តាមដានជាមួយយើង៖ Million Times

ក្នុងជំនួបនេះ លោកស្រី​ ​នុត​ ​សម្ផស្ស បានចែករំលែកអំពីវឌ្ឍនភាពនៃអាជីវកម្មរបស់ខ្លួន ការអភិវឌ្ឍផលិតផលកសិ-ឧស្សាហកម្ម ដែលផលិតនៅប្រទេសកម្ពុជា និងចក្ខុវិស័យក្នុងការពង្រឹងផលិតកម្មក្នុងស្រុកបន្ថែមទៀត ដោយប្រើប្រាស់ធនធានធម្មជាតិក្នុងប្រទេស។

សហគ្រិនស្ត្រីរូបនេះ បានលើកឡើងថា លោកស្រី ពិតជាទទួលបានក៏លើកទឹកចិត្តដោយក្រសួងពាណិជ្ជកម្ម ក្នុងការលើកកម្ពស់ផលិតផលក្នុងស្រុក និងបង្កើតឱកាសបន្ថែមទៀតសម្រាប់សហគ្រាសកម្ពុជាក្នុងការរីកចម្រើន និងប្រកួតប្រជែងនៅក្នុងទីផ្សារ។

អគ្គ​នាយិកា​ក្រុមហ៊ុន​ ​L​S​V បានប្តេជ្ញាចិត្តក្នុងការចូលរួមចំណែកដល់ការអភិវឌ្ឍសេដ្ឋកិច្ចជាតិរបស់កម្ពុជាដោយបន្តច្នៃប្រឌិត បង្កើតការងារ និងគាំទ្រសហគមន៍ក្នុងស្រុក។ លោកស្រី ក៏បានថ្លែងអំណរគុណចំពោះការលើកទឹកចិត្ត និងការគាំទ្ររបស់លោកជំទាវ ចម និម្មល ដល់សហគ្រាសធុនតូច និងមធ្យម នៅកម្ពុជា។

លោកជំទាវរដ្ឋមន្រ្តី បានកោតសរសើរ និងវាយតម្លៃខ្ពស់ចំពោះក្រុមហ៊ុន​ ​L​S​V ដែលបានចូលរួមយ៉ាងសកម្មក្នុងការជួយជំរុញចរន្តទីផ្សារក្នុងស្រុក ពិសេសផលិតផលប្រើប្រាស់ប្រចាំថ្ងៃ។

លោកជំទាវ បានលើកទឹកចិត្តឱ្យក្រុមហ៊ុននេះ ចូលរួមជាមួយក្រសួងពាណិជ្ជកម្មលើគ្រប់សកម្មភាព ដើម្បីលើកស្ទួយផលិតផលជាតិដូចជា៖ ចូលរួមក្នុងយុទ្ធនាការផលិតផលជាតិ #MadeInCambodia ក្នុងការដាក់លក់ផលិតផលក្នុងស្រុកនៅតាមផ្សារទំនើបធំៗ ម៉ល ម៉ាត និងមីនីម៉ាត ជាដើម៕

អត្ថបទ៖ វីរៈ រូបភាព៖ ក្រសួងពាណិជ្ជកម្ម

second...

x

The post សហគ្រិនស្ត្រី បង្ហាញចក្ខុវិស័យពង្រឹងផលិតកម្មក្នុងស្រុកជូនរដ្ឋមន្ត្រីពាណិជ្ជកម្ម appeared first on Millions times.

តាមដានជាមួយយើង៖ Million Times

នៅក្នុងជំនួបនោះ តំណាងក្រុមហ៊ុនក្រុមហ៊ុន Ecly Ltd បានឱ្យដឹងថា ក្រុមហ៊ុនរបស់ខ្លួន ដែលមានឃ្លាំងស្តុកទំនិញ (Warehouse) និងបណ្តាញចែកចាយដ៏រឹងមាំ បាននិងកំពុងនាំចូលចែកចាយផលិតផលសក្តានុពលពីកម្ពុជា រួមមានអង្ករខ្មែរ និងស្រាបៀរហនុមាន (Hanuman Beer) ទៅក្នុងទីផ្សារណូវែលហ្សេឡង់។

ជាមួយគ្នានេះ អគ្គនាយកធនាគារ ARDB និងប្រធានក្រុមហ៊ុន Ecly ក៏បានពិភាក្សាលម្អិតអំពីផែនការបន្តសិក្សានាំចូលផលិតផលកសិកម្មផ្សេងៗទៀតពីកម្ពុជា ដើម្បីឆ្លើយតបនឹងតម្រូវការទីផ្សារ និងពង្រីកវត្តមានទំនិញខ្មែរ ឱ្យកាន់តែទូលំទូលាយនៅក្នុងប្រទេសណូវែលហ្សេឡង់។

