ថ្លែងក្នុងទិវាទេសចរណ៍ពិភពលោកលើកទី ៤៥ ឆ្នាំ ២០២៥ ក្រោមប្រធានបទ “ទេសចរណ៍ និងបរិវត្តកម្មប្រកបដោយចីរភាព” កាលថ្ងៃទី ១០ ខែតុលា ឆ្នាំ ២០២៥ ដែលធ្វើឡើង​នៅបរិវេណឆ្នេរព្រែកំពង់បាយ លោក សយ ស៊ីណុល ប្រធានមន្ទីរទេសចរណ៍ខេត្តកំពត បានឱ្យដឹងថា ការប្រារព្ធទិវាទេសចរណ៍ពិភពលោកលើកទី ៤៥ ឆ្នាំ ២០២៥ ក្រោមប្រធានបទ “ទេសចរណ៍ និងបរិវត្តកម្មប្រកបដោយចីរភាព” នាពេលនេះ ក្នុងគោលបំណងដើម្បីផ្សព្វផ្សាយអំពីសក្ដានុពលទេសចរណ៍ខេត្តកំពត ដល់ភ្ញៀវជាតិ អន្តរជាតិដោយផ្ទាល់ និងតាមគ្រប់មធ្យោបាយប្រពន្ធផ្សព្វផ្សាយសង្គម។

លោកប្រធានមន្ទីរបានបន្តថា ខេត្តកំពតក្រោមការដឹកនាំរបស់ឯកឧត្តម ម៉ៅ ធនិន ជាអភិបាលខេត្ត សមិទ្ធិផលទេសចរណ៍ឯកថ្មីៗ ដែលទាក់ទាញបំផុតបានលេចចេញជារូបរាងជាបន្តបន្ទាប់ ហើយបានធ្វើឱ្យកំណើនភ្ញៀវទេសចរមានការកើនឡើងជាលំដាប់។

លោកបានបញ្ជាក់ថា រយៈពេល ៩ ខែ ឆ្នាំ ២០២៥ នេះ ខេត្តទទួលបានភ្ញៀវទេសចរសរុបចំនួន ១,៩ លាននាក់ មានការកើនឡើង ០,៥២% បើប្រៀបធៀបនឹង ៩ ខែ ឆ្នាំ ២០២៤ ក្នុងនោះភ្ញៀវទេសចរជាតិ មានចំនួន ១,៨ លាននាក់ និងភ្ញៀវទេសចរអន្តរជាតិមានចំនួន ១០៣,៤៣៣ នាក់ មានការកើនឡើង ២៥,០១% បើប្រៀបធៀបនឹង ៩ ខែ ឆ្នាំ ២០២៤។

សូមបញ្ជាក់ថា ខេត្តកំពតមានរមណីយដ្ឋាន សហគមន៍ និងគោលដៅទាក់ទាញទេសចរណ៍សរុបចំនួន ៤២ កន្លែង ដែលកំពុងដំណើរការផ្តល់សេវាកម្ម ព្រមទាំងសេវាកម្មស្នាក់នៅគ្រប់កម្រិតមានចំនួន ៣៤២កន្លែង ស្មើនឹង ៥,១០៣ បន្ទប់។

តាមដានជាមួយយើង៖ Million Times

នាឱកាសនោះដែរ អភិបាលខេត្តកំពត បានថ្លែងកោតសរសើរ និងវាយតម្លៃខ្ពស់ចំពោះការចូលរួមពីសំណាក់ប្រជាពលរដ្ឋ សេវាករ ប្រតិបត្តិករទេសចរណ៍ទាំងអស់ក្នុងខេត្ត ដែបានចូលរួមសហការជាមួយរដ្ឋបាលខេត្ត មន្ទីរជំនាញ ក្នុងការរក្សាបាននូវស្ថេរភាពតម្លៃ គុណភាព និងសេវាកម្មស្នាក់នៅ ដែលកត្តាទាំងនេះបានធ្វើឱ្យកំណើនភ្ញៀវទេសចរមានការកើនឡើងជាលំដាប់ពីមួយឆ្នាំទៅមួយឆ្នាំ។

ឯកឧត្តម ម៉ៅ ធនិន បានលើកឡើងថា ក្នុងអាណត្តិទី៧ ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា វិស័យទេសចរណ៍ត្រូវបានរាជរដ្ឋាភិបាលគិតគូរ និងយកចិត្តទុកដាក់ ហើយបានជំរុញឱ្យមានការអភិវឌ្ឍជាបន្តបន្ទាប់ក្នុងន័យដើម្បីរួមចំណែកក្នុងការលើកកម្ពស់ជីវភាពរស់នៅរបស់ប្រជាពលរដ្ឋ។

