តាមដានជាមួយយើង៖ Million Times

មង្គលការ​កូន​អភិជនគូ​នេះ ត្រូវ​បាន​គេ​លើក​ឡើង​ថា ​ដូច​កាល​រៀបចំ​កូន​​ដង្ខៅ​ កាលពី​រាប់​រយ​ឆ្នាំ​មុន។ ដោយសារ​តែ​គ្រឿង​សង្ហារិម​បែប​បុរាណ​ខ្មែរ​ពណ៌​ធម្មជាតិ​ក្រម៉ៅៗ តុ ទូ កៅអី ហឹប ជាច្រើន គឺ​គំនិត​កូន​ក្រមុំ លី សូវុន ដារីតា ហើយ​សម្ភារ​ភាគច្រើន​​លើសលប់​ទៀតសោត ក៏​ជា​កម្មសិទ្ធិរបស់​គ្រួសារ​ឧកញ៉ា សៅ សេងហាក់ ផ្ទាល់ផងដែរ។

មង្គលការ​ត្រកូល​អភិជន​ជាន់​ខ្ពស់​គូ​នេះ ប្រៀប​​​ដូច​ជា​ផ្ទាំង​ទស្សនីយភាព​សិល្បៈ​បុរាណ​មួយ​ដែល​ឆ្លុះ​បញ្ចាំង​ឲ្យ​ឃើញ​ពី​ទិដ្ឋភាព​ពិត​នៅ​ក្នុង​ពិធី​មង្គល​ការ​នា​សម័យ​បុរាណ ហើយ​ក៏​អាច​ក្លាយ​ជា​ឯកសារ​ប្រវត្តិសាស្ត្រ​មួយ​សម្រាប់​មនុស្ស​ជំនាន់​ក្រោយ​បាន​ស្វែងយល់​ទៀត​ផង។

ក្រៅពី​ការ​តុបតែង​បុរាណ​ចំ​ហើយ​នោះ បន្លែ​ផ្លែឈើ​សម្រាប់​ហែរជំនូន​ក៏​សុទ្ធ​សឹង​ជា​របស់​ក្នុង​ស្រុក ហើយ​ផ្លែឈើ​ខ្លះ​ទៀត​សឹងតែ​គ្មាន​អ្នក​ស្គាល់​ដូចជា​ក្រូច​ម្រាម​ដៃ​ព្រះ​ជាដើម។

មង្គលការ​កូន​ស្រី​របស់​ឧកញ៉ា សៅ លាងហាក់ ជាមួយ​កូន​ប្រុស​ឯកឧត្ដម សុខ ចិន្តាសោភា ខុស​ប្លែក​ពី​រោងការ​ដែល​ពោរពេញ​ទៅ​ដោយ​ផ្កា​ស្រស់​ដែល​នាំ​ចូល​ពី​បរទេស តែ​បែរជា​នាំ​យក​ស្លឹក​ត្នោត ផ្កា​ក្រដាស ដើម​ចេក និង​ដើម​ឈើ​ក្នុង​ព្រៃ​ខ្មែរ មក​បន្ថែម​សម្រស់​ក្នុង​រោងការ៕

អត្ថបទ៖ ឆដា, រូបភាព៖ FAST films&photography

The post គ្រឿងបុរាណៗតុបតែងក្នុងពិធីមង្គលការអភិជន ជា​គំនិតកូនក្រមុំរបស់ឧកញ៉ា សៅ សេងហាក់ appeared first on Millions times.

តាមដានជាមួយយើង៖ Million Times

ការគូសបញ្ជាក់នេះ ស្របពេលដែលោក សុខ ចិន្តាសោភា ឧបនាយករដ្ឋមន្ត្រី រដ្ឋមន្ត្រីក្រសួងការបរទេសកម្ពុជា កំពុងបំពេញទស្សនកិច្ចនៅប្រទេសចិន តបតាមការអញ្ជើញរបស់លោក វ៉ាង យី​ រដ្ឋមន្ត្រីការបរទេសចិន។

