តាមដានជាមួយយើង៖ Million Times

នៅ​ក្នុង​សេចក្ដី​ថ្លែង​ការណ៍​របស់​ក្រសួង​ព្រះបរមរាជវាំង​មាន​ខ្លឹមសារ​ថា៖ ក្រសួង​ព្រះបរមរាជវាំង មាន​កិត្តិយស​សូម​ជម្រាប​ជូន សម្ដេច ឯកឧត្ដម លោកជំទាវ លោក លោកស្រី ជា​ថ្នាក់ដឹកនាំ​នៃ​ក្រសួង-ស្ថាប័ន និង​រាជធានី-ខេត្ត ព្រមទាំងសាធារណជនទាំងអស់ សូមមេត្តាជ្រាបថា ព្រះ​ករុណា​ព្រះបាទ​សម្ដេច​ព្រះ​បរមនាថ នរោត្ដម សីហមុនី ព្រះមហាក្សត្រ​នៃ​ព្រះរាជាណាចក្រកម្ពុជា ជាទី​គោរពសក្ការៈ​ដ៏​ខ្ពង់ខ្ពស់​បំផុត ព្រះ​អង្គ​ទ្រង់ប្រឈួន ពុំ​អាច​បំពេញ​ព្រះរាជ​កិច្ច​បាន។

យោងតាមមាត្រា១១ថ្មី នៃ​ច្បាប់​រដ្ឋធម្មនុញ្ញ នៃ​ព្រះ​រាជាណាចក្រ​កម្ពុជា ព្រះអង្គ​សព្វ​ព្រះ​រាជហឫទ័យ ប្រោស​ព្រះរាជ​ទាន សម្ដេច​អគ្គ​មហា​សេនាបតី​តេជោ ហ៊ុន សែន ប្រធាន​ព្រឹទ្ធសភា នៃ​ព្រះ​រាជាណាចក្រ​កម្ពុជា និង​ជា​ប្រធាន​ក្រុម​ឧត្ដម​ប្រឹក្សា​ផ្ទាល់ ព្រះមហាក្សត្រ ជួយ​ទទួល​ក្នុង​ព្រះ​បរម​នាម​ជា​ប្រមុខ​រដ្ឋ នៃ​ព្រះរាជាណាចក្រកម្ពុជា ស្វាគមន៍ឯកឧត្តម តូ ឡឹម អគ្គលេខាធិការ នៃ​គណៈកម្មាធិការ​មជ្ឈិម គណបក្ស​កុម្មុយនីស្ត​វៀតណាម និង​គណៈប្រតិភូជាន់ខ្ពស់ ក្នុង​ឱកាស​អញ្ជើញ​មក​បំពេញ​ទស្សនកិច្ច​ផ្លូវ​រដ្ឋ នៅព្រះរាជាណាចក្រកម្ពុជា និងនៅក្នុងព្រះបរមរាជវាំង នៅថ្ងៃទី៦ ខែកុម្ភៈ ឆ្នាំ២០២៦។

សេចក្តីដូចបានជម្រាបជូនខាងលើនេះ សូម សម្តេច ឯកឧត្តម លោកជំទាវ លោកលោកស្រី ជាថ្នាក់ដឹកនាំនៃក្រសួង-ស្ថាប័ន និងរាជធានី-ខេត្ត ព្រមទាំងសាធារណជនទាំងអស់មេត្តាជ្រាប តាមការគួរ៕

អត្ថបទ៖ ឆដា, រូបភាព៖Samdech Hun Sen of Cambodia

The post ព្រះមហាក្សត្រកម្ពុជា ព្រះអង្គទ្រង់ប្រឈួន និងប្រគល់ភារ​កិច្ចជូនសម្តេចតេជោ ហ៊ុន សែន ជាប្រមុខរដ្ឋឲ្យទទួលស្វាគមន៍លោក តូ ឡឹម appeared first on Millions times.

តាមដានជាមួយយើង៖ Million Times

នៅក្នុងជំនួបសំណេះសំណាលនោះ សម្ដេចតេជោ ហ៊ុន សែន បានសម្ដែងក្ដីរីករាយ និងស្វាគមន៍ចំពោះការធ្វើមាតុភូមិនិវត្តន៍របស់វីរយុទ្ធជនទាំង ១៨រូប ដែលបានជួបជុំក្រុមគ្រួសារ និងបានមកដល់ប្រទេសកំណើតរបស់ខ្លួនឡើងវិញ។ នេះបើតាមការឱ្យដឹងពីឯកឧត្តម ជា ធីរិទ្ធ អ្នកនាំពាក្យព្រឹទ្ធសភា និងគណបក្សប្រជាជនកម្ពុជា។

សម្តេចយល់អំពីអារម្មណ៍របស់វីរយុទ្ធជនទាំង ១៨រូប ក៏ដូចជាក្រុមគ្រួសារអំពីការលំបាកនៃការព្រាត់ប្រាស់គ្នា ព្រោះសម្ដេចផ្ទាល់ធ្លាប់បានឆ្លងកាត់បទពិសោធនៃការព្រាត់ប្រាស់គ្រួសារកាលពីពេលដែលសម្ដេចយកជីវិតជាដើមទុន ដើម្បីរំដោះប្រទេសជាតិចេញពីរបបប្រល័យពូជសាសន៍ ប៉ុល ពត។

