តាមដានជាមួយយើង៖ Million Times

សារព័ត៌មាន WSJ បានចុះផ្សាយថា លោក Bezos បានណាត់ជួបជជែកការងារ ជាមួយប្រធានាធិបតី Trump ស្នើសុំឲ្យមានការបង្កើនកិច្ចកុងត្រារវាងរដ្ឋាភិបាលអាមេរិក ជាមួយក្រុមហ៊ុន Blue Origin ពាក់ព័ន្ធនឹងការរុករកលំហអាកាស ក៏ដូចជាការផលិតយានអវកាសជាដើម។

គួរជម្រាបដែរថា ការណាត់ជួបរវាងមនុស្សកំពូលលុយ ជាមួយមេដឹកនាំអាមេរិក ធ្វើឡើងចំពេលលោក Trump កំពុងព្យាយាមលុបចោលនូវកិច្ចព្រមព្រៀងមួយចំនួន ដែលធ្លាប់ប្រគល់ជូនមហាសេដ្ឋី Elon Musk ដោយសារភាពល្អក់កករខ្លះៗ ដែលបានកើតមានចំពោះទំនាក់ទំនងអ្នកទាំង២៕

អត្ថបទ៖ Luffy រូបភាព៖ CCN

The post មហាសេដ្ឋី Amazon ស្កាត់ជួបលោក Trump ជជែកពីកិច្ចកុងត្រារដ្ឋាភិបាល ជាមួយក្រុមហ៊ុនខ្លួន appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Forbes បានរាយការណ៍ថា បើសិនជាលោក Gates រក្សាទុកភាគហ៊ុនតាំងពីដំបូង ទ្រព្យសម្បត្តិរបស់លោកសព្វថ្ងៃនឹងមានចំនួន ១,២ទ្រីលានដុល្លារ ស្របពេលបច្ចុប្បន្ន Elon Musk ដែលជាកំពូលមហាសេដ្ឋីមានដាច់គេ មានទ្រព្យសម្បត្តិ ៤០៩ពាន់លានដុល្លារ។

គួររំលឹកបន្តិចថា ចាប់តាំងពីបង្កើតក្រុមហ៊ុន Microsoft ក្នុងឆ្នាំ១៩៨៦ មហាសេដ្ឋី Bill Gates មានភាគហ៊ុន ១១,២លានហ៊ុន ឬ ៤៩% នៃក្រុមហ៊ុនទាំងមូល ប៉ុន្តែរយៈពេលជាង ២០ឆ្នាំចុងក្រោយនេះ មហាសេដ្ឋីអាមេរិកតែងតែលក់ភាគហ៊ុនជាញឹកញាប់ ដើម្បីធ្វើកម្មវិធីសប្បុរសធម៌ ក៏ដូចជាប្រគល់ភាគហ៊ុនផ្ទាល់ខ្លួនមួយចំណែក ឲ្យទៅអ្នកស្រី Melinda French Gates ពេលអ្នកទាំង២ ចែកផ្លូវគ្នាផងដែរ។

បច្ចុប្បន្ន មហាសេដ្ឋី Bill Gates ជាម្ចាស់ភាគហ៊ុនប្រហែល ០,៩% នៃក្រុមហ៊ុន Microsoft ទាំងមូលប៉ុណ្ណោះ ដែលគិតជាទឹកប្រាក់ប្រហែល ២៨ពាន់លានដុល្លារ ឬប្រហែល ១ភាគ៤ នៃទំហំទ្រព្យសម្បត្តិសរុប របស់កំពូលមហាសេដ្ឋីចិត្តបុណ្យរូបនេះ៕

អត្ថបទ៖ Luffy រូបភាព៖ CNBC

The post Bill Gates ច្បាស់ជាមានលុយច្រើនជាង Elon Musk ទៅទៀត បើសិនទុកភាគហ៊ុនតាំងពីដំបូង appeared first on Millions times.

