តាមដានជាមួយយើង៖ Million Times

យោងតាមសេចក្ដីប្រកាសព័ត៌មាន របស់ធនាគារជាតិនៃកម្ពុជា ពាក់ព័ន្ធនឹងស្ថានភាពបច្ចុប្បន្នរបស់គ្រឹះស្ថានផ្ដល់សេវាទូទាត់សងប្រាក់ ហួយវ័ន ផេ ម.ក (HUIONE PAY PLC.) នៅថ្ងៃទី៣ ខែធ្នូនេះ បានឱ្យដឹងថា គ្រឹះស្ថានផ្តល់សេវាទូទាត់ សងប្រាក់ ហួយវ័ន ផេ ម.ក (HUIONE PAY PLC.) ត្រូវបានដកហូតអាជ្ញាប័ណ្ណធ្វើប្រតិបត្តិការ យោងតាមលិខិតចុះថ្ងៃទី២៥ ខែកញ្ញា ឆ្នាំ២០២៤ របស់ធនាគារជាតិនៃកម្ពុជា។

ក្នុងនោះដែរ គ្រឹះស្ថាននេះ ក៏បានបំពេញកាតព្វកិច្ចជម្រះបញ្ជីរំលាយគ្រឹះស្ថានតាមនីតិវិធីច្បាប់ចប់ជាស្ថាពរ ដោយក្រុមហ៊ុនសវនកម្ម រីចន៍ & ផាតនើរ (REACHS & PARTNERS Co., Ltd) យោងតាមសេចក្តីសម្រេចចុះថ្ងៃទី១៩ ខែមិថុនា ឆ្នាំ២០២៥ របស់ក្រសួងពាណិជ្ជកម្ម។ ក្នុងន័យនេះ រាល់កាតព្វកិច្ចទូទាត់ជូនម្ចាស់បំណុល (ដែល ក្នុងនោះរួមមានអតិថិជនផងដែរ) របស់គ្រឹះស្ថានផ្តល់សេវាទូទាត់សងប្រាក់ ហួយវ័ន ផេ ម.ក ត្រូវបានបំពេញ ចប់សព្វគ្រប់រួចរាល់ស្របតាមនីតិវិធីច្បាប់។

នៅក្នុងសេចក្ដីប្រកាសព័ត៌មាននេះ ធនាគារជាតិនៃកម្ពុជា ក៏បានសង្កេតឃើញថា មានការចរាចរ ទិញ លក់ ឬទូទាត់ ទ្រព្យសកម្មគ្រីបតូ ដែលផ្ទុយពីខ្លឹមសារនៃប្រកាសចុះថ្ងៃទី២៦ ខែធ្នូ ឆ្នាំ២០២៤ របស់ធនាគារជាតិនៃកម្ពុជា ស្តីពី ប្រតិបត្តិការពាក់ព័ន្ធនឹងទ្រព្យសកម្មគ្រីបតូ” និងសេចក្តីថ្លែងការណ៍រួមរវាង ធនាគារជាតិនៃកម្ពុជា គណៈកម្មការមូលបត្រកម្ពុជា និងអគ្គស្នងការដ្ឋាននគរបាលជាតិ ចុះថ្ងៃទី១១ ខែឧសភា ឆ្នាំ២០១៨។

បើតាមធនាគារជាតិនៃកម្ពុជា សកម្មភាពខាងលើ អាចបង្កជាហានិភ័យដល់ប្រព័ន្ធធនាគារនៅកម្ពុជា ក៏ដូចជាសាធារណជន ផងដែរ។ ធនាគារជាតិនៃកម្ពុជា បានគូសបញ្ជាក់ថា គិតមកទល់ពេលបច្ចុប្បន្ន មិនទាន់មានគ្រឹះស្ថានធនាគារ និងហិរញ្ញវត្ថុណាមួយ ដែលទទួលបានការអនុញ្ញាតពីធនាគារជាតិនៃកម្ពុជាក្នុងការផ្តល់សេវាពាក់ព័ន្ធនឹង ទ្រព្យសកម្មគ្រីបតូនោះ នៅឡើយទេ។

ជាចុងក្រោយ ធនាគារជាតិនៃកម្ពុជា បានក្រើនរំលឹកដល់សាធារណជន ក៏ដូចជាគ្រប់គ្រឹះស្ថានធនាគារនិងហិរញ្ញវត្ថុ សូមមានស្មារតីប្រុងប្រយ័ត្នខ្ពស់ចំពោះការធ្វើប្រតិបត្តិការ ដែលពាក់ព័ន្ធនឹងទ្រព្យសកម្មគ្រីបតូ និងបន្តចូលរួមអនុវត្តស្មារតីខ្លឹមសារបទប្បញ្ញត្តិ និងសេចក្តីថ្លែងការណ៍រួមខាងលើឱ្យបានខ្ជាប់ខ្ជួន៕

អត្ថបទ៖ វីរៈ រូបភាព៖ ធនាគារជាតិនៃកម្ពុជា

The post មិនទាន់មានគ្រឹះស្ថានមានធនាគារ និងហិរញ្ញវត្ថុណាមួយ ទទួលបានការអនុញ្ញាតផ្តល់សេវាគ្រីបតូនៅឡើយទេ appeared first on Millions times.

