ទៀ វិចិត្រ Archives - Millions times

ក្រុមហ៊ុន Peace Petroleum របស់លោក ទៀ ស្យាម និងលោក ទៀ វិចិត្រ បើកការដ្ឋានសាងសង់មណ្ឌលសន្និធិប្រេងឥន្ធនៈ តម្លៃ ៧.៥ លានដុល្លារ

Vin Chang — Wed, 11 Mar 2026 07:05:04 +0000

ក្រុមហ៊ុន Peace Petroleum របស់លោក ទៀ ស្យាម និងលោក ទៀ វិចិត្រ ជាសហស្ថាបនិក បានបើកការដ្ឋានសាងសង់មណ្ឌលសន្និធិប្រេងឥន្ធនៈ ដែលមានតម្លៃ ៧.៥ លានដុល្លារ ក្នុងឃុំទំនប់រលក ស្រុកស្ទឹងហាវ ខេត្តព្រះសីហនុ កាលពីថ្ងៃ ១០ ខែមីនា ឆ្នាំ ២០២៦។

តាមដានជាមួយយើង៖ Million Times

លោក ទៀ វិចិត្រ បានបញ្ជាក់ថា គម្រោងនេះគឺជាមោទនភាពមួយ សម្រាប់វិនិយោគិនក្នុងស្រុក ដែលមានគោលដៅពង្រឹងការផ្គត់ផ្គង់ថាមពលនៅកម្ពុជា។ មណ្ឌលសន្និធិប្រេងឥន្ធនៈនេះទុនវិនិយោគសរុបប្រមាណ ៧.៥ លានដុល្លារអាមេរិក។

គម្រោងនេះមិនត្រឹមតែបង្ហាញពីភាពជឿជាក់របស់វិនិយោគិនក្នុងស្រុកប៉ុណ្ណោះទេ ប៉ុន្តែថែមទាំងរួម ចំណែកយ៉ាងសំខាន់ជាមួយរាជរដ្ឋាភិបាលកម្ពុជាលើផ្នែក៖

ការបង្កើតការងារ៖ ផ្តល់ឱកាសការងារយ៉ាងច្រើនដល់ប្រជាពលរដ្ឋក្នុងមូលដ្ឋាន។
ការពង្រឹងសមត្ថភាព៖ បណ្ដុះបណ្ដាល និងបង្កើនជំនាញបច្ចេកទេសដល់បុគ្គលិក និងកម្មករខ្មែរ។
សន្តិសុខថាមពល៖ ធានាឲ្យបានស្ថិរភាពនៃការផ្គត់ផ្គង់ប្រេងឥន្ធនៈជូនដល់ទីផ្សារក្នុងប្រទេស។
បរិយាកាសវិនិយោគ៖ បង្កើនទំនុកចិត្ត និងទាក់ទាញវិនិយោគិនដទៃទៀតមកកាន់តំបន់មាត់សមុទ្រ។

គម្រោងមណ្ឌលសន្និធិប្រេងឥន្ធនៈរបស់ក្រុមហ៊ុន Peace Petroleum នេះ ត្រូវបានគេរំពឹងថានឹងក្លាយជាសរសៃឈាមសេដ្ឋកិច្ចដ៏សំខាន់មួយក្នុងការគាំទ្រដល់តម្រូវការប្រេងឥន្ធនៈដែលកំពុងមានការកើនឡើងឥតឈប់ឈរនៅប្រទេសកម្ពុជា៕

អត្ថបទ៖ ឆដា, រូបភាព៖ Tea Siam

The post ក្រុមហ៊ុន Peace Petroleum របស់លោក ទៀ ស្យាម និងលោក ទៀ វិចិត្រ បើកការដ្ឋានសាងសង់មណ្ឌលសន្និធិប្រេងឥន្ធនៈ តម្លៃ ៧.៥ លានដុល្លារ appeared first on Millions times.

