តាមដានជាមួយយើង៖ Million Times

សេចក្តីជូនដំណឹងរបស់អគ្គនាយកដ្ឋានគយ និងរដ្ឋករកម្ពុជា​ ផ្សព្វផ្សាយនៅថ្ងៃទី២៩ ខែមីនានេះ បានឱ្យដឹងថា រាជរដ្ឋាភិបាលកម្ពុជា បានចេញអនុក្រឹត្យកែសម្រួលអត្រាពន្ធគយ និងអត្រាអាករនាំចេញលើមុខទំនិញមួយចំនួនដូចជា៖

១-បញ្ចុះអត្រាពន្ធនាំចូលពី ៧% មក០% លើមុខទំនិញ ឧបករណ៍សាកអាគុយរថយន្តអគ្គិសនី, ឆ្នាំងដាំបាយអគ្គិសនី និងចង្កៀងសូឡាចំនួន ៩បន្ទាត់ពន្ធ។

២-បញ្ចុះអត្រាពន្ធនាំចូលពី ១៥% មក០% លើមុខទំនិញម៉ូទ័រសម្រាប់យានយន្តអគ្គិសនី, ប្រព័ន្ធថាមពលសូឡា, អាគុយលីចូម (អាគុយកុំព្យូទ័រយួរដៃ, អាគុយយន្តហោះ, អាគុយយានយន្ត, អាគុយសូឡា និងឧបករណ៍ផ្ទុកថាមពលដូចជា Power bank, Power station, ថ្មទូរសព្ទ ជាដើម), ចង្ក្រានកម្ដៅអគ្គិសនី, កំសៀវអគ្គិសនី, រថយន្តដឹកអ្នកដំណើរ និងដឹកទំនិញប្រភេទ HEV, PHEV និង EV ចំនួន ១៧៩ បន្ទាត់ពន្ធ។

៣-បញ្ចុះអត្រាពន្ធនាំចូលពី ៣៥% មក៧% លើមុខទំនិញរថយន្តគ្រួសារប្រភេទ PHEV ចំនួន ៩២ បន្ទាត់ពន្ធ។

៤-បញ្ចុះអត្រាពន្ធនាំចូលពី ៣៥% មក០% លើមុខទំនិញ ចង្ក្រានអគ្គិសនី, ចង្ក្រានអាំងនំប៉័ង និងរថយន្តគ្រួសារប្រភេទ EV ចំនួន ១២បន្ទាត់ពន្ធ។

៥-បញ្ចុះអត្រាអាករនាំចេញពី ២៥% មក១០% លើមុខទំនិញរ៉ែបុកស៊ីត (រ៉ែអាលុយមីញ៉ូម) ចំនួន ០១ បន្ទាត់ពន្ធ។

អគ្គនាយកដ្ឋានគយ និងរដ្ឋករកម្ពុជា បានបញ្ជាក់ថា អត្រាពន្ធគយ និងអត្រាអាករនាំចេញកែសម្រួលថ្មីនេះ នឹងចូលជាធរមានចាប់ពីថ្ងៃទី១ ខែមេសា ឆ្នាំ២០២៦តទៅ៕

អត្ថបទ៖ វីរៈ រូបភាព៖ បណ្ដាញសង្គម

second...

x

The post រដ្ឋសម្រេចកែសម្រួលបញ្ចុះតម្លៃអត្រាពន្ធ និងអត្រាអាករនាំចេញលើមុខទំនិញមួយចំនួន​   appeared first on Millions times.

តាមដានជាមួយយើង៖ Million Times

ក្នុង​នោះ​មុខ​ទំនិញ​សំខាន់​ៗ​ដែល​នាំ​ចូល ហើយ​ត្រូវ​បាន​កែ​សម្រួល​អត្រា​ពន្ធគយ និង​អាករ​ពិសេស​មាន​ដូចជា៖

១. បញ្ចុះ​អត្រា​ពន្ធ​នាំ​ចូល​ពី ១៥% និង ៧% មក ០% ទំនិញ​កូន​បក្សី​រស់, កុំព្យូទ័រ និង​បរិក្ខារ, អង់តែន និង​បរិក្ខារ និង​ឧបករណ៍​ប្រើ​ក្នុង​មន្ទីរ​ពិសោធន៍ និង​គ្រឿង​បន្លាស់

២. បញ្ចុះ​អត្រា​ពន្ធ​នាំ​ចូល​ពី ១៥% មក ៧% លើ​មុខ​ទំនិញ បន្ទះ​សំឡី​កែវ, ម៉ាស៊ីន​ក្រឡុក និង​ម៉ាស៊ីន​គាប​ទឹក​ផ្លែឈើ, ឆ្នាំង​ដាំបាយ​អគ្គិសនី, ម៉ាស៊ីន​សំលៀង​ថ្ម, សំឡី​អនាម័យ និង​ខោ​ទឹកនោម

៣. បញ្ចុះ​អត្រា​ពន្ធ​នាំ​ចូល​ពី ៣៥% មក ៧% លើ​មុខ​ទំនិញ​ថ្នាំ​លាប​ការពារ​សំណឹក​លើ​តួ​នាវា

