ធនាគារ ជីប ម៉ុង Archives - Millions times

ធនាគារ ជីប ម៉ុង ប្រកាសសហការជាមួយក្រុមហ៊ុនថែទាំសុខភាពធំបំផុតរបស់សិង្ហបុរី IHH Healthcare Singapore

Vin Chang — Wed, 11 Feb 2026 07:04:39 +0000

កាលពីថ្ងៃ ១០ ខែកុម្ភៈ ឆ្នាំ ២០២៦ កន្លងទៅធនាគារ ជីប ម៉ុង បានប្រកាសជាផ្លូវការពីកិច្ចសហប្រតិបត្តិការ ជាមួយក្រុមហ៊ុនអន្តរជាតិ IHH Healthcare Singapore ដើម្បីដាក់ចេញនូវអត្ថប្រយោជន៍ ពិសេសសម្រាប់សេវាផ្នែកសុខភាពនៅមន្ទីរពេទ្យ ៤ ទីតាំងក្នុងប្រទេសសិង្ហបុរី ដល់អតិថិជនធនាគារ ជីប ម៉ុង។

តាមដានជាមួយយើង៖ Million Times

ធនគារ ជីប ម៉ុង បានឲ្យដឹងពីគោលបំណងនៃកិច្ចសហការនេះ គឺផ្ដល់ជូនសម្រាប់អតិថិជនដែលប្រើប្រាស់គ្រប់ប្រភេទកាតឥណទាន និងកាតឥណពន្ធ ប្រភេទ Platinum របស់ ជីប ម៉ុង នឹងទទួលបានការបញ្ចុះតម្លៃ លើកញ្ចប់សេវាពិនិត្យសុខភាព និងអត្ថប្រយោជន៍ដទៃទៀត។

ក្រៅពីអត្ថប្រយោជន៍ពីមន្ទីរពេទ្យរបស់ក្រុមហ៊ុន IHH Healthcare Singapore ហើយនោះ ក៏ទទួលបានសេវាធ្វើដំណើរពីអាកាសយានដ្ឋាន Changi និងអាទិភាពណាត់ជួបជាមួយវេជ្ជបណ្ឌិតជំនាញបាន២៤ ម៉ោងក្នុង១សប្ដាហ៍។

កម្មវិធីនោះធ្វើឡើងនៅទីស្នាក់ការកណ្ដាលធនាគារ ជីប ម៉ុង អាគារ ជីប ម៉ុង ថៅវើរ ចូលរួមដោយអ្នកឧកញ៉ា លាង ម៉េង អគ្គនាយកធនាគារ ជីប ម៉ុង និង លោក វីនស៊ិន ឡៃ នាយកប្រចាំប្រទេសកម្ពុជា នៃក្រុមហ៊ុន IHH Healthcare Singapore ព្រមទាំងថ្នាក់ដឹកនាំផ្សេងៗទៀតនៃក្រុមហ៊ុនទាំងពីរ។

គួរបញ្ជាក់ផងដែរថា IHH Healthcare Singapore គឺជាអ្នកផ្ដល់សេវាថែទាំសុខភាពឯកជនធំជាងគេរបស់ប្រទេសសិង្ហបុរី ដោយដំណើរការបណ្ដាញរួមបញ្ចូលគ្នានៃមន្ទីរពេទ្យលំដាប់កំពូលចំនួនបួនគឺ Gleneagles, Mount Elizabeth (Orchard និង Novena) និង Parkway East រួមជាមួយគ្លីនិកជាង ៣០ មជ្ឈមណ្ឌល ថត ឆ្លុះ X-ray និងមន្ទីរពិសោធន៍។ ពួកគេផ្ដល់ការថែទាំដ៏ទូលំទូលាយ ចាប់ពីសេវាកម្មបឋមរហូតដល់សេវាថែទាំសុខភាពកម្រិតទីបួន ដែលគាំទ្រដោយអ្នកឯកទេសជាង ១ ៥០០ នាក់៕

អត្ថបទ៖ ឆដា, រូបភាព៖ Chip Mong Bank

The post ធនាគារ ជីប ម៉ុង ប្រកាសសហការជាមួយក្រុមហ៊ុនថែទាំសុខភាពធំបំផុតរបស់សិង្ហបុរី IHH Healthcare Singapore appeared first on Millions times.

