វ៉ា សុធា Archives - Millions times

ក្រោយភ្ជាប់ពាក្យជាងកន្លះឆ្នាំកូនស្រីថៅកែទូរទស្សន៍ថោន បានចូលរោងជ័យជាមួយកូនកំលោះអ្នក ឧកញ៉ា ឡេង ហួរ

Vin Chang — Mon, 02 Mar 2026 05:03:17 +0000

កូនក្រមុំថៅកែទូរទស្សន៍ថោន នាម វ៉ា ដាណា និងកូនកំលោះអ្នកឧកញ៉ា ឡេង ហួរ ឈ្មោះ ឡេង ស្រ៊ួយហាក់ បានដឹកដៃគ្នាចូលរោងមង្គលជ័យ ក្រោមស្នូលទះដៃអបអរសាទរ ពីញាតិមិត្តប្រុសស្រីទាំងសងខាងកាលពីចុងខែកុម្ភៈកន្លងទៅថ្មីៗនេះ។

តាមដានជាមួយយើង៖ Million Times

កាលពីថ្ងៃ ២៥ ខែឧសភា ឆ្នាំ ២០២៥ ថៅកែផលិតកម្មថោន និងអ្នកឧកញ៉ា ឡេង ហួរ បានរៀបចំពិធីភ្ជាប់ពាក្យរហូតមកដល់ថ្ងៃរៀបការ មានរយៈពេលជាងកន្លះឆ្នាំ។ មកដល់ថ្ងៃកម្មវិធីមង្គលការលោក វ៉ា សុធា និងអ្នកឧកញ៉ា ឡេង ហួរ បានរៀបចំយ៉ាងអធិកអធមរវាងកូនកំលោះ ឡេង ស្រ៊ួយហាក់ ដ៏ស្រស់សង្ហា និងកូនក្រមុំ វ៉ា ដាណា ដ៏ស្រស់សោភា។

កម្មវិធីមង្គលជ័យនៃត្រកូលអភិជនទាំង ២ បានរៀបចំឡើងនៅមណ្ឌលសន្និបាត និងពិព័រណ៍អន្តរជាតិជ្រោយចង្វារកាលពីថ្ងៃ ២៨ ខែកុម្ភៈ កន្លងទៅ ដោយមានការអញ្ជើញចូលរួមពីសំណាក់អ្នកជំនួញធំៗ និងមន្ត្រីអ្នកមុខអ្នកការជាច្រើនរូប។

ងាកទៅមើលសម្រស់ម្ដាយឪពុកកូនកំលោះ និងកូនក្រមុំ និងសាច់ញាតិឯណោះវិញ ក៏រៀបចំខ្លួន និងសម្លៀកបំពាក់ប្រពៃណី កាបូបស្បែកជើង រួមទាំងគ្រឿងអលង្ការយ៉ាងស្រស់ស្អាត ល្អប្រណីត។

ក្នុងរោងកម្មវិធីដ៏ធំរបស់គ្រួសារអ្នកជំនួញទាំង ២ មានការតុបតែងថ្មី ប្លែកពីរោងអភិជនដទៃ ដោយផ្ដោតបែបជាព្រៃព្រឹក្សាជាជាងផ្កាស្រស់ អមដោយផ្ទាំងភ្នំ។ ចំណែកកូនកំលោះកូនក្រមុំ ត្រូវបានសម្អាងរៀបចំយ៉ាងស្រស់ស្អាតទាំង ២ តែម្ដង៕

អត្ថបទ៖ ឆដា, រូបភាព៖ One Memory

The post ក្រោយភ្ជាប់ពាក្យជាងកន្លះឆ្នាំកូនស្រីថៅកែទូរទស្សន៍ថោន បានចូលរោងជ័យជាមួយកូនកំលោះអ្នក ឧកញ៉ា ឡេង ហួរ appeared first on Millions times.

ថ្ងៃភ្ជាប់ពាក្យកូនស្រីថៅកែថោន មានទាំងឈុតបុរាណ និងសម័យសុទ្ធជាម៉ាកល្បីៗ

Vin Chang — Thu, 29 May 2025 09:41:04 +0000

ថ្ងៃសិរីមង្គលពិធីភ្ជាប់ពាក្យផលិតផលថោន កញ្ញា វ៉ា ដាណា និងកូនកំលោះអ្នកឧកញ៉ា ឡេង ហួរ ឈ្មោះ ឡេង ស្រ៊ួយហាក់ មិនត្រឹមតែងតុបតែងខ្លួនក្នុងឈុតបុរាណឡើយ ក៏មានឈុតសម័យដែរ។

