តាមដានជាមួយយើង៖ Million Times

សារព័ត៌មាន VNExpress ចុះផ្សាយថា ថ្នាក់ដឹកនាំជប៉ុនត្រូវបានស្វាគមន៍យ៉ាងកក់ក្ដៅនៅឯអាកាសយានដ្ឋានអន្តរជាតិ Noi Bai ដោយមានឧបនាយករដ្ឋមន្ត្រី និងជារដ្ឋមន្ត្រីការបរទេស Bui Thanh Son អនុរដ្ឋមន្ត្រីការបរទេសវៀតណាម លោក Nguyen Minh Vu និងឯកអគ្គរដ្ឋទូតវៀតណាមប្រចាំនៅជប៉ុន លោក Pham Quang Hieu រង់ចាំទទួល។

ជាមួយគ្នានោះ ឯកអគ្គរាជទូតជប៉ុនប្រចាំវៀតណាម លោក Ito Naoki បានប្រាប់បណ្ដាញសារព័ត៌មានថា វត្តមាននាយករដ្ឋមន្ត្រី Ishiba មកកាន់ប្រទេសវៀតណាម បានឆ្លុះបញ្ចាំងឲ្យឃើញពីសម្ព័ន្ធមិត្តដ៏រឹងមាំ រវាងប្រទេសទាំង២។

ក្នុងដំណើរទស្សនកិច្ចនេះផងដែរ ថ្នាក់ដឹកនាំទាំង២ នឹងជជែកគ្នាពីគម្រោងកិច្ចសហប្រតិបត្តិការជាច្រើន ដោយក្នុងនោះនឹងសង្កត់ធ្ងន់ដល់ការគាំទ្រវៀតណាម ដើម្បីសម្រេចបាននូវរបកគំហើញយុទ្ធសាស្ត្រចំនួនបី រួមមានគ្រឹះស្ថានអប់រំ ហេដ្ឋារចនាសម្ព័ន្ធ និងធនធានមនុស្ស។ ចំណែកឯកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម និងការវិនិយោគ នៅតែជាសសរស្ដម្ភសំខាន់ ដើម្បីរក្សាទំនាក់ទំនងទ្វេភាគីដូចដើម៕

អត្ថបទ៖ Luffy រូបភាព៖ VietNamPlus

The post វៀតណាមស្វាគមន៍នាយករដ្ឋមន្ត្រីជប៉ុន ក្នុងការបំពេញទស្សនកិច្ចផ្លូវការ ៣ថ្ងៃ​ appeared first on Millions times.

តាមដានជាមួយយើង៖ Million Times

សារព័ត៌មាន Independent បានចុះផ្សាយថា លោក Ishiba ទទួលបានសម្លេងគាំទ្រ ២២១ ច្រើនជាងបេក្ខភាពដទៃទៀត និងទទួលបានការតែងតាំងជានាយករដ្ឋមន្ត្រីជប៉ុន បើទោះជាមិនមានសម្លេងគាំទ្រគ្រប់គ្រាន់បង្កើតរដ្ឋាភិបាលថ្មី ក្នុងការបោះឆ្នោតសភាមានសមាជិក ៤៦៥អាសនៈ។

ទោះជាអាចរក្សាតំណែងនាយករដ្ឋមន្ត្រីក៏ពិតមែន តែលោក Ishiba ទំនងជួបភាពលំបាក ក្នុងការដឹកនាំរដ្ឋបាលរបស់ខ្លួន ដ្បិតគណបក្ស LDP បានបាត់បង់សម្លេងគាំទ្រនៅសភាជាន់ខ្ពស់ សម្រាប់ការបោះឆ្នោតកាលពីខែមុន ដោយទទួលបានការគាំទ្រត្រឹម ២១៥អាសនៈ ស្របពេលដើម្បីអាចបង្កើតរដ្ឋាភិបាលថ្មីបាន គណបក្សមួយត្រូវការសម្លេងគាំទ្រយ៉ាងតិច ២៣៣សម្លេង។

លទ្ធផលនៃការបោះឆ្នោតនាពេលនោះ ត្រូវបានកត់ត្រាថា ជាលទ្ធផលអាក្រក់បំផុតសម្រាប់គណបក្ស LDP ក្នុងរយៈពេល ៦៩ឆ្នាំចុងក្រោយ។

នាយករដ្ឋមន្ត្រីជប៉ុន Ishiba បានទាមទារឲ្យមានការបោះឆ្នោតឡើងវិញភ្លាមៗ ក្រោយកាន់តំណែងបានមួយរយៈខ្លី បន្ទាប់ពីប្រជាប្រិយភាពរបស់លោកបានដាំក្បាលចុះខ្លាំង បន្ទាប់ពីប្រកាសគាំទ្រច្បាប់រៀបការភេទដូចគ្នា និងអនុញ្ញាតិឲ្យគូស្វាមីភរិយា ដែលរៀបការរួចមានសិទ្ធរក្សានាមត្រកូលផ្សេងគ្នា ជាពិសេសគឺការព្យាយាមបង្កើតសម្ព័ន្ធភាពប៉ាស៊ីហ្វិក ដែលមានលក្ខណៈស្រដៀងអង្គការណាតូ ឬគេហៅថា Asian Nato។