៤. បញ្ចុះ​អត្រា​ពន្ធ​នាំ​ចូល​ពី ៣៥% មក ១៥% លើ​មុខ​ទំនិញ​ឡ​អគ្គិសនី​សម្រាប់​ដុត ឬ​អាំង និង​រថយន្ត​ដឹក​អ្នក​ដំណើរ​ប្រភេទ​លីម៉ូហ្សីន

៥. បញ្ចុះ​អត្រា​អាករ​ពិសេស​ពី ១០% មក ០% លើ​មុខ​ទំនិញ​ម៉ូទ័រ​សម្រាប់​យានយន្ត​អគ្គិសនី, ម៉ាស៊ីន​បូម​ធូលី ​និង​ឧបករណ៍​ចាក់​សំឡេង

៦. បញ្ចុះ​អត្រា​អាករ​ពិសេស​ពី ១០% មក ៥% លើ​មុខ​ទំនិញ​អាគុយ​យានយន្ត​អគ្គិសនី

អត្ថបទ៖ ឆដា, រូបភាព៖ អគ្គនាយកដ្ឋានគយនិងរដ្ឋាករកម្ពុជា និងអ៊ីនធឺណេត

second...

x

The post ចាប់ពីដើមឆ្នាំក្រោយទៅរាជរដ្ឋាភិបាល បញ្ចុះពន្ធគយ និងអាករពិសេសលើមុខទំនិញទាំងនេះ appeared first on Millions times.

តាមដានជាមួយយើង៖ Million Times

ប្រធាន​សភា​ពាណិជ្ជកម្ម​កម្ពុជា និង​ជា​ប្រធាន​គណ:កម្មការ​សម្របសម្រួល​ក្រុម​ការងារ​ផ្នែក​ឯកជន សម្រាប់​យន្តការ​វេទិកា​រាជរដ្ឋាភិបាល-ផ្នែក​ឯកជន និង​ជា​ប្រធាន​ក្រុមប្រឹក្សា​ពិគ្រោះ​យោបល់​ធុរកិច្ច​អាស៊ាន​សម្រាប់​កម្ពុជា អ្នកឧកញ៉ា គិត ម៉េង បាន​បញ្ជាក់​ពី​តួនាទី​ដ៏​សំខាន់​នៃ​ភាព​ជា​ដៃគូ​រវាង​គយ និង​ឯកជន ដែល​សម្រេច​បាន​ការ​កែ​លម្អ​សំខាន់​ៗ​ក្នុង​សេវាកម្ម​គយ និង​ការ​សម្របសម្រួល​ពាណិជ្ជកម្ម​កាន់តែ​ងាយ​ស្រួល សម្រាប់​វិនិយោគិន។

អ្នកឧកញ៉ា គិត ម៉េង ថ្លែង​​បែប​នេះ ក្នុង​ឱកាស​អញ្ជើញ​ជា​សហ​អធិបតី​ជាមួយ រដ្ឋមន្ត្រី​ប្រតិភូ​អម​នាយករដ្ឋមន្ត្រី អគ្គនាយក​នៃ​អគ្គនាយកដ្ឋាន​គយ និង​រដ្ឋាករ​កម្ពុជា​ឯកឧត្ដម គុណ ញឹម ក្នុង​វេទិកា​ស្តី​ពី «វេទិកា​គយ​កម្ពុជា​លើកទី៣» នៅ​ថ្ងៃ​១៤ ខែ​វិច្ឆិកា ឆ្នាំ២០២៥ នៅ​សាលា​ជាតិ​គយ។

ប្រធាន​សភា​ពាណិជ្ជកម្ម​កម្ពុជា បាន​បញ្ជាក់​ថា ការ​កែប្រែ​ទាំង​នេះ បាន​បន្ធូរបន្ថយ​យ៉ាង​ខ្លាំង​ចំពោះ​ថ្លៃ​ដើម និង​ពេលវេលា សម្រាប់​អាជីវកម្ម និង​វិនិយោគិន ក្នុង​ការ​ដាក់​ជូន​ប្រកាស​អាករ និង​ឯកសារ​ពាក់ព័ន្ធ​តាម​អ៊ីនធឺណិត ដោយ​មិន​ចាំបាច់​ទៅ​កាន់​ការិយាល័យ​ដោយ​ខ្លួនឯង​ទេ ដែល​ធ្វើឲ្យ​ទំនាក់ទំនង ការ​ដាក់​ជូន​ឯកសារ និង​ការ​គោរព​បទប្បញ្ញត្តិ​មាន​ភាព​ងាយស្រួល ហើយ​រួមចំណែក​ដល់​សមត្ថភាព​ប្រកួតប្រជែង និង​កំណើន​សេដ្ឋកិច្ច​កម្ពុជា។

