តាមដានជាមួយយើង៖ Million Times

ផន រឹម អ្នកនាំពាក្យ​ក្រសួង​ខាង​លើ បាន​បញ្ជាក់​ថែម​ទៀត​ថា បញ្ហា​នោះ​កើត​ឡើង​នៅ​ចំណុច PK191+600 ខ្សែ​ដែក​ទិស​ខាង​ជើង ដោយសារ​​​​ស្រុត​ផ្លូវ ខណៈ មក​ទល់​និង​ពេល​នេះ​ក្រុមហ៊ុន រ៉ូយ៉ាល់ រ៉េល វ៉េ បាន​បញ្ជូន​អ្នក​គ្រប់គ្រង​សុវត្ថិភាព​ម្នាក់ និង​ក្រុម​ជួសជុល​ផ្លូវដែក ទៅ​កន្លែង​កើតហេតុ ដើម្បី​ប្រមូល​ប្រេង​ឥន្ធនៈ​ដែល​បាន​កំពប់ និង​ធ្វើ​ការ​ស្ថាបនា ជួសជុល​ផ្លូវ​ឡើង​វិញ។

របាយការណ៍​ពី​កន្លែង​កើត​ហេតុ រថភ្លើង​ដឹក​ប្រេង​មាន ២៤ ទូរ និង​ក្បាល​រថភ្លើង​លេខ ៦៥៣៥ ចេញ​ដំណើរ​ពី​ភ្នំពេញ ទៅ​ស្ថានីយ​បឹងព្រីង ខេត្ត​បាត់ដំបង ហើយ​នៅ​ម៉ោង​ប្រមាណ ៦ ៣០នាទីព្រឹក ថ្ងៃ១៧ ខែ​វិច្ឆិកា ឆ្នាំ ២០២៥ ធ្លាក់​ទូរ​ប្រេង ៣ ទូរ។

ក្រៅ​ពី​មាន​រថយន្ត​បូមប្រេង​ទៅ​ដល់​កន្លែង ដើម្បី​ប្រមូល​ប្រេង​ឥន្ធនៈ​ដែល​កំពប់ ក៏​មាន​រថយន្តស្ទូច ២ គ្រឿង​ត្រូវ​បាន​បញ្ជូន​ទៅ​កាន់​កន្លែង​កើត​ហេតុ មានចម្ងាយប្រមាណ ២០ គីឡូម៉ែត្រ ៕

អត្ថបទ៖ ឆដា, រូបភាព៖ Questioncam

The post ព្រឹកមិញមានហេតុការណ៍រថភ្លើង ក្រឡាប់ខ្ជាក់ប្រេង ៣ ទូ នៅខេត្ត​ពោធិ៍សាត់ appeared first on Millions times.

លោក វ៉ាង វិនពីន ឯកអគ្គរដ្ឋទូតចិនប្រចាំកម្ពុជា នៅព្រឹកថ្ងៃទី១ ខែមេសានេះនៅលើបណ្តាញសង្គម Facebook បានឱ្យដឹងថា មួយកុងតឺន័រ ៗមាន សរសៃអំបោះ នឹងត្រូវបានផ្ទេរបន្ថែមទៀតមកកាន់រាជធានីភ្នំពេញ តាមរយៈការដឹកជញ្ជូនតាមផ្លូវគោក។ លោកបានការកត់សម្គាល់ថា ការដឹកជញ្ជូនដោយរថភ្លើង ដឹកទំនិញខ្នាតធំទី១បាន កាត់បន្ថយរយៈពេល ពាក់កណ្ដាលរហូតដល់ ៦ថ្ងៃ បើធៀបនឹងការដឹកជញ្ជូនតាមផ្លូវសមុទ្របែបប្រពៃណី។

តាមដានជាមួយយើង៖ Million Times

Lancang – Mekong Express plus (ឡានឆាង-មេគង្គអ៊ិចប្រេសបូក) គឺជាសេវាកម្មរថភ្លើងដឹកទំនិញដែលមានគោលបំណងសម្រួលដល់កិច្ចសហប្រតិបត្តិការពាណិជ្ជកម្ម និងសេដ្ឋកិច្ចរវាងប្រទេសចិន និងប្រទេសនៅតាមដងទន្លេមេគង្គ។

