ផន សុផារី Archives - Millions times

សេដ្ឋិនី ផន សុផារី រៀបចំចាត់ចែងធ្វើអាហារជូនកងទ័ពនៅមុំបី ជាង ៣ ពាន់នាក់

Vin Chang — Fri, 17 Apr 2026 06:58:00 +0000

នាថ្ងៃចូលឆ្នាំថ្មីប្រពៃណីជាតិខ្មែរ ម្ចាស់ផលិតផលអនឡាញដ៏ល្បីអ្នកនាង ផន សុផារី បានរៀបចំចាត់ចែងធ្វើម្ហូបអាហារជូនដល់វីរកងទ័ពខ្មែររាប់ពាន់នាក់ ដែលកំពុងឈរជើងការពារទឹកដីនៅព្រំដែន។

តាមដានជាមួយយើង៖ Million Times

ម្ចាស់ប្រេន Be scrub រូបនេះនៅតែបន្តខ្នះខ្នែងជួយជ្រោមជ្រែងទៅដល់វីរកងទ័ពខ្មែរ ដែលកំពុងឈរជើងការពារនៅព្រំដែន។ ដូចនេះហើយ បើទោះបីថ្ងៃចូលឆ្នាំថ្មីប្រពៃណីជាតិខ្មែរ ដែលទាហានកំពុងឈរជើងការពារមិនបានជួបជុំក្រុមគ្រួសារ តែអាចទទួលទានអាហារបានឆ្ងាញ់១ពេលផងដែរ។

ផន សុផារី បានឲ្យដឹងថា បើទោះជាពួកគាត់មិនបានជួបជុំជាមួយគ្រួសារ តែយ៉ាងហោចណាស់ ពួកគាត់បានដឹងថា នៅពីក្រោយខ្នងរបស់ពួកគាត់ មានប្រជាជនជាច្រើនដែលគោរព ស្រលាញ់ និងចងចាំពួកគាត់ជានិច្ច។

សេដ្ឋិនីរូបនេះបានធ្វើអាហារជូនកងទ័ពនៅមុំបី ជាង៣ ពាន់នាក់។ មិនតែប៉ុណ្ណោះកាលមុនថ្ងៃចូលឆ្នាំថ្មីមកដល់ ផន សុផារី និងស្វាមី សុង សុវណ្ណារ៉ាតំណាងឲ្យមូលនិធិដើម្បីមាតុភូមិ បានអញ្ជើញកងទ័ពទាំង ២០ នាក់ដែលទាហានថៃ បានចាប់ទៅ ធ្វើជាឈ្លើយសឹក កន្លងទៅ បានប្រគល់ថវិកា ក្នុងម្នាក់ ៤ លាន រៀល ជាពិសេសបានរួមអាហារសាមគ្គី ជាការដឹងគុណ និងអបអរសាទរក្នុងឱកាសបុណ្យចូលឆ្នាំថ្មី៕

អត្ថបទ៖ ឆដា, រូបភាព៖ Phorn Sophary និង Song sovannara

The post សេដ្ឋិនី ផន សុផារី រៀបចំចាត់ចែងធ្វើអាហារជូនកងទ័ពនៅមុំបី ជាង ៣ ពាន់នាក់ appeared first on Millions times.

អ្នកជំនួញអនឡាញវ័យក្មេង ផន សុផារី ជិតឡើងផ្ទះលម្ហែដ៏ប្រណិតនៅសៀមរាប

Vin Chang — Thu, 20 Nov 2025 08:15:50 +0000

អ្នកជំនួញផ្នែកអនឡាញ ផន សុផារី កាន់តែមានជីវភាពឡើងស្រឺតៗ និងរស់នៅដោយភាពហ៊ឺហា ដោយសារមុខរបរដ៏កាក់កបមួយនោះ។

តាមដានជាមួយយើង៖ Million Times

ថ្មីៗនេះម្ចាស់ផលិតផលគ្រឿងថែរក្សាសម្រស់ ផន សុផារី ទើបបានទិញឡាន Pick Up ខ្លាញ់គោជូនទៅដល់ឪពុកម្ដាយក្មេកដែលមានតម្លៃរាប់ម៉ឺនដុល្លារ។ មិនតែប៉ុណ្ណោះអគ្គនាយកក្រុមហ៊ុន សិប្បកម្ម ឃីនរី ទើបសាងសង់រួចនូវផ្ទះលម្ហែនៅខេត្តសៀមរាបថែមទៀតផង ហើយក៏កំពុងត្រៀមរៀបចំកម្មវិធីឡើងផ្ទះនៅទីនោះទៀត។

