សម្តេចរដ្ឋសភាធិបតី ឃួន សុដារី Archives - Millions times

កម្ពុជា ស្នើប្រទេសតួកគីយ៉េ បន្តផ្តល់ការគាំទ្រលើវិស័យអប់រំ និងការបណ្តុះបណ្តាលធនធានមនុស្ស

Vin Chang — Tue, 07 Apr 2026 06:58:05 +0000

ព្រឹកថ្ងៃទី៧ ខែមេសា ឆ្នាំ២០២៦ នៅវិមានរដ្ឋសភា សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភា បានអនុញ្ញាតឱ្យលោកស្រី អ៊ុលឃូ ខូខាអ៊ីវ (Ülkü Kocaefe) ឯកអគ្គរដ្ឋទូត នៃសាធារណរដ្ឋតួកគីយ៉េ ប្រចាំនៅកម្ពុជា ដែលត្រូវចប់អាណត្តិ ចូលជួបពិភាក្សាការងារ និងជម្រាបលា។

តាមដានជាមួយយើង៖ Million Times

សម្តេចប្រធានរដ្ឋសភា បានវាយតម្លៃខ្ពស់ចំពោះលទ្ធផលបេសកកម្មការទូតរបស់ លោកស្រី អ៊ុលឃូ ខូខាអ៊ីវ នៅកម្ពុជា ដែលសម្រេចបានលទ្ធផលជាច្រើន។ ទន្ទឹមគ្នានេះដែរ សម្តេច មានអារម្មណ៍ថា សម្តេចទើបបានជួបលោកស្រីឯកអគ្គរដ្ឋទូតថ្មីៗនេះសោះ ឥឡូវត្រូវបញ្ចប់អាណត្តិការទូតទៅហើយ។ ទំនាក់ទំនងកម្ពុជា-តួកគីយ៉េ មានការរីក ចម្រើនខ្លាំងក្នុងរយៈពេលចុងក្រោយនេះ តាមរយៈដំណើរទស្សនកិច្ចរបស់ សម្តេចតេជោ ហ៊ុន សែន កាលជានាយករដ្ឋ មន្ត្រី បានបំពេញទស្សនកិច្ចនៅប្រទេសតួកគីនាឆ្នាំ២០១៩។ ទំនាក់ទំនងដ៏ល្អនេះ បានបន្តពង្រឹងដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នីតិកាលទី៧ នៃរដ្ឋសភា។

ជាមួយគ្នានោះដែរ លោកស្រី អ៊ុលឃូ ខូខាអ៊ីវ បានថ្លែង អំណរគុណជ្រាលជ្រៅ ជូន សម្តេចប្រធានរដ្ឋសភា ដែលបានអនុញ្ញាតជូនលោកជំទាវ ចូលជួបសម្តែងការគួរសម និងជម្រាបលា នៅក្នុងឱកាសនេះ។ លោកស្រីបានថ្លែងកោតសរសើរ សម្តេច ប្រធានរដ្ឋសភា ថាជាស្ត្រីថ្នាក់ដឹកនាំមួយរូប ដែលពោរពេញដោយសមត្ថភាពនិងទេពកោសល្យ។

សម្តេចប្រធានរដ្ឋសភា បានស្នើដល់ប្រទេសតួកគីយ៉េ បន្តផ្តល់ការគាំទ្រកម្ពុជាលើវិស័យអប់រំ និងការបណ្តុះ បណ្តាលធនធានមនុស្ស ពីព្រោះថារាជរដ្ឋាភិបាលកម្ពុជា ក្រោមការដឹកនាំរបស់ សម្តេចធិបតី ហ៊ុន ម៉ាណែត បានផ្តល់អាទិភាពខ្ពស់លើការកសាងមូលធនមនុស្ស សម្រាប់ការអភិវឌ្ឍប្រទេសជាតិឈានឆ្ពោះសម្រេចបាននូវចក្ខុ វិស័យក្លាយជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងប្រទេសអភិវឌ្ឍន៍នៅឆ្នាំ២០៥០៕

អត្ថបទ៖ ឆដា, រូបភាព៖ National Assembly Of Cambodia

The post កម្ពុជា ស្នើប្រទេសតួកគីយ៉េ បន្តផ្តល់ការគាំទ្រលើវិស័យអប់រំ និងការបណ្តុះបណ្តាលធនធានមនុស្ស appeared first on Millions times.

