ភ្ជាប់ពាក្យ Archives - Millions times

អភិបាលក្រុងច្បារមន ភ្ជាប់ពាក្យជាមួយនារីវ័យក្មេងម្ចាស់ហាង រ៉ីមហ្សូន ម្តុំវិមានឯករាជ្យ

Vin Chang — Thu, 12 Jun 2025 06:53:58 +0000

មន្រ្តីវ័យក្មេងកំពុងកាន់តួនាទីអភិបាលក្រុងច្បារមន ខេត្តកំពង់ស្ពឺ លោក ទឹម ផានូ បានភ្ជាប់ជាមួយនារីដ៏ស្រស់ស្អាត ម្ចាស់ហាងលេងយ៉ាន់ និងប្តូរសំបកកងឡាន រ៉ីមហ្សូន កញ្ញា សេង សុខយ៉ាដា។

តាមដានជាមួយយើង៖ Million Times

ពិធីមង្គលស្តីដណ្តឹង ភ្ជាប់ពាក្យរវាងមន្រ្តីវ័យក្មេង និង CEO វ័យក្មេងមួយគូរនេះ រៀបចំឡើងកាលពីថ្ងៃទី៩ ខែមិថុនា ឆ្នាំ២០២៥ ដែលផ្តល់កិក្តិយសពីមាតាបិតាទាំងសងខាង ចាស់ទុំត្រកូលរាមច្បង ធ្វើតាមប្រពៃណីខ្មែរយ៉ាងឱឡារឹក និងភ្ញៀវជាច្រើនច្រើនកុះករ។

លោក ទឹម ផា នូ ជា អភិបាលក្រុងច្បារមន ខេត្តកំពង់ស្ពឺ ចូលកាន់តំណែតកាលពីថ្ងៃទី០២ ខែមិថុនា ឆ្នាំ២០២២ ដែលធ្លាប់ជានិស្សិតផ្លាស់ប្តូរការសិក្សានៅសហរដ្ឋអាមេរិក រយៈពេល ១ឆ្នាំ ចំណែក កញ្ញា សេង សុខយ៉ាដា ជាម្ចាស់ហាងដ៏ល្បីឈ្មោះម្តុំវិមានឯករាជ្យ ឈ្មោះថា រ៉ីមហ្សូន ផ្តល់សេវាលេងយ៉ាន់ និងប្តូរសំបកកងឡានផងដែរ៕

The post អភិបាលក្រុងច្បារមន ភ្ជាប់ពាក្យជាមួយនារីវ័យក្មេងម្ចាស់ហាង រ៉ីមហ្សូន ម្តុំវិមានឯករាជ្យ appeared first on Millions times.

កូនស្រីម្ចាស់ផលិតកម្មថោន ភ្ជាប់ពាក្យជាមួយកូនប្រុសអ្នកឧកញ៉ា ឡេង ហួរ

sovanmoly tep — Mon, 26 May 2025 08:28:06 +0000

ថ្ងៃ ២៥ ខែ ៥ ឆ្នាំ ២០២៥ ជាថ្ងៃសិរីមង្គលរបស់គ្រួសារសេដ្ឋី ២ ដែលបានភ្ជាប់សាច់ភ្ជាប់ឈាម និងភ្ជាប់សម្ដីនឹងគ្នា។ ដោយកូនប្រុសអ្នកឧកញ៉ា ឡេង ហួរ នាំចាស់ទុំចូលស្ដីដណ្ដឹងកូនក្រមុំថៅកែផលិតកម្មថោន លោក វ៉ា សុធា។

តាមដានជាមួយយើង៖ Million Times

កូនក្រមុំលោក វ៉ា សុធា ម្ចាស់ទូរទស្សន៍ និងផលិតផលថោន កញ្ញា វ៉ា ដាណា និងកូនកំលោះអ្នកឧកញ៉ា ឡេង ហួរ ឈ្មោះ ឡេង ស្រ៊ួយហាក់ ដែលមានគោរមងារជាជាឧកញ៉ាដែរ។ កម្មវិធីដ៏គគ្រឹកគគ្រេង និងមានការចូលរួមពីសំណាក់អ្នកជំនួញធំៗជាច្រើន បានញ៉ាំងបរិយាកាសកាន់តែមានន័យថែមទៀត។

