ការរៀបចំកម្មវិធីនេះ ក្នុងទិសដៅបន្តចូលរួមចំណែកលើកកម្ពស់ប្រព័ន្ធអេកូឡូស៊ីធុរកិច្ចថ្មីឌីជីថល និងប្រែក្លាយកម្ពុជា ជាមជ្ឈមណ្ឌលនវានុវត្តន៍ឌីជីថលមួយនៅក្នុងតំបន់។ នេះបើយោងតាមសេចក្ដីជូនដំណឹងរបស់ក្រសួងប្រៃសណីយ៍ និងទូរគមនាគមន៍។

តាមដានជាមួយយើង៖ Million Times

សេចក្ដីជូនដំណឹងនេះ បានឱ្យដឹងបន្តថា កម្មវិធីនេះរៀបចំឡើងក្នុងគោលបំណងជំរុញ និងផ្តល់ឱកាសដល់ធុរកិច្ចថ្មីឌីជីថល ទទួលបានការបណ្តុះបណ្តាលពន្លឿនអាជីវកម្ម អភិវឌ្ឍផលិតផលឌីជីថល និងពង្រីកខ្លួនទៅកាន់ទីផ្សារក្នុងតំបន់ ក៏ដូចជាឱកាសចាប់យកវិនិយោគទុនពីក្នុងស្រុក និងក្រៅប្រទេស។

ក្រសួងប្រៃសណីយ៍ បានលើកឡើងថា ភាពជោគជ័យនៃកម្មវិធីពន្លឿន និងអភិវឌ្ឍធុរកិច្ចថ្មីឌីជីថល រដូវកាលទី១ “Innovate Cambodia Accelerator Program Batch 1” គឺជាចំណុចដ៏សំខាន់នៅក្នុងជំហានវិវត្តជាវិជ្ជមានរបស់ធុរកិច្ចថ្មីឌីជីថលកម្ពុជា ដោយបានផ្សារភ្ជាប់ស្ថាបនិកធុរកិច្ចថ្មីក្នុងស្រុក ទៅកាន់គ្រូបង្វឹក ក្រុមហ៊ុន និងអ្នកវិនិយោគអន្តរជាតិ តាមរយៈបណ្តាញ និងដៃគូសហការអន្តរជាតិនានារបស់ Plug and Play។

ក្នុងនោះដែរ ធុរកិច្ចថ្មីឌីជីថល Bamnang Academy ត្រូវបានមជ្ឈមណ្ឌលបច្ចេកវិទ្យា Plug and Play ជ្រើសរើសជាក្រុមហ៊ុនទី១ របស់កម្ពុជា ដើម្បីវិនិយោគនិងជំរុញឱ្យក្លាយទៅជាក្រុមហ៊ុនកម្រិតអន្តរជាតិមួយនៅក្នុងតំបន់។ បន្ថែមពីនេះមជ្ឈមណ្ឌលបច្ចេកវិទ្យា Plug and Play ក៏កំពុងតែជ្រើសរើសធុរកិច្ចថ្មីឌីជីថល រដូវកាលទី១ បន្ថែមទៀត ដើម្បីធ្វើការវិនិយោគផងដែរ។

បើតាមក្រសួងប្រៃសណីយ៍ និងទូរគមនាគមន៍ កម្មវិធីពន្លឿន និងអភិវឌ្ឍធុរកិច្ចថ្មីឌីជីថលនេះ នឹងបើកជូនធុរកិច្ចថ្មីឌីជីថលទាំងអស់ ចុះឈ្មោះចូលរួមចាប់ពីថ្ងៃជូនដំណឹងនេះ រហូតដល់ថ្ងៃទី១៣ ខែមីនា ឆ្នាំ២០២៦។ សម្រាប់ធុរកិច្ចថ្មីឌីជីថលទាំងអស់ ដែលមានចំណាប់អារម្មណ៍ចូលរួមកម្មវិធីនេះ អាចដាក់ពាក្យសើ្នសុំតាមរយៈតំណរភ្ជាប់ https://go.gov.kh/mptc/pnp-icap៕

អត្ថបទ៖ វីរៈ រូបភាព៖ ក្រសួងប្រៃសណីយ៍ និងទូរគមនាគមន៍

The post កម្មវិធីពន្លឿន និងអភិវឌ្ឍធុរកិច្ចថ្មីឌីជីថលរដូវកាលទី២ ធ្វើឡើងនាខែមេសាខាងមុខនេះ appeared first on Millions times.

អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា បានគូសបញ្ជាក់ដូច្នេះ នៅក្នុងមហាសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារឆ្នាំ២០២៦ របស់សភាពាណិជ្ជកម្មកម្ពុជា នៅថ្ងៃទី២៨ ខែមករា ឆ្នាំ២០២៦។

តាមដានជាមួយយើង៖ Million Times

អ្នកឧកញ៉ា គិត ម៉េង បានថ្លែងថា ការរួមចំណែកដ៏សំខាន់បំផុតរបស់សភាពាណិជ្ជកម្មកម្ពុជាចំពោះវិស័យឯកជន គឺការទទួលបានឱកាសចូលជួបពិភាក្សាដោយផ្ទាល់ជាមួយថ្នាក់ដឹកនាំកម្រិតខ្ពស់បំផុត។ តាមរយៈវេទិការាជរដ្ឋាភិបាល-ផ្នែកឯកជន (G-PSF) លើកទី១៩ យើងបានពង្រឹងកិច្ចសន្ទនាប្រកបដោយតម្លាភាព និងផ្អែកលើមូលដ្ឋានពិតប្រាកដ ជាមួយ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

អ្នកឧកញ៉ា បានថ្លែងថា ៖«ដោយសារយើងបានបញ្ចេញសំឡេងរួមគ្នាផ្អែកលើមូលដ្ឋានច្បាស់លាស់ យើងបានដោះស្រាយដោយជោគជ័យនូវបញ្ហាដែលនៅសេសសល់យូរអង្វែងក្នុងវិស័យពន្ធដារ គយ និងភស្តុភារកម្ម»។

អ្នកឧកញ៉ា គិត ម៉េង បានឱ្យដឹងទៀតថា កត្តានេះបានបញ្ជាក់យ៉ាងច្បាស់ថា សភាពាណិជ្ជកម្មកម្ពុជាគឺជាតំណាងស្របច្បាប់នៃវិស័យឯកជន។

បច្ចុប្បន្ន បណ្តាញរបស់សភាពាណិជ្ជកម្មកម្ពុជាបានពង្រីកខ្លួនលើសពីព្រំដែនជាតិ ដោយសភាពាណិជ្ជកម្មកម្ពុជា មានការិយាល័យតំណាងចំនួន ៨ នៅទូទាំងពិភពលោក រួមមាននៅប្រទេសកាណាដា ជប៉ុន អូស្ត្រាលី សហរដ្ឋអាមេរិក និងនូវែលសេឡង់។

ទាក់ព័ន្ធនឹងតំណាសភាពាណិជ្ជកម្មកម្ពុជានៅក្រៅប្រទេស អ្នកឧកញ៉ា គិត ម៉េង បានលើកឡើងថា ប្រធានការិយាល័យតំណាងសភាពាណិជ្ជកម្មកម្ពុជានៅក្រៅប្រទេសទាំងអស់ មានបេសកកម្មចម្បង គឺត្រូវដើរតួជាច្រកទ្វារយុទ្ធសាស្ត្រក្នុងការធានាថា ម៉ាកសញ្ញា “ផលិតនៅកម្ពុជា” (Made in Cambodia) នឹងក្លាយជាសញ្ញាសម្គាល់នៃគុណភាព និងភាពជឿជាក់នៅក្នុងទីផ្សារអន្តរជាតិ។

អ្នកឧកញ៉ា បានថ្លែងបន្តថា ឆ្នាំ២០២៦ នឹងក្លាយជាឆ្នាំនៃការជំរុញសន្ទុះសេដ្ឋកិច្ចឱ្យកាន់តែលឿន។ ខណៈដែលកំណើនសេដ្ឋកិច្ចជាតិត្រូវបានព្យាករណ៍ក្នុងកម្រិត ៥,០% សភាពាណិជ្ជកម្មកម្ពុជា ត្រូវជំរុញវិស័យឯកជនឲ្យត្រូវតាមគោលនយោបាយរបស់រាជរដ្ឋាភិបាល៕

អត្ថបទ៖ ប៊ី

The post អ្នកឧកញ៉ា គិត ម៉េង៖ សភាពាណិជ្ជកម្មកម្ពុជា មានបេសកកម្មចម្បង ធ្វើជាស្ពានចម្លងរួមគ្នារវាងសហគមន៍ធុរកិច្ច និងចក្ខុវិស័យយុទ្ធសាស្ត្ររបស់រាជរដ្ឋាភិបាល appeared first on Millions times.

