រថយន្តទំនើប Archives - Millions times

គូរស្នេហ៍តារាចម្រៀង សុភិទិ ដែលជាសេដ្ឋីនីអនឡាញទិញរថយន្តទំនើបលំដាប់អភិជន ២គ្រឿងចូលផ្ទះ!

Vin Chang — Fri, 27 Jun 2025 06:07:53 +0000

ជំនួញអនឡាញកាន់តែកាប់កប់ឡើងៗពីមួយថ្ងៃទៅមួយថ្ងៃ អ្នកជំនួញហាយសូ ឡុង ម៉ានីន តែងតែបង្ហាញនូវសម្ភារៈនិយមរាប់ទាំងពីគ្រឿងអលង្កា និងរថយន្តសេរីទំនើបៗ ដើម្បីបំពេញបំណងប្រាថ្នារបស់ខ្លួនដែលខំប្រឹងរកស៊ីជោគជ័យជំនួញអនឡាញ។

តាមដានជាមួយយើង៖ Million Times

គូរស្នេហ៍តារាចម្រៀង ថុល សុភិទិ គឺអ្នកនាង ឡុង ម៉ានីន ម្ចាស់ប្រេនមាក់ MN បានទិញរថយន្តថ្មី ២គ្រឿងបន្ថែមទៀត សុទ្ធតែសេរីទំនើបៗ ចូលផ្ទះពាក់ឆ្នាំ២០២៥តែម្តង។ មុខជំនួញកាន់តែឡើងស្រើតឡើងៗ ឡុង ម៉ានីន តែងទិញរថយន្តទំនើបៗជិះជាហូរហែរពេលកន្លងទៅ។

រថយន្តលំដាប់អភិជន គូរស្នេហ៍ សុភិទិ ទើបទិញថ្មីៗនេះ គឺ Rolls Royce Cullinan black badge 2024 តម្លៃ ៧៧ម៉ឺនឯណោះ ចំណែកមួយគ្រឿងទៀត គឺមាក់ ឡានស្ព័រ Ferrari ដែលជាឡានលោក សុភិទិ តែងនិយមជិះផងដែរ៕

The post គូរស្នេហ៍តារាចម្រៀង សុភិទិ ដែលជាសេដ្ឋីនីអនឡាញទិញរថយន្តទំនើបលំដាប់អភិជន ២គ្រឿងចូលផ្ទះ! appeared first on Millions times.

អ្នកលក់អនឡាញលំដាប់អភិជន សម្រុកទិញឡានស៊េរីទំនើបៗបង្អួតគ្នា

Vin Chang — Tue, 03 Sep 2024 06:27:27 +0000

អ្នកលក់អនឡាញឥឡូវនេះកំពុងតែវាយលុកបណ្ដាញសង្គម ដោយការបង្អួតសម្ភារៈនិយមផ្សេងៗគ្នាដូចជាឡានស៊េរីទំនើប និងរបស់របរប្រើប្រាស់ គ្រឿងពេជ្រ និងសម្លៀកបំពាក់ថ្លៃៗ ដែលសុទ្ធតែជារបស់ប្រេនលំដាប់ពិភពលោក តម្លៃកប់ក្ដោងតែម្ដង។

ការទិញទំនិញ ពិសេសគ្រឿងសម្អាង និងផលិតផលថែរក្សាសម្រស់ឥឡូវ ភាគច្រើនលើសលប់ទិញតាមរយៈអនញឡាញ។ ដូចនេះហើយមិនចម្លែកទេ អ្នកអនឡាញបច្ចុប្បន្នត្រូវប៉ាន់ខ្លាំង រហូតធ្វើឲ្យអ្នកលក់ដែលមានក្រុមហ៊ុនធំៗ ក្លាយជាអ្នកមានស្ដុកស្ដម្ភក្នុងរយៈពេលខ្លី ហើយថ្មីៗគេសង្កេតឃើញថា កំណើនអ្នកមានៗពីការលក់អនឡាញកាន់តែច្រើនឡើងៗ បង្ហួតលុយពេញៗដៃលើបណ្ដាញសង្គម។

អ្នកខ្លះមានផ្ទះវីឡាធំស្កឹមស្កៃ ភូមិគ្រឹះ ទាំងនៅក្នុងក្រុងភ្នំពេញ និងផ្ទះលំហែនៅខេត្តទេសចរណ៍ថែមទៀតផង។ មិនអស់ត្រឹមនេះឡើយ អ្នកលក់អនឡាញខ្លះមានគោរមងារជាឧកញ៉ា ហើយអ្វីដែលអ្នកប្រើប្រាស់រថយន្តវិញ គឺសុទ្ធតែលំដាប់កំពូលៗ និងទិញបណ្ដាក់គ្នាមួយគ្រឿងហើយមួយគ្រឿងទៀត ដូចអ្នកអនឡាញជាសេដ្ឋីខ្លះ ១ ឆ្នាំ ទិញឡានចូល ២ ៣ គ្រឿង។