អនាគតកូនក្រមុំ និងកំលោះដែលមកពីត្រកូលអភិជនគូនេះ បានរៀបចំខ្លួនយ៉ាងស្រស់បំព្រង នាថ្ងៃសិរីមង្គលពិធីភ្ជាប់ពាក្យអ្នកទាំង២។ ក្នុងនោះក្រុមគ្រួសារទាំងសងខាង ក៏បានស្លៀកពាក់បែបឈុតប្រពៃណី និងអមដោយគ្រឿងអលង្ការភ្លឺចិញ្ចែងចិញ្ចាចតែម្ដង។

កម្មវិធីបែបប្រពៃណីរបស់កូនស្រីម្ចាស់ផលិតកម្មថោន និងកូនប្រុសអ្នកឧកញ៉ា ឡេង ហួរ បានរៀបចំឡើងនៅគេហដ្ឋានរបស់លោក វ៉ា សុធា ផ្ទាល់៕

អត្ថបទ៖ មេរ៉ា, រូបភាព៖ Va Sothea

The post កូនស្រីម្ចាស់ផលិតកម្មថោន ភ្ជាប់ពាក្យជាមួយកូនប្រុសអ្នកឧកញ៉ា ឡេង ហួរ appeared first on Millions times.

កាបូបដៃម៉ាកកម្រភរិយាសេដ្ឋី អ៊ឹង ប៊ុនហ៊ូវ ថ្ងៃសិរីមង្គលព្រះពិធីចែចូវរបស់កូនប្រុស

Vin Chang — Sat, 03 May 2025 03:00:00 +0000

ក្នុងថ្ងៃសិរីមង្គលព្រះពិធីចែចូវរបស់កូនប្រុស លោកស្រី ហេង សុខា ភរិយាសេដ្ឋី អ៊ឹង ប៊ុនហ៊ូវ បានរៀបចំខ្លួនយ៉ាងប្រពៃជាមួយឈុតបុរាណខ្មែរសំពត់អាវផាមួងពណ៌ក្រហម បូករួមជាមួយគ្រឿងអលង្ការគជ់ខ្យង និងកង់ដៃពេជ្រភ្លឺ រលោង ចាំងភ្នែក ពិតជាសមសួនមែនទែន។

តាមដានជាមួយយើង៖ Million Times

ឈុតសម្លៀកបំពាក់ប្រពៃណីរបស់ភរិយាសហស្ថាបនិកក្រុមហ៊ុន អាយអិនជី ហូលឌីង ស៊ីគ្នាជាមួយកាបូបមានតម្លៃដែលជាប្រភេទកម្រលើលោក គឺម៉ាកHermès Crocodile Kelly Cut Clutch ពណ៌ឈាមជ្រូក ដែលមានតម្លៃប្រមាណជាង ៣២ ០០០ ដុល្លារ។

លោកស្រី ហេង សុខា បានបង្ហាញក្ដីស្រលាញ់យ៉ាងធំធេង និងរំភើបចំពោះកូនប្រុសទី៣ លោក អ៊ឹង ស៊ីវឈន់ ដែលរកឃើញដៃគូជីវិតដ៏ស័ក្តិសម និងស្មោះត្រង់ចំពោះគ្នា។

បើនិយាយពីស្រ្តីអភិជនរូបនេះ ជាអ្នកមិនចូលចិត្តបង្ហាញអ្វីច្រើនលើបណ្ដាញសង្គមឡើយ តែគ្រប់យ៉ាងដែលភរិយាសេដ្ឋី អ៊ឹង ប៊ុនហ៊ូវ ស្លៀកពាក់ គ្រឿងតុបតែងខ្លួនសុទ្ធសឹងជាប្រេនធំៗ និងមានតម្លៃខ្ពស់ សមជាអ្នកមានពិតៗ៕

អត្ថបទ៖ មេរ៉ា, រូបភាព៖ The ring wedding cambodia

The post កាបូបដៃម៉ាកកម្រភរិយាសេដ្ឋី អ៊ឹង ប៊ុនហ៊ូវ ថ្ងៃសិរីមង្គលព្រះពិធីចែចូវរបស់កូនប្រុស appeared first on Millions times.