តាមដានជាមួយយើង៖ Million Times

ទស្សនាវដ្ដីនិយាយពីអ្នកមាន Forbes បានចុះផ្សាយថា ទ្រព្យសម្បត្តិរបស់លោក Larry បានឈានដល់ចំណុចខ្ពស់បំផុតមិនធ្លាប់មាន ក្រោយតម្លៃហ៊ុនរបស់ក្រុមហ៊ុន Oracle កើនឡើងដល់ ១៣% ព្រោះតែភាពជោគជ័យរបស់ក្រុមហ៊ុននេះ រកស៊ីក្នុងវិស័យបច្ចេកវិទ្យា AI។

យោងតាមទិន្នន័យបញ្ចេញដោយ Forbes បានអះអាងថា ទ្រព្យសម្បត្តិរបស់លោក Larry Ellison មានសរុប ២៤២ពាន់លានដុល្លារ ខណៈមេធំ Facebook លោក Mark Zuckerberg មាន ២៣៩ពាន់លានដុល្លារ ស្របពេលស្ថាបនិក Amazon មហាសេដ្ឋី Jeff Bezos មានចំនួន ២២៨ពាន់លានដុល្លារ។

បច្ចុប្បន្ន លោក Larry Ellison គឺជាកំពូលមហាសេដ្ឋីមានបំផុតលើលោកទី២ បន្ទាប់ពីមិត្តភក្ដិរបស់លោក គឺលោក Elon Musk ដែលមានទ្រព្យសម្បត្តិ ៤០៧ពាន់លានដុល្លារ៕

អត្ថបទ៖ Luffy រូបភាព៖ Fox Business

The post មហាសេដ្ឋីម្នាក់ទម្លាក់តំណែង Jeff Bezos និងមេធំ Facebook ក្លាយជាកំពូលអ្នកមានបំផុតទី២ លើពិភពលោក appeared first on Millions times.

តាមដានជាមួយយើង៖ Million Times

គេហទំព័រ VNExpress រាយការណ៍ថា គូស្នេហ៍មនុស្សកំពូលលុយមួយគូនេះ ពេញចិត្តទីក្រុង Venice នៅប្រទេសអ៊ីតាលី ធ្វើជាទីតាំងរៀបមង្គលការ ដោយបានរៀបចំនៅលើកោះ San Giorgio Maggiore ខណៈមហាសេដ្ឋីមានទ្រព្យសម្បត្តិជាង ២២០ពាន់លានដុល្លាររូបនេះ ថែមទាំងបានកក់សណ្ឋាគារទំនើបៗ ៥កន្លែង រួមទាំងជួលទូកតាក់ស៊ីទាំងអស់នៅទីក្រុងមួយនេះ ដើម្បីដឹកភ្ញៀវចូលរួមពិធីមង្គលការ។

ពិធីរៀបអាពាហ៍ពិពាហ៍ដ៏គគ្រឹងគគ្រែងរបស់លោក Jeff Bezos ត្រូវបានលឺល្ហៀងៗថា នឹងចំណាយប្រាក់អស់ត្រឹម ១០លានដុល្លារប៉ុណ្ណោះ ដែលវាមានចំនួនតិចជាងការរំពឺងទុកពីប្រព័ន្ធផ្សព្វផ្សាយនានា ដែលធ្លាប់អះអាងថា មង្គលការនេះគួរតែចំណាយខ្ទង់រយលានដុល្លារ ដើម្បីឲ្យសាកសមជាមួយកិត្តិយសរបស់លោក Bezos។

មង្គលការរបស់មហាសេដ្ឋីអាមេរិក ត្រូវបានរំពឹងថា នឹងមានវត្តមានភ្ញៀវកំពូលៗជាច្រើន ដែលសុទ្ធសឹងតែជាតារាជួរមុខ អ្នកនយោបាយជាន់ខ្ពស់ រួមទាំងធុរជនមានមុខមានមាត់ មិនក្រោម ២០០នាក់នោះឡើយ៕

អត្ថបទ៖ Luffy រូបភាព៖ Yahoo

The post មង្គលការរបស់កំពូលអ្នកមាន Jeff Bezos គ្រោងចំណាយអស់តិចជាងការរំពឹងទុកឆ្ងាយ appeared first on Millions times.

តាមដានជាមួយយើង៖ Million Times

ដំណឹងនៃការរៀបអាពាហ៍ពិពាហ៍របស់មហាសេដ្ឋីរូបនេះ ត្រូវបានលេចលឺឡើងថា នឹងកើតឡើងនៅខែមិថុនាឆ្នាំនេះ ដោយរៀបចំកម្មវិធីនៅលើនាវាផ្ទាល់ខ្លួនតម្លៃ ៥០០លានដុល្លារ នៅទីក្រុង Venice ប្រទេសអ៊ីតាលី។