អ្នកឧកញ៉ា​ជឿជាក់​ភាព​ជា​ដៃគូ​ដ៏​រឹងមាំ​រវាង​រដ្ឋាភិបាល និង​វិស័យ​ឯកជន ព្រម​ទាំង​វិនិយោគិន គឺ​ជា​តំណ​ភ្ជាប់​ខ្វះ​គ្នា​មិន​បាន សម្រាប់​បង្កើត​បរិស្ថាន​ពាណិជ្ជកម្ម​មួយ​ដែល​មាន​សមត្ថភាព​ប្រកួតប្រជែង ដែល​ជំរុញ​ដល់​កំណើន​សេដ្ឋកិច្ច​កម្ពុជា និង​ការ​កែ​លម្អ​បរិយាកាស ធុរកិច្ច និង​វិនិយោគ។

អ្នកឧកញ៉ា បាន​បន្ត​ទៀត​ថា វិស័យ​ឯក​ជន​គាំទ្រ​យ៉ាង​ពេញ​ទំហឹង​ចំពោះ ការ​ខិតខំ​របស់​អគ្គនាយកដ្ឋាន​គយ និង​រដ្ឋាករ​កម្ពុជា ក្នុង​ការ​សម្របសម្រួល​ប្រតិបត្តិការ​ក្នុង​ទម្រង់​ប្រព័ន្ធ​ឌីជីថល មាន​លក្ខណៈ​ពិសេស និង​ការ​បញ្ចូល​គ្នា​នៃ​ទិន្នន័យ​ផ្សេង​ៗ៕

អត្ថបទ៖ ឆដា, រូបភាព៖ សភាពាណិជ្ជកម្មកម្ពុជា

second...

x

The post អ្នកឧកញ៉ា គិត ម៉េង សរសើរភាពជាដៃគូរវាងគយ និងឯកជន សម្រេចបានការកែលម្អសំខាន់ៗក្នុងសេវាកម្មគយ appeared first on Millions times.

ឯកសារស្រាវជ្រាវ ដែលមានចំណងជើង ផលប៉ះពាល់សេដ្ឋកិច្ចនៃពន្ធគយរបស់សហរដ្ឋអាមេរិកមកលើប្រទេសកម្ពុជា នេះត្រូវបានចងក្រងដោយមានការគាំទ្រពី វិទ្យាស្ថានបណ្តុះបណ្តាល និង ស្រាវជ្រាវដើម្បីអភិវឌ្ឍន៍កម្ពុជា (CDRI)។

ឯកសារនេះពិនិត្យលើករណីកម្រិតពន្ធគយចំនួនបីគឺ ទាប (១០%) មធ្យម (១៩%) និងខ្ពស់ (៣៦%) និងផលប៉ះពាល់របស់វាដល់កំណើនសេដ្ឋកិច្ច ការងារ ភាពក្រីក្រ និងហិរញ្ញវត្ថុរបស់រដ្ឋាភិបាល នៃប្រទេសកម្ពុជា។ ការវិភាគបង្ហាញថាពន្ធគយ ១៩% ជាក់ស្តែងនាពេលបច្ចុប្បន្ន ដែលសម្រេចបានពីការចរចាទ្វេភាគី ក្នុងខែសីហា ឆ្នាំ២០២៥ នេះ នឹងមានផលប៉ះពាល់តិចតួចលើប្រទេសកម្ពុជាក្នុងរយៈពេលប៉ុន្មានឆ្នាំខាងមុខនេះ។ 

តាមដានជាមួយយើង៖ Million Times

ប៉ុន្តែការស្រាវជ្រាវនេះក៏រំលេចដែរថា ស្ថានភាពនៅតែមិនច្បាស់លាស់ និងផុយស្រួយ។ ពន្ធគយខ្ពស់នឹងពន្យឺតកំណើនសេដ្ឋកិច្ចជិត ១ ភាគរយ ធ្វើឱ្យពលរដ្ឋប្រមាណ ១00.000 អត់ការងារធ្វើ និងបង្កើនអត្រាភាពក្រីក្រលើសពី ១ ភាគរយ ដែលអាចទាញថយក្រោយនូវការវិវត្តថ្មីៗរបស់ប្រទេសក្នុងការកាត់បន្ថយភាពក្រីក្រ។ ផលប៉ះពាល់នឹងធ្ងន់ធ្ងរជាពិសេសសម្រាប់កម្មករក្នុងវិស័យកាត់ដេរ និងអេឡិចត្រូនិច ដែលអាចនាំដល់ការផ្លាស់ប្តូរទៅវិស័យដែលមានប្រាក់ចំណូលទាបជាងមុនដូចជាវិស័យកសិកម្ម និងសេវាកម្មទូទៅ។

សេដ្ឋវិទូរបស់ ADB ប្រចាំប្រទេសកម្ពុជា លោកបណ្ឌិត Milan Thomas ដែលជាអ្នកដឹកនាំចងក្រងឯកសារស្រាវជ្រាវនេះមានប្រសាសន៍ថា «មន្ត្រីជំនាញរបស់រាជរដ្ឋាភិបាល និង វិស័យឧស្សាហកម្មកំពុងបន្តតាមដានស្ថានការណ៍យ៉ាងដិតដល់ក្នុងរយៈពេលជាច្រើនខែ។ ការវិភាគរបស់ពួកគាត់បង្ហាញថា ពន្ធគយខ្ពស់ដែលបានដាក់កាលពីដើមឆ្នាំអាចជាបន្ទុកសេដ្ឋកិច្ចដ៏ធ្ងន់ ប៉ុន្តែអត្រាពន្ធ ១៩% ក្នុងពេលបច្ចុប្បន្នគឺមិនអីទេ។»

