្ចេកវិទ្យា នវានុវត្តន៍ ឧស្សាហកម្ម និងពាណិជ្ជកម្មរបស់កម្ពុជា» បានរួមសហការរៀបចំឡើងដោយ គណៈកម្មការសាធារណការ ដឹកជញ្ជូន អាកាសចរណ៍ស៊ីវិល ប្រៃសណីយ៍ ទូរគមនាគមន៍ ឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ (គណៈកម្មការទី៩) នៃរដ្ឋសភា រួមជាមួយគណៈកម្មការទី៩ នៃព្រឹទ្ធសភា សហការជាមួយ ក្រសួងប្រៃសណីយ៍ និងទូរគមនាគមន៍ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងក្រសួងពាណិជ្ជកម្ម។

សិក្ខាសាលានេះរៀបចំឡើង ស្របពេលដែលពិភពលោកកំពុងច្របូកច្របល់ ហ៊ុមព័ទ្ធដោយសង្គ្រាម ដែលបានប៉ះពាល់យ៉ាងធ្ងន់ធ្ងរដល់ខ្សែច្រវាក់ផលិតកម្ម ថាមពល ឧស្សាហកម្ម កសិកម្ម ស្បៀង និងអាកាសចរណ៍ ជាដើម។ លើសពីនេះ កម្ពុជាក៏បាន និងកំពុងប្រឈមនឹងសង្គ្រាមឈ្លានពានប្រដាប់អាវុធធុនធ្ងន់ ឃោរឃៅ ព្រៃផ្សៃ រំលោភច្បាប់អន្តរជាតិ ពីប្រទេសថៃ មកលើអធិបតេយ្យ និងបូរណភាពទឹកដីរបស់កម្ពុជា ដែលបានបង្កផលប៉ះពាល់យ៉ាងធ្ងន់ធ្ងរដល់សន្តិសុខ និងស្ថិរភាពសេដ្ឋកិច្ចរបស់ជាតិ។

សម្តេចប្រធានរដ្ឋសភាបានលើកឡើងថា ក្នុងកាលៈទេសៈបែបនេះ ក្នុងនាមតំណាងរាស្ត្រ ដែលតំណាងឱ្យប្រជាពលរដ្ឋទូទាំងប្រទេស ក៏ដូចជាថ្នាក់ដឹកនាំក្រសួង ត្រូវតែមានការយកចិត្តទុកដាក់ខ្ពស់ ហើយគិតគូរឱ្យបានគ្រប់ជ្រុងជ្រោយ ដើម្បីចូលរួមដឹកនាំនាវាកម្ពុជាឆ្លងកាត់ព្យុះភ្លៀង បោះពួយទៅមុខ ដោយមានទំនុកចិត្ត និងភាពប្រាកដប្រជា តាមរយៈចក្ខុវិស័យ និងយុទ្ធសាស្ត្រជាតិច្បាស់លាស់។

សម្តេចសង្កត់ធ្ងន់ថា សំណួរគន្លឹះដ៏សំខាន់ សម្រាប់យើងទាំងអស់នៅថ្ងៃនេះ គឺថា«តើយើងត្រូវប្រែក្លាយបញ្ហាប្រឈម និងការលំបាកដែលយើងកំពុងជួបប្រទះនាពេលនេះ ទៅជាកាលានុវត្តភាព និងភាពធន់របស់ជាតិ ដោយរបៀបណា?»

នេះជាចំណោទប្រស្នា ដែលសម្ដេចប្រធានរដ្ឋសភាស្នើសុំឱ្យអង្គសិក្ខាសាលាពិភាក្សាឱ្យបានស៊ីជម្រៅ គ្រប់ជ្រុងជ្រោយ ហើយដាក់ចេញជាដំណោះស្រាយ ដែលអាចអនុវត្តបាន និងចេញជាលទ្ធផលផ្លែផ្កា សម្រាប់ជាតិមាតុភូមិជាទីស្រឡាញ់របស់យើង។

