លោកអ្នកឧកញ៉ា ភាព ហៀក Archives - Millions times

ជីប ម៉ុង គ្រុប ចាយទុន ២៥០ លានដុល្លារ សាងសង់រោងចក្រផលិតអាហារ និងភេសជ្ជៈ នៅខណ្ឌដង្កោ រាជធានីភ្នំពេញ

Vin Chang — Mon, 03 Aug 2026 03:31:15 +0000

កាលពីថ្ងៃ ១ ខែសីហា ឆ្នាំ ២០២៦ កន្លងទៅជីប ម៉ុង គ្រុប បានរៀបចំពិធីក្រុងពាលីបញ្ចុះបឋមសិលា និងបើកការដ្ឋានសាងសង់ រោងចក្រផលិតអាហារ និងភេសជ្ជៈ ជីប ម៉ុង (Chip Mong Food & Beverages) ដោយបោះទុនវិនិយោគប្រមាណ ២៥០ លានដុល្លារ ដែលមានផលិតទឹកដោះគោ មី តែ កាហ្វេ លើផ្ទៃដីទំហំ ១៥ ហិកតា នៅខណ្ឌដង្កោ រាជធានីភ្នំពេញ។

តាមដានជាមួយយើង៖ Million Times

ពិធីក្រុងពាលីបញ្ចុះបឋមសិលា និងបើកការដ្ឋានសាងសង់ រោងចក្រផលិតអាហារ និងភេសជ្ជៈ ជីប ម៉ុង មានភ្ញៀវកិត្តយសដែលជាមន្រ្តីរាជការ និងអ្នកជំនួញធំៗលំដាប់ប្រទេស ហើយក្នុងនោះក៏មានគ្រួសារអ្នកឧកញ៉ាៗដែលជាអនាគតដន្លងផងដែរ។

ក្នុងកម្មវិធីបើកការដ្ឋានសាងសង់រោងចក្រChip Mong Food & Beverages របស់លោកអ្នកឧកញ៉ា ភាព ហៀក បានប្រមូលកូនចៅទាំងប្រុសស្រីមកចូលរួមទាំងអស់គ្នា។ ក្នុងបរិយាកាសដ៏អស្ចារ្យនោះ ក៏មានការចូលរួមពីសំណាក់សិល្បករ អាជីវករ ក៏ដូចជាអ្នកផលិតមាតិកា ដើម្បីផ្សព្វផ្សាយឲ្យដឹងថា នាពេលខាងមុខ ខ្មែរអាចផលិតចំណីអាហារច្រើនប្រភេទ ដែលផលិតដោយរោងចក្រក្នុងស្រុកលំដាប់អន្តរជាតិ។

Chip Mong Food & Beverages ត្រូវចំណាយពេលសាងសង់ជាង ២០ ខែ ស្មើនឹង ២ ឆ្នាំដែលមានទីតាំងស្ថិតនៅភូមិរលួស សង្កាត់ជើងឯក ខណ្ឌដង្កោ រាជធានីភ្នំពេញ។ អ្នកចូលរួមសឹងតែទាំងអស់ សុទ្ធតែបានប្រើប្រាស់សម្លៀកបំពាក់ពណ៌បៃតង ដូចគ្នាទៅនឹងពណ៌តំណាងរបស់ក្រុមហ៊ុន ជីប ម៉ុង។

ក្រុមហ៊ុន ជីប ម៉ុង បានបើករោងចក្រ សម្រាប់ផលិតផលក្នុងស្រុកពិតជារឿងល្អ មោទនភាពជាតិ ព្រោះជួយសេដ្ឋកិច្ចក្នុងស្រុក ជួយឲ្យកូនខ្មែរមានការងារធ្វើច្រើន ហើយផលិតផលក្នុងស្រុកនោះហើយគឺប្រជាជនក្នុងស្រុក ប្រើប្រាស់មិនយកទំនិញនាំចូល។ Chip Mong Food & Beverages ដើម្បីផ្គត់ផ្គង់ និងជំរុញទីផ្សារផលិតផលខ្មែរឲ្យកាន់រីកដុះដាល ដោយស្របតាមចក្ខុវិស័យ ១០០ ឆ្នាំទៅមុខរបស់ ជីប ម៉ុង៕

អត្ថបទ៖ ឆដា, រូបភាព៖ Chip Mong Group

The post ជីប ម៉ុង គ្រុប ចាយទុន ២៥០ លានដុល្លារ សាងសង់រោងចក្រផលិតអាហារ និងភេសជ្ជៈ នៅខណ្ឌដង្កោ រាជធានីភ្នំពេញ appeared first on Millions times.

