តាមដានជាមួយយើង៖ Million Times

តាមរយៈរបាយការណ៍បញ្ចេញដោយធនាគារនៃប្រទេសហូឡង់ បានឲ្យដឹងថា តម្លៃផ្ទះនៅប្រទេសហុងកុងបានធ្លាក់ថ្លៃដល់ទៅ ២០% បើធឿបនឹងឆ្នាំ២០២០ ប៉ុន្តែបច្ចុប្បន្នផ្ទះនៅទីនោះ នៅតែមានតម្លៃថ្លៃកប់ពពកដដែល។

តម្លៃមធ្យមចំពោះផ្ទះនៅទីក្រុងហុងកុងគឺ ២៥ ៩៤៦ដុល្លារក្នុងមួយម៉ែត្រការ៉េ ខណៈផ្ទះនៅទីក្រុងសិង្ហបុរី និង Zurich ដែលជាទីក្រុងអ្នកមានវិញ មានតម្លៃប្រហែល ២៤ ០០០ដុល្លារ និង ២៣ ០០០ដុល្លារក្នុងមួយម៉ែត្រការ៉េ។

គួរជម្រាបដែរថា ទីក្រុងហុងកុងបានអូសទាញក្រុមធុរជនគ្រាក់ៗទូទាំងសកលលោក ដោយសារតែជាមជ្ឈមណ្ឌលហិរញ្ញវត្ថុ និងអចលនទ្រព្យដ៏សំបូរបែប ហើយក៏ជាទីក្រុងពោរពេញដោយឱកាសវិនិយោគនៅសឹងគ្រប់វិស័យផងដែរ៕

អត្ថបទ៖ Luffy រូបភាព៖ SCMP

The post ហុងកុងវ៉ាដាច់សិង្ហបុរី ក្លាយជាទីក្រុងមានតម្លៃផ្ទះថ្លៃបំផុតលើពិភពលោក appeared first on Millions times.

ទីភ្នាក់ងារព័ត៌មាន Reuters បានរាយការណ៍ថា សហរដ្ឋអាមេរិកបានចាត់វិធានការទារពន្ធគយបន្ថែមពីចិន ១០% គ្រប់មុខទំនិញ ខណៈឥវ៉ាន់នាំចូលពីហុងកុង ត្រូវប្ដូរផ្លាកទៅជាផលិតផលផលិតពីចិនវិញ ដែលធ្វើឲ្យរដ្ឋាភិបាលហុងកុងកើតទុក្ខមិនសុខចិត្ត ជាមួយការសម្រេចបែបនេះ។

តាមដានជាមួយយើង៖ Million Times

លោក Eric Chan ប្រធានលេខាធិការក្រុងហុងកុងបានមានប្រសាសន៍ថា «ទង្វើបែបនេះ គឺផ្ទុយស្រឡះពីច្បាប់របស់ WTO ហើយជាការពិតណាស់ ពួកគេមិនបានចាត់ទុកហុងកុង ជាទឹកដីឯករាជ្យដាច់ដោយឡែកឡើយ»។

សូមជម្រាបដែរថា កាលពីសប្ដាហ៍មុន សេវាប្រៃសណីយ៍សហរដ្ឋអាមេរិកបានប្រកាសផ្អាកទទួលទំនិញ ពីប្រទេសចិន និងហុងកុង ជុំវិញវិធានការទារពន្ធគយថ្មី ដែលធ្វើឲ្យអាជីកម្មអនឡាញនៅក្នុងតំបន់អាស៊ីទាំង២ នេះ មានការកកស្ទះជាខ្លាំង៕

អត្ថបទ៖ Luffy រូបភាព៖ Washington Times

The post ហុងកុងដាក់ពាក្យប្ដឹងទៅ WTO ជុំវិញការទារពន្ធគយរបស់អាមេរិក appeared first on Millions times.

