ពិតជា​ដំណឹង​ដ៏​ល្អ សម្រាប់​សិស្ស​ប្រឡង​សញ្ញាបត្រ​មធ្យមសិក្សា​ទុតិយភូមិ ទទួល​បាន​និទ្ទេស A អាច​ធ្វើ​ដំណើរ ១ ឆ្នាំ​ពេញ ដោយ​ឥត​គិត​ថ្លៃ​ពី​សេដ្ឋី​ផ្នែក​ដឹក​ជញ្ជូន សួរ វីរៈ គឺ​ក្រុមហ៊ុន វិរៈប៊ុនថាំ។

តាមដានជាមួយយើង៖ Million Times

អ្នក​ឧកញ៉ា ម្ចាស់​ក្រុមហ៊ុន​ដឹក​ជញ្ជូន​វិរៈប៊ុនថាំ បាន​ឲ្យ​ដឹង​ថា សិស្ស​និទ្ទេស A ទាំង​អស់​សរុប ២២១៦ នាក់ នឹង​អាច​ធ្វើ​ដំណើរ​ទាំង ២៥ ខេត្ត/ក្រុង រយៈពេល​ពេញ​១​ឆ្នាំ ហើយ​ថែម​ទាំង​អាច​ធ្វើ​ដំណើរ​ទៅ​ប្រទេស​ថៃ ,វៀតណាម និង​ប្រទេស​ឡាវទៀត​ផង។

ម្ចាស់​ក្រុមហ៊ុន​វិរៈប៊ុនថាំ​អេចប្រេស ខូអិលធីឌី បាន​ឲ្យ​ដឹង​ថា​ការ​ដែល ក្រុមហ៊ុន​លោក​ធ្វើ​បែបនេះ ព្រោះ​ជា​ផ្នែក​មួយ​ក្នុង​ការ​ជួយ​កាត់បន្ថយ​ការ​ចំណាយ លើ​ការ​ធ្វើ​ដំណើរ​មក​រៀន​ពី​ខេត្ត ទៅ​ភ្នំពេញ​ក៏​ដូចជា ដំណើរ​កម្សាន្ត​ក្នុង​ថ្ងៃ​ឈប់​សម្រាក​របស់​ពួកគេ​ផង​ដែរ។

សម្រាប់​សិស្ស​ដែល​ទើប​ដឹង​លទ្ធផល ហើយ​ចង់​ទទួល​បាន​ការ​ជួយ​ឧបត្ថម្ភ​នេះ ត្រូវ​មាន​លក្ខខណ្ឌ​ដូច​ខាងក្រោម៖

– សូម​ប្អូន​សិស្សានុសិស្ស​និទ្ទេសA ចូល​តាមLink ដើម្បី​បំពេញ​ព័ត៌មាន

– សូមភ្ជាប់មកនូវជាមួយសាលាកបត្រ និង​លំដាប់ពិន្ទុ​មក​ជាមួយ

ការ​ចូល​រួម​ចំណែក​របស់​អ្នក​ឧកញ៉ា ធ្វើ​ឲ្យ​មហាជន​ស្ងើចសរសើរ​ចំពោះ​ទឹកចិត្តដ៏​ធំធេង ហើយ​ជា​ការ​បង្ហាញ​ឲ្យ​ឃើញ​ពី​ការ​ស្រលាញ់​កូន​ខ្មែរ​គ្រប់​ៗ​រូប និង​ជា​ការ​លើក​ទឹកចិត្ត​ខ្ពស់ និង​ការ​ឲ្យ​តម្លៃ​ខ្ពស់​ដល់​ការ​ខិតខំ​ប្រឹងប្រែង​រៀន​សូត្រ​របស់​ក្មេង​ៗ​ជំនាន់​ក្រោយ៕

The post ម្ចាស់ឡានក្រុងវិរៈប៊ុនថាំ ឲ្យសិស្សនិទ្ទេស A ទាំងអស់ធ្វើដំណើរគ្រប់ខេត្តក្រុង free ១ ឆ្នាំពេញ ហើយធ្លាយដល់ថៃ ឡាវ វៀតណាម ទៀត appeared first on Millions times.