មកមើលភាពទាន់សម័យរបស់ស្ថាបនិក ជីប ម៉ុង លោកអ្នកឧកញ៉ា ភាព ហៀក ថ្ងៃជប់លៀងក្រុមហ៊ុន

Vin Chang — Mon, 13 Jul 2026 07:36:47 +0000

រូបភាពជាច្រើនរបស់លោកអ្នកឧកញ៉ា ភាព ហៀក ក្នុងកម្មវិធីរបស់ក្រុមហ៊ុនប៉ុន្មានថ្ងៃមកនេះ ឃើញថាការស្ថាបនិក ជីប ម៉ុង ពិតជានៅតែរឹងមាំ និងស្វាហាប់ដដែល បើទោះជាមានវ័យជ្រេបន្តិចហើយក៏ដោយ។

តាមដានជាមួយយើង៖ Million Times

ក្នុងថ្ងៃវេទិកា «ដៃគូពាណិជ្ជកម្ម ជីប ម៉ុង» ដ៏ធំប្រចាំឆ្នាំ ២០២៦ ដែលរៀបចំឡើងនៅមជ្ឈមណ្ឌលសន្និបាត និងពិព័រណ៍អន្តរជាតិ អូស៊ីអាយស៊ី ដែលជាកម្មវិធីផ្សារភ្ជាប់ជាមួយដៃគូទូទាំងប្រទេសឲ្យកាន់តែមានភាពរឹងមាំ លោកអ្នកឧកញ៉ា ភាព ហៀក បានគ្រងឈុតពណ៌លឿង បង្ហាញភាពឆើតឆាយ។

ស្ថាបនិក ជីប ម៉ុង គ្រុប បានគ្រងឈុតប្រេន Jenny Packham Ilana crystal-embellished gown តម្លៃជាង ៣ ៧០០ ដុល្លារ។ រូបភាពដ៏លេចធ្លោរបស់លោកអ្នកឧកញ៉ា ភាព ហៀក ក្នុងឈុតដ៏ប្រណីតនោះ ធ្វើឲ្យគេឯងចាប់អារម្មណ៍ទាំងសម្លៀកបំពាក់ និងគ្រឿងអលង្ការភ្លឺ ផ្លេក ចែងចាំង ទាក់ចិត្តអ្នកចូលរួមគ្រប់គ្នា។

បើទោះជាមានវ័យចំណាស់ហើយក៏ដោយ លោកអ្នកឧកញ៉ា ភាព ហៀក មិនដែលគេចផុតពីការចាប់អារម្មណ៍។ ក្រៅពីឈុតប្រេន Jenny Packham លោកអ្នកឧកញ៉ា ភាព ហៀក ក៏មានឈុតច្រើនទៀតផ្លាស់ប្ដូរ ហើយចូលរួមក្នុងកម្មវិធីដោយទឹកមុខសប្បាយរីករាយ

នោះក៏ព្រោះតែ ស្ថាបនិក ជីប ម៉ុង រូបនេះមានសុខភាពល្អ ធ្វើឲ្យរាងកាយអាចចូលរួមសប្បាយជាមួយកូនចៅប្រុសស្រី ព្រមទាំងដៃគូសហការជាច្រើនពាន់នាក់ផងដែរ៕

អត្ថបទ៖ ឆដា, រូបភាព៖ Khmer Beverages

The post មកមើលភាពទាន់សម័យរបស់ស្ថាបនិក ជីប ម៉ុង លោកអ្នកឧកញ៉ា ភាព ហៀក ថ្ងៃជប់លៀងក្រុមហ៊ុន appeared first on Millions times.

កូនចៅប្រុសស្រីនៃសម្ព័ន្ធ ជីប ម៉ុង មកកម្មវិធី «ជួបជុំមហាគ្រួសារជីបម៉ុង» ដ៏ធំប្រចាំឆ្នាំទាំងអស់គ្នា

Vin Chang — Fri, 10 Jul 2026 09:48:04 +0000

នៅថ្ងៃនេះ ជីប ម៉ុង គ្រុប បានរៀបចំវេទិកា «ដៃគូពាណិជ្ជកម្ម ជីប ម៉ុង» ដ៏ធំប្រចាំឆ្នាំ ដោយមានទាំងមេធំរបស់ ជីប ម៉ុង គ្រុប គឺលោកអ្នកឧកញ៉ា ភាព ហៀក កូនចៅប្រុសស្រីទាំងអស់។

តាមដានជាមួយយើង៖ Million Times

ជីប ម៉ុង គ្រុប តែងតែរៀបចំកម្មវិធីជួបជុំបុគ្គលិក និងដៃគូសហការជារៀងរាល់ឆ្នាំ ហើយតែងតែមានការសម្ដែងពិសេសៗពីសំណាក់កូនចៅរបស់លោកអ្នកឧកញ៉ា ភាព ហៀក ព្រមទាំងការថ្លែងសុន្ទរកថា។

ក្នុងការជួបជុំធំនេះ លោកអ្នកឧកញ៉ា ភាព ហៀក និងកូនចៅប្រុសស្រីទាំងអស់បានស្លៀកពាក់ខ្មៅ ដែលជានិមិត្តរបស់ក្រុមហ៊ុន។ ម្នាក់ៗពិតជាស្រស់ស្អាត និងមានទឹកមុខញញឹមញញែមគ្រប់គ្នា។