សម្រាប់អភិជនដែលជាអ្នកលក់អនឡាញមានឡានតម្រៀបជួរគ្នាពេញមុខផ្ទះនោះ រួមមាន៖

១. សេដ្ឋីនី និងជាឧកញ៉ា អ៊ាន សៀវម៉ី

មានឡានជាច្រើនគ្រឿង ផ្ទះធំទ្រនំខ្ពស់នៅស្រុកខ្មែរួទើបសាងសង់រួចរាល់ថ្មីៗនេះតម្លៃខ្ទង់ ៦ ទៅ ១០ លានដុល្លារ និងមានផ្ទះ ហើយនឹងឡាន Mercedes ប្រទេសអូស្ដ្រាលីផងដែរ។

តាមដានជាមួយយើង៖ Million Times

២. ហាយសូ ទ្រី ដាណា

សេដ្ឋីនីរូបនេះ មានផ្ទះច្រើនកន្លែងរួមទាំងផ្ទះលំហែ ផ្ទះសម្រាក់កូនរស់នៅ និងផ្ទះសម្រាប់រស់នៅជាមួយស្វាមីក្រោយ និងផ្ទះលំហែនៅសៀមរាប។ ចំណែកហាងពេជ្រ ៣ កន្លែង និងក្រុមហ៊ុនផ្សេងៗទៀត ហើយឡានវិញមានទាំងរបស់កូនធំ ឡានផ្ទាល់ខ្លួន ឡានលក្ខណៈគ្រួសារ និងម៉ូតូធំស៊រីខ្ពស់ សម្រាប់ស្វាមី។

៣. ម៉ាដាម ដា

មុនបែកបាក់ជាមួយគូស្នេហ៍ភេទដូចគ្នា ម៉ាដាម ដា មានឡានទំនើបៗដូចជា Lamborghini ពណ៌ទឹកក្រូចឡានបែបគ្រួសារ ឡានក្រុមហ៊ុន ផ្ទះនៅខ្មែរទាំងនៅក្នុងក្រុងភ្នំពេញ និងខេត្តបាត់ដំបង ព្រមទាំងនៅថៃ។ ថ្មីៗនេះដែរសេដ្ឋីនីអនឡាញដ៏ពូកែរូបនេះ ទើបរកឃើញអ្នកស្អំបេះដូងបាន ហើយបានទិញឡាន Jeep ពណ៌លឿង និងកំពុងស្វែងរកវីឡា ទុកសម្រាប់ក្រោយរៀបការ។

៤. ឡុង ម៉ានីន

ត្បិតតែមេម៉ាយក៏ពិតមែន អ្នកនាងមិនបានខ្វះខាតឡើយ បែរជាខំរកស៊ីកាន់តែមានឡើងៗ ក្លាយជាសេដ្ឋីនីហាយសូក្នុងសង្គម ព្រមទាំងរូបសម្រស់កើនទ្វេរដង។ បើនិយាយពីគូស្នេហ៍របស់តារាចម្រៀង ថុល សុភិទិ រូបនេះ ឃើញឧស្សាហ៍ទិញឡាន និងម៉ូតូចូលមកក្នុងផ្ទះវីឡាខ្លួនមែនទែន។ ថ្មីៗនេះ នារីហាយសូរូបនេះទើបទិញឡាន Lamborghini Aventador ពណ៌ទឹកក្រូចមួយគ្រឿងទៀតផងដែរ។

៥. ស្រីណៃ

កាពីចុងឆ្នាំ ២០២៣ អ្នកលក់អនឡាញដ៏ល្បីរូបនេះ បានទិញឡាន BRABUS មួយគ្រឿងឡើងតម្លៃជាង ៧៥ ម៉ឺនដុល្លារ និងមានឡានស៊េរីទំនើប Bentley continental gt speed 2016 មួយគ្រឿងទៀតដែរ តម្លៃជិត ៣០ ម៉ឺនដុល្លារផងដែរ ហើយថ្មីៗនេះ យីអ៊ុនអភិជនរូបនេះឡើងស្រឺតៗទិញបានឡាន MANSORY Carbonado GTS គ្រាន់តែមិនទាន់ដឹកមកដល់តែប៉ុណ្ណោះ។