ប្រណីតភាពនៃសិរីមង្គលព្រះពិធីចែចូវសែរាជវង្ស និងកូនសេដ្ឋី អ៊ឹង ប៊ុនហ៊ូវ

Vin Chang — Fri, 02 May 2025 03:38:38 +0000

កម្មវិធីសិរីមង្គលព្រះពិធីចែចូវព្រះអង្គម្ចាស់ក្សត្រី នរោត្តម ពង្សសូរិយា ជាមួយកូនកំលោះ អ៊ឹង ស៊ីវឈន់ ដែលជាកូនប្រុសទី៣របស់សេដ្ឋី អ៊ឹង ប៊ុនហ៊ូវ បានប្រព្រឹត្តិទៅចប់សព្វគ្រប់ ហើយទទួលបានការជូនពរពីសំណាក់មហាជនច្រើនកុះករ។

តាមដានជាមួយយើង៖ Million Times

បន្ទាប់ពីកម្មវិធី Proposal បែបបស្ចិមប្រទេសកាលពីចុងខែកុម្ភៈ ឆ្នាំ ២០២៥ កន្លងទៅ កម្មវិធីបែបប្រពៃណីខ្មែររវាងសែរាជវង្សនិងត្រកូលសេដ្ឋី ក៏ត្រូវបានរៀបចំឡើងយ៉ាងឱឡារិកបំផុត កាលពីថ្ងៃ ១ ខែឧសភា ឆ្នាំ ២០២៥ ម្សិលមិញនេះ។

សិរីមង្គលព្រះពិធីចែចូវរបស់ព្រះអង្គម្ចាស់ក្សត្រី នរោត្តម ពង្សសូរិយា ជាមួយ CEO រូបសង្ហានៃក្រុមហ៊ុនដូនពេញ ត្រេឌីង ឯ.ក គ្មានអ្វីទាស់ចិត្តឡើយ ទាំងភ្ញៀវពន្លឺ សាច់សាលោហិត និងក្រុមគ្រួសារសុទ្ធតែបានត្រៀមខ្លួន និងរៀបចំយ៉ាងប្រណីត ដើម្បីអបអរអនាគតគូស្វាមីភរិយាទាំងទ្វេ។ អ្វីដែលកាន់តែអស្ចារ្យក្រុមសម្អាងការបានរៀបចំកាយា ឈុត និងតុបតែងឲ្យកូនក្រមុំយ៉ាងស្រស់សោភា បញ្ចេញពន្លឺចែងចាំង បង្ហាញឫកពា ថ្លៃថ្នូរសមនឹងវង្សត្រកូល ឋានៈមុខមាត់ក្នុងសង្គម។

សម្រាប់ភ្ញៀវដែលម្ចាស់កម្មវិធីបានអញ្ជើញក្នុងកម្មវិធីសិរីមង្គលព្រះពិធីចែចូវ សុទ្ធតែជាអ្នកជិតស្និទ្ធប៉ុណ្ណោះ ដោយខាងប្រុសភ្ញៀវចាស់ទុំគឺលំដាប់សេដ្ឋីៗជាអ្នករកស៊ីជាមួយសហស្ថាបនិកក្រុមហ៊ុន អាយអិនជី ហូលឌីង។ ក្រោយចប់កម្មវិធីពេលព្រឹក ល្ងាចឡើងក៏មានការជប់លៀងទទួលអាហារ សម្រាប់ភ្ញៀវ និងក្រុមគ្រួសារទាំងសងខាងផងដែរ៕

អត្ថបទ៖ មេរ៉ា,រូបភាព៖ The ring wedding cambodia

The post ប្រណីតភាពនៃសិរីមង្គលព្រះពិធីចែចូវសែរាជវង្ស និងកូនសេដ្ឋី អ៊ឹង ប៊ុនហ៊ូវ appeared first on Millions times.

