តាមដានជាមួយយើង៖ Million Times

ការវាយតម្លៃយ៉ាងដូច្នេះ ស្របពេលដែលលោកជំទាវរដ្ឋមន្ត្រី បានអនុញ្ញាតឱ្យគណៈប្រតិភូសភាពាណិជ្ជកម្មកម្ពុជា ដឹកនាំដោយអ្នកឧកញ៉ា លឹម ហេង អនុប្រធាន ចូលជួបសម្តែងការគួរសម និងគោរពជូនពរក្នុងឱកាសចូលឆ្នាំថ្មីប្រពៃណីខ្មែរ ដែលនឹងឈានចូលមកដល់នាពេលខាងមុខនេះ។

អ្នកឧកញ៉ា លឹម ហេង តំណាងគណៈប្រតិភូ បានថ្លែងអំណរគុណចំពោះលោកជំទាវរដ្ឋមន្ត្រី ដែលបានអនុញ្ញាតឱ្យគណៈប្រតិភូសភាពាណិជ្ជកម្មកម្ពុជា បានចូលជួបសម្តែងការគួរសម និងគោរពជូនពរ ក្នុងឱកាសចូលឆ្នាំថ្មីប្រពៃណីខ្មែរ នាពេលនេះ។

ជាមួយគ្នានេះ អ្នកឧកញ៉ាអនុប្រធាន ក៏បានរាយការណ៍អំពីវឌ្ឍនភាពការងារ បញ្ហាប្រឈម និងសំណូមពរ របស់សភាពាណិជ្ជកម្មកម្ពុជា គោរពជូនលោកជំទាវរដ្ឋមន្ត្រី ដើម្បីជ្រាប។  

ជាការឆ្លើយតប លោកជំទាវរដ្ឋមន្រ្តី បានថ្លែងស្វាគមន៍ និងថ្លែងអំណរគុណចំពោះគណៈប្រតិភូសភាពាណិជ្ជកម្ម ដែលបានឆ្លៀតឱកាសដ៏មមាញឹកចូលជួបសម្តែងការគួរសម និងរាយការណ៍ជូនអំពីវឌ្ឍភាពការងារសម្រេចបាន និងទិសដៅការងារបន្ត។

លោកជំទាវរដ្ឋមន្រ្តី ក៏បានវាយតម្លៃខ្ពស់លើលទ្ធផលការងារ និងតួនាទីរបស់សភាពាណិជ្ជកម្ម ក្នុងការចូលរួមជំរុញសកម្មភាពសេដ្ឋកិច្ច-ពាណិជ្ជកម្ម ដែលបានរួមចំណែកយ៉ាងសំខាន់ ក្នុងការរុញច្រានកំណើនសេដ្ឋកិច្ច និងអភិវឌ្ឍសង្គម សេដ្ឋកិច្ច។

បន្ថែមលើនេះ លោកជំទាវរដ្ឋមន្រ្តី ក៏បានបញ្ជាក់ថា ក្រសួងពាណិជ្ជកម្ម ក្នុងនាមជាអាណាព្យាបាលបច្ចេកទេស នឹងបន្តគាំទ្រសភាពាណិជ្ជកម្ម ដើម្បីសម្រេចបាននូវទិសដៅការងារ និងសមិទ្ធផលបន្ថែមទៀត៕

អត្ថបទ៖ វីរៈ រូបភាព៖ ក្រសួងពាណិជ្ជកម្ម

second...

x

The post រដ្ឋមន្រ្តី វាយតម្លៃខ្ពស់ចំពោះតួនាទីសភាពាណិជ្ជកម្ម ក្នុងការចូលរួមជំរុញសកម្មភាពសេដ្ឋកិច្ច-ពាណិជ្ជកម្ម appeared first on Millions times.

អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា បានគូសបញ្ជាក់ដូច្នេះ នៅក្នុងមហាសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារឆ្នាំ២០២៦ របស់សភាពាណិជ្ជកម្មកម្ពុជា នៅថ្ងៃទី២៨ ខែមករា ឆ្នាំ២០២៦។

តាមដានជាមួយយើង៖ Million Times

អ្នកឧកញ៉ា គិត ម៉េង បានថ្លែងថា ការរួមចំណែកដ៏សំខាន់បំផុតរបស់សភាពាណិជ្ជកម្មកម្ពុជាចំពោះវិស័យឯកជន គឺការទទួលបានឱកាសចូលជួបពិភាក្សាដោយផ្ទាល់ជាមួយថ្នាក់ដឹកនាំកម្រិតខ្ពស់បំផុត។ តាមរយៈវេទិការាជរដ្ឋាភិបាល-ផ្នែកឯកជន (G-PSF) លើកទី១៩ យើងបានពង្រឹងកិច្ចសន្ទនាប្រកបដោយតម្លាភាព និងផ្អែកលើមូលដ្ឋានពិតប្រាកដ ជាមួយ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

អ្នកឧកញ៉ា បានថ្លែងថា ៖«ដោយសារយើងបានបញ្ចេញសំឡេងរួមគ្នាផ្អែកលើមូលដ្ឋានច្បាស់លាស់ យើងបានដោះស្រាយដោយជោគជ័យនូវបញ្ហាដែលនៅសេសសល់យូរអង្វែងក្នុងវិស័យពន្ធដារ គយ និងភស្តុភារកម្ម»។

អ្នកឧកញ៉ា គិត ម៉េង បានឱ្យដឹងទៀតថា កត្តានេះបានបញ្ជាក់យ៉ាងច្បាស់ថា សភាពាណិជ្ជកម្មកម្ពុជាគឺជាតំណាងស្របច្បាប់នៃវិស័យឯកជន។

បច្ចុប្បន្ន បណ្តាញរបស់សភាពាណិជ្ជកម្មកម្ពុជាបានពង្រីកខ្លួនលើសពីព្រំដែនជាតិ ដោយសភាពាណិជ្ជកម្មកម្ពុជា មានការិយាល័យតំណាងចំនួន ៨ នៅទូទាំងពិភពលោក រួមមាននៅប្រទេសកាណាដា ជប៉ុន អូស្ត្រាលី សហរដ្ឋអាមេរិក និងនូវែលសេឡង់។