អ្នកឧកញ៉ា លាង ម៉េង៖ ធនាគារ ជីប ម៉ុង គាំទ្រម្ចាស់អាជីវកម្មខ្មែរ តាមរយៈកម្ចីមានអត្រាការប្រាក់សមរម្យ

Virak វីរៈ — Mon, 19 Jan 2026 06:18:00 +0000

អ្នកឧកញ៉ា លាង ម៉េង អគ្គនាយកធនាគារ ជីប ម៉ុង បានប្រកាសគាំទ្រម្ចាស់អាជីវកម្មខ្មែរដែលមានបំណងចង់ពង្រីកអាជីវកម្មឱ្យកាន់តែរីកចម្រើន តាមរយៈការផ្ដល់កម្ចីដែលមានអត្រាការប្រាក់ទាបសមរម្យ ឯកសារមិនស្មុគស្មាញ និងផ្ដល់ការប្រឹក្សាយោបល់ច្បាស់លាស់។

តាមដានជាមួយយើង៖ Million Times

តាមរយៈវីដេអូមួយ បង្ហោះនៅថ្ងៃទី១៩ ខែមករានេះថា អ្នកឧកញ៉ា លាង ម៉េង មានប្រសាសន៍ថា ក្នុងនាមលោក ជាថ្នាក់ដឹកនាំកំពូលរបស់ក្រុមហ៊ុន ជីប ម៉ុង ពិតជាស្វាគមន៍យ៉ាងកក់ក្ដីចំពោះអាជីវករខ្មែរទាំងអស់ ដែលបានចូលរួមតាំងពិព័រណ៍នៅផ្សារទំនើប ជីប ម៉ុង ហើយក៏ប្រកាសគាំទ្រអាជីវកម្មខ្មែរទាំងអស់ តាមរយៈការផ្ដល់កម្ចីពង្រីកអាជីវកម្ម ដែលមានអត្រាការប្រាក់ទាបសមរម្យ។

អ្នកឧកញ៉ា លាង ម៉េង បានបន្ថែមថា «ជាពិសេសក្នុងនាមខ្ញុំជាអគ្គនាយកធនាគារ ជីប ម៉ុង សូមគាំទ្រដល់អាជីវកម្មខ្មែរទាំងអស់ ធនាគារខ្មែរ គាំទ្រអាជីវកម្មខ្មែរ ជាពិសេសផ្ដល់កម្ចី Loan ដល់បងប្អូនខ្មែរដែលចង់ពង្រីកអាជីវកម្ម ហើយផ្ដល់តម្លៃមួយគឺល្អពិសេស ការប្រាក់ដែលពិសេសបំផុត»។

ម្ចាស់ធនាគារ ជីប ម៉ុង បានបន្តថា កន្លងមក ធនាគាររបស់លោក ក៏បានផ្ដល់កម្ចីដល់ប្រជាកសិករ ហើយក៏បានកំពុងតែបញ្ជូនក្រុមការងារទៅសហការជាមួយរោងម៉ាស៊ីននៅខេត្តបាត់ដំបង ហើយនិងធ្វើជាបន្តបន្ទាប់ទៀត។ លើសពីនេះទៀត ធនាគារ ជីប ម៉ុង ក៏បានសហការជាមួយក្រុមហ៊ុនកែច្នៃគ្រាប់ស្វាយចន្ទី នៅខេត្តព្រះវិហារ ផងដែរ។

អ្នកឧកញ៉ា លាង ម៉េង បានគូសបញ្ជាក់ថា ក្នុងនាមជាធនាគារ ជីប ម៉ុង ដែលជាធនាគារខ្មែរចង់ធ្វើយ៉ាងណាឱ្យអាជីវកម្មខ្មែរខ្លាំង និងរឹងមាំ ដើម្បីជួយជំរុញកំណើនសេដ្ឋកិច្ចទាំងអស់គ្នា ហើយលោកសង្ឃឹមថា ធនាគារ ជីប ម៉ុង នឹងបន្តបម្រើសេវាកម្មជូនអតិថិជនខ្មែររាប់រយឆ្នាំទៅខាងមុខទៀត៕

អត្ថបទ៖ វីរៈ រូបភាព៖ ធនាគារ ជីប ម៉ុង

The post អ្នកឧកញ៉ា លាង ម៉េង៖ ធនាគារ ជីប ម៉ុង គាំទ្រម្ចាស់អាជីវកម្មខ្មែរ តាមរយៈកម្ចីមានអត្រាការប្រាក់សមរម្យ appeared first on Millions times.

