តាមដានជាមួយយើង៖ Million Times

គួរឱ្យដឹងថា អនុវត្តតាមណែនាំរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រី គឺរដ្ឋបាលរាជធានីភ្នំពេញ បានរៀបចំមធ្យោបាយរថយន្តក្រុងសាធារណៈ ជូនប្រជាពលរដ្ឋដំណើរទៅស្រុកកំណើត ដោយមិនបង់ប្រាក់ ចាប់ពីថ្ងៃទី១២ ដល់ថ្ងៃទី១៧ ខែមេសា ឆ្នាំ២០២៦ ក្នុងអំឡុងពេលពិធីបុណ្យចូលឆ្នាំថ្មី។

លោកស្រី ដោ សម្ផស្ស បានឱ្យដឹងនៅថ្ងៃទី១៨ ខែមេសានេះថា ក្នុងរយៈពេល ៦ថ្ងៃ (១២-១៧ មេសា ២០២៦) ប្រជាពលរដ្ឋចំនួន​ ១១៩.៤៩០នាក់ បានធ្វើដំណើរតាមរថយន្តក្រុងរបស់រដ្ឋបាលរាជធានីភ្នំពេញ ដោយឥតគិតថ្លៃ ដើម្បីទៅលេងស្រុកកំណើត និងដំណើរកម្សាន្តក្នុងឱកាសបុណ្យចូលឆ្នាំប្រពៃណីជាតិ។

អ្នកនាំពាក្យរដ្ឋបាលធានីភ្នំពេញ បានឱ្យដឹងបន្តថា តួលេខនេះ បើប្រៀបធៀបនឹងរយៈពេលដូចគ្នាក្នុងឆ្នាំ២០២៥ មានការកើនឡើងប្រមាណ ៣៩%។

បើតាមរដ្ឋបាលធានីភ្នំពេញ ក្នុងរយៈពេល ៦ថ្ងៃ នាឱកាសអបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ​ ប្រជាពលរដ្ឋមួយចំនួនបានកាត់បន្ថយការចំណាយ ក្នុងការធ្វើដំណើរទៅលេងស្រុកកំណើត ជួបជុំក្រុមគ្រួសារ និងវិលត្រឡប់មកកាន់រាជធានីភ្នំពេញវិញ ប្រកបដោយស្នាមញញឹម​ ភាពរីករាយ​ និងសុខសុវត្ថិភាព៕

អត្ថបទ៖ វីរៈ រូបភាព៖ លោកស្រី ដោ សម្ផស្ស

second...

x

The post ចូលឆ្នាំខ្មែរពលរដ្ឋជិត ១២ម៉ឺននាក់ ធ្វើដំណើរតាមរថយន្តក្រុងសាធារណៈដោយឥតគិតថ្លៃ appeared first on Millions times.

ឯកឧត្តម ថេង ច័ន្ទសង្វារ តំណាងឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានថ្លែងដូច្នេះ នា​​ឱកាសអញ្ជើញចូលរួមក្នុងវេទិកាអនាគតនៃវិស័យអចលនទ្រព្យលេីកទី៥ ឆ្នាំ២០២៦ (RFF2026) នាទីក្រុងរីយ៉ាត ប្រទេសអារ៉ាប៊ីសាអូឌីត នាថ្ងៃទី២៦ ខែមករា ឆ្នាំ២០២៦។

តាមដានជាមួយយើង៖ Million Times

ឯកឧត្តម បានថ្លែងថា ៖«ថ្ងៃនេះខ្ញុំមានកិត្តិយសដ៏ខ្ពស់ខ្ពស់​ ដោយបានចូលរួមជាតំណាងឯកឧត្តម​ឧបនាយករដ្ឋមន្ត្រី​ សាយ​ សំអាល់​ រដ្ឋមន្ត្រី​ក្រសួង​រៀបចំដែនដី​ នគរូបនីយកម្ម​ និងសំណង់​ ក្នុងវេទិកាអនាគតនៃវិស័យអចលនទ្រព្យលើកទី៥​ ​ឆ្នាំ២០២៦ (RFF2026)​ នាទីក្រុងរីយ៉ាត​ ប្រទេសអារ៉ាប៊ី​សាអូឌីត​»។