ទាក់ព័ន្ធនឹងតំណាសភាពាណិជ្ជកម្មកម្ពុជានៅក្រៅប្រទេស អ្នកឧកញ៉ា គិត ម៉េង បានលើកឡើងថា ប្រធានការិយាល័យតំណាងសភាពាណិជ្ជកម្មកម្ពុជានៅក្រៅប្រទេសទាំងអស់ មានបេសកកម្មចម្បង គឺត្រូវដើរតួជាច្រកទ្វារយុទ្ធសាស្ត្រក្នុងការធានាថា ម៉ាកសញ្ញា “ផលិតនៅកម្ពុជា” (Made in Cambodia) នឹងក្លាយជាសញ្ញាសម្គាល់នៃគុណភាព និងភាពជឿជាក់នៅក្នុងទីផ្សារអន្តរជាតិ។

អ្នកឧកញ៉ា បានថ្លែងបន្តថា ឆ្នាំ២០២៦ នឹងក្លាយជាឆ្នាំនៃការជំរុញសន្ទុះសេដ្ឋកិច្ចឱ្យកាន់តែលឿន។ ខណៈដែលកំណើនសេដ្ឋកិច្ចជាតិត្រូវបានព្យាករណ៍ក្នុងកម្រិត ៥,០% សភាពាណិជ្ជកម្មកម្ពុជា ត្រូវជំរុញវិស័យឯកជនឲ្យត្រូវតាមគោលនយោបាយរបស់រាជរដ្ឋាភិបាល៕

អត្ថបទ៖ ប៊ី

second...

x

The post អ្នកឧកញ៉ា គិត ម៉េង៖ សភាពាណិជ្ជកម្មកម្ពុជា មានបេសកកម្មចម្បង ធ្វើជាស្ពានចម្លងរួមគ្នារវាងសហគមន៍ធុរកិច្ច និងចក្ខុវិស័យយុទ្ធសាស្ត្ររបស់រាជរដ្ឋាភិបាល appeared first on Millions times.

តាមដានជាមួយយើង៖ Million Times

ការអញ្ជើញបែបនេះ គឺនៅក្នុងជំនួបពិភាក្សាការងាររវាងឯកឧត្តមឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា ជាមួយលោកស្រី មីឡេនណា ការីដាដ ស្សាលឌីវ៉ារ ពាដ្រា ឯកអគ្គរដ្ឋទូតគុយបាប្រចាំ កម្ពុជា កាលពីថ្ងៃទី២០ ខែមករា ឆ្នាំ២០២៦។

លោកស្រីឯកអគ្គរដ្ឋទូត បានគូសបញ្ជាក់ថា គោលបំណងសំខាន់នៃជំនួបនេះ គឺដើម្បីពង្រឹង និងពង្រីកកិច្ចសហប្រតិបត្តិការសេដ្ឋកិច្ច និងពាណិជ្ជកម្មឱ្យស្របទៅនឹងទំនាក់ទំនងនយោបាយដ៏ល្អប្រសើររវាងប្រទេសគុយបា និងប្រទេសកម្ពុជា។

ក្នុងឱកាសនេះដែរ លោកស្រី បានស្នើឱ្យសភាពាណិជ្ជកម្មកម្ពុជា បន្ដទំនាក់ទំនងជាមួយសភាពាណិជ្ជកម្មគុយបា ដើម្បីជំរុញកិច្ចសហប្រតិបត្តិការនានា ដែលអាចនាំមកនូវការរីកចម្រើនពាណិជ្ជកម្ម ក្នុងវិស័យផ្សេងៗដូចជា៖ វិស័យសុខាភិបាល អប់រំ និង កសិកម្ម ជាដើម។

បន្ថែមពីលើនេះទៀត លោកស្រីឯកអគ្គរដ្ឋទូត បានអញ្ជើញសភាពាណិជ្ជកម្មកម្ពុជារៀបចំបេសកកម្មធុរកិច្ចដឹកនាំធុរជនកម្ពុជាទៅកាន់ប្រទេសគុយបា ដើម្បីចូលរួមពិព័រណ៍ពាណិជ្ជកម្ម និងដើម្បីស្វែងយល់ពី​ឱកាសដ៏សម្បូរបែបនៅគុយបា។​

ជាកិច្ចឆ្លើយតប ឯកឧត្តមឧកញ៉ា ងួន ម៉េងតិច បានស្វាគមន៍យ៉ាងកក់ក្តៅ និងបានវាយតម្លៃខ្ពស់ចំពោះសកម្មភាពការទូតដ៏សកម្ម ​របស់លោកស្រីឯកអគ្គរដ្ឋទូតគុយបា។

ជាមួយគ្នានេះ ឯកឧត្តមឧកញ៉ា បានបញ្ជាក់ថា សភាពាណិជ្ជកម្មកម្ពុជា ត្រៀមខ្លួនជាស្រេចក្នុងការសម្របសម្រួល និងជំរុញឱ្យមានការតភ្ជាប់រវាងវិស័យឯកជននៃប្រទេសទាំងពីរ ជាពិសេសការពិនិត្យលទ្ធភាពរៀបចំដំណើរធុរកិច្ចទៅកាន់ប្រទេសគុយបា នាពេលសមស្របខាងមុខ និងបន្ដទំនាក់ទំនងជាមួយសភាពាណិជ្ជកម្មគុយបា៕

អត្ថបទ៖ វីរៈ រូបភាព៖ សភាពាណិជ្ជកម្មកម្ពុជា

second...

x

The post ទូតគុយបា អញ្ជើញសភាពាណិជ្ជកម្មកម្ពុជា រៀបចំបេសកកម្មធុរកិច្ចកម្ពុជាទៅកាន់ប្រទេសរបស់ខ្លួន   appeared first on Millions times.