ឯកសារស្រាវជ្រាវនេះប្រើប្រាស់គំរូសិក្សាសេដ្ឋកិច្ចរបស់មជ្ឈមណ្ឌលសិក្សាគោលនយោបាយរបស់សាកលវិទ្យាល័យ Victoria និងទិន្នន័យអង្កេតគ្រួសារចុងក្រោយបង្អស់ពីវិទ្យាស្ថានជាតិស្ថិតិរបស់កម្ពុជា។ ឯកសារស្រាវជ្រាវនេះផ្តល់ជាអនុសាសន៍ថា បើមានស្ថានភាពនៃការដំឡើងពន្ធគយ វិធានការសង្គ្រោះ     បណ្តោះអាសន្ន រួមមានជំនួយសង្គម សេវាកម្មការងារ និងកម្មវិធីបណ្តុះបណ្តាល អាចត្រូវបានពង្រឹងដើម្បីសម្រួលការប្រែប្រួលទីផ្សារការងារ និងការពារពលរដ្ឋដែលងាយរងគ្រោះ។ ក្នុងរយៈពេលវែងជាងនេះ ការ វិនិយោគដែលកំពុងបន្ត លើសមត្ថភាពប្រកួតប្រជែងផ្នែកសេដ្ឋកិច្ច តាមរយៈហេដ្ឋារចនាសម្ព័ន្ធ មូលធនមនុស្ស និងកំណែទម្រង់អាជីវកម្ម នឹងកសាងភាពធន់របស់កម្ពុជាសម្រាប់វិបត្តិនាពេលអនាគត។

ADB គឺជាធនាគារអភិវឌ្ឍន៍ពហុភាគី ឈានមុខគេមួយ ដែលគាំទ្រកំណើនប្រកបដោយបរិយាបន្ន ភាពធន់ និង ចីរភាព នៅទូទាំងអាស៊ី និងប៉ាស៊ីហ្វិក។ ដោយធ្វើការជាមួយសមាជិក និងដៃគូរបស់ខ្លួន ដើម្បីដោះស្រាយបញ្ហាប្រឈមស្មុគស្មាញរួមគ្នា ADB ប្រើប្រាស់ឧបករណ៍ហិរញ្ញវត្ថុប្រកបដោយនវានុវត្តន៍ និង ភាពជាដៃគូយុទ្ធសាស្ត្រ ដើម្បីផ្លាស់ប្តូរជីវិត កសាងហេដ្ឋារចនាសម្ព័ន្ធប្រកបដោយគុណភាព និងការពារភពផែនដីរបស់យើង។ បង្កើតឡើងក្នុងឆ្នាំ ១៩៦៦ ADB ត្រូវបានគ្រប់គ្រងដោយសមាជិកចំនួន ៦៩ ក្នុងចំណោម ៥០ ស្ថិតក្នុងតំបន់អាស៊ី និងប៉ាស៊ីហ្វិក៕

អត្ថបទ៖ ប៊ី

second...

x

The post ADB៖ ពន្ធគយអាមេរិក ១៩% នឹងមានផលប៉ះពាល់តិចតួចលើប្រទេសកម្ពុជា appeared first on Millions times.

តាមដានជាមួយយើង៖ Million Times

អង្គភាពអ្នកនាំពាក្យរាជរដ្ឋាភិបាលកម្ពុជា បានឲ្យដឹងថា​ កិច្ចប្រជុំការចរចាពន្ធបដិការកម្ពុជា-អាមេរិក ជុំទី៣ ដឹកនាំដោយលោក ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា និងលោកស្រី ចម និម្មល រដ្ឋមន្ត្រីក្រសួងពាណិជ្ជកម្ម ​ ជាមួយតំណាងពាណិជ្ជកម្មសហរដ្ឋអាម៉េរិក ដឹកនាំដោយ លោកស្រី Sarah Ellerman អនុប្រធានតំណាងពាណិជ្ជកម្មសហរដ្ឋអាម៉េរិក ទទួលបន្ទុក តំបន់អាស៊ីអាគ្នេយ៍ និងប៉ាស៊ីហ្វិក​ តាមប្រព័ន្ធវីដេអូ។

ក្នុងកិច្ចប្រជុំនេះ ភាគីទាំងពីរ បានវាយតម្លៃខ្ពស់លើវឌ្ឍនភាពជាវិជ្ជមាននៃការចរចាកន្លងមក និង បានឯកភាពដាក់ចេញនូវសំណើរៀងៗខ្លួនបន្ថែមទៀត។ ភាគីទាំងពីរ ត្រៀមខ្លួនរួចរាល់សម្រាប់កិច្ចប្រជុំចរចា ជុំបន្ទាប់ និងបានប្តេជ្ញាចិត្តបន្តធ្វើការជាមួយគ្នាដើម្បីឈានទៅដល់ការសម្រេចរួម ដែលបម្រើផលប្រយោជន៍ នៃប្រទេសទាំងពីរ។

