តាមដានជាមួយយើង៖ Million Times

រដ្ឋលេខាធិការ និង​ជា​អ្នក​នាំ​ពាក្យ​របស់​រដ្ឋលេខាធិការដ្ឋាន​អាកាសចរណ៍​ស៊ីវិល លោក ស៊ីន ចាន់សេរីវុត្ថា បាន​ឲ្យ​ដឹង​ថា ចាប់ពី​ខែ​មករា ដល់​ធ្នូ ឆ្នាំ ២០២៥ អ្នក​ដំណើរ​ឆ្លងកាត់​អាកាសយានដ្ឋាន​អន្តរជាតិ​ទាំង៣ របស់​កម្ពុជា គឺ​អាកាសយានដ្ឋាន​អន្តរជាតិ​តេជោ, អាកាសយានដ្ឋាន​អន្តរជាតិ​សៀមរាប​អង្គរ និង​អាកាសយានដ្ឋាន​អន្តរជាតិ​ក្រុងព្រះសីហនុ បាន​ស្វាគមន៍អ្នកដំណើរ ជិត ៧ លាននាក់។

ក្នុងអំឡុងពេលដូចគ្នា ចំនួន​ជើងហោះហើរចូល-ចេញសរុបមានចំនួនជាង ៦ម៉ឺនជើង កើនឡើង ១១ ភាគរយ ធៀបនឹងឆ្នាំមុន ខណៈដែលបរិមាណដឹកជញ្ជូនតាមផ្លូវអាកាសទ្វេទិសជាង ៩ម៉ឺនតោន កើនឡើង ២១ ភាគរយ។

គួរ​បញ្ជាក់​ថា បច្ចុប្បន្ន​កម្ពុជា​មានក្រុមហ៊ុនអាកាសចរណ៍ ៣៦ក្រុមហ៊ុន ក្នុង​នោះ ៤ ជា​របស់​ក្នុង​ស្រុក និងអន្តរជាតិ ៣២ ហើយ​កំពុងតភ្ជាប់ជើងហោះហើរជាមួយ ១៧ ប្រទេស និង ៤៦ ទីក្រុង។ ក្នុង​ចំណោម ១៧ ប្រទេស​នោះ អាកាសចរណ៍​កម្ពុជា បាន​តភ្ជាប់​ទៅ​កាន់ ៨ ប្រទេស​ក្នុង​តំបន់​អាស៊ាន, ប្រទេស​ចិន កូរ៉េខាងត្បូង តំបន់​រដ្ឋបាលពិសេស​ហុងកុង កោះ​តៃវ៉ាន់ ឥណ្ឌា កាតា អេមីរ៉ាតអារ៉ាប់រួម និង​ជប៉ុន។

សូមរំលឹកថា កាលពីដើមឆ្នាំ២០២៥ រដ្ឋលេខាធិការដ្ឋានអាកាសចរណ៍ស៊ីវិល បានព្យាករថា ក្នុងឆ្នាំ ២០២៥ ការដឹកជញ្ជូនអ្នកដំណើរតាមផ្លូវអាកាសរបស់កម្ពុជា នឹងទទួលបានប្រមាណ ៧,៥ លាននាក់៕

អត្ថបទ៖ ឆដា, រូបភាព៖អាកាសចរណ៍ស៊ីវិល

The post ឆ្នាំ ២០២៥ អ្នកដំណើរតាមផ្លូវអាកាសជិត ៧លាននាក់បានធ្វើដំណើរមកកម្ពុជា កើនឡើង ១២% appeared first on Millions times.