សូមជម្រាបថា កិច្ចសហប្រតិបត្តិការ Lancang-Mekong (LMC) គឺជាយន្តការសហប្រតិបត្តិការអនុតំបន់ដែលពាក់ព័ន្ធនឹងប្រទេសចិន កម្ពុជា ឡាវ មីយ៉ាន់ម៉ា ថៃ និងវៀតណាម ដោយផ្តោតលើការតភ្ជាប់ សមត្ថភាពផលិតកម្ម កិច្ចសហប្រតិបត្តិការសេដ្ឋកិច្ចឆ្លងដែន ការគ្រប់គ្រងធនធានទឹក និងកសិកម្ម និងការកាត់បន្ថយភាពក្រីក្រជាដើម។

លើសពីនេះ នៅក្នុងក្របខ័ណ្ឌ LMC គឺបានផ្តោតលើបញ្ហានយោបាយ និងសន្តិសុខ ការអភិវឌ្ឍន៍សេដ្ឋកិច្ច និងនិរន្តរភាព និងការផ្លាស់ប្តូរសង្គម វប្បធម៌ និងប្រជាជន៕

អត្ថបទ៖ សាងតេជៈ រូបភាព៖ លោក វ៉ាង វិនពិន

The post រថភ្លើងដឹកទំនិញខ្នាតធំទី១ ៣២កុងតឺន័រ មានសរសៃអំបោះ ពីទីក្រុងគុនមីញនឹងត្រូវផ្ទេរមកកម្ពុជា appeared first on Millions times.

ក្រុមហ៊ុន រ៉ូយ៉ាល់ រេលវេ ដាក់ដំណើរការតេសសាកល្បងនូវទូរថភ្លើងជប៉ុន Kiha 182-183 ចាប់ពីថ្ងៃសៅរ៍ ទី២៨ ខែកញ្ញា នឹងធ្វើដំណើរពីភ្នំពេញ – កំពង់ឆ្នាំង ( រមាស ) ភ្នំពេញ – ពោធិ៍សាត់ ភ្នំពេញ – មោង ភ្នំពេញ – បាត់ដំបង។ ថ្ងៃច័ន្ទទី៣០ ខែកញ្ញា នឹងធ្វើដំណើរពីភ្នំពេញ – ព្រះសីហនុ ភ្នំពេញ – កំពត ភ្នំពេញ – កែប ភ្នំពេញ – តាកែវ។

តាមដានជាមួយយើង៖ Million Times

ថ្ងៃអង្គារ ទី១ ខែតុលា នឹងធ្វើដំណើរពី ភ្នំពេញ – កំពង់ឆ្នាំង ( រមាស ) ភ្នំពេញ – ពោធិ៍សាត់ ភ្នំពេញ – មោង ភ្នំពេញ – បាត់ដំបង។ ថ្ងៃពុធ ទី២ ខែតុលា នឹងធ្វើដំណើរពី ភ្នំពេញ – ព្រះសីហនុ ភ្នំពេញ – កំពត ភ្នំពេញ – កែប ភ្នំពេញ – តាកែវ។

ក្រុមហ៊ុន រ៉ូយ៉ាល់ រេលវេ របស់លោកសេដ្ឋី គិត ម៉េង បានបញ្ជាក់ផងដែរថា ការដំណើរការដឹកអ្នកដំណើសាកល្បងទាំង៤ថ្ងៃនេះ តម្លៃសំបុត្ររថភ្លើង នឹងរក្សាតម្លៃដើម មិនមានការផ្លាស់ប្តូរ ឬដំឡើងតម្លៃសំបុត្រឡើយ។

ជាមួយគ្នានេះ ក្រុមហ៊ុនសូមអតិថិជនទាំងអស់មកទទួលយកបទពិសោធន៍ថ្មី ជាមួយការធ្វើដំណើរតាមរយៈទូរថភ្លើងជប៉ុនទៅកាន់ស្រុកកំណើត និងដំណើរកំសាន្តនានាក្នុងពិធីបុណ្យភ្ជុំបិណ្ឌប្រពៃណីខ្មែរខាងមុខនេះ៕

អត្ថបទ៖ ផល កុសល រូបភាព៖ រ៉ូយ៉ាល់ រេលវេ

The post តស់ជិះទៅស្រុកកំណើត! សេដ្ឋី គិត ម៉េង ដាក់ដំណើរការរថភ្លើងទិញពីជប៉ុនរយៈពេល ៤ថ្ងៃ appeared first on Millions times.

