តាមដានជាមួយយើង៖ Million Times

ក្រោយព្យួរតំណែងលោកស្រី Paetongtarn Shinawatra ដោយសាររឿងអាស្រូវបែកធ្លាយកិច្ចសន្ទនាទូរសព្ទ ជាមួយសម្តេចតេជោ ហ៊ុន សែន រដ្ឋមន្រ្តីដឹកជញ្ជូនថៃ លោក Suriya Jungrungreangkit ឡើងកាន់តួនាទីជានាយករដ្ឋមន្រ្តីស្តីទីរបស់ប្រទេសថៃ។

លោក Phumtham Wechayachai ជារដ្ឋមន្រ្តីក្រសួងមហាផ្ទៃ ហើយក៏ជាអ្នកនយោបាយជើងចាស់មួយរូបរបស់គណបក្សភឿថៃ ដែលជាមនុស្សស្និទជាមួយអតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត់ ហើយក៏ជាកម្លាំងជំរុញនៅក្នុងរដ្ឋាភិបាលបច្ចុប្បន្ន។

ការទទួលតួនាទីជានាយករដ្ឋមន្ត្រីចាំផ្ទះរបស់លោក Phumtham ធ្វើឡើងបន្ទាប់ពីតុលាការធម្មនុញ្ញថៃ សម្រេចព្យួរតំណែងលោកស្រី Paetongtarn Shinawatra ពីនាយករដ្ឋមន្រ្តីក្នុងសប្តាហ៍នេះ។

ការតែងតាំងមន្រ្តីស្និទរបស់លោក ថាក់ស៊ីន ស្របពេលដែលគណៈរដ្ឋមន្ត្រីថ្មីសរុបចំនួន ១៤រូប ស្បថចូលកាន់តំណែងនៅថ្ងៃព្រហស្បតិ៍នេះ រួមទាំងលោកស្រី Paetongtarn Shinawatra ដែលនឹងចូលកាន់តួនាទីគណៈរដ្ឋមន្ត្រីថ្មីជារដ្ឋមន្ត្រីក្រសួងវប្បធម៌។

The post ផ្លាស់ប្តួរទៀតហើយ! ថៃតែងតាំងមនុស្សស្និទជាមួយ ថាក់ស៊ីន ជានាយករដ្ឋមន្ត្រីស្តីទី appeared first on Millions times.

តាមដានជាមួយយើង៖ Million Times

កាសែត The Nation ដកស្រង់សម្តីអ្នកនាំពាក្យការិយាល័យនាយករដ្ឋមន្ត្រីថៃ លោក Jirayu Huangsab បានឲ្យដឹងថា លោកស្រី Paetongtarn បានប្រាប់លោក Macron ពីស្ថានភាពព្រំដែនកម្ពុជា-ថៃ ដោយរំលឹកឡើងវិញថា ប្រទេសថៃប្រកាន់ខ្ជាប់នូវគោលការណ៍នៃដំណោះស្រាយដោយសន្តិវិធី មានចេតនាស្មោះត្រង់ឈរលើទំនាក់ទំនងមិត្តភាពដ៏រឹងមាំរវាងប្រទេសជិតខាង ឯកភាពអាស៊ាន និងច្បាប់អន្តរជាតិ។ 

លោកស្រីជឿជាក់ថា ការចរចាទ្វេភាគីគឺជាមធ្យោបាយដ៏មានប្រសិទ្ធភាពបំផុតក្នុងការស្វែងរកដំណោះស្រាយប្រកបដោយស្ថាបនា និងផ្តល់ផលប្រយោជន៍ទៅវិញទៅមក។

លោកស្រីនាយករដ្ឋមន្ត្រីបានគូសបញ្ជាក់បន្ថែមថា ប្រទេសថៃនៅតែបន្តគាំទ្រការងាររបស់គណៈកម្មការព្រំដែនចម្រុះថៃ-កម្ពុជា (JBC) ដែលទើបនឹងបើកកិច្ចប្រជុំនៅភ្នំពេញ ហើយសង្ឃឹមថា ប្រទេសបារាំង ក្នុងនាមជាដៃគូអន្តរជាតិដ៏ជិតស្និទ្ធនឹងដើរតួក្នុងការគាំទ្របរិយាកាសអំណោយផលដល់ការបន្តកិច្ចចរចាទ្វេភាគីរវាងថៃ និងកម្ពុជា។ 

ជាការឆ្លើយតប ប្រធានាធិបតី​បារាំងលោក Macron ​បាន​ទទួល​ស្គាល់​បំណង​របស់​ប្រទេស​ថៃ ហើយ​នឹង​ពិចារណា​លើ​ការ​សម្របសម្រួល​កិច្ចសហប្រតិបត្តិការ​ជាមួយ​កម្ពុជា។