ឯកឧត្តម បានបន្តថា «ឆ្លើយតបនឹងសំណួររបស់អ្នកសម្របសម្រួល​ ខ្ញុំបានរំលេចជូនអង្គ​វេទិកា​ថាក្នុងវិស័យអចលទ្រព្យ​ រាជរដ្ឋាភិបាលកម្ពុជាមិនចាត់ទុកខ្លួនត្រឹមតែជាអ្នកដាក់ចេញគោលនយោបាយ​ និងជានិយ័តករនោះទេ​ ប៉ុន្តែក៏ជាដៃគូដ៏សំខាន់និងស្និទ្ធស្នាលរបស់អ្នកអភិវឌ្ឍន៍ផងដែរ។ ភាពជាដៃគូនេះ​ធ្វើឡើង​តាមរយៈ​វេទិការាជរដ្ឋាភិបាល-វិស័យឯកជន​ កិច្ចសហប្រតិបត្តិការជាមួយសមាគមអ្នកសាងសង់កម្ពុជា​ និងសមាគម​អ្នកអភិវឌ្ឍលំនៅឋានកម្ពុជា​ ជាដើម។

ជាង​នេះទៅទៀត​ ចំពោះមួយចំនួន​តូចដែល​ត្រូវបាន​ប៉ះពាល់ដោយសារកូវីដ-១៩​និង​ស្ថានភាព​សេដ្ឋកិច្ច​ រាជ​រដ្ឋាភិបាល​កម្ពុជា​ តែងនៅ​ឈរ​ដោះស្រាយ​ជាមួយ​ភាគី​ពាក់ព័ន្ធ​ដោយឈរលើគោលការណ៍​ឈ្នះ​ ឈ្នះ​ និងជាពិសេស​ បាន​ផ្តល់​ការអនុគ្រោះពន្ធ​និងលើកលែងការបង់កម្រៃសេវា​សាធារណៈជាច្រើន​ ធ្វើយ៉ាងណាធានាការពារផលប្រយោជន៍ស្របច្បាប់​របស់ប្រជាពលរដ្ឋជាអតិថិជន​និងអ្នកពាក់ព័ន្ធ»។

ឯកឧត្តម ថេង ច័ន្ទសង្វារ «ពាក់ព័ន្ធនឹងគោលនយោបាយលំនៅឋាន​ ខ្ញុំបានសង្កត់ធ្ងន់ជូនវេទិកាថា​ កម្ពុជា​មានគោលនយោបាយ​ប្រែក្លាយ​ផ្ទះ​របស់ប្រជាពលរដ្ឋ​គ្រប់​គ្រួសារ​ទៅជា​ទ្រនំសុភមង្គល​ តាមរយៈការជំរុញ​ឱ្យមាន​ស្ថាបត្យកម្ម​សាមញ្ញ​ ងាយស្រួលរស់នៅ​ មានផាសុកភាព​ មានបណ្តាញ​សេវាសាធារណៈជាមូលដ្ឋាន​គ្រប់គ្រាន់ ដូចជា​ទឹក​​ ភ្លើង​ ផ្លូវ​ ផ្សារ​ សាលារៀន​ មណ្ឌលសុខភាព​។ល។ ដើម្បីសម្រេចគោលដៅនេះ​ ក្រសួងរៀបចំដែនដី​ នគរូបនីយកម្ម​ និងសំណង់​ កំពុង​ជំរុញ​បង្កើតនិងប្រើប្រាស់មូលនិធិ​លំនៅឋាន​ ការផ្តល់កម្ចីទាបសមរម្យ​ និងការវិនិយោគអចលនវត្ថុឱ្យចំគោលដៅ។​ ក្នុងន័យនេះ​ វិស័យឯកជន​ពិតជាដៃគូមិនអាចខ្វះបាន​ក្នុងការចូលរួមធ្វើឱ្យសម្រេចក្តីស្រមៃ​របស់កម្ពុជា»៕

អត្ថបទ៖ ប៊ី

second...

x

The post មន្តីជាន់ខ្ពស់ក្រសួងរៀបចំដែនដី៖ ​កម្ពុជា​មានគោលនយោបាយ​ប្រែក្លាយ​ផ្ទះ​ប្រជាពលរដ្ឋ​​ទៅជា​ទ្រនំសុភមង្គល appeared first on Millions times.