ទិដ្ឋភាពទាំងមូលនៃកម្មវិធី «ជួបជុំមហាគ្រួសារជីបម៉ុង» ដែលមានការចូលរួមពីថ្នាក់ដឹកនាំទាំងអស់ និង បុគ្គលិកគ្រប់ជាន់ថ្នាក់ ពិតជាអធិកអធម និងប្រកបទៅដោយភាពសប្បាយរីករាយ។ មិនតែប៉ុណ្ណោះ ការដែលបានធ្វើដំណើររួមគ្នាយ៉ាងយូរ៕

អត្ថបទ៖ ឆដា, រូបភាព៖ Chip Mong Group

The post កូនចៅប្រុសស្រីនៃសម្ព័ន្ធ ជីប ម៉ុង មកកម្មវិធី «ជួបជុំមហាគ្រួសារជីបម៉ុង» ដ៏ធំប្រចាំឆ្នាំទាំងអស់គ្នា appeared first on Millions times.

លោកអ្នកឧកញ៉ា ភាព ហៀក តែងតែផ្ដល់ភាពកក់ក្ដៅដល់កូន ហើយថ្មីៗនេះបង្ហាញរូបជុំកូនស្រីទាំង ២

Vin Chang — Mon, 06 Jul 2026 08:30:17 +0000

រូបភាពកម្ររបស់ស្ថាបនិក ជីប ម៉ុង គ្រុប គឺលោកអ្នកឧកញ៉ា ភាព ហៀកថតរូបជាលក្ខណៈជុំគ្នាគ្រួសារជាមួយកូនស្រីទាំង ២ ដែលជាត្រួយបណ្ដូលចិត្តរបស់លោកតែម្ដង។

តាមដានជាមួយយើង៖ Million Times

ស្ថាបនិក ជីប ម៉ុង គ្រុប គឺលោកអ្នកឧកញ៉ា ភាព ហៀក បានថតរូបជាអនុស្សាវរីយ៍ជាមួយលោកស្រី លី សុខឆេង នាយិកាក្រុមហ៊ុន ជីប ម៉ុង រីថែល និងកូនស្រីពៅ លី សុខចេង ជាអ្នកកាន់កាប់អាជីវកម្មក្នុងជីប ម៉ុង ឲ្យរឹងមាំ ព្រមទាំងកូនប្រសាប្រុស និងចៅប្រុសស្រីជាច្រើននាក់។

អ្នកឧកញ៉ា ភាព ហៀក បើទោះជាមមាញឹកនឹងការងារយ៉ាងណាក៏មិនភ្លេចឡើយ រូបភាពជុំគ្រួសារជាមួយកូនស្រីៗ។ ក្នុងពេលថតរូបជុំគ្រួសារ អ្នកឧកញ៉ា ភាព ហៀក បានជ្រើសរើស Hermès ដ៏សមសួន សមនឹងដងខ្លួនតែម្ដង។

ឈុត Hermès Palefroi Remix Print Dress ពណ៌សលាយ លឿង និងទឹកប្រាក់ តម្លៃជាង ៧ ០០០ ដុល្លារ។ បើទោះជាមានវ័យជិត ៨០ ឆ្នាំរូបនេះ ជាស្ត្រីទាន់សម័យ ហើយក៏ពូកែក្នុងការលេង Fashion មិនចាញ់កូនស្រីៗ និងកូនប្រសាស្រីឡើយ។

បើទោះជាមានវ័យច្រើនក៏ពិតមែន តែសុខភាព និងរូបរាងកាយមាំមួនរបស់លោកអ្នកឧកញ៉ា ភាព ហៀក ធ្វើឲ្យមើលទៅមិនសមវ័យ។ គួរបញ្ជាក់ថា ស្ថាបនិក ជីប ម៉ុង គ្រុប រូបនេះស្រលាញ់កូនចៅណាស់ នៅពេលជួបជុំកម្មវិធីគ្រួសារ និងកម្មវិធីក្រុមហ៊ុន តែងតែឱបថើបកូនចៅគ្រប់ៗគ្នា៕

អត្ថបទ៖ ឆដា, រូបភាព៖ One Memory

The post លោកអ្នកឧកញ៉ា ភាព ហៀក តែងតែផ្ដល់ភាពកក់ក្ដៅដល់កូន ហើយថ្មីៗនេះបង្ហាញរូបជុំកូនស្រីទាំង ២ appeared first on Millions times.

