នៅថ្ងៃទី២៧ ខែមិថុនានេះ ក្រុមប្រឹក្សាអភិវឌ្ឍន៍កម្ពុជា បើកកិច្ចប្រជុំពិនិត្យលើវឌ្ឍនភាពនៃគម្រោងពង្រីកខ្សែច្រវាក់ផលិតកម្មរបស់ក្រុមហ៊ុន Sailun Group ដែលមានទំហំទឹកប្រាក់ស្ថិតក្នុងរង្វង់ ១ពាន់លានដុល្លារ ស្របតាមអនុស្សារណៈនៃការយោគយល់គ្នា ក្នុងដំណើរទស្សនកិច្ចទៅក្រុងឈីងតាវ ខេត្តសានដុង ប្រទេសចិន កាលពីខែមករា ឆ្នាំ២០២៤ កន្លងទៅ។

តាមដានជាមួយយើង៖ Million Times

ក្នុងដំណើរទស្សនកិច្ចទៅកាន់ក្រុមហ៊ុន Sailun Group Co., Ltd. នៅប្រទេសចិន គណៈប្រតិភក្រុមប្រឹក្សាអភិវឌ្ឍន៍កម្ពុជា បានទស្សនាមន្ទីរពិសោធន៍ Stonelab សាលពិព័រណ៍មជ្ឈមណ្ឌលកៅស៊ូជាតិ និងមានជំនួបជាមួយថ្នាក់ដឹកនាំក្រុមហ៊ុន។ នាជំនួបនោះក្រុមហ៊ុនបានបង្ហាញចក្ខុវិស័យច្បាស់លាស់ក្នុងការបន្តសហការជាមួយរាជរដ្ឋាភិបាលកម្ពុជាលើការវិនិយោគកៅស៊ូជាតិកម្ពុជា ការសាងសង់រោងចក្រផលិតកែច្នៃកៅស៊ូ និងការសាងសង់សួនឧស្សាហកម្មក្នុងប្រទេសកម្ពុជាផងដែរ។

សូមជម្រាបថា បច្ចុប្បន្នក្រុមហ៊ុនបុត្រសម្ព័ន្ធរបស់Sailun Group គឺក្រុមហ៊ុន Cart Tire Co., Ltd. បានកំពុងវិនិយោគគម្រោងកម្មន្ដសាលសំបកកង់យានយន្ត ក្នុងខេត្តស្វាយរៀង ប្រទេសកម្ពុជា ជាមួយនិងទុនវិនិយោគនឹងឡើងដល់ប្រមាណ ៧០០លានដុល្លារអាមេរិក លើផ្ទៃដីប្រមាណ ១២០ហិចតា និងមានទីផ្សារនាំចេញទៅកាន់ សហរដ្ឋអាមេរិក កាណាដា ម៉ាឡេស៊ី និងកូរ៉េខាងត្បូង បានបង្កើតការងារប្រមាណ ២ពាន់កន្លែង។ ចំពោះមជ្ឈមណ្ឌលកៅស៊ូជាតិ គឺជាមជ្ឈមណ្ឌលពិសោធន៍ និងស្រាវជ្រាវ ដែលប្រើប្រាស់បច្ចេកវិទ្យាទំនើបចុងក្រោយ និងធំបំផុតនៅក្នុងប្រទេសចិន៕

អត្ថបទ៖ សេដ្ឋានី រូបភាព៖ ក្រុមប្រឹក្សាអភិវឌ្ឍន៍កម្ពុជា

The post ប្រជុំពិនិត្យគម្រោងពង្រីកខ្សែច្រវាក់ផលិតកម្មសំបក់កងយានយន្តក្រុមហ៊ុន Sailun ក្នុងទំហំទឹកប្រាក់ ១ពាន់លានដុល្លារ appeared first on Millions times.

