អ្នកឧកញ៉ា សួរ វីរៈ អគ្គនាយកក្រុមហ៊ុន វិរៈប៊ុនថាំ អេចប្រេស ដែលធ្លាប់ហែឆ្លងកាត់ឧបសគ្គនានាក្នុងវិស័យដឹកជញ្ជូនស្ថិតនៅខេត្តកោះកុងរហូតមានឱកាសក្តោបក្តាប់បានទីផ្សារទូទាំងប្រទេសកម្ពុជា និងតភ្ជាប់ជាមួយប្រទេសជិតខាងផងដែរនោះ បានលើកឡើងថា «គ្មានភាពជោគជ័យណាដែលមិនមានការប្រថុយនោះទេ ហើយក៏គ្មានការរីកចម្រើនអាជីវកម្មយ៉ាងឆាប់រហ័សដែលមិនមានកំហុសបន្សល់ទុកនោះដែរ។ តែគ្រប់បញ្ហាតែងតែមានដំណោះស្រាយ សំខាន់អ្នកអាចមានឱកាសក្តោបអាជីវកម្មក្នុងដៃជាមុនសិន»។

តាមដានជាមួយយើង៖ Million Times

លើបណ្តាញសង្គមហ្វេសប៊ុកផ្ទាល់ខ្លួន អ្នកឧកញ៉ាបានសង្កត់ធ្ងន់ថា៖ «គិតកាន់តែយួរ អ្នកនឹងស្ទាក់ស្ទើរក្នុងការសំរេចចិត្ត…! ចឹងត្រូវតែគិតឲ្យឆាប់ ធ្វើសកម្មភាពឲ្យលឿន… តែកុំគិតខ្លី»។

អ្នកឧកញ៉ា សួរ វីរៈ មានស្រុកកំណើតពីខេត្តកំពង់ធំហើយបានធំធាត់ឡើងនៅភ្នំពេញ ក្រោយមកបន្តជីវិតជាយុវវ័យនៅខេត្តកោះកុង ប្រកបអាជីពជាអ្នកនាំភ្ញៀវទេសចរបរទេស ដើរលេងកម្សាន្តនៅរមណីដ្ឋាននានាក្នុខេត្តជាប់សមុទ្រមួយនេះ។ រហូតមកពេលនេះ លោកបានពង្រីកការដឹកជញ្ជូនអ្នកដំណើរនៅទូទាំង ២៥រាជធានី-ខេត្ត ដោយមានរថយន្តទំនើបៗជាង ១០០ គ្រឿង និងរថយន្តដឹកទំនិញរាប់រាយគ្រឿងឯណោះ។ លើសពីនេះ លោកក៏មានរីសត់ជាច្រើនកន្លែងផងដែរ សុទ្ធតែល្បីៗលំដាប់ៗឈានមុខគេនៅកម្ពុជា៕

អត្ថបទ៖ ពិសិដ្ឋ រូបភាព៖ ផេកអ្នកឧកញ៉ា សួរ វីរៈ

The post អ្នកឧកញ៉ា សួរ វីរៈ៖ គិតកាន់តែយួរ អ្នកនឹងស្ទាក់ស្ទើរក្នុងការសំរេចចិត្ត…! appeared first on Millions times.

ជាមួយនឹងការចុះហត្ថលេខាលើអនុស្សរណៈនៃការយោគយល់គ្នា (MoU) កាលពីថ្ងៃទី១២ ខែមិថុនា ឆ្នាំ២០២៤ រវាងក្រុមហ៊ុនទាំងពីរ, ក្រុមហ៊ុន NHAM24 Travel នឹងរួមបញ្ចូលបណ្តាញយ៉ាងទូលំទូលាយរបស់ VET ដែលមានគោលដៅចំនួន ៣៣៥ទីតាំង និង ១,០៨៧ ជើងធ្វើដំណើរទៅកាន់អតិថិជនរបស់ Nham24 ជាង ១លាននាក់នូវជម្រើសធ្វើដំណើរដ៏ទូលំទូលាយនៅទូទាំងប្រទេសកម្ពុជា និងប្រទេសជិតខាង។

តាមដានជាមួយយើង៖ Million Times

តាមរយៈការរួមបញ្ចូលសេវាកម្មដឹកជញ្ជូនដ៏ទូលំទូលាយរបស់ VET និង NHAM24 Travel មានគោលបំណងផ្តល់នូវបទពិសោធន៍ធ្វើដំណើរប្រកបដោយភាពរលូន ងាយស្រួលនិងមានប្រសិទ្ធភាពសម្រាប់ភ្ញៀវទេសចរជាតិ និងអន្តរជាតិ។

លោក ចន្ទ បូរីម៉ា នាយកប្រតិបត្តិ NHAM24 មានប្រសាសន៍ថា “កិច្ចសហការនេះគឺជាជំហានដ៏សំខាន់មួយឆ្ពោះទៅរកគោលដៅរបស់យើងក្នុងការផ្តល់នូវដំណោះស្រាយការធ្វើដំណើរដ៏ទូលំទូលាយមួយ ដែលបំពេញតាមតម្រូវការដែលកំពុងរីកចម្រើនរបស់អ្នកប្រើប្រាស់របស់យើង។ ជាមួយនឹងជម្រើសនៃបណ្តាញដឹកជញ្ជូនដ៏ធំទូលាយរបស់ VET ហើយឥឡូវនេះជាផ្នែកមួយនៃវេទិការបស់យើង យើងមានទំនុកចិត្តថា NHAM24 Travel នឹងក្លាយទៅជាជម្រើសសម្រាប់អ្នកដំណើរក្នុងប្រទេសកម្ពុជា»។

អ្នកឧកញ៉ា សួរ វីរៈ អគ្គនាយកក្រុមហ៊ុន Vireak Buntheam Express បានបន្ថែមថា “ការចាប់ដៃគូជាមួយក្រុមហ៊ុន NHAM24 Travel អនុញ្ញាតឱ្យយើងឈានដល់អតិថិជនគោលដៅ និងផ្តល់សេវាកម្មដឹកជញ្ជូនដ៏ទូលំទូលាយរបស់យើងដល់អ្នកដំណើរកាន់តែច្រើន។ យើង​មាន​មោទនភាព​ក្នុង​ការ​ចូល​រួម​ចំណែក​ក្នុង​ការ​រីក​ចម្រើន​នៃ​ឧស្សាហកម្ម​ទេសចរណ៍​របស់​កម្ពុជា​តាម​រយៈការ​ចុះអនុស្សរណៈយោគយល់គ្នានេះ»៕

The post Nham24 និងវិរៈប៊ុនថាំ ចាប់ដៃគ្នាជំរុញទេសចរណ៍នៅកម្ពុជាឲ្យបានទូលំទូលាយ appeared first on Millions times.