ក្រសួងសាធារណការ និងដឹកជញ្ជូន បានឲ្យដឹងថា រថភ្លើង Kiha-183 ចំនួន២ទូចុងក្រោយ ដែលទើបកែកុនរួចលើប្រព័ន្ធជើងក្រោម និងបរិក្ខារសម្រាប់ដឹកអ្នកដំណើរ បានបើកបរធ្វើតេស្តសាកល្បងលើផ្លូវដែកភាគខាងត្បូង ព្រះសីហនុ-ភ្នំពេញ នៅព្រឹកថ្ងៃពុធ ទី២៦ ខែមិថុនានេះដោយជោគជ័យ បន្ទាប់ពីការតេស្តចំនួន៩គ្រឿងរួចមកហើយ។

តាមដានជាមួយយើង៖ Million Times

បើតាមក្រសួងសាធារណការ ក្រុមការងារបច្ចេកទេសនាយកដ្ឋានផ្លូវដែក បានយកចិត្តទុកដាក់ចុះពិនិត្យ តាមដានជាប្រចាំលើដំណើរការបើកតេស្តសាកល្បង បន្ទាប់ពីកែសម្រួលប្រព័ន្ធហ្វ្រាំង និងទទឹងកង់ពី ១០៦៧ មិល្លីម៉ែត្រ (ស្តង់ដារផ្លូវដែកជប៉ុន) មក១០០០មិល្លីម៉ែត្រ (ស្តង់ដារផ្លូវដែកកម្ពុជា)។

គួររំលឹកថា រថភ្លើង Kiha-183 ប្រភេទ DMU (Diesel Multiple Unit) ចំនួន ៩គ្រឿងហើយ បានបើកបរតេស្តសាកល្បងទាំងផ្លូវដែកភាគខាងត្បូង(ព្រះសីហនុ-ភ្នំពេញ) និងភាគខាងជើង(ភ្នំពេញ-មានក-ខេត្តកំពង់ឆ្នាំង) ប្រកបដោយជោគជ័យជាបន្តបន្ទាប់។ ការបើកបរធ្វើតេស្តសាកល្បងលើផ្លូវដែកភាគខាងត្បូង (ភ្នំពេញ-ព្រះសីហនុ) ក្នុងល្បឿនចន្លោះ៥០-៨០km/h និងផ្លូវដែកភាគខាងជើង (ភ្នំពេញ-មានក) ចន្លោះ

ពី៣០-៥០km/h។

ក្រសួងបានបញ្ជាក់ថា ក្រុមការងារបានពិនិត្យ និងសិក្សារួមគ្នាលើដំណើរការកែប្រព័ន្ធជើងក្រោម ទ្វារចេញ-ចូល ម៉ាស៊ីនត្រជាក់ច្រកទ្វារសុវត្ថិភាព សម្ភារបរិក្ខារ និងការងារផ្សេងៗទៀត ដើម្បីប្រាកថាមានសុវត្ថិភាពខ្ពស់សម្រាប់ដឹកជញ្ជូនអ្នកដំណើរ មុននឹងសម្រេចដាក់ឱ្យដំណើរការជាផ្លូវការនាពេលឆាប់ៗដ៏ខ្លីខាងមុខនេះ៕

អត្ថបទ៖ ផល កុសល រូបភាព៖ ក្រសួងសាធារណការ

The post រថភ្លើង១ទឹកដែលទិញពីជប៉ុន ១១គ្រឿងបើកតេស្តសាកល្បងលើផ្លូវដែកដោយជោគជ័យ appeared first on Millions times.

ការតេស្តបើកបករសាកល្បងនេះ បន្ទាប់ពីទូររថភ្លើងដូចគ្នាចំនួន ៤គ្រឿងរួចមកហើយ កាលពីពេលថ្មីៗនេះ បានធ្វើតេស្តបើកបរសាកល្បងដោយជោគជ័យ ទាំងលើផ្លូវភាគខាងត្បូង និងភាគខាងជើង។ ក្រសួងសាធារណការ និង ដឹកជញ្ជូន បានឲ្យដឹងថា ការបើកបរសាកល្បងគឺធ្វើឡើងពីរាជធានីភ្នំពេញ ទៅកាន់ខេត្តព្រះសីហនុ ក្នុងល្បឿនចម្លោះពី៥០ ទៅ៨០គីឡូម៉ែត្រ/ម៉ោង តាមបទដ្ឋានដែលបានកំណត់ ប្រកបដោយជោគជ័យ។