តាមដានជាមួយយើង៖ Million Times

នៅព្រឹកថ្ងៃទី២៦ ខែឧសភានេះ ស្ថានទូតបារាំប្រចាំកម្ពុជា បានដឹកនាំទីប្រឹក្សាពាណិជ្ជកម្មក្រៅប្រទេសបារាំង និងការិយាល័យសភាពាណិជ្ជកម្ម និងឧស្សាហកម្មបារាំង-កម្ពុជា ទស្សនកិច្ចការដ្ឋានសាងសង់អាកាសយានដ្ឋានអន្តរជាតិតេជោដោយស្ថានទូតមានសេចក្តីសោមនស្សរីករាយចំពោះការចូលរួមរបស់ក្រុមហ៊ុនបារាំងក្នុងដំណើរការព្រលានយន្តហោះថ្មី។

ស្ថានទូតបារាំងប្រចាំនៅភ្នំពេញ បានឲ្យដឹងថា ក្រុមហ៊ុន ៤ របស់បារាំងបាននឹងកំពុងប្រតិបត្តិការនៅអាកាសយានដ្ឋានអន្តរជាតិភ្នំពេញ ហើយនឹងបន្តដំណើរការនៅក្នុងព្រលានយន្តហោះអន្តរជាតិតេជោតាខ្មៅ ដែលគ្រោងដំណើរការនាខែកញ្ញាខាងមុខ។

បើតាមស្ថានទូតបារាំង ដោយបំពេញការងារសម្រាប់ប្រទេសកម្ពុជាអស់រយៈពេល៣០ឆ្នាំមកហើយ ក្រុមហ៊ុន Vinci Airports តាមរយៈក្រុមហ៊ុន Cambodia Airportsដែលជាបុត្រសម្ព័ន្ធរបស់ខ្លួន នឹងបន្តផ្តល់នូវជំនាញនៅព្រលានយន្តហោះថ្មីក្នុងនាមជាប្រតិបត្តិករ។ 

ក្រុមហ៊ុន LBL International Construction បានចូលរួមក្នុងសំណង់ និងសោភណភាពនៃព្រលានយន្តហោះថ្មី ជាពិសេសតាមរយៈការសាងសង់រចនាសម្ព័ន្ធលោហៈធាតុ១៥០ ០០០ ម៉ែត្រការ៉េ និងការផលិតផ្ទាំងអាលុយមីញ៉ូមលម្អចំនួន២៧០០០ផ្ទាំង។   

ក្រុមហ៊ុន Newrest គ្រប់គ្រងទីតាំងប្រមាណ៤០កន្លែងនៅកម្ពុជា រាប់បញ្ចូលទីតាំងនៅព្រលានយន្តហោះធំៗទាំងបី ក៏ដូចជាផ្តល់សេវាកម្មផ្នែកម្ហូបអាហារទ្រង់ទ្រាយធំសម្រាប់អាហារដ្ឋាននៅតាមសាលារៀន ក្រុមហ៊ុន ហើយក៏នឹងបើកអាហារដ្ឋាននៅក្នុងព្រលានយន្តហោះថ្មីផងដែរ។ 

ក្រុមហ៊ុន Lagardère Travel Retail ទទួលបានកិច្ចព្រមព្រៀងរយៈពេល១២ឆ្នាំសម្រាប់ប្រតិបត្តិការហាងលក់ទំនិញនៅព្រលានយន្តហោះថ្មី និងឆ្លើយតបនឹងតម្រូវការអ្នកធ្វើដំណើរ៕

អត្ថបទ៖ លីហ្សា រូបភាព៖ បណ្តាញសង្គម

The post ក្រុមហ៊ុនឈានមុខបារាំង ៤ ត្រៀមខ្លួនបន្តដំណើរជាមួយអាកាសយានដ្ឋានអន្តរជាតិតេជោ appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Reuters បានចុះផ្សាយថា ក្រុមហ៊ុនអាកាសចរណ៍ចិនទាំង៣ នេះ ហាក់កំពុងជួបវិបត្តិធ្ងន់ធ្ងរ ដោយបានប្រកាសពីការខាតបង់ ៥ឆ្នាំជាប់គ្នា ចាប់តាំងពីផ្ទុះជំងឺរាតត្បាតកូវីដ ១៩។

ក្រុមហ៊ុនទាំង៣ នេះបានអះអាងថា បច្ចុប្បន្នទីផ្សារប្រកួតប្រជែងក្នុងស្រុកច្រើន តម្រូវការហោះហើរទាំងក្នុង និងក្រៅប្រទេសមានទាប បញ្ហាសង្វាក់ផ្គត់ផ្គង់ និងការធ្លាក់ចុះនៃតម្លៃរូបិយប័ណ្ណ សុទ្ធតែជាឫសគល់នៃការខាតបង់របស់ក្រុមហ៊ុន។