សូមជម្រាបថា ទោះប្រឈមនឹងផលលំបាកពីការឈ្លានពានរបស់ប្រទេសជិតខាង និងសង្គ្រាម ឬអសន្តិសុខពិភពលោកដែលបានផ្ទុះឡើងជាបន្តបន្ទាប់យ៉ាងណាក្តី ក៏រាជរដ្ឋាភិបាលបាន និងកំពុងបន្តយកចិត្តទុកដាក់ខ្ពស់ លើការរក្សាស្ថិរភាពនយោបាយ សន្តិសុខ និងស្ថិរភាពម៉ាក្រូសេដ្ឋកិច្ច តាមរយៈការពង្រឹងសន្តិសុខសង្គម ការអនុវត្តច្បាប់ ការគ្រប់គ្រងអតិផរណា ការជំរុញការកែទម្រង់ និងការពង្រឹងអភិបាលកិច្ច ដោយផ្តោតលើការធ្វើទំនើបកម្មរដ្ឋបាលសាធារណៈ ការលើកកម្ពស់គុណាធិបតេយ្យក្នុងការគ្រប់គ្រងធនធានមនុស្ស ការកែលម្អបរិយាកាសវិនិយោគ និងធុរកិច្ច ការលើកកម្ពស់គុណភាពអប់រំ និងការអភិវឌ្ឍមូលធនមនុស្ស ការបណ្តុះបណ្តាលជំនាញបច្ចេកទេស និងឌីជីថល ជាដើម។

កម្ពុជាកំពុងបន្តពង្រឹងសមត្ថភាពសេដ្ឋកិច្ចជាតិ ដើម្បីត្រៀមចាកចេញពីចំណាត់ថ្នាក់ប្រទេសអភិវឌ្ឍន៍តិចតួច (LDC) នៅក្នុងឆ្នាំ២០២៩ ឆ្ពោះទៅសម្រេចបានចក្ខុវិស័យកម្ពុជាឆ្នាំ២០៣០ ជាប្រទេសមានចំណូលមធ្យមកម្រិតខ្ពស់ និងប្រទេសមានចំណូលខ្ពស់នៅឆ្នាំ២០៥០៕

អត្ថបទ៖ ប៊ី

second...

x

The post សម្តេចប្រធានរដ្ឋសភា៖ ភាពធន់ជាតិចាំបាច់ត្រូវមានគ្រឹះសេដ្ឋកិច្ចដ៏រឹងមាំ មានសាមគ្គីភាព និងឯកភាពសង្គមជាធ្លុងមួយ appeared first on Millions times.

ឯកឧត្តម ឧបនាយករដ្ឋមន្ត្រី ហ៊ុន ម៉ានី បានគូសបញ្ជាក់ដូច្នេះ នាឱកាសអញ្ជើញអធិបតីភាព បើកពិព័រណ៍រថយន្ត (Auto Show) លើកទី៣ ឆ្នាំ២០២៦ កាលពីថ្ងៃទី៦ ខែមីនា ឆ្នាំ២០២៦។ លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា និងលោកជំទាវ អមដំណើរដោយអ្នកឧកញ៉ា ឧកញ៉ា ជាថ្នាក់ដឹកនាំ និងសមាជិក នៃសមាគមឧកញ៉ាកម្ពុជា បានចូលរួមពិធីបើកពិព័រណ៍រថយន្ត (Auto Show) លើកទី៣ ឆ្នាំ២០២៦ នៅ ដឹ ព្រេមៀ សេនធ័រ សែនសុខ។

តាមដានជាមួយយើង៖ Million Times

អ្នកឧកញ៉ា សេង ញ៉ក់ សមាជិកសមាគមឧកញ៉ាកម្ពុជា និងជាអគ្គនាយក ដឹ ព្រេមៀ សេនធ័រ សែនសុខ បានថ្លែងថា ពិធីតាំងបង្ហាញពិព័រណ៍រថយន្តជាលើកទី៣នេះ មានក្រុមហ៊ុនចូលរួមច្រើនជាងលើកទី២ កាលពីឆ្នាំ២០២៥កន្លងមក ពោលគឺមានក្រុមហ៊ុនរថយន្តក៏ដូចជាដៃគូសហការផ្សេងទៀតចូលរួម ៦០ក្រុមហ៊ុនដែលជាការប្រមូលផ្ដុំក្រុមហ៊ុនផលិតរថយន្ត អ្នកលក់ និងអ្នកប្រើប្រាស់ ដើម្បីស្វែងយល់ពីបច្ចេកវិទ្យាផលិតផលថ្មី ក៏ដូចជាទីផ្សារសកលនៅកម្ពុជា ព្រមទាំងជាឱកាសទំនាក់ទំនងទៅកាន់អតិថិជនមួយវិញទៀតអ្នកប្រើប្រាស់ក៏នឹងមានឱកាសទទួលបាននូវបទពិសោធថ្មី ផលិតផលថ្មី បច្ចេកវិទ្យាថ្មី រួមជាមួយចំណេះដឹងផ្នែករថយន្តផងដែរ។