ធនាគារ ជីប ម៉ុង សម្រេចលុបបំណុលជូនយោធិនពលី និងពិការ ក្នុងសមរភូមិការពារបូរណភាពទឹកដី

Virak វីរៈ — Tue, 16 Dec 2025 12:29:03 +0000

ធនាគារ ជីប ម៉ុង ដែលបង្កើតឡើងដោយជនជាតិខ្មែរ ១០០ភាគរយនោះ បានសម្រេចលុបបំណុលចោលទាំងស្រុងជូនយោធិនពលី និងពិការ ក្នុងសមរភូមិការពារបូរណភាពទឹកដី បន្ទាប់ពីធនាគារនេះ បានឧបត្ថម្ភជាថវិកា ៣លានដុល្លារ ជួយដល់កងទ័ពជួរមុខ និងជនភៀសសឹក។

តាមដានជាមួយយើង៖ Million Times

តាមរយៈទំព័រហ្វេសប៊ុកផ្លូវការរបស់ធនាគារ ជីប ម៉ុង នៅថ្ងៃទី១៦ ខែធ្នូនេះ បានឱ្យដឹងថា ក្រោមស្មារតីមនុស្សធម៌ សាមគ្គីភាព និងក្រោមគំនិតផ្ដួចផ្ដើមរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា និងសេចក្ដីណែនាំដែលបានចុះថ្ងៃទី១០ ខែធ្នូ ឆ្នាំ២០២៥ របស់ធនាគារជាតិនៃកម្ពុជា ធនាគារ ជីប ម៉ុង បានសម្រេចលុបចោលបំណុលទាំងស្រុង ជូនយោធិនពលីជីវិត និងយោធិនពិការ នៅក្នុងប្រតិបត្តិការ ក្នុងសមរភូមិការពារបូរណភាពទឹកដីកម្ពុជា។

កាលពីពេលថ្មីៗនេះ ជីប ម៉ុង ដែលជាក្រុមហ៊ុនមេ ធនាគារ ជីប ម៉ុង ក៏បានឧបត្ថម្ភជាថវិកា ៣លានដុល្លារអាមេរិក (៣,០០០,០០០) រួមទាំងអង្ករ ៣០០តោន និងទឹកពិសាកម្ពុជា ៣០ ០០០កេស ជួយដល់កងទ័ពជួរមុខកម្ពុជា ដែលឈរជើងនៅបណ្តោយព្រំដែនកម្ពុជា-ថៃ និងជនភៀសសឹក។

ធនាគារ ជីប ម៉ុង ដែលមានអ្នកឧកញ៉ា លាង ម៉េង ជាអគ្គនាយក បានគោរពកោតសរសើរដល់វីរភាពដ៏អង់អាចក្លាហានរបស់វីរកងទ័ពកម្ពុជា និងការលះបង់ដ៏ធំធេងនៅក្នុងកិច្ចការពារជាតិមាតុភូមិសម្រាប់ប្រជាជនខ្មែរជំនាន់ក្រោយ។

ជាមួយគ្នានេះ ធនាគារ ជីប ម៉ុង និងប្រជាជនកម្ពុជាទាំងអស់ សូមចងចាំជានិច្ចនូវគំរូវីរភាពដ៏អង់អាចនេះ និងប្ដេជ្ញាបន្តរួមចំណែកគាំទ្រ កសាង និងការពារជាតិមាតុភូមិឱ្យបានរឹងមាំជានិរន្តរ៍៕

អត្ថបទ៖ វីរៈ រូបភាព៖ ធនាគារ ជីប ម៉ុង

The post ធនាគារ ជីប ម៉ុង សម្រេចលុបបំណុលជូនយោធិនពលី និងពិការ ក្នុងសមរភូមិការពារបូរណភាពទឹកដី appeared first on Millions times.