ទន្ទឹមនេះ សភាពាណិជ្ជកម្មអាមេរិកនៅកម្ពុជា នៅថ្ងៃដដែល បានផ្ទើលិខិតទៅស្ថានទូតអាមេរិកនៅកម្ពុជា ដោយបានបង្ហាញពីក្តីបារម្ភខ្លាំងចំពោះការគំរាមកំហែង​យោធា​ថៃ ដែលកំណត់យកកំពង់ផែកម្ពុជាថា ជាតំបន់មានហានិភ័យខ្ពស់ និងទប់ស្កាត់ការដឹកជញ្ជូនប្រេងឥន្ទនៈ និងទំនិញផ្សេងៗទៀតតាមសមុទ្រ។

ក្នុងលិខិតរបស់សភាពាណិជ្ជកម្មអាមេរិកនៅកម្ពុជា ដែលមានចំណងជើងថា “ការគំរាមកំហែង​យោធា​ថៃ​ក្នុង​ការ​កំណត់​កំពង់ផែ​កម្ពុជាជា «​តំប​ន់ហានិភ័យ​ខ្ពស់​» និង​ទប់ស្កាត់​ប្រេងឥន្ធនៈ” មានខ្លឹមសារដូចតទៅ ៖

តាមដានជាមួយយើង៖ Million Times

«យើងសូមបង្ហាញនូវក្តីព្រួយបារម្ភយ៉ាងខ្លាំង ទាក់ទងនឹងសេចក្តីថ្លែងការណ៍របស់យោធាថៃដែលថា ប្រទេសថៃអាចកំណត់យកកំពង់ផែកម្ពុជាជា “តំបន់ហានិភ័យខ្ពស់” និងការរារាំងការដឹកជញ្ជូនប្រេងឥន្ធនៈ និងទំនិញផ្សេងទៀត។ (ក្នុងន័យសង្រ្គាម តំបន់ហានិភ័យខ្ពស់ មានន័យថា តំបន់អាចផ្ទុះអាវុធគ្រប់ពេល)

បច្ចុប្បន្ន មានអាជីវកម្ម ដែលគ្រប់គ្រងដោយជនជាតិអាមេរិកប្រមាណ ៨៦៥  បានចុះបញ្ជីនៅក្នុងប្រទេសកម្ពុជា ហើយប្រជាជនអាមេរិករាប់រយទៀតធ្វើការជាមួយក្រុមហ៊ុនផលិតនៅកម្ពុជា ដើម្បីផលិតទំនិញសម្រាប់ម៉ាកយីហោអាមេរិក។ ក្រុមហ៊ុនទាំងនេះ គឺតំណាងឱ្យការវិនិយោគរបស់សហរដ្ឋអាមេរិក ដែលមានតម្លៃរាប់ពាន់លានដុល្លារ នៅក្នុងប្រទេសកម្ពុជា ដោយផ្តល់នូវទំនិញ និងសេវាកម្មដែលមានគុណភាពខ្ពស់តម្លៃសមរម្យដល់គ្រួសារ និងអ្នកប្រើប្រាស់ទាំងកម្ពុជា និងអាមេរិក។

ទំនាក់ទំនងរវាងសហរដ្ឋអាមេរិក និងកម្ពុជាមានការរីកចម្រើនយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយនេះ ជាពិសេសនៅឆ្នាំ ២០២៥ ជាមួយនឹងការចុះហត្ថលេខាលើកិច្ចព្រមព្រៀងស្តីពីពាណិជ្ជកម្មបដិការ។ ជនជាតិអាមេរិករាប់ពាន់នាក់រស់នៅក្នុងប្រទេសកម្ពុជា ជាមួយគ្រួសារ កូនៗ និងមនុស្សជាទីស្រលាញ់របស់ពួកគេ។ ជនជាតិអាមេរិកបានបង្កើតសាលារៀន និងសេវាថែទាំសុខភាពមួយចំនួនក្នុងប្រទេសកម្ពុជា។

ដូច្នេះហើយ យើងមានការព្រួយបារម្ភយ៉ាងខ្លាំងចំពោះសេចក្តីថ្លែងការណ៍របស់យោធាថៃកាលពីថ្ងៃទី ១៤ ខែធ្នូ ឆ្នាំ ២០២៥ ដែលគំរាមកំហែងកំណត់កំពង់ផែកម្ពុជាថា ជាតំបន់មានហានិភ័យខ្ពស់ និងទប់ស្កាត់ការដឹកជញ្ជូនប្រេងឥន្ទនៈ និងទំនិញផ្សេងៗទៀតតាមសមុទ្រ។ សេចក្តីថ្លែងការណ៍ទាំងនេះ ធ្វើឡើងនៅថ្ងៃអាទិត្យ ទី១៤ ខែធ្នូ ឆ្នាំ២០២៥ ដោយលោក កាពីទែន ណារ៉ា ឃុនកថម (Nara Khunkothom) ជំនួយការអ្នកនាំពាក្យ នៃកងនាវាចរថៃ នៅមជ្ឈមណ្ឌលព័ត៌មានស្តីពីស្ថានភាពព្រំដែនកម្ពុជា-ថៃ នៅស្ថានីយទូរទស្សន៍កងទ័ព។ នៅក្នុងសេចក្តីសង្ខេបនោះ លោកបានពណ៌នាអំពីសំណើរបស់យោធាថៃក្នុងការទប់ស្កាត់ និងត្រួតពិនិត្យការដឹកជញ្ជូនប្រេងឥន្ធនៈ និងការផ្គត់ផ្គង់ផ្សេងទៀតមកកម្ពុជា ក៏ដូចជាការប្រកាសដែនទឹកជុំវិញកំពង់ផែកម្ពុជាថាជា “តំបន់ដែលមានហានិភ័យខ្ពស់”។

