តាមដានជាមួយយើង៖ Million Times

ដើម្បីចូលរួមអបអរសាទរពិធីបុណ្យចូលឆ្នាំខ្មែរ និងដើម្បីចូលរួមថែរក្សាការពារទំនៀមទម្លាប់ប្រពៃណី វប្បធម៌ដ៏ល្អផូរផង់របស់ជាតិ ពិសេសបង្ហាញពីការដឹងគុណយ៉ាងជ្រាលជ្រៅ និងផ្សារភ្ជាប់ពិធីបុណ្យចូលឆ្នាំជាមួយវីរកងកម្លាំងជួរមុខ និងជនភៀសសឹក រដ្ឋបាលរាជធានីភ្នំពេញ សហការជាមួយសហភាព សហព័ន្ធយុវជនកម្ពុជា (ស.ស.យ.ក.) រៀបចំព្រឹត្តិការណ៍ “នគរសង្ក្រាន្ត រយៈពេល ៦ថ្ងៃ ចាប់ពីថ្ងៃទី១៤ ខែមេសា ដល់ថ្ងៃទី១៩ ខែមេសា ឆ្នាំ២០២៦។

រដ្ឋបាលរាជធានីភ្នំពេញ បានឱ្យដឹងនៅថ្ងៃទី១ ខែមេសានេះថា ព្រឹត្តិការណ៍នេះ រៀបចំនៅរមណីយដ្ឋានវប្បធម៌ប្រវត្តិសាស្ត្រវត្តភ្នំ តំបន់ជុំវិញវត្តភ្នំ បរិវេណសួនច្បារវឌ្ឍនៈ សួនច្បារអតីតទីលានប្រជាធិបតេយ្យ ស្ពាននាគភ្លោះរមណីយដ្ឋានវត្តភ្នំ រហូតដល់ផ្សាររាត្រី ផ្លូវថ្មើរជើងចតុមុខរាជធានី ភ្នំពេញ (Walk Street) និងកម្មវិធីអមនៅបរិវេណបាសាក់លែន (Bassac Lane) និងបរិវេណផ្សារទួលទំពូង។

ព្រឹត្តិការណ៍ “នគរសង្ក្រាន្ត” មានការរៀបចំកម្មវិធីប្រពៃណីសាសនា និងកម្មវិធីមួយចំនួនដូចជា៖ ពិធីទទួលទេវតាឆ្នាំថ្មី ដង្ហែក្បួននគរសង្ក្រាន្ត ដង្ហែព្រះពុទ្ធរូប ពូនភ្នំខ្សាច់ ស្រង់ព្រះ សម្តែងទស្សនីយភាពសិល្បៈវប្បធម៌ជាច្រើនទម្រង់ លេងល្បែងប្រជាប្រិយជាតិ និងការតាំងពិព័រណ៍ផលិតផលក្នុងស្រុក។ ជាមួយគ្នានេះ រដ្ឋបាលរាជធានីភ្នំពេញ នឹងបើកដំណើរការផ្លូវថ្មើរជើងចតុមុខរាជធានីភ្នំពេញ (Walk Street) រយៈពេល ៦ថ្ងៃ ចាប់ពីថ្ងៃទី១៤ ខែមេសា ដល់ថ្ងៃទី១៩ ខែមេសា ឆ្នាំ២០២៦ ផងដែរ។

ក្នុងន័យនេះ រដ្ឋបាលរាជធានីភ្នំពេញ បានអំពាវនាវដល់ប្រជាពលរដ្ឋពីគ្រប់មជ្ឈដ្ឋាន ចូលរួមទស្សនាកម្សាន្តក្នុងព្រឹត្តិការណ៍ “នគរសង្ក្រាន្ត” នៅតាមទីតាំងខាងលើ ឱ្យបានច្រើនកុះករ ក្រោមម្លប់សន្តិភាព ដ៏ត្រជាក់ត្រជំ និងក្រោមស្មារតីសាមគ្គីភាព ឯកភាព និងភាពធន់។

ដើម្បីឱ្យការរៀបចំព្រឹត្តិការណ៍ខាងលើ ប្រព្រឹត្តទៅដោយរលូន រក្សាបាននូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈល្អប្រសើរ ព្រមទាំងបញ្ចៀសបាននូវការកកស្ទះចរាចរណ៍នៅជុំវិញទីតាំង រៀបចំព្រឹត្តិការណ៍ អាជ្ញាធរមានសមត្ថកិច្ច នឹងរៀបចំចំណតយានយន្តសម្រាប់ប្រជាពលរដ្ឋដែលមកចូលរួមកម្សាន្តក្នុងព្រឹត្តិការណ៍នគរសង្ក្រាន្ត ហើយសូមលើកទឹកចិត្តដល់ប្រជាពលរដ្ឋដែលពុំមានការចាំបាច់ អាចធ្វើពង្វាងការធ្វើដំណើរឆ្លងកាត់បរិវេណទីតាំងខាងលើ៕

អត្ថបទ៖ វីរៈ រូបភាព៖ រដ្ឋបាលរាជធានីភ្នំពេញ

second...

x

The post អាជ្ញាធររាជធានីភ្នំពេញ បើកដំណើរការផ្លូវថ្មើរជើង ៦ថ្ងៃក្នុងឱកាសចូលឆ្នាំខ្មែរ appeared first on Millions times.