ការថ្លែងអំពាវនាវនេះ ធ្វើឡើងកាលពីថ្ងៃទី ២១ ខែតុលា ឆ្នាំ ២០២៥ ក្នុងពិធីចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋ ចំនួន ២ភូមិ សរុបចំនួន ៣ ០៩០ បណ្ណ ស្ថិតនៅភូមិអំពិលទឹក និងភូមិកំពង់ពោធិ៍ ឃុំកំពង់ភ្នំ ស្រុកលើកដែក ខេត្តកណ្តាល។

ពិធីចែកវិញ្ញាបនបត្រសម្គាល់ម្ចាស់អចលនវត្ថុនេះ ត្រូវបានប្រព្រឹត្តទៅ ក្រោមអធិបតីភាពឯកឧត្តម ឈឿន ប៊ុណ្ណារ័ត្ន រដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងារសម្របសម្រួលដោះស្រាយវិវាទដីធ្លីខេត្តកណ្តាល និងឯកឧត្តម គួច ចំរើន នៅបរិវេណវត្តកំពង់ភ្នំក្នុង ឃុំកំពង់ភ្នំ ស្រុកលើកដែក ខេត្តកណ្ដាល ដោយមានការអញ្ជើញចូលរួមពីមន្ទីរអង្គភាពជុំវិញខេត្ត កងកម្លាំងទាំងបី អាជ្ញាធរស្រុកលើកដែក មន្ត្រីជំនាញ និងប្រជាពលរដ្ឋជាច្រើននាក់។

តាមដានជាមួយយើង៖ Million Times

ឯកឧត្តម គួច ចំរើន បានថ្លែងថា គិតមកដល់ពេលនេះ មន្ទីររៀបចំដែនដីនគររូបនីយកម្ម សំណង់ និងសុរិយោដីខេត្តកណ្ដាល បានធ្វើការចេញវិញ្ញាបនបត្រសម្គាល់ម្ចាស់អចលនវត្ថុ បានជាង ៤០ ម៉ឺនបណ្ណ និងធ្វើការចែកបណ្ណ ជូនដល់ដៃប្រជាពលរដ្ឋ បានប្រមាណជាង ៣០ម៉ឺនបណ្ណ ហើយនៅសល់ប៉ុន្មានជាង ១១ម៉ឺនបណ្ណទៀត ប្រជាពលរដ្ឋមិនទាន់បានមកទទួលនៅឡើយទេ ដូច្នេះឯកឧត្តមអភិបាលខេត្ត បានអំពាវនាវដល់បងប្អូនប្រជាពលរដ្ឋ សូមមកទទួលបណ្ណ កម្មសិទ្ធិដីធ្លីនេះឱ្យបានគ្រប់ៗគ្នា ដើម្បីយកទៅប្រើប្រាស់តាមតម្រូវការរបស់បងប្អូន។

ឯកឧត្តមអភិបាលខេត្ត បន្ថែមថា ៖ «ការផ្តល់ជូននូវវិញ្ញាបនប័ត្រសម្គាល់ម្ចាស់អចលនវត្ថុ(ប្លង់រឹង) គឺផ្តល់នូវការធានាបាននូវសិទ្ធពេញលេញជាកម្មសិទ្ធិករស្របច្បាប់លើដីធ្លី ដូច្នេះប្រសិនបើមានអ្នកណាម្នាក់ មករំលោភលើប័ណ្ណកម្មសិទ្ធិករស្របច្បាប់នេះ ដោយសាងសង់លំនៅឋាន ឬធ្វើអ្វីមួយនៅលើដីកម្មសិទ្ធិកររបស់អ្នកដទៃ នោះមានន័យថាអ្នកទាំងនោះប្រព្រឹត្តនូវអំពើល្មើសនៃច្បាប់ ដូច្នេះអ្នកទាំងនោះនឹងត្រូវផ្ដន្ទាទោសតាមច្បាប់ដែលបានកំណត់ដោយគ្មានការលើកលែងឡើយ»។