ឯកឧត្តមបានថ្លែងដូច្នេះថា ជាក់ស្តែងសមិទ្ធិផល ដែលយើងទទួលបានពីវិស័យទេសចរណ៍ក្នុងខេត្ត គឺផ្តើមចេញពីការចូលរួមរបស់បងប្អូនប្រជាពលរដ្ឋទូទាំងខេត្ត ពិសេសវិស័យឯកជនដែលមានដូជា ម្ចាស់សណ្ឋាគារ បឹងហ្គាឡូ ម្ចាស់ភោជនីយដ្ឋាន អាហារដ្ឋាន និងអ្នកផ្តល់សេវាកម្មផ្នែកទេសចរណ៍ទាំងអស់នៅទូទាំងខេត្ត ដែលបានរួមសហការជាមួយរដ្ឋបាលខេត្ត និងមន្ទីរជំនាញ ក្នុងការអនុវត្តនូវគោលការណ៍រួមពាក់ព័ន្ធនឹងការមិនតម្លើងថ្លៃសេវាកម្មទោះស្ថិតក្នុងកាលៈទេសណាក៏ដោយ។

ឯកឧត្តមអភិបាលខេត្តបានបន្តថា ដោយសារការួមគ្នាអនុវត្តន៍នូវគោលការណ៍រួមនេះហើយ ទើបធ្វើឱ្យខេត្តមានកំណើនភ្ញៀវទេសចរកើនឡើងពីមួយឆ្នាំទៅមួយឆ្នាំ ហើយបានជួយលើកកម្ពស់ជីវភាពរស់នៅរបស់ប្រជាពលរដ្ឋ ក៏ដូចជាប្រតិបត្តិករទេសចរណ៍ទាំងអស់ មិនតែប៉ុណ្ណោះបានធ្វើឱ្យខេត្តមានឈ្មោះល្បាញល្បីលើវិស័យទេសចរណ៍នេះ។

ឯកឧត្តមអភិបាលខេត្តក៏បានស្នើដល់សេវករ និងអ្នកផ្តល់សេវាផ្នែកទេសចរណ៍ក្នុងខេត្តទាំងអស់ សូមបន្តរក្សាឱ្យបាននូវភាពថ្លៃថ្នូរ ភាពជាម្ចាស់ និងធ្វើការងារបដិសណ្ឋារកិច្ចឱ្យបានល្អបន្តទៀត ដើម្បីផ្តល់ភាពកក់ក្តៅដល់ភ្ញៀវទេសរជាតិ អន្តរជាតិដែលមកលេងកម្សាន្តក្នុងខេត្ត ព្រមទាំងរួមគ្នាធ្វើឱ្យខេត្តកំពតមានភាពទាក់ទាញ និងទទួលបានប្រជាប្រិយភាពជាខេត្តទេសចរណ៍មានបដិសណ្ឋារកិច្ចល្អ៕

អត្ថបទ៖ ប៊ី

The post រយៈពេល ៩ ខែ ខេត្តកំពតទាក់ទាញភ្ញៀវទេសចរជាតិ និងអន្តរជាតិបានជិត ២ លាននាក់ appeared first on Millions times.

តាមដានជាមួយយើង៖ Million Times

ពិធីចុះ MoU ធ្វើឡើងនាព្រឹកថ្ងៃទី២២ ខែកក្កដា ឆ្នាំ២០២៥ រវាងលោក ហួត ហាក់ រដ្ឋមន្រ្តីក្រសួងទេសចរណ៍នៃកម្ពុជា និងលោក Elnur Mammadov អនុរដ្ឋមន្រ្តីការបរទេសនៃសាធារណរដ្ឋអាស៊ែបៃហ្សង់។ 

អាស៊ែបៃហ្សង់ដែលជាប្រទេសដ៏ធំ និងសំខាន់មួយក្នុងតំបន់កូកាស (Caucasus) បានចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការទេសចរណ៍កម្ពុជា-អាស៊ែបៃហ្សង់ ដើម្បីរឹតចំណងមិត្តភាព និងកិច្ចសហប្រតិបត្តិការរវាងរាជរដ្ឋាភិបាល និងប្រជាជននៃប្រទេសទាំងពីរឱ្យកាន់តែត្រូវបានពង្រឹង និងពង្រីកជាលំដាប់ ព្រមទាំងជាការធ្វើពិពិធកម្មទីផ្សារទៅកាន់តំបន់ Caucasus ការពង្រីកទេសចរណ៍ម៉ូស្លីម និងការបង្កើតផលិតផលទេសចរណ៍ដែលមានតម្លៃបន្ថែមជាច្រើនទៀត សំដៅទាក់ទងភ្ញៀវទេសចរជាតិ និងអន្តរជាតិមកទស្សនាប្រទេសទាំងពីរឱ្យកាន់តែច្រើនឡើង ជាពិសេសភ្ញៀវទេសចរពីតំបន់កូកាស (Caucasus) តាមរយៈជើងហោះហើរត្រង់រវាងទីក្រុង ​Istanbul មករាជធានីភ្នំពេញនាពេលខាងមុខនេះ។

The post កម្ពុជា និងអាស៊ែបៃហ្សង់ចុះ MoU ស្តីពីកិច្ចសហប្រតិបត្តិការទេសចរណ៍ដែលជួយទាក់ទាញភ្ញៀវទេសចរពីតំបន់កូកាស (Caucasus) មកកម្ពុជា appeared first on Millions times.

