តាមដានជាមួយយើង៖ Million Times

លោកស្រី បានឱ្យដឹងបន្តថា នៅថ្ងៃនេះ អាជ្ញាធររាជធានីភ្នំពេញ បានអញ្ជើញ​អាជីវករ​ដែលលក់ដូរនៅជុំវិញ​បរិវេណ​ផ្សារ​ដើមគរ​ចាស់ ទៅទស្សនាទីតាំងផ្សារដើមគរថ្មី ដើម្បីផ្លាស់ប្ដូរការប្រកបរបររកស៊ីរបស់ពួកគាត់នៅទីតាំងថ្មី។

នាឱកាសនោះដែរ អាជីវករមួយចំនួន ក៏បាន​​ចាប់​ឆ្នោត​ទទួល​តូប​លក់​ដូរ​នៅ​ទីតាំង​ផ្សារ​ដើមគរ​ថ្មី​ ហើយលោកស្រី ដោ សម្ផស្ស ក៏បានអំពាវនាវដល់អាជីវករផ្សេងទៀត ​ដែល​មិនទាន់​បាន​មកចាប់​ឆ្នោត​ សូម​រួសរាន់មកចាប់ ព្រោះ​ក្រុមហ៊ុន​ផ្សារ​កំពុង​ផ្តល់​អត្ថប្រយោជន៍​សមរម្យ​ជាច្រើន។

ជាមួយគ្នានេះ រដ្ឋបាលរាជធានីភ្នំពេញ បានស្វាគមន៍អាជីវករដែលបានស្ម័គ្រចិត្តមកលក់ដូរនៅផ្សារបោះដុំបន្លែផ្លែឈើ (ផ្សារដើមគរថ្មី) ក្រោមការសម្របសម្រួលពី​រដ្ឋបាលរាជធានីភ្នំពេញ​ ដោយទទួលបានអត្ថប្រយោជន៍ជាច្រើន។

បើតាមអាជ្ញាធររាជធានីភ្នំពេញ អាជីវករ​ដែលបានស្ម័គ្រចិត្តមក​លក់ដូរនៅផ្សារដើមគរថ្មី​ បានបង្ហាញពីចំណាប់អារម្មណ៍វិជ្ជមាន​ និងសម្ដែងការពេញចិត្ត​ចំពោះលក្ខខណ្ឌផ្សេងៗ​ ដែលទទួលបានរួមមាន៖ ការអនុគ្រោះថ្លៃឈ្នួលតូបរយៈពេល ២ឆ្នាំដំបូង​ ដោយពុំមានប្រាក់កក់ ពុំគិតថ្លៃទឹកភ្លើងរយៈពេល ៦ខែដំបូង​ ព្រមទាំងអត្ថប្រយោជន៍ផ្សេងៗជាច្រើនទៀត។

​គូសបញ្ជាក់ថា ​ដើម្បីលើកកម្ពស់សោភ័ណភាព​ហេដ្ឋារចនាសម្ព័ន្ធ​ និងសណ្ដាប់ធ្នាប់របៀបរៀបរយសាធារណៈ​ ចាប់ពីថ្ងៃទី១៨​ ខែមករា​ ឆ្នាំ២០២៦​ខាងមុខនេះតទៅ​ រដ្ឋបាលរាជធានីភ្នំពេញ​ នឹងមិនអនុញ្ញាតឱ្យមានការលក់ដូរឥតសណ្ដាប់ធ្នាប់រំលោភចិញ្ចើមផ្លូវ​ និងទ្រូងផ្លូវសាធារណៈ​ នៅមហាវិថីមុនីរ៉េត​ មហាវិថីម៉ៅសេទុង និងតំបន់ជុំវិញផ្សារដើមគរ​​​ ព្រមទាំងតំបន់ពាក់ព័ន្ធជុំវិញ៕

អត្ថបទ៖ វីរៈ រូបភាព៖ រដ្ឋបាលរាជធានីភ្នំពេញ

The post អាជ្ញាធរ ​នឹងមិនអនុញ្ញាតឱ្យលក់ដូរ​លើដងផ្លូវ​ជុំវិញ​ផ្សារ​ដើមគរ​ចាស់ទៀតទេ ចាប់ពីថ្ងៃទី​១៨​ ខែមករាតទៅ   appeared first on Millions times.