លោកអ្នកឧកញ៉ា ភាព ហៀក នៅតែស្វាហាប់ សុខភាពរឹងមាំ ទឹកមុខស្រស់ថ្លា

Vin Chang — Wed, 24 Jun 2026 10:14:47 +0000

ស្ថាបនិកក្រុមហ៊ុន ជីប ម៉ុង លោកអ្នកឧកញ៉ា ភាព ហៀក កាលពីពេលថ្មីៗនេះបានបង្ហាញវត្តមានចូលរួមបើកសម្ពោធមជ្ឈមណ្ឌលកីឡា The Top Sport Center 271 ដ៏ធំជាងគេនៅកណ្ដាលភ្នំពេញ ក្នុងដំណើរស្វាហាប់។

តាមដានជាមួយយើង៖ Million Times

នៅថ្ងៃ២០ ខែមិថុនា ឆ្នាំ២០៦ លោកអ្នកឧកញ៉ា ភាព ហៀក បានកាត់ខ្សែបូសម្ពោធមជ្ឈមណ្ឌលកីឡា The Top Sport Center 271 ជាមួយកូនចៅនៃ ជីប ម៉ុង គ្រុប ទាំងអស់គ្នា។ អ្នកចូលរួមបានសម្ដែងការភ្ញាក់ផ្អើលពេលឃើញស្ថាបនិកក្រុមហ៊ុន ជីប ម៉ុង រូបនេះ ព្រោះទោះជាមានវ័យចំណាស់ទៅហើយ តែលោកអ្នកឧកញ៉ា ភាព ហៀក នៅតែរឹងមាំ និងស្រស់ស្រាយ។

នាថ្ងៃនោះ លោកអ្នកឧកញ៉ា ភាព ហៀក បានរៀបចំខ្លួនយ៉ាងសមសួនអាវយឺតតឺនុយក្នុងស និងបន្ថែមអាវក្រៅពណ៌ទឹកប៊ិចត្រូវនឹងពណ៌តំណាង Chip Mong Land ក្នុងទឹកមុខស្រស់ថ្លា រាងកាយមាំមួន ដំណើរស្វាហាប់មើលមិនដឹងសោះថាលោកអ្នកឧកញ៉ា ភាព ហៀក ជាស្ត្រីចំណាស់មានដល់ចៅទួតទៅហើយនោះទេ។

កាន់តែពិសេសលោកអ្នកឧកញ៉ា ភាព ហៀក បានបន្ថែមខ្សែក្រវាត់ Versace ពណ៌ខ្មៅដ៏ប្រណិត មើលទៅស្ថាបនិកក្រុមហ៊ុន ជីប ម៉ុង រូបនេះក្មេងខ្លាំងតែម្ដង។

ស្ថាបនិកក្រុមហ៊ុន ជីប ម៉ុង បានឲ្យដឹងថា ជាប្រចាំតែងតែក្រោកពីព្រលឹមសមាធិ និងធ្វើលំហាត់ប្រាណមិនដែលខកខានឡើយ ដើម្បីថែរក្សាទាំងសុខភាពផ្លូវកាយ សុខភាពផ្លូវចិត្ត៕

អត្ថបទ៖ ឆដា, រូបភាព៖ Chip Mong Land

The post លោកអ្នកឧកញ៉ា ភាព ហៀក នៅតែស្វាហាប់ សុខភាពរឹងមាំ ទឹកមុខស្រស់ថ្លា appeared first on Millions times.

លោកអ្នកឧកញ៉ា ភាព ហៀក និងកូនស្រីបណ្ដូលចិត្តស្លៀកឈុតតែ១ បណ្ដើរគ្នាត្រសងនាថ្ងៃ ៨ មីនា

Vin Chang — Wed, 11 Mar 2026 10:03:45 +0000

កាលពីថ្ងៃ ៨ មីនា ទិវាសិទ្ធិនារីអន្តរជាតិ ក្នុងផ្សារទំនើប Chip Mong 271 សេដ្ឋិនី និងជាស្ថាបនិកក្រុមហ៊ុន ជីប ម៉ុង ព្រមទាំងលោកស្រី លី សុខឆេង ជាកូនពៅនៃគ្រួសារ។

តាមដានជាមួយយើង៖ Million Times

ក្នុងថ្ងៃនោះដែរ ស្ត្រីអ្នកជំនួញទាំងម្ដាយ និងកូន បានស្លៀកពាក់ឈុតដូចគ្នា គឺជាម៉ាក Paul Smith របស់អង់គ្លេស។ សម្លៀកបំពាក់ម៉ាក Paul Smith ដែលធ្វើពីសូត្រពណ៌សយ៉ាងស្រស់ស្អាត រម្យទម និងស័ក្ដិសមជាមួយអភិជនជាន់ខ្ពស់។

ម្ដាយកូន និងជាថ្នាក់ដឹកនាំជាន់ខ្ពស់នៃក្រុមហ៊ុន ជីប ម៉ុង តែងតែធ្វើរឿងដែលកក់ក្ដៅច្រើនរួមគ្នាកន្លងមក ហើយនាថ្ងៃពិសេសនានាក៏បង្ហាញពីរូបភាពគំរូក្នុងក្រុមគ្រួសារឲ្យមហាជនបានឃើញពីក្ដីស្រលាញ់គ្មានអ្វីអាចកាត់ថ្លៃបាន នៃកូនស្រី និងម្ដាយ។