តាមដានជាមួយយើង៖ Million Times

លោកបានកោតសរសើរ និងវាយតម្លៃខ្ពស់ចំពោះលោកស្រី ជា សិរី និងសហការី ចំពោះសមិទ្ធផលជាច្រើនដែលធនាគារជាតិនៃកម្ពុជា សម្រេចបាននាពេលកន្លងមក មានជាអាទិ៍៖ ការទទួលយកប្រាក់ដុល្លារដែលចាស់ឬប្រឡាក់, ប្រព័ន្ធទូទាត់បាគង, ការដាក់ឱ្យដំណើរការ «Bakong Tourist App» ដែលពិតជាបានចូលរួមចំណែកគាំទ្រវិស័យទេសចរណ៍នៅកម្ពុជា តាមរយៈការជួយសម្រួលដល់ការទូទាត់របស់ភ្ញៀវទេសចរអន្តរជាតិ ដែលអញ្ជើញមកកម្សាន្តនៅប្រទេសកម្ពុជា។

ក្នុងជំនួបនេះ ក្រសួងទេសចរណ៍ និងធនាគារជាតិនៃកម្ពុជា បានពិភាក្សាស្តីពីការជួយផ្សព្វផ្សាយឱ្យបានកាន់តែទូលំទូលាយនូវកម្មវិធីទូទាត់បាគងទេសចរ (Bakong Tourists App) ដែលនឹងអាចមានកិច្ចសហប្រតិបត្តិការជាមួយនឹង (Visit App Cambodia) ដើម្បីសម្រួលដល់ការទូទាត់របស់ភ្ញៀវទេសចរអន្តរជាតិ និងជួយផ្សព្វផ្សាយសារមន្ទីរសេដ្ឋកិច្ច និងរូបីយវត្ថុព្រះស្រីឦសានវ័រ្មន (ស.ស.រ.) ដែលជាផលិតផលទេសចរណ៍ប្រវត្តិសាស្ត្រមួយដែលស្ថិតនៅចំកណ្តាលបេះដូងរាជធានីភ្នំពេញ ព្រមទាំងចូលរួមផ្សព្វផ្សាយនូវយុទ្ធនាការទស្សនាកម្ពុជានៅរដូវកាលបៃតង ចាប់ពីខែឧសភា ដល់ខែតុលា។

ធនាគារជាតិនៃកម្ពុជា បានសម្ពោធដាក់ឱ្យដំណើរការបឋម កម្មវិធីទូទាត់បាគងទេសចរ (Bakong Tourists) នៅថ្ងៃចន្ទ ទី១៩ ខែសីហា ឆ្នាំ២០២៤ នៅខេត្តសៀមរាប ដែលនឹងរួមចំណែកលើកកម្ពស់វិស័យទេសចរណ៍នៅកម្ពុជា តាមរយៈការផ្តល់ជាមធ្យោបាយទូទាត់តាមអេឡិចត្រូនិក ដែលអាចឱ្យទេសចរអន្តរជាតិធ្វើប្រតិបត្តិការទូទាត់ទំនិញ និងសេវាប្រកបដោយប្រសិទ្ធភាព និងភាពងាយស្រួល ព្រមទាំងទទួលបាននូវបទពិសោធន៍ថ្មីនៃការទូទាត់ឌីជីថលនៅកម្ពុជា។

The post ក្រសួងទេសចរណ៍ និងធនាគារជាតិ ពិភាក្សាគ្នាជួយផ្សព្វផ្សាយឱ្យបានកាន់តែទូលំទូលាយនូវកម្មវិធីទូទាត់បាគងទេសចរ appeared first on Millions times.

តាមដានជាមួយយើង៖ Million Times

រដ្ឋលេខាធិការដ្ឋានអាកាសចរណ៍ស៊ីវិល បានឲ្យដឹងថា ការហោះហើរជាប្រវត្តិសាស្ត្រ របស់ក្រុមហ៊ុនអាកាសចរណ៍ Emirates Airline នឹងហោះចេញពីទីក្រុងឌូបៃ ឆ្លងកាត់ទីក្រុងបាងកក និងហោះមកកាន់ព្រលានយន្តហោះអន្តរជាតិសៀមរាប-អង្គរនេះ នឹងដំណើរការហោះហើរ ០៣ជើង ក្នុងមួយសប្ដាហ៍ ចាប់ពីថ្ងៃទី៣ ខែមិថុនា ឆ្នាំ២០២៥ នេះតទៅ។

គួរបញ្ជាក់ថា ក្រុមហ៊ុនអាកាសចរណ៍ Emirate Airlines (EK) ក៏មានជើងហោះហើរ រវាងរាជធានីភ្នំពេញ នៃព្រះរាជាណាចក្រកម្ពុជា និងទីក្រុងឌូបៃ នៃប្រទេសអេមីរ៉ាតអារ៉ាប់រួម ដោយឆ្លងកាត់ប្រទេសសិង្ហបុរី ជារៀងរាល់ថ្ងៃផងដែរ លើដំណាក់ផ្លូវពីទីក្រុង ឌូបៃ-សិង្ហបុរី-ភ្នំពេញ-សិង្ហបុរី-ឌូបៃ ចំនួន ៧ជើង ក្នុង១សប្តាហ៍ ដែលបានចាប់ផ្តើមហោះហើរតាំងពីថ្ងៃទី១ ខែឧសភា ឆ្នាំ២០២៤មកម្ល៉េះ។

អត្ថបទ៖ ពិសិដ្ឋ រូបថត៖ មន្ទីរព័ត៌មានខេត្តសៀមរាប

The post យន្តហោះដំបូង ក្រុមហ៊ុន Emirates Airline ចុះចតនៅអាកាសយានដ្ឋានអន្តរជាតិសៀមរាបអង្គរ appeared first on Millions times.