សេចក្ដីប្រកាសព័ត៌មានរបស់ក្រសួងការបរទេសកម្ពុជា បានឲ្យដឹងថា លោក សុខ ចិន្តាសោភា និងលោក វ៉ាង យី បានពិភាក្សា និងផ្លាស់ប្តូរទស្សនៈជាមួយគ្នាលើបញ្ហាតំបន់ និងអន្តរជាតិដែលជាផលប្រយោជន៍រួម ហើយបានអះអាងជាថ្មី ក្នុងការជំរុញកិច្ចសហប្រតិបត្តិការ ឲ្យកាន់តែជិតស្និទ្ធក្នុងក្របខ័ណ្ឌទ្វេភាគី និងពហុភាគី រួមមាន៖ អាស៊ាន-ចិន មេគង្គ-ឡានឆាង និងអង្គការសហប្រជាជាតិ ដើម្បីរួមចំណែកដល់សន្តិភាព ស្ថិរភាព និងវិបុលភាពក្នុងតំបន់ និងពិភពលោក។

លោកឧបនាយករដ្ឋមន្ត្រី សុខ ចិន្តាសោភា និងថ្នាក់ដឹកនាំចិនបានវាយតម្លៃខ្ពស់ចំពោះកំណើន ភាពរឹងមាំនៃចំណងមិត្តភាពដែកថែប ក៏ដូចជាកិច្ចសហប្រតិបត្តិការដ៏ល្អប្រសើររវាងប្រទេសទាំងពីរ ដែលត្រូវបានលើកទឹកចិត្តតាមរយៈការផ្លាស់ប្តូរទស្សនកិច្ច និងការប្រាស្រ័យទាក់ទងកម្រិតខ្ពស់ជាញឹកញាប់ ហើយបានឯកភាពបន្តជំរុញឲ្យកាន់តែច្រើន និងជិតស្និទ្ធថែមទៀត ទាំងក្នុងក្របខណ្ឌនីតិប្រតិបត្តិ និងនីតិបញ្ញត្តិ។

ថ្នាក់ដឹកនាំចិន បានសង្កត់ធ្ងន់អំពីការបន្តគាំទ្រកម្ពុជា ក្នុងការជ្រើសរើសមាគ៌ាអភិវឌ្ឍន៍ប្រទេស ស្របតាមលក្ខខណ្ឌជាតិរបស់ខ្លួន និងក្នុងការដើរតួនាទីកាន់តែសំខាន់លើឆាកអន្តរជាតិ។ ចំណែកលោក សុខ ចិន្តាសោភា ក៏បានគូសបញ្ជាក់អំពីជំហរជាគោលការណ៍របស់កម្ពុជា ក្នុងការប្រកាន់ខ្ជាប់នូវ «គោលនយោបាយចិនមួយ» និងចាត់ទុកបញ្ហាហុងកុង តៃវ៉ាន់ ទីបេ និងស៊ីនជាំង ជាកិច្ចការផ្ទៃក្នុងរបស់ចិន ព្រមទាំងបន្តគាំទ្រតួនាទីកាន់តែសកម្មរបស់ចិន ក្នុងកិច្ចការអន្តរជាតិ។

ភាគីទាំងពីរ កម្ពុជា-ចិន បានទទួលស្គាល់សារៈសំខាន់ នៃការផ្លាស់ប្តូររវាងប្រជាជន និងប្រជាជន ក៏ដូចជាវប្បធម៌និងវប្បធម៌ និងបានឯកភាពគ្នាសហការជិតស្និទ្ធ ក្នុងការបង្កើនការផ្លាស់ប្តូរនេះ ជាពិសេសក្នុងចំណោមយុវជន៕

អត្ថបទ៖ វីរៈ រូបភាព៖ ក្រសួងការបរទេស

The post រដ្ឋមន្ត្រីការបរទេសកម្ពុជា ចាត់ទុកបញ្ហាហុងកុង តៃវ៉ាន់ ទីបេ និងស៊ីនជាំង ជាកិច្ចការផ្ទៃក្នុងរបស់ចិន appeared first on Millions times.