ពិធីភ្ជាប់ពាក្យកូនស្រីឧកញ៉ា លឹម ប៊ុនសួរ រៀបចំតុបតែងលម្អកម្មវិធីប្រណីតគ្មានពីរ

Vin Chang — Sat, 15 Mar 2025 03:48:30 +0000

ទោះជាកម្មវិធីភ្ជាប់ពាក្យក៏ដោយ ក៏ឧកញ៉ា លឹម ប៊ុនសួរ បានកុម៉្មង់អ្នករៀបចំ តុបតែងលម្អរោងនៃកម្មវិធីកូនស្រីជាទីស្រលាញ់ យ៉ាងប្រណីតគ្មានទាស់ចន្លោះកន្លែងណាឡើយ។

តាមដានជាមួយយើង៖ Million Times

កាលពីថ្ងៃ ១៤ ខែមីនា ឆ្នាំ ២០២៥ កន្លងទៅ លោក សរ សិទ្ធិ រដ្ឋលេខាធិការក្រសួងមហាផ្ទៃ និងជាអនុប្រធានទី២ សហព័ន្ធកីឡាទូកកានូ និងរ៉ូអ៊ីងកម្ពុជា បានចូលស្ដីដណ្ដឹងកូនស្រីអ្នកជំនួញចាស់វស្សា ឧកញ៉ា លឹម ប៊ុនសួរ តាមប្រពៃណី ដោយមានអញ្ជើញចាស់ទុំ ត្រកូលរៀមច្បង និងសាច់សលោហិតជាច្រើនចូលរួម។

ក្រៅពីសាច់ញាតិដែលជាអ្នកជំនួញមានមុខមាត់ក្នុងសង្គមដូចគ្នាហើយនោះ ឧកញ៉ា លឹម ប៊ុនសួរ ក៏បានអញ្ជើញមិត្តភ័ក្តិ និងអ្នកស្គាល់គ្នាជាមន្ត្រីរាជការ អ្នកមុខអ្នកការមកជាសាក្សីដឹងឮនៃការចូលចែចូវពីខាងប្រុសទៀតផង។

កូនប្រុសនាម សរ សីហរាជ្យ ហើយកូនស្រីនាម លឹម កែវកន្និថា។ អ្នកទាំង ២ មើលទៅស្រស់សង្ហា និងសោភា សមគ្នាជាគូពិតៗ។ ក្រៅពីភ្ញៀវចាស់ទុំ កូនកំលោះកូនក្រមុំ ក៏បានអញ្ជើញមិត្តភ័ក្តជាច្រើន ដលម្បីមកជួបជុំក្នុងថ្ងៃពិសេសរបស់ខ្លួនផងដែរ។

ងាកទៅមើលការសម្អិតសម្អាងកាយាទាំងម្ចាស់កម្មវិធី និងភ្ញៀវ សុទ្ធតែមានស្រស់ស្អាត ពោរពេញដោយប្រណីតភាពគ្មានទាស់កន្លែងណាឡើ។ កន្លែងប្រារព្ធកម្មវិធីភ្ជាប់ពាក្យកូនស្រីឧកញ៉ា លឹម ប៊ុនសួរ ជ្រើសរើសផ្កាជាច្រើនប្រភេទផ្សេងគ្នា និងរចនាក្បាច់ខ្មែរបន្ថែមឲ្យកន្លែងរៀបចំកម្មវិធីមើលទៅអស្ចារ្យ៕

អត្ថបទ៖ មេរ៉ា, រូបភាព៖ The ring wedding cambodia

The post ពិធីភ្ជាប់ពាក្យកូនស្រីឧកញ៉ា លឹម ប៊ុនសួរ រៀបចំតុបតែងលម្អកម្មវិធីប្រណីតគ្មានពីរ appeared first on Millions times.