តាមដានជាមួយយើង៖ Million Times

លោក អ៊ាង សុផល្លែត រដ្ឋមន្ត្រី បានលើកឡើងថា ការបើកការដ្ឋានសាង់សង់នាថ្ងៃនេះ ជាឱកាសដ៏មានអត្ថន័យយ៉ាង ជ្រាលជ្រៅ និងជាព្រឹត្តិការណ៍ប្រវត្តិសាស្ត្រមួយ សម្រាប់ខេត្តកំពង់ស្ពឺ ខេត្តកោះកុង និងពិសេសសម្រាប់ ប្រជាពលរដ្ឋដែលរស់នៅជុំវិញតំបន់ភ្នំខ្នងផ្សារ។ នេះគឺជាចំណុចចាប់ផ្តើមនៃគម្រោងអភិវឌ្ឍគោលដៅលំហែបៃតងថ្មី សម្រាប់កិច្ចការអភិវឌ្ឍន៍សេដ្ឋកិច្ចសង្គម តាមបែបបៃតង ដែលនាំឱ្យមានភាពរីកចម្រើន ដោយមានការគាំទ្រ ទៅលើបរិស្ថានធនធាន ធម្មជាតិ និងជីវៈចម្រុះ។ លោកថា ការចាប់ផ្តើមអនុវត្តគម្រោងនេះ គឺពិតជាចូលរួមបង្កើតអនាគតថ្មី ហើយប្រជាសហគមន៍មូលដ្ឋាន ក៏បានចូលរួមការពារនិងអភិរក្សធនធានធម្មជាតិ បានកាន់តែប្រសើរ តាមរយៈការអភិវឌ្ឍហេដ្ឋារចនាសម្ព័ន្ធ និងសម្បទាបម្រើឱ្យការទាក់ទាញទេសចរ នៃតំបន់ដែលមានសក្តានុពលគោលដៅលំហែបៃតង នៃឧទ្យានជាតិជួរភ្នំក្រវាញ ក្នុងភូមិសាស្ត្រខេត្តកំពង់ស្ពឺ និងខេត្តកោះកុង។

លោកបន្ថែមថា ហេដ្ឋារចនាសម្ព័ន្ធទាំងនេះនឹងត្រូវផ្តល់ជូនសហគមន៍មូលដ្ឋានធ្វើការគ្រប់គ្រង ដើម្បីលើកកម្ពស់ជីវភាពគ្រួសារ និងប្រែក្លាយសហគមន៍ឱ្យទៅជាសហគ្រិន ដែលជាការប្តូរពីការពឹងផ្អែកលើការកាប់ឈើ និងបរបាញ់សត្វព្រៃខុសច្បាប់ មកចូលរួមចំណែកកាន់តែប្រសើរ ក្នុងការការពារ និងអភិរក្សធនធានធម្មជាតិ។ 

ទន្ទឹមគ្នានេះ លោកបានសំណូមពរឱ្យប្រជាពលរដ្ឋរក្សាបាននូវភាពស្អាត ដែលខ្មែរយើងមានតាំងពីយូរលង់មក ក្នុងនោះភាពស្អាតនៅក្នុងចិត្ត ដែលស្មោះត្រង់ មានការផ្តល់សេវាល្អ រួសរាយរាក់ទាក់ និងមានតម្លៃសមរម្យ។ លើសពីនេះមានភាពស្អាតក្រៅខ្លួន ដែលយើងរក្សាបានអនាម័យ កាត់បន្ថយការប្រើប្រាស់ប្លាស្ទិក សម្អាតមូលដ្ឋាន ធ្វើឱ្យផ្ទះរបស់យើងស្អាត ដើម្បីទទួលស្វាគមន៍ភ្ញៀវទេសចរមកកម្សាន្តកាន់តែច្រើនថែមទៀត និងភាពស្អាតលើឆាកអន្តរជាតិ ធ្វើឱ្យកម្ពុជាមានកិត្តិយសឧត្តុងឧត្តម ដែលអ្នកទេសចរបានផ្សព្វផ្សាយពីតំបន់សក្តានុពលទេសចរណ៍ និងការវិនិយោគ ដល់អន្តរជាតិ។