តាមដានជាមួយយើង៖ Million Times

លោកស្រី បានឱ្យដឹងបន្តថា នៅថ្ងៃនេះ អាជ្ញាធររាជធានីភ្នំពេញ បានអញ្ជើញ​អាជីវករ​ដែលលក់ដូរនៅជុំវិញ​បរិវេណ​ផ្សារ​ដើមគរ​ចាស់ ទៅទស្សនាទីតាំងផ្សារដើមគរថ្មី ដើម្បីផ្លាស់ប្ដូរការប្រកបរបររកស៊ីរបស់ពួកគាត់នៅទីតាំងថ្មី។

នាឱកាសនោះដែរ អាជីវករមួយចំនួន ក៏បាន​​ចាប់​ឆ្នោត​ទទួល​តូប​លក់​ដូរ​នៅ​ទីតាំង​ផ្សារ​ដើមគរ​ថ្មី​ ហើយលោកស្រី ដោ សម្ផស្ស ក៏បានអំពាវនាវដល់អាជីវករផ្សេងទៀត ​ដែល​មិនទាន់​បាន​មកចាប់​ឆ្នោត​ សូម​រួសរាន់មកចាប់ ព្រោះ​ក្រុមហ៊ុន​ផ្សារ​កំពុង​ផ្តល់​អត្ថប្រយោជន៍​សមរម្យ​ជាច្រើន។

ជាមួយគ្នានេះ រដ្ឋបាលរាជធានីភ្នំពេញ បានស្វាគមន៍អាជីវករដែលបានស្ម័គ្រចិត្តមកលក់ដូរនៅផ្សារបោះដុំបន្លែផ្លែឈើ (ផ្សារដើមគរថ្មី) ក្រោមការសម្របសម្រួលពី​រដ្ឋបាលរាជធានីភ្នំពេញ​ ដោយទទួលបានអត្ថប្រយោជន៍ជាច្រើន។

បើតាមអាជ្ញាធររាជធានីភ្នំពេញ អាជីវករ​ដែលបានស្ម័គ្រចិត្តមក​លក់ដូរនៅផ្សារដើមគរថ្មី​ បានបង្ហាញពីចំណាប់អារម្មណ៍វិជ្ជមាន​ និងសម្ដែងការពេញចិត្ត​ចំពោះលក្ខខណ្ឌផ្សេងៗ​ ដែលទទួលបានរួមមាន៖ ការអនុគ្រោះថ្លៃឈ្នួលតូបរយៈពេល ២ឆ្នាំដំបូង​ ដោយពុំមានប្រាក់កក់ ពុំគិតថ្លៃទឹកភ្លើងរយៈពេល ៦ខែដំបូង​ ព្រមទាំងអត្ថប្រយោជន៍ផ្សេងៗជាច្រើនទៀត។

​គូសបញ្ជាក់ថា ​ដើម្បីលើកកម្ពស់សោភ័ណភាព​ហេដ្ឋារចនាសម្ព័ន្ធ​ និងសណ្ដាប់ធ្នាប់របៀបរៀបរយសាធារណៈ​ ចាប់ពីថ្ងៃទី១៨​ ខែមករា​ ឆ្នាំ២០២៦​ខាងមុខនេះតទៅ​ រដ្ឋបាលរាជធានីភ្នំពេញ​ នឹងមិនអនុញ្ញាតឱ្យមានការលក់ដូរឥតសណ្ដាប់ធ្នាប់រំលោភចិញ្ចើមផ្លូវ​ និងទ្រូងផ្លូវសាធារណៈ​ នៅមហាវិថីមុនីរ៉េត​ មហាវិថីម៉ៅសេទុង និងតំបន់ជុំវិញផ្សារដើមគរ​​​ ព្រមទាំងតំបន់ពាក់ព័ន្ធជុំវិញ៕

អត្ថបទ៖ វីរៈ រូបភាព៖ រដ្ឋបាលរាជធានីភ្នំពេញ

second...

x

The post អាជ្ញាធរ ​នឹងមិនអនុញ្ញាតឱ្យលក់ដូរ​លើដងផ្លូវ​ជុំវិញ​ផ្សារ​ដើមគរ​ចាស់ទៀតទេ ចាប់ពីថ្ងៃទី​១៨​ ខែមករាតទៅ   appeared first on Millions times.