តាមដានជាមួយយើង៖ Million Times

សារព័ត៌មាន VNExpress បានចុះផ្សាយថា លោក Wong បានខ្ចីបំណុលពីក្រុមហ៊ុនចងការប្រាក់ Ego Finance Limited ជាមួយអត្រាការប្រាក់ប្រចាំឆ្នាំ ៣៣,៦% កាលពីខែកក្កដា និងបានបង់ការប្រាក់រយៈពេល ២ខែប៉ុណ្ណោះ ហើយក៏គ្មានលទ្ធភាពបង់ប្រាក់បន្ត។

តារាសម្ដែងវ័យ ៥៣ឆ្នាំរូបនេះ មិនបានទម្លាយប្រាប់ពីហេតុផលពីក្រោយការខ្ចីបំណុលនេះឡើយ ក៏ប៉ុន្តែគេដឹងថា មួយរយៈចុងក្រោយ រូបលោកឧស្សាហ៍បង្ហោះសារលើបណ្ដាញសង្គម រៀបរាប់ពីបញ្ហាជីវិត និងទុក្ខលំបាកផ្សេងៗ ជាមួយការប្ដេជ្ញាចិត្តយកឈ្នះបញ្ហាទាំងនោះដោយខ្លួនឯង។

ថ្វីបើលោក Wong ប្រកាសក្ស័យធនមែន តែសែស្រឡាយសាច់ញាតិរបស់លោកគឺជាគ្រួសារមហាសេដ្ឋីនៅហុងកុង ដោយមានទ្រព្យសម្បត្តិសរុបប្រហែល ៣ពាន់លានដុល្លារហុងកុង។ ផ្ទះដែលលោក Wong កំពុងរស់នៅបច្ចុប្បន្ន មានតម្លៃជាង ២៣លានដុល្លារហុងកុង និងស្ថិតនៅក្នុងតំបន់អភិជននៃតំបន់សេដ្ឋកិច្ចពិសេសរបស់ចិនមួយនេះ៕

អត្ថបទ៖ Luffy រូបភាព៖ ហ្វេសប៊ុកលោក Vinci Wong

The post តារាសម្ដែងហុងកុងប៉ុស្តិ៍ TVB ម្នាក់ប្រកាសក្ស័យធន ក្រោយមានបំណុលជាង ៣សែនដុល្លារ appeared first on Millions times.

កាសែតហុងកុង Hong Kong Commercial Daily បានចុះផ្សាយថា វីឡារបស់លោក Chow គឺមានឈ្មោះថា Sunshine Garden ដែលលោកបានទិញកាលពីឆ្នាំ២០១០ ក្នុងតម្លៃ ១២៨លានដុល្លារហុងកុង តែក្រោយមកដាក់លក់វិញក្នុងឆ្នាំ២០២២ តម្លៃ២២០លានដុល្លារហុងកុង ហើយបច្ចុប្បន្នបានបញ្ចុះតម្លៃនៅត្រឹម ១៩៥លានដុល្លារហុងកុងប៉ុណ្ណោះ។

តាមដានជាមួយយើង៖ Million Times

វីឡាដ៏ធំស្កឹមស្កៃនេះ មានផ្ទៃក្រឡាសរុប ២៣៦ម៉ែត្រការ៉េ រាប់បញ្ចូលទាំងសួនផ្កាទំហំ ១៨៦ម៉ែត្រការ៉េនៅជាប់នោះផងដែរ។ លោក Chow មិនដែលបានស្នាក់នៅ ឬជួលវីឡាមួយនេះឡើយ តាំងពីលោកបានទិញវាក្នុងឆ្នាំ២០១០មក។

លោក Chow Yun Fat ឬអាចែ គឺជាតារាសម្ដែងហុងកុងជួរមុខមួយរូប ដែលគេស្គាល់ថាជាបុគ្គលចូលចិត្តសន្សំអចលនទ្រព្យផងដែរ ដោយបច្ចុប្បន្នលោកមានអចលនទ្រព្យយ៉ាងតិច ៧កន្លែង សរុបជាសាច់ប្រាក់ច្រើនជាង ១ពាន់លានដុល្លារហុងកុង។ ប៉ុន្តែស្ថានភាពទីផ្សារអចលនទ្រព្យនៅហុងកុងកំពុងយ៉ាប់យ៉ឺន បង្ខំឲ្យរូបលោកត្រូវលក់អចលនទ្រព្យចេញខ្លះ ដើម្បីយកលុយទុកសម្រាប់ទប់ទល់បញ្ហាពេលក្រោយ៕