ថ្ងៃភ្ជាប់ពាក្យកូនស្រីសេដ្ឋីម្ចាស់ទីក្រុងរណប ING City អធឹកហើយ ទម្រាំដល់ថ្ងៃមង្គលការមិនដឹងធំដុំកម្រិតណា

Vin Chang — Fri, 27 Dec 2024 05:51:40 +0000

ក្រោយពិធីចូលចែចូវ ក៏ដល់វេលាភ្ជាប់ពាក្យនៃគ្រួសារសេដ្ឋី ២ រូប ប្រចាំស្រុកខ្មែរ អ៊ឹង ប៊ុនហ៊ូវ និង ថៅកែហាងលក់ស្លៀកបំពាក់ លីម ហុង។ កម្មវិធីដ៏ធំនៃគ្រួសារអភិជនគូនេះ ពិតជាអធិកអធមមិនចាញ់មង្គលការឡើយ គ្រាន់តែភ្ញៀវមិនសូវច្រើនខ្លាំងប៉ុន្មានឡើយ។

តាមដានជាមួយយើង៖ Million Times

កម្មវិធីភ្ជាប់ពាក្យក៏មិនខុសពីកម្មវិធីចូលចែចូវដែររៀបចំឡើងនៅគ្រួសារខាងស្រីនៃភូមិគ្រឹះដ៏ធំស្កឹមស្កៃ។ ការតុបតែង និងលម្អក្នុងកម្មវិធីភ្ជាប់ពាក្យរបស់កូនក្រមុំ អ៊ឹង ស៊ីវឈីនស៊ី និងកូនកំលោះ លីម ហ្វីលីប ពិតជាស្រស់ស្អាត និងប្រកបដោយភាពប្រណីតគ្រប់ជ្រុងជ្រោយរោយដោយផ្កាស្រស់គ្រប់ចន្លោះតែម្ដង។

គ្រួសារសេដ្ឋីដែលជាដន្លងនឹងគ្នា គឺអ្នកឧកញ៉ា អ៊ឹង ប៊ុនហ៊ូវ និងលោកស្រី ហេង សុខា អ្នកមានគុណខាងស្រី ចំណែកឧកញ៉ា ចាប មួយហុង និងលោកស្រី លឹម សុខចេង ម្ចាស់ហាងលក់សម្លៀកបំពាក់ លីម ហុង ជាមេបាខាងប្រុស។ ការផ្សារជាប់សាច់ឈាមនៃគ្រួសារត្រកូលអភិជនទាំង ២ បានកក្រើកខ្លាំង ព្រោះទាំងសងខាងសុទ្ធតែជាអ្នកមានកំពូល ក្នុងដៃកាន់កាប់ជំនួញជាច្រើន។

កូនក្រមុំដ៏ស្រស់បំព្រង ពេលបានគ្រងឈុតប្រពៃណីខ្មែរ ហើយក្រៅពីសម្លៀកបំពាក់ខ្មែរដ៏អស្ចារ្យហើយនោះ កូនស្រីសេដ្ឋី អ៊ឹង ប៊ុនហ៊ូវ ក៏បានរៀបចំឈុតសម័យ ដែលគ្រាន់តែរ៉ូប១ឈុតតម្លៃជិត ៨ ពាន់ដុល្លារ។ ងាកមើលទៅភ្ញៀវចូលរួមឲ្យពរជ័យនៃគូស្នេហ៍វ័យក្មេង សុទ្ធតែអ្នកដឹកនាំតាមស្ថាប័នធំៗ គ្រងឈុតហូលផាមួងខ្មែរដ៏ភ្លឺរលោង៕

អត្ថបទ៖ មេរ៉ា, រូបភាព៖ The Ring Wedding Cambodia

The post ថ្ងៃភ្ជាប់ពាក្យកូនស្រីសេដ្ឋីម្ចាស់ទីក្រុងរណប ING City អធឹកហើយ ទម្រាំដល់ថ្ងៃមង្គលការមិនដឹងធំដុំកម្រិតណា appeared first on Millions times.