៦. ឧកញ៉ា ស្រី ណារួម ហៅ ម៉ែរួយ

ឧកញ៉ា ស្រី ណារួម ហៅ ម៉ែរួយ ដែលជាអ្នកលក់អនឡាញបែបសាមញ្ញៗ តែជីវិតពិតមិនសាមញ្ញឡើយ ដោយគ្រាន់តែភូមិគ្រឹះថ្មីថ្មោងតម្លៃប្រហែល ១០ លានដុល្លារទាំងការតុបតែង។ ក្រៅពីមានផ្ទះលំដាប់អភិជនហើយនោះ គ្រួសារហាយសូមួយនេះក៏មានឡានទំនើបច្រើនគ្រឿងផងដែរ។

៧. កំពូលអ្នកលក់អនឡាញចាយរាង ឆេង ស្រីរ័ត្ន ហៅ Loveriya

ឧកញ៉ា ឆេង ស្រីរ័ត្ន ហៅ Loveriya គឺជាកំពូលអ្នកលក់អនឡាញមួយរូបដែរសម្បូរទ្រព្យធន់មានទាំងផ្ទះ ឡាន ផ្ទះលំហែ ខុនដូ ដី ហើយថ្មីៗនេះទើបជប់លៀងគោរមងារយ៉ាងអធឹកអធមទៀតផង។ ម៉េម៉ាយចាយរាង Loveriya ក៏ជានារីទាន់សម័យចូលចិត្តបង្អួតគ្រឿងពេជ្រ និងសម្ភារៈប្រេនៗផងដែរលើបណ្ដាញសង្គម។

៨. អ្នកមានជាន់ថ្មី ផន សុផារី

ប្រមាណ ២ ឆ្នាំចុងក្រោយនេះ កូនស្រីថៅកែល្ខោនដ៏ល្បី ភី សុគន្ធី កាន់តែឡើងខ្ពស់ត្រដែត ដោយផ្លាស់ពីផ្ទះធំ មកនៅវីឡាក្នុងបុរីល្បីឈ្មោះមួយកន្លែង ហើយវីឡានោះទៀតសាតខ្ទង់លានដុល្លារ។ ក្រោយឡើងវីឡាថ្មីៗ អ្នកនាង និងស្វាមីបន្តនាំសមាជិកថ្មីចូលមកក្នុងផ្ទះ នៅគឺឡានទំនើប Lamborghini។ សុផារី ក៏ជាស្រ្តីទាន់សម័យដើរលេងបរទេស ទិញរបស់ប្រេនៗ បង្ហាញគ្រឿងពេជ្រ និងប្រាក់ទាំងខ្ទាស់ៗ បានមកពីការលក់អនឡាញ។

៩. អភិជនវ័យក្មេង តេង ដាណា

អ្នកនាង តេង ដាណា អ្នកលក់ឡេអនឡាញដែលបានស្វាមីវ័យក្មេងដូច សម្បត្តិម ធូរ៉ា និងទើបទទួលបានងារឧកញ៉ាផងដែរនោះ ចាយជីវិតបែបអភិជនខ្លាំងមិនធម្មតាដែរ។ មុនរៀបការអ្នកលក់អនឡាញរូបនេះទិញបានរថយន្ត Rolls-Royce បាត់ទៅហើយ ថ្មីៗនេះទើបទើបតែទិញឡាន Lamborghini Aventador SVJ Roadster ពណ៌បៃតងខ្ចីតម្លៃជិត ១ លានដុល្លារ។ ម្ចាស់ក្រុមហ៊ុន តេង ដាណា ត្រេឌីង ឯ.ក ក៏មានឡានម៉ាក Lamborghini និងរស់នៅជីវិតស្រណុកសុខស្រួលលើវីឡាធំល្វឹងល្វើយ មាសពេជ្រពាក់ជ្រែកខ្លួន៕

The post អ្នកលក់អនឡាញលំដាប់អភិជន សម្រុកទិញឡានស៊េរីទំនើបៗបង្អួតគ្នា appeared first on Millions times.

រថយន្តទំនើបនិងម៉ូតូធំ ៦០០គ្រឿងចូលរួមប្រកួតបង្ហាញនូវកញ្ចប់ផលិតផលទេសចរថ្មី

Vin Chang — Mon, 27 May 2024 01:54:44 +0000

ព្រឹត្តិការណ៍ប្រណាំងរថយន្ត និងម៉ូតូរយៈពេល៣ថ្ងៃ ចាប់ពីថ្ងៃទី២៤-២៦ ខែឧសភា ឆ្នាំ២០២៤ ក្រោមប្រធានបទ «ជំនួបយានយន្ត ជំរុញទេសចរណ៍» នៅបរិវេណអាកាសយានដ្ឋានអន្តរជាតិសៀមរាបចាស់មានរថយន្ត និងម៉ូតូចំនួន៦០០គ្រឿងចូលរួមដោយបានបង្កើតនូវកញ្ចប់ផលិតផលទេសចរណ៍ថ្មីសម្រាប់ទាក់ទាញទាំងទេសចរបរទេស និងទេសចរក្នុងស្រុក។