ម្ចាស់ក្រុមហ៊ុនទូកដ៏ល្បី ទៀ វិចិត្រ បើកវគ្គបណ្តុះបណ្តាលបដិសណ្ឋារកិច្ចដល់អ្នកបើកអូប័រ

Vin Chang — Thu, 09 Jan 2025 07:21:01 +0000

អ្នកឧកញ៉ា ទៀ វិចិត្រ ដែលជាអ្នកជំនួញល្បីឈ្មោះផ្នែកដឹកជញ្ជូនតាមផ្លូវទឹក បានរៀបចំវគ្គបណ្ដុះបណ្ដាលបដិសណ្ឋារកិច្ចល្អ ដល់បុគ្គលិកអូប័ររបស់ក្រុមហ៊ុនលោក ដើម្បីពង្រឹងគុណភាពសេវាកម្មដឹកជញ្ជូនភ្ញៀវទេសចរតាមផ្លូវទឹកកាន់តែមានប្រសិទ្ធភាព និងឲ្យភ្ញៀវ ពេញចិត្ត ធ្វើដំណើរតាមទៅកាន់គោលដៅ។

តាមដានជាមួយយើង៖ Million Times

អគ្គនាយកក្រុមហ៊ុន G.T.V.C Speedboat Cambodia ទៀ វិចិត្រ បានរៀបចំវគ្គបណ្ដុះបណ្ដាល ២ ថ្ងៃ ស្ដីពី «ការផ្ដល់សេវាបដិសណ្ឋារកិច្ចល្អ» ដល់បុគ្គលិកបម្រើការងារផ្នែកអូប័រ ៦១នាក់ ក្នុងចំណោមបុគ្គលិកអូប័រសរុបប្រមាណ ១២០ នាក់របស់ក្រុមហ៊ុន។

សេដ្ឋីផ្នែកសណ្ឋាគាររូបនេះ បានរៀបចំវគ្គបណ្ដុះបណ្ដាលកាលពីថ្ងៃទី ៦ និង ៧ ខែមករា ឆ្នាំ ២០២៥ នៅក្នុងបរិវេណកំពង់ផែទេសចរណ៍ខេត្តព្រះសីហនុ បង្រៀនដោយគ្រូបណ្ដុះបណ្ដាលមានជំនាញ និងបទពិសោធន៍យូរឆ្នាំក្នុងវិស័យទេសចរណ៍ និងបដិសណ្ឋារកិច្ច។ មេរៀនសំខាន់ ២ ផ្នែកធំៗ ត្រូវបានបញ្ចូលក្នុងវគ្គបណ្ដុះបណ្ដាលនោះ រួមមានផ្នែកជំនាញទន់ និងផ្នែកបដិសណ្ឋារកិច្ចល្អ។

គោលបំណងរបស់ម្ចាស់ជំនួញធំនាភាគនិរតីរូបនេះ គឺចង់បណ្ដុះបណ្ដាលធនធានមនុស្ស ដោយមិនត្រឹមតែចេះលើការបើកបរអូប័រប៉ុណ្ណោះទេ ប៉ុន្តែបុគ្គលិកគ្រប់រូបត្រូវចេះផ្ដល់សេវាកម្មល្អជូនភ្ញៀវទេសចរ រួសរាយរាក់ទាក់ជាមួយភ្ញៀវ ត្រូវផ្ដល់ព័ត៌មាន គ្រប់ជ្រុងជ្រោយពីម៉ោងពេល និងគោលដៅធ្វើដំណើររបស់ភ្ញៀវ រួមនឹងការចេះជំនាញទន់មួយចំនួន ដើម្បីពង្រឹងគុណភាពលើសេវាដឹកជញ្ជូនភ្ញៀវទេសចរតាមផ្លូវទឹក៕

អត្ថបទ៖ មេរ៉ា, រូបភាព៖ GTVC Speedboat Cambodia

The post ម្ចាស់ក្រុមហ៊ុនទូកដ៏ល្បី ទៀ វិចិត្រ បើកវគ្គបណ្តុះបណ្តាលបដិសណ្ឋារកិច្ចដល់អ្នកបើកអូប័រ appeared first on Millions times.