ក្រុមហ៊ុន Air China ប្រកាសពីការខាតបង់នៅត្រីមាសទីមួយប្រហែល ២ពាន់លានយ៉ន់ ខណៈក្រុមហ៊ុន China Eastern ខាតលុយ ៩៩៥លានយ៉ន់ ស្របពេលChina Southern ខាត ៧៤៧លានយ៉ន់ បើធៀបនឹងរយៈពេលដូចគ្នាកាលពីឆ្នាំមុន។

បច្ចុប្បន្នក្រុមហ៊ុនអាកាសចរណ៍ខ្នាតយក្សទាំង៣ នេះ កំពុងតែបង្ហាញក្ដីបារម្ភថា សង្គ្រាមពន្ធគយរវាងចិន និងអាមេរិក នឹងបង្កផលប៉ះពាល់កាន់តែខ្លាំងដល់វិស័យអាកាសចរណ៍មួយកម្រិតថែមទៀត៕

អត្ថបទ៖ Luffy រូបភាព៖ SimpleFlying

The post ក្រុមហ៊ុនអាកាសចរណ៍ធំបំផុតនៅចិនចំនួន៣ ប្រកាសប្រាក់ចំណូលត្រីមាសទីមួយ ធ្លាក់ចុះព្រមគ្នា appeared first on Millions times.

លោក ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល ក្នុងសន្និបាតបូកសរុបលទ្ធផលការងារអាកាសចរណ៍ស៊ីវិល ឆ្នាំ២០២៤ និងលើកទិសដៅបន្តអនុវត្តសម្រាប់ឆ្នាំ២០២៥ របស់រដ្ឋលេខាធិការដ្ឋានអាកាសចរណ៍ស៊ីវិល នៅថ្ងៃទី១២ ខែមីនានេះ បានដាក់ចេញទិសដៅជំរុញ និងសម្រេចឱ្យបាននូវការដឹកជញ្ជូនអ្នកដំណើរតាមផ្លូវអាកាស ចំនួន ៧.៥លាននាក់ និងទំនិញចំនួន ៨០ពាន់តោននៅក្នុងឆ្នាំ២០២៥។

តាមដានជាមួយយើង៖ Million Times

លោកបានដាក់ផែនការឲ្យបន្តជំរុញការចរចា កែសម្រួល និងចុះហត្ថលេខាកិច្ចព្រមព្រៀងស្តីពីសេវាកម្មដឹកជញ្ជូនតាមផ្លូវអាកាសជាទ្វេភាគី ជាមួយប្រទេសហ្វ៊ីលីពីន ជប៉ុន ឥណ្ឌូណេស៊ី ចក្រភពអង់គ្លេស និងប៉ាគីស្ថាន ព្រមទាំងពហុភាគីអាស៊ានរវាងអាស៊ាន និងនូវែលសេឡង់។

បន្ថែមទៀតនោះ លោកក៏បន្តជំរុញឱ្យមានការហោះហើរជាតិ និងអន្តរជាតិ ជាលក្ខណៈជួល (Charter Flights) កាន់តែច្រើនឡើងថែមទៀត ទៅកាន់អាកាសយានដ្ឋានអន្តរជាតិតារាសាគរផងដែរ។

បើតាមលោក ម៉ៅ ហាវណ្ណាល់ រដ្ឋលេខាធិការដ្ឋានអាកាសចរណ៍ស៊ីវិល ក៏បានដាក់ផែនការបន្តជួយគាំទ្រដល់ក្រុមហ៊ុនអាកាសចរណ៍របស់កម្ពុជាអាចមានលទ្ធភាព កាន់តែទូលំទូលាយថែមទៀត ដើម្បីបើកដំណើរការជើងហោះហើរអន្តរជាតិ។ 