ផ្សារថ្មីនេះ ត្រូវប្រសិទ្ធនាមថា មជ្ឈមណ្ឌលពាណិជ្ជកម្ម អាស៊ាន-អន្តរជាតិ ឬផ្សារដើមគរថ្មី ត្រូវបានវិនិយោគដោយក្រុមហ៊ុន ចាង វ៉ាង (ខេមបូឌា) រៀលអ៊ីស្តេត អ៊ិនវេសម៉ិន ឯ.ក របស់ចិន ដែលបានអភិវឌ្ឍសាងសង់ជាផ្សារផ្គត់ផ្គង់បន្លែ ចំណតរថយន្ត ឃ្លាំង និងអគារពាណិជ្ជកម្មកម្ពស់ ៣៣ជាន់។

តាមដានជាមួយយើង៖ Million Times

បើតាមក្រុមហ៊ុន ចាង វ៉ាង (ខេមបូឌា) ផ្សារដើមគរថ្មីនេះ នឹងអនុញ្ញាតឱ្យអាជីវក ដែលកំពុងតែលក់ដូរគ្មានសណ្តាប់ធ្នាប់តាមដងផ្លូវ តំបន់ជុំវិញផ្សារដើមគរចាស់ទៅលក់ដូរនៅបឹងតាមោកវិញដោយមានតម្លៃជួលសមរម្យ ហើយក្នុងដំណាក់កាលទី១នេះ មានស្តង់លក់ដូរ ចំនួន ៦០០០ ស្តង់។

ក្រុមហ៊ុនដដែលខាងលើ បានប្ដេជ្ញាថា ខ្លួនបានខិតខំសហការជាមួយដៃគូអភិវឌ្ឍទាំងអស់ ដើម្បីនាំមកនូវកសិផលនិងទំនិញផ្សេងៗដែលមានគុណភាពល្អនិងតម្លៃធូរថ្លៃជូនចំពោះប្រជាជនកម្ពុជា ហើយក៏ជំរុញឱ្យកសិផលនិងទំនិញផ្សេងៗទៀតនៅកម្ពុជាលក់ទៅកាន់ទីផ្សារពិភពលោកដែរ។

បន្ថែមទៀតនោះ ផ្សារដើមគរថ្មីនេះ នឹងដើរតួនាទីយ៉ាងសំខាន់ក្នុងការនាំចូល និងនាំចេញកសិផល និងស្ថេរភាពនៃខ្សែរសង្វាក់ផ្គត់ផ្គង់ បង្កើនទំហំពាណិជ្ជកម្មកសិផលកម្ពុជា ជាពិសេស ផ្សារនេះនឹងរួមចំណែកដល់ការអភិវឌ្ឍទីក្រុងទំនើប តាមរយៈការរៀបចំផ្សារឱ្យមានស្ដង់ដារ ទំនិញមានគុណភាព និងតម្លៃសមរម្យ ដែលនឹងធ្វើឱ្យកម្រិតពាណិជ្ជកម្មទីផ្សារលក់ដុំដ៏ធំនៅភ្នំពេញមានភាពប្រសើរឡើង៕

អត្ថបទ៖ ផល កុសល រូបភាព៖ រដ្ឋបាលរាជធានីភ្នំពេញ

The post ផ្សារដើមគរថ្មី ដែលសង់លើផ្ទៃដី ៣០ហិក​តាវិនិយោគដោយជនជាតិចិនបើកឲ្យប្រើប្រាស់ជាផ្លូវការ appeared first on Millions times.