តាមដានជាមួយយើង៖ Million Times

តាមរយៈសេចក្ដីជូនដំណឹង នៅថ្ងៃទី១៤ ខែវិច្ឆិកានេះ ធនាគារជាតិនៃកម្ពុជា បានឱ្យដឹងថា នាពេលកន្លងមក ជនល្មើសមួយចំនួនបានប្រើប្រាស់ឈ្មោះ និមិត្តសញ្ញា និងរូបភាព ថ្នាក់ដឹកនាំធនាគារជាតិនៃកម្ពុជា ដើម្បីបង្កើតព័ត៌មានក្លែងក្លាយ និងផ្សព្វផ្សាយតាមបណ្តាញសង្គម ក្នុងបំណងទុច្ចរិត និងបោកប្រាស់ទ្រព្យសម្បត្តិរបស់ប្រជាជន។

ទន្ទឹមនេះ ជនល្មើសមួយចំនួនបាន ប្រើល្បិចបោកបញ្ឆោតក្រោមទម្រង់ផ្សេងៗ ដូចជា៖ ការក្លែងបន្លំខ្លួនជាសាច់ញាតិ ដើម្បីស្នើសុំខ្ចីប្រាក់ ឬឱ្យផ្ទេរប្រាក់ ការក្លែងជាបុគ្គលិកគ្រឹះស្ថានធនាគារនិងហិរញ្ញវត្ថុ ឬក្រុមហ៊ុនឯកជន ដើម្បីផ្តល់ព័ត៌មាន ក្លែងក្លាយអំពីរង្វាន់ ឬឱកាសការងារ ហើយតម្រូវឱ្យផ្ញើប្រាក់ជាមុន និងការបញ្ចុះបញ្ចូលទិញគណនី ធនាគារ ឬលេខទូរសព្ទផ្ទាល់ខ្លួនដោយផ្តល់កម្រៃខ្ពស់ ជាដើម។

ដូច្នេះហើយ ដើម្បីចៀសវាងការចាញ់បោក ឬធ្លាក់ទៅក្នុងកលល្បិចរបស់ជនទុច្ចរិត ដែលអាចនាំឱ្យខាតបង់ ទ្រព្យសម្បត្តិផ្ទាល់ខ្លួន និងជាប់ពាក់ព័ន្ធទៅនឹងទង្វើខុសច្បាប់ជាយថាហេតុ ធនាគារជាតិនៃកម្ពុជា បានក្រើនរំឭកដល់សាធារណជនឱ្យបង្កើនការប្រុងប្រយ័ត្នខ្ពស់ ចំពោះការចុចលើតំណភ្ជាប់ គេហទំព័រ ឬផ្លែតហ្វមវិនិយោគ ដែលមិនមានប្រភពច្បាស់លាស់ និងសូមកុំផ្ទេរប្រាក់ ផ្តល់ព័ត៌មានផ្ទាល់ខ្លួន ឬលក់គណនីធនាគារ និងលេខទូរសព្ទឱ្យបុគ្គលដទៃ។

ធនាគារជាតិនៃកម្ពុជា បានបញ្ជាក់ថា ក្នុងករណីមានការបោកបញ្ឆោតខាងលើ សូមរាយការណ៍ភ្លាមៗទៅកាន់អាជ្ញាធរពាក់ព័ន្ធ៕

អត្ថបទ៖ វីរៈ រូបភាព៖ ធនាគារជាតិ

The post ធនាគារជាតិ ក្រើនរំឭកឱ្យបង្កើនការប្រុងប្រយ័ត្ន ចំពោះករណីការឆបាកក្រោមទម្រង់ផ្សេងៗ appeared first on Millions times.

តាមដានជាមួយយើង៖ Million Times

ការបញ្ជាក់នេះ គឺបន្ទាប់ពីមានអតិថិជននៅតាមធនាគារខ្លះមានការបារម្ភ ហើយបានទៅដកប្រាក់របស់ខ្លួនវិញ ជាពិសេសនៅធនាគារ ព្រីនស៍ ម.ក.។ នេះបើយោងតាមសេចក្ដីប្រកាសព័ត៌ មានរបស់ធនាគារជាតិនៃកម្ពុជា ដែលជាអាជ្ញាធរត្រួតពិនិត្យប្រព័ន្ធធនាគារនៅកម្ពុជា នៅល្ងាចថ្ងៃទី ១៨ ខែតុលានេះ។

សេចក្ដីប្រកាសព័ត៌មាននេះ បានឱ្យដឹងថា គ្រឹះស្ថានធនាគារ និងហិរញ្ញវត្ថុទាំងអស់នៅកម្ពុជា ស្ថិតនៅក្រោមវិធានប្រុងប្រយ័ត្នយ៉ាងតឹងរឹង និងមានកម្រិតសន្ទនីយភាព (សាច់ប្រាក់) គ្រប់គ្រាន់ ដើម្បីបំពេញតម្រូវការសាច់ប្រាក់របស់អតិថិជន។

ប្រភពដដែល បានបញ្ជាក់ទៀតថា ចំពោះព័ត៌មានដែលត្រូវបានផ្សព្វផ្សាយ ពាក់ព័ន្ធនឹងធនាគារ ព្រីនស៍ ម.ក. អាជ្ញាធរមានសមត្ថកិច្ចរបស់កម្ពុជា បាននិងកំពុងចាត់វិធានការត្រួតពិនិត្យ និងស្រាវជ្រាវយ៉ាងយកចិត្តទុកដាក់ ដើម្បីធានាថា ធនាគារនេះមានអនុលោមភាពត្រឹមត្រូវតាមច្បាប់កម្ពុជា។

បន្ថែលើនេះ ធនាគារជាតិនៃកម្ពុជា បាននិងកំពុងចាត់វិធានការចាំបាច់នានា ដើម្បីធានាប្រតិបត្តិការជាប្រក្រតីនូវគណនីទាំងឡាយ របស់អតិថិជននៅធនាគារ ព្រីនស៍ ម.ក. និងជាពិសេសដើម្បីធានានូវសុវត្ថិភាពសាច់ប្រាក់របស់អតិថិជនរបស់ធនាគារនេះ៕

អត្ថបទ៖ វីរៈ រូបភាព៖ ធនាគារជាតិនៃកម្ពុជា

The post ធនាគារជាតិនៃកម្ពុជា៖ គ្រឹះស្ថានធនាគារ និងហិរញ្ញវត្ថុទាំងអស់នៅកម្ពុជា មានកម្រិតសាច់ប្រាក់គ្រប់គ្រាន់ appeared first on Millions times.