តាមដានជាមួយយើង៖ Million Times

នៅក្នុងការបើកតេស្ដសាកល្បងនេះ ក្រុមការងារក្រសួង និងក្រុមហ៊ុន Royal Railway Cambodia(RRC) បានយកចិត្តទុកដាក់ចុះពិនិត្យតាមដានយ៉ាងយកចិត្តទុកដាក់ បន្ទាប់ពីកែសម្រួលប្រព័ន្ធហ្វ្រាំង និងទទឹងកង់ពី ១ ០៦៧មីលីម៉ែត្រ (ស្តង់ដារផ្លូវដែកជប៉ុន) មក ១០០០មីលីម៉ែត្រ (ស្តង់ដារផ្លូវដែកកម្ពុជា)។

បន្ថែមលើនេះ ក្រុមការងារបច្ចេកទេស​ បានពិនិត្យ និងសិក្សារួមគ្នាលើដំណើរការកង់ ប្រព័ន្ធហ្វ្រាំង ម៉ាស៊ីនត្រជាក់ ច្រកទ្វារសម្រាប់អ្នកដំណើរ ច្រកទ្វារសុវត្ថិភាព សម្ភារបរិក្ខា និងការងារផ្សេងៗទៀត ដើម្បីប្រាកដថា មានសុវត្ថិភាពខ្ពស់ សម្រាប់ដឹកជញ្ជូនអ្នកដំណើរ មុននឹងសម្រេចដាក់ឲ្យដំណើរការជាផ្លូវការ នាពេលដ៏ខ្លីខាងមុខនេះ។

បញ្ជាក់ផងដែរថា ពេលដាក់ដំណើរការជាផ្លូវការ Kiha-183 នឹងត្រូវដាក់ឲ្យរត់ដោយបែកចែកជា ២ ក្នុងនោះរួមមាន៖ ទី១. ផ្លូវរថភ្លើងភាគខាងត្បូង រាជធានីភ្នំពេញ-ខេត្តព្រះសីហនុ អាចរបើកបរបានល្បឿនអតិបរមា ៨០​គីឡូ​ម៉ែត្រ/ម៉ោង និងទី ២. ផ្លូវរថភ្លើងភាគខាងជើង រាជធានីភ្នំពេញ-ក្រុងប៉ោយប៉ែត អាចរបើកបរបានល្បឿនចន្លោះពី ៣០-៥០គីឡូម៉ែត្រ/ម៉ោង៕

អត្ថបទ៖ វីរៈ រូបភាព៖ ក្រសួងសាធារណការ

The post បើកបរសាកល្បងទូររថភ្លើងទិញពីជប៉ុន ៥គ្រឿងទៀត មុនដាក់ដំណើរការដឹកអ្នកដំណើរឆាប់ៗនេះ   appeared first on Millions times.

កាលពីព្រឹកថ្ងៃទី ១២ ខែមិថុនានេះ ក្រុមហ៊ុន Royal Railway Cambodia បានបន្តតេស្ដបើកបររថភ្លើង Kiha-183 ប្រភេទ DMU (Diesel Multiple Unit) ចំនួន ៤គ្រឿង លើផ្លូវដែកភាគខាងជើង (ភ្នំពេញ-មានក-ខេត្តកំពង់ឆ្នាំង) ចម្ងាយផ្លូវជាង ៥៥គីឡូម៉ែត្រ ប្រកបដោយជោគជ័យ បន្ទាប់ពីការបើកបរសាកល្បងលើកទី ១ លើផ្លូវដែកភាគខាងត្បូង(ព្រះសីហនុ-ភ្នំពេញ) កាលពីថ្ងៃទី ៨ ខែមិថុនា ឆ្នាំ ២០២៤ កន្លងទៅ។ ការបើកសាកល្បងលើកទី ២នេះ បានធ្វើឡើងក្នុងល្បឿនចន្លោះពី ៣០ ទៅ ៥០គីឡូម៉ែត្រ/ម៉ោងពោល គឺតាមបទដ្ឋានដែលបានកំណត់។

