ក្នុងពិធីម្ពោធជាផ្លូវការការិយាល័យសមាគមសិល្បករខ្មែរ នារាត្រីថ្ងៃទី២៦ ខែកុម្ភៈនេះ លោកស្រី ម៉ៅ ចំណាន មានប្រសាសន៍ថា ចក្ខុវិស័យរបស់យើងពិតជាមានទំហំធំធេង ដែលបាន និងកំពុងរៀបចំកែប្រែសមាគមសិល្បករខ្មែរ ពីស្ថាប័នមួយដែលគ្រាន់តែអាចត្រឹមជួយសិល្បករចាស់ជរា និងអ្នកជួបការលំបាក មកជាស្ថាប័នតំណភ្ជាប់មួយដ៏ធំដែលអាចជួយផ្សព្វផ្សាយពីសិល្បៈវប្បធម៌របស់ខ្មែរឱ្យកាន់តែមានភាពទូលំទូលាយទាំងនៅលើឆាកជាតិ និងអន្តរជាតិ។

តាមដានជាមួយយើង៖ Million Times

លោកស្រីបានលើកឡើងថា សមាគមសិល្បករខ្មែរ កំពុងព្យាយាមសម្រេចឱ្យបាននូវឆន្ទៈ និងការប្តេជ្ញាចិត្តយ៉ាងមុតមាំបន្ថែមទៀតក្នុងការជួយជំរុញលើកស្ទួយ អភិរក្ស និងអភិវឌ្ឍវិស័យសិល្បៈវប្បធម៌ខ្មែរដ៏ល្អផូរផង់ ឱ្យកាន់តែមានកិត្យានុភាពបន្ថែមទៀតទាំងលើឆាកជាតិ និងអន្តរជាតិ។

ក្នុងឱកាសនេះ លោកស្រីបានថ្លែងថា ការជួបជុំប្រកបដោយអត្ថន័យ និងខ្លឹមសារ ដែលនេះជាសក្ខីភាពបញ្ជាក់ពីការបើកទំព័រថ្មីមួយទៀតរបស់សមាគមសិល្បករខ្មែរ ក្នុងការរៀបចំនូវមូលដ្ឋានគ្រឹះឱ្យកាន់តែរឹងមាំ ដើម្បីបន្តបេសកកម្មរបស់ខ្លួនឱ្យកាន់តែមានប្រសិទ្ធភាពខ្ពស់នាឆ្នាំ២០២៥ និងពេលអនាគត។

«ជាមួយគ្នានេះ យើងក៏កំពុងប្រែខ្លួនឱ្យក្លាយជាតួអង្គដ៏សំខាន់ ចូលរួមចំណែកយ៉ាងសកម្មជាមួយនឹងក្រសួងវប្បធម៌ និងវិចិត្រសិល្បៈ ក្នុងការអភិរក្ស ថែរក្សា និងអភិវឌ្ឍន៍វិស័យសិល្បៈ ពិសេសរួមចំណែកដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា»។ លោកស្រីបញ្ជាក់បន្ថែម។

លោកស្រីបន្តថា មកទល់នឹងពេលនេះ សមាគមសិល្បករខ្មែរ អាណត្តិទី៦ មានអាយុកាលជិត១០ខែហើយ ក្រោយពេលដែលលោកស្រីបានជាប់ជាប្រធានសមាគមកាលពីខែឧសភា ឆ្នាំ២០២៤។ ទន្ទឹមនេះ លោកស្រីគូសបញ្ជាក់ថា «ជាការពិតក្នុងរយៈពេលដ៏ខ្លីនេះ យើងបានរួមគ្នាបំពេញកិច្ចការងារជាច្រើន ទាំងកិច្ចការងារសប្បុរសធម៌ អភិរក្ស អភិវឌ្ឍក្នុងវិស័យសិល្បៈ និងចូលរួមកិច្ចការងារសង្គម»៕

អត្ថបទ៖ សាងតេជៈ រូបភាព៖ CNC

The post លោកស្រី ម៉ៅ ចំណាន កែប្រែសមាគមសិល្បករខ្មែរត្រឹមជួយសិល្បករ មកជាស្ថាប័នផ្សព្វផ្សាយសិល្បៈវប្បធម៌នៅលើឆាកជាតិ និងអន្តរជាតិ appeared first on Millions times.

ពិធីចុះហត្ថលេខាកាន់ប៊ិចសញ្ញេជាសេក្ខីភាពដោយលោកស្រីអ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរ និង លោកអ្នកឧកញ៉ា លាង ឃុន សហស្ថាបនិកក្រុមហ៊ុន ជីប ម៉ុង ព្រមទាំងសិល្បករ សិល្បការិនីល្បីៗ ជាច្រើនរូបផ្សេងទៀត។

តាមដានជាមួយយើង៖ Million Times

ក្នុងឱកាសនោះ អ្នកឧកញ៉ា ម៉ៅ ចំណាន បានថ្លែងថា តាមរយៈការចុះអនុស្សរណៈយោគយល់គ្នានាពេលនេះ គឺជាតឹកតាង សបញ្ជាក់ឱ្យឃើញកាន់តែច្បាស់ អំពីការយកចិត្តទុកដាក់ខ្ពស់ ប្រកបដោយទស្សនៈវិស័យវែងឆ្ងាយរបស់ អ្នកឧកញ៉ា សហស្ថាបនិក និងជាប្រធានក្រុមប្រឹក្សាភិបាលក្រុមហ៊ុន ជីប ម៉ុង គ្រុប ចំពោះការចូលរួមលើកតម្កើងតម្លៃនៃវិស័យសិល្បៈវប្បធម៌ជាតិ និងយល់ច្បាស់ពីសុខទុករបស់សិល្បករ សិល្បការិនីទាំងអស់ ជាពិសេសចំពោះសិល្បកររាមច្បង ដែលមានវ័យកាន់តែច្រើន និងកំពុងប្រឈមនឹងបញ្ហាផ្សេងៗ ដែលត្រូវការមូលនិធិឧបត្ថម្ភទ្រទ្រង់ជាចាំបាច់។