អត្ថបទ៖ Luffy រូបភាព៖ The Star

The post តារាហុងកុងអាចែ ប្រកាសលក់ផ្ទះវីឡាបញ្ចុះតម្លៃជាង ៣លានដុល្លារ appeared first on Millions times.

ទីតាំងផ្ទះល្វែងដែលថៅកែក្រុមហ៊ុន Grand Tai Enterprises Development រូបនេះបានចាយលុយទិញគឺស្ថិតក្នុងតំបន់ The Peak ដែលជាតំបន់ប្រមូលផ្ដុំទៅដោយអ្នកអភិជន ភាគខាងលិចទីក្រុងហុងកុង ។

តាមដានជាមួយយើង៖ Million Times

ផ្ទះទាំង ៤ ល្វែងនេះមានទំហំប្រហែល ៤០០ ម៉ែត្រការ៉េ ហើយត្រូវបានដាក់លក់ដោយក្រុមគ្រួសាររបស់លោក Ho Shung Pun នាយកក្រុមហ៊ុនវិនិយោគអចលនទ្រព្យ Kowloon Investment ដើម្បីដោះបំណុល បន្ទាប់ពីជួបបញ្ហាហិរញ្ញវត្ថុ ។

សូមជម្រាបថា បច្ចុប្បន្នលោក Yeung Kin-man ដែលមានវ័យ ៦០ ឆ្នាំមានទ្រព្យសម្បត្តិសុទ្ធចំនួន ២.៣ ពាន់លានដុល្លារអាមេរិក និងជាមហាសេដ្ឋីលំដាប់ទី ១៨ ក្នុងចំណោមអ្នកមានៗសរុបចំនួន ៥០ នាក់របស់ហុងកុង ៕

បកប្រែ ៖ ទីន

The post ថៅកែក្រុមហ៊ុនផលិតកញ្ចក់ស្មាតហ្វូនហុងកុងជះលុយជាង ១៤០ លានដុល្លារទិញផ្ទះ ៤ ល្វែង appeared first on Millions times.

ថ្ងៃនេះ សារព័ត៌មាន Million Times នឹងបង្ហាញជូនពីទ្រព្យសម្បត្តិសរុបដែល ទិន ហ្វី រកបានពីអាជីពជាតារាសម្ដែង រហូតទទួលបានភាពល្បីល្បាញដល់បច្ចុប្បន្ន ៖

តាមដានជាមួយយើង៖ Million Times

យោងតាមសារព័ត៌មានសិង្ហបុរី Today បានចុះផ្សាយថា តារាកំប្លែងវ័យ ៦២ ឆ្នាំ ដែលមិនទាន់ស្គាល់ជីវិតគូរូបនេះមានទ្រព្យសម្បត្តិសុទ្ធយ៉ាងហោចណាស់ ១៨៦ លានដុល្លារអាមេរិក ។ ភាគច្រើនទ្រព្យសម្បត្តិរបស់ ទិន ហ្វី កើតចេញពីការដឹកនាំរឿងតាំងតែពីឆ្នាំ ១៩៨២ មកម្ល៉េះ ។

យ៉ាងណា រហូតដល់ឆ្នាំ ១៩៨៨ ទើប ទិន ហ្វី ចេញមុខសម្ដែងជាលើកដំបូងក្នុងរឿង “កំពូលមេធាវីយុត្តិធម៌” ហើយសម្រាប់រឿងនេះ ទិន ហ្វី ក៏ទទួលបានពានរង្វាន់ Golden Horse Award ក្នុងនាមជាតារាសម្ដែងមានអ្នកគាំទ្រច្រើនបំផុត ។