បើតាមអង្គភាពអ្នកនាំពាក្យ រាជរដ្ឋាភិបាលកម្ពុជាដែលមាន សម្តេច ហ៊ុន ម៉ាណែត ជា នាយករដ្ឋមន្ត្រី នឹងបន្តធ្វើកិច្ចការងារនេះដោយយកចិត្តទុកដាក់បំផុត​។

កាលថ្ងៃទី២ ខែមេសា ដែលត្រូវនឹងថ្ងៃទី៣ ខែមេសា នៅកម្ពុជានេះ ប្រធានាធិបតីសហរដ្ឋអាមេរិក លោក Donald Trump បានចុះហត្ថលេខា​លើគោលនយោបាយ «ពន្ធគយ» ដ៏ខ្លាំងក្លា ដែលបានដាក់លើប្រមាណ ១៦០ប្រទេស ជុំវិញពិភពលោក។ ក្រោមគោលនយោបាយពន្ធគយនេះ កម្ពុជាបានរងការដាក់ពន្ធធ្ងន់ជាងគេ បើប្រៀបធៀបប្រទេស​ក្នុងតំបន់ ពោលគឺ ៤៩ភាគរយ ខណៈអាមេរិក​យក​ពន្ធនាំចូលពី​​​​ប្រទេសឡាវ ៤៨ភាគរយ ​វៀត​ណាម​៤៦​ភាគ​រយ ភូមា៤៤ភាគរយ ​ប្រទេស​ថៃ៣៦​ភាគ​រយ ឥណ្ឌូនេស៊ី៣២​ភាគរយ។

ការរំកិលពន្ធគយមកលើទំនិញកម្ពុជារហូតដល់៤៩ភាគរយនេះ ដោយលោក Trump បានអះអាងថា ជាការឆ្លើយតបចំពោះកម្ពុជាដែលបានគិតពន្ធលើទំនិញនាំចូល​ពីសហរដ្ឋអាមេរិក ក្នុង​កម្រិត ៩៧%។

យ៉ាងណា រដ្ឋមន្ត្រីក្រសួង​ពាណិជ្ជកម្មកម្ពុជា​​ លោក​​​ស្រី ចម និម្មល​ បានថ្លែងក្នុងបទសម្ភាសន៍មួយកាលពីយប់ថ្ងៃទី០៣ ខែមេសា ដោយច្រានចោលការចោទថា កម្ពុជាបានយកពន្ធគយលើទំនិញរបស់អាមេរិក៩៧ភាគរយនោះ។ លោកស្រីបានបន្ថែមថា កម្ពុជានៅក្នុងនាមជាសមាជិក WTO ក៏ដូចគ្នាទៅនឹងសហរដ្ឋអាមេរិក និងប្រទេស ១៦៦ផ្សេងទៀតដែរ គឺ​​មាន​ការ​កំណត់​នូវ​បន្ទាត់​ពន្ធ​គយ​ជាមួយ​គ្នា​ជា​រួម ក្នុ​ង​នោះ​កម្ពុជា​បាន​កំណត់​នៅ​ក្នុង​កាតព្វ​កិច្ច​របស់​ខ្លួន តាមរយៈ​ការយកពន្ធនៃ​ផលិតផលនាំ​ចូល​ក្នុង​​ចន្លោះ​​​ពី ០% រហូត​ដល់ខ្ពស់បំផុត​​​ ៣៥%។

ក្នុងឆ្នាំ២០២៤ ការនាំចេញទំនិញរបស់កម្ពុជា ទៅកាន់ទីផ្សារសហរដ្ឋអាមេរិកមាន​ចំនួន ៩ ៩១៦លានដុល្លារ ខណៈការនាំចូលពីអាមេរិកមកកាន់កម្ពុជា មានតែ ២៦៤លានដុល្លារប៉ុណ្ណោះ៕

អត្ថបទ​៖ សាងតេជៈ រូបភាព៖ បណ្តាញសង្គម

second...

x

The post ការចរចាពន្ធគយកម្ពុជា-អាមេរិកជុំទី៣៖ ឯកភាពគ្នាដាក់ចេញនូវសំណើរៀងៗខ្លួនបន្ថែមទៀត​ សម្រាប់កិច្ចប្រជុំចរចាជុំបន្ទាប់ appeared first on Millions times.