តាមដានជាមួយយើង៖ Million Times

ក្រុមហ៊ុន Royal Railway Cambodia បានបញ្ជាក់នៅលើទំព័រហ្វេសប៊ុករបស់ខ្លួនថា ក្រុមហ៊ុនរបស់ខ្លួន កំពុងយកចិត្តទុកដាក់យ៉ាងខ្លាំង លើការធ្វើតេស្តបើកបរសាកល្បងនេះ ដោយផ្តោតជាសំខាន់ទៅលើ​ប្រព័ន្ធសុវត្ថិភាព ដំណើរការកង់ ប្រព័ន្ធហ្វ្រាំង ម៉ាស៊ីនត្រជាក់ ច្រកទ្វារសម្រាប់អ្នកដំណើរ ច្រកទ្វារសុវត្ថិភាព សម្ភារបរិក្ខាផ្សេងៗទៀត ដើម្បីធានាជូនបានថា មានសុវត្ថិភាពខ្ពស់ ព្រមទាំងផាសុកភាពសម្រាប់ដឹកជញ្ជូនអ្នកដំណើរ មុននឹងសម្រេចដាក់ឲ្យដំណើរការជាផ្លូវការនាពេលឆាប់ៗនេះ។

គួរឲ្យដឹងថា នៅពេលដាក់ដំណើរការជាផ្លូវការ Kiha-183 នឹងត្រូវដាក់ឲ្យរត់ដោយជាពីរខ្សែ ក្នុងនោះរួមមាន៖ ១. ខ្សែផ្លូវរថភ្លើងភាគខាងត្បូងភ្នំពេញ-ព្រះសីហនុ តម្រូវឲ្យរត់ក្នុងល្បឿន ៨០គីឡូម៉ែត្រ/ម៉ោង និង ២. ខ្សែផ្លូវរថភ្លើងភាគខាងជើង ភ្នំពេញ-ប៉ោយប៉ែត តម្រូវឲ្យរត់ក្នុងល្បឿនចន្លោះពី ៣០ ទៅ ៥០គីឡូម៉ែត្រ/ម៉ោង៕

អត្ថបទ៖ វីរៈ រូបភាព៖ ក្រុមហ៊ុន Royal Railway Cambodia

The post Royal Railway បន្តតេស្តបើកបររថភ្លើងទិញពីជប៉ុន ដើម្បីធានាអំពីសុវត្ថិភាព និងផាសុកភាពសម្រាប់ការដឹកអ្នកដំណើរ appeared first on Millions times.

រថភ្លើង ២០គ្រឿងនេះ ត្រូវបានបរិច្ចាគពីក្រុមហ៊ុន EAST JAPAN RAILWAY របស់ជប៉ុន ដែលមានអាយុយ៉ាងហោចណាស់ ១៥ឆ្នាំ។ រថភ្លើងទាំង ២០គ្រឿង គ្រោងនឹងដាក់ឲ្យដំណើរការនៅចុងឆ្នាំ ២០២៤នេះ នៅលើផ្លូវដែកពី Chachoengsao និងទៅអយុធ្យា។

តាមដានជាមួយយើង៖ Million Times

តាមរយៈគណនីហ្វេសប៊ុករបស់ខ្លួន នៅថ្ងៃទី ១១ ខែមិថុនានេះ លោក ផន រឹម អ្នកនាំពាក្យក្រសួងសាធារណការ និងដឹកជញ្ជូន បានឲ្យដឹងថា ប៉ុន្មានថ្ងៃមកនេះ មានការចុះផ្សាយព្រោងព្រាតវត្តមានទូររថភ្លើងជប៉ុន ដែលផ្តល់ជូនប្រទេសថៃ សម្រាប់ដំណើរការរត់លើផ្លូវដែនៅតំបន់ Chachoengsao និង Ayutthaya ប្រទេសថៃ ចុងឆ្នាំ ២០២៤នេះ។ ប្រភពបញ្ជាក់ថា រថភ្លើងនោះ ម៉ាក Kiha-40 និង Kiha-48 ជាប្រភេទDMU(Diesel Multiple Unit)។

តើ Kiha-40 និង Kiha-48 របស់ថៃ និង Kiha-183 របស់កម្ពុជាមានលក្ខណៈដូចម៉េច? បើតាមលោក ផន រឹម រថភ្លើងទាំងនេះ គឺជាម៉ាកតែមួយ និងប្រភេទតែមួយ គ្រាន់តែឆ្នាំផលិតខុសគ្នាប៉ុណ្ណោះ។ លោកលើកឡើងពី Kiha-183 របស់កម្ពុជា ដែលកាលពីព្រឹកថ្ងៃសៅរ៍ទី ៨ ខែមិថុនា ឆ្នាំ ២០២៤កន្លងទៅនេះ ក្រុមការងារបច្ចេកទេសនាយកដ្ឋានផ្លូវដែក នៃក្រសួងសាធារណការ និងដឹកជញ្ជូន បានចុះពិនិត្យ តាមដាន ដំណើរការបើកតេស្តសាកល្បងទូររថភ្លើងប្រភេទ Kiha-183 ចំនួន ៤គ្រឿងលើផ្លូវដែកភាគខាងត្បូង (ព្រះសីហនុ-ភ្នំពេញ) បន្ទាប់ពីកែសម្រួលប្រព័ន្ធហ្វ្រាំង និងទទឹងកង់ពី ១០៦៧មីលីម៉ែត្រ(ស្តង់ដារផ្លូវដែកជប៉ុន) មក ១០០០មីលីម៉ែត្រ(ស្តង់ដារផ្លូវដែកកម្ពុជា)។