លោក Bezos និងអ្នកនាង Sanchez បានចាប់ដៃក្លាយជាគូដណ្ដឹងនៅឆ្នាំ២០២៣ ប៉ុន្តែមហាសេដ្ឋីអាមេរិករូបនេះបានពន្យារពេលរៀបការ ដោយសារមេធាវីផ្ទាល់ខ្លួនព្រមានពីហានិភ័យផ្លូវច្បាប់ ពាក់ព័ន្ធនឹងការបែងចែកទ្រព្យសម្បត្តិ បើសិនជាអ្នកទាំង២ ចែកផ្លូវគ្នានាពេលក្រោយ។

បច្ចុប្បន្ន មេធាវីផ្ទាល់ខ្លួនរបស់ស្ថាបនិក Amazon បានបញ្ជាក់ថា ឯកសារពាក់ព័ន្ធដើម្បីការពារទ្រព្យសម្បត្តិផ្ទាល់ខ្លួនរបស់មហាសេដ្ឋីរូបនេះ កំពុងស្ថិតក្នុងដំណាក់កាលចុងក្រោយ ដ្បិតក្រុមការងារលោកចំណាយពេលរាប់ខែ ដើម្បីសម្រេចរឿងមួយនេះ៕

អត្ថបទ៖ Luffy រូបភាព៖ Yahoo

The post មេធំ Amazon រៀបចំឯកសារការពារទ្រព្យសម្បត្តិផ្ទាល់ខ្លួន មុនរៀបការជាមួយគូដណ្ដឹង appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Bloomberg បានរាយការណ៍ថា គិតត្រឹមថ្ងៃសុក្រ ទី២៣ ខែឧសភា ទ្រព្យសម្បត្តិរបស់មេធំ Facebook មានប្រហែល ២២៥ពាន់លានដុល្លារ ស្របពេលអតីត CEO ក្រុមហ៊ុន Amazon មានត្រឹម ២២៤ពាន់លានដុល្លារ។

កំណើនទ្រព្យសម្បត្តិរបស់លោក Mark កើនខ្លាំងដោយសារកំណើនតម្លៃភាគហ៊ុនរបស់ក្រុមហ៊ុន Meta ប្រហែលមួយខែចុងក្រោយ ដោយតម្លៃហ៊ុនក្រុមហ៊ុនយក្សអាមេរិកប្រហែល ២២%។

គួរជម្រាបដែរថា រយៈពេលជាង ៥ខែមកនេះ កំពូលមហាសេដ្ឋី Mark Zuckerberg បានកើបលុយប្រហែល ១៧ពាន់លានដុល្លារ ចំពេលមហាសេដ្ឋីរួមជំនាន់ជាច្រើនរូបរួមមាន Elon Musk, Jeff Bezos និង Larry Ellison សុទ្ធតែរងការខាតបង់ ក្នុងរយៈពេលដូចគ្នានេះ៕

អត្ថបទ៖ Luffy រូបភាព៖ MSN

The post មេធំ Facebook ទម្លាក់ស្ថាបនិក Amazon ដណ្ដើមតំណែងជាកំពូលអ្នកមានបំផុតលើលោកទី២ appeared first on Millions times.

តាមដានជាមួយយើង៖ Million Times

សារព័ត៌មាន Observer បានរាយការណ៍ថា បច្ចុប្បន្នមានមហាសេដ្ឋីចំនួន ៦រូប ដែលបានប្រកាសថា ពួកគេនឹងបរិច្ចាគទ្រព្យសម្បត្តិផ្ទាល់ខ្លួនសឹងទាំងស្រុង សម្រាប់កម្មវិធីសប្បុរសធម៌នាពេលអនាគត ដោយមិនបន្សល់ទុកកេរមតកសម្រាប់កូនៗជំនាន់ក្រោយឡើយ។

មហាសេដ្ឋីទាំង ៦រូបនោះរួមមាន លោក Mark Zuckerberg ដែលធ្លាប់សន្យាថា នឹងបរិច្ចាគទ្រព្យសម្បត្តិ ៩៩% ខណៈលោកស្រី Laurene Powell Jobs ភរិយាសហស្ថាបនិកក្រុមហ៊ុន Apple លោក Steve Jobs បានប្រកាសបរិច្ចាគទ្រព្យសម្បត្តិផ្ទាល់ខ្លួនជាង ១៤ពាន់លានដុល្លារទាំងអស់។

