អ្នកឧកញ៉ា ហេង បូរិន សរសើរអភិបាលខេត្តកំពង់ធំ ក្មេងពិត តែសមត្ថភាពខ្លាំង

Vin Chang — Thu, 27 Mar 2025 07:42:54 +0000

អគ្គនាយកក្រុមហ៊ុនបុរី ហេង បូរិន គ្រុប គឺអ្នកឧកញ៉ា ហេង បូរិន បានបង្ហោះសារកោតសរសើរដល់អភិបាលខេត្តកំពង់ធំ នួន ផារ័ត្ន ដែលទទួលបានការគាំទ្រពីប្រជាពលរដ្ឋរស់នៅក្នុងខេត្តកំពង់ធំផ្ទាល់ ក្នុងការដោះស្រាយបញ្ហាជាច្រើន ចាប់តាំងពីចូលកាន់តំណែង។

តាមដានជាមួយយើង៖ Million Times

អ្នកឧកញ៉ា ហេង បូរិន ជាបុគ្គលមិនងាយសរសើរនរណាផ្ដេសផ្ដាសឡើយ។ កាលពីពេលថ្មីៗនេះ អគ្គនាយកក្រុមហ៊ុនបុរី ហេង បូរិន បានចុះទៅកម្មវិធីសំណេះសំណាល និងចែកអំណោយសប្បុរសធម៌ប្រចាំឆ្នាំ ២០២៥ របស់សមាគមឧកញ៉ាកម្ពុជា ក្រោមប្រធានបទ“ទាំងអស់គ្នា ដើម្បីការអប់រំ” វគ្គ២ ទាំង ៥ សាលាផ្សេងគ្នានៅក្នុងខេត្តកំពង់ធំ ហើយក៏បានជួបគ្នាជាមួយអភិបាលខេត្ត។

នាគ្រានោះ ក្រោយចប់ការងារចែកអំណោយនោះ អគ្គនាយកក្រុមហ៊ុនបុរី ហេង បូរិន គ្រុប បានជួបជជែកពិភាក្សាជាមួយ លោក នួន ផារ័ត្ន ផ្ទាល់នៅទីនោះ និងបានថតរូបទុកជាអនុស្សាវរីយថែមទៀតផង។

សមាជិកសកម្មក្នុងសមាគមឧកញ៉ាកម្ពុជារូបនេះ បានសរសេររៀបរាប់លើបណ្ដាញសង្គមថា “សូមសរសើរឯកឧត្ដម នួន ផារ័ត្ន អភិបាលនៃគណៈអភិបាលខេត្តកំពង់ធំ នៅក្មេងមានសមត្ថភាពពូកែ និងភាពវៃឆ្លាត ក្នុងការដឹកនាំខេត្ត ឱ្យមានការអភិវឌ្ឍ។ នៅក្មេងតែមានសមត្ថភាពក្លាយជាអភិបាលខេត្តទៅហើយ” ។

អភិបាលខេត្តកំពង់ធំ ទទួលបានការគោរពស្រលាញ់ពីប្រជាជនក្នុងស្រុក ហើយថ្មីៗនេះលោកបានអនុវត្តយ៉ាងម៉ឺងម៉ាត់នូវបទបញ្ជារបស់សម្ដេចនាយករដ្ឋមន្ត្រី ក្នុងការទប់ស្កាត់ការទន្ទ្រានដីតំបន់ ៣ នៅជុំវិញបឹងទន្លេសាប។ ទីតាំងរាប់ពាន់ហិកតា ដែលធ្លាប់បានទន្ទ្រានពីពេលមុន បានលេចចេញជាព្រៃលិចទឹកបណ្ដើរៗវិញហើយ។

ចំណែករឿងដ៏ល្អមួយទៀត គឺលោក នួន ផារ័ត្ន បានចុះកែកុនហេដ្ឋារចនាសម្ព័ន្ធ និងតុបតែងលម្អ ដើម្បីត្រៀមទទួលទេវតាឆ្នាំថ្មី ដែលមើលទៅស្រស់ស្អាត និងល្បីរន្ទឺពាសពេញផ្ទៃប្រទេស ព្រោះជាផ្នែកមួយនៃមុខមាត់ខេត្ត។

អំឡុងឆ្នាំ ២០១៧ លោក នួន ផារ័ត្ន អាយុ ៣៧ ឆ្នាំ បានក្លាយជាអភិបាលរងរាជធានីភ្នំពេញ ហើយមុនជាអភិបាករងលោកក៏ជាអនុប្រធានគណបក្សប្រជាជនកម្ពុជានៅខេត្តកំពង់ស្ពឺ និងជាប្រធានក្រុមការងារយុវជនខេត្ត។ ចូលមកពាក់កណ្ដាលឆ្នាំ ២០២៤ លោកទទួលបានការតែងតាំងជាអភិបាលខេត្តកំពង់ធំ នៅវ័យ ៤៤-៤៥ ឆ្នាំ៕

អត្ថបទ៖ មេរ៉ា, រូបភាព៖ Heng Borin

The post អ្នកឧកញ៉ា ហេង បូរិន សរសើរអភិបាលខេត្តកំពង់ធំ ក្មេងពិត តែសមត្ថភាពខ្លាំង appeared first on Millions times.