ក្រុមហ៊ុន Royal Railway Cambodia(RRC) និងក្រុមការងារបច្ចេកទេសនាយកដ្ឋានផ្លូវដែក ក្រសួងសាធារណការ និងដឹកជញ្ជូន បានពិនិត្យរួមគ្នាលើដំណើរការកង់ ប្រព័ន្ធហ្វ្រាំង និងការងារផ្សេងៗទៀត តាមដំណាក់កាល នៃការរត់លើផ្លូវដែក ដើម្បីប្រាកថាមានសុវត្ថិភាពសម្រាប់ដឹកជញ្ជូនអ្នកដំណើរ មុននឹងដាក់ឲ្យដំណើរការជាផ្លូវការ នាពេលឆាប់ៗខាងមុខនេះ។

បើតាមអ្នកនាំពាក្យដដែល ក្រោយដឹកពីជប៉ុនតាមកប៉ាល់មកដល់កម្ពុជា ក្រុមការងារបច្ចេកទេស និង RRC បានពិនិត្យរួមគ្នាលើការងារកែតម្រូវកង់ និងប្រព័ន្អហ្វ្រាំងរថភ្លើងដឹកអ្នកដំណើរអោយស្របតាមស្តង់ដារផ្លូវដែកកម្ពុជាដើម្បីធានាសុវត្ថិភាព ប្រសិទ្ធភាព និងនិរន្តរភាព។ ពេលដំណើរការជាផ្លូវការ Kiha-183 នឹងត្រូវដាក់ឱ្យរត់ដោយបែកចែកជាពីរក្នុងនោះ៖ ១- ផ្លូវរថភ្លើងភាគខាងត្បូងភ្នំពេញ-ព្រះសីហនុ តម្រូវឲ្យរត់ ៨០km/h ២- ផ្លូវរថភ្លើងភាគខាងជើង ភ្នំពេញ-ប៉ោយប៉ែត តម្រូវឲ្យរត់ចន្លោះពី ៣០-៥០km/h៕

អត្ថបទ៖ វីរៈ រូបភាព៖ ហ្វេសប៊ុកលោក ផន រឹម

The post អ្នកនាំពាក្យ៖ រថភ្លើងកម្ពុជាទិញពីជប៉ុន និងរថភ្លើងជប៉ុនបរិច្ចាគឲ្យថៃ ជាម៉ាកតែមួយ និងប្រភេទតែមួយ appeared first on Millions times.

ក្រសួងសាធារណការ និងដឹកជញ្ជូន បានឲ្យដឹងថា នាព្រឹកថ្ងៃសៅរ៍នេះ ក្រុមការងារបច្ចេកទេសនាយកដ្ឋានផ្លូវដែក នៃក្រសួងសាធារណការ បានចុះពិនិត្យតាមដានការធ្វើតេស្តសាកល្បងរថភ្លើងប្រភេទ Kiha-183 ដែលត្រូវបានកែសម្រួលប្រព័ន្ធហ្វ្រាំង និងទទឹងកង់ពី ១០៦៧ មិល្លីម៉ែត្រ មក១០០០ មិល្លីម៉ែត្រ រួចរាល់ចំនួន ៤គ្រឿង នៅខេត្តព្រះសីហនុ។

តាមដានជាមួយយើង៖ Million Times

ក្រុមហ៊ុន Royal Railway Cambodia បានដាក់ឱ្យបើកសាកល្បងនៅថ្ងៃទី៨ ខែមិថុនា ឆ្នាំ២០២៤ នេះតែម្តង លើផ្លូវដែកភាគខាងត្បូង ព្រះសីហនុ-ភ្នំពេញ ដោយត្រូវពិនិត្យដំណើរការកង់ ប្រព័ន្ធហ្វ្រាំង និងការងារផ្សេងៗទៀតបណ្តើរៗតាមដំណាក់កាល នៃការរត់លើផ្លូវដែក ដើម្បីប្រាកដថាមានសុវត្ថិភាពសម្រាប់ដឹកជញ្ជូនអ្នកដំណើរ មុននឹងដាក់ឱ្យដំណើរការជាផ្លូវការ។