ចាប់តាំងពីពេលនោះមក កេរ្តិ៍ឈ្មោះរបស់ ទិន ហ្វី បានរីកសាយភាពកាន់តែខ្លាំងឡើងៗ រហូតដល់ឆ្នាំ ១៩៩៩ តារាសម្ដែងដែលនាំឲ្យពិភពភាពយន្តសើចបាត់ទុក្ខកង្វល់រូបនេះបានចេញរឿងថ្មីមានចំណងជើងថា “ស្ដេចកំប្លែង ទិន ហ្វី” ជាពិសេសការចេញរឿង “ក្រុមបាល់ទាត់ សៅ លិញ” ក្នុងឆ្នាំ ២០០១ ដែលរឿងនេះទទួលបានការគាំទ្រយ៉ាងពេញទំហឹង ។

សូមជម្រាបជូនថា បច្ចុប្បន្ន ទិន ហ្វី គ្រោងនឹងផលិតកម្មវិធីចម្រុះថ្មីមួយដែលមានឈ្មោះថា “The King of Comedy Season” សម្រាប់បង្ហោះនៅលើគេហទំព័រវីដេអូតានអនឡាញរបស់ចិនមានឈ្មោះថា iQiyi ៕

បកប្រែ ៖ ទីន

The post ល្បីរាប់សិបឆ្នាំមកហើយ ដឹងទេ ទិន ហ្វី សល់លុយប៉ុន្មានរយលានដុល្លារក្នុងដៃ? appeared first on Millions times.

លោក Lee បានធ្វើការកត់សម្គាល់បែបនេះនៅក្នុងទីក្រុងហុងកុង មុនពេលចាប់ផ្តើមដំណើរទស្សនកិច្ចរយៈពេល ៦ ថ្ងៃមកកាន់ប្រទេសជាសមាជិកអាស៊ានទាំង ៣ ជាមួយនឹងគណៈប្រតិភូមកពីវិស័យផ្សេងៗ រួមទាំងឧស្សាហកម្ម និងពាណិជ្ជកម្ម, សេវាកម្មហិរញ្ញវត្ថុ, ការដឹកជញ្ជូន, ភស្តុភារ, នវានុវត្តន៍, បច្ចេកវិទ្យា និងទេសចរណ៍ ។

តាមដានជាមួយយើង៖ Million Times

ទន្ទឹមនោះ ក្នុងដំណើរទស្សនកិច្ចនេះទៀត គណៈប្រតិភូហុងកុងក៏នឹងអញ្ជើញជួបជាមួយមេដឹកនាំនៃប្រទេសទាំងបី ហើយនឹងធ្វើការណែនាំពីការអភិវឌ្ឍន៍ និងឱកាសសេដ្ឋកិច្ចរបស់ហុងកុង ក៏ដូចជាបន្តស្វែងរកការគាំទ្រពីសំណាក់ប្រទេសទាំង ៣ ដើម្បីជួយហុងកុងចូលជាសមាជិកនៃភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ដែលជាកិច្ចព្រមព្រៀងពាណិជ្ជកម្មសេរីក្នុងចំណោមប្រជាជាតិអាស៊ីប៉ាស៊ីហ្វិក ។

បន្ថែមពីនេះ គណៈប្រតិភូក៏នឹងណែនាំពីតួនាទីរបស់ហុងកុងជា “អ្នកតភ្ជាប់ដ៏អស្ចារ្យ” និងជាអ្នកលើកកម្ពស់នៃការផ្លាស់ប្តូរប្រជាជនទៅប្រជាជនផងដែរ ខណៈក្រោយពីបញ្ចប់ដំណើរទស្សនកិច្ចនេះ លោក Lee នឹងអញ្ជើញ​ត្រឡប់ហោះ​ទៅ​ហុងកុង​វិញ​នា​ល្ងាច​ថ្ងៃ​ទី២ ខែ​សីហា ។