តាមដានជាមួយយើង៖ Million Times

ថ្មី​ៗ​នេះ​ទេសាភិបាល​ធនាគារ​ជាតិ​កម្ពុជា​ត្រូវ​បាន​អញ្ជើញ​ចូលរួម​ជា​វាគ្មិន​ក្នុង​កម្មវិធី ដែល​ធ្វើ​ឡើង​នៅ​វិទ្យាស្ថាន​បច្ចេកវិទ្យា​កម្ពុជា ក្នុង​នោះ​ក៏​មាន​វាគ្មិន​ជាច្រើន​ទៀត​ដែរ​រួម​មាន លោកស្រី Claudie Haigneré ជា​ស្រ្តី​បារាំង​ទី​១ បាន​ឡើង​ទៅ​អវកាស, រដ្ឋមន្ត្រី​ក្រសួង​កិច្ចការ​នារី វេជ្ជបណ្ឌិត អ៊ឹង កន្ថាផាវី ព្រម​ទាំង​វាគ្មិន​ជនជាតិ​ខ្មែរ ២ រូប​ផ្សេង​ទៀត។

លោក​ជំទាវ​បណ្ឌិត ជា សិរី និង​ស្ត្រី​ដំបូង​បារាំង​ទី១ ដែល​បាន​ឡើង​ទៅ​ទី​លម្ហ បាន​ឡើង​ជា​សន្និសីទ​ក្រោម​​ប្រធានបទ «ស្ត្រី​ដែល​មាន​អំណាច និង​ស្ត្រី​ដែល​ធ្វើ​សកម្មភាព៖តើ​ស្ត្រី​មាន​តួនាទី​អ្វីខ្លះ​នៅ​ក្នុង​ពិភពលោក​មួយ​កំពុង​ផ្លាស់ប្ដូរ» ដោយ​និយាយ​ជា​ភាសា​បារាំង។

Claudie Haigneré វ័យ ៦៨ ឆ្នាំ គឺជា​វេជ្ជបណ្ឌិត​ជនជាតិ​បារាំង អ្នក​នយោបាយ និង​ជា​អតីត​អវកាសយានិក។ លោកស្រី Claudie Haigneré ជា​ស្ត្រី​បារាំង​ដំបូង​គេ​ដែល​បំពេញ​ការងារ​នៅ​ផ្នែក​លម្ហ​អវកាស វិទ្យាសាស្ត្រ និង​នយោបាយ។ នា​ថ្ងៃ​សន្និសីទ​កាល​ពី​ពេល​កន្លង​ទៅ​នោះ លោកស្រី Claudie Haigneré បា​បង្ហាញ​ពី​ប្រវត្តិ​ប្រកប​ដោយ​ការ​បណ្ដុះ​គំនិត ហើយ​ក៏​បាន​ពិភាក្សា​ផ្លាស់ប្ដូរ​យោបល់​ផ្សេង​ៗ ដែល​គួរ​ផ្ដល់​ទៅ​កាន់​មនុស្ស​ជំនាន់​ក្រោយ មាន​ដូចជា ការ​ប្ដេជ្ញា​ចិត្ត​ផ្នែក​សង្គម មនសិការ​ផ្នែក​បរិស្ថាន សម្បត្តិ រួម (ការអប់រំ ការ​ថែរក្សា​ជីវៈ​ចម្រុះ និង​លម្ហ​អវកាស) កិច្ច​សហប្រតិបត្តិការ​វិទ្យាសាស្ត្រ និង​កិច្ច​សន្ទនា​អន្តរ​វប្បធម៌៕

អត្ថបទ៖ ឆដា, រូបភាព៖ Serey Chea

The post ទេសាភិបាលធនាគារជាតិ បណ្ឌិត ជា សិរី ឡើងធ្វើជាវាគ្មិនជាមួយស្រ្តីបារាំងទី១ ដែលបានឡើងទីអវកាស appeared first on Millions times.

លោក សាយ សំអាល់ បានលើកឡើងថា សម្ដេច ហ៊ុន ម៉ាណែត នាយករដ្ឋ​មន្ត្រីតែ​ង​តែ​បាន​លើ​ក​ឡើ​ង​ថា​ «យើង​ទាំង​​អ​ស់​គ្នា​ត្រូវ​រៀ​ប​ចំ​ផ្ទះ​ស​ម្បែ​ង​រ​ប​ស់​យើ​ង​ឱ្យ​បា​ន​រៀបរយ ហើយ​មិ​នមានពេ​ល​វេ​លា​​ណា​ដែ​លអំ​​ណោយ​ផ​ល​ដូ​​ច​ពេ​ល​នេះទេ ​ក្នុ​ង​កា​រ​រៀ​ប​ចំ​ផ្ទះស​ម្បែ​ង​រ​​បស់​យើ​ង​​ឱ្យបានត្រឹមត្រូវ និងមាន​របៀបរៀបរយ»។

តាមដានជាមួយយើង៖ Million Times

លោកក៏បានបង្ហាញនូវការកត់សម្គាល់ថា ជាទូ​ទៅប្រា​ក់​ដុ​ល្លា​រ​ និ​​ង​ប្រា​ក់​រៀ​ល​ អា​ច​ដំណើ​រ​​កា​រ​នៅ​ក្នុ​ង​លំ​ហូ​រសេ​ដ្ឋ​​កិច្ចកម្ពុជានាពេលបច្ចុប្បន្ន ដែលនេះ​គឺ​ជា​រឿ​ងដ៏​ល្អ​មួ​យសម្រាប់​កម្ពុជា​ដែល​បានដើ​រលើ​ផ្លូ​វ​ដ៏​ត្រឹ​ម​ត្រូ​វ​តាំ​​ង​ពីឆ្នាំ១៩៧៩ មក ។ ការសម្រួលអត្រាការប្រាក់នឹងជួយបន្ធូរដល់បំណុលឯកជន ដែលអា​ច​ឈា​នទៅ​​ប​ន្ធូរ​ដល់បំណុល​សាធារណៈផងដែរ។