ជាមួយគ្នានេះផងដែរ ឯកឧត្តមអភិបាលខេត្តកណ្ដាល បានសំណូមពរដល់ប្រជាពលរដ្ឋ ដែលទទួលបានបណ្ណកម្មសិទ្ធិនេះហើយ សូមរក្សាទុក្ខឱ្យបានល្អ ព្រោះថាបណ្ណនេះមានអត្ថប្រយោជន៍សំខាន់ណាស់ និងមានភាពងាយស្រួលក្នុងការយកទៅប្រើប្រាស់តាមសេចក្តី ត្រូវការរបស់បងប្អូន ដូចជាយកទៅលក់ ជួល បញ្ចាំ ធ្វើអំណោយ ។ល។ ដើម្បីជាទុនក្នុងការប្រកបរបរចិញ្ចឹមជីវិតប្រចាំថ្ងៃ។

លោក សុក កាន់ណារិទ្ធ ប្រធានមន្ទីររៀបចំដែនដី នគរូបនីយកម្មសំណង់ និងសូរិយោដីខេត្តកណ្ដាល បានឱ្យដឹងថា៖ គិតមកដល់ពេលនេះចុះបញ្ជីបាន ៧១ឃុំ/សង្កាត់ លើ ១២៧ ឃុំ/សង្កាត់ នឹង ៦៣០ភូមិ លើ១០១០ភូមិ គឺស្មើនឹង ៦៣% នៃចំនួនភូមិសរុប ហើយថ្ងៃនេះគឺជាលើកទី៤៨ នៃការចែកវិញ្ញាបនបត្រសម្គាល់ម្ចាស់អចលវត្ថុ ចំនួន២ភូមិ ដែលនឹងត្រូវផ្តល់ជូនប្រជាពលរដ្ឋ ចំនួន៣០៩០បណ្ណ៕

អត្ថបទ៖ ប៊ី

second...

x

The post ឯកឧត្តម គួច ចំរើន អំពាវនាវឱ្យប្រជាពលរដ្ឋ មកទទួលបណ្ណកម្មសិទ្ធិដីធ្លីឱ្យបានគ្រប់ៗគ្នា appeared first on Millions times.

នៅថ្ងៃទី ១២ ខែសីហា តាមរយៈសារជាសំឡេង នៅក្នុងគ្រុបមួយដែលកំពុងបំផុសចលនាប្រឆាំងការអភិវឌ្ឍ និងជំរុញការចេញមកធ្វើបាតុកម្ម សម្ដេចតេជោ ហ៊ុន សែន បានថ្លែងថា សម្ដេច បានចូលក្នុងគ្រុបមួយនេះជាច្រើនថ្ងៃមកហើយ និងបាន​ស្ដាប់អំពីការញុះញង់របស់បុគ្គលមួយចំនួន នៅក្រៅប្រទេស ដើម្បីឲ្យអ្នកនៅក្នុងគ្រុបមួយនេះ ចេញធ្វើបាតុកម្មក្នុងបំណងផ្ដួលរំលំរាជរដ្ឋាភិបាល ដែលចេញពីការបោះឆ្នោត។

តាមដានជាមួយយើង៖ Million Times

សម្ដេចតេជោ ហ៊ុន សែន បានចាត់ទុកការញុះញង់នេះ មិនមែនជារឿងត្រឹមត្រូវនៅក្នុងដំណើរការប្រជាធិបតេយ្យនោះឡើយ។ បុគ្គលមួយចំនួនតូច ចង់ប្រៀបធៀបស្ថានការណ៍រវាងប្រទេសកម្ពុជា ជាមួយប្រទេសបង់ក្លាដេស តែជាការប្រៀបធៀបមួយ ដែលយល់ច្រឡំ។

ត្រង់ចំណុចនេះ សម្ដេចតេជោ ហ៊ុន សែន បានថ្លែងប្រាប់ថា «ចំណុចនេះ បងប្អូនត្រូវគិតឲ្យបានម៉ត់ចត់ ប្រសិន​បើបងប្អូនភ្លាតភ្លាំងទៅដោយប្រការណាមួយ បងប្អូនអាចរងនូវគ្រោះថ្នាក់ ឬនេះគឺវាមិនអាចទៅរួចទេ រដ្ឋាភិបាលប្រទេសណាក៏ដោយ ដោយតម្លៃណាក៏ដោយ បងប្អូនមានត្រឹមតែប៉ុន្មាននាក់ ដើម្បីបំផ្លាញនូវសន្តិភាពសម្រាប់ប្រជាជនរាប់លាននាក់ មិនមែនជាជម្រើសដែលបងប្អូនទេ បងប្អូនត្រូវគិតឲ្យម៉ត់ចត់មុនពេលដែលបងប្អូន ធ្វើដំណើរមកកាន់បាតុកម្ម ឬមហាបាតុកម្ម ឬឈានទៅដល់ការផ្ដួលរំលំ បន្ទាប់ក្រហមនៅទីនេះគឺមាន»។