សូមជម្រាបថា គិតមកត្រឹមថ្ងៃទី២៨មិថុនានេះ គឺមានរយៈពេល ១ខែហើយដែលកើតឡើងនៃជម្លោះព្រំដែនកម្ពុជា-ថៃ ដោយទាហានថៃចូលទឹកដីខ្មែរ ហើយធ្វើបាញ់ទាហានខ្មែរបណ្តាឲ្យពលីជីវិតម្នាក់នាពេលព្រឹកព្រលឹមស្រាងៗថ្ងៃទី២៨ ឧសភានៅតំបន់មុំបី ស្រុកស្រអែម ខេត្តព្រះវិហារ។ ភ្លាមៗ កម្ពុជា-ថៃ បានចល័តទ័ពរៀងៗខ្លួន ទៅតំបន់ជម្លោះ និងតាមបន្ទាត់ព្រំដែន ខណៈកម្ពុជាបានដាក់ពាក្យបណ្តឹងប្តឹងទៅកាន់តុលាការយុត្តិធម៌អន្តរជាតិ ICJ រួចមកហើយ ប៉ុន្តែភាគីថៃមិនមានការឆ្លើយតបនៅឡើយក្នុងការឡើងទៅតតាំងក្តីនៅ IJC ដោយថៃធ្លាប់ចាញ់ក្តីកម្ពុជាម្តងរួចមកហើយរឿងប្រាសាទព្រះវិហារ៕

The post មិនឡើងតុលាការ ICJ៖ នាយករដ្ឋមន្រ្តីថៃ អួតប្រាប់ប្រធានាធិបតីបារាំងថា ចង់ដោះស្រាយជម្លោះព្រំដែនជាមួយកម្ពុជាដោយការចរចាទ្វេភាគី appeared first on Millions times.

តាមដានជាមួយយើង៖ Million Times

ក្នុង​ការ​ធ្វើ​ដំណើរ​ទស្សនកិច្ច​មក​កម្ពុជា លោកស្រី ផែថងថាន ស៊ីណាវ៉ាត់ (Paetongtarn Shinawatra) នាយករដ្ឋមន្ត្រី​ថៃ បាន​ជ្រើសរើស​សម្លៀកបំពាក់​​ច្នៃ​ចេញ​ពី​កំណាត់​ប្រពៃណី​ថៃ​ធម្មតា អម​ដោយ​គ្រឿង​អលង្ការ​លម្អ​ខ្លួន សមសួន​ជា​ឋានៈ​​ប្រមុខ​រាជរដ្ឋាភិបាល​ថៃ។

គ្រឿង​អលង្ការ​តូច​ៗ​ដូចជា​ក្រវិល ចិញ្ចៀន ខ្សែក កន្លាស់​អាវ ២ ពណ៌​មាស និង​ប្រាក់ ដែល​មើល​មិន​ដឹង​ថា​ជា​ប្រេន​អ្វី​ឡើយ។ លោកស្រី ផែថងថាន ស៊ីណាវ៉ាត់ បាន​បន្ថែម​ដោយ​នាឡិកា​ប្រណីត​ដែល​ប្រេន​ល្បី​លំដាប់​ពិភពលោក។

នាឡិកា Patek Philippe Nautilus Rose Gold Silver Opaline Dial 7118/1R ដែល​ជា​ប្រេន Patek Philippe របស់​ប្រទេស​ស្វីស។ ចំណែក​តម្លៃ​នាឡិកា​នោះ​មាន​ចន្លោះ​ពី ៦២ ០០០ ទៅ​ដល់ ៩៨ ០០០ ដុល្លារ​ឯណោះ។

គួរបញ្ជាក់ផងដែរថា លោកស្រី ផែថងថាន ស៊ីណាវ៉ាត់ មាននាឡិកា ៧៥​ គ្រឿងដែលមានតម្លៃ ១៦២ ​លានបាត និង​កាបូប ២១៧​​មានតម្លៃ ៧៦​ លានបាត៕

អត្ថបទ៖ មេរ៉ា, រូបភាព៖ STPM

The post នាឡិកាដៃលោកស្រី ផែថងថាន ស៊ីណាវ៉ាត់ នាយករដ្ឋមន្ត្រី​ថៃ តម្លៃជិត ១០ ម៉ឺនដុល្លារ appeared first on Millions times.