រដ្ឋសភាអនុម័ត ២៤ គម្រោងវិនិយោគផ្នែកថាមពលអគ្គិសនីតាមបណ្ដាខេត្តនានា

Vin Chang — Tue, 22 Apr 2025 08:44:09 +0000

នៅព្រឹកថ្ងៃ២២ ខែមេសា ឆ្នាំ ២០២៥ នេះ សម្ដេច ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា បានដឹកនាំកិច្ចប្រជុំគណៈកម្មាធិការអចិន្ត្រៃយ៍រដ្ឋសភា ដើម្បីពិនិត្យអនុម័តលើរបៀបវារៈចំនួន ២៥។

តាមដានជាមួយយើង៖ Million Times

ប្រធានរដ្ឋសភា បានដឹកនាំប្រជុំគណៈកម្មាធិការអចិន្ត្រៃយ៍រដ្ឋសភា លើរបៀបវារៈអំពីការស្នើពិនិត្យសមាជិកក្រុមប្រឹក្សាធម្មនុញ្ញ ១ រូប ជំនួសសមាជិកដែលត្រូវចប់អាណត្តិ និងសំណើសុំពិនិត្យលើសេចក្ដីព្រាងច្បាប់ ២៤ គម្រោង ទាក់ទងការធានាទូទាត់ឲ្យក្រុមហ៊ុនវិនិយោគលើការផលិតថាមពលអគ្គិសនីតាមបណ្ដាខេត្តនានា។

ក្នុងសំណើសុំពិនិត្យលើសេចក្ដីព្រាងច្បាប់ ២៤ គម្រោងវិនិយោគនោះសុទ្ធសឹងជាគម្រោងថាមពលអគ្គិសនី, ថាមពលខ្យល់,ថាមពលពន្លឺព្រះអាទិត្យ ឧស្ម័ន និងអាគុយ៕

អត្ថបទ៖ មេរ៉ា, រូបភាព៖សម្តេចមហារដ្ឋសភាធិការធិបតី ឃួន សុដារី

The post រដ្ឋសភាអនុម័ត ២៤ គម្រោងវិនិយោគផ្នែកថាមពលអគ្គិសនីតាមបណ្ដាខេត្តនានា appeared first on Millions times.

ប្រធានរដ្ឋសភា៖ ស្ដ្រីនៅកម្ពុជាបានលើកកម្ពស់ដោយសម្ដេច ហ៊ុន សែន និងបន្ដការពារដោយសម្ដេច ហ៊ុន ម៉ាណែត

Vin Chang — Tue, 04 Mar 2025 10:09:54 +0000

នៅថ្ងៃ៤ ខែមីនា ឆ្នាំ២០២៥ នេះ ប្រធានរដ្ឋសភានៃកម្ពុជា សម្ដេច ឃួន សុដារី បានជួបសំណេះសំណាលជាមួយគណៈប្រតិភូស្ត្រី មកពី ១៥ ស្ថាប័ន នៅថ្នាក់ជាតិ និងថ្នាក់ក្រោមជាតិ ជាង ៣០០ នាក់ ដែលដឹកនាំដោយលោកស្រី អ៊ឹង កន្ថាផាវី រដ្ឋមន្ត្រីក្រសួងកិច្ចការនារី នៅវិមានរដ្ឋសភា អបអរសាទរទិវាអន្តរជាតិនារីលើកទី ១១៤ ក្រោមប្រធានបទ «សិទ្ធិ សមភាព និងភាពអង់អាចចំពោះស្ត្រី និងក្មេងស្រីគ្រប់រូប»។

តាមដានជាមួយយើង៖ Million Times

សម្ដេច ឃួន សុដារី បានលើកឡើងពីលទ្ធផលជាច្រើនដែលរដ្ឋសភា និងរាជរដ្ឋាភិបាលសម្រេចបាន នៅក្នុងការលើកកម្ពស់សិទ្ធិស្ត្រីនៅកម្ពុជា។ ក្នុងនោះប្រធានរដ្ឋសភា បានលើកឡើងថាការទទួលបានសុខសន្តិភាពពេញផ្ទៃប្រទេសនោះហើយ ទើបស្ត្រីនៅកម្ពុជាទទួលបានការគោរព ការផ្ដល់ជូនឋានៈតួនាទីនៅក្នុងសង្គម ដូចពេលបច្ចុប្បន្ននេះ។