សហគ្រាសមួយនេះឈ្មោះថា General Tire Technology (Cambodia) Co., Ltd ដែលបានផលិតសាកល្បងចេញជាសំបកកង់ដំបូងពីជ័រកៅស៊ូកម្ពុជា ប្រកបដោយជោគជ័យ និងគុណភាពខ្ពស់នៅថ្ងៃទី១៨ ខែមីនា ឆ្នាំ២០២៣ បន្ទាប់មកបានបើកសម្ពោធជាផ្លូវការនៅថ្ងៃទី២២ ខែឧសភា ឆ្នាំ២០២៣។

តាមដានជាមួយយើង៖ Million Times

នាយកសហគ្រាស General Tire Technology បានប្រាប់លោក ប្រាក់ ដាវីដ រដ្ឋលេខាធិការក្រសួងកសិកម្មរុក្ខាប្រមាញ់ និងនេសាទ ក្នុងដំណើរទស្សនកិច្ចសហគ្រាសមួយនេះកាលពីថ្ងៃទី ១៤ ខែមិថុនា អំពីខ្សែច្រវាក់ផលិតកម្មកែច្នៃសំបកកង់យានយន្ត និងតម្រូវការប្រើប្រាស់កៅស៊ូធម្មជាតិ ក៏ដូចជាបញ្ហាប្រឈមរបស់សហគ្រាស។

លោកបានប្រាប់ឲ្យដឹងថា សហគ្រាសរបស់លោកមានតម្រូវការប្រើប្រាស់កៅស៊ូធម្មជាតិមានចាប់ពីប្រមាណ ៩ពាន់តោន ក្នុងឆ្នាំ២០២៤ និងកើនឡើងបន្តបន្ទាប់រហូតដល់ជិត ៤ម៉ឺនតោនក្នុងឆ្នាំ២០២៨ នៅពេលដែលខ្សែច្រវាក់ផលិតកម្មដំណាក់កាលទី២ បានបញ្ចប់ការសាងសង់ទាំងស្រុងក្នុងខែធ្នូ ឆ្នាំ២០២៤ខាងមុខ។

លោកបន្តថា សហគ្រាសរបស់លោកមានសមត្ថភាពផលិតសំបកកង់ខ្នាតតូចចំនួន ៨៥០ម៉ឺនគ្រាប់/ឆ្នាំ និងខ្នាតធំ ១៦៥ម៉ឺនគ្រាប់/ឆ្នាំ សម្រាប់នាំចេញផលិតផលសំបកកង់ ទៅកាន់ទីផ្សារសហរដ្ឋអាមេរិក និងប្រទេសប្រេស៊ីល។

នៅក្នុងឱកាសនេះដែរ លោក ប្រាក់ ដាវីដ បានជំរុញឲ្យសហគ្រាសប្រើប្រាស់ជ័រកៅស៊ូកម្ពុជា ឲ្យបានកាន់តែច្រើនឡើង ព្រមទាំងបានឲ្យអគ្គនាយកដា្ឋនកៅស៊ូ រៀបចំជំនួបពិភាក្សារវាងសហគ្រាសផលិតសំបកកង់យានយន្ត ជាមួយនឹងបណ្តាក្រុមហ៊ុនចម្ការកៅស៊ូ និងរោងចក្រកែច្នៃជ័រកៅស៊ូនានា ដើម្បីរិះរកលទ្ធភាពផ្គត់ផ្គង់ជ័រកៅស៊ូដល់សហគ្រាសឲ្យបានគ្រប់តាមបរិមាណ និងគុណភាព ដែលសហគ្រាសត្រូវការ៕

អត្ថបទ៖ វីរៈ រូបភាព៖ អគ្គនាយកដ្ឋានកៅស៊ូ

The post សហគ្រាសមួយនៅក្រុងព្រះសីហនុ ត្រូវការកៅស៊ូធម្មជាតិប្រមាណ ៩ពាន់តោន ដើម្បីផលិតសំបកកង់រថយន្ត appeared first on Millions times.