បន្ទាប់ពីចប់កិច្ចប្រជុំចង្កៀត និងជំនួបពិភាក្សាទ្វេភាគីនាយករដ្ឋមន្រ្តីលោកស្រី Paetongtarn Shinawatra និងសម្តេច ហ៊ុន ម៉ាណែត នាយករដ្ឋមន្រ្តី បានចូលរួមធ្វើជាសាក្សីនៅក្នុងពិធីចុះហត្ថលេខាលើឯកសារស្តីពីកិច្ចសហប្រតិបត្តិការទ្វេភាគី សក្ខីភាពពិធីចុះហត្ថលេខាចំនួន ៧ ឯកសារ ក្នុងនោះរួមមាន៖

តាមដានជាមួយយើង៖ Million Times

១៖ កិច្ចព្រមព្រៀង ស្តីពីការប្រើប្រាស់កម្លាំងពលកម្ម រវាងរាជរដ្ឋាភិបាលកម្ពុជា និងថៃ។

២៖ អនុស្សរណៈនៃការយោគយល់គ្នា រវាងរាជរដ្ឋាភិបាលកម្ពុជា និងថៃ ស្តីពីកិច្ចសហប្រតិបត្តិការលើវិស័យការងារ។

៣៖ អនុស្សរណៈនៃការយោគយល់គ្នា រវាងក្រសួងបរិស្ថានកម្ពុជា និងក្រសួងធនធានធម្មជាតិ និងបរិស្ថានថៃ ស្តីពីកិច្ចសហប្រតិបត្តិការកិច្ចគាំពារបរិស្ថានឆ្លងដែន។

៤៖ កិច្ចព្រមព្រៀង រវាងរាជរដ្ឋាភិបាលកម្ពុជា និងថៃ ស្តីពីការគ្រប់គ្រង ថែទាំ និងប្រើប្រាស់ស្ពានមិត្តភាពកម្ពុជា-ថៃ (ស្ទឹងបត់-បានណងអៀន)។

៥៖ កិច្ចព្រមព្រៀងរវាងរាជរដ្ឋាភិបាលកម្ពុជា និងថៃ ស្តីពីការសាងសង់ស្ពានព្រំដែនផ្សារព្រំ-បានផាកាត។

៦៖ កំណត់ហេតុស្តីពីការផ្តល់ជំនួយបច្ចេកទេស លើការសិក្សាស្តីពីសមិទ្ធិលទ្ធភាព លើគម្រោងលើកកម្រិតគុណភាពផ្លូវជាតិលេខ៥៧ (បាត់ដំបង-ច្រកទ្វារអន្តរជាតិព្រំ) រវាងក្រសួងសាធារណការ និងដឹកជញ្ជូនកម្ពុជា និងទីភ្នាក់ងារសហប្រតិបត្តិការដើម្បីអភិវឌ្ឍសេដ្ឋកិច្ចនៃប្រទេសជិតខាងថៃ។

៧៖ ការចុះលិខិតប្តូរសារ ស្តីពីគម្រោងពង្រឹងសមត្ថភាពវិទ្យាស្ថានអភិវឌ្ឍន៍មុខជំនាញកម្ពុជា-ថៃ។

សូមជម្រាបថា ដំណើរទស្សនកិច្ចរបស់នាយករដ្ឋមន្ត្រីថៃនៅកម្ពុជា ដែលស្របពេលប្រទេសទាំង២ ប្រារព្ធខួប ទី ៧៥ នៃទំនាក់ទំនងការទូត ដែលក្រសួងការបរទេសកម្ពុជា ចាត់ទុកថា នឹងពង្រឹងបន្ថែមទៀត នូវចំណងមិត្តភាពជាប្រពៃណីរវាងប្រជាជនទាំងពីរ។

នេះគឺជាការបំពេញទស្សនកិច្ចជាផ្លូវការនៅកម្ពុជាលើកដំបូង ចាប់តាំងពី លោកស្រី Paetongtarn Shinawatra ឡើងកាន់តំណែងជានាយករដ្ឋមន្រ្តី។ ​លោកស្រីធ្លាប់ធ្វើទស្សនកិច្ច​នៅកម្ពុជានៅ​ខែមីនា ឆ្នាំ២០២៤ ដោយកាលនោះលោកស្រី ជា​ប្រធាន​បក្សភឿថៃ៕ 

អត្ថបទ៖ សាងតេជៈ រូបភាព៖ ក្រុមព័ត៌មានសម្តេចធិបតី

The post នាយករដ្ឋមន្រ្តីថៃ ស្ពាយឯកសារចំនួន ៧ មកចុះហត្ថលេខាក្នុងដំណើរទស្សនកិច្ចនៅកម្ពុជា appeared first on Millions times.

សេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ បានឱ្យដឹងថា តបតាមការអញ្ជើញរបស់សម្តេច ហ៊ុន ម៉ាណែត នាយករដ្ឋមន្ត្រីកម្ពុជា លោកស្រី ផែថងថា ស៊ីណាវ៉ាត្រ នាយករដ្ឋមន្ត្រីថៃ និងស្វាមី កើតមានឡើងស្របពេលដែល ព្រះរាជាណាចក្រទាំងពីរប្រារព្ធខួប ទី៧៥នៃទំនាក់ទំនងការទូត ដែលនឹងពង្រឹងបន្ថែមទៀតនូវចំណងមិត្តភាពជាប្រពៃណីរវាងប្រជាជនទាំងពីរ។

តាមដានជាមួយយើង៖ Million Times

ពិធីបដិសណ្ឋារកិច្ចផ្លូវការ បានប្រារព្ធនៅវិមានសន្តិភាពបន្ទាប់មក នាយករដ្ឋមន្ត្រីថៃ និងនាយករដ្ឋមន្ត្រីកម្ពុជា នឹងមានជំនួបទ្វេភាគី ពិភាក្សាពីការកំណត់ទិសដៅសកម្មភាពក្នុងការធ្វើឱ្យកាន់តែស៊ីជម្រៅ និងពង្រីកបន្ថែមទៀតនូវកិច្ចសហប្រតិបត្តិការដែលមានផលប្រយោជន៍ទៅវិញទៅមក។ ថ្នាក់ដឹកនាំទាំងពីរ ក៏នឹងធ្វើជាសាក្សី នៅក្នុងពិធីចុះហត្ថលេខាលើឯកសារស្តីពីកិច្ចសហប្រតិបត្តិការទ្វេភាគី លើវិស័យផ្សេងៗ និងពិធីសម្ពោធនិមិត្តសញ្ញាខួបអនុស្សាវរីយ៍លើកទី៧៥ នៃការភ្ជាប់ទំនាក់ទំនងការទូតកម្ពុជា-ថៃផងដែរ។

នៅរសៀលថ្ងៃនេះ គណៈប្រតិភូរបស់នាយករដ្ឋមន្រ្តីនឹងអញ្ជើញដាក់កម្រងផ្កា នៅវិមានឯករាជ្យ, ថ្វាយកម្រងផ្កាព្រះបរមរតនកោដ្ឋ ជំនួបសម្តែងការ គួរសមជាមួយសម្តេច ឃួន សុដារី ប្រធានរដ្ឋសភា នៅវិមានរដ្ឋសភា, ជំនួបសម្តែង ការគួរសមជាមួយសម្តេច ហ៊ុន សែន ប្រធានព្រឹទ្ធសភានៅវិមានសន្តិភាព។ នៅព្រឹកថ្ងៃទី២៤ ខែមេសា លោកស្រី ផែថងថាន ស៊ីណាវ៉ាត្រ និងស្វាមី នឹងមានព្រះរាជសវនាការជាមួយ ព្រះមហាក្សត្រនៃកម្ពុជា នៅព្រះបរមរាជវាំង៕

អត្ថបទ៖ សាងតេជៈ រូបភាព៖ ក្រុមព័ត៌មានសម្តេចធិបតី

The post នាយករដ្ឋមន្រ្តីវ័យក្មេងរបស់ថៃ ចាប់ផ្តើមបំពេញទស្សនកិច្ចផ្លូវការនៅកម្ពុជា ថ្ងៃនេះ appeared first on Millions times.

 ទីភ្នាក់ងារសារព័ត៌មាន Reuters ចុះផ្សាយថា លោកស្រី Paetongtarn បានទទួលជ័យជម្នះដោយឆ្លងផុតការបោះឆ្នោតដកសេចក្ដីទុកចិត្ត ដែលស្នើឡើងដោយគណបក្សប្រឆាំង ជាមួយសំឡេងគាំទ្រពីសមាជិករដ្ឋសភា ៣១៩ ក្នុងចំណោម ៤៨៨រូប ដែលមានវត្តមានក្នុងពេលបោះឆ្នោត។ 

តាមដានជាមួយយើង៖ Million Times

គួរឲ្យដឹងថា គណបក្សប្រឆាំងថៃបានអំពាវនាវឱ្យមានការបោះឆ្នោតដកសេចក្ដទុកចិត្តដោយចោទប្រកាន់លោកស្រី Paetongtarn ថា ខ្វះចំណេះដឹងខាងសេដ្ឋកិច្ច គេចវេសបង់ពន្ធ គ្មានសមត្ថភាព ហើយធ្វើតាមការបង្គាប់បញ្ជាពីឪពុក គឺអងីតនាយករដ្ឋមន្រ្តី លោក Thaksin Shinawatra។ ជាការបកស្រាយលោកស្រី Paetongtarn និយាយថា លោកស្រីកំពុងប្រឹងប្រែងក្នុងការដឹកនាំប្រទេស ហើយថាគួរតែត្រូវបានវិនិច្ឆ័យដោយការធ្វើការរបស់លោកស្រី មិនមែនដោយសារតែទំនាក់ទំនងគ្រួសាររបស់លោកស្រីនោះទេ។