ក្នុងឱកាសនេះដែរ ឯកឧត្តមឧបនាយករដ្ឋមន្ត្រី បានធ្វើការកោតសរសើរ និងវាយតម្លៃខ្ពស់ចំពោះក្រុមហ៊ុន ដឹ ព្រេមៀ សេនធ័រ សែនសុខ ដែលបានផ្តួចផ្តើមរៀបចំកម្មវិធីពិព័រណ៍រថយន្តជាលើកទី៣ ដើម្បីបង្ហាញពីភាពចម្រុះ សម្បូរបែប និងការវិវឌ្ឍនៃវិស័យយានយន្តក្នុងប្រទេសកម្ពុជា។

ឯកឧត្តមបានបន្ថែមថា ចាប់តាំងពីឆ្នាំ២០២៤ ដែលជាឆ្នាំដំបូង នៃការរៀបចំព្រឹត្តិការណ៍ពិព័រណ៍នេះឡើងមកដល់ពេលនេះ យើងបានឃើញវឌ្ឍនភាពគួរឱ្យកត់សម្គាល់ពីមួយឆ្នាំទៅមួយឆ្នាំទាំងការកើនឡើងនៃចំនួនក្រុមហ៊ុនចូលរួម អ្នកចូលរួមការពង្រីករយៈពេលកម្មវិធី ពី២ថ្ងៃ ដល់៣ថ្ងៃ និងការពង្រីកទំហំទីតាំងកម្មវិធីជាដើម ដែលវឌ្ឍនភាពទាំងនេះ ជាសក្ខីភាពបញ្ជាក់យ៉ាងច្បាស់ថា វិស័យយានយន្តនៅកម្ពុជា កំពុងទទួលបានការចាប់អារម្មណ៍យ៉ាងច្រើន និងទំនុកចិត្តកាន់តែខ្លាំងពីសំណាក់អ្នកវិនិយោគ ពាណិជ្ជករ និងអ្នកប្រើប្រាស់។

ឯកឧត្តមបានបញ្ជាក់ថា៖ «ជាក់ស្តែង ក្នុងរយៈពេលប៉ុន្មានឆ្នាំចុងក្រោយនេះ យើងសង្កេតឃើញថា វិស័យយានយន្តក្នុងប្រទេសកម្ពុជាមានការរីកចម្រើនគួរឱ្យកត់សម្គាល់។ កំណើនក្នុងវិស័យយានយន្ត គឺជាលទ្ធផលនៃកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការបើកចំហរសេដ្ឋកិច្ចទីផ្សារសេរី និងការបើកទូលាយសម្រាប់ការវិនិយោគនៅក្នុងប្រទេសកម្ពុជា ដើម្បីកំណើនសេដ្ឋកិច្ច បង្កើតឱកាសការងារ ព្រមទាំងឆ្លើយតបនឹងតម្រូវការប្រើប្រាស់របស់ប្រជាពលរដ្ឋខ្មែរ»។

សូមបញ្ជាក់ថា ពិព័រណ៍រថយន្តលើកទី៣ រយៈពេល ៣ថ្ងៃដែលប្រព្រឹត្តទៅចាប់ពីថ្ងៃទី៦-៧-៨ ខែមីនា ឆ្នាំ២០២៦ រៀបចំដោយ ដឹ ព្រេមៀ សេនធ័រ សែនសុខ ដោយមានការគាំទ្រពីក្រសួងពាណិជ្ជកម្ម និងសមាគមឧកញ៉ាកម្ពុជា ព្រមទាំងមានការចូលរួមឧបត្ថម្ភដោយបណ្តាក្រុមហ៊ុនជាច្រើនទៀត។ ព្រឹត្តិការណ៍នេះក៏មានការលើកទឹកចិត្តដល់អតិថិជនដែលបានជាវរថយន្ត និងភ្ញៀវកិត្តិយសដែលមកចូលរួមទស្សនានៅថ្ងៃតាំងពិព័រណ៍ នឹងទទួលបានការចាប់ឆ្នោតយករង្វាន់ផ្សេងៗ អមដោយការប្រគុំតន្ត្រីពីតារាល្បីៗ ព្រមទាំងមាន Playground Kids Paradise សម្រាប់កុមារលេងកម្សាន្តទៀតផង៕

អត្ថបទ៖ ប៊ី, រូបភាព៖ សមាគមឧកញ៉ាកម្ពុជា

second...

x

The post កំណើនក្នុងវិស័យយានយន្ត បង្ហាញពីការបើកចំហរសេដ្ឋកិច្ចទីផ្សារសេរី និងការបើកទូលាយសម្រាប់ការវិនិយោគនៅកម្ពុជា appeared first on Millions times.

