សម្ដេចក្រុមព្រះ នរោត្តម ច័ក្រពង្ស់ Archives - Millions times

ប្រណីតគ្រប់ជ្រុងជ្រោយមង្គលការកូនប្រុសសេដ្ឋី អ៊ឹង ប៊ុនហ៊ូវ និងបុត្រី សម្ដេចក្រុមព្រះ នរោត្តម ច័ក្រពង្ស់

Vin Chang — Thu, 27 Nov 2025 06:03:52 +0000

មកដល់ថ្ងៃនេះជាថ្ងៃទី ២ នៃមង្គលការគូស្នេហ៍បុព្វេសន្និវាស ដែលកូនកំលោះគឺជាកូនប្រុសសេដ្ឋីប្រចាំស្រុកខ្មែរអ្នកឧកញ៉ា អ៊ឹង ប៊ុនហ៊ូវ មាននាមថា អ៊ឹង ស៊ីវឈន់ ចំណែកកូនក្រមុំជាសែរាជវង្ស និងជាបុត្រីពៅសម្ដេចក្រុមព្រះ នរោត្តម ច័ក្រពង្ស់ ព្រះនាម ព្រះអង្គម្ចាស់ក្សត្រិយ៍ នរោត្តម ពង្ស់សូរិយា។

តាមដានជាមួយយើង៖ Million Times

មង្គលការនៃសែរាជវង្ស និងត្រកូលអភិជន និងជាអ្នកជំនួញធំកក្រើកអស់បណ្ដាញសង្គម ក៏ព្រោះតែកម្មវិធីបានរៀបចំឡើងយ៉ាងគគ្រឹកគគ្រេង មានការចូលរួមពីញាតិវង្សានុវង្ស និងមន្ត្រីរាជការ អ្នកមុខអ្នកការ អ្នកជំនួញធំៗទាំងក្រៅ និងក្នុងប្រទេស។

គូស្នេហ៍ដែលសមគ្នាទាំងព្រមមិនថាជារូបសម្បត្តិ ទ្រព្យធន ចំណេះវិជ្ជា និងឋានៈមុខមាត់ឡើយ ដោយម្នាក់ជាកូនអ្នកជំនួញមានក្រុមហ៊ុន និងបុត្រសម្ពន្ធច្រើន ហើយម្នាក់ទៀតគឺជាចៅស្រីបង្កើតព្រះមហាវីរក្សត្រ ព្រះបរមរតនៈកោដ្ឋ ព្រះករុណា ព្រះបាទ នរោត្តម សីហនុ។

ក្នុងពិធីជយកូនប្រុសសេដ្ឋី អ៊ឹង ប៊ុនហ៊ូវ ព្រមទាំងបុត្រីពៅ សម្ដេចក្រុមព្រះ នរោត្តម ច័ក្រពង្ស់ បានរៀបចំតុបតែងឡើងយ៉ាងប្រណីត។ ផ្កាស្រស់ អំពូលគ្រីស្ដាល់ និងគ្រឿងលម្អផ្សេងៗបានបញ្ចេញសោភណភាពស្រស់បំព្រងគ្រប់ជ្រុងជ្រោយនៃកន្លែងប្រារព្ធកម្មវិធី។

ចំណែកសាមីខ្លួនទាំង ២ ត្រូវបានសម្អិតសម្អាងដោយផ្ចិតផ្ចង់ ព្រោះទ្រង់ជាសែរាជវង្ស និងជាបុគ្គលសំខាន់ដែលថែរក្សាមរតកដូនតាខ្មែរ។ ទាំងភ្ញៀវម្ចាស់ដើមការ បានគ្រងឈុតបុរាណមានហូលផាមួង អាវប៉ាក់ បូករួមគ្រឿងអលង្ការភ្លឺចិញ្ចែងចិញ្ចាច៕

អត្ថបទ៖ ឆដា, រូបភាព៖ The ring wedding cambodia

The post ប្រណីតគ្រប់ជ្រុងជ្រោយមង្គលការកូនប្រុសសេដ្ឋី អ៊ឹង ប៊ុនហ៊ូវ និងបុត្រី សម្ដេចក្រុមព្រះ នរោត្តម ច័ក្រពង្ស់ appeared first on Millions times.