ការបិទផ្លូវប្រេងឥន្ធនៈនឹងមានផលវិបាកយ៉ាងធ្ងន់ធ្ងរដល់គ្រួសារ និងអាជីវកម្មអាមេរិកនៅកម្ពុជា។ អាជីវកម្មអាមេរិកនឹងប្រឈមនឹងការបិទទ្វារ ហើយគ្រួសារអាមេរិកនឹងប្រឈមមុខនឹងបញ្ហាក្នុងការបំពេញតម្រូវការដឹកជញ្ជូន និងថាមពលប្រចាំថ្ងៃជាមូលដ្ឋាន រួមទាំងសាលារៀន និងការព្យាបាលវេជ្ជសាស្រ្តផងដែរ។ ជនស៊ីវិលអាមេរិកនឹងរងទុក្ខ និងមានការប៉ះពាល់ពីការបិទផ្លូវនេះ។

លើសពីនេះ ដោយសារពាណិជ្ជកម្មភាគច្រើនរវាងសហរដ្ឋអាមេរិក និងកម្ពុជា ធ្វើឡើងជាមួយការដឹកជញ្ជូនតាមផ្លូវសមុទ្រ ការកំណត់កំពង់ផែស៊ីវិលកម្ពុជាជាកំពង់ផែដែលមានហានិភ័យខ្ពស់នឹងធ្វើឱ្យថ្លៃធានារ៉ាប់រង និងការដឹកជញ្ជូនមិនអាចទទួលយកបាន ដែលបំផ្លាញពាណិជ្ជកម្មដែលកំពុងកើនឡើងរវាងសហរដ្ឋអាមេរិក និងកម្ពុជា។ វាក៏នឹងរុញច្រានប្រជាជនជាងមួយលាននាក់ ដែលជាកម្មករ កម្មការនី ធ្លាក់ចូលទៅក្នុងបន្ទាត់នៃភាពក្រីក្រ។

ការគម្រាមកំហែងរបស់ថៃមកលើកំពង់ផែ និងការដឹកជញ្ជូនឥន្ធនៈរបស់កម្ពុជា គឺជាការកើនឡើងនៃជម្លោះដែលមិនចាំបាច់ និងឃោរឃៅ ដែលធ្វើឱ្យមានការរងទុក្ខយ៉ាងធ្ងន់ធ្ងរដល់ប្រជាជនស៊ីវិល»៕ (បកប្រែក្រៅផ្លូវការ)

អត្ថបទ៖ ប៊ី

second...

x

The post សភាពាណិជ្ជកម្មអាមេរិកនៅកម្ពុជា៖ ការ​គំរាម​កំហែង​របស់​ថៃ​ចំពោះ​ការ​ដឹក​ជញ្ជូន​ប្រេង ​និង​ពាណិជ្ជកម្ម​តាម​សមុទ្រ​ជាមួយ​កម្ពុជា​ គឺ​ជា​ការ​គំរាម​កំហែង​ដល់​គ្រប់​ជាតិ​សាសន៍ appeared first on Millions times.

តាមដានជាមួយយើង៖ Million Times

កាលពីថ្ងៃទី២៧ ខែវិច្ឆិកាកន្លងទៅនេះ អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា និងជាអនុប្រធានគណៈកម្មការ បានដឹកនាំកិច្ចប្រជុំលើកទី២ នៃគណៈកម្មការរៀបចំមហាសន្និបាតបូកសរុបលទ្ធផលការងារសភាពាណិជ្ជកម្មកម្ពុជាឆ្នាំ២០២៥ និងលើកទិសដៅការងារសភាពាណិជ្ជកម្មកម្ពុជាឆ្នាំ២០២៦ ដែលមានការអញ្ជើញចូលរួមពីអនុប្រធាន សមាជិក និងសមាជិកា នៃគណៈកម្មការនេះ។

គោលបំណងនៃកិច្ចប្រជុំនេះ ដើម្បីពិនិត្យនិងស្តាប់របាយកាណ៍ វឌ្ឍនភាពនៃការរៀបចំមហាសន្និបាតបូកសរុបលទ្ធផលការងារសភាពាណិជ្ជកម្មកម្ពុជាឆ្នាំ២០២៥ និងលើកទិសដៅការងារសភាពាណិជ្ជកម្មកម្ពុជាឆ្នាំ២០២៦។ ជាមួយគ្នានេះផងដែរ  គណៈកម្មការក៏បានសម្រេចបង្កើត អនុគណៈកម្មការចំនួន៣ គឺ៖ ១. អនុគណៈកម្មការហិរញ្ញវត្ថុ, ២. អនុគណៈកម្មការខ្លឹមសារ និងមាតិការ និង៣. អនុគណៈកម្មការ ពិធីការ រដ្ឋបាល និងបដិសណ្ឋារកិច្ច។

បើតាមសភាពាណិជ្ជកម្មកម្ពុជា ពិធីអបអរមហាសន្និបាតបូកសរុបលទ្ធផលការងារសភាពាណិជ្ជកម្មកម្ពុជាឆ្នាំ២០២៥ និងលើកទិសដៅការងារឆ្នាំ២០២៦ ដែលនេះជាព្រឹត្តិការណ៍ជួបជុំដ៏ធំប្រចាំឆ្នាំនៃមហាគ្រួសារសភាពាណិជ្ជកម្មកម្ពុជា នឹងប្រព្រឹត្តទៅនៅថ្ងៃទី២៨ ខែមករា ឆ្នាំ២០២៦ខាងមុខ ក្នុងគោលបំណងជួបជុំ សមាជិក សមាជិកា សភាពាណិជ្ជកម្មកម្ពុជានៅក្នុងប្រទេស និងតំណាងការិយាល័យសភាពាណិជ្ជកម្មកម្ពុជានៅក្រៅប្រទេសទាំងអស់។