តាមដានជាមួយយើង៖ Million Times

ការលើកឡើងនេះ បានធ្វើឡើងក្នុងពិធីបើកពិព័រណ៍រថយន្ត (Auto Show) លើកទី៣ ឆ្នាំ២០២៦ នៅដឹ ព្រេមៀរ សេនធរ សែនសុខ កាលពីព្រឹកថ្ងៃទី៦ ខែមីនា ឆ្នាំ២០២៦។

ឯកឧត្តម ហ៊ុន ម៉ានី បានថ្លែងថា ដោយមើលឃើញពីស្ថានភាពតំបន់ និងសកលលោក កំពុងរងការប្រឈមយ៉ាងខ្លាំង ដោយសារភាពផុយស្រួយនៃសណ្តាប់ធ្នាប់ពិភពលោក ភាពមិនប្រាកដប្រជានៃសេដ្ឋកិច្ច​សកល និងតំបន់, អស្ថិរភាពនយោបាយ និងសន្តិសុខសកលលោក ការកើនកម្តៅភូមិសាស្ត្រនយោបាយ សង្គ្រាមរវាងប្រទេសនានា សង្គ្រាមពាណិជ្ជកម្ម ការប្រកួតប្រជែងរវាងមហាអំណាច គួបផ្សំនឹងការវិវត្តយ៉ាងឆាប់រហ័យនៃបច្ចេកវិទ្យា ពិសេសចុងក្រោយសង្គ្រាមយោធាថៃមកលើអធិបតេយ្យភាពរបស់កម្ពុជា ដែលកម្ពុជាបានរងគ្រោះសារជាថ្មីទៀត សុទ្ធតែជាមេរៀនសម្រាប់កម្ពុជា។

ឯកឧត្តម បានបញ្ជាក់ថា «យើងអាចរងការឈឺចាប់ ឈឺចាប់ទាំងកាយ ឈឺចាប់ទាំងចិត្ត ប៉ុន្តែដំណើរការសេដ្ឋកិច្ចសង្គម ត្រូវតែទៅមុខ។ កម្ពុជាត្រូវតែខំប្រឹងប្រែងឈរ និងដើរទៅមុខជាប្រចាំ។ ស្ថានភាពកាន់តែមិនច្បាស់លាស់ យើងកាន់តែត្រូវប្រឹងប្រែង! ឆ្នាំ២០២៥ ជាចំណុចរបត់ ដ៏ធំសម្រាប់កម្ពុជា ដែលយើងទាំងអស់គ្នាជាប្រជាជនខ្មែរត្រូវសម្លឹងមើលឱ្យបានឆ្ងាយ, ឱ្យបានស៊ីជម្រៅ និងទូលំទូលាយ អំពីគោលដៅដែលនាវាកម្ពុជាកំពុងឆ្ពោះទៅមុខ ជាពិសេស ដើម្បីសម្រេចបាននូវគោលដៅ ឆ្នាំ២០៥០»។

ជាមួយគ្នានេះ ឯកឧត្តមឧបនាយករដ្ឋមន្ត្រី ក៏បានបញ្ជាក់បន្ថែមថា “កម្ពុជាត្រូវបន្តខិតខំ ដើម្បីសម្រេចទិសដៅអនាគត ដែលតម្រូវឱ្យមានការកំណត់មាគ៌ាដឹកនាំ ដែលគ្រប់គ្រងបាននូវឧបសគ្គ និងផ្តល់ក្តីសង្ឃឹម មានភាពប្រាកដនិយម រក្សាបាននូវសុខដុមនីយកម្ម និងចីរភាពនៃដំណើរការអភិវឌ្ឍន៍របស់ខ្លួន។ ប្រាកដណាស់ យើងត្រូវពន្លឿនការធ្វើពិពិធកម្មមូលដ្ឋានផលិតកម្ម និងការពង្រឹង ភាពប្រកួតប្រជែង តាមរយៈការជំរុញ និងការទាក់ទាញឧស្សាហកម្មចំគោលដៅ ដែលមានតម្លៃបន្ថែមខ្ពស់, បង្កើនល្បឿនការដ្ឋានកែទម្រង់ជា «ប្រព័ន្ធរដ្ឋបាលតែមួយ» ក្រោមស្មារតី ជវភាពនៃប្រព័ន្ធតួអង្គតែមួយ ដើម្បីបង្កើនទំនុកចិត្តរបស់វិនិយោគិន និងសហគមន៍ធុរកិច្ច៕

អត្ថបទ៖ វីរៈ រូបភាព៖ ក្រសួងមុខងារសាធារណៈ

second...

x

The post ឯកឧត្តម ហ៊ុន ម៉ានី៖ យើងអាចរងការឈឺចាប់ ប៉ុន្តែដំណើរការសេដ្ឋកិច្ចសង្គមត្រូវតែទៅមុខ appeared first on Millions times.