លើសពីនេះ អាកាសចរណ៍ស៊ីវិលក៏បានជំរុញ និងសម្រួលនីតិវិធី ដើម្បីគាំទ្រដល់ការរៀបចំជើងហោះហើរថ្មី របស់ក្រុមហ៊ុនអាកាសចរណ៍ Turkish Airlines ពីទីក្រុងអ៊ីស្តង់ប៊ុល មកកាន់រាជធានីភ្នំពេញ ក្រុមហ៊ុន អាកាសចរណ៍ Etihad Airways ពីទីក្រុងអាប៊ូដាប៊ី មកកាន់រាជធានីភ្នំពេញ និងក្រុមហ៊ុន អាកាសចរណ៍ Emirates Airlines ពីទីក្រុងឌូបៃ មកកាន់ខេត្តសៀមរាប៕

អត្ថបទ៖ សាងតេជៈ រូបភាព៖ ផេកអាកាសចរណ៍ស៊ីវិល

The post អាកាសចរណ៍ស៊ីវិល ដាក់ទិសដៅជំរុញការហោះហើរដឹកអ្នកដំណើរឲ្យបានជាង ៧លាននាក់ និងទំនិញ ៨០ពាន់តោនឆ្នាំ២០២៥ appeared first on Millions times.

តាមដានជាមួយយើង៖ Million Times

អាកាសយានដ្ឋានថ្មីនោះ នឹងមានទីតាំងស្ថិតនៅក្នុងស្រុក Duong Minh Chau មានគម្រោងសាងសង់ចន្លោះពីឆ្នាំ២០២៦ ដល់ឆ្នាំ២០៣០ ជាមួយដើមទុន ៤,៧ទ្រីលានដុង ឬប្រហែល ១៨៥លានដុល្លារ។

គម្រោងប្រលានយន្តហោះថ្មីនេះ នឹងសាងសង់នៅលើផ្ទៃដីទំហំ ៤២០ហិកតា នឹងមានចំងាយ ៧៤គីឡូម៉ែត្រ ពីអាកាសយានដ្ឋាន Tan Son Nhat ក្នុងទីក្រុងហូជីមិញ ឆ្ងាយពីគម្រោងអាកាសយានដ្ឋាន Long Thanh ដែលកំពុងសាងសង់ក្នុងខេត្ត Dong Nai ប្រហែល ១០៦គីឡូម៉ែត្រ និងមានរយៈចំងាយត្រឹម ៤៤គីឡូម៉ែត្រប៉ុណ្ណោះ ពីព្រំដែនកម្ពុជា។

ក្នុងចំណោមទឹកប្រាក់ ៤,៧ទ្រីលានដុង មានតែ ១៥% ប៉ុណ្ណោះដែលចេញដោយរដ្ឋាភិបាល ខណៈទឹកប្រាក់ដែលសេសសល់ បានមកពីក្រុមហ៊ុនវិនិយោគនានា ដែលរកស៊ីទាំងនៅក្នុងវិស័យឯកជន និងសាធារណៈ។

ប្រលានយន្តហោះថ្មីរបស់វៀតណាមនេះ មិនទាន់ដាក់ឈ្មោះនោះឡើយ តែអាជ្ញាធរខេត្ត Tay Ninh អះអាងថា អាកាសយានដ្ឋានមួយនេះ នឹងធ្វើឡើងទៅតាមស្តង់ដារ 4E របស់អង្គការអាកាសចរណ៍ស៊ីវិលអន្តរជាតិ ដែលមានន័យថា វាអាចផ្ទុកយន្តហោះខ្នាតធំដូចជា Boeing 777 និង Boeing 787 ឬក៏យន្តហោះដែលមានទំហំប្រហាក់ប្រហែលគ្នា ដែលប្រើជាទូទៅសម្រាប់ជើងហោះហើរអន្តរជាតិរយៈពេលវែង មានសមត្ថភាពផ្ទុកអ្នកដំណើរមួយលាននាក់ក្នុងមួយឆ្នាំ និង ៤០០ នាក់ក្នុងមួយម៉ោង។ គម្រោងមួយនេះត្រូវបានរំពឹងថា នឹងរកចំណូលជូនរដ្ឋាភិបាលបានរហូតដល់រយៈពេល ៤២ឆ្នាំ៕

អត្ថបទ៖ Luffy រូបភាព៖ VNExpress

The post វៀតណាមគ្រោងសង់អាកាសយានដ្ឋានថ្មីមួយ ក្បែរព្រំដែនប្រទេសកម្ពុជា appeared first on Millions times.