ក្នុងឱកាសដ៏វិសេសវិសាលនេះ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត នឹងផ្តល់កិតិ្តយសអញ្ជើញចូលរួម ជាអធិបតីភាពដ៏ខ្ពង់ខ្ពស់នៅក្នុង «មហាសន្និបាតនិងពិសារអាហារសាមគ្គីមហាគ្រួសារសភាពាណិជ្ជកម្មកម្ពុជា» ព្រមទាំងមានការអញ្ជើញចូលរួមពីថ្នាក់ដឹកនាំជាន់ខ្ពស់ពីរដ្ឋាភិបាល ស្ថានទូត ដៃគូអភិវឌ្ឍន៍ សភាពាណិជ្ជកម្មអន្តរជាតិនៅកម្ពុជា និងសមាគមធុរកិច្ចជាតិ និងអន្តរជាតិ ដើម្បីបង្កើតជំនួបពាណិជ្ជកម្មដ៏ធំ ក្នុងការស្វែងយល់កាន់ច្បាស់នូវ បរិយាកាសវិនិយោគ ការលានុវត្តភាពធុរកិច្ច ការអភិវឌ្ឍសេដ្ចកិច្ច និងបង្កើនកិច្ចសហការរវាង ធុរជនជាតិ និងអន្តរជាតិទូទាំងប្រទេស៕

អត្ថបទ៖ វីរៈ រូបភាព៖ សភាពាណិជ្ជកម្មកម្ពុជា

second...

x

The post សភាពាណិជ្ជកម្មកម្ពុជា គ្រោងរៀបចំមហាសន្និបាតបូកសរុបលទ្ធផលការងារ នៅដើមឆ្នាំ២០២៦ appeared first on Millions times.

តាមដានជាមួយយើង៖ Million Times

ដោយ​បាន​ការ​អនុញ្ញាត​ពី​អ្នក​ឧកញ៉ា គិត ម៉េង ប្រធាន​សភា​ពាណិជ្ជកម្ម​កម្ពុជា និង​ជា​ប្រធាន​ក្រុម​ប្រឹក្សា​ពិគ្រោះ​យោបល់​ធុរកិច្ច​អាស៊ាន​សម្រាប់​កម្ពុជា នាព្រឹកថ្ងៃ១៧ ខែ​វិច្ឆិកា ឆ្នាំ២០២៥ លោក ចាង ជីវិញ អនុ​ប្រធាន​សភា​ពាណិជ្ជកម្ម​កម្ពុជា ក្នុង​ឱកាស​នៃ​ទស្សនកិច្ច​ពាណិជ្ជកម្ម​នេះ គណៈ​ប្រតិភូ​សភា​ពាណិជ្ជកម្ម​កម្ពុជា នឹង​អញ្ជើញ​ចូលរួម​ព្រឹត្តិការណ៍​សំខាន់​ៗ​ជាច្រើន​រួមមាន ពិព័រណ៍​ស្ដី​ពី​ឧបករណ៍ និង​បច្ចេកវិទ្យា​អគ្គិសនី (The 32nd Electric Power Equipment & Technology Expo) និង​ចូលរួម​កិច្ច​ប្រជុំ និង​វេទិកា​ចែក​រំលែក​ពាក់ព័ន្ធ​នឹង​វិស័យ​អគ្គិសនី និង​ថាមពល។

ក្រៅពី​នេះ គណៈ​ប្រតិភូ​សភា​ពាណិជ្ជកម្ម​កម្ពុជា ក៏​នឹង​មាន​ជំនួប​ពាណិជ្ជកម្ម និង​ចាប់ដៃ​គូ​ជាមួយ​ក្រុមហ៊ុន​អន្តរជាតិ​នានា ព្រម​ទាំង​ទៅ​ទស្សនកិច្ច​រោងចក្រ ដែល​មាន​ឧបករណ៍ និង​បច្ចេកវិទ្យា​ទំនើប​ៗ​នៅ​ក្នុង​វិស័យ​ថាមពល និង​ឧស្សាហកម្ម​ប្រទេស​ចិន។

គួរ​រំលឹក​ផង​ដែរ​ថា សភា​ពាណិជ្ជកម្ម​កម្ពុជា ដែល​មាន​អ្នក​ឧកញ៉ា គិត ម៉េង ជា​ប្រធាន បាន​ធ្វើ​ការ​យ៉ាង​សកម្ម​ជាមួយ​ដៃគូ និង​អង្គភាព​អន្តរជាតិ​នានា ដើម្បី​ពង្រឹង​បន្ថែម​កិច្ច​សហប្រតិបត្តិការ​ធុរកិច្ច ពាណិជ្ជកម្ម និង​ការ​វិនិយោគ។ កន្លង​ទៅ​នេះ សភា​ពាណិជ្ជកម្ម​កម្ពុជា តែងតែ​រៀបចំ​កម្មវិធី​ទស្សនកិច្ច​ពាណិជ្ជកម្ម ព្រមទាំង​បាន​រៀបចំ​កម្មវិធី​ជំនួប​អាជីវកម្ម (B2B) និង​ចាប់ដៃ​គូ​វិនិយោគ​ទៅ​កាន់​ប្រទេស​នានា​ក្នុង​តំបន់ និង​អន្តរជាតិ៕

អត្ថបទ៖ ឆដា, រូបភាព៖ សភាពាណិជ្ជកម្មកម្ពុជា

second...

x

The post លោក ចាង ជីវិញ ដឹកនាំគណៈប្រតិភូសភាពាណិជ្ជកម្មកម្ពុជា ទៅបំពេញទស្សនកិច្ចនៅសៀងហៃ ៤ ថ្ងៃ appeared first on Millions times.