តាមដានជាមួយយើង៖ Million Times

ក្នុងចំណោមក្រុមហ៊ុនទាំងនោះ ភាគច្រើនគឺក្រុមហ៊ុនអាមេរិកផ្ទាល់ដែលជាអ្នករងផលប៉ះពាល់ខ្លាំង តួយ៉ាងដូចជា Apple និង Ford ជាដើម សុទ្ធតែរអ៊ូរទាំជុំវិញការឡើងថ្លៃគ្រឿងបង្គុំផលិតផល ដែលនាំចូលពីបរទេស។

ក្រុមហ៊ុននៅអាមេរិកមួយចំនួនធំ បានប្រកាសពីការធ្លាក់ចុះនៃប្រាក់ចំណូលប្រចាំត្រីមាស និងបង្ហាញពីការព្យាករណ៍ប្រាក់ចំណូលប្រចាំឆ្នាំម្ដងទៀត បន្ទាប់ពីលោក Trump ដាក់ចេញនូវគោលនយោបាយទារពន្ធគយ ចំពោះបណ្ដាប្រទេសជាច្រើន។

ក្នុងចំណោមក្រុមហ៊ុនអាជីវកម្មទាំងនោះ វិស័យរថយន្ត អាកាសចរណ៍ និងការនាំចូលទំនិញ រងផលប៉ះពាល់ខ្លាំងបំផុត ដោយសារត្រូវនាំចូលពីបរទេស ជាពិសេសគឺពីប្រទេសចិន ដែលមានអត្រាពន្ធគយខ្ពស់ជាងគេ៕

អត្ថបទ៖ Luffy រូបភាព៖ 1News

second...

x

The post វិធានការពន្ធគយលោក Trump ធ្វើឲ្យក្រុមហ៊ុនខ្នាតយក្សជាច្រើនខាតបង់ ៣៤ពាន់លានដុល្លារ appeared first on Millions times.

តាមដានជាមួយយើង៖ Million Times

ទីភ្នាក់ងារព័ត៌មាន Yahoo បានចុះផ្សាយថា ចំណូលពន្ធគយក្នុងខែឧសភានេះ ទទួលបានច្រើនជាងខែមុនៗ ពោលកាលពីខែមេសា ទទួលបាន ១៧,៤ពាន់លានដុល្លារ ស្របពេលខែមីនាបានជាង ៩ពាន់លានដុល្លារ។

ប្រភពដដែលបានអះអាងថា រយៈពេលជាង ៥ខែមកនេះ រដ្ឋាភិបាលអាមេរិកបានកើបលុយពីការទារពន្ធគយ ប្រហែល ៩២ពាន់លានដុល្លារហើយ។

គួររំលឹកបន្តិចថា ប្រធានាធិបតី Donald Trump បានដាក់ចេញនូវផែនការទារពន្ធសងសឹក ចំពោះបណ្ដាប្រទេសជាច្រើនជុំវិញពិភពលោក ដោយបានអះអាងថា ចំណូលបានមកពីការទារពន្ធគយទាំងនោះ នឹងត្រូវយកមកដោះស្រាយបញ្ហាបំណុលដែលអាមេរិកំពុងមានសព្វថ្ងៃ៕

អត្ថបទ៖ Luffy រូបភាព៖ Snope

second...

x

The post រដ្ឋាភិបាលអាមេរិកបន្តកើបលុយបានជាង ២២ពាន់លានដុល្លារ ពីចំណូលពន្ធគយ appeared first on Millions times.

ក្នុងពិធីជួបសំណេះសំណាលមួយមន្ត្រីរាជការ បុគ្គលិក កម្មករ និយោជិត ដែលកំពុងបម្រើការងារនៅកំពង់ផែស្វយ័តក្រុងព្រះសីហនុ នាព្រឹកថ្ងៃព្រហស្បតិ៍ ទី១ ខែឧសភានេះ សម្តេចហ៊ុន ម៉ាណែត បានឲ្យដឹងថា ថ្ងៃស្អែកក្រុមការងាររបស់កម្ពុជា បន្តជួបជាមួយឯកអគ្គរដ្ឋទូត លោក Jamieson Greer ប្រធានតំណាងពាណិជ្ជកម្មសហរដ្ឋអាមេរិក បើតម្រូវឱ្យហោះទៅអាមេរិក គឺក្រុមការងារទៅភ្លាម។

តាមដានជាមួយយើង៖ Million Times

សម្តេចក៏បានសម្តែងការហួសចិត្តនឹងក្រុមបក្សពួកប្រឆាំងនៅក្រៅស្រុក ដែលនាំគ្នាទៅបញ្ចុះបញ្ចូលសហភាពអឺរ៉ុប ឱ្យដាក់សម្ពាធពាណិជ្ជកម្មលើកម្ពុជា។ សម្តេចបានចោទសួរថា កម្ពុជាកំពុងដោះស្រាយបញ្ហាជាមួយអាមេរិក តើសម ឬចាំបាច់ទេ ដែលទៅស្នើអឺរ៉ុបឱ្យដាក់សម្ពាធលើកម្ពុជា នាំការលំបាកដល់ពលរដ្ឋកម្ពុជា រួមទាំងអ្នកដែលគាំទ្រពួកគេផងនោះ។