សូមជម្រាបជូនថា ការបោះឆ្នោតនៅថ្ងៃពុធនេះ បានបង្ហាញថាក្រុមចម្រុះរបស់លោកស្រី Paetongtarn នៅតែមានភាពរឹងមាំ និងមានស្ថិរភាព ដែលនេះអាចនិយាយបានថាក្នុងរយៈពេលខ្លីវាមានលទ្ធភាព ទាបដែលក្រុមចម្រុះអាចនឹងរង្គោះរង្គើរ ឬកើតមានវិបត្តិនយោបាយណាមួយ៕

អត្ថបទ៖ សារ៉ាយ រូបភាព៖ Reuters 

The post នាយករដ្ឋមន្ត្រីថៃ Paetongtarn ឆ្លងផុតការបោះឆ្នោតដកសេចក្ដីទុកចិត្តនៅក្នុងរដ្ឋសភា appeared first on Millions times.

តាមដានជាមួយយើង៖ Million Times

អ្នកនាំពាក្យរដ្ឋាភិបាលថៃ លោក Jirayu Houngsub បាននិយាយថា លោកស្រី Paetongtarn បានជួបជាមួយនាយកប្រតិបត្តិនៃក្រុមហ៊ុនឈានមុខគេរបស់ពិភពលោកនៅឯ WEF លើកទី៥៥ នៅប្រទេសស្វីស។ ក្នុងចំណោមនាយកប្រតិបត្តិដែលនាយករដ្ឋមន្ត្រីបានជួបគឺរាប់ចាប់ពីលោក Stefan Oelrich ប្រធានក្រុមប្រឹក្សាភិបាលក្រុមហ៊ុន Bayer AG ។

លោកស្រីបានគូសបញ្ជាក់ពីការប្តេជ្ញាចិត្តរបស់ថៃក្នុងការធ្វើទំនើបកម្មកសិកម្ម និងការថែទាំសុខភាពសាធារណៈ ដោយបង្ហាញពីឱកាសសម្រាប់កិច្ចសហប្រតិបត្តិការជាមួយក្រុមហ៊ុនអាល្លឺម៉ង់ក្នុងការស្រាវជ្រាវផ្នែកវេជ្ជសាស្រ្ត ការច្នៃប្រឌិតផ្នែកថែទាំសុខភាព និងវឌ្ឍនភាពកសិកម្ម។

ទន្ទឹមនឹងនេះ លោក Oelrich បានបង្ហាញពីឆន្ទៈរបស់ក្រុមហ៊ុនក្នុងការធ្វើជាដៃគូជាមួយរដ្ឋាភិបាលក្នុងការលើកកម្ពស់គុណភាពនៃសេវាថែទាំសុខភាព និងបង្កើនទិន្នផលកសិកម្មតាមរយៈការប្រើប្រាស់ការច្នៃប្រឌិតកសិកម្ម។

ការពិភាក្សាសំខាន់មួយទៀតបានធ្វើឡើងជាមួយលោក Sultan Ahmed Bin Sulayem នាយកប្រតិបត្តិក្រុមហ៊ុនដឹកជញ្ជូនយក្ស DP World ។ នាជំនួបនោះលោកស្រី Paetongtarn បានរំលឹកឡើងវិញនូវជំហរយុទ្ធសាស្ត្ររបស់ប្រទេសថៃជាមជ្ឈមណ្ឌលដឹកជញ្ជូនក្នុងតំបន់ ជាមួយនឹងគម្រោងហេដ្ឋារចនាសម្ព័ន្ធខ្នាតធំដូចជា Land Bridge និងប្រព័ន្ធផ្លូវរថភ្លើងល្បឿនលឿន។

អ្នកនាំពាក្យរដ្ឋាភិបាលថៃលោក Jirayu បាននិយាយថា DP World បានបង្ហាញចំណាប់អារម្មណ៍យ៉ាងខ្លាំងក្នុងការអភិវឌ្ឍសមត្ថភាពដឹកជញ្ជូននៅប្រទេសថៃ រួមទាំងការពង្រីកកុងតឺន័រក្នុងស្រុក (ICD) និងសិក្សាពីការវិនិយោគសក្តានុពលនៅក្នុងគម្រោង Land Bridge ដើម្បីភ្ជាប់អាស៊ានជាមួយបណ្តាញពាណិជ្ជកម្មពិភពលោក។