តាមដានជាមួយយើង៖ Million Times

ការចូលរួមនេះ គឺក្នុងឱកាសអមដំណើរ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញចូលរួមកិច្ចប្រជុំកំពូលអាស៊ានលើកទី៤៧ និង កិច្ចប្រជុំកំពូលពាក់ព័ន្ធ នៅទីក្រុងគូឡាឡាំពួរ ប្រទេសម៉ាឡេស៊ី។

មូលបទនៃកិច្ចប្រជុំកំពូលធុរកិច្ច និងវិនិយោគអាស៊ានឆ្នាំ ២០២៥ខាងលើនេះ ឆ្លុះបញ្ចាំងឱ្យឃើញពីភាពចាំបាច់សម្រាប់អាស៊ាន ក្នុងការបង្កើនល្បឿនសមាហរណកម្មសេដ្ឋកិច្ច និងពង្រឹងគោលជំហរឲ្យកាន់តែរឹងមាំ លូតលាស់លឿន និងឆ្ពោះទៅមុខរួមគ្នា។

បើតាមសភាពាណិជ្ជកម្មកម្ពុជា បានឱ្យដឹងថា កិច្ចប្រជុំកំពូលនេះ ផ្តោតសំខាន់លើការជជែកពិភាក្សាអំពីការពង្រឹងកិច្ចសហការរវាងធុរកិច្ច និងធុរកិច្ច, ការជំរុញអត្តសញ្ញាណអាស៊ាន, ការគាំទ្រដល់សហគ្រាសមីក្រូ សហគ្រាសធុនតូច និងមធ្យម, កាលានុវត្តភាពសមធម៌ និងការអភិវឌ្ឍកម្លាំងពលកម្មប្រកបដោយបរិយាប័ន្ន។

ក្រៅពីនេះ ក៏មានការលើកយកបញ្ហាប្រឈមផ្នែកបទបញ្ញត្តិ និងកិច្ចសន្ទនាថ្នាក់តំបន់ ស្តីពី ការសហការគ្នា ដើម្បីប្រើប្រាស់ឱ្យអស់លទ្ធភាពនូវបញ្ញាសុប្បនិម្មិត្តអាស៊ាន ផងដែរ៕

អត្ថបទ៖ វីរៈ រូបភាព៖ សភាពាណិជ្ជកម្មកម្ពុជា

second...

x

The post អ្នកឧកញ៉ា គិត ម៉េង ដឹកនាំគណៈប្រតិភូចូលរួមកិច្ចប្រជុំកំពូលធុរកិច្ច និងវិនិយោគអាស៊ានឆ្នាំ២០២៥ appeared first on Millions times.

លើបណ្តាញសង្គម Facebook នៅថ្ងៃទី១៨ មេសានេះ ម្ចាស់ធនាគារ វីង អ្នកឧកញ៉ា គិត ម៉េង បានបង្ហើបឲ្យដឹងថា លោកធ្លាប់គិតថាការចំណាយពេលវេលាសម្រាប់ខ្លួនឯង គឺជារឿងអាត្មានិយម។ ទោះបីនឿយហត់ លោកត្រូវអត់ទ្រាំ ហើយប្រាប់ខ្លួនឯងថា លោកត្រូវបន្តធ្វើការ ដោយមិនអាចឈប់សម្រាកបានទេ រហូតទាល់តែកិច្ចការគ្រប់យ៉ាងត្រូវបានបំពេញរួចរាល់។ ប៉ុន្តែ ការពិតនោះគឺ ការងារគ្មានទីបញ្ចប់ពិតប្រាកដនោះទេ។ 

តាមដានជាមួយយើង៖ Million Times

អ្នកឧកញ៉ាសរសេរបញ្ជាក់ថា៖ «ខ្ញុំស្គាល់មនុស្សមួយចំនួន។ ពួកគាត់បានឈានដល់ចំណុចមួយដែលពួកគាត់មិនអាចបន្តទៅមុខបាន ដោយសារតែភាពនឿយកម្លាំងខ្លាំង ហើយសូម្បីតែកិច្ចការសាមញ្ញបំផុត ក៏ពួកគាត់មានអារម្មណ៍ថាពួកគាត់មិនអាចធ្វើបានដែរ។ ការណ៍នេះហើយដែលធ្វើឲ្យខ្ញុំដឹងថា ប្រសិនបើខ្ញុំមិនឈប់សម្រាកដើម្បីមើលថែខ្លួនឯងទេនោះ នៅថ្ងៃណាមួយ ខ្ញុំនឹងច្បាស់ជាជួបស្ថានភាពបែបនេះដូចពួកគេដែរ»។

«ឥឡូវនេះ ខ្ញុំកំណត់ពេលដើម្បីសម្រាកបន្តិចបន្តួច ទោះបីត្រឹមតែ១៥នាទីក៏ដោយ ដោយអង្គុយនៅខាងក្រៅផឹកកាហ្វេមួយពែង ឬចំណាយពេលមួយម៉ោងគយគន់ថ្ងៃលិច។ ពេលខ្លះ ខ្ញុំធ្វើដំណើរកម្សាន្តចុងសប្តាហ៍ជាមួយគ្រួសាររបស់ខ្ញុំ ទៅកាន់កន្លែងស្ងប់ស្ងាត់ដែលអាចឲ្យខ្ញុំសម្រាក និងបន្ធូរអារម្មណ៍បាន។ សកម្មភាពទាំងនេះមិនមែនជាការចំណាយប្រាក់ច្រើនហួសហេតុនោះទេ ប៉ុន្តែជាពេលវេលាមានតម្លៃ និងមានន័យសម្រាប់ខ្ញុំ។ ពេលវេលាទាំងនេះធ្វើឲ្យខ្ញុំដឹងថាសមិទ្ធផលដែលខ្ញុំអាចសម្រេចបានមិនមែនជាផ្នែកសំខាន់តែមួយគត់នៃជីវិតនោះទេ អារម្មណ៍រីករាយនឹងជីវិតក្នុងពេលបច្ចុប្បន្នក៏មានសារៈសំខាន់ដូចគ្នាទៅនឹងសមិទ្ធផលដែរ»។ អ្នកឧកញ៉ាបន្ថែម។

ជាអនុសាសន៍ណែនាំរបស់អ្នកឧកញ៉ា គិត ម៉េច យល់ថា ប្រសិនបើអ្នកមានអារម្មណ៍ធុញថប់ អ្នកគួរដឹងថាអ្នកមិនបានឆ្លងកាត់ចំណុចនេះតែម្នាក់ឯងនោះទេ។ អ្នកមិនត្រូវការវិស្សមកាលធំ ដើម្បីមានអារម្មណ៍ល្អនោះទេ។ ការសម្រាកបន្តិចបន្តួចក៏អាចផ្តល់ផលវិជ្ជមានដល់អ្នកផងដែរ។ វាពិតជាសំខាន់ណាស់សម្រាប់អ្នកក្នុងការចំណាយពេលសម្រាក និងប្រមូលថាមពលរបស់អ្នកឡើងវិញ ពីព្រោះ នៅពេលអ្នកមើលថែខ្លួនអ្នកបាន នោះអ្នកនឹងមានកម្លាំងមើលថែ ឬធ្វើអ្វីគ្រប់យ៉ាង ទាំងការមើលថែគ្រួសារ និងខ្លួនអ្នក៕

អត្ថបទ៖ ពិសិដ្ឋ រូបភាព៖ ផេកអ្នកឧកញ៉ា គិត ម៉េង

second...

x

The post ប៉ាៗ ឧកញ៉ា គិត សូឡា ធ្លាប់គិតខុសថាការចំណាយពេលវេលាសម្រាប់ខ្លួនឯង គឺជារឿងអាត្មានិយម appeared first on Millions times.