តាមដានជាមួយយើង៖ Million Times

ការបង្ហាញចំណាប់អារម្មណ៍បែបនេះ គឺស្របពេលដែលឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានទទួលជួបគណៈប្រតិភូធុរកិច្ចចំនួន ៤០ មកពីវិស័យចម្រុះ រួមមាន៖ ក្រុមហ៊ុនផលិតម្ហូបអាហារ ផលិតផលប្រើប្រាស់ផ្ទាល់ខ្លួន គុជ ត្បូងថ្ម ក្រណាត់ ឱសថបុរាណ គ្រឿងបន្លាស់យានយន្ត និងក្រុមហ៊ុនផ្តល់សេវាអប់រំ និងប្រឹក្សាយោបល់ជាដើម។

នៅក្នុងជំនួបនេះ លោកបណ្ឌិត Soe Hein ដែលជាសហគ្រិនមីយ៉ាន់ម៉ា ដែលបានដំណើរការអាជីវកម្មអប់រំនៅកម្ពុជាអស់រយៈពេលជាងមួយឆ្នាំ បានលើកឡើងថា នេះជាបេសកកម្មផ្គូផ្គងអាជីវកម្មលើកទី៤ ពីមីយ៉ាន់ម៉ាមកកម្ពុជា ដែលឆ្លុះបញ្ចាំងពីទំនុកចិត្តកាន់តែខ្លាំងលើបរិយាកាសវិនិយោគនៅកម្ពុជា។

ចំណែកឯកឧត្តម ហែម វណ្ណឌី បានស្វាគមន៍គណៈប្រតិភូធុរកិច្ចមីយ៉ាន់ម៉ា និងបានជម្រាបជូនអំពីអាណត្តិកិច្ចរបស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ព្រមទាំងកំណែទម្រង់ ដើម្បីកែលម្អបរិយាកាសធុរកិច្ច។

ឯកឧត្តម បានបន្ថែមថា កម្ពុជា គឺជាទីផ្សារបើកចំហ ហើយរាជរដ្ឋាភិបាលកម្ពុជាប្តេជ្ញាចិត្តគាំទ្រវិនិយោគិនដែលត្រៀមខ្លួនប្រកួតប្រជែង ជាពិសេសក្រុមហ៊ុនដែលអាចជួយពង្រឹងខ្សែច្រវាក់ផ្គត់ផ្គង់ក្នុងស្រុក។

បើតាមឯកឧត្តម ហែម វណ្ណឌី ទោះបីកម្ពុជាបានទទួលជោគជ័យច្រើនក្នុងការទាក់ទាញវិនិយោគផ្ទាល់ពីបរទេស ការភ្ជាប់សហគ្រាសធុនតូច និងមធ្យមក្នុងស្រុកទៅក្នុងខ្សែច្រវាក់នៃឧស្សាហកម្មធំៗ នៅតែជាបញ្ហាប្រឈមនៅឡើយ ខណៈដែលកម្ពុជាត្រៀមចាកចេញពីឋានៈជាប្រទេស ដែលមានការអភិវឌ្ឍតិចតួច នៅចុងឆ្នាំ២០២៩ ការពង្រឹងសមត្ថភាពផលិតវត្ថុធាតុដើមក្នុងស្រុកសម្រាប់ខ្សែច្រវាក់ផ្គត់ផ្គង់ មានសារសំខាន់ណាស់ ហើយក្រសួងលើកទឹកចិត្តវិនិយោគិនមីយ៉ាន់ម៉ា ឱ្យរួមចំណែកបំពេញចន្លោះប្រហោងទាំងនេះ។

ឯកឧត្តមរដ្ឋមន្ត្រី ក៏បានរំលឹកជូនគណៈប្រតិភូដែរថា ច្បាប់ស្តីពីវិនិយោគរបស់កម្ពុជាអនុញ្ញាតឱ្យវិនិយោគិនបរទេសមានកម្មសិទ្ធិលើអាជីវកម្មរបស់ខ្លួន ១០០ភាគរយ ព្រមទាំងបានស្នើឱ្យវិនិយោគិនប្រើបណ្តាញត្រឹមត្រូវក្នុងការបង្កើតអាជីវកម្ម ជាជាងការពឹងផ្អែកតែលើសេវា ឬភ្នាក់ងារភាគីទីបី៕

អត្ថបទ៖ វីរៈ រូបភាព៖ ក្រសួងឧស្សាហកម្ម

The post ធុរកិច្ចមីយ៉ាន់ម៉ាចំនួន ៤០ ចាប់អារម្មណ៍វិនិយោគនៅកម្ពុជា ក្នុងខ្សែច្រវាក់ផ្គត់ផ្គង់ក្នុងស្រុក appeared first on Millions times.

