នេះបើតាមស្ថិតិរបស់នាយកដ្ឋានស្ថិតិទេសចរណ៍តាមបណ្តាខេត្ត បានឲ្យដឹងថា រយៈពេល៣ថ្ងៃនៃព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុកឆ្នាំ២០២៤ មានភ្ញៀវទេសចរជាតិ និងអន្តរជាតិដើរកម្សាន្តនៅទូទាំងប្រទេសប្រមាណជាង ៧លាន៨សែននាក់។

លោកស្រី ដោ សម្ផស្ស អ្នកនាំពាក្យរដ្ឋបាលរាជធានីភ្នំពេញ បានឲ្យដឹងថា រយៈពេល៣ថ្ងៃមានមហាជនប្រមាណជាង៦លាន​នាក់ បានមកចូលរួមដើរលេងកម្សាន្ត ទស្សនា ការប្រណាំងទូក បណ្ដែតប្រទីប និងបាញ់កាំជ្រួចនៅរាជធានីភ្នំពេញ។  

តាមដានជាមួយយើង៖ Million Times

លោកស្រីបញ្ជាក់ថា នៅថ្ងៃទី១នៃព្រះរាជពិធីបុណ្យអុំទូក មានមហាជនចូលរួមជាង ១លាន១សែននាក់ នៅថ្ងៃទី២ មានប្រមាណជាង ២លាន២សែននាក់ និងថ្ងៃទី៣ដែលជាថ្ងៃបញ្ចប់នៃព្រះរាជពិធីបុណ្យអុំទូក មានប្រមាណជាង២លាន៩សែននាក់។

បើតាមរបាយការណ៍ស្ថិតិទេសចរណ៍ ក្រៅពីរាជធានីភ្នំពេញដែលជាទីរៀបចំព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ក្នុងរយៈពេល០៣ថ្ងៃ ខេត្តព្រះសីហនុ ទទួលបានភ្ញៀវទេសចរជាតិ អន្តរជាតិមានចំនួន៣១១.៤៧២នាក់។ ខេត្តកំពត មានភ្ញៀវទេសចរជាតិ និងអន្តរជាតិ បានចូលមកសម្រាកកម្សាន្ត និងស្នាក់នៅប្រមាណជាង ១៣ ម៉ឺននាក់។ ខេត្ត​កែបទទួលបាន​ភ្ញៀវ​ទេសចរ​សរុបចំនួន​ ៩៩.២៧៩នាក់។

ចំណែកឯខេត្តសៀមរាប ដែលជាគោលដៅទិសចម្បងរបស់កម្ពុជាមានភ្ញៀវទេសចរសរុបចំនួនប្រមាណ ៣៤៨​ ២២៩នាក់៕

អត្ថបទ៖ សាងតេជៈ រូបភាព៖ ក្រុមព័ត៌មានសម្តេចធិបតី

The post អុំទូក៣ថ្ងៃ មានភ្ញៀវទេសចរជាតិ និងអន្តរជាតិដើរកម្សាន្តទូទាំងប្រទេសជាង ៧លាននាក់ appeared first on Millions times.

ក្នុងឱកាសព្រះរាជពិធីបុណ្យអុំទូកឆ្នាំនេះ លោក ឈាង រ៉ា រដ្ឋមន្ដ្រីក្រសួងសុខាភិបាល បានណែនាំឱ្យមណ្ឌលសុខភាព និងប៉ុស្តិ៍សុខភាព បន្តពង្រឹងការផ្តល់សេវា២៤ម៉ោង លើ ២៤ម៉ោង ក្នុងអំឡុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក និងបានជំរុញឱ្យអង្គភាពទាំងអស់ ចូលរួមធ្វើឱ្យស្ថាប័នសុខាភិបាល ជាស្ថាប័នជួរមុខ ក្នុងការបង្ការកុំឱ្យមានគ្រោះអាសន្នសុខភាពសាធារណៈ។

តាមដានជាមួយយើង៖ Million Times

ក្នុងពេលធ្វើបាឋកឋាលើការទាក់ទាញភាគីពាក់ព័ន្ធ (Stakeholders) ឱ្យចូលរួមក្នុងការអភិវឌ្ឍន៍នៅក្នុងវិស័យសុខាភិបាល តាមប្រព័ន្ធវីដេអូនាថ្ងៃទី១២ ខែវិច្ឆិកា ឆ្នាំ២០២៤ លោក ឈាង រ៉ា បានលើកឡើងថា ក្រសួងសុខាភិបាលបានត្រៀមក្រុមគ្រូពេទ្យធ្វើដំណើរមកកាន់រាជធានីភ្នំពេញ ជាមួយក្រុមកីឡាករអុំទូកតាមបណ្តាខេត្តផ្សេងៗ ក្នុងព្រះរាជពិធីបុណ្យអុំទូក។

