មកស្គាល់សេដ្ឋីវាល់លានស្រុកខ្មែរ និងជាថៅកែស្រាបៀ ៤ ម៉ាកយីហោ

Vin Chang — Mon, 28 Apr 2025 10:06:24 +0000

ក្រុមហ៊ុនស្រាបៀលំដាប់អន្តរជាតិជាច្រើននៅកម្ពុជា ស្ថិតនៅក្រោមការគ្រប់គ្រងរបស់សេដ្ឋីវាល់លាន និងមានជំនួញច្រើនមុខក្នុងដៃ។ ខាងក្រោមនេះជាម្ចាស់ស្រាបៀបង្កើតឡើងដោយកូនខ្មែរ មានទាំងកេរ្តិ៍ឈ្មោះល្បីល្បាញ និងដណ្ដើមបានទីផ្សារក្នុងស្រុក។

១.ស្រាបៀ គ្រុឌ

វឌ្ឍនៈ ប្រ៊ូវើរី គឺជាក្រុមហ៊ុនបុត្រសម្ព័ន្ធមួយរបស់ វឌ្ឍនៈ គ្រុប ដែលជាគ្រុបដ៏លេចធ្លោមួយ និងមានក្រុមហ៊ុនជាច្រើនវិនិយោគលើវិស័យផ្សេងៗដូចជាវិស័យទំនិញ សេវាកម្ម អចលនទ្រព្យ សួនឧស្សាហកម្ម ធនាគារ សណ្ឋាគារ និងផលិតផលភេសជ្ជៈ។

តាមដានជាមួយយើង៖ Million Times

អ្នកឧញ៉ា សំអាង វឌ្ឍនៈ ដែលជានាយកប្រតិបត្តិក្រុមហ៊ុន វឌ្ឍនៈ ប្រ៊ូវើរី មានឈ្មោះបោះសំឡេងខ្លាំងក្នុងចំណោមអគ្គនាយករបស់ក្រុមហ៊ុនស្រាបៀល្បីៗក្នុងស្រុក។ វឌ្ឍនៈ ប្រ៊ូវើរី មានផលិតផលដូចជាស្រាបៀ វឌ្ឍនៈ, គ្រុឌ និងវឌ្ឍនៈ ព្រីមៀមបៀរ រួមទាំងភេសជ្ជៈប៉ូវកម្លាំងជាច្រើនទៀត។

២. ស្រាបៀហ្គ្រីត

ក្រុមហ៊ុនឆេមពានគ្រុប ដែលមានភេសជ្ជៈប៉ូវកម្លាំងច្រើនប្រភេទ និងផលិតផលស្រាបៀហ្គ្រីតក្នុងក្រោមក្រុមហ៊ុន ស្ថិតក្រោមការគ្រប់គ្រងរបស់អ្នកឧកញ៉ា សុខ សុភាព។

៣. ស្រាហនុមាន

ក្រុមហ៊ុន ហនុមាន ប៊េវើរីជីស គឺជារបស់លោកស្រី លោកស្រី ខៀវ សស៊ីលៀប ដែលជាសេដ្ឋីនីវ័យក្មេងកាន់កាប់ជំនួញមួយនេះ។ ក្រុមហ៊ុន ហនុមាន ប៊ែវើរីជីស ឯ.ក បានដាក់សម្ពោធកាលពីចុងឆ្នាំ ២០២២ ដែលមាន២ ផលិតផលគឺ ស្រាបៀ ហនុមាន lager និង ហនុមាន Black។

៤. ស្រាបៀកម្ពុជា របស់ក្រុមហ៊ុនខ្មែរ ប៊ែវើរីជីស

ខ្មែរ ប៊ែវើរីជីស (KHB) របស់អ្នកឧកញ៉ា លាង ម៉េង ជាក្រុមហ៊ុនផលិតស្រាបៀ និងភេសជ្ជៈ ឈានមុនគេនៅកម្ពុជា គ្រប់គ្រងដោយវិនិយោគិនខ្មែរ ១០០%។ ខ្មែរ ប៊ែវើរីជីសមានសមត្ថភាពផលិតកម្មស្រាបៀរផលិតផលជាច្រើនដូចជា ស្រាបៀរ Barrley Black Extra Stout, ស្រាបៀ Kudo, ភេសជ្ជៈប៉ូវកម្លាំង Wurkz, Ize Cola, Ize Lemon, Ize Fruit Punch និងទឹកបរិសុទ្ធកម្ពុជា។ ខ្មែរ ប៊ែវើរីជីស ជាបុត្រសម្ព័ន្ធរបស់ក្រុមហ៊ុន ជីប ម៉ុង ដ៏ធំរបស់ប្រទេសកម្ពុជា៕

អត្ថបទ៖ មេរ៉ា, រូបភាព៖ Vattanak, Hanuman, Greet និង Chip Mong Group

The post មកស្គាល់សេដ្ឋីវាល់លានស្រុកខ្មែរ និងជាថៅកែស្រាបៀ ៤ ម៉ាកយីហោ appeared first on Millions times.