សម្ដេចប្រធានរដ្ឋសភា បានបន្តទៀតថា តួនាទី និងឋានៈរបស់ស្ត្រីនៅក្នុងសង្គមផ្សារភ្ជាប់ជាមួយស្ថានភាពនយោបាយរបស់សង្គមជាតិនីមួយៗ។ សង្គមជាតិមានសន្តិភាព ស្ត្រីមានសិទ្ធិ មានសេរីភាព និងទទួលបានឋានៈនៅក្នុងសង្គម។ បើសង្គមជាតិជួបសង្គ្រាមគឺបាត់បង់សិទ្ធិទាំងអស់ សូម្បីសិទ្ធិជាមូលដ្ឋាននៃការរស់រានមានជីវិតក៏គ្មានដែរ។

សម្ដេចក៏បានគូសបញ្ជាក់ថា ចាប់តំាងពីថ្ងៃទី៧ ខែមករា ឆ្នាំ ១៩៧៩មក រហូតដល់ពេលបច្ចុប្បន្ន រាជរដ្ឋាភិបាលកម្ពុជាបានយកចិត្តទុកដាក់ខ្ពស់ដល់ការលើកកម្ពស់សិទ្ធិស្ត្រី ដូចមានក្នុងយុទ្ធសាស្ត្រចតុកោណទាំង ៤ ដំណាក់កាល ក្រោមការដឹកនាំរបស់សម្ដេចតេជោ ហ៊ុន សែន ប្រធានព្រឹទ្ធសភា កាលសម្ដេចនៅជានាយករដ្ឋមន្ត្រី។

សម្ដេច ឃួន សុដារី គាំទ្រទាំងស្រុងចំពោះរាជរដ្ឋាភិបាល ដឹកនាំដោយសម្ដេចធិបតី ហ៊ុន ម៉ាណែត ឥស្សរជនបន្តវេន ជាថ្នាក់ដឹកនាំវ័យក្មេង ប្រកបដោយថាមវន្ត វាងវៃ និងមោះមុត បានចេញ និងពង្រឹងការអនុវត្តគោលនយោបាយ កម្មវិធី និងវិធានការនានា រួមទាំងការពង្រឹងកិច្ចសហការ និងភាពជាដៃគូរវាងក្រសួង ស្ថាប័ន និងដៃគូពាក់ព័ន្ធ ក្នុងការលើកកម្ពស់សមភាពយេនឌ័រ និងការបង្កើនភាពអង់អាចរបស់ស្ត្រី និងក្មេងស្រីនៅតាមវិស័យអាទិភាព និងនៅគ្រប់កម្រិត៕

អត្ថបទ៖ មេរ៉ា, រូបភាព៖ cpp

The post ប្រធានរដ្ឋសភា៖ ស្ដ្រីនៅកម្ពុជាបានលើកកម្ពស់ដោយសម្ដេច ហ៊ុន សែន និងបន្ដការពារដោយសម្ដេច ហ៊ុន ម៉ាណែត appeared first on Millions times.

អគាររដ្ឋសភាថ្មីជាស្ថាបត្យកម្មខ្មែរដាក់សម្ពោធ ក្រោយសាងសង់អស់ ២៥ លានដុល្លារ ជាជំនួយពីវៀតណាម

Vin Chang — Fri, 22 Nov 2024 03:51:21 +0000

អគាររដ្ឋបាលថ្មីរបស់រដ្ឋសភាកម្ពុជា ដែលមានកម្ពស់ ១២ ជាន់ បានសម្ពោធដាក់ឲ្យប្រើប្រាស់កាលពីរសៀលថ្ងៃ ២១ ខែវិច្ឆិកា ឆ្នាំ២០២៤ កន្លងទៅ ក្រោមអធិបតីភាពដ៏ខ្ពង់ខ្ពស់ សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា និងឯកឧត្ដម ជិន ថាញ់មិន (Tran Thanh Man) ប្រធានរដ្ឋសភានៃសាធារណរដ្ឋសង្គមនិយមវៀតណាម។

តាមដានជាមួយយើង៖ Million Times

សម្ដេចមហារដ្ឋសភាធិការធិបតី ឃួន សុដារី បានថ្លែងអំណរគុណជ្រាលជ្រៅ ជូនចំពោះ បក្សកុម្មុយនិស្តរដ្ឋ និងប្រជាជនវៀតណាម ដែលបានផ្ដល់ជំនួយឧបត្ថម្ភ ២៥ លានដុល្លារ សាងសង់អគារថ្មីកម្ពស់ ១២ ជាន់ ជូនរដ្ឋសភា និងប្រជាជនកម្ពុជា។