តាមដានជាមួយយើង៖ Million Times

នៅ​លើ​បណ្ដាញ​សង្គម​របស់​សភា​ពាណិជ្ជកម្ម​កម្ពុជា បាន​ប្រកាស​កាលពី​ពេល​ថ្មី​ៗ​នេះ​ថា “សភា​ពាណិជ្ជ​កម្ម​កម្ពុជា មាន​កិត្តិយស សូម​ស្វាគមន៍​យ៉ាង​កក់ក្ដៅ​ចំពោះ​វត្តមាន សមាជិក​ថ្មី គឺ​ឧកញ៉ា យុត្ត បញ្ញា អគ្គនាយក និង​ប្រធាន​ក្រុម​ប្រឹក្សាភិបាល​ក្រុមហ៊ុន ម៉ាស៊ីន​កិន​ស្រូវ កូន ខ្មែរ ឯ.ក”។

អគ្គ​នាយក និង​ប្រធាន​ក្រុម​ប្រឹក្សា​ភិបាល Machine Ken Srov Kon Khmer Co.,LTD. ជា​បញ្ញវន្ត​បញ្ចប់​ការ​សិក្សា​ពី​ក្រៅ​ប្រទេស ដោយ​លោក​បាន​បញ្ចប់​ថ្នាក់​អនុបណ្ឌិត ផ្នែក​ពាណិជ្ជកម្ម​អន្តរជាតិ​ ពី​ប្រទេស​កូរ៉េ​ខាងត្បូង។

ឧកញ៉ា យុត្ត បញ្ញា ត្រូវ​បាន​គេ​ដឹងថា ជា​ម្ចាស់​សហគ្រាស ស៊ី អ អាយ ឌី អភិវឌ្ឍន៍ រ៉ាប់ប៊ើរ ឯ.ក ( CRID Aphivath Rubber Co., Ltd) ជា​សហគ្រាស​មាន​សកម្មភាព​អាជីវកម្ម​ចម្បង​ផ្នែក​កសិកម្ម។ លើស​ពី​នេះ លោក​ក៏​មាន​មុខ​ជំនួញ​លើ​វិស័យ​គ្រឿង​អេឡិចត្រូនិក​ផង​ដែរ៕

អត្ថបទ៖ មេរ៉ា, រូបភាព៖សភាពាណិជ្ជកម្មកម្ពុជា និង Pagna Yout Sb

second...

x

The post ឧកញ៉ាវ័យក្មេងរូបនេះ ត្រូវសភាពាណិជ្ជកម្មកម្ពុជាប្រកាសជាសមាជិកថ្មី​ក្នុងឆ្នាំ ២០២៥ appeared first on Millions times.

កម្មវិធីរាត្រីបណ្តាញសមាជិក “Members Networking Night” នេះធ្វើឡើងក្រោមអធិបតីភាព ឧកញ៉ា លឹម តុង អនុប្រធានសភាពាណិជ្ជកម្មកម្ពុជា តំណាងដ៏ខ្ពង់ខ្ពស់របស់ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ាន-កម្ពុជា និងមានការចូលរួមពីសំណាក់ភ្ញៀវកិត្តិយសជាតិ និងអន្តរជាតិ ចំនួន ១៥០នាក់ ដែលប្រារព្ធធ្វើឡើងនៅភោជនីយ៍ដ្ឋាន Cambodia Mastercraft Microbrewery ស្ថិតនៅផ្សារទំនើប ជីប ម៉ុង ២៧១ មេហ្គា ម៉ល ជាន់ទី ២ ក្នុងរាជធានីភ្នំពេញ នាល្ងាចថ្ងៃទី២១ ខែមីនា ឆ្នាំ២០២៤។ 

តាមដានជាមួយយើង៖ Million Times

ឧកញ៉ា លឹម តុង អនុប្រធានសភាពាណិជ្ជកម្មកម្ពុជា បានមានប្រសាសន៍ថា ព្រឹត្តិការណ៍រាត្រីនេះ គឺរៀបចំឡើងក្នុងគោលបំណងជំរុញទំនាក់ទំនង និងជាការបើកផ្លូវសម្រាប់ឱកាសថ្មីៗ នៅក្នុងវិស័យធុរកិច្ច តាមរយៈការតភ្ជាប់ បណ្តាញអាជីវកម្ម និងឧស្សាហកម្ម ព្រមទាំងវិស័យផ្សេងៗ ដើម្បីពង្រឹងខ្សែសង្វាក់តម្លៃរួម និងខ្សែសង្វាក់ ផ្គត់ផ្គង់ក្នុងប្រទេសកម្ពុជា សំដៅជំរុញនវានុវត្តន៍ និងការអភិវឌ្ឍន៍ប្រកបដោយចីរភាព។ 