បន្ថែមពីលើនេះ ជំនួសមុខឱ្យថ្នាក់ដឹកនាំ ក៏ដូចជាសិល្បករ សិល្បការិនីទាំងអស់ នៅក្នុងសមាគមសិល្បករខ្មែរ អ្នកឧកញ៉ាសូមថ្លែងអំណរគុណ និងកោតស្ញប់ស្ញែង យ៉ាងខ្លាំងចំពោះ អ្នកឧកញ៉ា លាង ឃុន អ្នកឧកញ៉ា លាង ម៉េង ដែលបានគាំទ្រឧបត្ថម្ភមូលនិធិជូនសមាគមសិល្បករខ្មែរ ក្នុងរយៈពេល ១០ឆ្នាំ នូវទឹកប្រាក់សរុបចំនួន ៧៧៧,៧៧៧ (ចិតសិបប្រាំពីរម៉ឺនប្រាំពីរពាន់ប្រាំពីររយចិតសិបប្រាំពីរដុល្លាសហរដ្ឋអាមេរិក។

ក្នុងឱកាសនោះ អ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយកក្រុមហ៊ុនខ្មែរប៊ែវើរីជីស មានសេចក្តីសោមនស្សរីករាយក្រៃលែង ក្នុងការរួមដំណើរជាមួយសមាគមសិល្បករខ្មែរ នៅលើវិថីនៃកិច្ចការថែរក្សាកេរដំណែល វប្បធម៌ជាតិ និងរក្សាអត្តសញ្ញាណជាតិសិល្បៈខ្មែរ ដើម្បីលើកកម្ពស់និរន្តរភាពនៃសិល្បៈកម្ពុជាឱ្យកាន់តែរស់រវើក។

ជីប ម៉ុង ជាក្រុមហ៊ុនមេ របស់ខ្មែរប៊ែវើរីជីស និងមាន ១៣ក្រុមហ៊ុនក្នុងវិស័យធំៗនៅកម្ពុជា មានគ្រឹះដ៏រឹងមាំជាង ៤០ឆ្នាំ បានឧបត្ថម្ភថវិកាសរុប ៧៧៧,៧៧៧ ដុល្លារ ជូន ដល់សមាគមសិល្បករខ្មែរ រយៈពេល ១០ឆ្នាំ ក្នុងតួនាទីជាចលករមួយ ជំរុញឱ្យមានការផ្សារភ្ជាប់គ្នារវាងវប្បធម៍ និងសេដ្ឋកិច្ចជាតិ ដើម្បីបង្កើនសក្តានុពលជាតិ និងបន្តភាពគង់វង្សនៃអរិយធម៌ខ្មែរដ៏យូរលង់។ អ្នកឧកញ៉ាបន្ថែម។

អ្នកឧកញ៉ាបន្ថែមទៀតថា ជាមោទកភាព ក្រុមហ៊ុន ខ្មែរប៊ែវើរីជីស ក្នុងរយៈពេលកន្លងមក បានក្លាយជាមូលដ្ឋានមួយ ក្នុងការផ្សព្វផ្សាយនូវស្នាដៃសិល្បៈឱ្យកាន់តែទូលំទូលាយ តាមរយៈការរៀបចំបង្កើតព្រឹត្តិការណ៍ធំៗ ឬសិល្បៈនានាជាច្រើន ទាំងសិល្បៈប្រពៃណីបុរាណ និងសិល្បៈសម័យ។ យើង បានក្លាយជាចំណុចតភ្ជាប់សំខាន់មួយ ក្នុងការបង្កើតឱកាសដល់សិល្បករ-សិល្បការិនី ក្នុងការបន្តផ្សព្វផ្សាយពីវប្បធម៍ដ៏អស្ចារ្យ ដល់សាធារណជនទូទាំងប្រទេស និងពិភពលោក ឱ្យបានយល់ដឹងអំពីវប្បធម៌សិល្បៈដ៏ផូរផង់របស់ជាតិ ដែលមានតាំងពីបុរាណកាល។

អ្នកឧកញ៉ា លាង ម៉េង បានបញ្ជាក់ថា យើងខ្ញុំគាំទ្រយ៉ាងពេញទំហឹងលើឆន្ទៈ «រក្សាចាស់ បង្កើតថ្មី» ដើម្បីបង្កើនប្រសិទ្ធភាពនៃការច្នៃប្រឌិត ដើរឱ្យទាន់សម័យឌីជីថល និងបណ្តុះគំនិតកូនខ្មែរឱ្យចូលរួមថែរក្សាសម្បត្តិវប្បធម៌ប្រពៃណីខ្មែរ។ សំខាន់បំផុតនោះ ភាពរីកចម្រើននៃស្នាដៃសិល្បៈ នឹងជួយជំរុញកំណើនភ្ញៀវទេសចរ ចូលមកទស្សនា និងស្រាវជ្រាវបន្ថែម នូវទស្សនីយភាពសិល្បៈបុរាណ និងសម័យ ក្នុងប្រទេសកម្ពុជា៕

អត្ថបទ៖ ផល កុសល រូបភាព៖ ផ្តល់ឲ្យ

The post ក្រុមហ៊ុន ជីប ម៉ុង ប្រគល់ថវិកា ៧៧៧,៧៧៧ដុល្លារក្នុងរយៈពេល ១០ឆ្នាំដល់មូលនិធិសមាគមសិល្បករខ្មែរ appeared first on Millions times.