កាលពីថ្ងៃទី០៦ ខែកុម្ភៈ ឆ្នាំ២០២៦ សម្តេចធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា បានទទួលជួបពិភាក្សាការងារជាមួយ ឯកឧត្តម ផាម មិញជិញ (PHAM Minh Chinh) នាយករដ្ឋមន្ត្រី នៃសាធារណរដ្ឋសង្គមនិយមវៀតណាម នៅវិមាន ៧ មករា ក្នុងឱកាសដែលឯកឧត្តមនាយករដ្ឋមន្ត្រីវៀតណាម បានអញ្ជើញចូលរួមកិច្ចប្រជុំរវាងថ្នាក់ដឹកនាំគណបក្សប្រជាជនកម្ពុជា, ថ្នាក់ដឹកនាំគណបក្សកុម្មុយនីស្តវៀតណាម និងថ្នាក់ដឹកនាំគណបក្សប្រជាជនបដិវត្តន៍ឡាវ នៅរាជធានីភ្នំពេញ ព្រះរាជាណាចក្រកម្ពុជា ពីថ្ងៃទី៦ដល់ថ្ងៃទី ៧ ខែកុម្ភៈ ឆ្នាំ ២០២៦។

តាមដានជាមួយយើង៖ Million Times

ក្នុងឱកាសនៃជំនួប, សម្ដេចបវរធិបតី បានសម្ដែងនូវសេចក្ដីសោមនស្សរីករាយ និងការស្វាគមន៍យ៉ាងកក់ក្ដៅជូនចំពោះ ឯកឧត្តម ផាម មិញជិញ និងគណៈប្រតិភូ ដែលបានអញ្ជើញចូលរួមកិច្ចប្រជុំកំពូលបីគណបក្ស​ លើកទី៤ ដែលកម្ពុជាធ្វើជាម្ចាស់ផ្ទះ បន្ទាប់ពីកិច្ចប្រជុំលើកទី៣ កាលពីខែកុម្ភៈ ឆ្នាំ២០២៥ ទីក្រុងហូជីមិញ នៃ​សាធារណរដ្ឋ​សង្គម​និយម​​វៀតណាម។

ក្នុងកិច្ចសហប្រតិបត្តិការទ្វេភាគី, ប្រមុខ​រដ្ឋាភិបាល​ នៃប្រទេសទាំងពីរ​ បានវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការគ្រប់កម្រិតរវាងប្រទេសទាំងពីរ នាពេលកន្លងមក សំដៅការជំរុញនូវសាមគ្គីភាព និងកិច្ចសហប្រតិបត្តិការ ក្នុងការអភិវឌ្ឍសង្គម-សេដ្ឋកិច្ច ដែលស្របទៅនឹងទិសស្លោក “ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិរភាព យូរអង្វែង”។

ប្រមុខរដ្ឋាភិបាលទាំងពីរ​ ក៏បានពិភាក្សាផ្លាស់ប្ដូរយោបល់គ្នាអំពីការពង្រឹង និងពង្រីកកិច្ចសហប្រតិបត្តិការ​ឱ្យកាន់តែរីក​ចម្រើន​បន្ថែមទៀត​ លេីវិស័យ​សំខាន់​ៗ រួមមាន​ជាអាទិ៍​៖ នយោបាយការទូត, សេដ្ឋកិច្ច ពាណិជ្ជកម្ម និងការវិនិយោគ, ការពារ​ជាតិនិង​សន្តិសុខ​,​ ថាមពល,​ អប់រំ​ និង​បណ្តុះបណ្តាល​,​ ទេសចរណ៍​,​ វប្បធម៌​ និង​ការតភ្ជាប់ហេដ្ឋារចនាសម្ព័ន្ធដឹកជញ្ជូន ពិសេសការតភ្ជាប់ផ្លូវ​ល្បឿនលឿន ភ្នំពេញ-បាវិត និងផ្លូវល្បឿនលឿនហូជីមិញ-ម៉ុកបាយ​ រវាងប្រទេសទាំងពីរ​។

ប្រមុខ​រាជរដ្ឋាភិបាល​ទាំងពីរ​ ក៏បាន​ប្តេជ្ញាបន្តជំរុញកំណើនទំហំពាណិជ្ជកម្មទ្វេទិស ឱ្យដល់គោលដៅ ២០ពាន់លានដុល្លារ នាពេលខាងមុខ​ និង​ជំរុញកិច្ចសហប្រតិបត្តិការបណ្តាខេត្តជាប់ព្រំដែន​ ក្នុងការប្រយុទ្ធប្រឆាំងនឹងឧក្រិដ្ឋកម្មឆ្លងដែន, ការ​ជួញដូរមនុស្ស,​ និងការឆបោកតាមប្រព័ន្ធបច្ចេកវិទ្យាជាដេីម ដេីម្បីប្រែក្លាយតំបន់ព្រំដែន​ ទៅជាព្រំដែនសន្តិភាព មិត្តភាព សហប្រតិបត្តិការ និងការអភិវឌ្ឍ។