អាវសលាយរូបចម្រុះរបស់ Paul Smith ដែលលោកអ្នកឧកញ៉ា ភាព ហៀក និងលោកស្រី លី សុខឆេង អគ្គនាយិកា នៃក្រុមហ៊ុន ជីប ម៉ុង រីថែល ពាក់មានតម្លៃ ៦៣២ ដុល្លារ។ គួរបញ្ជាក់ថាម្ដាយកូនអ្នកទាំង ២ ឧស្សាហ៍ស្លៀកឈុតស្រដៀងគ្នាមិនថាបុរាណ ឬសម័យ តាមកម្មវិធីមួយចំនួន និងការថតរូបជុំគ្រួសារ៕

អត្ថបទ៖ឆដា,រូបភាព៖ Chip Mong 271 Mega Mall

The post លោកអ្នកឧកញ៉ា ភាព ហៀក និងកូនស្រីបណ្ដូលចិត្តស្លៀកឈុតតែ១ បណ្ដើរគ្នាត្រសងនាថ្ងៃ ៨ មីនា appeared first on Millions times.

ថ្ងៃភ្ជាប់ពាក្យចៅប្រុសម្នាក់ទៀត សេដ្ឋិនី ភាព ហៀក ញញឹមស្រស់ស្រាយពេលកូនចៅមកជួបជុំគ្នា

Vin Chang — Fri, 02 Jan 2026 06:50:13 +0000

ស្ថាបនិកក្រុមហ៊ុន ជីប ម៉ុង គ្រុប លោកអ្នកឧកញ៉ា ភាព ហៀក បានបង្ហាញទឹកមុខស្រស់បំព្រង នាថ្ងៃភ្ជាប់ពាក្យចៅប្រុសឈ្មោះ អ៊ឹង ពិសិដ្ឋ ដែលជាកូនប្រុសរបស់លោកអ្នកឧកញ៉ា លាង ឃុន។

តាមដានជាមួយយើង៖ Million Times

កូនកំលោះ អ៊ឹង ពិសិដ្ឋ និងកូនក្រមុំ សុខ ឡារីតា ពិតជាស្រស់សង្ហា និងស្រស់សោភា ស័ក្តិសមជាគូនឹងគ្នាពិតៗទាំងរូបសម្បត្តិ ចរិយាសម្បត្តិ និងចំណេះដឹង។ អ្នកទាំង ២ បានភ្ជាប់ពាក្យកាលពីថ្ងៃ ២៣ ខែធ្នូ ឆ្នាំ ២០២៥ កន្លងទៅ

ថ្ងៃសិរីសួស្ដី និងជ័យមង្គលក្នុងក្រុមគ្រួសារយ៉ាងសប្បាយរីករាយ ក៏ជាពេលវេលាជួបជុំកូនចៅទាំងអស់គ្នាផងដែរ។ មិនថាជាកូនកំលោះ និងកូនក្រមុំប៉ុណ្ណោះទេ ដែលបានរៀបចំតុបតែងខ្លួនយ៉ាងស្រស់ឆើតឆាយ សូម្បីតែភ្ញៀវដែលចូលរួមក៏សុទ្ធសឹងតែរៀបរយក្នុងស្លៀកបំពាក់បែបប្រពៃណី និងសម័យ។

ក្នុងនាមជាជីដូនម្នាក់ ពិតជារំភើប និងឃើញចៅៗរកឃើញគូគ្រងបានល្អ និងស្រលាញ់ ថែរក្សាគ្នា។ រូបភាព១សន្លឹកដែលមានទាំងកូនប្រុសស្រី និងចៅបង្កើតជាច្រើនឈរជុំអម ស្ថាបនិកក្រុមហ៊ុន ជីប ម៉ុង គ្រុប លោកអ្នកឧកញ៉ា ភាព ហៀក បង្ហាញពីភាពសប្បាយរីករាយ ព្រមទាំងសុភមង្គលក្នុងគ្រួសារធំមួយ។

មិនត្រឹមតែមានភ្ញៀវកិត្តិយសជាអ្នកជំនួញធំៗលំដាប់ប្រទេសប៉ុណ្ណោះទេ អ្នកមុខអ្នកការ មន្រ្តីរាជការជើងចាស់ជាច្រើនរូប ក៏បានបង្ហាញវត្តមានជាចាស់ទុំក្នុងកម្មវិធីនោះផងដែរ៕

អត្ថបទ៖ ឆដា, រូបភាព៖ one memory

The post ថ្ងៃភ្ជាប់ពាក្យចៅប្រុសម្នាក់ទៀត សេដ្ឋិនី ភាព ហៀក ញញឹមស្រស់ស្រាយពេលកូនចៅមកជួបជុំគ្នា appeared first on Millions times.