ពិធីបើកការដ្ឋានសាងសង់នេះ ត្រូវបានរៀបចំឡើងនៅថ្ងៃទី ៩ ខែធ្នូ ឆ្នាំ ២០២៥ ស្ថិតនៅក្នុងភូមិកន្ទួត ឃុំកន្ទួត ស្រុកចិត្របុរី ខេត្តក្រចេះ ក្រោមអធិបតី ឯកឧត្តម ឆាយ ឫទ្ធិសែន រដ្ឋមន្ដ្រីក្រសួងអភិវឌ្ឍន៍ជនបទ  និងមានចូលរួមពីតំណាងក្រសួងពាក់ព័ន្ធ តំណាងធនាគារពិភពលោក អាជ្ញាធរមូលដ្ឋានគ្រប់លំដាប់ថ្នាក់, លោកគ្រូ អ្នកគ្រូ សិស្សានុសិស្ស និងប្រជាពលរដ្ឋ សរុបប្រមាណ ១ ២០០នាក់។

តាមដានជាមួយយើង៖ Million Times

ជាកិច្ចចាប់ផ្ដើម ឯកឧត្តម វ៉ា ថន អភិបាលនៃគណៈអភិបាលខេត្តក្រចេះ បានធ្វើរបាយការណ៍ស្វាគមន៍ ដោយជម្រាបជូនអំពីស្ថានភាពភូមិសាស្ដ្រ សេដ្ឋកិច្ច និងសង្គមកិច្ច ជាពិសេសការរីកចម្រើនលើវិស័យហេដ្ឋារចនាសម្ព័ន្ធរូបវន្ដនិងគមនាគមន៍ និងកម្រិតជីវភាពរបស់ប្រជាជននៅទូទាំងខេត្តក្រចេះ ។

បន្ទាប់មក លោកជំទាវ ហូ សុវណ្ណិកា រដ្ឋលេខាធិការ និងជានាយកគម្រោង បានធ្វើរបាយការណ៍សង្ខេបអំពីសវតា គម្រោងកែលម្អការតភ្ជាប់ហេដ្ឋារចនាសម្ព័ន្ធផ្លូវថ្នល់ (RCIP) បានទទួលថវិកាហិរញ្ញប្បទានឥណទានពីធនាគារពិភពលោកដែលត្រូវសាងសង់ជាផ្លូវក្រាលកៅស៊ូពីរជាន់ (DBST) និងផ្លូវក្រាលបេតុង ដែលមានប្រវែងសរុប ២៨៣.២ គ. ម ស្ថិតក្នុងខេត្តគោលដៅចំនួន៣ រួមមាន ខេត្តកំពង់ចាម ត្បូងឃ្មុំ និងខេត្តក្រចេះ។

បន្ទាប់ពីបានស្ដាប់របាយការណ៍ស្វាគមន៍រួចមក ឯកឧត្តម ឆាយ ឫទ្ធិសែន បានសម្ដែងនូវការកោតសរសើរ និងវាយតម្លៃខ្ពស់ចំពោះរដ្ឋបាលខេត្ត និងមន្ទីរអង្គភាពទាំងអស់របស់ខេត្ត ព្រមទាំងក្រុមការងាររាជរដ្ឋាភិបាលចុះមូលដ្ឋានខេត្តក្រចេះ ដែលបានខិតខំប្រឹងប្រែងអភិវឌ្ឍខេត្តឱ្យមានការរីកចម្រើន និងទទួលបាននូវសមិទ្ធផលនានាលើគ្រប់វិស័យទាំងផ្នែកសន្តិសុខ សណ្តាប់ធ្នាប់ សេដ្ឋកិច្ច សង្គមកិច្ច និងវប្បធម៌ ដែលធ្វើឱ្យខេត្តក្រចេះកាន់តែមានសម្រស់ស្រស់បំព្រង។

ថ្លែងក្នុងពិធីនោះ ឯកឧត្ដមរដ្ឋមន្រ្ដី បានជម្រាបជូនអំពីយុទ្ធសាស្ដ្របញ្ចកោណ និងចក្ខុវិស័យ របស់រាជរដ្ឋាភិបាលក្រោមការដឹកនាំបន្តវេនប្រកបដោយគតិបណ្ឌិតរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ព្រមទាំងការដាក់ឱ្យប្រើប្រាស់នូវគោលនយោបាយជាតិស្តីពីការអភិវឌ្ឍជនបទ ឆ្នាំ២០២៥-២០៣៥ ដោយបានកំណត់ចក្ខុវិស័យ“កសាងសង្គមជនបទកម្ពុជាឱ្យមានវិបុលភាពប្រកបដោយ បរិយាបន្ន សមធម៌ និងចីរភាពទាំងផ្នែកសេដ្ឋកិច្ច សង្គមកិច្ច និងវប្បធម៌”។