សូមជម្រាបថា ការដ្ឋានសាងសង់ផ្លូវចូលទៅភ្នំខ្នងផ្សារ និងសាងសង់ហេដ្ឋារចនា-សម្ព័ន្ធបម្រើឱ្យគោលដៅលម្ហែបៃតងតំបន់ភ្នំខ្នងផ្សារ នាពេលនេះ រួមមាន ផ្លូវក្រាលគ្រោះក្រហម (កាលថ្មម៉ិច) ប្រវែង ៧,២ គ.ម ទទទឹងប្រវែង៨ម ចាប់ពីផ្លូវលេខ៤៨.៤ ដល់ជើងភ្នំឡើងតំបន់ខ្នងផ្សារ  និងបើកការដ្ឋានផ្លូវឡើងភ្នំខ្នងផ្សារ និងការសាងសង់ផ្លូវថ្មើជើងឡើងតំបន់ខ្នងផ្សារ ចាប់ពីចំណុចជើងភ្នំ ដល់ដំណាក់ដានព្រះ ចំងាយប្រមាណ ៤គ.ម ដែលក្នុងនោះក្រសួងបរិស្ថាន មានគម្រោងរៀបចំកន្លែងសម្រាកជាដំណាក់ៗ ដែលមានដើមឈើហូបផ្លែ និងឈើព្រៃផ្តល់ម្លប់និងអាចអ្នកទេសចរបានសម្រាកផង និងអាចទទួលទានផងដែរ ក្នុងនោះគម្រោងរបស់ក្រសួងបរិស្ថាន និងផ្តល់ជូនដល់អ្នកទេសចរមកលេងភ្នំខ្នងផ្សារ បានពិសាទឹកស្អាត ដែលចម្រោះចេញពីទឹកធម្មជាតិ ប្រភពពីលើភ្នំ ដល់កន្លែងសម្រាក ជាមួយការដាក់ស្លាកព័ត៌មានដែលបង្ហាញពីចម្ងាយផ្លូវ និងការបញ្ចេញថាមពលរបស់អ្នកឡើងភ្នំ នៅតាមកន្លែងសម្រាកនីមួយៗឆ្ពោះទៅភ្នំខ្នងផ្សារថែមទៀត។ 

ដោយឡែក ក្នុងពេលខាងមុខក្រសួងបរិស្ថាន គ្រោងនឹងរៀបចំឱ្យមានចំណតយានយន្ត នៅកន្លែងដំណាក់ដានព្រះ និងការរៀបចំហេដ្ឋារចនាសម្ព័ន្ធបម្រើសេវាកម្មទេសចរណ៍ ដូចជា ហាងកាហ្វេ កន្លែងផ្តល់ព័ត៌មាន ចំណតយានយន្ត ប្រព័ន្ធអគ្គិសនី ដើរដោយថាមពលព្រះអាទិត្យ ប្រព័ន្ធទឹកស្អាត កន្លែងបោះតង់ ផ្លូវថ្មើរជើងក្នុងព្រៃ ស្លាកសញ្ញា កន្លែងសង្គ្រោះបឋម អាហារដ្ឋាន និងកន្លែងទុកដាក់សំរាមឱ្យបានត្រឹមត្រូវផងដែរ។ ជារួមការសាងសង់ទាំងនេះ មានលក្ខណៈស្តង់ដាទាក់ទាញភ្ញៀវទេសចរជាតិ និងអន្តរជាតិ ចូលមកទស្សនាធម្មជាតិ ដ៏ស្រស់ត្រកាល នៅទីនេះ សំដៅលើកកម្ពស់ជីវភាពសហគមន៍មូលដ្ឋាន និងការគ្រប់គ្រងធនធានធម្មជាតិប្រកបដោយនិរន្តរភាព សម្រាប់កូនចៅតជំនាន់៕

អត្ថបទ៖ សាងតេជៈ រូបភាព៖ ក្រសួងបរិស្ថាន

The post រដ្ឋបើកការដ្ឋានសាងសង់ផ្លូវក្រាលគ្រោះក្រហម និងថ្មើជើងទៅកាន់តំបន់ភ្នំខ្នងផ្សារ appeared first on Millions times.

តាមដានជាមួយយើង៖ Million Times

ដើម្បីពង្រឹងគុណភាពការធ្វើបដិសណ្ឋារកិច្ចភ្ញៀវទេសចរជាតិ និងអន្តរជាតិក្នុងរដូវកាលបៃតង (Green Season) នេះ លោក ហួត ហាក់ បានស្នើវិស័យឯកជនត្រូវរួមគ្នាបញ្ចុះតម្លៃស្នាក់នៅតាមសណ្ឋាគារ និងម្ហូបអាហារ ការពង្រឹងបដិសណ្ឋារកិច្ចឲ្យល្អ និងកក់ក្តៅ។ ជាពិសេសត្រូវរួមគ្នាបង្កើតព្រឹត្តិការណ៍ទេសចរណ៍នានានៅតាមបណ្តារាជធានីខេត្ត ដោយត្រូវរៀបចំជាលក្ខណៈយុទ្ធសាស្ត្រ និងប្រកបដោយភាពច្នៃប្រឌិត និងមានអត្តសញ្ញាណវប្បធម៌ខ្មែរ ជាពិសេសកិច្ចសហការឲ្យបានសកម្ម និងផុសផុលពីបណ្តាភាំគីពាក់ព័ន្ធទាំងអស់ ជាជវភាពនៃតួអង្គតែមួយ ដើម្បីរួមគ្នាសម្រេចឲ្យបាននូវកំណើនភ្ញៀវទេសចរបន្ថែមទៀតនាឆ្នាំ២០២៥ នេះ។