ចំណែកឯលោក Yvon Chouinard បានផ្ទេរទ្រព្យសម្បត្តិ ១,២ពាន់លានដុល្លារ ទៅកាន់អង្គការមិនរកប្រាក់ចំណេញមួយក្នុងឆ្នាំ២០២២ ស្របពេលអតីតអភិបាលក្រុងញូវយ៉ក មហាសេដ្ឋី Michael Bloomberg អះអាងថា ទ្រព្យសម្បត្តិទាំងអស់របស់លោក មានចំនួន ១០៤,៧ពាន់លានដុល្លារ នឹងត្រូវផ្ទេរទៅកាន់មូលនិធិសប្បុរសធម៌ នៅពេលលោកចែកឋាន។

រីឯមហាសេដ្ឋីចំនួន ២រូបទៀតគឺ សហស្ថាបនិកក្រុមហ៊ុន Microsoft លោក Bill Gates និងបិតាវិនិយោគិន Warren Buffett សុទ្ធតែបានប្រកាសក្ដែងៗថា ទ្រព្យសម្បត្តិមួយភាគធំ នឹងត្រូវបរិច្ចាគទៅកាន់កម្មវិធីសប្បុរសធម៌ ដោយបន្សល់ទុកត្រឹមមួយចំណែកតូចសម្រាប់កូនៗជំនាន់ក្រោយ ទុកជាដើមទុនរកស៊ីដោយខ្លួនឯងនាពេលក្រោយ៕

អត្ថបទ៖ Luffy រូបភាព៖ AP

The post មហាសេដ្ឋី ៦រូប សុខចិត្តបរិច្ចាគទ្រព្យសម្បត្តិសឹងទាំងអស់ មិនព្រមបន្សល់កេរទុកឲ្យកូនៗ appeared first on Millions times.

តាមដានជាមួយយើង៖ Million Times

មហាសេដ្ឋីវ័យ ៦៩ឆ្នាំរូបនេះជឿជាក់ថា ផែនការសប្បុរសធម៌របស់លោក នឹងជួយដោះស្រាយនូវបញ្ហាធំៗដូចជា លុបបំបាត់ជំងឺគ្រុនចាញ់ និងស្វិតដៃស្វិតជើង កាត់បន្ថយអត្រាមរណភាពចំពោះស្ត្រី និងកុមារ ដោយសារភាពអត់ឃ្លាន រួមទាំងកាត់បន្ថយវិបត្តិក្រីក្រជាសកលថែមទៀត។

ផែនការសប្បុរសធម៌របស់មហាសេដ្ឋីចិត្តបុណ្យរូបនេះ កើតឡើងក្រោយរដ្ឋបាលប្រធានាធិបតី Donald Trump ប្រកាសផ្អាកជំនួយជាសកល ហើយអតីត CEO ក្រុមហ៊ុន Microsoft បានរិះគន់ Elon Musk ថា កំពុងព្យាយាមចង់សម្លាប់ក្មេងៗក្រីក្រ តាមរយៈកាត់ផ្ដាច់ជំនួយដែលក្មេងៗទាំងនោះ ត្រូវការជាចាំបាច់។

គួរជម្រាបដែរថា លោក Bill Gates បានបង្កើតមូលនិធិ The Gates Foundation ជាមួយអតីតភរិយា អ្នកស្រី Melinda Gates ក្នុងគោលបំណងជួយដល់ក្មេងៗ និងស្ត្រីនៅតំបន់ក្រីក្រ ដែលភាគច្រើនស្ថិតនៅតំបន់អាហ្វ្រិក។ ចាប់តាំងពីបង្កើតក្នុងឆ្នាំ២០០០ មកទល់ពេលនេះ មូលនិធិមហាសេដ្ឋីអាមេរិក បរិច្ចាគទឹកប្រាក់ប្រហែល ១០០ពាន់លានដុល្លារ និងបានជួយជីវិតមនុស្សរាប់សិបលាននាក់៕

អត្ថបទ៖ Luffy រូបភាព៖ BBC

The post Bill Gates សន្យាបរិច្ចាគទឹកប្រាក់រហូតដល់ ២០០ពាន់លានដុល្លារ ត្រឹមឆ្នាំ២០៤៥ appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Reuters បានចុះផ្សាយថា លោក Buffett នឹងចុះចេញពីកៅអី CEO នៅចុងឆ្នាំ២០២៥ និងបានប្រកាសផ្ទេរតំណែងមួយនេះ ទៅកាន់លោក Greg Abel ដែលជាអនុប្រធានក្រុមហ៊ុនបច្ចុប្បន្ន។