ជាការឆ្លើយតបក្នុងឱកាសនោះ ឯកឧត្តមបណ្ឌិត កៅ ថាច បានថ្លែងអំណរគុណ និងកោតសរសើរដល់លោក Erik Ly ដែលបានដើរតួនាទីជាស្ពានសេដ្ឋកិច្ចយ៉ាងសំខាន់ ក្នុងការនាំយកផលិតផលខ្មែរមកកាន់ទីផ្សារអន្តរជាតិ តាមរយៈហេដ្ឋារចនាសម្ព័ន្ធឃ្លាំងទំនិញ និងបទពិសោធន៍ចែកចាយផលិតផលចំណីអាហារប្រកបដោយវិជ្ជាជីវៈ។

គួរឱ្យដឹងដែរថា នៅក្នុងជំនួបនោះ ក៏មានការអញ្ជើញចូលរួមពីលោក ឃួយ ម៉ៃខល ប្រធានការិយាល័យតំណាងសភាពាណិជ្ជកម្មកម្ពុជា ប្រចាំប្រទេសនូវែលហ្សេឡង់ និងតំណាងសហព័ន្ធស្រូវអង្ករកម្ពុជាផងដែរ៕

អត្ថបទ៖ វីរៈ រូបភាព៖ ARDB

second...

x

The post អគ្គនាយក ARDB ជួបប្រធានក្រុមហ៊ុនមួយនៅនូវែលហ្សេឡង់ដែលកំពុងនាំចូល និងចែកចាយផលិតផលកម្ពុជា appeared first on Millions times.

តាមដានជាមួយយើង៖ Million Times

សហគ្រិនស្រ្តីរូបនេះ មានឈ្មោះថា ប៉ិច ស្រីណុច ដែលអ្នកមួយចំនួនស្គាល់ថា ជាម្ចាស់ពាន Master Chef Cambodia រដូវកាលទី២ កាលពីឆ្នាំ ២០២១កន្លងទៅនេះ។

កាលពីអំឡុងចុងឆ្នាំ ២០២៥កន្លងទៅនេះ ស្របពេលដែលប្រទេសថៃឈ្លានពានទឹកដីកម្ពុជា ហើយប្រជាពលរដ្ឋខ្មែរបានពហិការផលិតផលថៃនោះ កញ្ញា ប៉ិច ស្រីណុច ក៏បានបង្កើតនូវផលិតម្សៅស៊ុបមាន់ ដែលជាស្នាដៃរបស់ខ្លួនមានឈ្មោះថា Chef Noch។

ផលិតផលម្សៅស៊ុបមាន់របស់កូនខ្មែរមួយនេះ បាននិងកំពុងទទួលបានការគាំទ្រយ៉ាងច្រើនពីប្រជាពលរដ្ឋខ្មែរនៅក្នុងស្រុក ហើយថ្មីៗនេះ ក៏បាននាំចេញទៅក្រៅប្រទេសថែមទៀតផង។

កញ្ញា ប៉ិច ស្រីណុច បានបង្ហោះនៅលើហ្វេសប៊ុករបស់ខ្លួន នាយប់ថ្ងៃទី២ ខែមីនានេះថា «ដើមខែ២ ចេញទៅ New Zealand ចុងខែ ២នេះ ម្សៅស៊ុបមាន់ Brand Chef Noch បានចេញដំណើរទៅទឹកដីនៃប្រទេសអូស្រ្ដាលី ក្នុងរដ្ឋ Queensland»។

កាលពីថ្ងៃទី២៥ ខែកុម្ភៈ ឆ្នាំ២០២៦កន្លងទៅនេះ ផលិតផលម្សៅស៊ុប ប្រេន Chef Noch ក៏ទទួលបានស្តង់ដាហាឡាល់ជាផ្លូវការណ៍ ដោយស្របតាមច្បាប់របស់កម្ពុជា ដោយមានការចុះត្រួតពិនិត្យពីស្ថាប័ន ពាក់ពន្ធ័នៅទីតាំងផលិតផ្ទាល់។

កញ្ញា ប៉ិច ស្រីណុច ម្ចាស់ផលិតផល Chef Noch បានបញ្ជាក់ថា ហាឡាល់ គឺមិនត្រឹមតែអាចបញ្ជាក់បានថា បងប្អូនអ៊ីស្លាមអាចទទួលទានបានទេ តែហាឡាល់ជាស្តង់ដាដែលអាចបញ្ជាក់បានថា ទីតាំងផលិតកម្ម និងផលិតផលដែលទទួលបានស្លាកសញ្ញាឱ្យប្រើប្រាស់ គឺមានការអនុវត្តនូវអនាម័យល្អ៕

អត្ថបទ៖ វីរៈ រូបភាព៖ Pich Sreinuch

second...

x

The post ទើបតែផលិតប៉ុន្មានខែប៉ុណ្ណោះ សហគ្រិនស្ត្រីខ្មែរមួយរូបអាចនាំយកម្សៅស៊ុបទៅលក់នៅប្រទេសចំនួន ២ appeared first on Millions times.