អ្នកឧកញ៉ា លាង ម៉េង ផ្ដល់ឱកាសការងារដល់និសិ្សតហ្វឹកហាត់នៅធនាគារ ជីប ម៉ុង ព្រមជាមួយប្រាក់ខែសមរម្យ

Vin Chang — Thu, 03 Apr 2025 07:42:34 +0000

ធនាគារ ជីប ម៉ុង ដែលជាធនាគារក្នុងស្រុកធំមួយ បានប្រកាសផ្ដល់ឱកាសដល់សិស្សនិស្សិតដែលកំពុងសិក្សាឆ្នាំទី ៤ ឬទើបបញ្ចប់ការសិក្សាអាចមានឱកាសចូលទៅហ្វឹកហាត់ការងារបាន។

តាមដានជាមួយយើង៖ Million Times

ខាងធនាគារ ជីប ម៉ុង បានប្រកាសថា អ្នកឧកញ៉ា លាង ម៉េង អគ្គនាយកធនាគារ ជីប ម៉ុង កំពុងផ្ដល់ឱកាសការងារដ៏ធំដល់សិស្សនិស្សិតទូទាំង ២៥ ខេត្ត/រាជធានី ដែលជាឱកាសការងារដែលមិនធ្លាប់មានពីមុនមក។ និស្សិតដែលកំពុងសិក្សាឆ្នាំទី ៤ ឬទើបបញ្ចប់ការសិក្សា អាចដាក់ពាក្យចូលវគ្គបណ្ដុះបណ្ដាលរបស់ធនាគារ ជីប ម៉ុង ឥឡូវនេះ។

អ្នកឧកញ៉ា លាង ម៉េង បានបន្តថា មិនត្រឹមតែទទួលបានឱកាសហ្វឹកហាត់ការងារប៉ុណ្ណោះទេ ខាងធនាគារក៏មានប្រាក់ខែ ដើម្បីយកទៅទំនុកបម្រុងខ្លួនឯង និងក្រុមគ្រួសារទៀតផង។ បន្ថែមពីលើន័យខាងលើ ធនាគារ ជីប ម៉ុង ផ្ដល់ទាំងបទពិសោធន៍ជាក់ស្ដែង និងដឹងការរៀនសូត្រពីការងារដទៃច្រើនទៀត។

មិនទាន់អស់អត្ថប្រយោជន៍ដែលខាងធនាគារ ជីប ម៉ុង ផ្ដល់ឲ្យឡើយ នៅមានការបង្កើតវគ្គបណ្ដុះបណ្ដាលផ្ទាល់ ឲ្យស្គាល់ច្បាស់ពីវិស័យធនាគារ និងនាំចុះទៅឲ្យស្គាល់អតិថិជនពិតៗតែម្ដង។

ថ្នាក់ដឹកនាំនៃធនាគារក្នុងស្រុកល្បីឈ្មោះមួយនេះ បានដុះ ខាត់ ផ្ដល់ជំនាញពិតប្រាកដដល់សិស្ស និស្សិត នូវគ្រឹះរឹងមាំក្នុងវិស័យហិរញ្ញវត្ថុ៕

អត្ថបទ៖ មេរ៉ា, រូបភាព៖ Chip Mong Group

The post អ្នកឧកញ៉ា លាង ម៉េង ផ្ដល់ឱកាសការងារដល់និសិ្សតហ្វឹកហាត់នៅធនាគារ ជីប ម៉ុង ព្រមជាមួយប្រាក់ខែសមរម្យ appeared first on Millions times.

