តាមដានជាមួយយើង៖ Million Times

សារព័ត៌មាន VNExpress ចុះផ្សាយថា ក្រុមហ៊ុនចិនមានមូលដ្ឋាននៅទីក្រុង Shenzhen បានអះអាងថា មនុស្សយន្តរបស់ខ្លួនមានសមត្ថភាពអាចធ្វើការផ្ទះទូទៅ និងអាចប្រើប្រាស់ជាអ្នកថែទាំមនុស្សចាស់ក្នុងផ្ទះ ដូចជាមនុស្សពិតៗ ដ្បិតវាបានបំពាក់នូវបច្ចេកវិទ្យាជំនាន់ចុងក្រោយបំផុត។

ក្រុមហ៊ុននេះបានកំណត់គោលដៅលក់មនុស្សយន្តរបស់ខ្លួន រហូតដល់ ១ ០០០គ្រឿងក្នុងឆ្នាំ២០២៥ ហើយត្រៀមបង្កើនសង្វាក់ផលិតកម្មច្រើនជាងមុន ១០ដង នៅក្នុងឆ្នាំ២០២៦។

គួរជម្រាបដែរថា ក្រុមហ៊ុន UBTech គឺមានភាពល្បីល្បាញក្នុងឧស្សាហកម្មផលិតមនុស្សយន្តនៅចិន ដោយក្រុមហ៊ុន BYD និង Foxconn ធ្លាប់បានចំណាយប្រាក់រហូតដល់ ១០០ ០០០ដុល្លារ សម្រាប់មនុស្សយន្តមួយគ្រឿង ដើម្បីយកមកប្រើប្រាស់ក្នុងការផលិតរថយន្ត និងគ្រឿងអេឡិចត្រូនិករបស់ពួកគេ។

ចំណែកឯមនុស្សយន្ត Optimus របស់ក្រុមហ៊ុន Tesla វិញ ធ្លាប់ត្រូវបានមហាសេដ្ឋី Elon Musk បង្ហើបថា បង្កើតឡើងក្នុងគោលបំណងជួយការងារទូទៅក្នុងផ្ទះ សម្រាប់អតិថិជន ហើយវាមានតម្លៃចន្លោះពី ២០ ០០០ ទៅ ៣០ ០០០ដុល្លារក្នុងមួយគ្រឿង ខណៈសង្វាក់ផលិតកម្មនឹងចាប់ផ្ដើមក្នុងឆ្នាំ២០២៦៕

អត្ថបទ៖ Luffy រូបភាព៖ Reuters

The post ចិនត្រៀមដាក់លក់មនុស្សយន្តតម្លៃ ២ម៉ឺនដុល្លារ ប្រកួតប្រជែងជាមួយក្រុមហ៊ុន Tesla appeared first on Millions times.

តាមដានជាមួយយើង៖ Million Times

សារព័ត៌មាន Securities Times បានចុះផ្សាយថា CEO ក្រុមហ៊ុន Xpeng លោក He Xiaopeng បាននិយាយថា ក្រុមហ៊ុនបានត្រៀមខ្លួនរួចស្រេចក្នុងការបណ្ដាក់ទុនយ៉ាងច្រើន នៅក្នុងវិស័យឧស្សាហកម្មមនុស្សយន្ត បន្ទាប់ពីពួកគេធ្លាប់បានប្រឡូក និងទទួលបានជោគជ័យក្នុងការផលិតមនុស្សយន្តដំណាក់កាលដំបូងនាពេលកន្លងមក។

នាយកប្រតិបត្តិរូបនេះបាននិយាយថា « Xpeng បានធ្វើការនៅក្នុងវិស័យឧស្សាហកម្មមនុស្សយន្ត រយៈពេល ៥ឆ្នាំហើយ ហើយទំនងបន្តដំណើរក្នុងអាជីវកម្មនេះបន្ថែម ២០ឆ្នាំទៀត ជាមួយការបណ្ដាក់ទុនចន្លោះពី ៥០ ទៅ ១០០ពាន់លានយ៉ន់»។