សម្ដេច ក៏បានយកឱកាសនេះអរគុណដល់រាជរដ្ឋាភិបាលកម្ពុជា ដែលបានយកចិត្តទុកដាក់ជានិច្ចចំពោះសុខទុក្ខនិងអាយុជីវិតរបស់វីរយុទ្ធជន ហើយរូបសម្ដេចផ្ទាល់ក៏បានយកចិត្តទុកដាក់ និងបានតាមដានជាប្រចាំអំពីស្ថានភាពរបស់វីរយុទ្ធជន ហើយជាពិសេសបំផុតនោះ សម្ដេចបានមានប្រសាសន៍ថា ព្រះមហាក្សត្រ និងសម្ដេចម៉ែ ក៏បានយកព្រះទ័យទុកដាក់យ៉ាងខ្លាំងចំពោះវីរយុទ្ធជនទាំង ១៨រូប រួមទាំងវីរកងទ័ពទាំងអស់នៅតាមព្រំដែន ដែលនេះជាការយកចិត្តដាក់ពីថ្នាក់ដឹកនាំរបស់កម្ពុជា គ្រប់លំដាប់ថ្នាក់។

ជាមួយនេះ សម្ដេចតេជោ ក៏បានបង្ហាញនូវក្ដីរំភើបបន្ថែមទៀត ដែលកាលថ្ងៃទី៣១ ខែធ្នូ ឆ្នាំ២០២៥ ម្សិលមិញ នៅពេលដែលសម្ដេច បានឃើញវីរយុទ្ធជនទាំង ១៨រូប ធ្វើដំណើរមកដល់កម្ពុជា តាមរយៈការផ្សព្វផ្សាយផ្ទាល់។ សម្ដេចមានអារម្មណ៍រំភើបរហូតដល់ស្រក់ទឹកភ្នែក នៅពេលឃើញការស្វាគមន៍យ៉ាងកក់ក្តៅពីសំណាក់ប្រជាជនគ្រប់មជ្ឈដ្ឋាននៅតាមដងផ្លូវ ចំពោះវីរយុទ្ធជនទាំង ១៨នាក់ ដែលសម្ដេចបានបញ្ជាក់ថា នេះជាស្មារតីនៃការសាមគ្គីរបស់ប្រជាជនខ្មែរដ៏ធំបំផុត សម្រាប់វីរយុទ្ធជនទាំង ១៨រូប ក៏ដូចជាស្មារតីនៃការសាមគ្គីជាមួយវីរយុទ្ធជននៅសមរភូមិមុខ។

សម្ដេចតេជោ ហ៊ុន សែន បានជូនពរដល់វីរយុទ្ធជនទាំង ១៨រូប រួមទាំងក្រុមគ្រួសារ ជួបប្រទះតែសេចក្តីសុខសេចក្តីចម្រើន និងបានរស់នៅជាមួយក្រុមគ្រួសារ ព្រមទាំងបានរស់នៅក្នុងទឹកដីកំណើតឡើងវិញប្រកបដោយភាពសុខសាន្ត៕

អត្ថបទ៖ វីរៈ រូបភាព៖ បណ្ដាញសង្គមសម្ដេចតេជោ

The post សម្តេចតេជោ ហ៊ុន សែន អនុញ្ញាតឱ្យវីរកងទ័ពទាំង ១៨រូប ចូលជួបសំណេះសំណាល និងសួរសុខទុក្ខ appeared first on Millions times.

តាមដានជាមួយយើង៖ Million Times

ការគូសបញ្ជាក់នេះ ស្របពេលដែលសម្ដេចតេជោ ហ៊ុន សែន បានអនុញ្ញាតឱ្យលោកសាស្ត្រាចារ្យ Xie Chuntao អនុប្រធានប្រតិបត្តិសាលាបក្សនៃគណៈកម្មាធិការមជ្ឈិមបក្សកុម្មុយនីស្តចិន (CCPS) និងជាសមាជិកគណៈកម្មាធិការមជ្ឈិមបក្សកុម្មុយនីស្តចិនអាណត្តិទី២០ ចូលជួបសម្ដែងការគួរសម និងពិភាក្សាការងារ នៅរសៀលថ្ងៃទី២២​ ខែធ្នូនេះ។

អ្នកនាំពាក្យគណបក្សប្រជាជនកម្ពុជា ឯកឧត្តម ជា ធីរិទ្ធ បានឱ្យដឹងនៅក្រោយជំនួបថា សម្ដេចតេជោ ហ៊ុន សែន បានចាត់ទុកវត្តមានរបស់លោកសាស្ត្រាចារ្យ មកកាន់កម្ពុជានាពេលនេះ ជាឱកាសនៃការពង្រីកទំនាក់ទំនងបន្ថែមទៀត ទាំងនៅក្នុងក្របខ័ណ្ឌទំនាក់ទំនងកម្ពុជា-ចិន រួមទាំងកិច្ចសហប្រតិបត្តិការរវាងគណបក្សប្រជាជនកម្ពុជា និងបក្សកុម្មុយនីស្តចិន។

ចំណែកលោកសាស្ត្រាចារ្យ Xie Chuntao បានរំលេចអំពីទំនាក់ទំនងដ៏ល្អរវាងកម្ពុជា និងចិន ដែលមានជាមួយគ្នានាពេលបច្ចុប្បន្ននេះ ដែលជាកិច្ចសហប្រតិបត្តិការមួយដ៏ជិតស្និទ្ធរវាងប្រទេសទាំងពីរ។ លោកក៏បានលើកឡើងអំពីភាពរីកចម្រើន នៃទំនាក់ទំនងរវាងបក្ស និងបក្ស ដែលមានជាមួយគ្នា ហើយសង្ឃឹមថា តាមរយៈដំណើរទស្សនកិច្ចរបស់លោក មកកាន់កម្ពុជានាពេលនេះ នឹងរួមចំណែកបន្ថែមទៀត ដើម្បីពង្រឹងចំណងមិត្តភាពរវាងគណបក្សទាំងពីរ ឲ្យកាន់តែរីកចម្រើន។