សូមជម្រាបថា សម្ដេច ហ៊ុន ម៉ាណែត នាយករដ្ឋមន្ត្រី ក្នុងសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅការងារឆ្នាំ២០២៥ របស់មហាគ្រួសារវិស័យទេសចរណ៍ កាលពីថ្ងៃទី២៧ ខែកុម្ភៈឆ្នាំ២០២៥ បានគាំទ្រការដាក់ចេញនូវយុទ្ធនាការ «រដូវកាលបៃតង» (Green Season) ជំនួសឲ្យពាក្យរដូវកាលថយភ្ញៀវនារដូវវស្សា ចាប់ពីខែមេសា ដល់ខែតុលា ដោយផ្តល់ជូនដល់អ្នកទេសចរនូវបទពិសោធ ទេសចរណ៍ដ៏សែនស្រស់ស្រាយ និងសម្រស់ដ៏ល្អឯករបស់ប្រទេសកម្ពុជានារដូវវស្សា ដែលទេសភាពពោរពេញដោយពណ៌បៃតង អាកាសធាតុត្រជាក់ និងបរិយាកាសដ៏ស្ងប់ស្ងាត់។

លោក ហួត ហាក់ បានឲ្យដឹងថា ក្នុងរយៈពេល ៣ខែ ដើមឆ្នាំ២០២៥នេះ ចំនួនភ្ញៀវទេសចរអន្តរជាតិ ដែលមកទស្សនាកម្ពុជាមានចំនួនជិត២លាននាក់ ពោលគឺកើនឡើងជាង ១៦% បើធៀបនឹងរយៈពេលដូចគ្នា កាលពីឆ្នាំ២០២៤។ លោកថា នេះសបញ្ជាក់ឲ្យឃើញអំពីសក្តានុពលទេសចរណ៍ និងសុខសន្តិភាព ស្ថិរភាពនយោបាយ សន្តិសុខ សុវត្ថិភាព សណ្តាប់ធ្នាប់សាធារណៈល្អ ជាពិសេសបដិសណ្ឋារកិច្ចដ៏កក់ក្តៅ ជម្រើសការស្នាក់នៅ ម្ហូបអាហារដ៏មានឱជារស ការកម្សាន្តដ៏សម្បូរបែប ហេដ្ឋារចនាសម្ព័ន្ធមានការអភិវឌ្ឍ ដែលជំរុញឲ្យភ្ញៀវទេសចរ ជ្រើសរើសអញ្ជើញមកទស្សនា និងកម្សាន្តនាពេលបច្ចុប្បន្ននេះ៕

អត្ថបទ៖ ពិសិដ្ឋ រូបភាព៖ ក្រសួងទេសចរណ៍

The post លោក ហួត ហាក់ ស្នើវិស័យឯកជនជួយបញ្ចុះតម្លៃផលិតផលទាំងការស្នាក់នៅ និងម្ហូបអាហារក្នុងរដូវកាលបៃតង appeared first on Millions times.

របាយការណ៍ក្រសួងទេសចរណ៍ បានឲ្យដឹងថាក្នុងរយៈពេល០៣ថ្ងៃនេះ រាជធានី ខេត្តដែលទទួលបានភ្ញៀវច្រើនជាងគេទាំង៥  រួមមាន៖

− រាធានីភ្នំពេញ ២.៨៦៣.៩២២ នាក់

− ខេត្តសៀមរាប ២.៧៥២.៨១៨ នាក់

− ខេត្តកំពង់ចាម ២.៧៤៨.២២៨ នាក់

− ខេត្តព្រៃវែង ២.៣៩៤.៣៤៣ នាក់

− ខេត្តបាត់ដំបង  ១.៧៤១.៧៩៥ នាក់

តាមដានជាមួយយើង៖ Million Times

ក្រសួងបានបញ្ជាក់ថា ការបូកសរុបស្ថិតិភ្ញៀវទេសចរ និងបងប្អូនប្រជាពលរដ្ឋ ដែលបានធ្វើដំណើរកម្សាន្តទូទាំងប្រទេសរយៈពេល៣ថ្ងៃនេះ គឺត្រូវបានគណនាដោយ រាប់បញ្ចូលចំនួនភ្ញៀវទេសចរដែលធ្វើដំណើរកម្សាន្តនៅតាមរមណីយដ្ឋាន និងគោលដៅទេសចរណ៍នានាទូទាំងប្រទេស និងចំនួនបងប្អូនប្រជាជនដែលបានចូលរួមលេងកម្សាន្តនៅតាមទីតាំងសំខាន់ៗដែលមានការរៀបចំកម្មវិធីសង្រ្កាន្ត និងព្រឹត្តិការណ៍ទេសចរណ៍កម្សាន្តផ្សេងៗ។