ធនាគារ ជីប ម៉ុង បង្កីនដើមទុនចុះបញ្ជីជាបន្ដបន្ទាប់រហូតដល់ ១៣៥លានដុល្លារត្រឹមរយៈពេល ៥ឆ្នាំ

Vin Chang — Wed, 04 Sep 2024 10:32:45 +0000

ត្រឹមរយៈពេល៥ឆ្នាំ នៃប្រតិបត្តិការនៅលើទៅផ្សារកម្ពុជា ធនាគារ ជីប ម៉ុង បានបង្កីនដើមទុនចុះបញ្ជីជាបន្ដបន្ទាប់រហូតដល់ ១៣៥លានដុល្លារអាមេរិក ដែលសបញ្ជាក់យ៉ាងច្បាស់ពីមូលដ្ឋានគ្រឹះដ៏រឹងមាំ និងការប្ដេជ្ញាចិត្ដខ្ពស់ក្នុងការផ្តល់ជូននូវសេវាកម្មធនាគារ ដ៏សម្បូរបែបជូនដល់ប្រជាជនកម្ពុជា។

ធនាគារ ជីប ម៉ុង មានការយល់ច្បាស់អំពីទីផ្សារកម្ពុជា និងតម្រូវការហិរញ្ញវត្ថុផ្សេងៗរបស់អតិថិជន ដោយបានផ្តល់នូវដំណោះស្រាយហិរញ្ញវត្ថុដ៏ឆ្លាតវៃ ជួយជ្រោមជ្រែងក្តីស្រមៃរបស់អាជីវករនៅគ្រប់វិស័យ ពង្រីកអាជីវកម្មបានជោគជ័យ និងគង់វង្សទៅមុខ តាមរយៈសេវាកម្ចីអាជីវកម្មខ្នាតតូច និងមធ្យមរបស់ធនាគារ ជីប ម៉ុង ផ្តល់កម្ចីជូនអាជីវករបានយ៉ាងរហ័ស និងអត្រាការប្រាក់ ០.៧២% ក្នុងមួយខែ និងមានភាពបត់បែន។

តាមដានជាមួយយើង៖ Million Times

ទន្ទឹមគ្នានេះ ចំនួនប្រាក់បញ្ញើសន្សំនៅធនាគារ ជីប ម៉ុង ក៏បន្តមានការកើនឡើងផងដែរ ជាការបង្ហាញយ៉ាងច្បាស់ពីប្រជាប្រិយភាព និងជំនឿទុកចិត្តយ៉ាងខ្លាំងខ្លាពីសំណាក់អតិថិជនគ្រប់ៗរូប ឈានទៅដល់ការឈ្នះពានរង្វាន់ជាធនាគារ ដែលផ្ដល់សេវាកម្មអតិថិជនល្អបំផុតឆ្នាំ២០២៤ ដោយទស្សនាវដ្ដី World Economic និងធនាគារឌីជីថល ដែលមានការរីកចម្រើនលឿនជាងគេបំផុតនៅកម្ពុជា ឆ្នាំ២០២៤ ដោយ Global Brand Award 2024 របស់ទស្សនាវដ្ដី Global Brands។

ដោយសម្រេចបានសមិទ្ធផលជាច្រើន ក្នុងរយៈពេលត្រឹមកន្លះទស្សវត្សន៍ គួបផ្សំនឹងផែនការយុទ្ធសាស្រ្ដ និងចុក្ខវិស័យវែងឆ្ងាយ របស់ភាគទុនិក ធនាគារ ជីប ម៉ុង ជឿជាក់ថានឹងក្លាយខ្លួនជាធនាគារឈានមុខគេក្នុងស្រុក និងមានសមត្ថភាពឈរជើងយ៉ាងរឹងមាំ រាប់រយឆ្នាំតទៅមុខនៅក្នុងទីផ្សារកម្ពុជា។ ធនាគារ ជីប ម៉ុង មានគ្រឹះដ៏រឹងមាំ ដោយដើរតាមគន្លងជោគជ័យរបស់ក្រុមហ៊ុន ជីប ម៉ុង តាំងពីឆ្នាំ១៩៨២៕

The post ធនាគារ ជីប ម៉ុង បង្កីនដើមទុនចុះបញ្ជីជាបន្ដបន្ទាប់រហូតដល់ ១៣៥លានដុល្លារត្រឹមរយៈពេល ៥ឆ្នាំ appeared first on Millions times.