គួរបញ្ជាក់ថា ក្រោយដឹកពីជប៉ុនតាមកប៉ាល់មកដល់កម្ពុជា ក្រុមការងារបច្ចេកទេសនាយកដ្ឋានផ្លូវដែក នៃក្រសួងសាធារណការ និងដឹកជញ្ជូន និងក្រុមហ៊ុន Royal Railway Cambodia បានចុះពិនិត្យរួមគ្នា លើការងារកែតម្រូវកង់ និងប្រព័ន្អហ្វ្រាំងរថភ្លើងដឹកអ្នកដំណើរឱ្យស្របតាមស្តង់ដារផ្លូវដែកកម្ពុជាដើម្បីធានាសុវត្ថិភាព ប្រសិទ្ធភាព និងនិរន្តរភាព។

ចំពោះការដាក់ឱ្យដំណើរការជាផ្លូវការ ក្រុមហ៊ុន RRC នឹងជម្រាបជូននាពេលបន្ទាប់ ដោយត្រូវបែងចែកការបើកបរសម្រាប់អ្នកដំណើរជាពីរ ក្នុងនោះផ្លូវរថភ្លើងភាគខាងត្បូង ភ្នំពេញ-ព្រះសីហនុ តម្រូវឱ្យរត់ ៨០km/h និងសម្រាប់ផ្លូវរថភ្លើងភាគខាងជើង ភ្នំពេញ-ប៉ោយប៉ែត តម្រូវឱ្យរត់ចន្លោះពី ៣០-៥០ km/h៕

The post ក្រុមហ៊ុនលោក គិត ម៉េង បើកបរធ្វើតេស្តសាកល្បងរថភ្លើងមុននឹងដាក់ឱ្យដំណើរការ appeared first on Millions times.

តាមដានជាមួយយើង៖ Million Times

បើតាមក្រសួងសាធារណការ​ ក្រុមហ៊ុន Royal Railway Cambodia បានដាក់ឲ្យបើកសាកល្បង នៅថ្ងៃទី​ ៨ ខែមិថុនា ឆ្នាំ ២០២៤នេះតែម្តង លើផ្លូវដែកភាគខាងត្បូង ព្រះសីហនុ-ភ្នំពេញ ដោយត្រូវពិនិត្យដំណើរការកង់ ប្រព័ន្ធហ្វ្រាំង និងការងារផ្សេងៗទៀតបណ្តើរៗ តាមដំណាក់កាល នៃការរត់លើផ្លូវដែក ដើម្បីប្រាកដថា មានសុវត្ថិភាពសម្រាប់ដឹកជញ្ជូនអ្នកដំណើរ មុននឹងដាក់ឲ្យដំណើរការជាផ្លូវការ។

សូមជម្រាបថា បន្ទាប់ពីដឹកពីជប៉ុនតាមកប៉ាល់មកដល់កម្ពុជា ក្រុមការងារបច្ចេកទេសនាយកដ្ឋានផ្លូវដែក នៃក្រសួងសាធារណការ និងដឹកជញ្ជូន និងក្រុមហ៊ុន Royal Railway Cambodia បានចុះពិនិត្យរួមគ្នា លើការងារកែតម្រូវកង់ និងប្រព័ន្អហ្វ្រាំងរថភ្លើងដឹកអ្នកដំណើរ ឲ្យស្របតាមស្តង់ដារផ្លូវដែកកម្ពុជា ដើម្បីធានាសុវត្ថិភាព ប្រសិទ្ធភាព និងនិរន្តរភាព។

ចំពោះការដាក់ឲ្យដំណើរការជាផ្លូវការ ក្រុមហ៊ុន RRC នឹងជម្រាបជូននាពេលបន្ទាប់ ដោយត្រូវបែងចែកការបើកបរសម្រាប់អ្នកដំណើរជាពីរ។ ក្នុងនោះ ផ្លូវរថភ្លើងភាគខាងត្បូង ភ្នំពេញ-ព្រះសីហនុ តម្រូវឲ្យរត់ ៨០km/h និងសម្រាប់ផ្លូវរថភ្លើងភាគខាងជើង ភ្នំពេញ-ប៉ោយប៉ែត តម្រូវឲ្យរត់ចន្លោះពី ៣០-៥០ km/h៕

អត្ថបទ៖ វីរៈ រូបភាព៖ ក្រសួងសាធារណការ

The post រថភ្លើង Kiha-183 ទិញពីជប៉ុន បើកបរធ្វើសាកល្បងនៅថ្ងៃនេះ ដោយត្រូវពិនិត្យដំណើរការកង់ ប្រព័ន្ធហ្វ្រាំង appeared first on Millions times.

