លី ដាលីន Archives - Millions times

នៅពីក្រោយភាពជោគជ័យហាងនំប៉័ង BreadTalk Cambodia លោកស្រី លី ដាលីន មានការតស៊ូបែបនេះ

Vin Chang — Fri, 13 Dec 2024 09:21:58 +0000

BreadTalk ជាហាងនំប៉័ងល្បីឈ្មោះនៅកម្ពុជា ដែលមានច្រើនសាខាខ្លាំងនៅកម្ពុជា ជាមួយរសជាតិឆ្ងាញ់ និងមានអ្នកគាំទ្រខ្លាំងរង់ចាំគាំទ្រផលិតផលជាប្រចាំ។ នៅក្នុងបទសម្ភាសន៍ជាមួយ Prestige ដែលជាម្ចាស់ និងជាអ្នកនាំ franchise មួយនេះចូលកម្ពុជា លោកស្រី លី ដាលីន បានរៀបរាប់ដំណើរដើមទងតាំងពីការសិក្សា រហូតដល់បើកហាង។

តាមដានជាមួយយើង៖ Million Times

និយាយពីអ្នកនាំយកហាងល្បីឈ្មោះនៅទូទាំងអាស៊ីមកកម្ពុជា លោកស្រី លី ដាលីន ដែលកំពុងជោគជ័យមែនទែនលើមុខជំនួញម្ហូបអាហារមួយនេះ។ Chairwoman របស់ក្រុមហ៊ុន Cham & Ly Corporation បានមើលឃើញឱកាសនឹងនាំយកឈ្មោះហាងស្លាកយីហោ BreadTalk ចូលកម្ពុជាមុនគេ។ តើប្រវត្តិនិងការតស៊ូលើការងាររបស់លោកស្រីយ៉ាងណាខ្លះ?

លោកស្រី លី ដាលីន មានឱកាសទៅសិក្សារៀនសូត្រនៅក្រៅប្រទេសតាំងពីក្មេងមកនៅសាកលវិទ្យាល័យ St. John’s University ក្នុងសហរដ្ឋអាមេរិកលើជំនាញ Business។ តែយ៉ាងណាមិញ បើតាមការបញ្ជាក់ផ្ទាល់ពីលោកស្រី ដាលីន អះអាងថានៅសាកលវិទ្យាល័យនោះ លោកស្រីបានផ្ដោតលើការរៀន English as a Second Language (ESL) ជាង Business Management ។

មិនខុសពីអ្នកសិក្សាក្រៅប្រទេសផ្សេងទៀត អ្នកស្រីតែងតែស្វ័យសិក្សាច្រើនជាមួយមិត្តភ័ក្ដិ និងភ្លក់រសជាតិហាងកាហ្វេ តែ ជាច្រើន រហូតជាប់ចិត្តទៅលើហាងកូរ៉េមួយ។ ស្ត្រីអភិជនរូបនេះនិយាយថា តែពពុះដូងនៅទីនោះ គឺមានរសជាតិឆ្ងាញ់ជាងគេបំផុតហើយ។ ដោយសារតែស្គាល់រសជាតិ និងយល់ច្បាស់ពីការធ្វើជំនួញផង ទើបនៅឆ្នាំ ២០០១ ពេលត្រលប់មកកម្ពុជាវិញក៏ចាប់ផ្ដើមរកស៊ីលើវិស័យចំណីអាហារនេះតែម្ដង។ ដោយកាលនោះ ចាប់ផ្ដើមបង្កើតគ្រួសារផង និងធ្វើការផ្ទាល់ខ្លួនបើកមុខជំនួញផង។

ឈានដល់ឆ្នាំ ២០១៤ លោកស្រី ដាលីន ក៏ចាប់ផ្ដើមបើកហាង BreadTalk ដំបូងនៅកម្ពុជាក្នុងរាជធានីភ្នំពេញ ដែលយីហោនេះល្បីខ្លាំងមែនទែននៅសិង្ហបុរី។ បើកដំបូងមានគូប្រជែងច្រើនមែន ប៉ុន្តែអ្វីដែលជា Unique របស់ហាង BreadTalk នៅតែទាក់ចិត្តអតិថិជនបានដដែល។ ដាលីន បានអះអាងថាការធ្វើទីផ្សារ Promotion ជារឿងសំខាន់ និងទាក់ទាញមនុស្សបានច្រើនហើយ តែអ្វីដែលធ្វើឲ្យអតិថិជនមកគាំទ្រមកម្ដងហើយ ចង់មកម្ដងទៀតនោះគឺរសជាតិឆ្ងាញ់ជាប់មាត់តែម្ដង។ ហាងត្រូវតែមានអ្វីថ្មី ប្លែក និងឆ្ងាញ់ៗសម្រាប់អតិថិជន ទើបអាចទាក់ចិត្តពួកគេបាន។ រហូតដល់បច្ចុប្បន្ននេះ BreadTalk បានបើកសាខាច្រើនមែនទែនក្នុងប្រទេសកម្ពុជា។

ហាងរកស៊ីរបស់លោកស្រី ក៏បានជួយដល់កសិផលកម្ពុជាផង ដោយម្ចាស់ហាងខាងលើតែងតែគាំទ្រផលិតផលក្នុងស្រុកជានិច្ច។ ស្ត្រីជំនួញវ័យ ៤៥ ឆ្នាំរូបនេះ បានច្នៃនំជាច្រើនប្រភេទចេញពីកសិផលដាំដោយដៃកូនខ្មែរពិតៗ ដើម្បីជាការជួយមួយផ្នែកនៅវិស័យកសិកម្ម។ រហូតដល់បច្ចុប្បន្ននេះ BreadTalk មាននំជាច្រើនប្រភេទដែលធ្វើឡើងពីកសិផលកូនខ្មែរពិតៗ និងទទួលបានការគាំទ្រខ្លាំងផងដែរ៕

អត្ថបទ៖ មេរ៉ា,រូបភាព៖ FB Ly Daline

The post នៅពីក្រោយភាពជោគជ័យហាងនំប៉័ង BreadTalk Cambodia លោកស្រី លី ដាលីន មានការតស៊ូបែបនេះ appeared first on Millions times.