ប្រមុខ​រាជរដ្ឋាភិបាល​ទាំងពីរ​ ក៏បានគូសបញ្ជាក់អំពីសារៈសំខាន់នៃការជំរុញទំនាក់ទំនងរវាងយុវជនជំនាន់ក្រោយ នៃប្រទេសទាំងពីរ​ ឱ្យស្វែងយល់ពីគ្នា​ ក៏ដូចជាសិក្សាអំពីប្រវត្តិសាស្ត្រ ដែលថ្នាក់ដឹកនាំនៃប្រទេសទាំងពីរបានធ្លាប់ឆ្លងកាត់៕

អត្ថបទ៖ ប៊ី

The post កម្ពុជា-វៀតណាម កំណត់គោលដៅកំណើនទំហំពាណិជ្ជកម្មទ្វេទិស ដល់ ២០ ពាន់លានដុល្លារ appeared first on Millions times.

នៅក្នុងជំនួបនៅថ្ងៃទី ៨ ខែធ្នូ ឆ្នាំ ២០២៥ ឯកឧត្តមនាយករដ្ឋមន្រ្តីវៀតណាម បានសម្ដែងនូវក្តីសោមនស្សរីករាយ និងការស្វាគមន៍យ៉ាងកក់ក្ដៅចំពោះវត្តមានដ៏ខ្ពង់ខ្ពស់របស់ សម្ដេចបវរធិបតី និងគណៈប្រតិភូកម្ពុជា។ ឯកឧត្តមបានអបអរសាទរ និងវាយតម្លៃខ្ពស់ចំពោះការសម្ពោធដាក់ឱ្យដំណើរការជាផ្លូវការច្រកទ្វារព្រំដែន ម៉ឺនជ័យ-តឹនណាម ដែលជាសមិទ្ធផលថ្មីឆ្លុះបញ្ចាំងពីភាពរីកចម្រើននៃទំនាក់ទំនង និងកិច្ចសហប្រតិបត្តិការទ្វេភាគី។

តាមដានជាមួយយើង៖ Million Times

ទន្ទឹមនេះ ឯកឧត្តមបានអបអរសាទរចំពោះការសម្រេចបាននូវសមិទ្ធផលថ្មីៗរបស់កម្ពុជា ក្នុងការធានាបាននូវស្ថិរភាពនយោបាយ និងការអភិវឌ្ឍសង្គម-សេដ្ឋកិច្ច ដែលបានរួមចំណែកលើកកម្ពស់ជីវភាពប្រជាពលរដ្ឋជាលំដាប់។ ឯកឧត្តមបានបង្ហាញនូវជំនឿជឿជាក់យ៉ាងមុតមាំថា ក្រោមការដឹកនាំដ៏ឈ្លាសវៃរបស់ សម្ដេចបវរធិបតី កម្ពុជានឹងបន្តការអភិវឌ្ឍរីកចម្រើនលើគ្រប់វិស័យបន្ថែមទៀត។ ឯកឧត្តមនាយករដ្ឋមន្ត្រីវៀតណាម បានបញ្ជាក់ជាថ្មីនូវការប្ដេជ្ញាចិត្តក្នុងការបន្តជំរុញទំនាក់ទំនង និងកិច្ចសហប្រតិបត្តិការទ្វេភាគី ឱ្យកាន់តែរឹងមាំ និងស៊ីជម្រៅ។

ជាការឆ្លើយតប សម្ដេចបវរធិបតី បានថ្លែងអំណរគុណចំពោះ ឯកឧត្តមនាយករដ្ឋមន្រ្តីវៀតណាម សម្រាប់ការស្វាគមន៍យ៉ាងកក់ក្តៅ និងបានវាយតម្លៃខ្ពស់ចំពោះលទ្ធផលប្រកបដោយផ្លែផ្កានៃកិច្ចប្រជុំស្តីពីកិច្ចសហប្រតិបត្តិការ និងការអភិវឌ្ឍបណ្តាខេត្តជាប់ព្រំដែនកម្ពុជា-វៀតណាម។

សម្ដេចបវរធិបតី បានលើកទឹកចិត្តឱ្យបណ្ដាខេត្តជាប់ព្រំដែននៃប្រទេសទាំងពីរ បន្តរួមគ្នាកសាងតំបន់ព្រំដែនជាតំបន់សន្តិភាព មិត្តភាព ស្ថិរភាព សហប្រតិបត្តិការ និងការអភិវឌ្ឍ ដើម្បីផលប្រយោជន៍រួម ស្របតាមស្មារតី «ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិរភាពយូរអង្វែង»។

សម្ដេចបវរធិបតីបានបន្តថា ការសម្ពោធបើកច្រកទ្វារព្រំដែន ម៉ឺនជ័យ-តឹនណាម នាឱកាសនេះ គឺជាសក្ខីភាព ស្ដែងចេញពី ការវិវត្តជាវិជ្ជមាននៃទំនាក់ទំនង និងកិច្ចសហប្រតិបត្តិការទ្វេភាគី។ សម្ដេចបវរធិបតី ក៏បានកោតសរសើរចំពោះការអភិវឌ្ឍលើគ្រប់វិស័យ របស់ប្រទេសវៀតណាម និងបានចូលរួមរំលែកទុក្ខដ៏ក្រៀមក្រំជាមួយរដ្ឋាភិបាល និងប្រជាជនវៀតណាម ចំពោះគ្រោះទឹកជំនន់នៅប្រទេសវៀតណាម កាលពីពេលថ្មីៗនេះ ដែលបានបណ្ដាលឱ្យបាត់បង់អាយុជីវិតប្រជាជន និងខូចខាតទ្រព្យសម្បត្តិ។