ឯកឧត្ដមរដ្ឋមន្រ្ដី បានថ្លែងថា ផ្អែកលើយុទ្ធសាស្ដ្រនៃគោលនយោបាយជាតិនេះ ក្រសួងអភិវឌ្ឍន៍ជនបទ ត្រូវអនុវត្តនូវយុទ្ធសាស្រ្តគន្លឹះចំនួន៥ ដែលកម្មវិធីអាទិភាពរបស់ក្រសួង ក្នុងគោលបំណងលើកកម្ពស់គុណភាព និងគុណតម្លៃជីវិតរស់នៅរបស់ប្រជាពលរដ្ឋនៅជនបទប្រកប ដោយបរិយាប័ន្ន ទាំងផ្នែកសេដ្ឋកិច្ច សង្គមកិច្ច និងវប្បធម៌នៅទូទាំងព្រះរាជាណាចក្រកម្ពុជា។ ដោយក្នុងនោះ ក្រសួងកំពុងយកចិត្តទុកដាក់លើការលើកកម្រិតគុណភាពហេដ្ឋារចនាសម្ព័ន្ធ និងគមនាគមន៍ជនបទ ដើម្បីផ្សារភ្ជាប់សកម្មភាពធុរកិច្ចផ្សេងៗឱ្យមានភាពរស់រវើក និងកាន់តែសកម្មឡើងបន្ថែមទៀតដែលជាមូលដ្ឋានគ្រឹះនៃកំណើនប្រាក់ចំណូលរបស់គ្រួសារនៅតំបន់ជនបទ។

ជាក់ស្ដែងពិធីបើកការដ្ឋានសាងសង់ផ្លូវជនបទទាំង ១៤ខ្សែ ប្រវែងសរុប ១៣៤,៤០គីឡូម៉ែត្រ នេះ នឹងផ្តល់ផលប្រយោជន៍ដល់ប្រជាជនចំនួន ១៥ ២១៨គ្រួសារ ស្មើនឹងប្រជាជនប្រមាណ ៧៦ ០០០នាក់ ក្នុងភូមិចំនួន ៣៥ ឃុំចំនួន ១១ ក្នុងស្រុកចិត្របុរី ស្រុកស្នួល ស្រុកព្រែកប្រសព្វ និងក្រុងក្រចេះ ដោយជួយបង្កើនការតភ្ជាប់ និងគាំទ្រ ក៏ដូចជាសម្រួលដល់ការប្រកបការងារប្រចាំថ្ងៃ ចំណេញពេលវេលា និងថវិកា ហើយធានាបាននូវការប្រើប្រាស់ផ្លូវបានគ្រប់រដូវកាល ជាពិសេសសម្រួលដល់ការធ្វើដំណើររបស់ភ្ញៀវទេសចរណ៍ចូលទៅកាន់តំបន់រមណីយដ្ឋានធម្មជាតិកាំពីរ និងអន្លង់ផ្សោតផងដែរ។

ជាមួយគ្នានោះ ឯកឧត្តមរដ្ឋមន្ដ្រី បានផ្តាំផ្ញើដល់មន្រ្តីអនុវត្តគម្រោងទាំងថ្នាក់ជាតិ ថ្នាក់ខេត្ត ទីប្រឹក្សាបច្ចេកទេសទាំងអស់ត្រូវមានភាពជាម្ចាស់ការ និងយកចិត្តទុកដាក់អនុវត្តការងារ ប្រកបដោយការទទួលខុសត្រូវខ្ពស់ ស្របតាមបទដ្ឋានបច្ចេកទេស និងគោលការណ៍សុវត្ថិភាព ព្រមទាំងបាន អំពាវនាវដល់ប្រជាពលរដ្ឋ អាជ្ញាធរមូលដ្ឋានគ្រប់លំដាប់ថ្នាក់ ចូលរួមបង្កលក្ខណៈងាយស្រួលសម្របសម្រួលដោះស្រាយផលប៉ះពាល់ ប្រកបដោយសាមគ្គីភាព និងចាត់ទុកជាប្រយោជន៍សមូហភាព ព្រមទាំងចូលរួមថែរក្សាសមិទ្ធផលទាំងឡាយដែលរដ្ឋាភិបាលបានផ្តល់ជូនកន្លងមក៕

អត្ថបទ៖ ប៊ី

The post ផ្លូវជនបទចំនួន ១៤ ខ្សែ ក្នុងខេត្តក្រចេះ នឹងបង្កើនការតភ្ជាប់សកម្មភាពធុរកិច្ចផ្សេងៗឱ្យមានភាពរស់រវើក appeared first on Millions times.