ក្រុមអ្នកមាននិងឥស្សរជនកំពូលៗផ្តល់កិត្តិយសក្នុងពិធីមង្គលពិសាស្លាដក់កន្សែងកូនស្រីអ្នកឧកញ៉ា លាង ម៉េង

Vin Chang — Sun, 22 Dec 2024 15:26:06 +0000

មហាសេដ្ឋីម្ចាស់អាណាចក្រជំនួញគ្រួសារ ជីបម៉ុង គ្រុប គឺអ្នកឧកញ៉ា លាង ម៉េង និងលោកស្រី គឹម ចាន់ណា បានរៀបចំពិធីមង្គលពិសាស្លាដក់កន្សែងដ៏ឡារិកតាមទំនៀមទម្លាប់ប្រពៃណីខ្មែរដល់កូនស្រីរបស់ខ្លួន ដែលមានការអញ្ជើញចូលរួមពីចាស់ទុំត្រកូលរាមច្បង ក្រុមញាតិ ព្រមទាំងក្រុមមហាសដ្ឋី និងឥស្សរជនកំពូលៗច្រើនរូប។

ក្រុមគ្រួសារអ្នកឧកញ៉ា លាង ម៉េង និងក្រុមគ្រួសារក្រុមហ៊ុន បុរី អេចអិន ឌីវេឡុបមិន រៀអ៊ីស្តេត អ្នកឧកញ៉ា ស៊ី ហ៊ូហ៊ុយ បានរៀបចំពិធីមង្គលពិសាស្លាដក់កន្សែងដល់កូនប្រុសស្រីរបស់ខ្លួននៅថ្ងៃទី២២ ខែធ្នូ ឆ្នាំ២០២៤នេះ ក្នុងនោះកូនប្រុសមានឈ្មោះថា ស៊ី ហ៊ួតកុក ជាគូរនឹងកូនស្រីឈ្មោះថា អុឹង វត្តី ស្ថិតនៅភូមិគ្រឹះអ្នកឧកញ៉ាលាង ម៉េង ក្នុងបុរី ជីបម៉ុង 271។

តាមដានជាមួយយើង៖ Million Times

ពិធីភ្ជាប់ពាក្យរវាងក្រុមគ្រួសារអភិជនលំដាប់កំពូលកម្ពុជាមួយគូរនេះ បានធ្វើឡើងក្រោមវត្តមានលោកមេប៉ាចាស់ទុំ សាច់ញាតិទាំងសង ព្រមទាំងមហាសេដ្ឋីកំពូលៗ ឥស្សរជន និងមន្រ្តីជាន់ខ្ពស់រាជរដ្ឋាភិបាលក៏បានផ្តល់កិត្តិយសអញ្ជើញចូលរួមយ៉ាងច្រើនកុះករផងដែរ។

អនាគតគូរស្វាមីភរិយាថ្មីមួយមួយគូរនេះ មានវ័យក្មេងប្រហាក់ប្រហែលគ្នា ចំណែកឯរូបសម្រស់ក៏ស្អាតផូរផង់ ចរិយាសម្បត្តិសុភាបរាបសាសក័្កសមជាកូនក្រុមគ្រួសារអភិជនពិតៗ។

សូមទស្សនារូបទិដ្ឋភាពស្អាតៗក្នុងពិធីមង្គលពិសាស្លាដក់កន្សែងកូនស្រីអ្នកឧកញ៉ា លាង ម៉េង ដែលផ្តិតរូបដ៏ស្រស់ស្អាតពី The Ring Wedding Cambodia ដូចតទៅ៖

អត្ថបទ៖ សាងតេជៈ រូបភាព៖ The Ring Wedding Cambodia

The post ក្រុមអ្នកមាននិងឥស្សរជនកំពូលៗផ្តល់កិត្តិយសក្នុងពិធីមង្គលពិសាស្លាដក់កន្សែងកូនស្រីអ្នកឧកញ៉ា លាង ម៉េង appeared first on Millions times.

ទិដ្ឋភាពភ្ជាប់ពាក្យកូនស្រីដ៏ស្រស់ស្អាតរបស់កំពូលសេដ្ឋីប្រចាំខេត្តបាត់ដំបង

Vin Chang — Wed, 16 Oct 2024 07:42:26 +0000

កាលពីសប្តាហ៍កន្លងទៅ កូនស្រីរបស់សេដ្ឋីល្បីឈ្មោះប្រចាំខេត្តបាត់ដំបងម្នាក់បានរៀបចំពិធីភ្ជាប់ពាក្យយ៉ាងឪឡារិកអធិកអធមក្រោមវត្តមានលោកមេបាតូចធំត្រកូលរាមច្បង ព្រមទាំងមន្រ្តីនាក់មុខនាក់ការ និងសេដ្ឋីអ្នកជំនួញជាច្រើនរូប។