ប្រមុខរដ្ឋាភិបាលទាំងពីរ ក៏បានពិភាក្សាផ្លាស់ប្ដូរយោបល់គ្នាអំពីការពង្រឹង និងពង្រីកកិច្ចសហប្រតិបត្តិការទ្វេភាគី ឱ្យកាន់តែជិតស្និទ្ធ ដោយផ្ដោតលើវិស័យសំខាន់ៗរួមមាន៖ នយោបាយ, សេដ្ឋកិច្ច ពាណិជ្ជកម្ម និងការវិនិយោគ ការពារជាតិ និងសន្តិសុខ អប់រំ និងបណ្ដុះបណ្ដាល សុខាភិបាល ទេសចរណ៍ ការផ្លាស់ប្ដូរប្រជាជននិងប្រជាជន ក៏ដូចជាការតភ្ជាប់ហេដ្ឋារចនាសម្ព័ន្ធនៃប្រទេសទាំងពីរ។

លើសពីនេះ សម្ដេចបវរធិបតី និងឯកឧត្តមនាយករដ្ឋមន្ត្រីវៀតណាម បានឯកភាពបន្តជំរុញកិច្ចសហប្រតិបត្តិការនៅក្នុងក្របខ័ណ្ឌអនុតំបន់ តំបន់ និងអន្តរជាតិ ដើម្បីជាប្រយោជន៍រួមសម្រាប់ប្រជាជាតិទាំងពីរ៕

អត្ថបទ៖ ប៊ី​

The post កម្ពុជា-វៀតណាម បន្តជំរុញទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែស៊ីជម្រៅ appeared first on Millions times.

សម្តេចតេជោ ហ៊ុន សែន មានប្រសាសន៍ដូច្នេះ នាឱកាសអនុញ្ញាតឱ្យ ឯកឧត្តម Bui Thanh Son ឧបនាយករដ្ឋមន្ត្រី នៃសាធារណរដ្ឋសង្គមនិយមវៀតណាម ចូលជួបសម្តែងការគួរសម និងពិភាក្សាការងារ នៅវិមានព្រឹទ្ធសភា នាព្រឹកថ្ងៃសុក្រ ទី ២៨ ខែវិច្ឆិកា ឆ្នាំ ២០២៥។

ឯកឧត្តម ជា ធីរិទ្ធ អ្នកនាំពាក្យព្រឹទ្ធសភាបានឱ្យដឹងនៅក្រោយជំនួបថា នៅក្នុងជំនួបនេះ សម្ដេចតេជោ ហ៊ុន សែន បានសម្ដែងនូវក្តីរីករាយដែលបានជួបឯកឧត្តម និងប្រតិភូក្នុងឱកាសអញ្ជើញបំពេញទស្សនកិច្ចនៅកម្ពុជានាពេលនេះ។ សម្តេចតេជោបានវាយតម្លៃខ្ពស់ចំពោះទំនាក់ទំនងកម្ពុជា និងវៀតណាមទាំងក្របខណ្ឌរដ្ឋាភិបាល ក្របខណ្ឌស្ថាប័ននីតិប្បញ្ញត្តិ និងក្របខ័ណ្ឌគណបក្ស គឺមានភាពរីកចម្រើនគួរឱ្យគាត់សម្គាល់។ ជាមួយគ្នានេះ សម្ដេចតេជោក៏ឆ្លៀតឱកាសសម្ដែងនូវការសោកស្ដាយចំពោះគ្រោះមហន្តរាយធម្មជាតិដែលបានកើតឡើងនៅក្នុងប្រទេសវៀតណាមដែលបានបង្កឱ្យមានការខូចខាតមួយចំនួនផងដែរ។

តាមដានជាមួយយើង៖ Million Times

ឯកឧត្តម Bui Thanh Son បានសម្ដែងនូវការអរគុណចំពោះសម្ដេចតេជោ ដែលបានអនុញ្ញាតឱ្យឯកឧត្តម និងប្រតិភូបានចូលជួបសម្ដែងការគួរសមនៅពេលនេះ។ ឯកឧត្តមបានអរគុណចំពោះមនោសញ្ចេតនារបស់សម្ដេចដែលបានចូលរួមសម្ដែងនូវការសោកស្ដាយចំពោះគ្រោះមហន្តរាយធម្មជាតិនៅវៀតណាម។ ឯកឧត្តមក៏បាននាំនូវការផ្ដាំផ្ញើសួរសុខទុក្ខពីសំណាក់ឯកឧត្តម តូ ឡឹម អគ្គលេខាធិការបក្សកុម្មុយនិស្តវៀតណាម, ឯកឧត្តមប្រធានរដ្ឋសភាវៀតណាម, ឯកឧត្តមនាយករដ្ឋមន្ត្រីវៀតណាម ជូនចំពោះសម្ដេចតេជោផងដែរ។