តាមដានជាមួយយើង៖ Million Times

វេទិកានេះធ្វើឡើងស្របពេលនឹងដំណើរទស្សនកិច្ចធុរកិច្ចរបស់ក្រុមហ៊ុនធំៗនៃប្រទេសអេមីរ៉ាត់អារ៉ាប់រួមចំនួន ១៦ក្រុមហ៊ុន ដែលកំពុងបំពេញទស្សនកិច្ចនៅកម្ពុជា ដើម្បីស្វែងរកកាលានុវត្តភាពវិនិយោគ។ ក្នុងនោះ ក៏មានការរៀបចំជាជំនួបពាណិជ្ជកម្មមួយទល់មួយ (B2B) រវាងក្រុមហ៊ុនកម្ពុជា និងក្រុមហ៊ុនឌូបៃ ដើម្បីភ្ជាប់ទំនាក់ទំនងដោយផ្ទាល់ និងស្វែងរកដៃគូសហការសក្តានុពលលើវិស័យ ដែលមានកំណើនខ្ពស់ផងដែរ។

អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា បានថ្លែងថា ការវិនិយោគនៅកម្ពុជា មិនមែនសំដៅលើតែទីផ្សារក្នុងស្រុកដែលមានប្រជាជន ១៧លាននាក់ប៉ុណ្ណោះទេ តែកម្ពុជាជាច្រកទ្វារដ៏សំខាន់ទៅកាន់ទីផ្សារអ្នកប្រើប្រាស់ ៦៨០ លាននាក់ នៅក្នុងតំបន់អាស៊ានទាំងមូល ហើយកម្ពុជាជាមជ្ឈមណ្ឌលផលិតកម្ម និងភស្តុភារយុទ្ធសាស្ត្រ។

អ្នកឧកញ៉ា បានលើកទឹកចិត្តដល់វិនិយោគិនឌូបៃ ឱ្យចាប់យកឱកាសវិនិយោគលើវិស័យយុទ្ធសាស្ត្រសំខាន់ៗរួមមាន៖ ហេដ្ឋារចនាសម្ព័ន្ធ ភស្តុភារ ទេសចរណ៍ ថាមពល ធនាគារនិងហិរញ្ញវត្ថុ ឌីជីថល និងមូលធនមនុស្ស ជាដើម។

ប្រធានសភាពាណិជ្ជកម្មកម្ពុជា ក៏បានលើកទឹកចិត្តធុរជនទាំងពីរប្រទេស ឱ្យប្រើប្រាស់វេទិកាធុរកិច្ចនេះដើម្បីស្វែងរកដៃគូសហការ និងគម្រោងអនុវត្តជាក់ស្តែង ដោយសភាពាណិជ្ជកម្មកម្ពុជាត្រៀមខ្លួនជាស្រេចដើម្បីផ្តល់ការគាំទ្រ និងជួយសម្របសម្រួលធុរជនឌូបៃ ឈានចូលទីផ្សារកម្ពុជា។

ចំណែកលោក សាឡឹម អាល់ ហ្សាមស៊ី (Salem Al Shamsi) អនុប្រធានសភាពាណិជ្ជកម្មឌូបៃ បានគូសបញ្ជាក់ថា ទំនាក់ទំនងធុរកិច្ចរវាងកម្ពុជា និងឌូបៃ បាននិងកំពុងបន្តរីកចម្រើនជាលំដាប់ ដោយទំហំពាណិជ្ជកម្មទ្វេភាគីរវាងកម្ពុជា និងអេមីរ៉ាត់អារ៉ាប់រួម មានប្រមាណជិត ៤០០ លានដុល្លារ។ លោកបានគូសបញ្ជាក់ថា ឌូបៃគឺជាច្រកទ្វារទៅកាន់មជ្ឈិមបូព៌ា អាហ្វ្រិក និងអាស៊ីខាងត្បូង។