តាមដានជាមួយយើង៖ Million Times

ឯកឧត្តម សំហេង បូរ៉ា បានលើកឡើងថា ការរៀបចំព្រឹត្តិការណ៍ពិព័រណ៍នេះ គឺពិតជាមានសារៈសំខាន់ណាស់ក្នុងការចូលរួមលើកកម្ពស់ផលិតជាតិ #MadeInCambodia ឱ្យមានការប្រើប្រាស់កាន់តែច្រើនឡើង ព្រមទាំងបង្កើនការទាក់ទាញភ្ញៀវទេសចរជាតិ និងអន្តរជាតិឱ្យបានស្គាល់កាន់តែច្បាស់ពីផលិតផលខ្មែរ។

ម្យ៉ាងទៀត ពិព័រណ៍នេះ បានផ្តល់ជាវេទិកាសម្រាប់អាជីវករ ពាណិជ្ជករ ប្រតិបត្តិករ សេវាករ អ្នកនាំចេញ-នាំចូល អ្នកដាំដុះបន្លែផ្លែឈើ ម្ចាស់កសិដ្ឋានទាំងអស់ អាចដាក់តាំងបង្ហាញ ផ្សព្វផ្សាយ និងលក់នូវផលិតផលខ្មែរ ផលិតដោយកូនខ្មែរ ប្រកបដោយគុណភាព សោភ័ណភាព និងអនាម័យ ទៅកាន់សាធារណជន ផងដែរ។

ឯកឧត្តមរដ្ឋលេខាធិការ បាន​ឱ្យដឹងដែរថា ដើម្បីលើកកម្ពស់ និងជំរុញការគាំទ្រ និងប្រើប្រាស់ផលិតផលជាតិ កាលពីថ្ងៃទី១៤ ខែកុម្ភៈ ឆ្នាំ២០២៦កន្លងទៅនេះ ក្រសួងពាណិជ្ជកម្ម បានផ្តួចផ្តើម និងសម្ពោធ “យុទ្ធនាការផលិតផលជាតិ #MadeInCambodia” ទូទាំងប្រទេស ដែលយុទ្ធនាការនេះនឹងប្រព្រឹត្តទៅក្នុងរយៈពេល ១សប្តាហ៍ ក្នុង១ខែ មានរយៈពេលមួយឆ្នាំពេញ ដោយផ្សារទំនើប ម៉ល ម៉ាត និងមីនីម៉ាតនៅទូទាំងរាជធានី-ខេត្ត នឹងចូលរួមរៀបចំតុបតែងធ្នើរដាក់តាំងលក់ផលិតផលជាតិឱ្យកាន់តែមានភាពទាក់ទាញ និងលេចធ្លោផងដែរ។

បើតាមឯកឧត្តមរដ្ឋលេខាធិការ ក្នុងនាមជាសេនាធិការរបស់រាជរដ្ឋាភិបាលកម្ពុជា ក្រសួងពាណិជ្ជកម្ម បានបន្តខិតខំប្រឹងប្រែងអនុវត្តនូវតួនាទីភារកិច្ច និងបេសកកម្មរបស់ខ្លួនយ៉ាងយកចិត្តទុកដាក់ ដើម្បីធ្វើឱ្យប្រសើរឡើងនូវបរិយាកាសធុរកិច្ចដល់ធុរជន និងវិនិយោគិននៅកម្ពុជា សំដៅជំរុញកំណើនសេដ្ឋកិច្ចជាតិ ស្របតាមចក្ខុវិស័យកម្ពុជាឆ្នាំ២០៥០ របស់រាជរដ្ឋាភិបាលនីតិកាលទី៧ នៃរដ្ឋសភា។

សូមជម្រាបថា ពិព័រណ៍នេះមានក្រុមហ៊ុន សហគ្រាស អាជីវករ ផលិតផលករ សហគមន៍ អ្នកដាំដុះ ចូលរួមចំនួន ៩២ និងមានស្តង់ចំនួន ១១០ស្តង់ ដោយចាប់ផ្ដើមដំណើរការចាប់ពីថ្ងៃទី២៦ ខែកុម្ភៈ ដល់ថ្ងៃទី១ ខែមីនា ឆ្នាំ២០២៦៕

អត្ថបទ៖ វីរៈ រូបភាព៖ ក្រសួងពាណិជ្ជកម្ម

second...

x

The post ពិព័រណ៍ផលិតផលខ្មែរ និងបន្លែផ្លែឈើលើកទី១៩ ធ្វើឡើងនៅខេត្តសៀមរាប ដោយមានស្តង់ចំនួន ១១០ appeared first on Millions times.

តាមដានជាមួយយើង៖ Million Times

ដំណឹងនេះ ត្រូវបាន​អ្នកឧកញ៉ា សួរ វីរៈ អគ្គនាយកក្រុមហ៊ុន វិរៈ ប៊ុនថាំ គ្រុប យកទៅជម្រាបជូនឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក្នុងជំនួបពិភាក្សាកាលពីថ្ងៃទី២៥ ខែកុម្ភៈ។ ការពិភាក្សា ផ្តោតលើការពង្រីកអាជីវកម្មរបស់ក្រុមហ៊ុន ​វិរៈ ប៊ុនថាំ ចូលក្នុងឧស្សាហ​កម្មផលិតអាហារជាទំនិញយុទ្ធសាស្ត្រ និងការបង្កើតបណ្តុំសហគ្រាសធុនតូច និងមធ្យម សំដៅពង្រឹង​ខ្សែ​ច្រវាក់តម្លៃក្នុង​ស្រុក​។