ថៅកែធំ ជីប ម៉ុង ចុះសួរសុខទុក្ខអ្នករបួសនៅភូមិព្រៃចាន់ និងឧបត្ថម្ភ ១០ លានរៀលមួយគ្រួសារ

Vin Chang — Wed, 19 Nov 2025 09:26:26 +0000

ម្ចាស់អាណាចក្រ ជីប ម៉ុង គឺលោកអ្នកឧកញ៉ា ភាព ហៀក បានចុះទៅមន្ទីរពេទ្យសួរសុខទុក្ខប្រជាជនរងរបួសនៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលត្រូវទាហានថៃបើកការបាញ់ប្រហារ និងឧបត្ថម្ភថវិកាក្នុងមួយគ្រួសារ ១០ លានរៀល។

តាមដានជាមួយយើង៖ Million Times

កាលពីថ្ងៃ ១៨ ខែវិច្ឆិកា ឆ្នាំ ២០២៥ កន្លងទៅលោកអ្នកឧកញ៉ា ភាព ហៀក ស្ថាបនិកក្រុមហ៊ុន ជីប ម៉ុង បានធ្វើដំណើរចុះទៅមន្ទីរពេទ្យកាល់មែត្រ ដើម្បីសាកសួរសុខទុក្ខប្រជាពលរដ្ឋខ្មែរ ដែលរងរបួសដោយសារគ្រាប់កាំភ្លើងរបស់ទាហានថៃបានបើកការបាញ់ប្រហារនាថ្ងៃ ១២ ខែវិច្ឆិកា វេលាម៉ោងប្រមាណ ៣ រសៀលកន្លងទៅ។

កន្លងទៅក្រុមហ៊ុន ជីប ម៉ុង តែងតែចូលរួមការបរិច្ចាគធនធាន ថវិកា និងស្បៀងអាហារជាច្រើន ដល់កងកម្លាំងជួរមុខ និងប្រជាពលរដ្ឋភៀសសឹកជាច្រើន។ ជាក់ស្ដែងកាលចុងខែឧសភា ឆ្នាំ ២០២៥ ស្ថាបនិកក្រុមហ៊ុន ជីប ម៉ុង និងកូនៗដែលជាសហស្ថាបនិកបានចុះដោយផ្ទាល់ នាំថវិកាឧបត្ថម្ភ ៤០ ម៉ឺនដុល្លារ និងភេសជ្ជៈជាច្រើនជូនដល់កងទ័ពជួរមុខ ឈរជើងនៅព្រំដែនខេត្តព្រះវិហារ។

គួរបញ្ជាក់បន្ថែមទៀតថា ក្រុមហ៊ុន ខ្មែរ ប៊ែវើរីជីស ដែលជាបុត្រសម្ព័ន្ធរបស់ ជីប ម៉ុង គ្រុប បានចុះទិញស្រូវផ្ទាល់ៗពីប្រជាកសិករ ៥ ០០០ តោនរៀងរាល់ឆ្នាំ។ សម្រាប់អតិថិជនក៏អាចចូលរួមជួយតាមរយៈផ្សារ ជីប ម៉ុង ស៊ុបភើម៉ាឃីត ចំពោះស្រូវដែលទិញបាន ក្រុមហ៊ុននឹងកិនជាអង្ករ ហើយយកមកចែកចាយលក់នៅតាមបណ្ដាសាខាទាំង ១៥ របស់ផ្សារ ជីប ម៉ុង ស៊ុបភើម៉ាឃីត នៅក្នុងតម្លៃខាត ពោលគឺមិនគិតពីប្រាក់ចំណេញ ធ្វើយ៉ាងណាអាចជួយសម្រាលជីវភាពកសិករ ជាពិសេសលើកស្ទួយកសិផលនៅក្នុងស្រុក៕

អត្ថបទ៖ ឆដា, រូបភាព៖ Chip Mong Group និង Khmer Beverages

The post ថៅកែធំ ជីប ម៉ុង ចុះសួរសុខទុក្ខអ្នករបួសនៅភូមិព្រៃចាន់ និងឧបត្ថម្ភ ១០ លានរៀលមួយគ្រួសារ appeared first on Millions times.

កូនចៅប្រុសស្រីនៃគ្រួសារ ជីប ម៉ុង ជួបជុំគ្នាថ្ងៃខួបកំណើតមហាសេដ្ឋី ភាព ហៀក យ៉ាងសប្បាយរីករាយ

Vin Chang — Sat, 04 Jan 2025 03:49:07 +0000

លោកអ្នកឧកញ៉ា ភាព ហៀក ស្ថាបនិកក្រុមហ៊ុន ជីប ម៉ុង ដែលនរណាៗក៏ដឹងថាជាសេដ្ឋីនីលំដាប់ខ្ពស់បំផុតនៅស្រុកខ្មែរ បានរៀបចំកកម្មវិធីខួបកំណើត និងមានការចូលរួមពីសំណាក់កូនប្រុសស្រី កូនប្រសា និងចៅៗជាច្រើន។