តាមដានជាមួយយើង៖ Million Times

លោកស្រី ដោ សម្ផស្ស អ្នកនាំពាក្យរដ្ឋបាលរាជធានីភ្នំពេញ បានឱ្យដឹងនៅល្ងាចថ្ងៃទី២៨​​ ខែធ្នូនេះថា ដើម្បីជំរុញ និងលើកកម្ពស់វិស័យទេសចរណ៍នៅរាជធានីភ្នំពេញ ឱ្យកាន់តែរស់រវើក ស្របពេលដែលពិភពលោកទាំងមូល នឹង​សាទរឆ្នាំថ្មី ឆ្នាំសកល ២០២៦នាពេលខាងមុននេះ រដ្ឋបាលរាជធានីភ្នំពេញ នឹងបើកឱ្យដំណើរការជាធម្មតានូវ “ផ្លូវថ្មើរជើងចតុមុខ” រយៈពេល ៣ថ្ងៃ គឺនៅថ្ងៃទី៣១ ខែធ្នូ ឆ្នាំ២០២៥ និងថ្ងៃទី១-២ ខែមករា ឆ្នាំ ២០២៦។

លោកស្រី បានឱ្យដឹងបន្តថា ការបើកជាធម្មតានូវផ្លូវថ្មើរជើងចតុមុខនេះ ក៏នឹងមានការដាក់តាំងលក់ផលិតផលក្នុងស្រុក ម្ហូបអាហារ និងផ្ទាំងទស្សនីយ៍ភាពសិល្បៈបុរាណ-សម័យចំរុះជាច្រើន។ ប៉ុន្តែមិនមាន​ការ​អុជកាំជ្រួច​គ្រប់​ប្រភេទ​ក្នុង​ថ្ងៃ​ឆ្លង​ឆ្នាំ​ ឆ្នាំនោះទេ។  

បើតាមអ្នកនាំពាក្យដដែល ការបើកឱ្យដំណើរការជាធម្មតានូវផ្លូវថ្មើរជើងចតុមុខនេះ ក៏ដើម្បីចូលរួមអបអរសាទរក្នុងឱកាសដែលរាជធានីភ្នំពេញ ត្រូវបានសារព័ត៌មាន BBC ចាត់ជាគោលដៅទេសចរណ៍ល្អបំផុតមួយក្នុងចំណោមគោលដៅធំៗទាំង ២០ នៅលើពិភពលោកផងដែរ។

គួរឱ្យដឹងថា ផ្លូវថ្មើរជើងចតុមុខ ត្រូវបានរដ្ឋបាលរាជធានីភ្នំពេញ រៀបចំដាក់ឱ្យមានចាប់ពីថ្ងៃទី ១ ខែកុម្ភៈ ឆ្នាំ២០២៥មក ដោយបើកនៅរៀងរាល់ថ្ងៃសៅរ៍ និងថ្ងៃអាទិត្យ ចាប់ពីម៉ោង ១៨ និង០០នាទី រហូតដល់ម៉ោង ២៣ និង០០នាទីយប់ នៅតាមបណ្តោយតីរវិថីព្រះស៊ីសុវត្ថិ ចាប់ពីវិថីបក្សីចាំក្រុង (ផ្លូវលេខ៩៤) រហូតដល់មុខព្រះបរមរាជវាំង ស្ថិតនៅក្នុងខណ្ឌដូនពេញ រាជធានីភ្នំពេញ។

ផ្លូវថ្មើរនេះ ទទួលបានការគាំទ្រ និងពេញនិយមយ៉ាងខ្លាំងពីសំណាក់ប្រជាពលរដ្ឋ និងភ្ញៀវជាតិ-អន្តរជាតិដោយពីមួយសប្តាហ៍ទៅមួយសប្តាហ៍ មានអ្នកទៅលេងកម្សាន្តរាប់ពាន់រហូតដល់ម៉ឺននាក់ឯណោះ៕

អត្ថបទ៖ វីរៈ រូបភាព៖ លោកស្រី ដោ សម្ផស្ស

second...

x

The post ឆ្លងឆ្នាំសកល អាជ្ញាធររាជធានីភ្នំពេញ នឹងបើកឱ្យដំណើរការផ្លូវថ្មើរជើងរយៈពេល ៣ថ្ងៃ appeared first on Millions times.