ឯកឧត្តមឧបនាយករដ្ឋមន្ត្រីវៀតណាម បានវាយតម្លៃខ្ពស់ចំពោះទំនាក់ទំនងកម្ពុជា និងវៀតណាមនាពេលបច្ចុប្បន្ន ជាពិសេសមិនត្រឹមតែទំនាក់ទំនងក្នុងក្របខ័ណ្ឌរដ្ឋាភិបាលនោះទេ ក៏ប៉ុន្តែទាំងទំនាក់ទំនងរវាងគណបក្ស និងគណបក្សផងដែរ ដែលមានភាពរីកចម្រើនល្អប្រសើរ។

ឯកឧត្តមបានរំលេចទាក់ទងទៅនឹងកិច្ចសហប្រតិបត្តិការមួយចំនួនរវាងកម្ពុជា និងវៀតណាម ជាពិសេសលើពាណិជ្ជកម្ម ដែលត្រឹមតែរយៈពេល ៩ ខែឆ្នាំ ២០២៥ នេះ ពាណិជ្ជកម្មរវាងប្រទេសទាំងពីរមានជាង៩ពាន់លានដុល្លារ។ ឯកឧត្តមក៏បានកោតសរសើរចំពោះការរក្សាបាននូវសន្តិសុខ និងកិច្ចសហប្រតិបត្តិការដ៏ល្អតាមព្រំដែនរវាងប្រទេសទាំងពីរ។

សម្ដេចតេជោ ហ៊ុន សែន បានឯកភាពទាំងស្រុងចំពោះការលើកឡើងរបស់ឯកឧត្តមឧបនាយករដ្ឋមន្ត្រីវៀតណាម ចំពោះការរក្សាបាននូវសន្តិសុខតាមព្រំដែនរវាងប្រទេសទាំងពីរ ដែលភាគីទាំងពីរបានដោះស្រាយជាមួយគ្នាជាច្រើនទាំងកិច្ចសហប្រតិបត្តិការប្រឆាំងនឹងឧក្រិដ្ឋកម្មឆ្លងដែន និងវិធានការផ្សេងៗទៀត ដែលធ្វើយ៉ាងណាឱ្យព្រំដែននៃប្រទេសទាំងពីរ ជាព្រំដែនដែលមានសុខសន្តិភាព និងធ្វើឱ្យប្រជាជនរស់នៅកាន់តែមានភាពល្អប្រសើរ។

សម្ដេចតេជោ ក៏បានមានប្រសាសន៍ លើកឡើង ពីការផ្សារភ្ជាប់ហេដ្ឋារចនាសម្ព័ន្ធរវាងប្រទេសទាំងពីរ ដែលវាជាអំណោយផលដល់ការធ្វើកិច្ចសហប្រតិបត្តិការពាណិជ្ជកម្មរវាងប្រទេសទាំងពីរមានភាពល្អប្រសើរ ដែលជាបំណងរបស់សម្តេចតេជោ។

សម្ដេចតេជោក៏បានមានប្រសាសន៍លើកឡើងនូវការពេញចិត្តចំពោះពាណិជ្ជកម្មរវាងប្រទេសទាំងពីរដែលមានការកើនឡើងជាបន្តបន្ទាប់ ហើយសង្ឃឹមថាគោលដៅដែលប្រទេសទាំងពីរដែលចង់សម្រេចឱ្យបាន ២០ពាន់លានដុល្លារនោះ នឹងអាចសម្រេចបាននៅពេលខាងមុខ។

សម្តេចតេជោក៏បានមានប្រសាសន៍ អំពីគម្រោងដែលភាគីទាំងពីរនឹងសម្ពោធច្រកព្រំដែនអន្តរជាតិម៉ឺនជ័យជាមួយគ្នានៅដើមខែធ្នូខាងមុខនេះ ដែលនេះជាសញ្ញាបង្ហាញយ៉ាងវិជ្ជមានចំពោះការផ្លាស់ប្ដូររវាងប្រជាជន និងប្រជាជន ការដឹកជញ្ជូនទំនិញ ផលិតផលទៅវិញទៅមករវាងប្រទេសទាំងពីរ កាន់តែមានភាពរីកចម្រើន ព្រមទាំងធ្វើឱ្យវិស័យផ្សេងៗមានទំនាក់ទំនងកាន់តែល្អប្រសើរបន្ថែមទៀតរវាងប្រទេសទាំងពីរ។

ជាចុងក្រោយសម្ដេចតេជោ ហ៊ុនសែន បានជូនពរឯកឧត្តមឧបនាយករដ្ឋមន្ត្រីវៀតណាម និងប្រតិភូទទួលបានជោគជ័យក្នុងឱកាសបំពេញទស្សនកិច្ចនៅកម្ពុជានៅពេលនេះ៕

អត្ថបទ៖ ប៊ី

The post កម្ពុជា-វៀតណាម នឹងអាចសម្រេចបានគោលដៅទំហំពាណិជ្ជកម្ម ២០ ពាន់លានដុល្លារ នៅពេលខាងមុខ appeared first on Millions times.