សម្ដេចប្រធានព្រឹទ្ធសភា បានបញ្ជាក់ថា ថ្នាក់ដឹកនាំកម្ពុជា ទទួលយកនូវកង្វល់របស់ប្រជាពលរដ្ឋ ស្ដីពី បញ្ហាទឹកដី បញ្ហាឯករាជ្យ អធិបតេយ្យជាតិ តែប្រជាពលរដ្ឋត្រូវមើលឲ្យបានច្បាស់ ថាតើដូចអ្វីដែលក្រុមប្រឆាំងនៅក្រៅប្រទេស កំពុងតែញុះញង់ដែរឬទេ?​

សម្ដេចតេជោ ហ៊ុន​​ សែន បានថ្លែងបែបនេះថា «បងប្អូនច្បិចយកនូវបញ្ហា CLV តែនៅទីនេះ ខ្ញុំគួរតែបញ្ជាក់ប្រាប់​បងប្អូនថា CLV ២៥ឆ្នាំហើយ មានមនុស្សមួយចំនួននៅក្នុងក្រុមនេះ កើតមិនទាន់ទាំង CLV កើតទៀតផង ប៉ុន្តែ​តើ CLV នេះ វាបានបំផ្លាញអ្វីដល់បងប្អូន បងប្អូនគិតទៅ​ប្រទេសយើងកាលពីនោះ គឺក្រីក្រណាស់ការធ្វើដំណើរពីរតនគិរី មណ្ឌលគិរី ស្ទឹងត្រែង ទម្រាំមកដល់ខេត្តក្រចេះ ទម្រាំមកដល់កំពង់ចាម ទម្រាំមកដល់ទីក្រុងភ្នំពេញ ត្រូវចាយពេលច្រើនណាស់»។

សម្ដេចតេជោ ហ៊ុន សែន បានបញ្ជាក់ទៀតថា មកដល់បច្ចុប្បន្ន តាមរយៈកិច្ចសហប្រតិបត្តិការ CLVនេះ ប្រជាពលរដ្ឋនៅតាមបណ្ដាខេត្តទាំងនោះ បានទទួលផលប្រយោជន៍ជាច្រើន ដូចជា៖​ សេដ្ឋកិច្ច សង្គម ការតភ្ជាប់ផ្លូវ បណ្ដាញអគ្គិសនី ប្រព័ន្ធទឹកនៅតំបន់មួយចំនួន។

សម្ដេចតេជោ ហ៊ុន សែន បានបញ្ជាក់ជាថ្មីទៀតថា កិច្ចសហប្រតិបត្តិការតំបន់ត្រីកោណអភិវឌ្ឍន៍នេះ មិនមែនជាការកាត់ដីឲ្យទៅបរទេសណានោះទេ ហើយក៏មិនមែនជាការដាក់ភាគហ៊ុនអ្វីដែរ៕

អត្ថបទ៖ វីរៈ រូបភាព៖ បណ្ដាញសង្គម

second...

x

The post សម្ដេចតេជោ ហ៊ុន សែន​ ប្រាប់ពលរដ្ឋមួយចំនួនតូច កុំជឿតាមការញុះញង់របស់បុគ្គលប្រឆាំងនៅក្រៅប្រទេស​ appeared first on Millions times.

សេចក្ដីជូនដំណឹងរបស់ន.ទ.ក. នៅថ្ងៃទី ៣១ ខែកក្កដា បានឲ្យដឹងថា កាលពីពេលថ្មីៗនេះ ន.ទ.ក. បានរកឃើញភាពមិនប្រក្រតី និងបានធ្វើការផាកពិន័យប្រតិបត្តិករទូរស័ព្ទចល័តមួយចំនួន ពាក់ព័ន្ធនឹង ១. ការកាត់ផ្តាច់ដំណើរការលេខទូរស័ព្ទចល័តរបស់អ្នកប្រើប្រាស់ ដែលកំពុងនៅមានសុពលភាពប្រើប្រាស់ ហើយដាក់លក់លេខទូរស័ព្ទទាំងនោះជាថ្មី និង ២. ការកាត់ទឹកប្រាក់ពីគណនីរបស់អតិថិជនខុសពីតារាងតម្លៃ និងលក្ខខណ្ឌនៃសេវារ៉ូមីង ដែលបានផ្សព្វផ្សាយពាណិជ្ជកម្ម។