តាមដានជាមួយយើង៖ Million Times

ផ្លូវ​ថ្មើរ​ជើង (Walk street) តាម​បណ្ដោយ​មាត់​ទន្លេ​ចាប់​ពី​មុខ​ប្រៃសណីយ៍​កម្ពុជា រហូត​ដល់​មុខ​ព្រះបរមរាជវាំង (ផ្លូវ​លេខ​២៤០) នឹង​ដំណើរការ​សាកល្បង​នា​ដើម​ខែ​កុម្ភៈ ដោយ​ដំណើរ​ការ​មួយ​សប្ដាហ៍ ​២ថ្ងៃ​ គឺមាន​ថ្ងៃ​សៅរ៍​ និង​ថ្ងៃ​អាទិត្យ​ ចាប់ពីម៉ោង១៨:០០ ដល់ម៉ោង ២៣:០០។

កិច្ចប្រជុំ​ទាក់ទង​នឹង​គម្រោង​នោះដឹកនាំ​ដោយ​ លោក ឃួង ស្រេង អភិបាល​រាជធានី​ភ្នំពេញ និង​មាន​ការ​ចូលរួម​ពី​តំណាង​ក្រសួង​ទេសចរណ៍ និង​អាជ្ញាធរ​ពាក់ព័ន្ធ​នៅ​សាលា​រាជធានី​ភ្នំពេញ កាលពី​រសៀលថ្ងៃទី២៩ ខែ​មករា ដើម្បី​ពិនិត្យ​វឌ្ឍនភាព​នៃ​ការ​រៀបចំ​ផ្លូវ​ថ្មើរជើង (Walkstreet)។

លោក ឃួង ស្រេង បាន​ឲ្យ​ដឹង​ថា ផ្លូវ​ថ្មើរជើង​នោះ មាន​គម្រោង​ជា​យូរ​មក​ហើយ តាំងពី ឆ្នាំ ២០១៩ មក​ម្ល៉េះ តែ​ដោយសារ​​វិបត្តិ​ជំងឺ​កូវីដ-១៩ ធ្វើ​ឲ្យ​គម្រោង​ផ្អាក​ដំណើរ​ការ​សិន។ បន្ទាប់ពី​មានការ ណែនាំ​របស់​រាជរដ្ឋាភិបាល រដ្ឋបាល​រាជធានី​ភ្នំពេញ បាន​ជំរុញ ការងារ​ឲ្យ​ផ្លូវ​ថ្មើរជើង​នេះ ដំណើរ​ការ​ឡើង​វិញ ដើម្បី​ទាក់ទាញ​ភ្ញៀវ​ទេសចរ​ជាតិ និង​អន្តរជាតិមក​លេង​កម្សាន្ត​ឲ្យ​បាន​ច្រើន។

គម្រោង​ផ្លូវ​ថ្មើរ​ជើង (Walk street) ដំណើរការ នឹង​ត្រូវ​បិទ​ចរាចរណ៍​យាន​ជំនិះ​គ្រប់​ប្រភេទ រៀបចំ​បង្គន់​អនាម័យ និង​ការងារ​រៀបចំ​សណ្ដាប់ធ្នាប់​ការ​លក់ដូរ​នៅ​លើ​តម្រាយ​ផ្លូវ​នោះ​ឲ្យ​បាន​ល្អ។ មុន​​ថ្ងៃ​បើក នា​ថ្ងៃ​១ ខែ​កុម្ភៈ រដ្ឋបាល​រាជធានី​ភ្នំពេញ ត្រូវ​ធ្វើ​ជូន​ដំណឹង ដើម្បី​ណែនាំ​ប្រជាពលរដ្ឋ​រស់នៅ​តំបន់​នោះ ឲ្យ​បាន​យល់​ពី​គម្រោង​ផ្លូវ​ថ្មើរ​ជើង។

អាជ្ញាធរត្រូវរៀបចំសណ្តាប់ធ្នាប់ឲ្យបានល្អ ដោយ​មាន​ការ​ផ្សព្វផ្សាយ​ឲ្យ​បាន​ទូលំទូលាយ កុំ​ឲ្យ​យាន​យន្ត​ចូល ពេល​បើក​ដំណើរការ នៅ​ថ្ងៃ​សៅរ៍ និង​ថ្ងៃអាទិត្យ៕

អត្ថបទ៖ មេរ៉ា, រូបភាព៖ រដ្ឋបាលរាជធានីភ្នំពេញ

second...

x

The post ដើមខែ២ ផ្លូវថ្មើរជើងតាមមាត់ទន្លេចាប់ពីមុខប្រៃសណីយ៍ ដល់មុខវាំងនឹងបើកដំណើរការសាកល្បង appeared first on Millions times.