សម្រស់កូនស្រីឧកញ៉ា ទៀ វិចិត្រ ចូលរួមព្រឹត្តិការណ៍ Gumball 3000ស្អាត ហើយថ្លៃថ្នូរ

Vin Chang — Thu, 19 Sep 2024 03:44:36 +0000

ក្នុងព្រឹត្តិការណ៍ Gumball 3000 ដែលទើបបញ្ចប់ពេលថ្មីៗនេះ ក៏ឃើញមានវត្តមានឧកញ៉ា ទៀ វិចិត្រ បាននាំកូនៗប្រុសស្រី ៣ នាក់ទៅចូលរួមរហូតដល់ខេត្តសៀមរាបផងដែរ។ កូនស្រីច្បងសេដ្ឋីផ្នែកសណ្ឋាគាររូបនេះ កាន់តែស្រស់ស្អាតដូចម្ដាយ និងចម្រើនវ័យពេញរូបរាងតែម្ដង។

តាមដានជាមួយយើង៖ Million Times

កូនស្រីច្បងឧកញ៉ា ទៀ វិចិត្រ មានវ័យប្រមាណ ១៩ ឆ្នាំ ហើយក៏ជាម្ចាស់ហាងលក់ផលិតផលថែរក្សាសម្រស់នៅទីក្រុងភ្នំពេញនេះផងដែរ។ ទៀ ជេននី គឺជាឈ្មោះរបស់កូនម្ចាស់ក្រុមហ៊ុន GTVC ឧកញ៉ា ទៀ វិចិត្រ នេះតែម្ដង។ កាលពីពេលថ្មីៗកញ្ញាស្រស់ប្រិមប្រិយរូបនេះ បានបង្ហាញមុខក្នុងកម្មវិធី Gumball 3000 នៅខេត្តសៀមរាប។

មិនថាសម្រស់ និងការតុបតែងខ្លួនរបស់ ជេននី ដែលមានគណនីហ្វេសប៊ុក Jen Jen ឃើញថាពិតជាស្អាត និងបែបសុភាពរាបសាស័ក្ដិសមនឹងវង្សត្រកូលថ្លៃថ្នូរ និងមានមុខមាត់ក្នុងសង្គមតាំងពីយូរ។ Jenny មិនចូលចិត្តភាពឆើតឆាយឡើយ ការរៀបចំខ្លួនប្រចាំថ្ងៃ មើលទៅសាមញ្ញ ប្រកបដោយភាពច្នៃប្រតិដ្ឋ សមរូបសមរាង។

លោកឧកញ៉ា វិចិត្រ ពិតជាស្រលាញ់កូនៗខ្លាំងណាស់ ហើយ Jenny ក៏ជាកូនស្រីច្បងដែលម្ចាស់រីសតច្រើនកន្លែងរូបនេះយកតាមខ្លួនពេលចូលរួមក្នុងវិធី។

ឧកញ៉ា ទៀ វិចិត្រ ជាអ្នកវិនិយោគទុនដ៏ល្បីល្បាញ និងមានការគោរពស្រលាញ់ពីប្រជាពលរដ្ឋក្នុងខេត្តព្រះសីហនុ ដោយកាលពីជាង ១ ឆ្នាំមុនលោកទទួលបានសិទ្ធិវិនិយោគជាផ្លូវការពីក្រុមប្រឹក្សាអភិវឌ្ឍន៍កម្ពុជា ដោយធ្វើការអភិវឌ្ឍនៅលើកោះមួយ ដែលមានទីតាំងស្ថិតនៅសង្កាត់កោះរ៉ុងសន្លឹម ក្រុងកោះរ៉ុង។ ឧកញ៉ា ទៀ វិចិត្រ ជាអ្នករកស៊ីនៅទិសនារតីដ៏ល្បីល្បាញច្រើនឆ្នាំមកហើយលើវិស័យ ទេសចរណ៍ បដិសណ្ឋារកិច្ច ភេសជ្ជៈ ប្រេងឥន្ទនៈ និងអចលនទ្រព្យ ស្ថិតនៅក្នុងខេត្តព្រះសីហនុ។

កន្លែងសម្រាកលំហែ ២ របស់ឧកញ៉ា ទៀ វិចិត្រ កំពុងទទួលបានការគាំទ្រខ្លាំងរួមមាន Wonderland Suites & Resort និង Mafiya’s Resort Cambodia៕

អត្ថបទ៖ រ៉ាវី រូបភាព៖ បណ្តាញសង្គមកូនស្រីឧកញ៉ា ទៀ វិចិត្រ

The post សម្រស់កូនស្រីឧកញ៉ា ទៀ វិចិត្រ ចូលរួមព្រឹត្តិការណ៍ Gumball 3000ស្អាត ហើយថ្លៃថ្នូរ appeared first on Millions times.