លោកស្រីនាយករដ្ឋមន្ត្រីក៏បានជួបលោក Remy Ejel នាយកប្រតិបត្តិក្រុមហ៊ុន Nestle Asia ប្រចាំតំបន់អូសេអានី និងអាហ្វ្រិកផងដែរ។ លោកស្រីបានជំរុញឱ្យ Nestle គាំទ្រកសិករថៃក្នុងការផ្លាស់ប្តូរទៅរកការអនុវត្តកសិកម្មទំនើប និងនិរន្តរភាព។ ក្នុងជំនួបនោះ ក្រុមហ៊ុន​ផលិត​អាហារ​បាន​បញ្ជាក់​សារ​ជា​ថ្មី​នូវ​ការ​ប្ដេជ្ញា​ចិត្ត​ជា​យូរ​មក​ហើយ​របស់​ខ្លួន​ចំពោះ​ប្រទេស​ថៃ ដោយ​បាន​ប្រកាស​ពី​ផែនការ​ពង្រីក​ការ​វិនិយោគ​ជា​ពិសេស​ក្នុង​ការ​ផលិត​កាហ្វេ និង​ផ្តល់​តម្លៃ​សមរម្យ និង​ការ​បណ្តុះបណ្តាល​ដល់​កសិករ​ថៃ។

លើសពីនេះ លោកស្រី Paetongtarn បានជួបពិភាក្សាជាមួយលោក James Quincey នាយកប្រតិបត្តិក្រុមហ៊ុន Coca-Cola ។ នាឱកាសលោក​សន្យា​បន្ត​សហការ​ជា​ពិសេស​ក្នុង​ការ​លើក​កម្ពស់​ជីវភាព​កសិករ។ នាយករដ្ឋមន្ត្រីក៏បានពិភាក្សាជាមួយ លោក Michel Demare ដែលជាប្រធានក្រុមប្រឹក្សាភិបាលនៃក្រុមហ៊ុន AstraZeneca អំពីសក្ដានុពលរបស់ប្រទេសថៃជាមជ្ឈមណ្ឌលវេជ្ជសាស្ត្រក្នុងតំបន់៕

អត្ថបទ៖ សារ៉ាយ រូបភាព៖ The Nation

The post នាយករដ្ឋមន្រ្តីថៃជួប CEO ក្រុមហ៊ុនលំដាប់ពិភពលោកជាច្រើនដោយអួតពីសក្តានុពលកសិកម្ម និងដឹកជញ្ជូន appeared first on Millions times.

ក្នុងឃ្លីបប្រមាណ ១.៣២នាទី លោកស្រី Paetongtarn បាននិយាយថា លោកស្រីចង់ទំនាក់ទំនងជាមួយជនជាតិចិន ប៉ុន្តែមិនអាចនិយាយភាសាចិនបានទេ។ ដូច្នេះ ​លោកស្រីបាន​ប្រើ​បច្ចេកវិទ្យា AI ដើម្បី​បង្ហាញ​ថា​ ​លោកស្រីកំពុង​និយាយ​ភាសា​ចិន។

តាមដានជាមួយយើង៖ Million Times

នាយករដ្ឋមន្ត្រីថៃនិយាយថា របាយការណ៍ព័ត៌មានអំពីជនជាតិចិនដែលត្រូវបានបោកបញ្ឆោតនៅក្នុងប្រទេសថៃបានធ្វើឱ្យភ្ញៀវទេសចរចិនព្រួយបារម្ភអំពីសុវត្ថិភាពរបស់ពួកគេ និងហានិភ័យពីការជួញដូរមនុស្សដោយឧក្រិដ្ឋជន។ ទន្ទឹមគ្នានេះ លោក​ស្រី​បាន​បញ្ជា​ឲ្យ​ចាត់​វិធានការ​យ៉ាង​ម៉ឺងម៉ាត់​ដើម្បី​ពង្រឹង​សន្តិសុខ​ជូន​ភ្ញៀវ​ទេសចរ និង​បង្ក្រាប​បទល្មើស​ឆ្លង​ដែន​យ៉ាង​ដាច់​ខាតផងដែរ។

លោកស្រី Paetongtarn បានសន្យាថា ច្បាប់នឹងត្រូវបានអនុវត្តយ៉ាងពេញលេញ ដើម្បីទទួលទោសការឆ្លងព្រំដែនខុសច្បាប់។ លោក​ស្រី​និយាយ​ថា រដ្ឋាភិបាល​ថៃ​បាន​ផ្តល់​អាទិភាព​ដល់​សុវត្ថិភាព​របស់​ភ្ញៀវ​ទេសចរ ហើយ​កំពុង​ធ្វើ​ការ​ដើម្បី​បង្កើន​ទំនុក​ចិត្ត​ដល់​ភ្ញៀវ​ទេសចរ។

លោកស្រី Paetongtarn និយាយទៀតថា ប្រទេសថៃបានត្រៀមខ្លួនរួចជាស្រេចដើម្បីស្វាគមន៍ភ្ញៀវទេសចរចិនទាំងអស់ ហើយលោកស្រីចង់អញ្ជើញប្រជាជនចិនចូលរួមអបអរសាទរបុណ្យចូលឆ្នាំថ្មី និងខួបលើកទី៥០ នៃទំនាក់ទំនងការទូតចិន-ថៃនៅឆ្នាំនេះ៕

អត្ថបទ៖ សារ៉ាយ រូបភាព៖ ថតពីវីដេអូ

The post ដោយសារមិនចេះភាសាចិន នាយករដ្ឋមន្រ្តីថៃប្រើ AI និយាយធានាសុវត្ថិភាពទេសចរចិននៅក្នុងប្រទេសថៃ appeared first on Millions times.