លោកបានរំលឹកថា កន្លងមកភាគីទាំងពីរ បានធ្វើកិច្ចសហប្រតិបត្តិការជាមួយគ្នាក្នុងក្របខ័ណ្ឌនៃការផ្លាស់ប្ដូរនូវដំណើរទស្សនកិច្ច រវាងមន្ត្រីគណបក្សនៃប្រទេសទាំងពីរទៅវិញទៅមក រួមទាំងការបណ្ដុះបណ្ដាលធនធានមនុស្សផងដែរ ដែលជាផ្នែកមួយដ៏សំខាន់ធ្វើឲ្យទំនាក់ទំនងរវាងកម្ពុជា និងចិន និងរវាងគណបក្ស និងគណបក្ស កាន់តែជិតស្និទ្ធ។

សម្ដេចតេជោ បានសម្ដែងក្តីរីករាយចំពោះកិច្ចសហប្រតិបត្តិការល្អ រវាងគណបក្សនៃប្រទេសទាំងពីរ ដែលមានជាមួយគ្នា ហើយសម្ដេចតេជោសង្ឃឹមថា កិច្ចសហប្រតិបត្តិការនេះនឹងកាន់តែរឹងមាំបន្ថែមទៀត ដោយធ្វើយ៉ាងណាភាគីទាំងពីរបង្កើននូវកិច្ចសហប្រតិបត្តិការ និងការផ្លាស់ប្ដូរទស្សនៈកិច្ចមន្ត្រីទៅវិញទៅមក និងការបណ្តុះបណ្តាល ពង្រឹងធនធានមនុស្សរវាងគណបក្សនៃប្រទេសទាំងពីរ។ 

ចំពោះទំនាក់ទំនងរវាងកម្ពុជា និងចិន បច្ចុប្បន្ន សម្ដេចតេជោ សង្កត់ធ្ងន់ថា ប្រទេសទាំងពីរ គឺជាមិត្តដែកថែប ជាសហគមន៍វាសនារួមគ្រប់រដូវកាលក្នុងយុគសម័យថ្មី ដែលជាទំនាក់ទំនងដ៏ជម្រៅជាមួយគ្នា៕

អត្ថបទ៖ វីរៈ រូបភាព៖ ហ្វេសប៊ុកសម្ដេចតេជោ

The post សម្តេចតេជោ ហ៊ុន សែន៖ ទំនាក់ទំនងកម្ពុជា-ចិនបច្ចុប្បន្ន គឺជាមិត្តដែកថែប និងជាសហគមន៍វាសនារួមគ្រប់រដូវកាល appeared first on Millions times.

តាមដានជាមួយយើង៖ Million Times

តាមរយៈសារបំភ្លឺមួយទៅកាន់ប្រជាជនកម្ពុជា និងប្រជាជនថៃពីរឿងស៊ីហ្គេមលើកទី៣២ ឆ្នាំ២០២៣ នៅកម្ពុជា នៅរសៀលថ្ងៃទី៦ ខែធ្នូនេះ សម្ដេចតេជោ ហ៊ុន សែន បានលើកឡើងពីឈ្មោះឯកឧត្តម គាត ឈន់ អតីតរដ្ឋមន្ត្រី​ក្រសួង​សេដ្ឋកិច្ច ​និង​ហិរញ្ញវត្ថុ និងឯកឧត្តម អូន ព័ន្ធមុនីរ័ត្ន រដ្ឋមន្ត្រី​ក្រសួង​សេដ្ឋកិច្ច ​និង​ហិរញ្ញវត្ថុបច្ចុប្បន្ន។

នៅក្នុងសារនោះ សម្ដេចតេជោ ហ៊ុន សែន បានសរសេរថា «ខ្ញុំពិតជាមានសំណាងដែលជាង ២០ឆ្នាំចុងក្រោយនៃការកាន់តំណែងជានាយករដ្ឋមន្ត្រី រយៈពេលជាង ៣៨ឆ្នាំ ខ្ញុំមានមេផ្ទះដ៏ល្អ ២រូប ទី១ ឯកឧត្តម គាត ឈន់ និងទី២ ឯកឧត្តម អូន ព័ន្ធមុនីរ័ត្ន។ មេផ្ទះទាំងពីររូប មិនមែនជាស្រីកញ្ជើធ្លុះទេ តែជាមេផ្ទះដែលចេះសន្សំ ពិសេសដំណាក់កាល ឯកឧត្តម អូន ព័ន្ធមុនីរ័ត្ន ជាដំណាក់កាលថវិកាដែលទុកចិត្តបាន និងថវិកាផ្សារភ្ជាប់ជាមួយគោលនយោបាយ»។