លោក Shigeru Ishiba នឹងអាចរក្សាតំណែងជានាយករដ្ឋមន្ត្រី រហូតដល់មានការផ្លាស់ប្ដូរតួនាទី ក៏ប៉ុន្តែសមាជិកសភាចំនួន ៣រូបរបស់គណបក្សលោក នឹងត្រូវប្ដូរចេញ បន្ទាប់ពីលទ្ធផលនៃការបោះឆ្នោតចុងក្រោយនេះ។

កៅអីនាយករដ្ឋមន្ត្រីជប៉ុនរូបនេះ ត្រូវប្រឈមនឹងភាពរង្គោះរង្គើម្ដងទៀត សម្រាប់ការបោះឆ្នោតសភាជាប់ខ្ពស់ ដែលគ្រោងធ្វើឡើងនៅឆ្នាំក្រោយ ដ្បិតបច្ចុប្បន្នគណបក្សកាន់អំណាច កំពុងមានសម្លេងគាំទ្រតិចតួច ហើយបើសិនជាលោក Ishiba មិនអាចយកឈ្នះចិត្តប្រជាជនជប៉ុនបាន នោះតំណែងនាយករដ្ឋមន្ត្រីរបស់លោក អាចនឹងអង្គុយមិនបានយូរ៕

អត្ថបទ៖ Luffy រូបភាព៖ AP

The post លោក Shigeru Ishiba រក្សាតំណែងនាយករដ្ឋមន្ត្រីជប៉ុនបានទាំងប្រផិតប្រផើយ appeared first on Millions times.

សារព័ត៌មាន​ AP ចុះផ្សាយថា មេដឹកនាំថ្មីអាចជួយគណបក្សនេះ លុបបំបាត់រឿងអាស្រូវ ដែលធ្វើឲ្យរដ្ឋាភិបាលរបស់លោក គីហ្សីដា មានការគម្រាមកំហែង ហើយអ្នកខ្លះមើលឃើញឱកាសសម្រាប់ប្រទេសក្នុងការជ្រើសរើសនាយករដ្ឋមន្ត្រីស្ត្រីដំបូងរបស់ខ្លួន។ លោក គីហ្សីដា នឹងនៅតែជាប្រធានបក្ស និងជានាយករដ្ឋមន្ត្រីរហូតដល់អ្នកស្នងតំណែងត្រូវបានជ្រើសរើស។

លោក គីហ្សីដា បាននិយាយថា រឿងអាស្រូវបានកើតឡើងជាបន្តបន្ទាប់បានធ្វើឲ្យប៉ះពាល់ដល់ជឿទុកចិត្តរបស់សាធារណជន ហើយគណបក្សត្រូវតែបង្ហាញពីការប្តេជ្ញាចិត្តរបស់ខ្លួនក្នុងការផ្លាស់ប្តូរ។ នៅក្នុងសន្និសីទសារព័ត៌មានមួយកាលពីថ្ងៃពុធ លោក​បាន​និយាយ​ថា​៖ «​ជំហាន​ដំបូង​ដែល​ច្បាស់​បំផុត​ សម្រាប់​ខ្ញុំ​គឺការចាកចេញ»។

លោក គីហ្សីដា បានចូលកាន់តំណែងនាយករដ្ឋមន្រ្តីជប៉ុន នៅខែតុលា ឆ្នាំ២០២១ ដោយជំនួសលោក  ស៊ូហ្គា យ៉ូស៊ីហ៊ីដេ (Yoshihide Suga) ដែលបានកាន់តំណែងនេះរយៈពេលមួយឆ្នាំបន្ទាប់ពីលោក ស៊ិនហ្សូ អាបេ (Shinzo Abe) ប្រកាសចុះចេញពីតំណែងដោយសារតែ​បញ្ហា​សុខភាពនៅឆ្នាំ២០២០។

ក្នុងអំឡុងពេលជិត ៣ឆ្នាំនៅក្នុងតំណែង លោក គីហ្សីដា បានប្តេជ្ញាចាត់វិធានការប្រឆាំងអំពើពុករលួយ និងការកែទម្រង់ស្ថាប័ន រួមទាំងការរំលាយបក្សពួក និងចាត់វិធានការវិន័យចំពោះសមាជិកសភាពុករលួយណាមួយ។ ផ្ទុយពីការអះអាងរបស់លោក រឿងអាស្រូវត្រូវបានកើតឡើងជាបន្តបន្ទាប់បានធ្វើឲ្យបាត់ជឿទុកចិត្តពីសាធារណជន៕

អត្ថបទ៖​ សារ៉ាយ រូបភាព៖ AP

The post នាយករដ្ឋមន្ត្រីជប៉ុន​ ហ្វូម៉ូ គីហ្សីដា ប្រកាសដើរចេញពីតំណែងនៅខែក្រោយ appeared first on Millions times.