ជាសំណើដល់ធនា​គារជា​តិ​នៃ​ក​ម្ពុ​ជា​ លោក សាយ សំអាល់ លើកឡើងថា តើធនាគារជាតិនៃកម្ពុជា​អា​ច​មា​ន​កា​រ​ឯ​ក​ភា​ព​ស​ហ​កា​រ​ជា​មួ​យ​ក្រ​សួងរៀបចំដែនដីកម្រិតណា​ក្នុ​ងវិ​ស័​យ​ដី​​ធ្លី​ ដើ​ម្បី​ប្រែក្លា​យ​ដី​ឱ្យ​​ទៅ​ជា​ធ​នា​គារ​ដី ដែលអាចជួយជំរុញកំណើនសេដ្ឋកិច្ចជាតិបានយ៉ាងល្អ។

ជាការឆ្លើយតបលោកស្រី ជា សិរី បានលើកឡើងអំពីស្ថាន​ភាព​វិ​ស័​យ​ធ​​នា​គារ និងទំនាក់ទំនងជាមួយ​វិស័យសំណង់ និងអចលនទ្រព្យនៅកម្ពុជា ក្នុ​ង​នោះ​លោ​ក​ស្រីបា​នផ្តាំ​ផ្ញើដ​​ល់​អ្ន​ក​ដែលទទួលបានបណ្ណកម្មសិទ្ធិដីធ្លីពីរាជរដ្ឋាភិបាលហើយនោះត្រូវថែរក្សាទុកជាកេរមរតក និង​សូម​កុំ​យកទៅលក់ ឬ​ដាក់បញ្ចាំនៅធនាគារភ្លាមៗ ហើយត្រូវប្រើ​ប្រាស់​បណ្ណក​ម្មសិ​ទ្ធិ​នេះ​ប្រ​កប​ដោ​​យ​កា​រ​ទ​ទួ​ល​ខុសត្រូវ។

លោកស្រីបញ្ជាក់ថា ទំនាក់ទំនងរវាងអចលនទ្រព្យ និងធនាគារ គឺមានភាព​ស្អិតរមួត តាម​រ​យៈ​កា​រ​ដា​ក់ទ្រព្យបញ្ចាំដើម្បី​បានប្រាក់កម្ចី ហើយការឡើ​ង ឬចុះ​នៃ​ត​ម្លៃ​អ​ច​ល​ន​ទ្រ​ព្យ​ក៏​មាន​​ផល​ប៉ះ​ពា​​ល់​ដ​​ល់​ធ​នាគារ​ដែរ ។ ជាមួយនេះ លោក​ស្រីក៏​បានឯកភាពក្នុងការធ្វើកិច្ចសហការជាមួយក្រសួងរៀបចំដែនដី នគ​រូ​ប​នីយកម្ម និងសំណង់ ក្នុងកម្រិតសមស្រប​ណាមួយដើម្បីជំរុញឱ្យ​សេដ្ឋកិច្ច​ជាតិ​ដំណើរការល្អផងដែរ។

ក្នុងជំនួបនេះដែរ ថ្នាក់ដឹកនាំស្ថាប័នទាំងពីរបានពិភាក្សាអំពីស្ថានភាពវិស័យធនាគារ និងទំនាក់ទំនងជាមួយវិស័យសំណង់ និងអចលនទ្រព្យ និងការប្រើប្រាស់បច្ចេកវិទ្យាប្លុកឆេនតាមរយៈប្រព័ន្ធបាគង ដើម្បីសម្រួលដល់ការផ្ទេរបណ្ណកម្មសិទ្ធិ ក៏ដូចជាការដាក់បន្ទុក និងការដោះបន្ទុកអចលនទ្រព្យក្នុងវិស័យធនាគារ ក្នុងគោលបំណងសម្រួលដល់ការគ្រប់គ្រង និងការប្រើប្រាស់បណ្ណអចលនទ្រព្យឱ្យមានប្រសិទ្ធភាព និងតម្លាភាព ស្របតាមគោលនយោបាយរបស់រាជរដ្ឋាភិបាលក្នុងការអភិវឌ្ឍសេដ្ឋកិច្ចនិងសង្គមឌីជីថល។ 

ដើម្បីពង្រឹងកិច្ចសហការនេះ ភាគីទាំងពីរក៏បានឯកភាពក្នុងការរៀបចំក្រុមការងារសម្រាប់សិក្សាលើការធ្វើសន្ធានកម្មប្រព័ន្ធបាគងជាមួយប្រព័ន្ធគ្រប់គ្រងទិន្នន័យរបស់ក្រសួងរៀបចំដែនដី នគរូបនីយកម្ម និងសំណង់ និងសិក្សាបន្ថែមលើក្របខ័ណ្ឌច្បាប់និងបទប្បញ្ញត្តិពាក់ព័ន្ធនានា៕

អត្ថបទ៖ ពិសិដ្ឋ រូបភាព៖ Page NBC

The post ធនាគារជាតិ និងក្រសួងរៀបចំដែនដី ឯ​ក​ភា​ព​ប្រែក្លា​យ​ដី​ឱ្យ​​ទៅ​ជា​ធ​នា​គារ​ដី ជួយជំរុញកំណើនសេដ្ឋកិច្ចជាតិ appeared first on Millions times.