សម្ដេចប្រធានព្រឹទ្ធសភា បានរំលឹកថា តាមការចង្អុលណែនាំរបស់សម្ដេច ដែលបានប្រាប់ឯកឧត្តម អូន ព័ន្ធមុនីរ័ត្ន និងសមាជិករាជរដ្ឋាភិបាលផ្សេងទៀតថា ត្រូវសន្សំសាច់ប្រាក់ដើម្បីកុំឱ្យលំបាកខ្វះសាច់ប្រាក់បើកប្រាក់ខែ។ បើចង់សល់សាច់ប្រាក់ ត្រូវសន្សំគឺរកបាន ១០ចាយតែ ៧ឬ ៨ សន្សំបាន ២ ឬ ៣។

សម្ដេចតេជោ ហ៊ុន សែន បានរំលឹកទៀតថា «មុនកូវីដមកដល់សាច់ប្រាក់ក្នុងរតនាគារជាតិមានជិត ៤ពាន់លានដុល្លារ ដែលពេលនោះ ខ្ញុំមានគម្រោងដកយកពី ១ ៥០០លាន ទៅ ២ ០០០លាន ដើម្បីវិនិយោគលើផ្លូវស្ពាន និងប្រឡាយទឹកតែជាអកុសលជំងឺកូវីដមកសម្លាប់ ជីវិតប្រជាជនយើង។ យើងគ្មានជម្រើសណាផ្សេង ក្រៅពីយកលុយនេះមកការពារជីវិតប្រជាជន និងជួយប្រជាជននោះទេ។ តែទោះយ៉ាងណា សាច់ប្រាក់នៅរតនាគារនៅតែធានាការចំណាយ ដោយបើកបៀវត្សមួយខែពីរដង ដដែល»៕

អត្ថបទ៖ វីរៈ រូបភាព៖ បណ្ដាញសង្គម

The post សម្ដេចតេជោ ហ៊ុន សែន សរសើរអតីតរដ្ឋមន្ត្រី និងរដ្ឋមន្ត្រី​​សេដ្ឋកិច្ចបច្ចុប្បន្នថា ជាមេផ្ទះដ៏ល្អចេះសន្សំសំចៃ appeared first on Millions times.

តាមដានជាមួយយើង៖ Million Times

នៅក្នុងជំនួបនេះ សម្តេចតេជោ ហ៊ុន សែន បានសម្តែងការពេញចិត្ត ចំពោះសកម្មភាពដ៏សកម្មរបស់សមាគមជប៉ុន-កម្ពុជា ដែលបានចូលរួមចំណែកក្នុងការផ្សារភ្ជាប់ទំនាក់ទំនង ទាំងនៅក្នុងទំនាក់ទំនងរវាងប្រទេសកម្ពុជា និងជប៉ុន ទំនាក់ទំនងរវាងប្រជាជនកម្ពុជា និងប្រជាជន ហើយជាពិសេស គឺការទាក់ទាញអ្នកវិនិយោគឱ្យមកវិនិយោគនៅក្នុងប្រទេសកម្ពុជា ដែលនេះគឺជាសកម្មភាពមួយយ៉ាងសកម្ម ក្នុងការគាំទ្រដល់ការវិនិយោគ និងការជំរុញសេដ្ឋកិច្ចកម្ពុជា។

ចំណែកលោកប្រធានសមាគម ជប៉ុន-កម្ពុជា បានលើកឡើងថា ប្រទេសកម្ពុជា គឺទទួលបាននូវការចាប់អារម្មណ៍យ៉ាងខ្លាំង ពីសំណាក់អ្នកវិនិយោគរបស់ជប៉ុន ក្នុងការមកវិនិយោគលើវិស័យនានា ក្នុងនោះលោកបានរំលេចទាក់ទងទៅនឹងប្រតិភូ ដែលមកបំពេញបេសកកម្មនៅកម្ពុជានាពេលនេះ គឺមានប្រមាណ ៣៦ក្រុមហ៊ុន ដែលជាក្រុមហ៊ុនជប៉ុនទាក់ទងទៅនឹងការវិនិយោគលើវិស័យបច្ចេកវិទ្យា ផ្នែកបណ្តុះបណ្តាលវិជ្ជាជីវៈ និងកសិ-ឧស្សាហកម្មជាដើម ដែលជាការចាប់អារម្មណ៍របស់អ្នកវិនិយោគជប៉ុនមកកម្ពុជា។

លោក TAKAHASHI Fumiaki បានបន្តថា ការគាំទ្ររបស់រាជរដ្ឋាភិបាលកម្ពុជាកន្លងមក ជាពិសេស តាំងពីពេលសម្តេចតេជោ នៅជានាយករដ្ឋមន្ត្រី ហើយមកដល់ពេលនេះសម្តេចតេជោ ជាប្រធានព្រឹទ្ធសភា ក៏សម្តេចនៅតែបន្តគាំទ្រអ្នកវិនិយោគជប៉ុន ជាពិសេសគឺសមាគមជប៉ុន-កម្ពុជាតែម្តង ដែលលោកប្រធានសមាគម បានចាត់ទុកការគាំទ្រនេះ គឺជាកម្លាំងចិត្តដ៏សំខាន់ក្នុងការផ្តល់នូវទំនុកចិត្ត ដល់អ្នកវិនិយោគជប៉ុន មកកាន់កម្ពុជា បន្ថែមទៀត ។