សូមជម្រាបថា ក្រសួងសុខាភិបាលបានរៀបចំនូវទីតាំងជម្រកតង់ការពារសុខភាព និងក្រុមគ្រូពេទ្យប្រចាំការ រថយន្តគិលានសង្រ្គោះបន្ទាន់នៅតាមបណ្តាគោលដៅនីមួយៗ ដែលមានចំនួន ១៥ជម្រកតង់ រថយន្តគ្លីនិកចល័ត ចំនួន ២កន្លែង និងក្រុមគ្រូពេទ្យចល័តក្នុងក្រុមមហាជនផងដែរ ដើម្បីផ្តល់សេវាសង្គ្រោះជូនបងប្អូនប្រជាពលរដ្ឋក្នុងករណីមានបញ្ហាសុខភាពបន្ទាន់។

តាមរបាយការណ៍របស់គណៈកម្មាធិការរៀបចំបុណ្យជាតិ-អន្តរជាតិ ក្នុងព្រះរាជពិធីបុណ្យអុំទូកឆ្នាំនេះ មានទូកងនិងទូកមួងដែលចុះឈ្មោះចូលរួមប្រកួតមានចំនួនសរុប៣៤៨ទូក ខណៈកីឡាករ-កីឡាការិនីចំណុះទូក និងបម្រុងមានចំនួនសរុប២២,០៤២នាក់ មានមកពី១៩រាជធានី-ខេត្ត ព្រមទាំងក្រសួង ស្ថាប័ន អង្គភាព សមាគម វត្តអារាមមួយចំនួនទៀត៕

អត្ថបទ៖ សាងតេជៈ រូបភាព៖ រដ្ឋបាលរាជធានីភ្នំពេញ

The post លោក ឈាង រ៉ា ណែនាំឲ្យមណ្ឌលសុខភាព និងប៉ុស្តិ៍សុខភាពបន្តពង្រឹងការផ្តល់សេវា២៤ម៉ោងលើ ២៤ម៉ោង ក្នុងព្រះរាជពិធីបុណ្យអុំទូក appeared first on Millions times.

តាមដានជាមួយយើង៖ Million Times

ក្រុម​ហ៊ុន​ផ្លូវ​ល្បឿន​លឿន​ភ្នំពេញ-ក្រុងព្រះសីហនុ បាន​ប្រកាស​ពី​ការ​បញ្ចុះតម្លៃ ២០ ភាគរយ សម្រាប់ យានយន្ត​គ្រប់​ប្រភេទ​ដែល​ធ្វើ​ដំណើរ​តាម​ផ្លូវ​ល្បឿន​លឿន​ភ្នំពេញ-ក្រុង​ព្រះសីហនុ រយៈពេល ៣ ថ្ងៃ គិត​ចាប់ពី ថ្ងៃទី១៤-១៥-១៦ ខែ​វិច្ឆិកា ឆ្នាំ ២០២៤ ដើម្បី​ជា​ការ​អបអរសាទរ​នៅ​ក្នុង​ឱកាស​នៃ​ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក។

ទន្ទឹង​នឹង​នេះ​យានយន្ត​ដឹក​ទំនិញ​ធុន​ធ្ងន់​ដែល​មាន​ទម្ងន់​លើស​ពី ១០ តោន ឡើង​ទៅ ការ​បញ្ចុះ​តម្លៃ​ត្រូវ​បាន​រក្សា​ដដែល​ទៅ​តាម​ម៉ោង​កំណត់​ដូច​ខាងក្រោម៖

– ចាប់​ពី​ម៉ោង ៨៖០០ នាទី ដល់​ម៉ោង ២០៖០០ នាទី បញ្ចុះ​តម្លៃ ៤០ ភាគរយ
– ចាប់ពី​ម៉ោង ២០៖ ០០ នាទី ដល់​ម៉ោង ៨៖០០ នាទី បញ្ចុះ​តម្លៃ ៦០ ភាគរយ

អត្ថបទ៖ មេរ៉ា, រូបភាព៖ ផ្លូវល្បឿនលឿនភ្នំពេញ – ក្រុងព្រះសីហនុ

The post ថ្ងៃបុណ្យអុំទូក អ្នកដើរទៅលេងកំពង់សោមជិះផ្លូវល្បឿនលឿន ទទួលបានការបញ្ចុះតម្លៃ ២០% appeared first on Millions times.