កាលពីពេលថ្មីៗនេះ វិរៈ ប៊ុនថាំ គ្រុប បានបង្កើតក្រុមហ៊ុនបុត្រសម្ព័ន្ធរបស់ខ្លួនមួយទៀតឈ្មោះ វិរៈ ប៊ុនថាំ ហ្វូដ ​ដោយផ្តោតលើរអាជីវកម្មពីរផ្នែក គឺផ្នែកពាណិជ្ជកម្ម និងបណ្តុំសហគ្រាសធុនតូច ​និងមធ្យម។ ក្រុម​ហ៊ុនថ្មី​នេះ មានផែនការផលិត និងចែកចាយផលិតផលម្ហូបអាហារមានគុណភាពខ្ពស់ ដោយប្រើប្រាស់​បច្ចេក​វិទ្យាទំនើប ដើម្បីផ្គត់ផ្គង់ទីផ្សារ។

អ្នកឧកញ៉ា សួរ វីរៈ បានលើកឡើងថា «យើងចង់ផលិតជំនួសទំនិញនាំចូលសំខាន់ៗមួយចំនួន និងធ្វើឱ្យ វិរៈ ប៊ុនថាំ ហ្វូដ ក្លាយជាមជ្ឈមណ្ឌលសម្រាប់បណ្តុំសហគ្រាសផលិតអាហារក្នុងស្រុក»។

អ្នកឧកញ៉ារូបនេះ បានបន្ថែមថា តំបន់បណ្តុំសហគ្រាសរបស់ក្រុមហ៊ុន អាចផ្តល់គំរូអាជីវកម្ម បែបបណ្តាក់ទុករួមគ្នា ជាមួយការផ្តល់ហិរញ្ញប្បទានពីវិស័យធនាគារ មានហេដ្ឋារចនាសម្ព័ន្ធគាំទ្រស្រាប់ មានសេវា​ទីផ្សារ ប្រេនឌីង និងសេវាដឹកជញ្ជូនចម្រុះ ដើម្បីកាត់បន្ថយចំណាយ និងបង្កើនភាពប្រកួតប្រជែង។

នៅក្នុងជំនួបនេះដែរ ឯកឧត្តមរដ្ឋមន្ត្រី ហែម វណ្ណឌី បានស្វាគមន៍ចំពោះគំនិតផ្តួចផ្តើមនេះ និងបានសង្កត់ធ្ងន់ថា កម្ពុជាត្រូវការវិស័យឯកជនដែលរឹងមាំ និងមានសមត្ថភាពវិនិយោគលើទំនិញយុទ្ធសាស្ត្រ និងផលិតកម្មដែលមានតម្លៃ​បន្ថែមខ្ពស់។

ជាមួយគ្នានេះ ឯកឧត្តមរដ្ឋមន្ត្រី បានលើកទឹកចិត្តឱ្យក្រុមហ៊ុន វិរៈ ប៊ុនថាំ ហ្វូដ សហការជិតស្និទ្ធជាមួយអង្គភាពបច្ចេកទេសរបស់​ក្រសួង ដើម្បីទទួលបានការគាំទ្រលើការរៀបចំរោងចក្រ ស្តង់ដា ការធ្វើតេស្តវិភាគ វិញ្ញាបនបត្របញ្ជាក់គុណភាព និងការចុះបញ្ជីផលិតផលជាដើម ដើម្បីកសាងទំនុកចិត្តអ្នកប្រើប្រាស់។

ឯកឧត្តមរដ្ឋមន្ត្រី បានបន្ថែមទៀតថា «អនុលោមភាពមិនគួរត្រូវបានចាក់ទុកថាជាបន្ទុកចំណាយ​របស់អាជីវ​កម្ម​​ទេ ប៉ុន្តែជាការវិនិយោគ»។ ក្នុងនោះដែរ ឯកឧត្តម បានលើកទឹកចិត្តឱ្យក្រុមហ៊ុនរៀបចំផែនការវិនិយោគ សម្រាប់ទាំងបំពេញតម្រូវការទីផ្សារក្នុងស្រុក និងសម្រាប់ការនាំចេញ ដោយយកចិត្តទុកដាក់លើលក្ខខណ្ឌតម្រូវបរិស្ថាន-សង្គម-អភិបាលកិច្ច និងអនុវត្ត តាមស្តង់ដារ​អនាម័យ និងគុណភាពឱ្យបានត្រឹមត្រូវ៕

អត្ថបទ៖ វីរៈ រូបភាព៖ ក្រសួងឧស្សាហកម្ម

second...

x

The post អ្នកឧកញ៉ា សួរ វីរៈ ពង្រីកអាជីវកម្មក្នុងឧស្សាហកម្មផលិតអាហារ ដោយចង់ផលិតជំនួសទំនិញនាំចូលសំខាន់ៗមួយចំនួន appeared first on Millions times.