គួរជម្រាបដែរថា ក្រុមហ៊ុន Xpeng ចាប់ផ្ដើមប្រឡូកក្នុងទីផ្សារផលិតមនុស្សយន្តដំបូងនៅក្នុងឆ្នាំ២០២០ និងបានជោគជ័យក្នុងការបង្កើតមនុស្សយន្ត ដែលមានឈ្មោះថា Iron កាលពីខែវិច្ឆិកា ឆ្នាំ២០២៤ ដើម្បីប្រកួតប្រជែង ជាមួយមនុស្សយន្តក្រុមហ៊ុន Tesla៕

អត្ថបទ៖ Luffy រូបភាព៖ ET Auto

The post ក្រុមហ៊ុនរថយន្តអគ្គិសនីចិន Xpeng បង្ហើបគម្រោងចាយលុយជិត ១៤ពាន់លានដុល្លារ បង្កើតមនុស្សយន្ត appeared first on Millions times.

តាមដានជាមួយយើង៖ Million Times

មនុស្សយន្តជំនាន់ថ្មីនេះ មានទម្ងន់ប្រហែល ៣៨គីឡូក្រាម កម្ពស់ ០,៦៣ម៉ែត្រ និងអាចរត់បានរយៈចម្ងាយ ១០០ម៉ែត្រ ប្រើពេលតិចជាង ១០វិនាទី។ ក្រុមការងារផលិតមនុស្សយន្តនេះអះអាងថា វាអាចរត់ដល់ល្បឿន ១០,៤ម៉ែត្រក្នុងមួយវិនាទី ដែលសឹងតែស្មើកំណត់ត្រារបស់កីឡាករ Usain Bolt កាលពីឆ្នាំ២០០៩ ដែលជាប់ឈ្មោះជាអ្នករត់ប្រណាំងលឿនបំផុតលើពិភពលោក ជាមួយល្បឿន ១០,៤៤ម៉ែត្រក្នុងមួយវិនាទី។

ដើម្បីសម្រេចបាននូវល្បឿនដ៏លឿនបែបនេះ អ្នកស្រាវជ្រាវបានបំពាក់មនុស្សយន្ត ជាមួយនឹងសន្លាក់ជង្គង់ដែលអាចបត់បែនបាននៅលើជើងទាំងបួនរបស់វា ហើយបានបន្ថែមរចនាសម្ព័ន្ធសរសៃកាបូន ដើម្បីរក្សាលំនឹងក្រោមភាពតានតឹងនៃទម្ងន់របស់មនុស្សយន្ត ដែលធ្វើដំណើរក្នុងល្បឿនលឿនបំផុត គ្រប់កាលៈទេសៈ។

Black Panther 2.0 ក៏បំពាក់មកជាមួយនូវបន្ទះឈីប AI ជំនាន់ថ្មី ផ្ដល់នូវសមត្ថភាពឲ្យវាអាចកត់សម្គាល់ និងស្ដាប់តាមការបញ្ជាបានល្អ ជាពិសេសគឺមានភាពបត់បែន នៅគ្រប់ស្ថានការណ៍ផ្លូវ។

សូមជម្រាបដែរថា បច្ចុប្បន្ន Black Panther 2.0 មិនទាន់មានវត្តមានដាក់លក់លើទីផ្សារឡើយ ខណៈបច្ចុប្បន្នប្រទេសចិន កំពុងសម្រុកជាខ្លាំងលើការផលិតមនុស្សយន្តជើងបួន ក្នុងគោលបំណងសន្តិសុខ និងសម្រាប់ការស្ទង់មតិបរិស្ថានគ្រោះថ្នាក់នានា ដែលមនុស្សពិបាកក្នុងការចូលទៅដោយផ្ទាល់៕

អត្ថបទ៖ Luffy រូបភាព៖ Xinhua

The post ចិនបង្កើតបានមនុស្សយន្ត អាចរត់លឿនដូចកីឡាករអាជីព Usain Bolt appeared first on Millions times.