ជាមួយគ្នានេះ លោកសង្កត់ធ្ងន់ថា សម្រាប់សហគមន៍ធុរកិច្ចឌូបៃ កម្ពុជាមានសក្តានុពល និងកាលានុវត្តភាពលើច្រើនវិស័យ រួមមានដូចជា៖ វិស័យវាយនភណ្ឌ យានយន្ត និងអេឡិចត្រូនិកជាដើម។ ដំណើរទស្សនកិច្ចរបស់គណៈប្រតិភូឌូបៃនាពេលនេះ គឺដើម្បីស្វែងយល់បន្ថែមអំពីកាលានុវត្តភាពវិនិយោគផ្សេងទៀត និងបរិយាកាសធុរកិច្ចនៅកម្ពុជា។

គួរបញ្ជាក់ថា បច្ចុប្បន្នមានក្រុមហ៊ុនកម្ពុជាជាង ៣០ ក្រុមហ៊ុន កំពុងវិនិយោគ និងធ្វើប្រតិបត្តិការនៅឌូបៃ ក្នុងវិស័យអចលនទ្រព្យ វិស័យលក់ដុំនិងលក់រាយ និងសេវាកម្មសង្គម។ ផលិតផលសំខាន់ៗដែលកម្ពុជានាំចេញទៅឌូបៃរួមមាន៖ អង្ករ សម្លៀកបំពាក់ សង្ហារឹម ផលិតផលក្តារបន្ទះកៀប គ្រឿងម៉ាស៊ីន ចង្រ្កាន និងបារី។ គណៈប្រតិភូឌូបៃ មានចំណាប់អារម្មណ៍ធ្វើពិពិធកម្មទៅលើវិស័យផ្សេងទៀត រួមមាន៖ វិស័យថាមពល មជ្ឈមណ្ឌលទិន្នន័យ និងវិស័យលក់រាយ ជាដើម៕

អត្ថបទ៖ វីរៈ រូបភាព៖ សភាពាណិជ្ជកម្មកម្ពុជា  

The post សហគមន៍ធុរកិច្ចឌូបៃ៖ កម្ពុជាមានសក្តានុពលលើវិស័យវាយនភណ្ឌ យានយន្ត និងអេឡិចត្រូនិក appeared first on Millions times.

តាមដានជាមួយយើង៖ Million Times

កិច្ចសន្ទនារវាងក្រុមប្រឹក្សាពិគ្រោះយោបល់អាស៊ាន និងថ្នាក់ដឹកនាំអាស៊ាន នៅទីក្រុងគួឡាឡាំពួរ ប្រទេសម៉ាឡេស៊ី នារសៀលថ្ងៃចន្ទ ទី២៦ ខែឧសភានេះ ក្រុមប្រឹក្សាពិគ្រោះយោបល់ធុរកិច្ចអាស៊ានបានដាក់របាយការណ៍អនុសាសន៍ជូន ប្រមុខរដ្ឋ ប្រមុខរដ្ឋាភិបាលអាស៊ាន ដែលផ្តោតលើការជំរុញសមាហរណកម្មអាស៊ាន។ 

សភាពាណិជ្ជកម្មកម្ពុជា បានឲ្យដឹងថា ចំនុចអាទិភាពសំខាន់ៗចំនួន ៤ ត្រូវបានជំរុញ ទី១) ការលើកកម្ពស់ពាណិជ្ជកម្ម និងវិនិយោគរវាងប្រទេសសមាជិកអាស៊ាន ២) ជំរុញការធ្វើសមាហរណកម្ម និង ការតភ្ជាប់ សេដ្ឋកិច្ច ៣) ការបង្កើតក្របខណ្ឌប្រកបដោយចីរភាពនិងបរិយាប័ន្ន និង ៤) ការកសាងអាស៊ានឌីជីថលដែលធន់នឹងវិបត្តិ។

អនុសាសន៍របស់ក្រុមប្រឹក្សាពិគ្រោះយោបល់ធុរកិច្ចអាស៊ាន ក៏បានផ្តោតលើសារៈសំខាន់នៃការរួបរួមទីផ្សារ ស្របទៅនឹងមូលបទនៃម្ចាស់ផ្ទះម៉ាឡេស៊ី គឺបរិយាប័ន្ន និងចីរភាព។ 

ជាមួយគ្នានេះ ប្រមុខរដ្ឋ ប្រមុខរដ្ឋាភិបាលអាស៊ាន បានផ្តល់នូវមតិឆ្លើយតប និងទទួលស្គាល់តួនាទីដ៏សំខាន់របស់សហគមន៍ធុរកិច្ច ក្នុងការសម្រេចឲ្យបាននូចគោលបំណងសហគមន៍សេដ្ឋកិច្ចចអាស៊ាន៕

អត្ថបទ៖ សាងតេជៈ រូបភាព៖ ផេកសភាពាណិជ្ជកម្មកម្ពុជា

The post មេដឹកនាំ និងអ្នកធុរកិច្ចអាស៊ាន ជជែកផ្តោតលើការជំរុញសេដ្ឋកិច្ច ពាណិជ្ជកម្ម និងវិនិយោគរវាងប្រទេសសមាជិក appeared first on Millions times.