បើតាមក្រសួងទេសចរណ៍ ចរន្តភ្ញៀវទេសចរដ៏ច្រើននេះ បានបង្កើតជាផលប្រយោជន៍សេដ្ឋកិច្ចដ៏ច្រើនទាំងនៅថ្នាក់ជាតិ និងនៅតាមមូលដ្ឋាន។ បណ្តាសណ្ឋាគារនិងសេវាស្នាក់នៅទេសចរណ៍ ភោជនីយដ្ឋាននិងអាហារដ្ឋាន និងរមណីយដ្ឋានទេសចរណ៍នៅស្ទើរគ្រប់ខេត្ត បានទទួលភ្ញៀវស្ទើរពេញស្ទើរ ១០០%។ វិស័យឯកជនមានក្តីរីករាយ និងបានបង្ហាញនូវសុទិដ្ឋិនិយមខ្ពស់ចំពោះការអភិវឌ្ឍន៍លើមាគ៌ាដ៏ត្រឹមត្រូវនៃវិស័យ ទេសចរណ៍កម្ពុជា។

អត្ថបទ៖ សាងតេជៈ រូបភាព៖ ក្រសួងទេសចរណ៍

The post ពិធីបុណ្យចូលខ្មែរ ៣ថ្ងៃ ភ្ញៀវទេសចរ និងប្រជាពលរដ្ឋ ធ្វើដំណើរកម្សាន្តទូទាំងប្រទេស មានចំនួនជាង ២៣លាននាក់ appeared first on Millions times.

លោកស្រី ដោ សម្ផស្ស បានឲ្យដឹងថា «នៅថ្ងៃទី៣ជាថ្ងៃវារៈឡើងស័ក មានប្រជាពលរដ្ឋភ្ញៀវទេសចរជាតិ និងអន្តរជាតិចំនួន១លាន ៥សែននាក់ បាននាំគ្នាមកលេងកម្សាន្តនៅតំបន់ត្រជាក់ចិត្ត «សង្ក្រានវត្តភ្នំ២០២៥» និងនៅតំបន់ផ្លូវថ្មើរជើង (Walk Street) ចំណែកថ្ងៃទី២ វារៈវ័នបត មានប្រជាពលរដ្ឋភ្ញៀវទេសចរជាតិ និងបរទេសចំនួន៨០ម៉ឺន ខណៈនៅថ្ងៃមហាសង្រ្កាន្ត មានប្រជាពលរដ្ឋ និងភ្ញៀវជាតិ និងអន្តរជាតិ ប្រមាណ៤៨ម៉ឺននាក់។

លោកស្រី ដោ សម្ផស្ស បានបន្តថា ប្រជាពលរដ្ឋភ្ញៀវទេសចរជាតិ និងអន្តរជាតិ មកលេងកម្សាន្តនៅតំបន់ត្រជាក់ចិត្ត «សង្ក្រាន្តវត្តភ្នំ ឆ្នាំ២០២៥» មានការកើនឡើងរាល់ថ្ងៃ ដោយកាលពីថ្ងៃទី១ តែចំនួន៤៨ម៉ឺននាក់ទេ ហើយថ្ងៃទី២ កើនដល់ចំនួន៨០ម៉ឺននាក់ និងនៅថ្ងៃទី៣ កើនដល់ចំនួន១លាន៥សែននាក់ ហើយនេះមិនបានរាប់បញ្ជូនសង្ក្រាន តាមសាលាខណ្ឌទាំង១៤ និងនៅតាមវត្តអារាម និងតំបន់ទេសចរផ្សេងទៀតនោះទេ។

សូមជម្រាបថា រដ្ឋបាលរាជធានីភ្នំពេញ បានរៀបចំព្រឹត្តិការណ៍«សង្ក្រាន្ដវត្តភ្នំ ឆ្នាំ២០២៥» ដើម្បីអបអរឆ្នាំថ្មី ឆ្នាំម្សាញ់ នៅរមណីយដ្ឋានប្រវត្តិសាស្ដ្រវត្តភ្នំ មានរយៈពេល៣ថ្ងៃ ពីថ្ងៃទី១៤ ដល់ថ្ងៃទី១៦ មេសា ដោយឡែកតំបន់ Walk Street មាត់ទន្លេ មានរយៈពេល៥ថ្ងៃ ចាប់ពីថ្ងៃសៅរ៍ ទី១២ ដល់ថ្ងៃទី១៦ ខែមេសា ឆ្នាំ២០២៥។

អត្ថបទ៖ ពិសិដ្ឋ រូបភាព៖ រដ្ឋបាលរាជធានីភ្នំពេញ

The post ៣ថ្ងៃ សង្ក្រាន្តវត្តភ្នំនិងតំបន់ផ្លូវថ្មើរជើងមាត់ទន្លេ ទទួលស្វាគមន៍ប្រជាពលរដ្ឋ និងភ្ញៀវទេសចរណ៍ជិត ៣លាននាក់ appeared first on Millions times.