អគ្គនាយិកាក្រុមហ៊ុន Champion Group អភិជនស្រគត់ស្រគំ និងមានភាពប៉ិនប្រសព្វ

Vin Chang — Tue, 11 Mar 2025 09:04:22 +0000

លោកស្រី សុខ សុភាព ស្ថាបនិក និងជាអគ្គនាយិកាក្រុមហ៊ុន Champion Group ដែលមានភេសជ្ជៈប៉ូវកម្លាំងច្រើនប្រភេទស្ថិតក្រោមក្រុមហ៊ុន។ CEO ស្រីរូបនេះ ក៏ជាមនុស្សពេញដោយថាមពល និងឈ្លាសវៃក្នុងជំនួញ ដើម្បីប្រកួតប្រជែងជាមួយដៃគូប្រកួតជាច្រើននៅលើទីផ្សារផងដែរ។

តាមដានជាមួយយើង៖ Million Times

CEO រូបនេះវិញចូលចិត្តសម្លៀកបំពាក់ប្រពៃណីខ្មែរហូលផាមួងខ្មែរជានិច្ច ដើម្បីបង្កើតជាអត្តសញ្ញាណមួយសម្រាប់ខ្លួនឯង និងមើលទៅពេញដោយភាពថ្លៃថ្នូរជាមួយគ្រឿងអលង្ការ និងកាបូបប្រណិតៗយីហោផ្សេងៗគ្នា។ តែសម្រាប់ការតុបតែងខ្លួនប្រចាំថ្ងៃវិញ លោកស្រីគឺតែងតែជ្រើសរើសសម្លៀកបំពាក់បែបសាមញ្ញៗ។

ជានិច្ចកាលអគ្គនាយិកាក្រុមហ៊ុន Champion Group បានចូលរួមក្នុងកម្មវិធីផ្សេងៗដូចកាលប្រេន Bvlgari មកធ្វើនៅសៀមរាប ក៏មានវត្តមានក្នុងកម្មវិធីដ៏ធំលំដាប់ពិភពលោកនោះដែរ។ លោកស្រីមិនសូវជាចូលចិត្តភាពហ៊ឺហាឡើយ ដោយម្ចាស់ក្រុមហ៊ុនភេសជ្ជៈដ៏ធំរូបនេះ ផ្ដោតលើភាពងាយស្រួលជាធំ។

អគ្គនាយិកាក្រុមហ៊ុន Champion Group ពីកូនអ្នកលក់ចាប់ហួយនៅផ្សារអូរឫស្សី ក្លាយជាម្ចាស់រោងចក្រតម្លៃរាប់លានដុល្លារ និងក្លាយជាស្រ្តីជោគជ័យក្នុងវិស័យភេសជ្ជៈ នាពេលបច្ចុប្បន្ន។ លោកស្រីក៏ជាអ្នកជំនួញ ដែលបានចូលរួមលើកកម្ពស់ដល់ស្រ្តីដូចគ្នាផងដែរ។

ជារឿយៗលោកស្រី សុខ សុភាព បានចូលរួមក្នុងកម្មវិធីមង្គលការលំដាប់អភិជននៅស្រុកខ្មែរ តែលោកស្រីមិនចូលបង្ហាញតាមឲ្យដឹងលើបណ្ដាញសង្គមប៉ុន្មានឡើយ៕

អត្ថបទ៖ មេរ៉ា, រូបភាព៖ Sok Sopheap

The post អគ្គនាយិកាក្រុមហ៊ុន Champion Group អភិជនស្រគត់ស្រគំ និងមានភាពប៉ិនប្រសព្វ appeared first on Millions times.

សុខ សុភាព Archives - Millions times

មកស្គាល់សេដ្ឋីវាល់លានស្រុកខ្មែរ និងជាថៅកែ​ស្រាបៀ ៤ ម៉ាកយីហោ

អគ្គ​នាយិកាក្រុមហ៊ុន Champion Group អភិជនស្រគត់ស្រគំ និងមានភាពប៉ិនប្រសព្វ

មកស្គាល់សេដ្ឋីវាល់លានស្រុកខ្មែរ និងជាថៅកែស្រាបៀ ៤ ម៉ាកយីហោ

អគ្គនាយិកាក្រុមហ៊ុន Champion Group អភិជនស្រគត់ស្រគំ និងមានភាពប៉ិនប្រសព្វ