តាមដានជាមួយយើង៖ Million Times

សេចក្ដីប្រកាសព័ត៌មានរបស់ក្រសួងការបរទេសកម្ពុជា បានឲ្យដឹងថា រដ្ឋមន្ត្រីការបរទេសទាំងពីរ បានសម្តែងការពេញចិត្ត ចំពោះលទ្ធផលនៃកិច្ចប្រជុំលើកទី ៧ គណកម្មាធិការសម្របសម្រួលអន្តររដ្ឋាភិបាលកម្ពុជា-ចិន កាលពីខែមេសាកន្លងទៅ ក៏ដូចជាវឌ្ឍនភាពដែលការអនុវត្តកុងសង់ស៊ីស របស់ថ្នាក់ដឹកនាំនៃប្រទេសទាំងពីរ ក្នុងក្របខ័ណ្ឌកិច្ចសហប្រតិបត្តិការត្បូងពេជ្រ ជាពិសេសការបង្កើតច្រករបៀងឧស្សាហកម្ម និងបច្ចេកវិទ្យា” និង “ច្រករបៀងមច្ឆា និងអង្គរ កិច្ចសហប្រតិបត្តិការអភិវឌ្ឍន៍ថាមពលស្អាតការអភិវឌ្ឍផ្លូវដែក និងការជំរុញកំណើនពាណិជ្ជកម្មតាម រយៈការអនុវត្តឱ្យកាន់តែមានប្រសិទ្ធភាពនូវកិច្ចព្រមព្រៀងពាណិជ្ជកម្មសេរីកម្ពុជា-ចិន។

ក្នុងគោលបំណងពង្រីកទំនាក់ទំនង និងកិច្ចសហប្រតិបត្តិការសេដ្ឋកិច្ចឲ្យកាន់តែច្រើន លោក វ៉ាង យី ស្វាគមន៍សំណើរបស់លោកឧបនាយករដ្ឋមន្ត្រី សុខ ចិន្តាសោភា ឲ្យភាគីចិនសិក្សាលទ្ធភាពពង្រីក ឬបង្កើតតំបន់សេដ្ឋកិច្ចពិសេសថ្មីបន្ថែមទៀតនៅកម្ពុជា និងផ្តល់ការបណ្តុះបណ្តាលវិជ្ជាជីវៈសំដៅ បង្កើនចំនួនកម្លាំងពលកម្មជំនាញនៅកម្ពុជា និងបញ្ជាក់ពីការបន្តគាំទ្រគម្រោងអភិវឌ្ឍន៍ហេដ្ឋារចនាសម្ព័ន្ធធំៗ នៅកម្ពុជា រួមមាន៖ ផ្នែកដឹកជញ្ជូន ឡូជីស្ទិក ប្រព័ន្ធស្រោយស្រព និងប្រព័ន្ធធារាស្ត្រ រួមទាំងគម្រោងគ្រប់គ្រងធនធានទឹកចម្រុះហ្វូណនតេជោ ដែលមានសារសំខាន់ជាយុទ្ធសាស្ត្រ ដោយចិនមានបទពិសោធន៍ជោគជ័យជាយូរមកហើយ លើវិស័យទាំងនេះ។

បើតាមសេចក្ដីប្រកាសព័ត៌មានរបស់ក្រសួងការបរទេសដដែល លោក វ៉ាង យី រដ្ឋមន្ត្រីការបរទេសចិន ក៏បានសន្យាលើកទឹកចិត្តក្រុមហ៊ុន និងសហគ្រាសចិន ឲ្យធ្វើការវិនិយោគនៅកម្ពុជា និងពង្រីកការនាំចូលផលិតផលកសិកម្មពីកម្ពុជា ថែមទៀត។ ភាគីទាំងពីរ ក៏បានឯកភាពផងដែរក្នុងការជំរុញកិច្ចសហប្រតិបត្តិការ លើវិស័យសំខាន់ៗ និង មានសក្តានុពលដូចជា៖ អប់រំ ទេសចរណ៍ កសិកម្មទំនើប ការតភ្ជាប់ សេដ្ឋកិច្ចឌីជីថល និងបញ្ញាសិប្បនិម្មិត៕

អត្ថបទ៖ វីរៈ រូបភាព៖ ក្រសួងការបរទេស

The post រដ្ឋមន្ត្រីការបរទេសចិន សន្យាលើកទឹកចិត្តក្រុមហ៊ុន និងសហគ្រាសចិន ឲ្យបន្តវិនិយោគនៅកម្ពុជាបន្ថែមទៀត appeared first on Millions times.