តាមដានជាមួយយើង៖ Million Times

ក្រសួងពាណិជ្ជកម្ម បានឱ្យដឹងកាលពីថ្ងៃទី២១ ខែកុម្ភៈថា លោក ស៊ីន សារ៉ាយ អនុព័ន្ធពាណិជ្ជកម្មអមស្ថានឯកអគ្គរាជទូតកម្ពុជាប្រចាំប្រទេសជប៉ុន បានសម្របសម្រួល និងចូលរួមគាំទ្រការចូលរួមរបស់ក្រុមហ៊ុន Yamato Printing Group, ក្រុមហ៊ុន Cambodia Life និងក្រុមហ៊ុន Confirel Co., Ltd. ក្នុងពិព័រណ៍ពាណិជ្ជកម្ម “The 60th Supermarket Trade Show 2026 (SMTS2026)” ដែលប្រព្រឹត្តទៅចាប់ពីថ្ងៃទី១៨ ដល់ថ្ងៃទី២០ ខែកុម្ភៈ ឆ្នាំ២០២៦ នៅសាលពិព័រណ៍ Makuhari Messe ខេត្តឈិបាក់ ប្រទេសជប៉ុន។

ពិព័រណ៍នេះ គឺជាព្រឹត្តិការណ៍ពាណិជ្ជកម្មធំបំផុតមួយរបស់ប្រទេសជប៉ុន សម្រាប់ឧស្សាហកម្មចែកចាយលក់ដុំ និងលក់រាយ ដោយផ្តោតលើម្ហូបអាហារ ភេសជ្ជៈ ការអភិវឌ្ឍហាង និងការផ្សព្វផ្សាយការលក់ ដែលមានការចូលរួមពីបណ្តាប្រទេសចំនួន១៥ រួមទាំងកម្ពុជា ជាមួយនឹងស្តង់ប្រមាណជាង ៣,០០០ និងអ្នកតាំងពិព័រណ៍សរុបជិត ២,៣០០ក្រុមហ៊ុន ចូលរួមតាំងបង្ហាញនូវផលិតផលរបស់ខ្លួន ដើម្បីបង្កើតបណ្តាញទំនាក់ទំនងធុរកិច្ច ជំរុញទីផ្សារផលិតផល និងស្វែងរកដៃគូពាណិជ្ជកម្ម នៅក្នុងប្រទេសជប៉ុន។

បើតាមក្រសួងពាណិជ្ជកម្ម ក្នុងព្រឹត្តិការណ៍ពិព័រណ៍នេះដែរ ក្រុមហ៊ុន Yamato Printing Group និងក្រុមហ៊ុន Cambodia Life សហការជាមួយដៃគូក្រុមហ៊ុន Confirel បានរៀបចំស្តង់ពិព័រណ៍តាំងបង្ហាញផលិតផលខ្មែរ ដោយផ្តោតជាពិសេសលើផលិតផលដែលមានគុណភាពខ្ពស់ រួមមាន៖ ម្រេច ស្ករត្នោត និងកាហ្វេ។

នៅក្នុងឱកាសនោះដែរ លោកអនុព័ន្ធពាណិជ្ជកម្ម បានសម្របសម្រួលឱ្យមានជំនួបផ្គូផ្គងពាណិជ្ជកម្មរវាងក្រុមហ៊ុនទាំង ៣ ជាមួយមជ្ឈមណ្ឌលពាណិជ្ជកម្មឯកជនកម្ពុជា នៅទីក្រុងអាតស៊ូហ្គិ ដើម្បីពីភាក្សាអំពីកិច្ចសហប្រតិបត្តិការធុរកិច្ច និងវិនិយោគ ក្នុងទិសដៅរួមគ្នាលើកកម្ពស់ផលិតផលខ្មែរ និងពង្រីកទីផ្សារផលិតផលខ្មែរបន្ថែមទៀត នៅក្នុងប្រទេសជប៉ុន។

ក្រសួងពាណិជ្ជកម្ម ក៏បានឱ្យដឹងដែរថា ក្រុមហ៊ុនជប៉ុន Yamato Printing Group និងក្រុមហ៊ុន Cambodia Life បាននាំយកផលិតផលខ្មែរចំនួន ២មុខ គឺម្រេច និងស្ករត្នោត ដែលជាផលិតផលរបស់ក្រុមហ៊ុន Confirel មកផ្សព្វផ្សាយ និងចែកចាយលក់នៅក្នុងប្រទេសជប៉ុន តាំងពីឆ្នាំ២០១៨។ ក្នុងនោះដែរ ក្រុមហ៊ុនទាំង ២ ក៏មានគម្រោងនាំយកផលិតផលខ្មែរជាច្រើនទៀត ជាពិសេសកាហ្វេ ស្រាទឹកត្នោត និងគ្រឿងទេសផ្សំម្ហូបខ្មែរ ទៅចែកចាយលក់នៅប្រទេសជប៉ុន។

ក្រសួងពាណិជ្ជកម្មដដែល បានបញ្ជាក់ថា រហូតមកដល់ពេលនេះ ផលិតផលទាំង ២មុខខាងលើ គឺម្រេច និងស្ករត្នោត មានដាក់លក់នៅផ្សារទំនើប AEON ប្រមាណ ១២០ហាង ក្នុងប្រទេស​ជប៉ុន ដោយក្នុងនោះមាន ៤០ទីតាំង នៅក្នុងទីក្រុងតូក្យូ៕

អត្ថបទ៖ វីរៈ រូបភាព៖ ក្រសួងពាណិជ្ជកម្ម

second...

x

The post ម្រេច និងស្ករត្នោតរបស់ក្រុមហ៊ុន Confirel មានដាក់លក់នៅផ្សារទំនើប AEON ជាង ១០០នៅជប៉ុន appeared first on Millions times.