សេដ្ឋិនីវ័យក្មេងដែលកំពុងកាក់កបក្នុងវិស័យអនឡាញ ផន សុផារី មានគ្រប់សព្វបែបយ៉ាងមិនថាវីឡាទាំងនៅភ្នំពេញ និងបណ្ដាខេត្ត ឡានទំនើប សម្ភារៈទំនើបៗ ព្រមទាំងគ្រឿងពេជ្រ។

ម្ចាស់ស្ក្រាប់ពន្លៃខ្មែរ បានទៅរៀបចំតុបតែងផ្ទះលម្ហែនៅសៀមរាបហើយ ដោយនាង និងគ្រួសារលែងស្នាក់នៅសណ្ឋាគារទៀតហើយ ពេលទៅលេងខេត្តសៀមរាប។ សេដ្ឋិនីវ័យ ៣១ ឆ្នាំរូបនេះ ក៏ទើបតែរៀបចំខួបអាពាហ៍ពិពាហ៍ ១១ ឆ្នាំយ៉ាងមានសុភមង្គល។

រយៈពេល ១១ ឆ្នាំនៃជីវិតអាពាហ៍ពិពាហ៍អ្នកនាង ផន សុផារី និងស្វាមី សុង សុវណ្ណារ៉ា ទទួលបានសមិទ្ធផលជាច្រើនក្នុងចំណោមនោះមានរថយន្ត Brubas, lamborghini ព្រមទាំងឡានជាច្រើនទៀត។ មិនត្រឹមផ្ទះឡើយ សុផារី ក៏មានសហគ្រាសដោយខ្លួន៕

អត្ថបទ៖ ឆដា, រូបភាព៖ Phorn Sophary និង Song Sovannara

The post អ្នកជំនួញអនឡាញវ័យក្មេង ផន សុផារី ជិតឡើងផ្ទះលម្ហែដ៏ប្រណិតនៅសៀមរាប appeared first on Millions times.

មិនធម្មតារបរអនឡាញធ្វើឲ្យ ផន សុផារី កាន់តែមានបានឡើងៗ ឥឡូវទិញឡាន Brabus ចូលផ្ទះថែម

Vin Chang — Tue, 06 May 2025 08:48:44 +0000

សេដ្ឋីនី ផន សុផារី បានវិវឌ្ឍន៍ខ្លួនឥតឈប់ឈរនៅក្នុងការប្រកួតប្រជែងទីផ្សារផលិតផលថែរក្សាសម្រស់។ បច្ចុប្បន្នអ្នកជំនួញអនឡាញរូបនេះអាចឈរជើងបានយ៉ាងរឹងមាំ។

តាមដានជាមួយយើង៖ Million Times

ថៅកែ Be Scrub ទើបផ្ទុះផលិតផល និងការធ្វើ content ទាក់ចិត្តអ្នកលេងបណ្ដាញសង្គមនាប៉ុន្មានឆ្នាំចុងក្រោយនេះប៉ុណ្ណោះ តែអាចនាំឲ្យគ្រួសារទាំងមូលសាងកម្រិតជីវភាពកាន់តែហាយសូឡើងជារៀងរាល់ថ្ងៃ។

ជាក់ស្ដែងកាលពីឆ្នាំមុន ថៅកែប្រេងចិនសែរូបនេះ ទិញរថយន្ត Lamborghini Huracan ពណ៌ទឹកក្រូចតម្លៃចូលខ្ទង់លានដុល្លារ និងឡើងភូមិគ្រឹះធំស្កឹមស្កៃ។ ថ្មីៗនេះទៀតនៅថ្ងៃខួបស្រលាញ់គ្នា ១១ ឆ្នាំ ផន សុផារី និងស្វាមី បានបង្ហាញ super-car Brabus G-Wagon ដែលតម្លៃវាប្រហែលកន្លះលានដុល្លារចេញពីរោងចក្រផ្ទាល់។

ក្រៅពី Brabus G-Wagon ហើយនោះ ស្រ្តីអភិជនវ័យក្មេងរូបនេះ ក៏បានបង្ហាញពីផ្ទះលំហែ ឬរោងចក្រដែលមានទីធ្លាធំល្វឹងល្វើយមួយកន្លែងទៀតកំពុងស្ថិតក្នុងការសាងសង់ផងដែរ។