ការដឹកនាំមន្ត្រីជំនាញជួបសហគមន៍របស់លោក ហួត ហាក់ កាលពីថ្ងៃទី២៩ ខែមីនា ឆ្នាំ២០២៥ រួមជាមួយតំណាងផ្នែកឯកជនក្នុងវិស័យទេសចរណ៍ មានដូចជា៖ សមាគមទីភ្នាក់ងារទេសចរណ៍កម្ពុជា (CATA) របស់លោកស្រី ឆាយ ស៊ីវលីន, សហព័ន្ធទេសចរណ៍កម្ពុជា (CTF) របស់ឧកញ៉ា ឌិន សុមេធារិទ្ធ, សមាគមទេសចរណ៍អាស៊ីប៉ាស៊ីហ្វិក (PATACC) របស់លោក ធួន ស៊ីណាន និងអ្នកឧកញ៉ា សួរ វីរៈ ម្ចាស់ក្រុមហ៊ុន វិរៈ ប៊ុនថាំ ធ្វើឡើងបន្ទាប់ពីទទួលបានគោលការណ៍ណែនាំរបស់នាយករដ្ឋមន្រ្តី។

តាមដានជាមួយយើង៖ Million Times

ក្រសួងទេសចរណ៍ បានឲ្យដឹងថា រមណីយដ្ឋានធម្មជាតិ «ទេទឹកពុះ» ជាតំបន់ធម្មជាតិដ៏កម្រមួយ គឺមានបាតុភូតធម្មជាតិចម្លែក ដែលទឹកមានសីតុណ្ហភាពខ្ពស់រហូតដល់ ៧០អង្សារសេ។

ទឹកនេះ ចេញមកពី៦ប្រភព និងមានក្លិនដូចស្ពាន់ធ័រ និងថ្មកំបោរ នៅផ្ទៃទឹក មានទំហំ ៨០ម៉ែត្រការ៉េ និងមានផ្ទៃដីសរុប ៥ហិកតា ដែលពោរពេញដោយស្មៅខ្ពស់ៗដ៏ស្រស់ស្អាត ហើយប្រជាជននៅក្នុងតំបន់នោះ ដែលជាជនជាតិសួយ មានជំនឿថាជាតំបន់ដ៏ស័ក្ដិសិទ្ធិ សម្រាប់ភ្ញៀវទេសចរដែលបានទៅកម្សាន្តនៅទីនោះហើយ នឹងនាំសំណាងល្អត្រឡប់ទៅវិញ ជាពិសេសអ្នកមានជំងឺខ្លះអាចទៅលុបលាងមុខដោយទឹកថ្លាឈ្វង់នៅទីនោះ ខ្លះអាចចុះត្រាំទឹក នឹងអាចជាសះស្បើយពីជំងឺផងដែរ៕

អត្ថបទ៖ ពិសិដ្ឋ រូបភាព៖ ក្រសួងទេសចរណ៍

The post រដ្ឋមន្រ្តីទេសចរណ៍ នាំវិនិយោគិនមើលរមណីយដ្ឋាន «ទេទឹកពុះ» រៀបចំកញ្ចប់ទស្សនកិច្ចតំបន់ដ៏កម្រមានបាតុភូតធម្មជាតិចម្លែក appeared first on Millions times.

ក្នុងឱកាសនោះ ក្រុមហ៊ុន Bright Bay Creative បានប្រាប់រដ្ឋមន្រ្តីក្រសួងទេសចរណ៍ អំពីគំរោងថតវីដេអូបែបផ្សងព្រេងនៅប្រាសាទអង្គរវត្ត និងតំបន់ផ្សេងៗទៀតក្នុងខេត្តសៀមរាបនាពេលខាងមុខ ដោយក្រុមហ៊ុនបានសម្រេចយកប្រទេសកម្ពុជាពិសេសប្រាសាទអង្គរវត្តជាទីតាំងថត ផ្អែកលើកត្តាសុខសន្តិភាព ស្ថិរភាពនយោបាយសង្គម សុវត្ថិភាពដ៏ល្អ រួមទាំងភាពល្បីល្បាញជាបេតិកភណ្ឌពិភពលោក បដិសណ្ឋារកិច្ចដ៏រួសរាយនិងរាក់ទាក់របស់ប្រជាជនកម្ពុជា។

តាមដានជាមួយយើង៖ Million Times

រដ្ឋមន្រ្តីទេសចរណ៍ បានវាយតម្លៃខ្ពស់លើគំរោងថតវីដេអូ និងការសម្រេចចិត្តដ៏ត្រឹមត្រូវរបស់ក្រុមហ៊ុនដែលបានជ្រើសរើសប្រទេសកម្ពុជា ជាទីតាំងថត និងសូមស្វាគមន៍ ហើយផ្តល់កិច្ចសហការគាំទ្រដល់ក្រុមហ៊ុន។ 

សូមបញ្ជាក់ថា ក្រុមហ៊ុន Bright Bay Creative បានផលិតនូវវីដេអូស្តីពីដំណើរផ្សងព្រេងក្នុងប្រទេសនានា ជាពិសេសតាមបណ្តាតំបន់បេតិកភណ្ឌពិភពលោកជាច្រើន ដោយរាល់វីដេអូនីមួយៗ ទទួលបានការទស្សនា និងតាមដានជិត ២០០លាននាក់៕

អត្ថបទ៖ ពិសិដ្ឋ រូបភាព៖ ក្រសួងទេសចរណ៍

The post ក្រុមហ៊ុនល្បីផលិតវីដេអូមានអ្នកទស្សនាជិត ២០០លាននាក់ ស្នើសុំគាំទ្រគំរោងថតបែបផ្សងព្រេងនៅប្រាសាទអង្គរវត្ត appeared first on Millions times.