តាមដានជាមួយយើង៖ Million Times

ចំណែក​ចំនួន​ជើង​ហោះហើររ​វាង​កម្ពុជា-ចិន ត្រឹម​រយៈពេល ១០ ខែ​នេះ មាន ៥ ៤៨៦ ជើង កើន​ឡើង ៦០% បើ​ធៀប​នឹង​១០ ខែ កាលពី​ឆ្នាំមុន ខណៈការដឹកជញ្ជូនទំនិញវិញ មាន ៦ ៣៤១ តោន កើន​ឡើង ៣៨ %ធៀប​នឹង​ឆ្នាំ ២០២៣ ដូចគ្នា។ នេះបើតាមការចុះផ្សាយពីព័ត៌មាន Fresh News ដែលសម្ភាសន៍លោក ស៊ីន ចាន់សិរីវុត្ថា ​រដ្ឋលេខាធិការ និងអ្នកនាំពាក្យអាកាសចរណ៍ស៊ីវិលកាលពីថ្ងៃ ២៨ ខែវិច្ឆិកា ឆ្នាំ២០២៤នេះ។

លោក ស៊ីន ចាន់សិរីវុត្ថា បញ្ជាក់​ថា បច្ចុប្បន្ននេះក្រុមហ៊ុនអាកាសចរណ៍ ដែល​បាន​ដំណើរ​ការ​ហោះហើរ​ទៅ​មក​រវាង​កម្ពុជាសាធារណរដ្ឋប្រជាមានិតចិន មាន ៨ និង​មាន​ហោះហើរ​សរុប ១៦០ ជើង​ក្នុង​មួយ​សប្តាហ៍។

ក្នុងនោះ​ក្រុមហ៊ុន​អាកាសចរណ៍​កម្ពុជា​មាន ២ គឺ ក្រុមហ៊ុនអាកាសចរណ៍ Cambodia Angkor Air និង ​Cambodia Airways ដែល​បាន​ភ្ជាប់​ជើង​ហោះហើរ ទៅ​មក​​ពី​ភ្នំពេញ​ទៅ​កាន់ ៩ ទីក្រុង​នៅ​ប្រទេស​ចិន រួមមាន ទីក្រុងក្វាងចូវ ហ្សិនចូវ ណាងនីង ស៊ានយ៉ា ធានហ្វូ ណានថុង ស៊ិនជិន ហៃគូ និងជុងជីង។ រីឯ​ក្រុមហ៊ុន​អាកាសចរណ៍​ចិន​មាន ៦ រួម​មាន​ក្រុមហ៊ុន​អាកាសចរណ៍ Air China , China Southern Airlines, China Easternes, Spring Airlines , Shenzhen Airlines និង Xiamen Airlines ដែលបានតភ្ជាប់ជើងហោះហើរ​មកទៅរវាងទីក្រុងប៉េកាំង ក្វាងចូវ សៀងហៃ ស៊ិនជិន គុនមីង ស្យាមិន ចុងជិង ​មកភ្នំពេញ។

ចំណែក​ជើងហោះហើរដែលបានភ្ជាប់ជាមួយអាកាសយានដ្ឋានអន្តរជាតិសៀមរាប បានតភ្ជាប់ ១ទីក្រុង គឺ គុនមីង-សៀមរាប ដែលបានហោះហើរ ៦ជើង​ក្នុង​មួយ​សប្តាហ៍​៕

អត្ថបទ៖ មេរ៉ា, រូបភាព Cambodia Airways

The post ត្រឹម១០ខែ ឆ្នាំនេះ ផ្លូវអាកាសរវាងកម្ពុជា-ចិនមានអ្នកដំណើរជាង ៧០ ម៉ឺននាក់ កើនឡើង៨៣% appeared first on Millions times.