សេដ្ឋីនីផ្នែកគ្រឿងថែរក្សាសម្រស់អនឡាញរូបនេះ មានវ័យ ៣០ ឆ្នាំប៉ុណ្ណោះ តែអាចកសាងអាណាចក្របានយ៉ាងរឹងមាំ។ មិនថាការងារផលិតមាតិកា ជំនួញ skincare សុទ្ធតែទទួលបានការគាំទ្រ។ ហេតុដូចនេះហើយវាមិនមែន ជារឿងលំបាកឡើយដែលអាចឲ្យអ្នកនាងចាយជីវិតយ៉ាងហ៊ឺហាបែបអភិជន។

មិនត្រឹមតែមានរថយន្តច្រើនគ្រឿងឡើយ ថៅកែ Be Scrub ក៏ជាមនុស្សចូលចិត្តប្រើសម្ភារៈនិយមប្រេនៗដូចជានាឡិកាដៃទំនើបៗ កាបូបទាន់សម័យមានតម្លៃថ្លៃ និងគ្រឿងអលង្ការពេជ្រផងដែរ៕

អត្ថបទ៖ មេរ៉ា, រូបភាព៖ Phorn Sophary

The post មិនធម្មតារបរអនឡាញធ្វើឲ្យ ផន សុផារី កាន់តែមានបានឡើងៗ ឥឡូវទិញឡាន Brabus ចូលផ្ទះថែម appeared first on Millions times.

ជំនួញអនឡាញកាន់តែកាក់កប ផន សុផារី កាន់តែប្រើជីវិតហាយសូពីមួយថ្ងៃទៅមួយថ្ងៃ

Vin Chang — Sat, 01 Mar 2025 04:31:59 +0000

អតីតតារាកំប្លែង ផន សុផារី ជីវិតពីមួយថ្ងៃទៅមួយថ្ងៃកាន់តែឡើងស្រឺតៗ ក្រោយចាប់យកអាជីវកម្មអនឡាយ។ តាំងពីក្លាយជាម្ចាស់ប្រេនថែរក្សាសម្រស់មក កូនស្រីថៅកែល្ខោនដ៏ល្បីប្រចាំប្រទេស ភី សុគន្ធី ក៏កាន់តែហ៊ឺហាដែរ។

តាមដានជាមួយយើង៖ Million Times

ឆ្នាំមុនអ្នកជំនួញអនឡាញរូបនេះ ទើបតែឡើងភូមិគ្រឹះធំស្កឹមស្កៃ និងទិញកំពូលរថយន្ត Lamborghiniពណ៌ទឹកក្រូចតម្លៃចង់ចូលខ្ទង់លានដុល្លារទៅហើយ។ មិនត្រឹមជាម្ចាស់ផលិតផលថែរក្សាសម្រស់ប៉ុណ្ណោះទេ ផារី ក៏ជាអ្នកបង្កើតមាតិកា និងទទួលបានការងារប្រម៉ូតផលិតផលផ្សេងៗទៀតផងដែរ។

កាលពីថ្ងៃសុក្រ២៨ ខែកុម្ភៈ ហាយសូជំនាន់ថ្មី ផន សុផារី ទើបទទួលបាននាឡិកា Hublot ជាកាដូពីស្វាមីដែលមានតម្លៃជិត២ ម៉ឺនដុល្លារ។ Spirit of Big Bang Titanium White Diamonds ជានាឡិកាប្រណិតរបស់ប្រេន Hublot តម្លៃ ១៨ ៦០០ ដុល្លារ មិនទាន់គិតពន្ធ។

នាឡិកាSpirit of Big Bang Titanium White Diamonds ជាផលិតផលរបស់ប្រទេសស្វីស ស្រាល ផលិតឡើងពីដែកទីតាញ៉ូម ធន់រលោង ភ្លឺ ជាមួយគ្រាប់ពេជ្រ ៤៤ គ្រាប់, ធន់នឹងទឹក ១០០ ម៉ែត្រ, កញ្ចក់រឹងមាំដូចត្បូងកណ្តៀង ការពារចំណាំងពន្លឺ។ ចំណែកខ្សែនាឡិកាពណ៌ស ផលិតឡើងពីកៅស៊ូដែលមិនតោងស្អិតស្នាមប្រឡាក់ ហើយគន្លឹះវិញធន់ ព្រោះធ្វើឡើងពីដែកមានគុណភាពខ្ពស់៕

អត្ថបទ៖ មេរ៉ា, រូបភាព៖ Bella Ellie ប៊ែលទ្បាអ៊ែលលី

The post ជំនួញអនឡាញកាន់តែកាក់កប ផន សុផារី កាន់តែប្រើជីវិតហាយសូពីមួយថ្ងៃទៅមួយថ្ងៃ appeared first on Millions times.