CEO អ៊ឹង ស៊ីវឈន់ និងព្រះនាង នរោត្តម ពង្ស់សូរិយា ចូលរោងការថ្ងៃនេះហើយ

Vin Chang — Wed, 26 Nov 2025 06:23:55 +0000

ថ្ងៃមង្គលជ័យនៃត្រកូលអភិជនទាំងទ្វេ គឺ CEO អ៊ឹង ស៊ីវឈន់ ព្រះអង្គម្ចាស់ក្សត្រិយ៍ នរោត្តម ពង្ស់សូរិយា បានមកដល់ហើយ តាមព្រះរាជបវេណីក្នុងព្រះទីន័ងទេវាវិនិច្ឆ័យ ព្រះបរមរាជវាំងចតុម្មុខសិរីមង្គល។

តាមដានជាមួយយើង៖ Million Times

ថ្ងៃវិវាហមង្គល ព្រះអង្គម្ចាស់ក្សត្រិយ៍ នរោត្តម ពង្ស់សូរិយា និង CEO អ៊ឹង ស៊ីវឈន់ ក្រោមព្រះរាជាធិបតីភាពព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល។

មង្គលការនៃគ្រួសារខ្ពង់ខ្ពស់ទាំង ២ ចាត់ទុកជាមង្គលការធំប្រចាំចុងឆ្នាំ ២០២៥ នេះ ដោយខាងកូនកំលោះគឺជាអ្នកជំនួញ ហើយខាងស្រីគឺសែរាជវង្ស។ ទិដ្ឋភាពនាព្រឹកនេះ បានបង្ហាញចេញមកខ្លះៗតាមរយៈអ្នកផ្នួង និងក្រុមការងារមួយចំនួនតែប៉ុណ្ណោះ៕

អត្ថបទ៖ ឆដា, រូបភាព៖ ស៊ីនឌី សំអាងការ

The post CEO អ៊ឹង ស៊ីវឈន់ និងព្រះនាង នរោត្តម ពង្ស់សូរិយា ចូលរោងការថ្ងៃនេះហើយ appeared first on Millions times.

កូនប្រុសសេដ្ឋី អ៊ឹង ប៊ុនហ៊ូវ លុតជង្គង់សុំបុត្រីសម្ដេចក្រុមព្រះ នរោត្តម ច័ក្រពង្ស់ រៀបការ

Vin Chang — Mon, 03 Mar 2025 03:19:48 +0000

ជារឿងដ៏គួរឲ្យរំភើប និងភ្ញាក់ផ្អើលពេញបណ្ដាញសង្គម ពេលដែលលោក អ៊ឹង ស៊ីវឈន់ CEO រូបសង្ហាក្រុមហ៊ុន ដូនពេញ ត្រេឌីង ឯ.ក ត្រូវជាកូនប្រុសសេដ្ឋី អ៊ឹង ប៊ុនហ៊ូវ បានធ្វើ Proposal សុំគូស្នេហ៍រៀបការ ហើយមិត្តស្រីលោកគឺជាបុត្រីក្នុងសែរាជវង្សម្នាក់។

តាមដានជាមួយយើង៖ Million Times

អគ្គនាយកប្រតិបត្តិទឹកស្រ្ពីងប្រូវីដា បានលុតជង្គង់សុំបុត្រីសម្ដេចក្រុមព្រះ នរោត្តម ច័ក្រពង្ស់ គឺ ព្រះអង្គម្ចាស់ក្សត្រី នរោត្តម ពង្សសូរិយា រៀបការយ៉ាងរ៉ូមែនទិក ហើយក៏មានការចូលរួមពីសាច់សាលោហិតរាជវង្ស និងបងប្អូនមិត្តភ័ក្ដិខាងលោកជាច្រើន បង្កបរិយាកាសកាន់តែស្រស់បំព្រងមួយកម្រិតទៀត។