ថៅកែស្រីហាងនំប៉័ង BreadTalk លី ដាលីន ទាំងស្អាតស៊ីវិល័យ ព្រមទាំងចិត្តបុណ្យ

Vin Chang — Tue, 17 Sep 2024 08:56:55 +0000

ហាងនំប៉័ង BreadTalk លោកស្រី លី ដាលីន ពាណិជ្ជករវ័យក្មេង រូបសម្រស់ស្រស់ស្អាត ដែលជាកូនអភិជនមានឈ្មោះបោះសំឡេងជាយូរមកហើយ។ ថៅកែស្រីដ៏ស្រស់ស្អាតរូបនេះ ក៏ជាមនុស្សមានភាពស្រស់ស្អាតទាំងចិត្ត និងចរិយាសម្បត្តិដូចគ្នា។

តាមដានជាមួយយើង៖ Million Times

លោកស្រី លី ដាលីន ជាមនុស្សស្រីស៊ីវិល័យ ហើយនិងចូលចិត្តធ្វើបុណ្យ ចែកទានដល់អ្នកខ្សត់ខ្សោយជាងខ្លួនដូចគ្នា។ ដូចជាការបរិច្ចាគឈាម ចែកសម្ភារៈសិក្សា និងចំណីអាហារដែលអាចទទួលទានបានជាច្រើនលើកច្រើនសាមកហើយ។ មិនត្រឹមតែធ្វើម្នាក់ឯងឡើយ ជារឿយៗលោកស្រីថៅកែហាងនំប៉័ងដ៏ស្រស់ប្រិមប្រិយ តែងតែកៀរគរសម្បុរធម៌ដទៃ និងបុគ្គលិកឲ្យចូលរួមដូចគ្នា។

បើនិយាយពីជីវិតឯកជនរបស់អភិជន លី ដាលីន វិញឃើញថា ជាមនុស្សចូលចិត្តសម្ភារៈនិយមមិនខុសពីអ្នកមានហាយសូដទៃឡើយ។ តែការស្លៀកពាក់របស់លោកស្រីពិតជាសមរម្យ និងស័ក្ដិសមជាមួយកាលៈទេសៈ និងឋានៈមុខមាត់នៃកម្មវិធីដែលត្រូវចូលរួម។ ចំណែកមិត្តភ័ក្ដិរបស់ថៅកែស្រីរូបនេះ ក៏សុទ្ធសឹងលំដាប់ត្រកូលជាន់ខ្ពស់ និងមានមុខមាត់ក្នុងប្រទេសជាច្រើនរាប់មិនអស់ ពិសេសអ្នកជំនួញៗដូចគ្នា។

បើទោះជាមិនសូវបង្ហាញភាពហ៊ឹកហ៊ាក់ តែកូនស្រីលំដាប់សេដ្ឋី និងជាកូនប្រសាស្រីមន្ត្រីធំម្នាក់នេះតែងប្រើរបស់ល្អទំនើបរហូត មិនមែនធម្មតាៗឡើយ។ ជាក់ស្ដែងរ៉ូបពណ៌ខ្មៅ Costarellos Black Dress មើលទៅធម្មតាៗសោះក៏ស្ទង់ជិត ២០០០ ដុល្លារដែរ ហើយបើរ៉ូបសម៉ាក CICI របស់កូរ៉េវិញក៏ប្រហែលជិត ៣០០ ដុល្លារដែរ។ នេះមិនបានរាប់បញ្ចូលផ្នែកសម្លៀកបំពាក់បែបហូលផាមួងខ្មែរដែលមួយឈុតៗវិញពីចន្លោះ ៥០០ ដុល្លារឡើងទៅក៏មាន។

ចំណែករ៉ូបដែលស្លៀកទៅចូលរួមកម្មវិធីមង្គលការត្រកូលអភិជនដូចគ្នាកាលគ្រាកន្លងទៅមានដូចជាម៉ាក Della Couture 22120 តម្លៃជិត ១០០០ ដុល្លារអាមេរិក៕

រ៉ូបតម្លៃក្បែរ ១០០០ ដុល្លារ

រ៉ូបម៉ាកChello តម្លៃជាង ២០០ ដុល្លារ

រ៉ូបម៉ាក CICI តម្លៃ ៣៦០ ដុល្លារ

រ៉ូបពណ៌ខ្មៅ Costarellos Black Dress តម្លៃជាង ១៨០០ ដុល្លារ

រូបភាព៖ ហ្វេសប៊ុក Ly Dalin

The post ថៅកែស្រីហាងនំប៉័ង BreadTalk លី ដាលីន ទាំងស្អាតស៊ីវិល័យ ព្រមទាំងចិត្តបុណ្យ appeared first on Millions times.

លី ដាលីន Archives - Millions times

នៅពីក្រោយភាពជោគជ័យហាងនំប៉័ង BreadTalk Cambodia លោកស្រី លី ដាលីន មានការតស៊ូបែបនេះ

ថៅកែ​ស្រី​ហាង​នំប៉័ង BreadTalk លី ដាលីន ទាំងស្អាតស៊ីវិល័យ ព្រមទាំងចិត្តបុណ្យ

ថៅកែស្រីហាងនំប៉័ង BreadTalk លី ដាលីន ទាំងស្អាតស៊ីវិល័យ ព្រមទាំងចិត្តបុណ្យ