មហាសេដ្ឋីវ័យ ៩៤ឆ្នាំរូបនេះបានអះអាងថា លោក Abel គឺពិតជាសក្ដិសមបំផុតក្នុងការទទួលបានការតែងតាំងមួយនេះ ដ្បិតលោកមានសមត្ថភាពគ្រប់គ្រាន់ ហើយហ្មត់ចត់ជាមួយការងារ ជាពិសេសគឺមានទំនួលខុសត្រូវខ្ពស់។

លោក Buffett បាននិយាយថា ផែនការផ្ទេរតំណែង និងការចុះចេញរបស់លោក មិនត្រូវបានបង្ហើបឲ្យក្រុមប្រឹក្សាភិបាលដឹងជាមុនឡើយ ពោលលោកគ្រាន់តែមានគម្រោងនេះយូរណាស់មកហើយ និងទើបតែសម្រេចចិត្តប្រកាសដំណឹងនេះជាសាធារណៈប៉ុណ្ណោះ។

គួរជម្រាបបន្តិចថា លោក Warren Buffett មានឈ្មោះបោះសម្លេងនៅក្នុងវិស័យជួញដូរភាគហ៊ុន និងវិនិយោគ ដោយគ្រប់គ្នាសុទ្ធតែចាត់ទុកលោកជាគ្រូធំក្នុងវិស័យមួយនេះ ដោយសារភាពប៉ិនប្រសព្វ និងយុទ្ធសាស្ត្រនៃការបណ្ដាក់ទុនរបស់លោក។ បច្ចុប្បន្នលោក Buffett គឺជាមហាសេដ្ឋីមានបំផុតលើលោកទី០៥ ដោយមានទ្រព្យសម្បត្តិសរុបប្រហែល ១៦៩ពាន់លានដុល្លារ៕

អត្ថបទ៖ Luffy រូបភាព៖ Reuters

The post បិតាវិនិយោគិន Warren Buffett ប្រកាសចុះចេញពីកៅអី CEO ក្រោយកាន់តំណែង ៦០ឆ្នាំ appeared first on Millions times.

តាមដានជាមួយយើង៖ Million Times

យោងតាមការផ្ដល់បទសម្ភាសន៍រវាងលោកស្រី Melinda ជាមួយសារព័ត៌មាន People បានឲ្យដឹងថា សព្វថ្ងៃលោកស្រីកំពុងទាក់ទងជាមួយបុរសម្នាក់ ប៉ុន្តែមិនបញ្ចេញអត្តសញ្ញាណរបស់គូស្នេហ៍ឡើយ ដើម្បីរក្សាឯកជនភាពរបស់ដៃគូ។

មហាសេដ្ឋីស្រីវ័យ ៦០ឆ្នាំរូបនេះបានឲ្យដឹងថា បច្ចុប្បន្នលោកស្រី និងគូស្នេហ៍កំពុងរស់នៅយ៉ាងចុះសម្រុង ហើយក៏បានពិចារណាអំពីរឿងរៀបការផងដែរ បើសិនជាអ្នកទាំង២ ត្រៀមខ្លួនរួចរាល់។

គួររំលឹកបន្តិចថា លោកស្រី Melinda និងមហាសេដ្ឋី Bill Gates បានសម្រេចចិត្តលែងលះគ្នាកាលពីខែសីហា ឆ្នាំ២០២១ បន្ទាប់ពីរួមរស់ជាប្ដីប្រពន្ធរយៈពេល ២៧ឆ្នាំ។ អ្នកទាំង២ មានកូនប្រុសស្រីចំនួន ៣រូបជាចំណងដៃ ហើយលោក Gates ធ្លាប់ទម្លាយប្រាប់សារព័ត៌មានថា ការចែកផ្លូវគ្នាជាមួយអតីតភរិយា គឺជាកំហុសឆ្គងធំបំផុតរបស់លោក ប៉ុន្តែអ្នកទាំង២ ត្រូវតែសម្រេចចិត្តបែបនេះ ដើម្បីសេចក្ដីសុខផ្លូវចិត្តរៀងៗខ្លួន៕

អត្ថបទ៖ Luffy រូបភាព៖ Forbes

The post អតីតភរិយាមហាសេដ្ឋី Bill Gates ទម្លាយថា កំពុងមានក្ដីសុខជាមួយស្នេហាថ្មី ក្រោយលែងលះ ៤ឆ្នាំ appeared first on Millions times.