របាយការណ៍ បានឱ្យដឹងទៀតថា ការនាំចេញទំនិញរបស់កម្ពុជាទៅវៀតណាម សម្រេចបានទំហំទឹកប្រាក់ប្រមាណ ២.៩៣ ពាន់លានដុល្លារ ក្នុងរយៈពេល ៩ ខែដើមឆ្នាំនេះ កើនឡើង ៧.៨% ខណៈកម្ពុជានាំចូលទំនិញពីវៀតណាមមានទំហំទឹកប្រាក់ប្រមាណ ៣.១១ ពាន់លានដុល្លារ កើនឡើងត្រឹមតែ ០.៨%។

នាពេលកន្លងមក ថ្នាក់ដឹកនាំប្រទេសទាំងពីរ បានដាក់ចេញគោលដៅ ដើម្បីជំរុញការធ្វើពាណិជ្ជកម្មរវាងប្រទេសទាំងពីរ ឱ្យឈានទៅដល់ ២០ ពាន់លានដុល្លារ សម្រាប់ឆ្នាំ ២០២៥ និងឆ្នាំបន្តបន្ទាប់។

តាមដានជាមួយយើង៖ Million Times

កាលពីថ្ងៃសៅរ៍ ទី១១ ខែតុលា ឆ្នាំ២០២៥ កន្លងទៅនេះ អ្នកឧកញ៉ា ឡាវ កាង អនុប្រធានសភាពាណិជ្ជកម្មកម្ពុជា តំណាងដ៏ខ្ពង់ខ្ពង់ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា បានដឹកនាំគណៈប្រតិភូ ចូលរួមក្នុង “វេទិការធុរកិច្ចវៀតណាម-កម្ពុជា ឆ្នាំ២០២៥” នៅទីក្រុងហូជីមិញ ប្រទេសវៀតណាម។

ក្នុងវេទិការធុរកិច្ចវៀតណាម-កម្ពុជា ឆ្នាំ ២០២៥ នេះ  អ្នកឧកញ៉ា ឡាវ កាង បានលើកទឹកចិត្តដល់ធុរជន និងវិនិយោគិនវៀតណាម មកវិនិយោគបន្ថែមនៅកម្ពុជា ព្រោះក្រោមការដឹកនាំដ៏ឈ្លាសវៃ របស់ សម្តេចធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា បានជម្រុញកំណែទម្រង់ស៊ីជម្រៅ ដើម្បីកែលម្អបរិយាកាសធុរកិច្ច និងពង្រឹង ភាពប្រកួតប្រជែង ក្នុងទីផ្សារពិភពលោ

អ្នកឧកញ៉ា បានថ្លែងដូច្នេះថា កម្ពុជាមានទីផ្សារទូលំទូលាយក្នុងពិភពលោក ក្រោមក្របខណ្ឌនៃកិច្ចព្រមព្រៀងពាណិជ្ជកម្មសេរី ពហុភាគី និងទ្វេភាគី រួមមាន កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP), កិច្ចព្រមព្រៀងពាណិជ្ជកម្មសេរីកម្ពុជា-ចិន, កិច្ចព្រមព្រៀងពាណិជ្ជកម្មសេរីកម្ពុជា-កូរ៉េខាងត្បូង, និងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយរវាងកម្ពុជា និងអេមីរ៉ាតអារ៉ាប់រួមជាដើម។

ជាមួយគ្នានេះផងដែរ លោកជំទាវ ង្វៀន ធីថាញ អនុប្រធានរដ្ឋសភា និងជាប្រធានសមាគមមិត្តភាព វៀតណាម-កម្ពុជា បានលើកឡើងថា ចំពោះវិស័យវិនិយោគ កម្ពុជាគឺជាទីតាំងសំខាន់មួយក្នុងចំណោមទីតាំងសំខាន់ ដែលមានការវិនិយោគមុនគេ នៅក្នុងយុទ្ធសាស្ត្រវិនិយោគក្រៅប្រទេសរបស់វៀតណាម។ គិត មកទល់ពេលបច្ចុប្បន្ននេះ វៀតណាមមានគម្រោងវិនិយោគជាង ២០០ នៅកម្ពុជា ដែលស្មើនឹង ប្រមាណ ១២% នៃដើមទុនវិនិយោគសរុបទៅបរទេស ដែលជាការរួមចំណែកជំរុញកំណើន បង្កើតការងារ និងការអភិវឌ្ឍសេដ្ឋកិច្ច-សង្គមរបស់ប្រទេសជាមិត្ត។

លោកស្រីបន្តថា ជាក់ស្តែងសឱ្យឃើញ ទំហំកិច្ចសហប្រតិបត្តិការវិនិយោគ រវាងប្រទេសទាំងពីរ នៅមានកម្រិត បើប្រៀបធៀបនឹងសក្តានុពលដ៏ធំធេងដែលកំពុងបើកចំហ ជា ពិសេសក្នុងវិស័យ សេដ្ឋកិច្ចបៃតង ថាមពលកកើតឡើងវិញ កសិកម្ម បច្ចេកវិទ្យា ទេសចរណ៍ និងពាណិជ្ជកម្ម៕

អត្ថបទ៖ ប៊ី

The post ពាណិជ្ជកម្មទ្វេភាគីកម្ពុជា-វៀតណាម សម្រេចបានជាង ៦ ពាន់លានដុល្លារ ហើយនិងដាក់គោលដៅដល់ ២០ ពាន់លានដុល្លារនៅឆ្នាំបន្តបន្ទាប់ appeared first on Millions times.