ដើម្បីជំរុញការប្រកួតប្រជែងស្របច្បាប់ និងស្មោះត្រង់ និងការការពារផលប្រយោជន៍អ្នកប្រើប្រាស់ ន.ទ.ក. បានអំពាវនាវដល់អ្នកប្រើប្រាស់សេវាទូរស័ព្ទចល័តទាំងអស់ រាយការណ៍ទៅ ន.ទ.ក. តាមរយៈលេខទូរស័ព្ទ ៦៧៨៩ រៀងរាល់ម៉ោងធ្វើការ ឬផ្ញើសារមកកាន់អ៊ីម៉ែល info@trc.gov.kh ក្នុងករណី៖

លេខទូរស័ព្ទចល័តរបស់ខ្លួន ត្រូវបានកាត់ផ្តាច់ដំណើរការ ឬត្រូវបានដាក់លក់ជាថ្មី ដោយមិនបានគោរពតាមរយៈពេលបន្ទាប់ពីផុតសុពលភាព នៃទឹកប្រាក់ក្នុងគណនី ដូចមានកំណត់ក្នុងសេចក្តីណែនាំលេខ ៨០២១ ន.ទ.ក. ចុះថ្ងៃទី ១៤ ខែសីហា ឆ្នាំ ២០២៣។

ទឹកប្រាក់ក្នុងគណនី នៃលេខទូរស័ព្ទចល័តត្រូវបានកាត់ ខុសពីតារាងតម្លៃ និងលក្ខខណ្ឌនៃសេវា ដែលបានផ្សព្វ​ផ្សាយពាណិជ្ជកម្ម។ ការភ្ជាប់គម្រោង ឬកញ្ចប់សេវាទូរស័ព្ទចល័ត ឬសេវាតម្លៃបន្ថែមណាមួយ ដែលធ្វើឲ្យមានការកាត់ទឹកប្រាក់ ដោយមិនមានការយល់ព្រមជាមុនពីអ្នកប្រើប្រាស់ និងការមិនទទួលបានដំណោះស្រាយសមស្របណាមួយ ពីប្រតិបត្តិករទូរស័ព្ទចល័តលើបណ្ដឹងតវ៉ារបស់ អ្នកប្រើប្រាស់៕

អត្ថបទ៖ វីរៈ រូបភាព៖ បណ្ដាញសង្គម

តាមដានជាមួយយើង៖ Million Times

second...

x

The post ស្ថាប័នជំនាញ ឲ្យពលរដ្ឋរាយការណ៍ក្នុងករណីទឹកប្រាក់ក្នុងគណនី នៃលេខទូរស័ព្ទចល័តត្រូវបានកាត់ខុស   appeared first on Millions times.

យោងតាមសេចក្ដីប្រកាសព័ត៌មាន ស្ដីពី លទ្ធផលកិច្ចប្រជុំក្រុមប្រឹក្សាជាតិគាំពារសង្គមលើកទី ១២ ក្រោមអធិបតីភាពលោក អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាជាតិគាំពារសង្គម នៅថ្ងៃទី ៣១ ខែកក្កដានេះ បានឲ្យដឹងថា “ការអនុវត្តកម្មវិធីឧបត្ថម្ភសាច់ប្រាក់”នេះ មានរយៈពេល ៤៦ ខែ ដែលក្នុងនោះការអនុវត្ត ពេញលេញរយៈពេល ៤៣ ខែ (ខែមិថុនា ឆ្នាំ ២០២០ ដល់ ខែធ្នូ ឆ្នាំ ២០២៣) និងការអនុវត្តយុទ្ធសាស្ត្រ ចាកចេញពីកម្មវិធីមានរយៈពេល ៣ ខែ (ខែ មករា ដល់ខែ មីនា ឆ្នាំ ២០២៤)។