តាមដានជាមួយយើង៖ Million Times

ការលើកទឹកចិត្តនេះ ស្របពេលដែលឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានទទួលជួបតំណាងក្រុមហ៊ុន អង្គរ ឌែរី ប្រូដាក នៅថ្ងៃទី១១ ខែកុម្ភៈនេះ។

នៅក្នុងឱកាសនោះ ឯកឧត្តមរដ្ឋមន្ត្រី បានកោតសរសើរក្រុមហ៊ុនដែលបានពង្រីកខ្លួន ជាក្រុមហ៊ុនក្នុងស្រុកដ៏សំខាន់​មួយ សម្រាប់ផលិតផលទឹកដោះគោ ដែលបម្រើដល់ការប្រើប្រាស់ និងរួមចំណែកដល់ចំណូលពន្ធ។

ឯកឧត្តម បានបន្ថែមថា ទឹកដោះគោគឺជាទំនិញយុទ្ធសាស្ត្រ ហើយក្រសួងលើកទឹកចិត្តឱ្យក្រុមហ៊ុន ពិចារណាពង្រីកខ្សែច្រវាក់ផលិតកម្មរបស់ខ្លួន ដើម្បីពង្រឹងភាពម្ចាស់ការរបស់កម្ពុជា លើទំនិញយុទ្ធសាស្ត្រ ទាំងនេះ ដោយក្រសួងត្រៀមផ្តល់ការគាំទ្រចាំបាច់នានា។

ចំណែកលោក កុយ សុវណ្ណ តំណាងផ្នែកលក់ និងទីផ្សារ បានលើកឡើងថា ក្រុមហ៊ុន អង្គរ ឌែរី ប្រូដាក ត្រូវបាន បង្កើតឡើងក្នុងឆ្នាំ២០១៥ ជាមួយទុនវិនិយោគដំបូង ១៥លានដុល្លារអាមេរិក។ បច្ចុប្បន្ន ក្រុមហ៊ុនបានបង្កើនទុនវិនិយោគរហូតដល់ ៧៥លានដុល្លារអាមេរិក។

លោកបន្តថា ក្រុមហ៊ុនមានបុគ្គលិកជាង ៦០០នាក់ ដែលកំពុងផលិត និងផ្គត់ផ្គង់ផលិតផលទឹកដោះគោសម្រាប់អតិថិជននៅទូទាំងប្រទេស ជាមួយបណ្តាញលក់រាយប្រមាណ ៥០,០០០កន្លែង និងបណ្តាញលក់អាជីវកម្មជាង ៦០០ទីតាំង។

តំណាងក្រុមហ៊ុនរូបនេះ ក៏បានបង្ហាញផែនការនាំយកខ្សែច្រវាក់ផលិតកម្ម សម្រាប់ផលិតទឹកដោះគោស្រស់ថ្មី ព្រមទាំងពង្រីកការចិញ្ចឹមគោយកទឹកដោះ និងកសិកម្មតាមកិច្ចសន្យា ជាមួយប្រជាពលរដ្ឋចិញ្ចឹមគោ ដែលរំពឹងថា នឹងបង្កើតការងារប្រមាណ ២០០កន្លែងបន្ថែមទៀត។

ក្នុងឱកាសនោះដែរ ឯកឧត្តម ហែម វណ្ណឌី ក៏បានលើកទឹកចិត្តឱ្យក្រុមហ៊ុនពង្រីកការប្រើប្រាស់វត្ថុធាតុដើមក្នុងស្រុក នៅក្នុងខ្សែច្រវាក់ផ្គត់ផ្គង់ និងពង្រឹងកិច្ចសហការជាមួយក្រសួងលើការស្រាវជ្រាវ និងអភិវឌ្ឍន៍ ពិសេសផ្នែកវិទ្យាសាស្ត្រអាហារ ការអភិវឌ្ឍការវេចខ្ចប់ និងការគ្រប់គ្រងកាកសំណល់ឧស្សាហកម្ម៕

អត្ថបទ៖ វីរៈ រូបភាព៖ ក្រសួងឧស្សាហកម្ម​

second...

x

The post រដ្ឋមន្ត្រីឧស្សាហកម្ម លើកទឹកចិត្តឱ្យក្រុមហ៊ុន អង្គរ ឌែរី ប្រូដាក ពង្រីកការប្រើប្រាស់វត្ថុធាតុដើមក្នុងស្រុក appeared first on Millions times.