តាមដានជាមួយយើង៖ Million Times

អង្គភាពអ្នកនាំពាក្យរាជរដ្ឋាភិបាលកម្ពុជា បានឲ្យដឹងថា​ កិច្ចប្រជុំការចរចាពន្ធបដិការកម្ពុជា-អាមេរិក ជុំទី៣ ដឹកនាំដោយលោក ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា និងលោកស្រី ចម និម្មល រដ្ឋមន្ត្រីក្រសួងពាណិជ្ជកម្ម ​ ជាមួយតំណាងពាណិជ្ជកម្មសហរដ្ឋអាម៉េរិក ដឹកនាំដោយ លោកស្រី Sarah Ellerman អនុប្រធានតំណាងពាណិជ្ជកម្មសហរដ្ឋអាម៉េរិក ទទួលបន្ទុក តំបន់អាស៊ីអាគ្នេយ៍ និងប៉ាស៊ីហ្វិក​ តាមប្រព័ន្ធវីដេអូ។

ក្នុងកិច្ចប្រជុំនេះ ភាគីទាំងពីរ បានវាយតម្លៃខ្ពស់លើវឌ្ឍនភាពជាវិជ្ជមាននៃការចរចាកន្លងមក និង បានឯកភាពដាក់ចេញនូវសំណើរៀងៗខ្លួនបន្ថែមទៀត។ ភាគីទាំងពីរ ត្រៀមខ្លួនរួចរាល់សម្រាប់កិច្ចប្រជុំចរចា ជុំបន្ទាប់ និងបានប្តេជ្ញាចិត្តបន្តធ្វើការជាមួយគ្នាដើម្បីឈានទៅដល់ការសម្រេចរួម ដែលបម្រើផលប្រយោជន៍ នៃប្រទេសទាំងពីរ។

បើតាមអង្គភាពអ្នកនាំពាក្យ រាជរដ្ឋាភិបាលកម្ពុជាដែលមាន សម្តេច ហ៊ុន ម៉ាណែត ជា នាយករដ្ឋមន្ត្រី នឹងបន្តធ្វើកិច្ចការងារនេះដោយយកចិត្តទុកដាក់បំផុត​។

កាលថ្ងៃទី២ ខែមេសា ដែលត្រូវនឹងថ្ងៃទី៣ ខែមេសា នៅកម្ពុជានេះ ប្រធានាធិបតីសហរដ្ឋអាមេរិក លោក Donald Trump បានចុះហត្ថលេខា​លើគោលនយោបាយ «ពន្ធគយ» ដ៏ខ្លាំងក្លា ដែលបានដាក់លើប្រមាណ ១៦០ប្រទេស ជុំវិញពិភពលោក។ ក្រោមគោលនយោបាយពន្ធគយនេះ កម្ពុជាបានរងការដាក់ពន្ធធ្ងន់ជាងគេ បើប្រៀបធៀបប្រទេស​ក្នុងតំបន់ ពោលគឺ ៤៩ភាគរយ ខណៈអាមេរិក​យក​ពន្ធនាំចូលពី​​​​ប្រទេសឡាវ ៤៨ភាគរយ ​វៀត​ណាម​៤៦​ភាគ​រយ ភូមា៤៤ភាគរយ ​ប្រទេស​ថៃ៣៦​ភាគ​រយ ឥណ្ឌូនេស៊ី៣២​ភាគរយ។

ការរំកិលពន្ធគយមកលើទំនិញកម្ពុជារហូតដល់៤៩ភាគរយនេះ ដោយលោក Trump បានអះអាងថា ជាការឆ្លើយតបចំពោះកម្ពុជាដែលបានគិតពន្ធលើទំនិញនាំចូល​ពីសហរដ្ឋអាមេរិក ក្នុង​កម្រិត ៩៧%។

យ៉ាងណា រដ្ឋមន្ត្រីក្រសួង​ពាណិជ្ជកម្មកម្ពុជា​​ លោក​​​ស្រី ចម និម្មល​ បានថ្លែងក្នុងបទសម្ភាសន៍មួយកាលពីយប់ថ្ងៃទី០៣ ខែមេសា ដោយច្រានចោលការចោទថា កម្ពុជាបានយកពន្ធគយលើទំនិញរបស់អាមេរិក៩៧ភាគរយនោះ។ លោកស្រីបានបន្ថែមថា កម្ពុជានៅក្នុងនាមជាសមាជិក WTO ក៏ដូចគ្នាទៅនឹងសហរដ្ឋអាមេរិក និងប្រទេស ១៦៦ផ្សេងទៀតដែរ គឺ​​មាន​ការ​កំណត់​នូវ​បន្ទាត់​ពន្ធ​គយ​ជាមួយ​គ្នា​ជា​រួម ក្នុ​ង​នោះ​កម្ពុជា​បាន​កំណត់​នៅ​ក្នុង​កាតព្វ​កិច្ច​របស់​ខ្លួន តាមរយៈ​ការយកពន្ធនៃ​ផលិតផលនាំ​ចូល​ក្នុង​​ចន្លោះ​​​ពី ០% រហូត​ដល់ខ្ពស់បំផុត​​​ ៣៥%។