នៅក្នុងឱកាសនោះ សម្តេចតេជោ ហ៊ុន សែន បានលើកឡើងដោយបង្ហាញនូវការពេញចិត្ត ចំពោះវឌ្ឍនភាពរបស់សមាគមជប៉ុន-កម្ពុជា ដែលបានខិតខំប្រឹងប្រែងនៅក្នុងការធ្វើយ៉ាងណា ជំរុញទំនាក់ទំនង ជាពិសេសទាក់ទងទៅនឹងការបណ្តុះបណ្តាលជំនាញវិជ្ជាជីវៈបន្ថែមទៀត ដល់ប្រជាជនកម្ពុជា ជាពិសេសយុវជនតែម្តង ដោយសម្តេចតេជោ បានលើកឡើងថា ជំនាញបណ្តុះបណ្តាលវិជ្ជាជីវៈនេះ គឺជាជំនាញ នៃតម្រូវការ ដែលទាំងក្នុងបរិបទប្រទេសកម្ពុជា ក៏ដូចជាបរិបទនៃប្រទេសជប៉ុនត្រូវការ ហើយជាចំណែកក្នុងការជំរុញផ្នែកសេដ្ឋកិច្ចដ៏សំខាន់ ។

ជាមួយគ្នានេះ សម្តេចតេជោ ក៏បានលើកឡើងពីការពេញចិត្តនូវអ្វីដែលអ្នកវិនិយោគជប៉ុន ចាប់អារម្មណ៍ទៅលើវិស័យកសិ-ឧស្សាហកម្ម និងបច្ចេកវិទ្យា ដោយសម្តេចតេជោ បានលើកឡើងថា ផ្នែកកសិ-ឧស្សាហកម្មនេះ គឺជាចំណុចស្នូលមួយរបស់រាជរដ្ឋាភិបាលកម្ពុជា តាំងពីដើមរៀងមក រហូតដល់រាជរដ្ឋាភិបាលថ្មី ក៏ចាត់ទុកកសិ-ឧស្សាហកម្មនេះ គឺការកែច្នៃផលិតផលកសិកម្ម គឺជារឿងចាំបាច់និងអាទិភាព។

ពាក់ព័ន្ធទៅនឹងវិស័យបច្ចេកវិទ្យា ក៏ដូចគ្នាដែរដោយបច្ចុប្បន្ននេះ រាជរដ្ឋាភិបាល ដឹកនាំដោយសម្តេចធិបតី ហ៊ុន ម៉ាណែត កំពុងតែផ្តោតការយកចិត្តទុកដាក់ ក្នុងការអភិវឌ្ឍវិស័យបច្ចេកវិទ្យា ហើយកម្ពុជាកំពុងត្រូវការខ្លាំងក្នុងផ្នែកនេះ។ សម្តេច បានជំរុញឱ្យអ្នកវិនិយោគជប៉ុន ចាប់អារម្មណ៍ និងពង្រីកសក្ដានុពលលើវិស័យទាំងអស់នេះ ឱ្យមានការកើនឡើងកាន់តែច្រើនថែមទៀត៕

អត្ថបទ៖ វីរៈ រូបភាព៖ បណ្ដាញសង្គមសម្ដេចតេជោ  

The post កម្ពុជា ទទួលបានការចាប់អារម្មណ៍យ៉ាងខ្លាំងពីអ្នកវិនិយោគជប៉ុន appeared first on Millions times.

តាមដានជាមួយយើង៖ Million Times

ថ្ងៃទី២៦ ខែតុលា ឆ្នាំ២០២៥នេះ មេដឹកនាំអាស៊ាន រួមទាំងសម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាផង បានចុះហត្ថលេខាលើសេចក្តីថ្លែងការណ៍ ស្តីពី ការចូលជាសមាជិកអាស៊ានរបស់ប្រទេសទីម័រឡេស្តេ។  

សម្ដេចតេជោ ហ៊ុន សែន បានផ្ញើសារលិខិតអបអរសាទរជូនឯកឧត្តម ចូហ្សេ ម៉ានូអ៊ែល រ៉ាមូស អរតា ប្រធានាធិបតីប្រទេសទីម័រឡេស្តេ ក្នុងទិវាជាប្រវត្តិសាស្រ្តដែលទីម័រឡេស្តេ បានចូលជាសមាជិកពេញសិទ្ធិនៃសមាគមអាស៊ានជាផ្លូវការ។

ក្នុងនាមព្រឹទ្ធសភាកម្ពុជា និងក្នុងសម្ដេចផ្ទាល់ សម្ដេចសូមស្វាគមន៍យ៉ាងកក់ក្តៅបំផុត និងអបអរសាទរយ៉ាងស្មោះស្ម័គ្របំផុត ចំពោះឯកឧត្តមប្រធានាធិបតី រដ្ឋាភិបាល និងប្រជាជនជាទីរាប់អាននៃប្រទេសទីម័រឡេស្តេ ចំពោះសមិទ្ធផលដ៏ស័ក្តិសមនឹងទទួលនេះ។

ក្នុងសារលិខិតដដែល បានលើកឡើងថា ប្រទេសកម្ពុជា មានសេចក្តីសោមនស្សរីករាយជាអនេក ដែលមានទីម័រឡេស្ដេ ជាសមាជិកនៃគ្រួសារអាស៊ាន ហើយក៏មានមោទនភាពយ៉ាងខ្លាំងក្នុងនាមជាមិត្ត និងជាដៃគូមិនងាករេក្នុងដំណើរនេះ ចាប់តាំងពីការទទួលយកទីម័រឡេស្ដេ ជាគោលការណ៍ជាសមាជិកទី១១ នៃអាស៊ាន ក្នុងសន្និសីទកំពូល អាស៊ានលើកទី៤០ និង៤១ នៅប្រទេសកម្ពុជា។