ឧកញ៉ា បានបន្ថែមទៀតថា គោលបំណងចម្បងនៃការរៀបចំកម្មវិធីនេះ គឺដើម្បីបង្កើតបរិយាកាស ដ៏កក់ក្តៅនិងទាក់ទាញដល់សមាជិក-សមាជិកា ក្នុងការពង្រឹងទំនាក់ទំនង ចែករំលែកការយល់ដឹង និងស្វែងរកមធ្យោបាយ ដែលមានសក្តានុពលសម្រាប់កិច្ចសហការនានា។ ឧកញ៉ា ជឿជាក់យ៉ាងមុតមាំថា ព្រឹត្តិការណ៍នេះនឹងពង្រឹងទំនាក់ទំនង នៅក្នុងសហគមន៍ ធុរកិច្ចរបស់យើង ស្របពេលដែលរដ្ឋាភិបាលបាននឹងកំពុងដាក់ចេញនូវគោលនយោបាយលើកកម្ពស់ការ ចូលរួមយ៉ាងសកម្មពីសំណាក់វិស័យឯកជន ក្នុងការអភិវឌ្ឍន៍សេដ្ឋកិច្ចកម្ពុជា និងជាពិសេស ក្នុងន័យជម្រុញ បរិយាកាស ការធ្វើអាជីវកម្មនានា ក៏ដូចជាផ្តល់អំណោយផលក្នុងគោលបំណងរួមចំណែកឆ្ពោះទៅរក កំណើន និងភាពធន់នៃសេដ្ឋកិច្ច។ 

ឧកញ៉ា លឹម តុង បានសង្កត់ធ្ងន់ថា ក្រោមការរៀបចំរបស់សភាពាណិជ្ជកម្ម ដែលដឹកនាំដោយ អ្នកឧកញ៉ា គិត ម៉េង កម្មវិធីនេះត្រូវបានរៀបចំដើម្បីផ្តល់ឩកាសដល់អ្នកចូលរួមចែករំលែកចំណេះដឹង ស្វែងរកការណែនាំ ឬពង្រីកបណ្តាញវិជ្ជាជីវៈនានា។ ម្យ៉ាងទៀត កម្មវិធីនេះធ្វើឡើងតាមការសន្យាចំពោះសមាជិក-សមាជិកា ដើម្បីបង្កើតភាពទាក់ទាញដល់ពាណិជ្ជករមកពីវិស័យនានា និងបណ្តាប្រទេសក្នុងតំបន់ ដើម្បីផ្តល់ឱកាសក្នុងការផ្លាស់ប្តូរគំនិត ស្វែងរកឱកាសធ្វើអាជីវកម្មថ្មីៗ និងបង្កើនទំនាក់ទំនងក្នុងភាពជាដៃគូរយូរអង្វែង។ 

លើសពីនោះទៅទៀត ឧកញ៉ា បានលើកទឹកចិត្តដល់អ្នកចូលរួមឱ្យទាញយកអត្ថប្រយោជន៍ អោយបានច្រើនបំផុតពីកម្មវិធីនេះ ដើម្បីឱ្យអ្នកចូលរូមទាំងអស់អាចពង្រីកបណ្តាញអាជីវកម្ម ឱ្យកាន់តែមាន ប្រសិទ្ធភាព និងមានប្រសិទ្ធផល ខណៈពេលដែលការស្វែងរកភាពជាដៃគូប្រកបដោយសក្តានុពល គឺនឹងផ្តល់ប្រយោជន៏មិនត្រឹមតែជាការគាំទ្រ និងលើកស្ទួយអាជីវកម្មក្នុងស្រុកប៉ុណ្ណោះទេ ប៉ុន្តែថែមទាំងរួម ចំណែកឱ្យកាន់តែរឹងមាំលើវិស័យសេដ្ឋកិច្ចកម្ពុជាផងដែរ។ 

សភាពាណិជ្ជកម្មកម្ពុជា គឺជាសភាពាណិជ្ជកម្មថ្នាក់ជាតិតែមួយគត់និងដំបូងបង្អស់ ជាលេខាធិការដ្ឋាន នៃក្រុមការងារផ្នែកឯកជននៃវេទិការាជរដ្ឋាភិបាល-ផ្នែកឯកជន ដែលជាយន្តការដ៏ជោគជ័យបំផុតមួយក្នុងពិភពលោក សម្រាប់ការអភិវឌ្ឍក្នុងវិស័យឯកជន។ ភារកិច្ចសំខាន់របស់សភាពាណិជ្ជកម្មកម្ពុជា គឺជាដៃគូសន្ទនាជាមួយរាជរដ្ឋាភិបាល និងផ្តល់យោបល់ស្តីពីព័ត៌មានសេដ្ឋកិច្ច និងវិនិយោគ។ 

ជានិច្ចកាល សភាពាណិជ្ជកម្មកម្ពុជា តែងតែបង្កើត និង ជំរុញបរិយាកាសធុរកិច្ចដែលលើកស្ទួយកំណើនធុរកិច្ចនៅកម្ពុជា រួមមានការសម្របសម្រួលការចាប់ដៃរគូ កិច្ចការងារផ្គូរផ្គងអាជីវកម្មមួយទល់មួល ដើម្បីសំដៅជំរុញបណ្តាញ ឱកាសបង្កើតទំនាក់ទំនង និងឱកាសវិនិយោគក៏ដូចជាការស្វែងរកដៃគូសហការជាតិ និងអន្តរជាតិ។ 

សូមបញ្ជាក់ថា សភាពាណិជ្ជកម្មកម្ពុជា បានដើរតួនាទីយ៉ាងខ្ជាប់ខ្ជួនក្នុងការជំរុញកំណើនសេដ្ឋកិច្ច ជម្រុញគោលនយោបាយលើកស្ទួយវិស័យឯកជន បង្កើនចំណងមិត្តភាពពាណិជ្ជកម្មនានា ក៏ដូចជាការសម្របសម្រួលសកម្មភាពពាណិជ្ជកម្ម និងវិនិយោគបរទេសផងដែរ៕

second...

x

The post សភាពាណិជ្ជកម្មកម្ពុជា រៀបចំកម្មវិធីរាត្រីបណ្តាញសមាជិកមកពីវិស័យផ្សេងៗ ដើម្បីលើកកម្ពស់ខ្សែសង្វាក់តម្លៃរួមសម្រាប់ការអភិវឌ្ឍប្រកបដោយចីរភាព appeared first on Millions times.