តាមដានជាមួយយើង៖ Million Times

ការ​ចុះ​អនុស្សរណៈ​យោគយល់​ទ្វេ​ភាគី​នេះ ធ្វើ​ឡើង​ដោយ​លោកស្រី​បណ្ឌិត ជា សិរី ទេសាភិបាល​ធនាគារ​ជាតិ​នៃ​កម្ពុជា និង​លោក Hon. Aivo H. Andrianarivelo ទេសាភិបាល​ធនាគារ​កណ្ដាល​ម៉ាដាហ្គាស្កា។ MOU រវាង​ធនាគារ​ជាតិ​កម្ពុជា និង​ធនាគារ​កណ្ដាល​នៃ​ប្រទេស​ម៉ាដាហ្គាស្កា ធ្វើ​ឡើង​ដើម្បី​បង្កើត​ក្របខ័ណ្ឌ​កិច្ច​សហប្រតិបត្តិការ រវាង​ធនាគារ​កណ្ដាល​នៃ​ប្រទេស​ទាំង ២ ដោយ​ផ្ដោត​លើ​គម្រោង​សិក្សាស្រាវជ្រាវ គម្រោង​តភ្ជាប់ និង​នវានុវត្តន៍​ហិរញ្ញវត្ថុ ជាពិសេស​ប្រព័ន្ធ​ទូទាត់​បាគង។

ទេសាភិបាល​ធនាគារ​កណ្ដាល​ម៉ាដាហ្គាស្កា បាន​សរសើរ និង​វាយ​តម្លៃ​ខ្ពស់ ចំពោះ​ការ​អភិវឌ្ឍ​សេដ្ឋកិច្ច និង​ប្រព័ន្ធ​ធនាគារ​កម្ពុជា ជាពិសេស​ប្រព័ន្ធ​ទូទាត់​បាគង ព្រម​ទាំង​ការ​គរ​ពូន​ទុន​បម្រុង​អន្តរជាតិ។ លោក Hon. Aivo H. Andrianarivelo ក៏​បាន​បង្ហាញ​សុទិដ្ឋិនិយម ចំពោះ​កិច្ច​សហ​ប្រតិបត្តិការ​ជាមួយ​ធនាគារ​ជាតិ​នៃ​កម្ពុជា ដែល​នឹង​ផ្ដល់​អត្ថប្រយោជន៍​ទៅវិញទៅមក ទាំង​ផ្នែក​សេដ្ឋកិច្ច និង​ផ្នែក​សង្គម។

ទេសាភិបាល​ធនាគារ​ជាតិ​នៃ​កម្ពុជា ក៏​បាន​ផ្ដល់​បដិ​សណ្ឋារកិច្ច និង​បង្ហាញ​ការ​ស្វាគមន៍​យ៉ាង​កក់ក្ដៅ​ដល់​គណៈ​ប្រតិភូ​ធនាគារ​កណ្ដាល​ម៉ាដាហ្គាស្កា ដែល​ចាប់​អារម្មណ៍​សិក្សា​ស្វែង​យល់​ពី​ប្រព័ន្ធ​ប្រតិបត្តិការ​ធនាគារ​កណ្ដាល​របស់​ធនាគារ​ជាតិ​នៃ​កម្ពុជា ជាពិសេស​ប្រព័ន្ធ​ទូទាត់​បាគង។ លោក​ស្រី​បណ្ឌិត ជា សិរី ក៏​បាន​បង្ហាញ​ការ​តាំង​ចិត្ត​ថា​នឹង​បង្កើន​កិច្ច​សហប្រតិបត្តិ​ទ្វេ​ភាគី​កាន់តែ​ប្រសើរ​ថែម​ទៀត។

លើស​ពី​នេះ បណ្ឌិត ជា សិរី ក៏​បាន​ប្រាប់​ដល់​សម​ភាគី​ម៉ាដាហ្គាស្កា​ផង​ដែរ​អំពី​វឌ្ឍនភាព​ការងារ​របស់​ធនាគារ​ជាតិ​នៃ​កម្ពុជា ដែល​មាន​ប្រទេស​ជាច្រើន​បាន​មក​សិក្សា​ស្វែង​យល់​ពី​បទ​ពិសោធន៍​លើ​ការ​អភិវឌ្ឍ​ប្រព័ន្ធ​បាគង និង​ការ​តភ្ជាប់​ប្រព័ន្ធ​ទូទាត់​ជាមួយ​ប្រទេស​នានា​ជាច្រើន ហើយ​រំពឹង​ថា​នឹង​អាច​តភ្ជាប់​ប្រព័ន្ធ​ទូទាត់​ឆ្លង​ដែន​ជាមួយ ម៉ាដាហ្គាស្កា នា​ពេល​ខាង​មុខ៕

អត្ថបទ៖ មេរ៉ា, រូបភាព៖ ធនាគារជាតិនៃកម្ពុជា

The post ធនាគារកណ្តាលម៉ាដាហ្គាស្កា សរសើរប្រព័ន្ធទូទាត់បាគងរបស់ធនាគារជាតិកម្ពុជា appeared first on Millions times.

នៅថ្ងៃពុធ ទី២២ ខែមករា ឆ្នាំ២០២៥ ធនាគារជាតិនៃកម្ពុជា ដាក់ឱ្យដំណើរការកម្មវិធីទូទាត់បាគងទេសចរ (Bakong Tourists App) ជាមួយក្រុមហ៊ុនបណ្ដាញប័ណ្ណទូទាត់អន្តរជាតិវីសា Visa ដើម្បីឲ្យទេសចរអន្តរជាតិដែលធ្វើដំណើរកម្សាន្តនៅកម្ពុជាអាចធ្វើប្រតិបត្តិការទូទាត់បែបឌីជីថលបានយ៉ាងងាយស្រួល ដោយគ្រាន់តែទាញយកកម្មវិធីទូទាត់បាគងទេសចរដាក់ក្នុងទូរសព្ទដៃ ដើម្បីចុះឈ្មោះប្រើប្រាស់ហើយភ្ជាប់ជាមួយប័ណ្ណទូទាត់វីសា ដែលមានស្រាប់ពីប្រទេសដើមរបស់ខ្លួន។ បន្ទាប់ពីតភ្ជាប់រួចរាល់ អ្នកប្រើប្រាស់អាចផ្ទេរប្រាក់ចូលក្នុងគណនីបាគង ហើយធ្វើប្រតិបត្តិការទូទាត់តាមខេអេចឃ្យូអរកូត ជាមួយអាជីវករប្រមាណ ៤,៥ លានកន្លែងនៅក្នុងប្រទេសកម្ពុជា។