សម្ដេចតេជោ ហ៊ុន សែន បានបន្ថែមថា ក្នុងបរិការណ៍សកលលោក ដែលកាន់តែស្មុគស្មាញនាពេលបច្ចុប្បន្ន ការចូលរួមជាសមាជិកពេញសិទ្ធិនៃទីម័រឡេស្តេ គឺចំពេលវេលា និងមានតម្លៃសម្រាប់ការពង្រឹងការឯកភាពរបស់សមាគមអាស៊ាន។

ខ្លឹមសារលិខិតរបស់សម្ដេចប្រធានព្រឹទ្ធសភាកម្ពុជា បន្ថែមទៀតថា «នៅពេលដែលតំបន់របស់យើងកំពុងប្រឈមនឹងបញ្ហាជាច្រើន ទាំងក្នុងប្រទេសតំបន់ និងអន្តរជាតិ ការចូលរួមសកម្ម និងប្រកបដោយគោលការណ៍របស់ទីម័រឡេស្តេ នឹងរួមចំណែកដ៏មានអត្ថន័យក្នុងការសម្រេចបាននូវចក្ខុវិស័យរួមនៃតំបន់មួយប្រកបដោយសន្តិភាព ភាពធន់ និងវិបុលភាព»។

សម្ដេចតេជោ ហ៊ុន សែន ជំនឿជាក់ថា ចំណងមិត្តភាពរវាងប្រទេសកម្ពុជា និងទីម័រឡេស្តេ នឹងកាន់តែរឹងមាំ ក្រោមសមាជិកភាពរួមគ្នានៅក្នុងអាស៊ាន ហើយសម្ដេចទន្ទឹងរង់ចាំធ្វើការងារយ៉ាងជិតស្និទ្ធជាមួយឯកឧត្តម ចូហ្សេ ម៉ានូអ៊ែល រ៉ាមូស អរតា ប្រធានាធិបតីប្រទេសទីម័រឡេស្តេ ដើម្បីជំរុញការអភិវឌ្ឍប្រកប​ដោយចីរភាព និងវិបុលភាពឋិតថេរសម្រាប់ប្រទេសទាំងពីរ និងសហគមន៍អាស៊ាន៕

អត្ថបទ៖ វីរៈ រូបភាព៖ ព្រឹទ្ធសភា

The post សម្ដេចតេជោ អបអរសាទរ និងស្វាគមន៍ទីម័រឡេស្តេ ដែលបានចូលជាសមាជិកអាស៊ានជាផ្លូវការ appeared first on Millions times.

តាមដានជាមួយយើង៖ Million Times

តាមរយៈទំព័រហ្វេសប៊ុកផ្លូវការ សម្ដេចតេជោ ហ៊ុន សែន បានបង្ហោះថា «នេះជាការប្រមូលផលដើមរដូវនៃយុទ្ធសាស្ត្រ (ស្ងាត់តែមិនស្ងៀម) របស់នាយករដ្ឋមន្ត្រី ហ៊ុន ម៉ាណែត តាមរយៈការចុះហត្ថលេខាលើកិច្ចព្រមព្រៀងសន្តិភាពរវាងកម្ពុជា-ថៃ ក្រោមការជួយរៀបចំរបស់នាយករដ្ឋមន្ត្រីម៉ាឡេស៊ី ដែលជាប្រធានអាស៊ាន និងប្រធានាធិបតីអាមេរិក ដូណាល់ត្រាំ»។

សម្ដេចតេជោ ហ៊ុន សែន បានបន្ថែមថា ការរក្សាឱ្យបាននូវសន្តិភាពទាំងនៅផ្ទៃក្នុងប្រទេសទាំងជាមួយប្រទេសជិតខាង គឺជាអាទិភាពកំពូលរបស់កម្ពុជា។

សេចក្ដីប្រកាសព័ត៌មានរបស់ក្រសួងការបរទេសកម្ពុជា បានឱ្យដឹងថា ថ្ងៃនេះត្រូវបានកត់ត្រាជាព្រឹត្តិការណ៍ប្រវត្តិសាស្ត្រដ៏មានសារៈសំខាន់ជាសារវ័ន្ត សម្រាប់កម្ពុជា និងថៃ ដែលបានបញ្ជាក់ឡើងវិញនូវការជឿជាក់រួមគ្នា នៃប្រទេសទាំងពីរថា សន្តិភាពនៅតែអាចមានដរាបណាប្រជាជាតិនានាមានសេចក្តីក្លាហាន និងសុភវិនិច្ឆ័យក្នុងការបន្តស្វែងរកសន្តិភាពជាមួយគ្នា។

តាងនាមប្រជាជនកម្ពុជា សម្តេចធិបតីនាយករដ្ឋមន្ត្រី ហ៊ុន ម៉ាណែត បានថ្លែងអំណរគុណ និងការប្តេជ្ញាចិត្តយ៉ាងខ្ជាប់ខ្ជួន ក្នុងការគាំទ្រសន្តិភាពជានិរន្តន៍រវាងកម្ពុជានិងថៃ និងចំពោះកិច្ចខិតខំប្រឹងប្រែងដោយមិនគិតពីការនឿយហត់ ក្នុងការជួយធ្វើឱ្យសមិទ្ធផលនេះក្លាយជាការពិត៕

អត្ថបទ៖ វីរៈ រូបភាព៖ បណ្ដាញសង្គមសម្ដេចតេជោ  

The post សម្ដេចតេជោ៖ ការរក្សាឱ្យបាននូវសន្តិភាពទាំងនៅផ្ទៃក្នុងប្រទេស ទាំងជាមួយប្រទេសជិតខាងគឺជាអាទិភាពកំពូលរបស់យើង appeared first on Millions times.