តាមដានជាមួយយើង៖ Million Times

ការផ្ដល់អនុសាសន៍នេះ ធ្វើឡើងនៅក្នុងជំនួបពិភាក្សាការងាររវាងលោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ជាមួយគណៈប្រតិភូក្រុមហ៊ុន Royal Railway Cambodia (RRC) ដឹកនាំដោយលោក John Guiry នាយកប្រតិបត្តិក្រុមហ៊ុន កាលពីព្រឹកថ្ងៃទី ២៩ ខែឧសភានេះ។

នៅក្នុងជំនួបនេះ ត្រូវបានរៀបចំឡើងដើម្បីផ្តល់ឱកាសឲ្យក្រុមហ៊ុន RRC ធ្វើបទបង្ហាញអំពីទិដ្ឋភាពទូទៅ និងស្ថានភាពបច្ចុប្បន្ន និងលក្ខណៈបច្ចេកទេសរបស់ទូរថភ្លើង។ បន្ទាប់ពីបានស្តាប់ការធ្វើបទបង្ហាញរបស់ក្រុមហ៊ុន RRC លោករដ្ឋមន្ត្រី បានផ្តល់អនុសាសន៍ឲ្យក្រុមហ៊ុន ត្រូវយកចិត្តទុកដាក់ខ្ពស់ក្នុងការធានានូវសុវត្ថិភាព និងផាសុកភាពរបស់អ្នកដំណើរ នៅពេលដែលទូរថភ្លើងដាក់ឲ្យដំណើរការ។

លោករដ្ឋមន្ត្រី បានសង្កត់ធ្ងន់លើការលើកកម្ពស់សុវត្ថិភាព នៃដំណើរប្រតិបត្តិការប្រចាំថ្ងៃរបស់ក្រុមហ៊ុន ទាំងការផ្សព្វផ្សាយបញ្ជ្រាបការយល់ដឹងដល់សាធារណជន ការបណ្តុះបណ្តាលអ្នកបើកបរ ការបំពាក់ផ្លាកសញ្ញា និងរបារសុវត្ថិភាព ជាពិសេសនៅត្រង់ចំណុចប្រសព្វជាមួយផ្លូវថ្នល់ និងតំបន់ទីប្រជុំជនដែលមានចរាចរណ៍មមាញឹក ដើម្បីទប់ស្កាត់គ្រោះថ្នាក់ ដែលអាចកើតមានជាយថាហេតុឲ្យអស់ពីលទ្ធភាព និងសមត្ថភាពដែលអាចធ្វើបាន។

ក្រុមហ៊ុន Royal Railway Cambodia របស់អ្នកឧកញ៉ា គិត ម៉េង បានទិញក្បាលម៉ាស៊ីនរថភ្លើង​ល្បឿនលឿន​ចំនួន ១១​គ្រឿងពីប្រទេសជប៉ុន ​ហើយបានដឹកមកដល់ប្រទេសកម្ពុជា កាលពីថ្ងៃទី ២៧ ខែមេសា ឆ្នាំ ២០២៤កន្លងទៅនេះ។ ទូរថភ្លើងដែលបានបញ្ជាទិញពីប្រទេសជប៉ុនទាំង ១១គ្រឿងនេះ ជាប្រភេទ Kiha 182-183 ហើយបើតាមក្រុមហ៊ុន ទូរថភ្លើងទាំងនោះ ត្រូវបានឲ្យដំណើរការនាពេលឆាប់ៗ ខាងមុខនេះ៕

អត្ថបទ៖ វីរៈ រូបភាព៖ ក្រុមហ៊ុន Royal Railway Cambodia​

The post លោក ប៉េង ពោធិ៍នា ឲ្យក្រុមហ៊ុន Royal Railway យកចិត្តទុកដាក់សុវត្ថិភាព និងផាសុកភាពអ្នកដំណើរពេលដំណើរការទូរថភ្លើងបញ្ជាទិញពីជប៉ុន appeared first on Millions times.