សិរីមង្គលពិធីភ្ជាប់ពាក្យកូនស្រីសេដ្ឋីកំពូលលុយ លោក សាន សម្បត្តិ ថៅកែក្រុមហ៊ុនលក់ និងចែកចាយគ្រឿងចក្រកសិកម្មដ៏ធំប្រចាំខេត្តបាត់ដំបង ធ្វើឡើងស្ថិតនៅភូមិគ្រឹះលោកផ្ទាល់តែម្តង នាក្រុងបាត់ដំបងកាលពីថ្ងៃទី១២ ខែតុលា ឆ្នាំ២០២៤។

ពិធីភ្ជាប់ពាក្យក្រុមគ្រួសារអភិជនរូបនេះ គឺកូនប្រុសឈ្មោះ ស៊ុន ហួត ជាគូរនឹងកូនស្រីឈ្មោះ សាន គីមហួរ ក្រោមវត្តមានមន្រ្តីធំៗ ក្នុងនោះក៏មានវត្តមានលោក ម៉ៅ ធនិន អភិបាលខេត្តកំពត និងលោកស្រីឧកញ៉ា ភូ គឹមតុក ផងដែរ៕

សូមទស្សនារូបភាពស្អាតៗក្នុងពិធីភ្ជាប់ពាក្យកូនស្រីអភិជនប្រចាំក្រុងបាត់ដំបង៖

តាមដានជាមួយយើង៖ Million Times

អត្ថបទ៖ ផល កុសល រូបភាព៖ One Memory

The post ទិដ្ឋភាពភ្ជាប់ពាក្យកូនស្រីដ៏ស្រស់ស្អាតរបស់កំពូលសេដ្ឋីប្រចាំខេត្តបាត់ដំបង appeared first on Millions times.

ភ្ជាប់ពាក្យ Archives - Millions times

អភិបាលក្រុងច្បារមន ភ្ជាប់ពាក្យជាមួយនារីវ័យក្មេងម្ចាស់ហាង រ៉ីមហ្សូន ម្តុំវិមានឯករាជ្យ

កូនស្រីម្ចាស់ផលិតកម្មថោន ភ្ជាប់ពាក្យជាមួយកូនប្រុសអ្នកឧកញ៉ា ឡេង ហួរ

កាបូបដៃម៉ាកកម្រភរិយាសេដ្ឋី អ៊ឹង ប៊ុនហ៊ូវ ថ្ងៃសិរីមង្គលព្រះពិធីចែចូវរបស់កូនប្រុស

ប្រណីតភាពនៃសិរីមង្គលព្រះពិធីចែចូវសែរាជវង្ស និងកូនសេដ្ឋី អ៊ឹង ប៊ុនហ៊ូវ

ពិធីភ្ជាប់ពាក្យកូនស្រីឧកញ៉ា លឹម ប៊ុនសួរ រៀបចំតុបតែងលម្អកម្មវិធីប្រណីតគ្មានពីរ

ថ្ងៃភ្ជាប់ពាក្យកូនស្រីសេដ្ឋីម្ចាស់ទីក្រុងរណប ING City អធឹកហើយ ទម្រាំដល់ថ្ងៃមង្គលការមិនដឹង​ធំដុំកម្រិតណា

ក្រុមអ្នកមាននិងឥស្សរជនកំពូលៗផ្តល់កិត្តិយសក្នុងពិធីមង្គលពិសាស្លាដក់កន្សែងកូនស្រីអ្នកឧកញ៉ា លាង ម៉េង

ទិដ្ឋភាពភ្ជាប់ពាក្យកូនស្រីដ៏ស្រស់ស្អាតរបស់កំពូលសេដ្ឋីប្រចាំខេត្តបាត់ដំបង

ថ្ងៃភ្ជាប់ពាក្យកូនស្រីសេដ្ឋីម្ចាស់ទីក្រុងរណប ING City អធឹកហើយ ទម្រាំដល់ថ្ងៃមង្គលការមិនដឹងធំដុំកម្រិតណា