តាមដានជាមួយយើង៖ Million Times

លោកស្រី ជា សិរី ទេសាភិបាលធនាគារជាតិនៃកម្ពុជា បានថ្លែងថា កម្មវិធីទូទាត់បាគងទេសចរ ត្រូវបានបង្កើតឡើងដោយធនាគារជាតិនៃកម្ពុជា ដែលបានដាក់ឲ្យដំណើការជាផ្លូវការការអំឡុងខែសីហា ឆ្នាំ២០២៤កន្លងទៅ។ កម្មវិធីទូទាត់បាគងទេសចរ មានគោលបំណងសម្រួល និងបន្ថែមភាពងាយស្រួលដល់ការទូទាត់តាមឌីជីថលសម្រាប់ភ្ញៀវទេសចរអន្តរជាតិ និងអាជីវកម្មក្នុងស្រុក។

លោកស្រីបញ្ជាក់ថា ការដាក់ឱ្យដំណើរការកម្មវិធីទូទាត់បាគងទេសចរ នឹងផ្ដល់ជូនភ្ញៀវទេសចរអន្តរជាតិនូវសុវត្ថិភាព បទពិសោធន៍ថ្មី ក្នុងការមកលេងកម្សាន្ដនៅប្រទេសកម្ពុជា។ ជាមួយគ្នានេះ លោកស្រីបានលើកទឹកចិត្តដល់ធនាគារ គ្រឹះស្ថានហិរញ្ញវត្ថុ និងអាជីវកម្មទាំងអស់ ឱ្យគាំទ្រនិងផ្សព្វផ្សាយកម្មវិធីទូទាត់បាគងទេសចរឲ្យបានសកម្មបន្ថែមទៀត ដើម្បីទទួលបានអត្ថប្រយោជន៍ សម្រាប់ភ្ញៀវទេសចរអន្ដរជាតិ និងជំរុញកំណើនសេដ្ឋកិច្ចជាតិ។

លោក ឌិត សុចល នាយកប្រតិបត្តិធនាគារ FTB លើកឡើងថា កម្មវិធីទូទាត់បាគងទេសចរ គឺជាជម្រើសថ្មីមួយដែលត្រូវបានបង្កើតឡើង ដើម្បីសម្រួលដល់ការប្រតិបត្តិការហិរញ្ញវត្ថុដោយមិនចាំបាច់ប្រើប្រាស់ក្រដាស់ប្រាក់ ជាពិសេសក្រដាសប្រាក់ចាស់ ទក់ រហែក និងដើម្បីលើកតម្កើងការប្រើប្រាស់រូបិយវត្ថុជាតិយើង គឺក្រដាសប្រាក់រៀលក្នុងគោលបំណងជំរុញសេដ្ឋកិច្ចជាតិឲ្យកាន់តែល្អប្រសើរ៕

អត្ថបទ៖ សាងតេជៈ រូបភាព៖ NBC

The post ធនាគារជាតិចាប់ដៃ Visa ដំណើរការ Bakong Tourists App សម្រាប់ភ្ញៀវទេសចរមកលេងស្រុកខ្មែរចាយជាមួយអាជីវករ ៤,៥លានកន្លែង appeared first on Millions times.

ក្នុងសន្និសីទថ្នាក់ទេសាភិបាលធនាគារកណ្តាលនៃបណ្តាប្រទេសជាសមាជិកមជ្ឈមណ្ឌលស៊ាសិន លើកទី៦០ នាថ្ងៃទី៦ ខែធ្នូ ឆ្នាំ២០២៤ នៅទីក្រុងសេអ៊ូល ប្រទេសកូរ៉េ ដែលផ្តោតលើប្រធានបទសំខាន់ៗដែលកើតឡើងជុំវិញពិភពលោក។ សម្រាប់ឆ្នាំ២០២៤នេះ អង្គសន្និសីទបានពិភាក្សាអំពីជោគវាសនានៃសេដ្ឋកិច្ច និងទីផ្សារហិរញ្ញវត្ថុពិភពលោកក្នុងឆ្នាំ២០២៥ខាងមុខ ក៏ដូចជាផលប៉ះពាល់នៃការបែងចែកសេដ្ឋកិច្ចនៃប្រទេសក្នុងតំបន់អាស៊ីទៅជាតំបន់សេដ្ឋកិច្ចតាមសក្តានុពលផ្សេងៗគ្នា។

តាមដានជាមួយយើង៖ Million Times

នៅចំពោះមុខវាគ្មិន និងគណៈប្រតិភូមកពីធនាគារកណ្តាលនៃបណ្តាប្រទេសជាសមាជិកចំនួន ១៨ ផ្សេងទៀត លោកស្រី ជា សិរី ទេសាភិបាលធនាគារជាតិនៃកម្ពុជា បានលើកឡើងពីសម្ពាធលើឯករាជ្យភាពរបស់ធនាគារកណ្តាល ក្នុងការអនុវត្តនិងដឹកនាំនយោបាយរូបិយវត្ថុ ជាពិសេសធនាគារកណ្តាលនៃប្រទេសកំពុងអភិវឌ្ឍន៍ ហើយសម្ពាធនេះបានកើតឡើងមកពីមុខព្រួញចំនួនពីរ។

បើតាមការលើកឡើងរបស់លោកស្រី មុខព្រួញទី១ គឺការទប់ស្កាត់ការកើនឡើងនៃអតិផរណាដ៏ខ្ពស់ ដែលកើតឡើងដោយសារកត្តាអាក់ខានក្នុងការផ្គត់ផ្គង់ក្នុងបរិការណ៍នៃសង្រ្គាមនិងជម្លោះភូមិសាស្រ្តនយោបាយ។ ក្នុងមុខព្រួញនេះ ធនាគារកណ្តាលភាគច្រើនត្រូវបង្ខំចិត្តដំឡើងអត្រាការប្រាក់ ដើម្បីកាត់បន្ថយសម្ពាធអតិផរណា។ ជាផលវិបាក វិធានការនេះបានដាក់សម្ពាធបន្ថែមលើកំណើនសេដ្ឋកិច្ចកំពុងមានល្បឿនយឺតស្រាប់។