សម្ដេចក្រុមព្រះ នរោត្តម ច័ក្រពង្ស់ ក៏បានយាងទៅចូលរួម surprises បុត្រី ហើយសេដ្ឋី អ៊ឹង ប៊ុនហ៊ូវ និងភរិយាក៏សុទ្ធតែបានបង្ហាញវត្តមាន ក្នុងទឹកមុខសប្បាយរីករាយក្រៃលែង។ ចំណែកសាមីខ្លួនទាំងពីរ គឺ អ៊ឹង ស៊ីវឈន់ និង ព្រះអង្គម្ចាស់ក្សត្រី នរោត្តម ពង្សសូរិយា ពិតជារំភើបរកអ្វីប្រៀបផ្ទឹមពុំបានឡើយ។

សម្រាប់កន្លែងប្រារព្ធកម្មវិធីវិញ ពិតជារៀបចំតុបតែងបានស្រស់ស្អាត ប្រណិត ស័ក្ដិសមខ្លាំងដល់គ្រួសាររាជវង្ស និងគ្រួសារសេដ្ឋី។ បើទោះជាព្រះអង្គម្ចាស់ក្សត្រី នរោត្តម ពង្សសូរិយា មិនបានត្រៀមខ្លួនអ្វីច្រើនក៏ពិតមែន តែទ្រង់នៅតែស្រស់ស្អាត ឫកពាថ្លៃថ្នូរដដែល វង់ភក្ត្រ ស្រទន់មានមន្តស្នេហ៍ សមជាសែរាជវង្ស។

ម្ចាស់ទឹកស្រ្ពីងប្រូវីដា និងព្រះអង្គម្ចាស់ក្សត្រី នរោត្តម ពង្សសូរិយា នឹងរៀបមង្គលការក្នុងឆ្នាំនេះដែរ ក្រោយទាក់ទងមើលចិត្តមើលថ្លើមគ្នាជាយូរខែឆ្នាំមកហើយនោះ៕

អត្ថបទ៖មេរ៉ា, រូបភាព៖ Seav Chhuon Ing និង FAST films&photography

The post កូនប្រុសសេដ្ឋី អ៊ឹង ប៊ុនហ៊ូវ លុតជង្គង់សុំបុត្រីសម្ដេចក្រុមព្រះ នរោត្តម ច័ក្រពង្ស់ រៀបការ appeared first on Millions times.

សម្ដេច​ក្រុមព្រះ នរោត្តម ច័ក្រពង្ស់ Archives - Millions times

ប្រណីតគ្រប់ជ្រុងជ្រោយមង្គលការកូនប្រុសសេដ្ឋី អ៊ឹង ប៊ុនហ៊ូវ និងបុត្រី សម្ដេចក្រុមព្រះ នរោត្តម ច័ក្រពង្ស់

CEO អ៊ឹង ស៊ីវឈន់ និងព្រះនាង នរោត្តម ពង្ស់សូរិយា ចូលរោងការថ្ងៃនេះហើយ

កូនប្រុសសេដ្ឋី អ៊ឹង ប៊ុនហ៊ូវ លុត​ជង្គង់សុំបុត្រីសម្ដេចក្រុមព្រះ នរោត្តម ច័ក្រពង្ស់ រៀបការ

សម្ដេចក្រុមព្រះ នរោត្តម ច័ក្រពង្ស់ Archives - Millions times

កូនប្រុសសេដ្ឋី អ៊ឹង ប៊ុនហ៊ូវ លុតជង្គង់សុំបុត្រីសម្ដេចក្រុមព្រះ នរោត្តម ច័ក្រពង្ស់ រៀបការ