ថ្លែងសន្ទរកឋា ក្រោយចប់កិច្ចប្រជុំមន្ត្រីជាន់ខ្ពស់នៅក្រសួងហិរញ្ញវត្ថុកាលពីថ្ងៃចន្ទ លោកស្រី Paetongtarn បាននិយាយថា ប្រទេសថៃបានប្រឈមមុខនឹងបញ្ហាជាច្រើននៅក្នុងរយៈពេលជាច្រើនឆ្នាំ រួមជាមួយនឹងបញ្ហាប្រឈមថ្មីៗ។ លោកស្រីបន្តថា រដ្ឋាភិបាលត្រូវតែដោះស្រាយបញ្ហារចនាសម្ព័ន្ធដែលជាប់គាំង បង្កើតភាពធន់ និងជំរុញកំណើន ខណៈពេលដែលលោកស្រីកត់សម្គាល់ថា ការចំណាយសាធារណៈគឺជាឧបករណ៍ដ៏មានប្រសិទ្ធភាពសម្រាប់ការជំរុញការចំណាយ និងការប្រើប្រាស់ឯកជន។

តាមដានជាមួយយើង៖ Million Times

នាយករដ្ឋមន្ត្រីថៃបាននិយាយបន្ថែមថា មូលនិធិវិនិយោគ ៩០០ ពាន់លានបាតតំណាងឱ្យ ៥% នៃផលិតផលក្នុងស្រុកសរុបរបស់ប្រទេស ដូច្នេះការបញ្ចេញនឹងបង្កើតសកម្មភាពសេដ្ឋកិច្ច និងប្រាក់ចំណូល និងជួយសម្រេចបាននូវកំណើនផលិតផលក្នុងស្រុកសរុបដែលបានកំណត់។

លេខាធិការអចិន្ត្រៃយ៍ហិរញ្ញវត្ថុ លោក Lavaron Sangsnit បាននិយាយថា រដ្ឋាភិបាលមានគោលបំណងបញ្ចេញយ៉ាងតិច ៨០% នៃថវិកាវិនិយោគ។ លោក​ថា ការ​ពន្លឿន​ការ​បញ្ចេញ​មូលនិធិ​នឹង​ជួយ​សម្រេច​គោលដៅ​នោះ​ដោយ​មិន​ចាំបាច់​មាន​វិធានការ​បន្ថែម។

លោក Lavaron និយាយបន្ថែមថា ខែដំបូងនៃឆ្នាំសារពើពន្ធ ២០២៥ ក្នុងខែតុលាបានឃើញការបញ្ចេញលើសពីមធ្យម ហើយបានជំរុញឱ្យភ្នាក់ងាររដ្ឋរក្សាសន្ទុះ។ ថវិកាសារពើពន្ធឆ្នាំ២០២៥ ចំនួន ៣.៧៥ ពាន់ពាន់លានបាតបានចូលជាធរមាននៅថ្ងៃទី១ ខែតុលា ជាមួយនឹងថវិកាវិនិយោគចំនួន ៩០០ពាន់លានបាត ស្មើនឹង ២៤.២% នៃការចំណាយសរុប។

ទន្ទឹមនឹងនេះ ការិយាល័យភាគខាងជើងនៃធនាគារកណ្តាលថៃ បាននិយាយកាលពីថ្ងៃចន្ទថា ស្ថានភាពសេដ្ឋកិច្ច និងការប្រើប្រាស់នៅក្នុងត្រីមាសចុងក្រោយនៃឆ្នាំនេះត្រូវបានគេព្យាករណ៍ថានឹងមានភាពប្រសើរឡើងដោយសារតែការចាប់ផ្តើមនៃរដូវកាលទេសចរណ៍ខ្ពស់ និងវិធានការជំរុញលើកទឹកចិត្តរបស់រដ្ឋាភិបាល។

វិស័យផលិតកម្មឧស្សាហកម្មក៏ត្រូវបានគេរំពឹងថា នឹងមានភាពប្រសើរឡើង តាមរយៈការកើនឡើងនៃតម្រូវការពីដៃគូបរទេស និងការកើនឡើងនៃតម្រូវការអ្នកប្រើប្រាស់ក្នុងរដូវបុណ្យ។ ទោះជាយ៉ាងណាក៏ដោយ ប្រាក់ចំណូលរបស់កសិករត្រូវបានគេព្យាករណ៍ថានឹងធ្លាក់ចុះ ដោយការចំណាយរបស់អ្នកប្រើប្រាស់ត្រូវបានច្របាច់ដោយតម្លៃនៃការរស់នៅកាន់តែខ្ពស់ និងទឹកជំនន់ធ្ងន់ធ្ងរនៅក្នុងតំបន់។