យកខ្សែប្រយុទ្ធពីក្រុងភ្នំពេញទៅ ២នាក់ សុទ្ធតែខ្លឹមកាន់តំណែងអភិបាលខេត្តអាណត្តិថ្មី

Vin Chang — Tue, 25 Jun 2024 10:12:43 +0000

ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៅថ្ងៃទី២៤ ខែមិថុនា ឆ្នាំ២០២៤ ចេញព្រះរាជក្រឹត្យដាច់ដោយឡែកពីគ្នា ត្រាស់បង្គាប់តែងតាំងអភិបាលខេត្តចំនួន២ គឺខេត្តកំពង់ធំ និងឧត្តរមានជ័យ ដែលសុទ្ធតែចេញពីអភិបាលរងរាជធានីភ្នំពេញ។

អភិបាលរងក្រុងភ្នំពេញទាំង២រូប សុទ្ធតែត្រូវបានគេមើលឃើញថាជាធនធានដ៏ខ្លឹមក្នុងការបំពេញតួនាទី។ លើសពីនេះអ្នកទាំងពីរក៏ជាយុវជនដែលមានបទពិសោធន៍ច្រើនឆ្នាំផងកិច្ចការងាររដ្ឋបាលថ្នាក់ក្រោមជាតិ។

ទី១ លោក នួន ផារ័ត្ន តែងតាំងជាអភិបាលខេត្តកំពង់ធំ ជំនួសលោក ងួន រតនៈ ដែលត្រូវតែងតាំងមកជារដ្ឋលេខាធិការក្រសួងមហាផ្ទៃ។ មុនទទួលការតែងតាំងលោក នួន ផារ័ត្ន ជាអភិបាលរងរាជធានីភ្នំពេញ។

តាមដានជាមួយយើង៖ Million Times

ទី២ លោក មាន ចាន់យ៉ាដា បច្ចុប្បន្នជាអភិបាលរងរាជធានីភ្នំពេញ ត្រូវបានតែងតាំងជាអភិបាលខេត្តឧត្តរមានជ័យ ជំនួសលោក ប៉ែន កុសល្យ បន្តមកកាន់តំណែងអភិបាលខេត្តត្បូងឃ្មុំ ជំនួសលោក ជាម ច័ន្ទសោភ័ណ្ឌ ផ្លាស់ប្តូរមកកាន់អភិបាលខេត្តកំពង់ស្ពឺ ជំនួសលោក វ៉ី សំណាង មកកាន់តួនាទីអភិបាលខេត្តតាកែវ ជំនួសលោក អ៊ុច ភា ត្រូវបានតែងតាំងជារដ្ឋលេខាធិការក្រសួងមហាផ្ទៃ។

យោងតាមច្បាប់ស្ដីពីការគ្រប់គ្រងរដ្ឋបាលរាជធានី ខេត្ត ក្រុង ស្រុក ខណ្ឌ តំណែងអភិបាលរាជធានីខេត្តត្រូវជ្រើសរើសចេញពីនៅក្នុងចំណោមមន្ត្រីដែលស្ថិតក្នុងក្របខ័ណ្ឌមន្ត្រីរដ្ឋបាលជាន់ខ្ពស់ក្រសួងមហាផ្ទៃ។

តាមមាត្រា១៤៧ ក៏បានកំណត់អណត្តិអភិបាលរាជធានីខេត្ត មិនឲ្យលើសពីបួន (០៤) ឆ្នាំ និងអាចទទួលបានការតែងតាំងបានបួន (០៤) ឆ្នាំទៀត សម្រាប់អាណត្តិទី២ នៅក្នុងដែនសមត្ថកិច្ចដដែល៕

អត្ថបទ៖ សាង តេជៈ រូបភាព៖ សង្គម

The post យកខ្សែប្រយុទ្ធពីក្រុងភ្នំពេញទៅ ២នាក់ សុទ្ធតែខ្លឹមកាន់តំណែងអភិបាលខេត្តអាណត្តិថ្មី appeared first on Millions times.

នួន ផារ័ត្ន Archives - Millions times

អ្នកឧកញ៉ា ហេង បូរិន សរសើរអភិបាល​ខេត្តកំពង់ធំ ក្មេងពិត តែសមត្ថភាពខ្លាំង

យកខ្សែប្រយុទ្ធពីក្រុងភ្នំពេញទៅ ២នាក់ សុទ្ធតែខ្លឹមកាន់តំណែងអភិបាលខេត្តអាណត្តិថ្មី

អ្នកឧកញ៉ា ហេង បូរិន សរសើរអភិបាលខេត្តកំពង់ធំ ក្មេងពិត តែសមត្ថភាពខ្លាំង