សូមជម្រាបថា អាស៊ាន​ជា​ដៃគូ​ពាណិជ្ជកម្ម​ធំ​ទី ២ ​របស់​ទីក្រុង​ហុងកុង និង​ជា​តំបន់មានសេដ្ឋកិច្ច​ធំ​ទី ៥ របស់​ពិភពលោក ខណៈកាលពីឆ្នាំមុន ទំហំពាណិជ្ជកម្មទ្វេភាគីរវាងហុងកុង និងអាស៊ានមានចំនួន ១៤៤.៦ ពាន់លានដុល្លារអាមេរិក ដែលស្មើនឹងជិត ១៣ ភាគរយនៃពាណិជ្ជកម្មក្រៅប្រទេសសរុបរបស់ហុងកុង ៕

បកប្រែ ៖ ទីន

The post ហុងកុងចាត់ទុកកម្ពុជា និងប្រទេសអាស៊ាន ២ ទៀត ជាទីផ្សារវិនិយោគដ៏ធំ appeared first on Millions times.

លោក Lee បានប្រាប់អ្នកសារព័ត៌មានកាលពីថ្ងៃអង្គារថា ក្នុងអំឡុងពេលនៃដំណើរនេះ អ្នកតំណាងធុរកិច្ចជាន់ខ្ពស់មកពីផ្នែកពាណិជ្ជកម្ម ហិរញ្ញវត្ថុ ការដឹកជញ្ជូន ឡូជីស្ទិក និងឧស្សាហកម្មច្នៃប្រឌិត នឹងអមដំណើរលោកដើម្បីបង្ហាញពីភាពខ្លាំង និងឱកាសអាជីវកម្មផ្សេងៗរបស់ហុងកុង ។

នាយកប្រតិបត្តិហុងកុងវ័យ ៦៧ ឆ្នាំរូបនេះបញ្ជាក់ទៀតថា ក្នុងដំណើរនាពេលខាងមុខនេះ គណៈប្រតិភូនឹងស្នើសុំប្រទេសទាំងបីសម្រាប់ការគាំទ្រដល់ហុងកុងក្នុងការចូលជាសមាជិកក្នុងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ដែលជាកិច្ចព្រមព្រៀងពាណិជ្ជកម្មសេរីក្នុងចំណោមប្រជាជាតិអាស៊ីប៉ាស៊ីហ្វិក ។

តាមដានជាមួយយើង៖ Million Times

ដំណើរទស្សនកិច្ចរបស់លោក Lee នាចុងខែកក្កដានេះ នឹងក្លាយជាការហោះហើរលើកទី ៣ មកកាន់ប្រទេសអាស៊ាន ក្នុងអាណត្តិរបស់លោក ខណៈដំណើរមុនៗរបស់នាយកប្រតិបត្តិហុងកុងរូបនេះគឺបានមកដល់ប្រទេសអាស៊ានចំនួន ៧ ឯណោះ ។

សូមជម្រាបថា អាស៊ាន​ជា​ដៃគូ​ពាណិជ្ជកម្ម​ធំ​ទី ២ ​របស់​ទីក្រុង​ហុងកុង និង​ជា​តំបន់មានសេដ្ឋកិច្ច​ធំ​ទី ៥ របស់​ពិភពលោក ខណៈកាលពីឆ្នាំមុន ទំហំពាណិជ្ជកម្មទ្វេភាគីរវាងហុងកុង និងអាស៊ានមានចំនួន ១៤៤.៦ ពាន់លានដុល្លារអាមេរិក ដែលស្មើនឹងជិត ១៣ ភាគរយនៃពាណិជ្ជកម្មក្រៅប្រទេសសរុបរបស់ហុងកុង ៕

បកប្រែ ៖ ទីន

The post នាយកប្រតិបត្តិហុងកុងនឹងធ្វើទស្សនកិច្ចមកកម្ពុជាដើម្បីស្វែងរកឱកាសធ្វើពាណិជ្ជកម្ម appeared first on Millions times.