លោក ឈិន កេតនា ទីប្រឹក្សារាជរដ្ឋាភិបាល អនុប្រធានអចិន្ត្រៃយ៍ និងជាអគ្គលេខាធិការគណៈកម្មាធិការជាតិរៀបចំបុណ្យជាតិ-អន្តរជាតិ បានណែនាំឲ្យពិនិត្យផ្គូរផ្គងវាយតម្លៃឲ្យបានច្បាស់លាស់ និងយុត្តិធម៌ទៅលើកម្លាំងចំណុះទូក ក៏ដូចជាកម្លាំងត្រៀមចៀសវាងកើតមានជាបាតុភាពមិនល្អណាមួយក្នុងព្រះរាជពិធី ហើយឆ្នាំនេះ តាមតួលេខបឋមមានទូកចូលរួមប្រណាំងសរុបជាង ៣០០ទូក និងប្រទីបចំនួន ៣៣ ដែលប្រទីបមានការកើនឡើងបើធៀបនឹងឆ្នាំទៅមិញមានប្រទីបចំនួន៣០។

តាមដានជាមួយយើង៖ Million Times

លោកក៏បានលើកឡើង នឹងពិភាក្សាទៅលើស្ថានភាពគោលដៅទីតាំង ពេលវេលា និងវាយតម្លៃ សន្និដ្ឋានឲ្យបានត្រឹមត្រូវ ទៅតាមបច្ចេកទេស និងបទពិសោធដែលធ្លាប់បានរៀបចំកាលពីឆ្នាំមុនៗ ដោយផ្តោតសំខាន់ ទៅលើការងារសន្តិសុខ សណ្តាប់ធ្នាប់សាធារណៈ អនាម័យ សុខភាព បរិស្ថាន អគ្គិសនី ការរៀបចំស្តង់ និងកន្លែងស្នាក់នៅរបស់កីឡាករ កីឡាការិនីទូកអុំ ទូកចែវ ផងដែរ។

បន្ថែមពីនេះ ត្រូវយកចិត្តទុកដាក់ទៅលើការរៀបចំក្លោងទ្វារ ទង់ បដា ភ្លើងបំភ្លឺ ដើមី្បធ្វើយ៉ាងណា ត្រូវរំលេចនូវអត្តសញ្ញាណរបស់ជាតិ ក្នុងការទាក់ទាញអារម្មណ៍ ដល់មហាជន ភ្ញៀវទេសចរណ៍ទាំងជាតិនិងអន្តរជាតិ ដែលមកទស្សនាកំសាន្តក្នុងព្រះរាជពិធីបុណ្យឲមកបានយល់ដឹងអំពីប្រវត្តិសាស្ត្រដ៏ល្អផូរផង់របស់ជាតិ។

សូមជម្រាបជូនថា ពិធីបុណ្យ​ប្រណាំងទូក បណ្តែតប្រទីប និងសំពះព្រះខែ អកអំបុក តែង​ត្រូវបាន​រៀបចំ​ឡើងជា​រៀងរាល់ឆ្នាំ​ ដែលមាន​រយៈពេល ៣​ថ្ងៃ​តែម្តង គឺ​ចាប់ពី ថ្ងៃ​១៤ និង​១៥​កើត ដល់​ថ្ងៃ ១​រោច ខែ​ក​ក្តិ​ក ហើយ​ពេលយប់ ក៏​មានការ​បណ្តែតប្រទីប​ផងដែរ​។ ចំណែកឯ​ពិធីបុណ្យ​អកអំបុក សំពះ​ព្រះ​ខែ​វិញ ប្រារព្ធ​ឡើង​នៅ​ថ្ងៃទី​២ តែប៉ុណ្ណោះ ពោលគឺ នៅ​ពាក់​កណ្តាលរាត្រី នៃ​ថ្ងៃ​១៥​កើត ខែ​ក​ក្តិ​ក​៕

អត្ថបទ៖ សាងតេជៈ រូបភាព៖ បណ្តាញសង្គម

The post បុណ្យអុំទូកឆ្នាំនេះ មានទូកចូលរួមប្រណាំងជាង ៣០០ទូក និងប្រទីបចំនួន ៣៣ appeared first on Millions times.