ក្នុងឆ្នាំ២០២៤ ការនាំចេញទំនិញរបស់កម្ពុជា ទៅកាន់ទីផ្សារសហរដ្ឋអាមេរិកមាន​ចំនួន ៩ ៩១៦លានដុល្លារ ខណៈការនាំចូលពីអាមេរិកមកកាន់កម្ពុជា មានតែ ២៦៤លានដុល្លារប៉ុណ្ណោះ៕

អត្ថបទ​៖ សាងតេជៈ រូបភាព៖ បណ្តាញសង្គម

The post ការចរចាពន្ធគយកម្ពុជា-អាមេរិកជុំទី៣៖ ឯកភាពគ្នាដាក់ចេញនូវសំណើរៀងៗខ្លួនបន្ថែមទៀត​ សម្រាប់កិច្ចប្រជុំចរចាជុំបន្ទាប់ appeared first on Millions times.

តាមដានជាមួយយើង៖ Million Times

គម្រោងមួយនេះ កំពុងស្ថិតក្នុងការសិក្សានៅឡើយ ហើយវានឹងក្លាយជាការបណ្ដាក់ទុនធំបំផុតទី២ របស់ក្រុមហ៊ុន Trump Organization នៅប្រទេសវៀតណាម បន្ទាប់ពីចាយលុយ ១,៥ពាន់លានដុល្លារ សាងសង់ទីលានវាយកូនហ្គោលមួយកន្លែង។

គួរជម្រាបដែរថា ផែនការសាងសង់អគារ Trump Tower នេះ បានបែកធ្លាយអំឡុងពេលកូនប្រុសប្រធានាធិបតី Donald Trump គឺលោក Eric Trump បំពេញទស្សនកិច្ចនៅវៀតណាមកាលពីសប្ដាហ៍មុន។

បើតាមការឲ្យដឹងពីអាជ្ញាធរវៀតណាម អគារ Trump Tower នេះ នឹងលេចរូបរាងនៅសង្កាត់ Thu Thiem ដែលជាតំបន់កំពុងអភិវឌ្ឍន៍នៅទីក្រុងហូជីមិញ និងជាមជ្ឈមណ្ឌលហិរញ្ញវត្ថុថ្មីប្រចាំទីក្រុង៕

អត្ថបទ៖ Luffy រូបភាព៖ New York Post

The post អគារ Trump Tower តម្លៃ ១ពាន់លានដុល្លារនៅវៀតណាម ទំនងចាប់ផ្ដើមបុកគ្រឹះសាងសង់នាឆ្នាំក្រោយ appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន VNExpress រាយការណ៍ថា ក្នុងរយៈពេល ៥ខែដំបូងនេះ វៀតណាមនាំចេញកាហ្វេច្រើនជាង ៧៣៦ ០០០តោន ខណៈតួលេខនេះមានចំនួនតិចជាងឆ្នាំទៅ ៥,៥% ប៉ុន្តែមានតម្លៃថ្លៃជាងឆ្នាំមុនដល់ទៅ ៥៦% ឯណោះ។

តម្លៃកាហ្វេនាំចេញរបស់វៀតណាម ឡើងថ្លៃខ្លាំងព្រោះតែតម្រូវការសកលលោក ចំពេលអ្នកនាំចេញកាហ្វេមួយចំនួនធំ កំពុងមានវិបត្តិទាក់ទងនឹងការប្រមូលផល គួបផ្សំភាពតានតឹងនៃស្ថានភាពពាណិជ្ជកម្មសកលលោកផង។

គួរជម្រាបបន្តិចថា បើទោះជាកាហ្វេវៀតណាម កំពុងឡើងថ្លៃខ្លាំងលើទីផ្សារអន្តរជាតិមែន ប៉ុន្តែចំពោះតម្លៃនៅក្នុងស្រុកវិញ បែរជាមានការធ្លាក់ចុះ ដោយសារទិន្នផលមានច្រើនលើសលុប៕

អត្ថបទ៖ Luffy រូបភាព៖ Xinhua

The post វៀតណាមរកចំណូលបានជាង ៤ពាន់លានដុល្លារ ពីការនាំចេញកាហ្វេជាង ៧សែនតោន appeared first on Millions times.