មុខព្រួញទី២ ធនាគារកណ្តាលក្នុងប្រទេសកំពុងលូតលាស់និងកំពុងអភិវឌ្ឍន៍ ត្រូវបង្ខំចិត្តកែសម្រួលនយោបាយរូបិយវត្ថុ ជាពិសេស អត្រាការប្រាក់គោល ឱ្យស្របតាមជំហរនយោបាយរូបិយវត្ថុរបស់ប្រទេសដែលមានសេដ្ឋកិច្ចជឿនលឿន ដូចជា សហរដ្ឋអាមេរិក ដើម្បីរក្សាស្ថិរភាពអត្រាប្តូរប្រាក់ បើទោះបីជាអតិផរណានៅប្រទេសទាំងនោះស្ថិតនៅកម្រិតទាបក្តី។ វិធានការសម្រួលនយោបាយរូបិយវត្ថុនេះនឹងដាក់សម្ពាធលើកិច្ចខំប្រឹងប្រែងដើម្បីជំរុញកំណើន។

ទន្ទឹមនេះ លោកស្រីក៏បានលើកឡើងពីអនុសាសន៍ជាគោលនយោបាយ សម្រាប់ជំរុញកំណើនក្នុងស្ថានភាពមិនច្បាស់លាស់នៃសេដ្ឋកិច្ចពិភពលោកនាពេលបច្ចុប្បន្ន តាមរយៈការលើកកម្ពស់ផលិតភាព ជាពិសេស ការចាប់យកបច្ចេកវិទ្យានិងនវានុវត្តន៍ ដូចជា បញ្ញាសិប្បនិម្មិត្ត (AI) និងការប្រែក្លាយទៅជាសេដ្ឋកិច្ចបៃតងជាដើម៕

អត្ថបទ៖ សាងតេជៈ រូបភាព៖ ធនាគារជាតិ

The post លោកស្រី ជា សិរី៖ ឆ្នាំ២០២៥ ធនាគារកណ្តាលនៃប្រទេសកំពុងអភិវឌ្ឍន៍មានសម្ពាធកើតឡើងមកពីមុខព្រួញចំនួនពីរ appeared first on Millions times.

តាមដានជាមួយយើង៖ Million Times

ក្នុង​បទ​បង្ហាញ​មួយ​លោកស្រី ម៉ក់ រស្ម៊ី អគ្គនាយករង​បទប្បញ្ញត្តិ និង​បរិយា​បន្ន​ហិរញ្ញវត្ថុ និង​ជា​ប្រធាន​នាយកដ្ឋាន​បទប្បញ្ញត្តិ ធនាគារ​ជាតិ​នៃ​កម្ពុជា បាន​ឲ្យ​ដឹង​ថា គិត​ត្រឹម​ដំណាច់​ខែ​វិច្ឆិកា ឆ្នាំ ២០២៤ អ្នក​ជាប់​កម្ចី​ប្រមាណ​ជាង ៥៣ ០០០ នាក់ ស្មើ​នឹង​ជាង ៥៧ ០០០ គណនី ​​​ត្រូវ​បាន​រៀបចំ​ឥណទាន​ឡើង​វិញ។

អគ្គនាយករង​បទប្បញ្ញត្តិ និង​បរិយា​បន្ន​ហិរញ្ញវត្ថុ​រូប​នេះ បាន​ពន្យល់​ថា តាម​រយៈ​ទិន្នន័យ​ខាង​លើ​​បង្ហាញ​ថា ​ការ​រៀបចំ​ឥណទាន​ឡើងវិញ​ក្នុង​ដំណាក់​កាល​នេះ នៅ​មាន​កម្រិតទាប​នៅ​ឡើយ បើ​ធៀប នឹង​វិធាន​ដែល​ធនាគារ​ជាតិ បាន​ដាក់​កាល​ពី​អំឡុង​រីក​រាលដាល​ជំងឺ​កូវីដ-១៩ មានជាង១០%។

ការរៀបចំឥណទានឡើងវិញ​ជូន​អតិថិជន នៅ​មាន​កម្រិត​ទាប​នៅ​ឡើយ ដោយសារ​ការ​អនុវត្ត​នៅ​មាន​រយៈពេល​ខ្លី ដែល​ទើប​តែ​បាន ៣ ខែ​ខណៈ​អ្នក​ជាប់​កម្ចី​មួយ​ចំនួន​ទៀត គ្មាន​លទ្ធភាព​បង់ មិន​ចង់​ទៅ​ស្នើ​សុំ​រៀប​ចំ​ឥណទាន​ឡើងវិញ ដោយសារ​ខ្លាច​ជាប់​ឈ្មោះ​នៅ​ក្នុង CBC។

លោកស្រី​ក៏​បាន​វាយ​តម្លៃ​ថា ស្ថានភាព​វិស័យ​ធនាគារ​នៅ​កម្ពុជា នៅតែមានភាពរឹងមាំ បើទោះបី​ជា​មាន​កំណើន​នៃ​ការ​ស្នើ​សុំ​រៀបចំ​ឥណទាន​ឡើងវិញ ការ​ថយ​ចុះ​នៃ​ការ​ផ្ដល់​ឥណទាន និង​ការ​កើន​ឡើង​នៃ​ឥណទាន​មិន​ដំណើរ​ការ​ក៏​ដោយ ​ព្រោះ​ធនាគារ​នៅ​តែ​រស់​នៅ​បាន តាម​រយៈ​ការ​ទទួល​បាន​ប្រាក់​ចំណេញ។