តាមដានជាមួយយើង៖ Million Times

កាលពីថ្ងៃទី៥ ខែមករា ឆ្នាំ២០២៦ ក្រុមការងារនៃគណៈកម្មាធិការជាតិជំរុញចលនាភូមិមួយផលិតផលមួយ បានជួបពិភាក្សា និងស្វែងយល់ពីដំណើរការរបស់ក្រុមហ៊ុន YEJOONARA CO., LTD. ដែលជាក្រុមហ៊ុននាំចូល និងចែកចាយផលិតចំណីអាហារដ៏ធំនៅអាស៊ីអាគ្នេយ៍។ បច្ចុប្បន្ននេះ ក្រុមហ៊ុននាំចូលផលិតផលមកពីប្រទេសចំនួន៣ គឺវៀតណាម ឥណ្ឌូនេស៊ី និងប្រទេសថៃ មកចែកចាយ និងលក់នៅក្នុងប្រទេសកូរ៉េខាងត្បូង។

ស្ថិតក្នុងបរិការណ៍នៃវិបត្តិជម្លោះព្រំដែនរវាងកម្ពុជា និងថៃ ទំនិញថៃត្រូវបានធ្វើពហិកាពីអ្នកប្រើប្រាស់ជនជាតិខ្មែរ ដែលភាគច្រើនជាពលករខ្មែរនៅកូរ៉េខាងត្បូង ដែលអាចជាឱកាសដ៏ល្អមួយអាចឱ្យផលិតផលរបស់ខ្មែរ អាចចូលមកដើម្បីបំពេញតម្រូវការក្នុងប្រទេសកូរ៉េខាងត្បូង។

ឯកឧត្តម ផល សុជាតិ អគ្គលេខាធិការ នៃគណៈកម្មាធិការជាតិជំរុញចលនាភូមិមួយផលិតផលមួយ រួមនិងក្រុមហ៊ុនដៃគូ D.con និង Barimex បាននាំយកផលិតផលខ្មែរមួយចំនួនយកមកបង្ហាញ និងណែនាំសម្រាប់ការនាំចូលមកទីផ្សារក្នុងប្រទេសកូរ៉េខាងត្បូង ដើម្បីបន្ថែមនូវផលិតផលដែលមានស្រាប់មកពីបណ្តាប្រទេសនៅអាស៊ីអាគ្នេយ៍។

តំណាងក្រុមហ៊ុន YEJOONARA CO., LTD. មានសេចក្តីរីករាយ និងទទួលយក ប្រសិនបើផលិតផលខ្មែរ អាចមានលទ្ធភាពបំពេញគ្រប់តាមតម្រូវការ និងគុណភាពតាមស្តង់ដារ។

ក្នុងនោះដែរ អគ្គលេខាធិការ នៃគណៈកម្មាធិការជាតិជំរុញចលនាភូមិមួយផលិតផលមួយ នឹងបន្តការសហការជាមួយក្រុមហ៊ុនដៃគូក្នុងស្រុក និងក្រុមហ៊ុន YEJOONARA CO., LTD. ដើម្បីអាចនាំចេញផលិតផលខ្មែរមកប្រទេសកូរ៉េខាងត្បូង នាពេលអនាគត៕

អត្ថបទ៖ វីរៈ រូបភាព៖ គណៈកម្មាធិការជាតិជំរុញចលនាភូមិមួយផលិតផលមួយ

second...

x

The post មន្ត្រីកម្ពុជា ជួបក្រុមហ៊ុននាំចូលផលិតដ៏ធំមួយពិភាក្សាលទ្ធភាពនាំចេញផលិតផលខ្មែរ​ទៅកូរ៉េខាងត្បូង appeared first on Millions times.

តាមដានជាមួយយើង៖ Million Times

ឧកញ៉ា កែវ មុំ បានបង្ហោះនៅលើហ្វេសប៊ុកថា «ព្រោះតែការឈឺចាប់ដោយសារការមើលងាយខ្មែរថា “ខ្មែរធ្វើអ្វីមិនកើត” ពឹងតែការនាំចូល ដូច្នេះហើយទោះជាលំបាកយ៉ាងណាក៏ដោយ ខ្ញុំត្រូវតែធ្វើឱ្យបាន ដូចពាក្យស្លោកថា “ខ្មែរធ្វើបាន” មិនឱ្យគេមើលងាយទៀតទេ»។

មេធំក្រុមហ៊ុន លីលី ហ៊្វូដ រូបនេះ ធ្លាប់បានឱ្យដឹងថា ក្រុមហ៊ុនរបស់លោកស្រី បាននិងកំពុងតែបន្តការសាងសង់រោងចក្រផលិត នូវផលិតផល ២ប្រភេទទៀត ដែលនឹងចេញរូបរាងនៅឆ្នាំក្រោយនេះ។

លោកស្រី បានអំពាវនាវដល់ប្រជាជនខ្មែរ ជួយគាំទ្រផលិតផលដែលជាស្នាដៃកូនខ្មែរសុទ្ធសាធ ហើយក៏បានលើកទឹកចិត្តដល់អ្នក ដែលនាំចូលផលិតផលប្រទេសថៃ គួរតែងាកមកគិតការផលិតនៅក្នុងស្រុកវិញ ដើម្បីជួយលើកតម្កើងភាពថ្លៃថ្នូររបស់ជាតិខ្មែរ។   