ទង្វើររបស់ក្រុមប្រឆាំងនៅក្រៅប្រទេសនេះ ត្រូវបានសម្តេច ហ៊ុន ម៉ាណែត ចាត់ទុកជាសកម្មភាពដែលមិនបានជួយកម្ពុជា ហើយយកជើងរាទឹកថែមទៀត។ សម្តេចស្នើឱ្យពលរដ្ឋកត់សម្គាល់នូវទង្វើរបស់ក្រុមប្រឆាំង ដែលនាំការលំបាកសម្រាប់ជាតិ និងប្រជាជន។

ជាមួយគ្នានេះដែរ សម្តេចម ហ៊ុន ម៉ាណែត ណែនាំដល់មន្ត្រីពាក់ព័ន្ធត្រួតពិនិត្យ និងគ្រប់គ្រងឱ្យបានច្បាស់ ដើម្បីកុំឱ្យមាននាំទំនិញមកវាយផ្លាកផលិតនៅកម្ពុជា ហើយនាំចេញទៅកាន់ប្រទេសដទៃ ដើម្បីបានរួចពន្ធ។ សម្តេចបានលើកបង្ហាញទិន្នន័យដែលបានស្រាវជ្រាវថា ឆ្នាំ២០២៤ អាមេរិក មានឱនភាពពាណិជ្ជកម្ម (នាំចេញតិច នាំចូលច្រើន) ជាមួយប្រទេសជាង ១០០ប្រទេស។ ចិន អតិរេក ១៥០ប្រទេស នាំចេញចេញច្រើន នាំចូលតិច។ ចិន នាំចេញផលិតផលសំរេច និងវត្ថុធាតុដើម។

សម្តេចនាយករដ្ឋមន្រ្តីបានបញ្ជាក់ថា អាមេរិកនាំចូលច្រើន ព្រោះអាមេរិក ចំណាយលើការទិញច្រើន ខណៈចិនផ្អែកលើការផលិត និងនាំចេញ។ សម្តេចបានថ្លែងបញ្ជាក់ថា កម្ពុជាគ្មានចេតនាផ្តាច់ពាណិជ្ជកម្មជាមួយអាមេរិកនោះឡើយ៕

អត្ថបទ៖ សាងតេជៈ រូបភាព៖ ក្រុមព័ត៌មានសម្តេចធិបតី

second...

x

The post ថ្ងៃស្អែកមន្រ្តីកម្ពុជា បន្តជួបជជែករឿងពន្ធអាមេរិក បើតម្រូវឱ្យហោះទៅវ៉ាស៊ីនតោន គឺក្រុមការងារទៅភ្លាម appeared first on Millions times.

ថ្លែងនៅក្នុងវេទិកាសាធារណៈមួយក្នុងទីក្រុងវ៉ាស៊ីនតោនកាលពីថ្ងៃសៅរ៍ ដែលបង្ហោះនៅលើគេហទំព័ររបស់ស្ថានទូតចិន លោក Xie បាននិយាយថា ពន្ធគយនឹងបំផ្លិចបំផ្លាញសេដ្ឋកិច្ចពិភពលោក និងទាក់ទាញភាពស្របគ្នារវាងវិបត្តិសេដ្ឋកិច្ចដ៏ធំ និងពន្ធដែលដាក់ដោយសហរដ្ឋអាមេរិកក្នុងឆ្នាំ១៩៣០ ។

តាមដានជាមួយយើង៖ Million Times

លោក Xie បាននិយាយថា ភាពសុខដុមរមនាគួរតែដឹកនាំរវាងប្រទេសដែលមានសេដ្ឋកិច្ចធំជាងគេទាំងពីរ។ លោកបានលើកជាឧទាហរណ៍ថា «​រូបមន្ត​ឱសថ​បុរាណ​ចិន​ដ៏​ល្អ​មួយ​ជា​ធម្មតា​រួម​បញ្ចូល​សារធាតុ​ផ្សំ​ជាច្រើន​ដែល​ពង្រឹង​ដល់​គ្នា​ទៅវិញទៅមក និង​បង្កើត​ប្រសិទ្ធភាព​ផ្នែក​វេជ្ជសាស្រ្ដ​ដ៏​ល្អ​បំផុត​»​។

លោក​បន្ត​ថា​ ដូច​គ្នា​ដែរ ផែនដី​ក៏​ធំ​ល្មម​អាច​ទទួល​បាន​ទាំង​ចិន និង​អាមេរិក​ផង​ដែរ។ «យើង​គួរ​បន្ត​ការ​រួមរស់​ដោយ​សន្តិវិធី ជា​ជាង​ការ​ប៉ះ​ទង្គិច​គ្នា ហើយ​ជួយ​គ្នា​ទៅ​វិញ​ទៅ​មក​ជោគជ័យ ជាជាង​ជាប់​ក្នុង​សេណារីយ៉ូ​ចាញ់​ឈ្នះ»។