តាមដានជាមួយយើង៖ Million Times

កាលពីថ្ងៃខួបកំណើតរបស់ថៅកែស្រីធំនៃសម្ព័ន្ធ ជីប ម៉ុង ដែលកន្លងទៅថ្មីៗនេះ បានរៀបចំឡើងលក្ខណៈគ្រួសារតែប៉ុណ្ណោះ ហើយកូនប្រុសស្រីទាំងអស់សុទ្ធតែមកចូលរួម។ ក្រៅពីកូនចៅប្រុសស្រីជាទីស្រលាញ់ ក៏មានវត្តមានភ្ញៀវដែលជិតស្និទ្ធជាមួយគ្រួសារ ជីប ម៉ុង ប៉ុន្មានរូបទៀតដែលជាដន្លងនឹងគ្នា ក៨បានចូលរួមអបអរ និងជូនពរដល់សេដ្ឋីនី ភាព ហៀក ផងដែរ។

រូបភាពនៃការជួបជុំក្រុមគ្រួសារធំ ជីប ម៉ុង ពិតជាស្រស់ស្អាត និងកក់ក្ដៅ ដែលបន្សល់នៅស្នាមញញឹមគ្រប់ៗគ្នា។ មិនថាកូនបង្កើត កូនប្រសារ ចៅបង្កើត ឬចៅប្រសា ម្នាក់ៗបានតុបតែងខ្លួនយ៉ាងសមរម្យ ព្រមជាមួយកាដូរមកជូនអ្នកមានគុណ យ៉ាងសប្បាយរីករាយ។

ចំណែកសាមីខ្លួនម្ចាស់កម្មវិធី គឺលោកអ្នកឧកញ៉ា ភាព ហៀក មានទឹកមុខស្រស់ថ្លា មានស្នាមញញឹមជាប់ផ្ទៃមុខជានិច្ច ពេលបានជួបជុំញ៉ាំអាហារជាមួយកូនចៅបែបនេះ។ ថ្ងៃខួបកំណើត លំដាប់សេដ្ឋីនីជួរមុខស្រុកខ្មែររូបនេះ បានស្លៀករ៉ូបពណ៌ទឹកប្រាក់ ដោយមានឌិនត្បូងយ៉ាងច្រើន ហើយលើខ្លួនមានបន្ថែមគ្រឿងអលង្ការភ្លឺចាំងចែង ស័ក្តិសមជាស្រ្តីអ្នកជំនួញធំបំផុតមួយរូប៕

អត្ថបទ៖ មេរ៉ា, រូបភាព៖ One Memory

The post កូនចៅប្រុសស្រីនៃគ្រួសារ ជីប ម៉ុង ជួបជុំគ្នាថ្ងៃខួបកំណើតមហាសេដ្ឋី ភាព ហៀក យ៉ាងសប្បាយរីករាយ appeared first on Millions times.

កំពូលសេដ្ឋីនីស្រុកខ្មែរ ភាព ហៀក ចូលរួមលើកស្ទួយចាប៉ីដងវែង មិនឱ្យសិល្បៈបុរាណបាត់ពីអ្នកជំនាន់ក្រោយ

Vin Chang — Tue, 03 Dec 2024 09:00:20 +0000

ក្រុមហ៊ុន ជីប ម៉ុង គ្រុប បានបង្កើតកម្មវិធី តន្ត្រីចាប៉ីភូមិខ្ញុំ២០២៤ ក្រោមប្រធានបទ “រំឭកដឹងគុណបុព្វការីចាប៉ីដងវែង” ដើម្បីអបអរដល់ខួប៨ ឆ្នាំចាប៉ីដងវែងចូលក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូកាលពីពេលថ្មីៗនេះ។

តាមដានជាមួយយើង៖ Million Times

កម្មវិធីខាងលើនេះដែរធ្វើឡើងនៅផ្សារទំនើប ជីប ម៉ុង និងមានការចូលរួមពីសំណាក់ លោកអ្នកឧកញ៉ា ភាព ហៀក ស្ថាបនិកក្រុមហ៊ុន ជីប ម៉ុង គ្រុបផ្ទាល់ផងដែរ។ ក្នុងឱកាសនោះកំពូលសេដ្ឋីនី រូបនេះ បានអះអាងថាការរៀបចំកម្មវិធីនេះឡើង ដើម្បីជាការដាស់តឿន និងបង្ហាញឱ្យអ្នកជំនាន់ក្រោយបានឃើញ និងស្គាល់មរតកដូនតាខ្មែរ។