ជាមួយគ្នានេះ ការងើបឡើងវិញនៃវិស័យទេសចរណ៍ត្រូវបានកត់សម្គាល់ ខណៈដែលការធ្លាក់ចុះនៃការចំណាយរបស់អ្នកប្រើប្រាស់ ការផ្លាស់ប្តូរយ៉ាងឆាប់រហ័សនៅក្នុងទីផ្សារ និងភូមិសាស្ត្រនយោបាយ ត្រូវបានសម្គាល់ថា ជាបញ្ហាប្រឈមដ៏សំខាន់សម្រាប់តំបន់។

ទឹកជំនន់នាពេលថ្មីៗនេះ បានបង្កការខូចខាតនៅខេត្តឈៀងម៉ៃ ឈៀងរ៉ៃ ផាយ៉ាវ ប្រា ណាន ឡាំប៉ាង និងឡាំផុន។ ការខូចខាតត្រូវបានគេប៉ាន់ប្រមាណថា មានចំនួនយ៉ាងហោចណាស់ ១៤ពាន់លានបាត ដែលត្រូវបានព្យាករណ៍ថា នឹងធ្លាក់ចុះ ០.៧% នៃផលិតផលក្នុងស្រុកសរុប (GRP)៕

អត្ថបទ៖ សារ៉ាយ រូបភាព៖ Bnagkok Post

The post បញ្ហាប្រឈមផ្ទួនៗ និងថ្មីៗក្នុងប្រទេស នាយករដ្ឋមន្រ្តីថៃជំរុញ​ឲ្យ​ពន្លឿនបញ្ចេញថវិកា​វិនិយោគ appeared first on Millions times.

បើទោះលោករស់នៅនិរទេសខ្លួនក៏ដោយ បើនិយាយដល់ទ្រព្យសម្បត្តិរបស់លោកក៏មិនមែនការធ្លាក់ខ្លាំងប៉ុន្មានឡើយ។ យោងតាមទស្សនាវដ្តី Forbes គិតថ្ងៃទី១១ ខែកញ្ញា ឆ្នាំ២០២៤នេះ លោក ថាក់ស៊ីន មានទ្រព្យសម្បត្តិសុទ្ធសរុប ២.១ពាន់លានដុល្លារអាមេរិក។ និយាយដល់អ្នកមានក្នុងស្រុកថៃវិញ លោកឈរលេខរៀងទី១១ ក្នុងបញ្ជីមហាសេដ្ឋីមានបំផុតទាំង ៥០រូបក្នុងក្រុងបាងកក។

បើតាមទស្សនាវដ្តី Forbes លោក ថាក់ស៊ីន មានវ័យ ៧៥ឆ្នាំ ជាអ្នកនយោបាយ និងជំនួញជាប់ជាមហាសេដ្ឋីលំដាប់ទី ១៥៤៥ លើពិភពលោក ក្នុងឆ្នាំ២០២៤។

លោក ថាក់ស៊ី ជាឪពុកបង្កើតលោកស្រី Paetongtarn Shinawatra នាយករដ្ឋមន្រ្តីថ្មីថៃដែលទើបចូលកាន់តំណែងថ្មីៗ។ លោកថាក់ស៊ីន ជាម្ចាស់ភាគហ៊ុនគ្រប់គ្រងនៅក្នុងក្រុមហ៊ុនអចលនទ្រព្យ SC Asset ក្នុងចំណោមក្រុមហ៊ុនជាច្រើនទៀត។ ប្អូនស្រីរបស់លោក គឺលោកស្រី យីងឡាក់ ដែលជាអតីតនាយករដ្ឋមន្ត្រីផងដែរ បានភៀសខ្លួនចេញពីប្រទេសក្នុងឆ្នាំ ២០១៧ ដើម្បីគេចពីការចាប់ខ្លួន ដោយសារការធ្វើរដ្ឋប្រហារពីយោធានា ហើយតុលាការ​ថៃ​បាន​លើក​លែង​ទោស​លោកស្រី​ក្នុង​ខែ​មីនា ឆ្នាំ​២០២៤៕

អត្ថបទ៖ សារ៉ាយ រូបភាព៖

The post ឪពុកនាយករដ្ឋមន្រ្តីថៃ មានទ្រព្យសម្បត្តិសុទ្ធប៉ុន្មាន ដែលធ្លាប់រស់នៅនិរទេសខ្លួនក្នុងទីក្រុងឌូបៃ appeared first on Millions times.