តាមដានជាមួយយើង៖ Million Times

ត្រង់ចំណុចនេះ ឯកឧត្តម ជា ធីរិទ្ធ បានបញ្ជាក់ថា «ខ្ញុំសូមបញ្ជាក់ឡើងវិញថា ជាជំហររបស់សម្ដេចតេជោ លោកបានបញ្ជាក់យ៉ាងច្បាស់ថា កម្ពុជា មិនទៅអង្វរ មិនទៅថោកអង្វរ សុំឱ្យថៃបើកច្រកព្រំដែនកម្ពុជា-ថៃ ឡើងវិញទេ ទោះបីជាថៃបិទ ១០០ឆ្នាំទៀត ក៏កម្ពុជាមិនទៅអង្វរ ឬក៏ថៃធ្វើទៅតាមចិត្តខ្លួនឯងទៅ»។

អ្នកនាំពាក្យសម្ដេចតេជោ បានបន្ថែមថា ប្រទេសកម្ពុជា មិនបន្ទាបខ្លួនទៅអង្វរថៃបើកច្រកព្រំដែនវិញនោះទេ។ ដូច្នេះ ការលើកឡើងរបស់អ្នកនាំពាក្យក្រសួងការពារជាតិថៃខាងលើនេះ គឺជាការមួលបង្កាច់ និងបំភាន់មតិសាធារណជន ទាំងសាធារណជននៅក្នុងប្រទេសរបស់ខ្លួន ផង ហើយនិងសាធារណជនទូទៅផង ដែលជាព័ត៌មានប្រឌិត ហើយមិនឆ្លុះបញ្ចាំងពីជំហររបស់សម្ដេចតេជោ ក៏ដូចជាជំហររបស់កម្ពុជា ទេ។

ឯកឧត្តម ជា ធីរិទ្ធ គូសបញ្ជាក់ថា ជំហររបស់សម្ដេចតេជោ ​និងជំហររបស់កម្ពុជា គឺគ្មានការប្រែប្រួលទេ ដូចអ្វីដែលសម្ដេចតេជោ បានបញ្ជាក់កន្លងមកហើយ៕

អត្ថបទ៖ វីរៈ រូបភាព៖ បណ្ដាញសង្គម

The post អ្នកនាំពាក្យសម្ដេចតេជោ បដិសេធការលើកឡើងរបស់អ្នកនាំពាក្យក្រសួងការពារជាតិថៃ រឿងបើកច្រកព្រំដែន appeared first on Millions times.

តាមដានជាមួយយើង៖ Million Times

យោងតាមព្រះរាជក្រឹត្យ ដែលចុះហត្ថលេខាដោយសម្ដេចតេជោ ហ៊ុន សែន ប្រមុខរដ្ឋស្ដីទី នៅថ្ងៃទី ១០ ខែតុលា ឆ្នាំ ២០២៥នេះ បានត្រាស់បង្គាប់បញ្ចប់គោរមងារ «ឧកញ៉ា» ពីលោកស្រី អ៊ឹម សុផាន់ណារិទ្ធ ដោយយោងតាមសេចក្ដីក្រាបបង្គំទូលថ្វាយ របស់សម្ដេចធិបតី ហ៊ុន ម៉ាណែត នាយករដ្ឋមន្ត្រី។

គួរឱ្យដឹងថា លោកស្រី អ៊ឹម សុផាន់ណារិទ្ធ ត្រូវបានព្រះមហាក្សត្រ ចេញព្រះរាជក្រឹត្យត្រាស់បង្គាប់ផ្ដល់គោរមងារជា «ឧកញ៉ា» កាលពីថ្ងៃទី ១៩ ខែសីហា ឆ្នាំ ២០២២។ លោកស្រី ត្រូវបានគេដឹងថា ជា​​ម្ចាស់​ក្រុមហ៊ុន​​នាំ​ចូល​ និងលក់​ចែក​ចាយ​​នូវ​សាច់សត្វជាច្រើនប្រភេទពីក្រៅប្រទេស ចូលមកកាន់ប្រទេសកម្ពុជា។  

កាលពីថ្ងៃទី ៥ ខែតុលាកន្លងទៅនេះ សមត្ថកិច្ច និងអាជ្ញាធរពាក់ព័ន្ធ បានចុះទៅត្រួតពិនិត្យឃ្លាំងរបស់លោកស្រី អ៊ឹម សុផាន់ណារិទ្ធ នៅសង្កាត់ច្រាំងចំរេះ ១ ខណ្ឌឬស្សីកែវ រាជធានីភ្នំពេញ ដោយក្នុងនោះ បានរកឃើញសាច់សត្វក្លាសេ ៣មុខ រួមមាន៖ សាច់មាន់ សាច់ទា សាច់ជ្រូក សរុបចំនួនជាង ២៤៤តោន។

តាមព័ត៌មានបានរាយការណ៍ថា សាច់សត្វក្លាសេទាំងនោះ ត្រូវបាននាំចូលពីប្រទេសថៃតាមច្រកព្រំដែនគោក ខណៈច្រកព្រំដែនគោកត្រូវបានយោធាថៃបិទជាឯកតោភាគី ចាប់តាំងពីថ្ងៃទី ២៣ ខែមិថុនា ឆ្នាំ ២០២៥មក។