ចាប៉ីដងវែង ជាសិល្បៈរបស់ខ្មែរ មានជាយូរយារណាស់មកហើយ។ គ្រប់គ្នាត្រូវតែរក្សា ជួយផ្សព្វផ្សាយ កុំឱ្យបាត់សិល្បៈបុរាណទាំងអស់មិនថាតែចាប៉ីទេ សិល្បៈបុរាណដទៃទៀតក៏ត្រូវតែជួយគាំទ្រដូចគ្នា។ នេះជាកាលលើកឡើងពីសំណាក់អ្នកជំនួញស្រីល្បីរាប់ទសវត្សរ៍ខាងលើ។ ស្រ្តីខ្លាំងក្នុងមុខជំនួញបានស្លៀកពាក់ប្រពៃណីខ្មែរ អាវប៉ាក់ សពត់ហូលបត់ បត់ជើងអង្គុយទស្សនាការសម្ដែងរបស់សិល្បករចាប៊ីដងវែង ក្នុងចំណោមសាមញ្ញជនទូទៅដែរច្រើនកុះករ។

សូមរំលឹកដែរថាក្រុមហ៊ុន ជីប ម៉ុង រីថែល បានប្រមូលផ្តុំអស់ហើយនូវសិល្បៈ និង ស្នាដៃកម្រដើម្បីកូនខ្មែរជំនាន់ក្រោយបានដឹង បានឮ បានស្គាល់ និង បានឃើញ ហើយនឹងនៅតែបន្តស្វែងរកស្នាដៃកម្រដើម្បីចែករំលែកបន្ថែមទៀតសម្រាប់បង្ហាញជូនប្រជាពលរដ្ឋខ្មែរទាំងអស់គ្នា។

កន្លងមកក្រុមហ៊ុន ជីប ម៉ុង រីថែល ក៏ធ្លាប់បានអនុញ្ញាតឲ្យមានការសម្ដែងល្ខោនបាសាក់ អាយ៉ៃ និងកម្មវិធីសិល្បៈបុរាណជាច្រើនទៀត ដើម្បីជាការលើកស្ទួយ និងជាការទាក់ទាញអ្នកទេសចរជាតិ-អន្តរជាតិ៕

អត្ថបទ៖ មេរ៉ា, រូបភាព៖ Chip Mong 271 Mega Mall

The post កំពូលសេដ្ឋីនីស្រុកខ្មែរ ភាព ហៀក ចូលរួមលើកស្ទួយចាប៉ីដងវែង មិនឱ្យសិល្បៈបុរាណបាត់ពីអ្នកជំនាន់ក្រោយ appeared first on Millions times.

លោកអ្នកឧកញ៉ា ភាព ហៀក Archives - Millions times

ជីប ម៉ុង គ្រុប ចាយទុន ២៥០ លានដុល្លារ សាងសង់រោងចក្រផលិតអាហារ និងភេសជ្ជៈ នៅខណ្ឌដង្កោ រាជធានីភ្នំពេញ

មកមើលភាពទាន់សម័យរបស់ស្ថាបនិក ជីប ម៉ុង លោកអ្នកឧកញ៉ា ភាព ហៀក ថ្ងៃជប់លៀងក្រុមហ៊ុន

កូនចៅប្រុសស្រីនៃ​សម្ព័ន្ធ ជីប ម៉ុង មកកម្មវិធី «ជួបជុំមហាគ្រួសារជីបម៉ុង» ដ៏ធំប្រចាំឆ្នាំទាំងអស់គ្នា

លោកអ្នកឧកញ៉ា ភាព ហៀក តែងតែផ្ដល់ភាពកក់ក្ដៅដល់កូន ហើយថ្មីៗនេះបង្ហាញរូបជុំកូនស្រីទាំង ២

លោកអ្នកឧកញ៉ា ភាព ហៀក នៅតែស្វាហាប់ សុខភាពរឹងមាំ ទឹកមុខស្រស់ថ្លា

លោកអ្នកឧកញ៉ា ភាព ហៀក និងកូនស្រីបណ្ដូលចិត្តស្លៀកឈុតតែ១ បណ្ដើរគ្នាត្រសងនាថ្ងៃ ៨ មីនា

ថ្ងៃភ្ជាប់ពាក្យចៅប្រុសម្នាក់ទៀត សេដ្ឋិនី ភាព ហៀក ញញឹមស្រស់ស្រាយពេលកូនចៅមកជួបជុំគ្នា

ថៅកែធំ ជីប ម៉ុង ចុះសួរសុខទុក្ខអ្នករបួសនៅភូមិព្រៃចាន់ និង​ឧបត្ថម្ភ ​​១០ លានរៀលមួយគ្រួសារ

កូនចៅប្រុសស្រីនៃគ្រួសារ ជីប ម៉ុង ជួបជុំគ្នាថ្ងៃខួបកំណើតមហាសេដ្ឋី ភាព ហៀក យ៉ាងសប្បាយរីករាយ

កូនចៅប្រុសស្រីនៃសម្ព័ន្ធ ជីប ម៉ុង មកកម្មវិធី «ជួបជុំមហាគ្រួសារជីបម៉ុង» ដ៏ធំប្រចាំឆ្នាំទាំងអស់គ្នា

ថៅកែធំ ជីប ម៉ុង ចុះសួរសុខទុក្ខអ្នករបួសនៅភូមិព្រៃចាន់ និងឧបត្ថម្ភ ១០ លានរៀលមួយគ្រួសារ