ដំណើរ​ទស្សនកិច្ច​របស់​លោក Kim ទៅកាន់​បណ្ឌិត្យសភា​យោធា Kang Kon ធ្វើឡើង​បន្ទាប់ពី​កូរ៉េខាងជើង​បាន​បញ្ជូន​ទាហាន​រាប់ពាន់នាក់​ទៅកាន់​រុស្ស៊ី ដើម្បី​គាំទ្រ​សង្រ្គាម​ប្រឆាំង​នឹង​អ៊ុយក្រែន។ ក្នុងសប្តាហ៍នេះ លោក Kim ក៏បានទៅទស្សនាសាកលវិទ្យាល័យ Kim Il Sung University of Politics ដែលជាស្ថាប័នបណ្តុះបណ្តាលកម្មាភិបាលវរជនមួយទៀត ដោយអំពាវនាវឱ្យមានភក្តីភាព និងការលះបង់យោធា។

តាមដានជាមួយយើង៖ Million Times

ទីភ្នាក់ងារស៊ើបការណ៍សម្ងាត់របស់ប្រទេសកូរ៉េខាងត្បូងបាននិយាយថា ការត្រួតពិនិត្យអង្គភាពយោធា និងការហ្វឹកហ្វឺនពីមុនរបស់លោក Kim អាចជាផ្នែកនៃការរៀបចំសម្រាប់ការបញ្ជូនទាហានបន្ថែមទៅកាន់ប្រទេសរុស្ស៊ី។

KCNA បាននិយាយថា ក្នុងអំឡុងពេលដំណើរទស្សនកិច្ចចុងក្រោយបំផុតទៅកាន់សាលាយោធា លោក Kim បានរិះគន់ការគ្រប់គ្រង និងប្រតិបត្តិការមិនល្អរបស់សាលា ដោយនិយាយថា ខ្លួនមិនបានបំពេញតាមបំណងរបស់គណបក្សកាន់អំណាច ដែលមានទំនើបកម្ម និងចរិតលក្ខណៈជឿន។ 

លោកបានដាក់ចេញនូវភារកិច្ចដើម្បីកែលម្អគ្រឿងបរិក្ខារឡើងវិញ និងពង្រឹងការអប់រំផ្តោតលើការអនុវត្តដើម្បីឱ្យសិស្សានុសិស្សបានស្វែងយល់អំពី “បទពិសោធន៍ជាក់ស្តែងនៃសង្គ្រាមសម័យទំនើប” និងដើម្បីធ្វើជាម្ចាស់លើអាវុធទំនើបៗ និងឧបករណ៍បច្ចេកទេស។

លោក Kim បាននិយាយថា “ស្ថានភាពអន្តរជាតិបច្ចុប្បន្ន ដែលមានចរិតឆេវឆាវ និងបះបោររបស់ពួកចក្រពត្តិនិយម ត្រូវបានបង្ហាញយ៉ាងចំហបំផុតក្នុងប្រវត្តិសាស្ត្រ ហើយសង្រ្គាម និងការបង្ហូរឈាមក្លាយជារឿងធម្មតា ទាមទារឲ្យកងកម្លាំងប្រដាប់អាវុធ… ដើម្បីទប់ទល់នឹងសង្រ្គាមយ៉ាងល្អឥតខ្ចោះ”។ នេះបើយោងតាម ​​KCNA ។ 

មន្ត្រីកូរ៉េខាងត្បូងបានព្រមានថា កូរ៉េខាងជើងអាចទទួលបានអត្ថប្រយោជន៍ពីការផ្គត់ផ្គង់សព្វាវុធ និងកងទ័ពដើម្បីប្រយុទ្ធក្នុងប្រទេសរុស្ស៊ី ដោយទទួលបានបទពិសោធន៍ និងការយល់ដឹងពីប្រតិបត្តិការលើសមរភូមិទំនើបមួយ។

ចំណែកឯទីក្រុង Kyiv បាន​និយាយ​ថា កងកម្លាំង​កូរ៉េ​ខាង​ជើង​បាន​រង​របួស​យ៉ាង​ខ្លាំង​នៅ​ក្នុង​ប្រទេស​រុស្ស៊ី ដោយ​មាន​ទាហាន​ជាង ៣០០០ នាក់​បាន​ស្លាប់ ឬ​រង​របួស​នៅ​ដើម​ខែ​មករា​ឆ្នាំ​នេះ៕

អត្ថបទ៖ សារ៉ាយ រូបភាព៖ KCNA

The post មេដឹកនាំកូរ៉េខាងជើង អំពាវនាវឱ្យកសាងកងទ័ពដ៏រឹងមាំ និងទំនើប ដើម្បីទប់ទល់នឹងសង្គ្រាមណាមួយ appeared first on Millions times.