លោក គុជ បញ្ញាសា រដ្ឋលេខាធិការក្រសួងទេសចរណ៍ បានលើកឡើងថា គ្រប់អាណត្តិរបស់រាជរដ្ឋាភិបាលកម្ពុជា បានចាត់ទុកវិស័យទេសចរណ៍ជាវិស័យដ៏សំខាន់នៅក្នុងការចូលរួមអភិវឌ្ឍសេដ្ឋកិច្ចជាតិ ដោយបានបង្កើតនូវផលិតផលទេសចរណ៍ថ្មីៗជាច្រើន ជាក់ស្តែងព្រឹត្តិការណ៍នៃជំនួបម៉ូតូ និងយានយន្តនេះ បានបង្ហាញអំពីការបង្កើតនូវកញ្ចប់ផលិតផលទេសចរណ៍ថ្មីសម្រាប់ទាក់ទាញទាំងទេសចរបរទេស និងទេសចរក្នុងស្រុក ស្របតាមយុទ្ធសាស្រ្ត “បង្កើន៥ អភិវឌ្ឍ៣” របស់ក្រសួងទេសចរណ៍ និងយុទ្ធនាការផ្សព្វផ្សាយ “ឆ្នាំទស្សនាសៀមរាប ២០២៤”។

តាមដានជាមួយយើង៖ Million Times

លោក សំកុល សុចិត្រា អភិបាលរងខេត្តសៀមរាប បានគូសបញ្ជាក់ថា ព្រឹត្តិការណ៍ជំនួបយានយន្តនេះនឹងជួយជំរុញការផ្សព្វផ្សាយវិស័យទេសចរណ៍កម្ពុជា ហើយក៏ជាឱកាសដ៏ល្អដើម្បីជួយបង្កើននូវការផ្សព្វផ្សាយពីសក្តានុពលទេសចរណ៍ខេត្តសៀមរាប នៅក្នុងដំណាក់កាលនៃការស្តារ និងលើកស្ទួយវិស័យទេសចរណ៍កម្ពុជាក្រោយវិបត្តិកូវីដ-១៩។

ចំណែកលោក ទៀ ស្យាម អនុប្រធានសហព័ន្ធកីឡាយានយន្តកម្ពុជា ក៏បានបញ្ជាក់ដដែរថា ក្រៅពីជួយទាក់ទាញទេសចរ ការរៀបចំព្រឹត្តការណ៍នេះ ក៏មានគោលបំណងចង់ឱ្យអ្នកដែលស្រឡាញ់យានយន្តប្រឹងប្រែងហ្វឹកហ្វឺនខ្លួនឱ្យទៅជាកីឡាករក្នុងទីលាន ជាជាងការលេងនៅលើដងផ្លូវសាធារណៈដែលនាំមកនូវភាពរំខាន និងគ្រោះថ្នាក់ដល់អ្នកដទៃ។

សូមបញ្ជាក់ថា ព្រឹត្តិការណ៍ប្រណាំងរថយន្ត និងម៉ូតូ ទទួលបានការចាប់អារម្មណ៍ និងគាំទ្រពីសាធារណៈជនទូទៅជាច្រើន ដោយមានការចុះឈ្មោះចូលរួមប្រកួតម៉ូតូធំប្រមាណ ៥០០គ្រឿង និងរថយន្តប្រណាំងប្រមាណ ១០០គ្រឿង និងមានអ្នកចូលរួមទស្សនាយ៉ាងច្រើនកុះករសរុបរយៈពេល ៣ថ្ងៃមានចំនួនប្រមាណ ៦៥,០០០នាក់ ក្រៅពីការប្រណាំងរថយន្ត និងម៉ូតូ ក៏មានការតាំងពិព័រណ៍រថយន្ត ការប្រគុំតន្ត្រី ស្តង់ពិព័រណ៍ម្ហូបអាហារ និងកម្មវិធីផ្សេងៗទៀតជាច្រើនផងដែរ៕

អត្ថបទ៖ ផល កុសល រូបភាព៖ ក្រសួងទេសចរណ៍

The post រថយន្តទំនើបនិងម៉ូតូធំ ៦០០គ្រឿងចូលរួមប្រកួតបង្ហាញនូវកញ្ចប់ផលិតផលទេសចរថ្មី appeared first on Millions times.