សូមជម្រាបផងដែរ ធនាគារជាតិនៃកម្ពុជា ​កាលថ្ងៃទី៣០ ខែសីហា ឆ្នាំ២០២៤ កន្លង​ទៅ បាន​ចេញ​សារាចរ​ណែនាំ ឲ្យ​បណ្ដា​គ្រឹះស្ថាន​ធនាគារ និង​មីក្រូហិរញ្ញវត្ថុ​រៀបចំ​ឥណទាន​ឡើង​វិញ ដល់​អតិថិជន ក្នុង​គោល​បំណង​ជួយ​សម្រាល​បន្ទុក​ចំណាយ ប្រចាំ​គ្រា​របស់​អតិថិជន ក្នុងការ​បំពេញ​កាតព្វកិច្ច​សង​ត្រឡប់ឥណទាន និងជំរុញកំណើនសេដ្ឋកិច្ច តាមរយៈការបង្កើនលំហូរសាច់ប្រាក់។ ចំណែកការអនុវត្តកិច្ចការងារនេះ នឹងចាប់ពីត្រីមាសទី៤ ឆ្នាំ២០២៤តទៅ​ រហូត​ដល់​ដំណាច់​ឆ្នាំ ២០២៥៕

អត្ថបទ៖ មេរ៉ា, រូបភាព៖ AMS និង Center for Banking Studies

The post មន្រ្តីធនាគារជាតិ៖ ត្រឹមបំណាច់ខែវិច្ឆិកា២០២៤ ការរៀបចំឥណទានឡើងវិញ មានទំហំទឹកប្រាក់ជាង ៨៥០ លានដុល្លារ appeared first on Millions times.

តាមដានជាមួយយើង៖ Million Times

គណៈ​គ្រប់គ្រងនៃ​សាកលវិទ្យាល័យ​បាន​ផ្ដល់​ពាន​រង្វាន់​នេះ​ជូន​និស្សិត​អន្តរជាតិ​ឆ្នើម​ដែល​បាន​បញ្ចប់​ការ​សិក្សា​ដោយ​ជោគជ័យ និង​សម្រេច​សមិទ្ធផល​លេចធ្លោ​ក្នុង​ការ​ប្រើប្រាស់​ចំណេះ​ជំនាញ​ពី​ការ​សិក្សា ដើម្បី​អភិវឌ្ឍ​សង្គម​ជាតិ ព្រម​ទាំង​បាន​បង្ហាញ​គំរូ​វីរភាព​ល្អ​សម្រាប់​បំផុស​គំនិត​វិជ្ជមាន ដល់​យុវជន​ជំនាន់​ក្រោយ។

ក្នុង​ឱកាស​ទទួល​ពាន​រង្វាន់​នេះ លោកជំទាវបណ្ឌិតបាន​ថ្លែង​អំណរគុណ​ដល់​ថ្នាក់​ដឹកនាំ ក៏​ដូចជា​គណៈ​គ្រប់គ្រង​សាកលវិទ្យាល័យ Adelaide ដែល​បាន​ទទួលស្គាល់​សមិទ្ធផល​ការងារ​លោកស្រី ព្រម​ទាំង​ថ្លែង​អំណរគុណ​ដល់​សាស្ត្រាចារ្យ​ណែនាំ ​បាន​ចូលរួម​ផ្ដល់​មូលដ្ឋានគ្រឹះ​ដ៏​រឹងមាំ​សម្រាប់​ឲ្យ​ទេសាភិបាល​ធនាគារ​ជាតិ​កម្ពុជា អាច​ទទួល​បាន​ជោគជ័យ​ក្នុង​ការ​សិក្សា និង​ការ​រីកចម្រើន​ក្នុង​អាជីព​វិជ្ជាជីវៈ។

លោកជំទាវ​បណ្ឌិត ជា សិរី បាន​សម្រេច​ស្នាដៃ​ការងារ​លេចធ្លោ​ជាច្រើន ហើយ​តែង​បាន​ទទួល​ការ​អញ្ជើញ​ធ្វើ​ជា​វាគ្មិន​ចែករំលែក​ចំណេះ​ដឹង និង​បទពិសោធន៍​លើ​ឆាក​អន្តរជាតិ​ជាច្រើន។ បន្ថែម​លើ​នេះ លោកស្រី​តែង​ខិតខំ​យ៉ាង​សកម្ម​ក្នុង​ការ​បង្កើន​ភាព​អង់អាច​ផ្នែក​សេដ្ឋកិច្ច សម្រាប់​ស្ត្រី ដើម្បី​ជំរុញ​ការ​ផ្លាស់ប្ដូរ​ជា​វិជ្ជមាន​នៅ​ក្នុង​ប្រទេស​កម្ពុជា និង​ជុំវិញ​ពិភពលោក។

ទេសាភិបាល​ធនាគារ​ជាតិ​នៃ​កម្ពុជារូប​នេះ ​បាន​បញ្ចប់​ការ​សិក្សា និង​ទទួល​បាន​សញ្ញាប័ត្រ​ថ្នាក់​បណ្ឌិត​ទស្សនវិជ្ជា​ផ្នែក​វិទ្យាសាស្ត្រ​សេដ្ឋកិច្ច (Doctor of Philosophy in Economics) ពី​សាកលវិទ្យាល័យ Adelaide ក្នុង​ឆ្នាំ ២០២១ ដោយ​ផ្ដោត​លើ​ការ​សិក្សា​ស្រាវជ្រាវ​ពី​ឥទ្ធិពល​នៃ​បរិយាបន្ន​ហិរញ្ញវត្ថុ និង​សេរី​ភាវូនីយកម្ម​លើ​ដំណើរ​អភិវឌ្ឍន៍​សេដ្ឋកិច្ច​អាស៊ាន៕

អត្ថបទ៖ មេរ៉ា, រូបភាព៖ National Bank of Cambodia

The post លោកស្រី ជា សិរី ទទួលពានរង្វាន់ពីសាកលវិទ្យាល័យអូស្រ្តាលី បញ្ជាក់ពីសមិទ្ធផល​លេចធ្លោ​ក្នុង​ការ​ប្រើប្រាស់​ចំណេះ​ជំនាញ​ពី​ការ​សិក្សា appeared first on Millions times.