ទីភ្នាក់ងារសារព័ត៌មានរដ្ឋរបស់កូរ៉េខាងជើង បានចាក់ផ្សាយវីដេអូមួយកាលពីថ្ងៃចន្ទអំពីសកម្មភាពកូនស្រីរបស់លោក គីម ជុងអ៊ុន គឺនាង ជូ-អេ ក្នុងពិធីមួយកាលពីថ្ងៃអាទិត្យ ដោយលោកស្រី គីម យ៉ូជុង បង្ហាញអាកប្បរិយាឱន​ក្បាលសម្តែងការគោរពដ៏ខ្ពង់ខ្ពស់ ហើយនៅក្នុងព្រឹត្តិការណ៍នោះ ក៏មានការតាំងបង្ហាញម៉ីសស៊ីផ្លោងប្រភេទថ្មីចំនួន ២៥០គ្រាប់។

តាមដានជាមួយយើង៖ Million Times

អ្នកជំនាញបាននិយាយថា វត្តមានដ៏កម្រនេះបង្ហាញថា នាង Ju-ae គឺជាអ្នកស្នងតំណែងដ៏មានសក្តានុពលរបស់ឪពុកនាង។ លោក Cheong Seong-chang នាយកមជ្ឈមណ្ឌលសម្រាប់យុទ្ធសាស្ត្រឧបទ្វីបកូរ៉េ លើកឡើងថា “ការគោរពដ៏គួរឱ្យកត់សម្គាល់របស់លោកស្រី គីម យ៉ូជុង ចំពោះនាង Ju-ae ដែលជាកូនស្រីមេដឹកនាំកូរ៉េខាងជើង បង្ហាញថា គ្រួសារ Kim អាចនឹងដាក់ Ju-ae ជាមេដឹកនាំបន្ទាប់របស់ប្រទេសនេះ” ។

លោកនិយាយថា៖ “ទោះបីជាមិនទាន់មានសេចក្តីប្រកាសជាផ្លូវការថា Ju-ae ក្មេងនៅឡើយ វាហាក់ដូចជាមេដឹកនាំកូរ៉េខាងជើងបានចាប់ផ្តើមរៀបចំផែនការស្នងតំណែងរបស់គាត់រួចហើយ។ វាហាក់ដូចជាបានបង្ហាញថា Ju-ae នឹងក្លាយជាអ្នកស្នងមរតករបស់គាត់»។

ទោះបីជាអាយុរបស់នាងមិនត្រូវបានបង្ហាញឱ្យដឹងក៏ដោយ នាង Ju-ae ត្រូវបានគេជឿថា មានអាយុប្រហែល ១០ឆ្នាំប៉ុណ្ណោះ។ នេះបើតាមសារព័ត៌មានរដ្ឋកូរ៉េខាងជើង។

សេវាស៊ើបការណ៍សម្ងាត់ជាតិ (NIS) បាននិយាយក្នុងរបាយការណ៍មួយទៅកាន់គណៈកម្មាធិការស៊ើបការណ៍សម្ងាត់សភា កាលពីថ្ងៃទី២៩ ខែកក្កដាកន្លងទៅថា នាង Ju-ae ហាក់ដូចជាពេញចិត្តក្នុងការជំនួសឪពុករបស់នាង ក្នុងការបង្ហាញខ្លួនជាសាធារណៈញឹកញាប់ជាមួយឪពុក។

NIS បាននិយាយបន្តថា ប្រហែល ៦០ភាគរយនៃសកម្មភាពសាធារណៈកាលពីអតីតកាលរបស់ Ju-ae ពាក់ព័ន្ធនឹងការអមដំណើរឪពុករបស់នាងទៅព្រឹត្តិការណ៍យោធា និងខ្លះទៀតទាក់ទងនឹងសេដ្ឋកិច្ច។ NIS បាននិយាយថា ការប្រើប្រាស់របស់កូរ៉េខាងជើងនៃពាក្យ “hyangdo” ដែលមានន័យថា ការណែនាំហើយត្រូវបានប្រើសម្រាប់តែសំដៅទៅលើមេដឹកនាំកំពូល ឬអ្នកស្នងតំណែងប៉ុណ្ណោះ បង្ហាញថា នាងកំពុងនៅលើផ្លូវដើម្បីក្លាយជាអ្នកដឹកនាំបន្ទាប់។

នាង Ju-ae បានបង្ហាញខ្លួនជាសាធារណៈលើកដំបូងនៅចុងឆ្នាំ២០២២ នៅពេលដែលនាងអមដំណើរឪពុករបស់នាងក្នុងការបាញ់មីស៊ីលអន្តរទ្វីបថ្មីមួយ។ ចាប់តាំងពីពេលនោះមក នាងត្រូវបានគេប្រទះឃើញនៅក្នុងសកម្មភាពសាធារណៈជាច្រើនរបស់ឪពុកនាង រួមទាំងសមយុទ្ធយោធាផងដែរ៕

អត្ថបទ៖ សារ៉ាយ រូបភាព៖ Yonhap

The post ​មេដឹកនាំកូរ៉េខាងជើងបង្ហាញមុខកូនស្រីអាយុ ១០ឆ្នាំជាសាធារណៈដើម្បីត្រៀមស្នង​តំណែង appeared first on Millions times.