តាមដានជាមួយយើង៖ Million Times

សម្រាប់គ្រឿងអលង្ការក្នុងការតុបតែងកាយាក្នុងឈុតបុរាណ គឺមានទាំងរបស់អ្នកសម្អាង និងគ្រឿងពេជ្រផ្ទាល់។ ដោយគ្រឿងពេជ្រភ្លឺចិញ្ចាច ហើយមើលទៅសមស័ក្ដិជាមួយកូនក្រមុំ ហើយកូនកំលោះវិញក៏មាននាឡិកាតម្លៃថ្លៃផងដែរ។

ចំណែកស្បែកជើងប្រណីតរបស់កូនស្រីម្ចាស់ផលិតកម្មថោនវិញម៉ាក Dolce & Gabbana ដែលមានជាង ១ ពាន់ដុល្លារ។ សម្រាប់សម្លៀកបំពាក់មានទាំងសំពត់អាវហូល និងរ៉ូបពណ៌ផ្ទៃមេឃសំយេះស្មាដ៏ប្រណីត។

គួរបញ្ជាក់ដែរថា ថ្ងៃ ២៥ ខែ ៥ ឆ្នាំ ២០២៥ ជាថ្ងៃសិរីមង្គលរបស់គ្រួសារសេដ្ឋី ២ ដែលបានភ្ជាប់សាច់ភ្ជាប់ឈាម និងភ្ជាប់សម្ដីនឹងគ្នា គឺកូនប្រុសអ្នកឧកញ៉ា ឡេង ហួរ ចូលស្ដីដណ្ដឹងកូនក្រមុំថៅកែផលិតកម្មថោន លោក វ៉ា សុធា៕

អត្ថបទ៖ មេរ៉ា, រូបភាព៖ One Memory

The post ថ្ងៃភ្ជាប់ពាក្យកូនស្រីថៅកែថោន មានទាំងឈុតបុរាណ និងសម័យសុទ្ធជាម៉ាកល្បីៗ appeared first on Millions times.

កូនស្រីម្ចាស់ផលិតកម្មថោន ភ្ជាប់ពាក្យជាមួយកូនប្រុសអ្នកឧកញ៉ា ឡេង ហួរ

sovanmoly tep — Mon, 26 May 2025 08:28:06 +0000

ថ្ងៃ ២៥ ខែ ៥ ឆ្នាំ ២០២៥ ជាថ្ងៃសិរីមង្គលរបស់គ្រួសារសេដ្ឋី ២ ដែលបានភ្ជាប់សាច់ភ្ជាប់ឈាម និងភ្ជាប់សម្ដីនឹងគ្នា។ ដោយកូនប្រុសអ្នកឧកញ៉ា ឡេង ហួរ នាំចាស់ទុំចូលស្ដីដណ្ដឹងកូនក្រមុំថៅកែផលិតកម្មថោន លោក វ៉ា សុធា។

តាមដានជាមួយយើង៖ Million Times

កូនក្រមុំលោក វ៉ា សុធា ម្ចាស់ទូរទស្សន៍ និងផលិតផលថោន កញ្ញា វ៉ា ដាណា និងកូនកំលោះអ្នកឧកញ៉ា ឡេង ហួរ ឈ្មោះ ឡេង ស្រ៊ួយហាក់ ដែលមានគោរមងារជាជាឧកញ៉ាដែរ។ កម្មវិធីដ៏គគ្រឹកគគ្រេង និងមានការចូលរួមពីសំណាក់អ្នកជំនួញធំៗជាច្រើន បានញ៉ាំងបរិយាកាសកាន់តែមានន័យថែមទៀត។

អនាគតកូនក្រមុំ និងកំលោះដែលមកពីត្រកូលអភិជនគូនេះ បានរៀបចំខ្លួនយ៉ាងស្រស់បំព្រង នាថ្ងៃសិរីមង្គលពិធីភ្ជាប់ពាក្យអ្នកទាំង២។ ក្នុងនោះក្រុមគ្រួសារទាំងសងខាង ក៏បានស្លៀកពាក់បែបឈុតប្រពៃណី និងអមដោយគ្រឿងអលង្ការភ្លឺចិញ្ចែងចិញ្ចាចតែម្ដង។

កម្មវិធីបែបប្រពៃណីរបស់កូនស្រីម្ចាស់ផលិតកម្មថោន និងកូនប្រុសអ្នកឧកញ៉ា ឡេង ហួរ បានរៀបចំឡើងនៅគេហដ្ឋានរបស់លោក វ៉ា សុធា ផ្ទាល់៕

អត្ថបទ៖ មេរ៉ា, រូបភាព៖ Va Sothea

The post កូនស្រីម្ចាស់ផលិតកម្មថោន ភ្ជាប់ពាក្យជាមួយកូនប្រុសអ្នកឧកញ៉ា ឡេង ហួរ appeared first on Millions times.