លើបណ្តាញសង្គមផ្ទាល់ខ្លួននាពេលកន្លងទៅ អ្នកឧកញ៉ា គិត ម៉េង ម្ចាស់ក្រុមហ៊ុន Royal Group បានគូសបញ្ជាក់ថា សង្គតិភាពក្នុងសកម្មភាពនានា និងការប្រាស្រ័យទាក់ទងគ្នាបង្កើតឱ្យមានទំនុកចិត្ត។ នៅពេលដែលពាក្យសម្តីរបស់អ្នកឆ្លុះបញ្ចាំងឱ្យឃើញឥរិយាបថរបស់អ្នក នោះអ្នកធ្វើឱ្យក្រុមការងារបង្ហាញនូវយថាភាព និងភាពជឿជាក់ក្នុងក្រុម។ ការសន្ទនា ឬកិច្ចប្រជុំជាទៀងទាត់របស់អ្នកជាមួយក្រុមការងារធ្វើឱ្យអ្នកយល់ដឹងពីបញ្ហាប្រឈមរបស់ពួកគេ ហើយធ្វើឱ្យអ្នកប្រាកដថាអ្នកអាចណែនាំ និងផ្តល់ការគាំទ្ររបស់អ្នកដល់ពួកគេប្រកបដោយប្រសិទ្ធភាព។

តាមដានជាមួយយើង៖ Million Times

អ្នកឧកញ៉ាបន្តថា ភាពជាអ្នកដឹកនាំពិតប្រាកដក៏តម្រូវឱ្យមានការប្តេជ្ញាចិត្តឥតងាករេចំពោះចក្ខុវិស័យរបស់អ្នក ទោះបីក្នុងគ្រាលំបាកក៏ដោយ។ តាមរយៈការបង្ហាញឱ្យឃើញនូវសង្គតិភាពជាមួយនឹងគោលបំណង និងការលះបង់កម្លាំងកាយចិត្ត អ្នកបង្កើតមូលដ្ឋានគ្រឹះនៃភាពជឿជាក់ និងភាពរីកចម្រើនដែលជំរុញឱ្យទទួលបានជោគជ័យយូរអង្វែង។

បើតាមបទពិសោធផ្ទាល់រយៈពេលជាង៣ទសវត្សរ៍មកនេះ អ្នកឧកញ៉ា គិត ម៉េត ថ្លែងសង្កត់ធ្ងន់ថា៖ «ខ្ញុំនៅតែរៀន ហើយខ្ញុំជឿថា ភាពជាអ្នកដឹកនាំប្រកបដោយប្រសិទ្ធភាពមិនសំដៅតែទៅលើឥរិយាបថមួយនោះទេ ប៉ុន្តែ ក៏ជាសកម្មភាពតូចៗប្រចាំថ្ងៃដូចជាការស្តាប់ ការលើកទឹកចិត្ត ការណែនាំ និងការធ្វើជាគំរូ។ តាមរយៈការដឹកនាំប្រកបដោយសង្គតិភាព យថាភាព និងការប្តេជ្ញាចិត្តឥតងាករេ នោះអ្នកបង្កើតឱ្យមានទំនុកចិត្ត អ្នកផ្តល់ធនធាន ការគាំទ្ររបស់អ្នក ដោយធ្វើឱ្យពួកគេមានម្ចាស់ការលើការងារខ្លួន និងបង្កើតមូលដ្ឋានគ្រឹះដែលធានានូវសមិទ្ធផលយូរអង្វែង»៕

អត្ថបទ៖ សាងតេជៈ រូបភាព៖ ផេកអ្នកឧកញ៉ា គិត ម៉េង

The post មហាសេដ្ឋី គិត ម៉េង៖ នៅពេលដែលខ្ញុំចាប់ផ្តើមធុរកិច្ចអ្វីដែលខ្ញុំផ្តោតជាសំខាន់នោះគឺការកសាងជំនួញ appeared first on Millions times.