តាមដានជាមួយយើង៖ Million Times

កម្មវិធីនេះ បានផ្តល់សាច់ប្រាក់ ឧបត្ថម្ភប្រចាំខែដល់គ្រួសារក្រីក្រ និងងាយរងគ្រោះចំនួនប្រមាណ ៧០ម៉ឺនគ្រួសារ ស្មើនឹង ២,៨លាននាក់ ដោយបានចំណាយថវិការដ្ឋសរុបចំនួន ៥ ៤៣៨ ៤៨៦ ៤១៩ ០០០ រៀល ឬស្មើនឹង ១ ៣៥៩,៦២ លានដុល្លារ។

គួរជម្រាបថា ក្នុងគោលបំណងលើកកម្ពស់ប្រសិទ្ធភាព និងប្រតិតុល្យការនៃការអនុវត្តកម្មវិធី ក្រុមប្រឹក្សាជាតិគាំពារសង្គម បានរៀបចំការវាយតម្លៃជាប្រចាំសម្រាប់ “កម្មវិធីឧបត្ថម្ភសាច់ប្រាក់” នេះ រួមមានទាំងការវាយតម្លៃកម្មវិបាករបស់កម្មវិធីលើសង្គម-សេដ្ឋកិច្ច និងជីវភាពរស់នៅរបស់ប្រជាជន និងការវាយតម្លៃលើដំណើរការនៃការអនុវត្តកម្មវិធី ផងដែរ៕

អត្ថបទ៖ វីរៈ រូបភាព៖ បណ្ដាញសង្គម

second...

x

The post រដ្ឋចំណាយថវិកាជាង ១ពាន់ ៣រយលានដុល្លារ ក្នុងកម្មវិធីឧបត្ថម្ភសាច់ប្រាក់អំឡុងពេលកូវីដ-១៩ appeared first on Millions times.

តាមដានជាមួយយើង៖ Million Times

ជាលទ្ធផលក្រសួងទាំង ៣ បានឯកភាពគ្នាជាគោលការណ៍ធ្វើការរួមគ្នាលើវិស័យផ្គត់ផ្គត់ទឹកនេះ ដើម្បីបម្រើផលប្រយោជន៍ប្រជាពលរដ្ឋរួម ដោយកំណត់វិធានការបន្ទាន់ និងវិធានការរយៈវែងដូចខាងក្រោម៖

-ចំពោះវិធានការបន្ទាន់

ទី១. ខួងអណ្តូងដើម្បីទាញយកទឹកពីក្រោមដី មកប្រើប្រាស់សម្រាប់ការផ្គត់ផ្គង់បណ្តោះអាសន្ន

ទី២. ស្វែងរកទឹកពីប្រភពទឹកលើដីផ្សេងទៀត ដែលអាចមានលទ្ធភាពក្នុងការជួយអន្តរាគមន៍ផ្គត់ផ្គង់បណ្តោះអាសន្នបាន

ទី៣. ផ្គត់ផ្គង់ទឹកតាមមធ្យោបាយផ្សេង ដើម្បីដោះស្រាយបញ្ហាចំពោះមុខ

ចំពោះវិធានការយៈពេលវែង

១. ក្រសួងទាំង ៣ នឹងរៀបចំក្រុមការងារបច្ចេកទេស ដើម្បីធ្វើអនុស្សារណៈបែងចែកភារកិច្ចជៀសវាងភារកិច្ចជាន់គ្នាធ្វើឲ្យរាំងស្ទះក្នុងការអនុវត្ត ប៉ះពាល់ដល់ផលប្រយោជន៍ប្រជាពលរដ្ឋ

២. រៀបចំបង្កើតផែនការមេរួមគ្នា ដោយធ្វើផែនទីព័ត៌មានរួមជាមួយផែនទីរបស់ក្រសួងរៀនចំដែនដី នគរូបនីយកម្ម និងសំណង់ដើម្បីមានព័ត៌មានគ្រប់ជ្រុងជ្រោយ ក្នុងការរៀបចំផែនការអភិវឌ្ឍន៍តាមវិស័យរៀងៗខ្លួន៕

second...

x

The post រដ្ឋមន្ត្រីក្រសួង​ ៣ ប្រជុំរកវិធីអន្តរាគមន៍លើបញ្ហារកប្រភពទឹក ជូនពលរដ្ឋប្រើប្រាស់ប្រចាំថ្ងៃ appeared first on Millions times.