ប្រធានរដ្ឋសភា កម្ពុជាសម្ដេចបានគូសបញ្ជាក់ថាអគារដ៏ស្កឹមស្កៃ ដែលដាក់សម្ពោធប្រើប្រាស់ជាផ្លូវការថ្មីៗនេះ បានបំពេញបន្ថែមឆ្លើយតបទៅនឹងតម្រូវការជាក់ស្ដែងរបស់រដ្ឋសភាកម្ពុជា ជាពិសេសនឹងរួមចំណែកដល់តម្រូវការនៃការកែទម្រង់អភិបាលកិច្ច ប្រែក្លាយជាសភាឌីជីថល និង ការលើកកម្ពស់ប្រសិទ្ធភាព និងប្រសិទ្ធផលការងាររបស់មន្ត្រីអគ្គលេខាធិការដ្ឋានរដ្ឋសភា ដែលជាតួអង្គដ៏សំខាន់ក្នុងការបម្រើសេវាជូនដល់ថ្នាក់ដឹកនាំរដ្ឋសភា និងសមាជិក សមាជិការដ្ឋសភា ដែលជាតំណាងឲ្យប្រជាពលរដ្ឋម្ចាស់ឆ្នោត។

អគាររដ្ឋបាលថ្មី បានដែលសាងសង់អស់ទឹកប្រាក់ ២៥ លានដុល្លារ មានកម្ពស់ ១២ ជាន់ និងបំពាក់ដោយសម្ភារៈទំនើប មានរចនាបថស្ថាបត្យកម្មខ្មែរ។ អគាររដ្ឋបាលថ្មីនេះ នឹងបម្រើដល់ការងាររដ្ឋបាលរបស់រដ្ឋសភា ដូចជា ជាការិយាល័យរបស់គណៈកម្មការជំនាញរដ្ឋសភា ជាសាលប្រជុំ ព្រមទាំងជាការិយាល័យរបស់មន្ត្រីអគ្គលេខាធិការដ្ឋានរដ្ឋសភាផងដែរ។

សំណង់អគាររដ្ឋបាលនេះបានបើកការដ្ឋានសាងសង់កាលពីចុងឆ្នាំ២០២១ ក្រោមអធិបតីភាពដ៏ខ្ពង់ខ្ពស់ សម្ដេចអគ្គមហាពញាចក្រី ហេង សំរិន ប្រធានរដ្ឋសភានីតិកាលទី៦ និង អតីតប្រធានរដ្ឋវៀតណាម ឯកឧត្ដម ង្វៀង ស៊ុនហ្វុក៕

អត្ថបទ៖ មេរ៉ា , រូបភាព៖ Khuon Sudary, President of the National Assembly of Cambodia

The post អគាររដ្ឋសភាថ្មីជាស្ថាបត្យកម្មខ្មែរដាក់សម្ពោធ ក្រោយសាងសង់អស់ ២៥ លានដុល្លារ ជាជំនួយពីវៀតណាម appeared first on Millions times.

សម្តេចរដ្ឋសភាធិបតី ឃួន សុដារី Archives - Millions times

កម្ពុជា ​ស្នើ​ប្រទេស​តួកគីយ៉េ​ បន្ត​ផ្តល់​ការ​គាំទ្រ​លើ​វិស័យអប់រំ និង​ការ​បណ្តុះបណ្តាល​ធនធាន​មនុស្ស

រដ្ឋសភាអនុម័ត ២៤ គម្រោងវិនិយោគផ្នែកថាមពលអគ្គិសនីតាម​បណ្ដា​ខេត្ត​នានា

ប្រធានរដ្ឋសភា៖ ស្ដ្រីនៅកម្ពុជាបានលើកកម្ពស់ដោយសម្ដេច ហ៊ុន សែន និងបន្ដការពារដោយសម្ដេច ហ៊ុន ម៉ាណែត

អគាររដ្ឋសភាថ្មីជាស្ថាបត្យកម្មខ្មែរដាក់សម្ពោធ ក្រោយសាងសង់អស់ ២៥ លានដុល្លារ ជា​ជំនួយពីវៀតណាម

កម្ពុជា ស្នើប្រទេសតួកគីយ៉េ បន្តផ្តល់ការគាំទ្រលើវិស័យអប់រំ និងការបណ្តុះបណ្តាលធនធានមនុស្ស

រដ្ឋសភាអនុម័ត ២៤ គម្រោងវិនិយោគផ្នែកថាមពលអគ្គិសនីតាមបណ្ដាខេត្តនានា

អគាររដ្ឋសភាថ្មីជាស្ថាបត្យកម្មខ្មែរដាក់សម្ពោធ ក្រោយសាងសង់អស់ ២៥ លានដុល្លារ ជាជំនួយពីវៀតណាម