តាមដានជាមួយយើង៖ Million Times

តាមរយៈការចុះផ្សាយពីសារព័ត៌មាន Vietnamnews បានបង្ហាញថា យន្តហោះទាំង ៥គ្រឿងនោះ គឺជាម៉ូដែលថ្មីស្រឡាង ផលិតដោយក្រុមហ៊ុន Gulfstream ដែលមានដូចជាយន្តហោះ Gulfstream G500, G600 និង G700។

ទីក្រុងដាណាង ទទួលបានឱកាសរៀបចំសន្និសីទអាកាសចរណ៍រវាងក្រុមហ៊ុន Gulfstream និងក្រុមហ៊ុនអាកាសចរណ៍ក្នុងស្រុក Sun Air រយៈពេល ៣ថ្ងៃ ក្រោមវត្តមានធុរកិច្ចជនកំពូលៗ និងមហាសេដ្ឋីនានា ដែលរកស៊ីនៅលើវិស័យអាកាសចរណ៍។

គួររំលឹកបន្តិចថា ទីក្រុងដាណាង ប្រទេសវៀតណាម ហាក់ទទួលបានការចាប់អារម្មណ៍ខ្លាំង និងត្រូវបានចាត់ទុកជាគោលដៅទេសចរណ៍ពេញនិយមពីក្រុមអភិជន បន្ទាប់ពីមហាសេដ្ឋី Bill Gates បានមកបំពេញទស្សនកិច្ចនៅទីនេះកាលពីខែមីនា និងបានបង្ហាញពីភាពស្រស់ស្អាតនៅទីក្រុងមួយនេះ៕

អត្ថបទ៖ Luffy រូបភាព៖ Vietnamnews

The post យន្តហោះទំនើប ៥គ្រឿងដឹកអភិជន ៥០នាក់ ចូលរួមសន្និសីទអាកាសចរណ៍នៅវៀតណាម appeared first on Millions times.

តាមដានជាមួយយើង៖ Million Times

តាមរយៈការចុះផ្សាយពីសារព័ត៌មាន Reuters បានបង្ហាញថា ទឹកប្រាក់ទាំងនោះ នឹងត្រូវយកមកអភិវឌ្ឍន៍បន្ថែមនូវការពង្រីកប្រលានយន្តហោះ និងការទិញយន្តហោះបន្ថែម ដ្បិតអាកាសចរណ៍នៅឥណ្ឌា កំពុងមានសន្ទុះយ៉ាងខ្លាំង។

ក្រុមហ៊ុនហិរញ្ញវត្ថុ និងធានារ៉ាប់រងអាមេរិក S&P Global Ratings បានព្យាករថា ទឹកប្រាក់ ១៥០ពាន់លានដុល្លារ នឹងត្រូវយកទៅទិញយន្តហោះថ្មីៗ ១ ៧០០គ្រឿង ខណៈ ២៤ពាន់លានដុល្លារទៀត នឹងយកទៅបង្កើតប្រលានយន្តហោះថ្មី និងពង្រីកប្រលានយន្តហោះ ដែលមានស្រាប់។

ទន្ទឹមនឹងនោះ រដ្ឋាភិបាលក៏បានបញ្ចេញនូវទិន្នន័យអះអាងថា ឥណ្ឌាកំពុងមានទីផ្សារអាកាសចរណ៍ ដ៏លឿនបំផុតមួយលើលោក ទាំងការហោះហើរក្នុងស្រុក និងក្រៅប្រទេស ដោយមានក្ដីរំពឹងថា ត្រឹមឆ្នាំ២០៣០ ឥណ្ឌានឹងសម្រេចបាននូវការហោះហើរក្នុងស្រុកចំនួន ៣០០លានដង ខណៈការហោះហើរក្រៅប្រទេស នឹងមានចំនួនច្រើនជាងនេះទ្វេដង៕

អត្ថបទ៖ Luffy រូបភាព៖ Logistics Insider

The post លុយច្រើនជាង ១៧០ពាន់លានដុល្លារចាំបាច់ត្រូវចំណាយ ដើម្បីពង្រីកវិស័យអាកាសចរណ៍ឥណ្ឌាកំពុងត្រូវប៉ាន់ appeared first on Millions times.