លោក Austin បានធ្វើអត្ថាធិប្បាយបែបនេះនៅក្នុងសក្ខីកម្មទៅកាន់គណៈកម្មាធិការទីភ្នាក់ងារប្រដាប់អាវុធរបស់សភាអាមេរិកកាលពីថ្ងៃពុធ ស្របពេលដែលទំនាក់ទំនងរវាងទីក្រុងមូស្គូ និងកូរ៉េខាងជើងកាន់តែស៊ីជម្រៅ ចាប់តាំងពីលោក Kim បានធ្វើដំណើរទៅកាន់ប្រទេសរុស្ស៊ីកាលពីខែកញ្ញាឆ្នាំមុន ដើម្បីពិភាក្សាជាមួយប្រធានាធិបតី Vladimir Putin ។

លោក Austin បាន​ប្រាប់​សមាជិក​សភា​ថា “ជាថ្មីម្ដងទៀត កូរ៉េ​ខាង​ជើង​កាន់​តែ​មាន​ទំនុក​ចិត្ត ​ដោយ​សារ​តែ​មាន​ទំនាក់​ទំនងគាប់ប្រសើរ​ជាមួយ​នឹង​លោក Putin” ។ លោក Austin ក៏បានលើកឡើងពីការពង្រីកកិច្ចសហប្រតិបត្តិការយោធារវាងរុស្ស៊ី កូរ៉េខាងជើង អ៊ីរ៉ង់ និងសាធារណៈរដ្ឋប្រជាមានិតចិនផងដែរ ។

រដ្ឋមន្ត្រីការពារជាតិអាមេរិករូបនេះបាននិយាយថា “យើងមានក្ដីព្រួយបារម្ភខ្លាំងណាស់ ដូច្នេះយើងត្រូវតែបង្កើនសមត្ថភាពធ្វើការជាមួយសម្ព័ន្ធមិត្តរបស់យើងដើម្បីបន្តរារាំង និងបន្តលើកកម្ពស់សន្តិភាព និងស្ថិរភាពនៅក្នុងតំបន់នីមួយៗ ។ លោកបានបន្ថែមថា “ទំនាក់ទំនងដែលកំពុងកើនឡើងរវាងចិន រុស្ស៊ី កូរ៉េខាងជើង និងអ៊ីរ៉ង់កំពុងបង្កក្ដីព្រួយបារម្ភ ហើយនេះគឺជាអ្វីដែលយើងកំពុងឃ្លាំមើលយ៉ាងដិតដល់” ។

លោក Austin ក៏​បាន​អះអាងដែរ​ថា រុស្ស៊ី​បាន​ងាក​ទៅ​រក​កូរ៉េខាងជើង​សម្រាប់​ជំនួយគ្រាប់កាំភ្លើងធំបន្ថែម និងអាវុធផ្សេងទៀតដើម្បីបំពេញឃ្លាំងស្តុកទុកអាវុធរបស់ខ្លួនសម្រាប់ប្រើក្នុងជម្លោះជាមួយអ៊ុយក្រែន ប៉ុន្តែភាគីខាងរុស្ស៊ី និងកូរ៉េខាងជើងបានបដិសេធការចោទប្រកាន់អំពីការផ្ទេរអាវុធទាំងនេះ ។ ប្រទេសទាំងពីរក៏បានចោទប្រកាន់ទៅសហរដ្ឋអាមេរិក និងសម្ព័ន្ធមិត្តអាស៊ីឦសានរបស់ខ្លួនដែរថា កំពុងធ្វើឱ្យភាពតានតឹងនៅក្នុងតំបន់កាន់តែអាក្រក់ឡើងៗ ពិសេសការរៀបចំធ្វើសង្រ្គាមជាមួយកូរ៉េខាងជើង ។

សូមជម្រាបជូនថា ប្រទេសកូរ៉េខាងជើងបានបង្កើនការបាញ់សាកល្បងមីស៊ីល ចាប់តាំងពីជម្លោះរុស្ស៊ី-អ៊ុយក្រែនចាប់ផ្ទុះឡើងនៅក្នុងខែកុម្ភៈ ឆ្នាំ ២០២២ ហើយប្រទេសនេះបានច្រានចោលនូវលទ្ធភាពនៃការបង្រួបបង្រួមជាមួយកូរ៉េខាងត្បូង ហើយក្រសួងការបរទេសកូរ៉េខាងជើងបាននិយាយថា ការបង្កើនកិច្ចសហប្រតិបត្តិការជាមួយរុស្ស៊ីនឹងជួយការពារផលប្រយោជន៍ស្នូលនៃប្រទេសទាំងពីរ និងជួយបង្កើតសណ្តាប់ធ្នាប់អន្តរជាតិពហុប៉ូលផងដែរ ៕

តាមដានជាមួយយើង៖ Million Times

បកប្រែ ៖ ទីន

The post អាមេរិកកំពុងបារម្ភពីកិច្ចសហប្រតិបត្តិការយោធារវាងរុស្ស៊ី និងកូរ៉េខាងជើង appeared first on Millions times.