កាលពីយប់ថ្ងៃទី ៨ ខែតុលា សម្ដេចតេជោ ហ៊ុន សែន ប្រធានព្រឹទ្ធសភា បានបង្ហោះសារនៅលើទំព័រហ្វេសប៊ុកថា «ខ្ញុំសូមស្នើរាជរដ្ឋាភិបាល និងអាជ្ញាធរគ្រប់លំដាប់ថ្នាក់កំចាត់ចោលមន្ត្រី និងឈ្មួញដែលនៅបន្តលួចនាំទំនិញថៃ ចូលក្នុងពេលព្រំដែននៅបិទ ដែលធ្វើឲ្យអ្នកជិតខាងយើងមើលងាយយើងថា អត់ទំនិញគេមិនបាន»។

សម្ដេចប្រធានព្រឹទ្ធសភា លើកឡើងថា ប្រសិនបើ សម្ដេចនៅធ្វើជានាយករដ្ឋមន្ត្រីដូចពេលមុន សម្ដេចមិនបាច់និយាយភាសានេះទេ គឺចេញបញ្ជាចាប់ខ្លួន ឬដកចេញពីមន្ត្រីតែម្តង ប៉ុន្តែសូមកុំគិតថា (ឆ្មាមិននៅកណ្តុរឡើងរាជ្យឲ្យសោះ)៕​

អត្ថបទ៖ វីរៈ រូបភាព៖ បណ្ដាញសង្គម

The post លោកស្រី អ៊ឹម សុផាន់ណារិទ្ធ ត្រូវបានបញ្ចប់គោរមងារជា «ឧកញ៉ា» appeared first on Millions times.

តាមដានជាមួយយើង៖ Million Times

នៅក្នុងជំនួបសម្ដែងការគួរសមជាមួយសម្តេចតេជោ ហ៊ុន សែន នាព្រឹកថ្ងៃទី ១០ ខែតុលានេះ លោក Roosevelt Skerrit បានរំលឹកថា កាលពីពេលលោកនៅជានិស្សិត លោកបានសិក្សាអំពីប្រវត្តិរបស់សម្តេចតេជោ ដែលបានតស៊ូជាច្រើនក្នុងការរំដោះប្រទេសកម្ពុជា ក៏ដូចជាការដឹកនាំប្រទេសឱ្យមានការរីកចម្រើន។ ក្នុងនោះ លោកបានកោតសរសើរសម្តេចតេជោយ៉ាងខ្លាំង ចំពោះភាពជាអ្នកដឹកនាំ ដោយលោកបានហៅសម្តេចតេជោថា ជាស្ថាបត្យកររបស់កម្ពុជា ដែលនាំកម្ពុជាឱ្យមានសន្តិភាព និងមានភាពរីកចម្រើន។

ជាការឆ្លើយតប សម្តេចតេជោ បានអរគុណលោកនាយករដ្ឋមន្ត្រី ដែលបានចាប់អារម្មណ៍ពីប្រវត្តិរបស់សម្ដេច ដោយសម្ដេចបានរៀបរាប់បន្ថែមអំពីការតស៊ូរបស់សម្ដេច ក្នុងបុព្វហេតុនៃការរំដោះប្រទេសជាតិ តាំងពីការរំដោះប្រទេសពីរបបប្រល័យពូជសាសន៍ និងការនាំប្រទេសជាតិមករកសុខសន្តិភាព ឯកភាពទឹកដី ក្រោមនយោបាយឈ្នះឈ្នះ នាំមកនូវសុខសន្តិភាពពេញលេញ នៅចុងឆ្នាំ ១៩៩៨។

លោក Roosevelt Skerrit បានអរគុណចំពោះសម្តេចតេជោ ដែលបានចែករំលែកនូវបទពិសោធយ៉ាងពិស្តារ ជាពិសេសការតស៊ូ ការរំដោះប្រទេសជាតិ និងការស្វែងរកសន្តិភាព ដោយលោកបានចាត់ទុកសម្តេចតេជោ ជាវចនានុក្រមអត្ថាធិប្បាយមួយរបស់ពិភពលោក ហើយជាមេដឹកនាំមួយដែលធ្វើឱ្យកម្ពុជាមានសុខសន្តិភាព និងជាផ្នែកមួយធ្វើឱ្យពិភពលោក មានសុខសន្តិភាព ផងដែរ។

បន្ថែមលើនេះ លោកក៏បានចាត់ទុកសម្តេចតេជោ គឺជាមេដឹកនាំដែលបានចូលរួមចំណែក នៅក្នុងការដោះស្រាយបញ្ហាពិភពលោកជាច្រើន ក្នុងពេលដែលសម្ដេចនៅជានាយករដ្ឋមន្ត្រី។ លោកផ្ទាល់ និងសហការី ពិតជាមានកិត្តិយសណាស់ ដែលពេលនេះបានស្ដាប់នូវការចែករំលែកបទពិសោធរបស់សម្តេចតេជោ ដែលប្រកបដោយគតិបណ្ឌិត និងជាមេរៀនដ៏សំខាន់សម្រាប់រូបលោក៕

អត្ថបទ៖ វីរៈ រូបភាព៖ បណ្ដាញសង្គមសម្តេចតេជោ

The post នាយករដ្ឋមន្ត្រី Commonwealth of Dominica៖ សម្តេចតេជោ ជាស្ថាបត្យករដែលនាំកម្ពុជាមានសន្តិភាព និងរីកចម្រើន appeared first on Millions times.