តាមដានជាមួយយើង៖ Million Times

សារព័ត៌មាន VNExpress ចុះផ្សាយថា មូលហេតុបណ្ដាលឲ្យទិន្នន័យនាំចេញផ្លែឈើរបស់វៀតណាម ដាំក្បាលចុះខ្លាំងបែបនេះ បណ្ដាលមកពីការរឹតបន្តឹងរបស់ចិន ចំពោះការត្រួតពិនិត្យទុរេននាំចូល ដែលប្រើពេលវេលាយូរ ធ្វើឲ្យផ្លែឈើប្រភេទនេះបាត់បង់គុណភាព។

អាជីវករវៀតណាមជាច្រើនបានបង្ហាញក្ដីបារម្ភថា បើសិនជាចិននៅតែបន្តអនុវត្តការរឹតបន្តឹងខ្លាំងបែបនេះ ទីផ្សារផ្លែឈើនាំចេញរបស់ខ្លួន ច្បាស់ជារងផលប៉ះពាល់ខ្លាំងជាងនេះជាមិនខាន ដ្បិតប្រទេសចិនគឺជាគោលដៅនាំចេញធំបំផុតរបស់ពួកគេ។

ពាក់ព័ន្ធនឹងបញ្ហាមួយនេះ រដ្ឋមន្ត្រីក្រសួងកសិកម្ម និងបរិស្ថាន លោក Do Duc Duy បានស្នើសុំការសហការ ជាមួយមន្ត្រីគយចិន ដើម្បីដករនាំងបច្ចេកទេសត្រួតពិនិត្យ និងធានាពីគុណភាពផលិតផល មុននាំចេញទៅកាន់ទីផ្សារប្រទេសចិន៕

អត្ថបទ៖ Luffy រូបភាព៖ VietnamNet

The post ការនាំចេញបន្លែផ្លែឈើវៀតណាម ទៅកាន់ទីផ្សារស្រុកចិនដាំក្បាលចុះរហូតដល់ ៣៣% appeared first on Millions times.

តាមដានជាមួយយើង៖ Million Times

សារព័ត៌មាន AFP បានរាយការណ៍ថា ដំណើរទស្សនកិច្ចរបស់ប្រធានាធិបតីបារាំង នឹងចាប់ផ្ដមពីថ្ងៃទី២៥ រហូតដល់ថ្ងៃទី២៧ ខែឧសភា ខណៈថ្នាក់ដឹកនាំទាំង២ ទំនងជជែកពីបញ្ហាដែលកំពុងកើតមានលើពិភពលោក រួមមានពន្ធគយអាមេរិក និងសង្គ្រាមរ៉ាំរ៉ៃអ៊ុយក្រែន ហើយក៏ជជែកពីការពង្រឹងកិច្ចសហប្រតិបត្តិការប្រទេសទាំង២ ផងដែរ។

គួរជម្រាបបន្តិចថា វៀតណាម នឹងបារាំងបានបង្កើតទំនាក់ទំនងការទូតតាំងពីថ្ងៃទី១២ ខែមេសា ឆ្នាំ១៩៧៣ ប៉ុន្តែទើបតែក្លាយជាដៃគូយុទ្ធសាស្ត្រនៅក្នុងឆ្នាំ២០១៣ និងបង្កើនទំនាក់ទំនងរបស់ពួកគេ ក្លាយជាដៃគូយុទ្ធសាស្ត្រគ្រប់ជ្រុងជ្រោយក្នុងខែតុលា ឆ្នាំ២០២៤ប៉ុណ្ណោះ។ បារាំង គឺជាប្រទេសអឺរ៉ុបដំបូងបង្អស់ ដែលមានទំនាក់ទំនងដៃគូកម្រិតខ្ពស់ផុតលេខបែបនេះ ជាមួយប្រទេសវៀតណាម៕

អត្ថបទ៖ Luffy រូបភាព៖ VietNamNet

The post ប្រធានាធិបតីបារាំង Emmanuel Macron ត្រៀមបំពេញទស្សនកិច្ចផ្លូវការនៅប្រទេសវៀតណាម appeared first on Millions times.

តាមដានជាមួយយើង៖ Million Times

សារព័ត៌មាន The Star ចុះផ្សាយថា គម្រោងវិនិយោគរបស់ក្រុមហ៊ុនលោក Trump នៅខេត្ត Hung Yen ត្រូវបានអនុម័តតាំងពីថ្ងៃទី១៧ ខែឧសភា ខណៈមានក្ដីរំពឹងថា គម្រោងមួយនេះនឹងជួយលើកកម្ពស់អត្រាការងារនៅប្រទេសវៀតណាមមួយកម្រិតទៀត។

លោក Eric Trump រួមទាំងគណៈប្រតិភូពីក្រុមហ៊ុន Trump Organization ក៏មានផែនការធ្វើដំណើរទៅទីក្រុងហូជីមិញ ក្រោយបញ្ចប់កម្មវិធីបើកការដ្ឋានក្នុងខេត្ត Hung Yen ខណៈលឺដំណឹងថា លោក Eric ចង់ស្នើឲ្យមានការសាងសង់អគារ Trump Tower នៅក្នុងតំបន់ Thu Thiem ដែលជាមជ្ឈមណ្ឌលពាណិជ្ជកម្មដ៏សំបូរបែប និងជាបេះដូងនៃទីក្រុងហូជីមិញថែមទៀត៕

អត្ថបទ៖ Luffy រូបភាព៖ Newsweek

The post កូនប្រុសរបស់ Trump ត្រៀមបង្ហាញខ្លួននៅវៀតណាម ដើម្បីសម្ពោធគម្រោងវិនិយោគ ១,៥ពាន់លានដុល្លារ appeared first on Millions times.