ម្ចាស់ក្រុមហ៊ុនលីលី ក៏បានលើកឡើងថា «បើបងប្អូនមិនមានជំនាញផលិត បងប្អូនអាចនាំចូលផលិតផលប្រទេសផ្សេងជាច្រើន មកជំនួសផលិតផលផ្ទះលេខ ២វិញ ដោយសរសេរអក្សរខ្មែរ ដើម្បីលើកតម្កើងអក្សរសាស្ត្រខ្មែរ»។

ម្យ៉ាងទៀត ការធ្វើដូច្នេះក៏ងាយស្រួលដល់ប្រជាជនខ្មែរ បានយល់នូវផលិតផលនោះផងដែរ ហើយដាក់ទីតាំងប្រទេសផលិតឱ្យបានច្បាស់លាស់ កុំឱ្យមានការភាន់ច្រឡំ។ ឧកញ៉ា កែវ មុំ លើកឡើងទៀតថា បើផលិតនៅប្រទេសណា សូមដាក់ផលិតនៅប្រទេសនោះ ដើម្បីរក្សានូវភាពថ្លៃថ្នូររបស់អ្នកនាំចូល និងអ្នកផលិត៕

អត្ថបទ៖ វីរៈ​ រូបភាព៖ ឧកញ៉ា កែវ មុំ

second...

x

The post ឧកញ៉ា កែវ មុំ ធ្វើដំណើរទៅចិនពិនិត្យមើលម៉ាស៊ីនកែច្នែផលិតផលខ្មែរ មុនដឹកមកម្ពុជា appeared first on Millions times.

តាមដានជាមួយយើង៖ Million Times

នៅក្នុងវេទិកានេះ ប្រធានសភាមុខរបរ និងមីក្រូសហគ្រាសកម្ពុជា បានលើកឡើងថា ម្ចាស់អាជីវកម្មត្រូវចេះរៀនស្គាល់ខ្លួនឯង រៀនស្គាល់ពីផលិតផលខ្លួនឯង រៀនស្គាល់ពីទីផ្សារ រៀនស្គាល់ពីអតិថិជនអ្នកប្រើប្រាស់គាំទ្រ រៀនស្គាល់ពីដៃគូប្រជែង និងចេះរៀនបន្តអភិវឌ្ឍន៍ជំនាញអាជីវកម្មខ្លួនឯង នោះទើបអាជីវកម្ម មិនងាយនឹងដួលរលំ។

ឧកញ៉ា កែវ មុំ បានបន្ថែមទៀតថា «ទោះបីប្រទេសកំពុងតែជួបវិបត្តិសង្គ្រាមនៅតាមព្រំដែនយ៉ាងណាក៏ដោយ យើងទាំងអស់គ្នា ដែលជាម្ចាស់ជីវកម្មត្រូវតែខិតខំប្រឹងប្រែងពង្រឹង និងពង្រីកអាជីវកម្មរបស់ខ្លួនដើម្បីផ្គត់ផ្គង់ទំនិញ និងផលិតផលក្នុងស្រុកយើងដល់ប្រជាពលរដ្ឋខ្មែរប្រើប្រាស់ ឱ្យកាន់តែធំទូលាយនៅក្នុងប្រទេសយើង ហើយត្រូវកាត់បន្ថយការនាំចូលផលិតផលពីក្រៅប្រទេស ឬក៏មិនចាំបាច់រំពឹងការនាំចូលច្រើនពីប្រទេសផ្សេងនោះទេ»។

ឧកញ៉ា កែវ មុំ បានលើកទឹកចិត្តទៅដល់អ្នកគ្រប់គ្រង មកពីមូលដ្ឋានអាជីវកម្មទាំងអស់ ដោយសភាមុខរបរ និងមីក្រូសហគ្រាសកម្ពុជា នឹងបន្តជួយជ្រោមជ្រែង ប្រឹក្សាយោបល់គំនិតគ្រប់គ្រងអាជីវកម្មជាបន្តបន្ទាប់ ដើម្បីចូលរួមចំណែកអភិវឌ្ឍន៍មីក្រូសហគ្រាស ពីតូចទៅមធ្យម ពីមធ្យមទៅខ្នាតធំ ទៅតាមកម្រិតរីកចម្រើននៃមូលដ្ឋានអាជីវកម្មនីមួយៗ ផងដែរ៕

អត្ថបទ៖ វីរៈ រូបភាព៖ សភាមុខរបរ និងមីក្រូសហគ្រាសកម្ពុជា

second...

x

The post ឧកញ៉ា កែវ មុំ ជំរុញឱ្យមានចលនាលើកកម្ពស់ផលិតផលក្នុងស្រុក និងផ្តើមគំនិតអាជីវកម្ម ចាប់ពីកម្រិតតូចៗឡើងទៅ​ appeared first on Millions times.