បើតាម​ទិន្នន័យ​របស់​ក្រសួងពាណិជ្ជកម្ម​អាមេរិក ក្នុងឆ្នាំ២០២៤ ចិន​ជា​ដៃគូ​ពាណិជ្ជ​ដ៏​ចម្បង​បំផុត​របស់​អាមេរិក ដែល​មានទំហំជិត ៣០០ ពាន់​លានដុល្លារ​នៃការ​ដោះដូរពាណិជ្ជកម្ម​ទ្វេភាគី។​ ​ទោះបីជាដៃគូរពាណិជ្ជកម្មដ៏ធំរវាងគ្នាក្តីនេះប្រទេសមហាអំណាចទាំងពីរកំពុងប្រឈមមុខដាក់គ្នារឿងពន្ធគយថ្មីៗ ដែលដំឡើងដោយប្រធានាធិបតីអាមេរិក Donald Trump លើការនាំចូលទំនិញពីចិនដល់ ២៤៥% ដែលជាចំនួនយ៉ាងច្រើនសន្ធឹកសន្ធាប់មិនធ្លាប់មានក្នុងប្រវត្តិសាស្រ្ត។ 

ក្នុងសេចក្តីថ្លែងការណ៍របស់សេតវិមាន បានឲ្យដឹងថា ការដំឡើងពន្ធទំនិញនាំចូលរបសចិនរហូតដល់ ២៤៥% ដើម្បីជាការឆ្លើយតបទៅកាន់ចិនវិញ ក្រោយទីក្រុងប៉េកាំងប្រកាសពន្ធសងសឹកលើអាមេរិក ១២៥%៕

អត្ថបទ៖ សារ៉ាយ រូបភាព៖ Reuters 

second...

x

The post ចិន​ជំរុញ​ឲ្យ​បញ្ចប់​សង្គ្រាម​ពាណិជ្ជកម្ម ដោយព្រមាន​ពន្ធគយនឹងបំផ្លិចបំផ្លាញសេដ្ឋកិច្ចពិភពលោក appeared first on Millions times.

ការដាក់ពន្ធគយរបស់សហរដ្ឋអាមេរិក និងការពន្យារពេលវិនិយោគ នឹងជះឥទ្ធិពលលើការនាំចេញរបស់ប្រទេសថៃនៅក្នុងឆមាសទីពីរនៃឆ្នាំនេះ។ នេះបើតាមជំនួយការទេសាភិបាលធនាគារកណ្តាលថៃ លោក Sakkapop Panyanukul បានប្រាប់សន្និសីទសារព័ត៌មាន។

លោក Sakkapop Panyanukul បាននិយាយថា “ភាពមិនប្រាកដប្រជានៃគោលនយោបាយពាណិជ្ជកម្មសកលគឺជាក្តីព្រួយបារម្មដ៏ធំ និងអូសបន្លាយដែលនឹងប៉ះពាល់ដល់ប្រទេសថៃតាមវិធីជាច្រើន”។

ប្រទេសថៃស្ថិតក្នុងចំណោមប្រទេសអាស៊ីអាគ្នេយ៍ដែលរងសម្ពាធពន្ធគយរបស់ប្រធានាធិបតីអាមេរិក Donald Trump ដោយប្រឈមនឹងពន្ធ ៣៦% ប្រសិនបើការចរចាមិនបានសម្រេច ហើយនឹងផុតកំណត់នៅក្នុងខែកក្កដា។

លោក Sakkapop បាននិយាយថា សេដ្ឋកិច្ចឥឡូវនេះទំនងជានឹងកើនឡើងតិចជាង ២.៥% នៅឆ្នាំនេះ ទាបជាងការព្យាករណ៍ពីមុន ដោយសារការនាំចូលរបស់សហរដ្ឋអាមេរិកខ្ពស់ ដើម្បីកាត់បន្ថយអតិរេកពាណិជ្ជកម្មរបស់ថៃជាមួយអាមេរិកនឹងប៉ះពាល់ដល់ផលិតកម្មក្នុងស្រុក។

លោក​បាន​ថ្លែង​ថា​ ផលិតផល​ក្នុងស្រុក​សរុប​នឹង​ធ្លាក់​ចុះ​យ៉ាង​ពិតប្រាកដ​ ប៉ុន្តែ​លោក​ថា ​ចំនួន​ប៉ុន្មាន​នៅតែ​មិន​ច្បាស់លាស់​ និងថា ផល​ប៉ះពាល់​នឹង​មិន​តូច​ទេ ប៉ុន្តែ​វា​នឹង​មិន​ធ្ងន់ធ្ងរ​ដូច​ក្នុង​អំឡុង​ពេល Covid នោះ​ទេ។

លោក​បាន​បន្ត​ថា អតិផរណា​ទំនង​ជា​នឹង​ធ្លាក់​ចុះ​ដែល​​ជំរុញ​ដោយ​កត្តា​ផ្នែក​ផ្គត់ផ្គង់ ប៉ុន្តែ​មិន​មាន​សម្ពាធ​លើ​គោល​នយោបាយ​រូបិយវត្ថុ​ទេ៕

អត្ថបទ៖ សារ៉ាយ រូបភាព៖ Bangkok Post

second...

x

The post កំណើន​សេដ្ឋកិច្ច​ថៃ​នឹង​ទទួល​រងផលប៉ះពាល់ពីសម្ពាធ​ពន្ធគយ​របស់​អាមេរិក appeared first on Millions times.