តាមដានជាមួយយើង៖ Million Times

កាលពីថ្ងៃទី៣១ ខែមីនា មន្រ្តីក្រសួងសាធារណការ និងដឹកជញ្ជូន, ក្រសួងសេដ្ឋកិច្ច និងហិរញ្ញវត្ថុ និងតំណាងទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន(JICA) បានបើកកិច្ចប្រជុំស្តីពីការពិនិត្យពិភាក្សាលើលក្ខខណ្ឌយោង (Term of Reference) សម្រាប់ការសិក្សាសមិទ្ធិលទ្ធភាព នៃគម្រោងកែលម្អកំណាត់ផ្លូវជាតិលេខ ១ និងសាងសង់ស្ពានថ្មីឆ្លងកាត់ទន្លេមេគង្គ។

តំណាងទីភ្នាក់ងារ JICA បានបង្ហាញនូវផែនការសកម្មភាពដែលត្រូវត្រៀមអនុវត្តនៅពេលខាងមុខ និងស្នើសុំនូវធាតុចូលបន្ថែម ដើម្បីឱ្យការសិក្សាសមិទ្ធិលទ្ធភាពនៃគម្រោងប្រព្រឹត្តដោយរលូនប្រកបដោយប្រសិទ្ធភាព និងស័ក្កសិទ្ធិភាព ឆ្លើយតបនឹងស្ថានភាព ការប្រែប្រួលនិងតម្រូវការជាក់ស្តែងលើទីតាំងដែលបានកំណត់។

ក្នុងកិច្ចប្រជុំនេះ ភាគីរដ្ឋាភិបាលបានណែនាំដល់ក្រុមការងារសិក្សា ត្រូវគិតគូរឱ្យបានច្បាស់លាស់ពីអំពីការប្រែប្រួលធាតុអាកាស (Climate Change) ការសិក្សាអំពីហេតុប៉ះពាល់លើបរិស្ថាននិងសង្គម និងការផលប៉ះពាល់នានាដល់ប្រជាពលរដ្ឋដែលអាចនឹងរងគ្រោះដោយគម្រោង។ 

គួររំលឹកថា កាលកន្លងទៅ នាយករដ្ឋមន្ត្រីកម្ពុជា បានណែនាំឱ្យសាងសង់ស្ពានតភ្ជាប់ពីក្រុងរណបមេគង្គឃី ស្ថិតនៅក្រុងអរិយក្សត្រ ភ្ជាប់ទៅកោះនរា ដោយចង់ឱ្យសិក្សាពីលទ្ធភាពទាំងស្ពានលើទឹក និងក្រោមទឹក។

ក្នុងបើកការដ្ឋានសាងសង់ទីក្រុងរណបមេគង្គឃី នៅថ្ងៃទី១៧ ខែធ្នូ ឆ្នាំ២០២៤ សម្តេច ហ៊ុន ម៉ាណែត បានឱ្យដឹងថា ការឱ្យសិក្សាតភ្ជាប់ស្ពានទាំងលើផ្ទៃទឹក និងផ្លូវក្រោមទឹកចេញពីទីក្រុងរណបមេគង្គឃី ស្ថិតក្នុងក្រុងអរិយក្សត្រ គឺដើម្បីធ្វើយ៉ាងណាភ្ជាប់បើកច្រកប្រជាពលរដ្ឋរស់នៅទីក្រុងរណបមេគង្គឃី ថ្ងៃក្រោយអាចធ្វើដំណើរឆ្លងកាត់ទៅផ្លូវជាតិលេខ១ ដោយមិនចាំបាច់ចំណាយពេលធ្វើដំណើរវាងទៅតាមផ្លូវណាឆ្ងាយជាដើម ឬមួយឡើងពីកោះនរា ទៅកាន់ទីក្រុងកោះពេជ្រ ក៏កាន់តែល្អដែលជួួសម្រួលក្នុងការធ្វើដំណើរចេញ ចូលរបស់ប្រជាពលរដ្ឋ។

សម្តេចបានបង្ហាញជំនឿជឿជាក់ថា សក្តានុពលនៃការតភ្ជាប់ផ្លូវ ស្ពាន និងហេដ្ឋារចនាសម្ព័ន្ធនានានឹងនាំមកនូវការរីកចម្រើននៅផ្នែកខាងកើតទន្លេមេគង្គ ពោលគឺមិនមែនតែក្រុងអរិយក្សក្រនោះទេតែនឹងរុញការរីកចម្រើនរហូតដល់ផ្លូវជាតិលេខ៨ ក្លាយជាតំបន់ឧស្សាហកម្ម និងមានលក្ខណៈទំនើបដូចតំបន់ទិសខាងលិចផងដែរ ហើយទៅអនាគត តំបន់នេះនឹងប្រែក្លាយពីតំបន់វាលស្មៅដុះ ទៅជាតំបន់សេដ្ឋកិច្ចដុះកាន់រីកចម្រើននាទិសខាងកើតនៃដងទន្លេ៕

អត្ថបទ៖ ពិសិដ្ឋ រូបភាព៖ ក្រសួងសាធារណការ

The post បង្ហើបតម្រុយសាងសង់ស្ពានថ្មីឆ្លងកាត់ទន្លេមេគង្គពីកោះនរា ទៅកាន់ទីក្រុងអរិយក្សត្រ appeared first on Millions times.

ពិធីបើកការដ្ឋានសាងសង់ធ្វើឡើងក្រោមវត្តមានសម្តេច ហ៊ុន ម៉ាណែត នាយករដ្ឋមន្ត្រីនៅព្រឹកថ្ងៃទី១៧ ខែធ្នូ ឆ្នាំ២០២៤ ក្នុងភូមិខ្សាច់ ឃុំអរិយក្សត្រ ក្រុងអរិយក្សត្រ ខេត្តកណ្តាល។ សម្ដេចសង្ឃឹមជឿជាក់ថា ការអភិវឌ្ឍទីក្រុងទំនើបនេះ នឹងរួមចំណែកជំរុញកំណើនអចលនទ្រព្យ ក្លាយជាទីក្រុងទេសចរណ៍ជាបណ្ដុំសេដ្ឋកិច្ចពាណិជ្ជកម្មសម្រាប់ទាក់ទាញអ្នកវិនិយោគជាតិ និងអន្តរជាតិ។

តាមដានជាមួយយើង៖ Million Times

សម្តេចថ្លែងគូសបញ្ជាក់ថា ការសាងសង់ទីក្រុងមេគង្គឃីរបស់ក្រុមហ៊ុនធីភី ម៉ូរ៉ាល់ គ្រុប ក្នុងចំណោមទំហំដីជាង២០០ហិកតា ហើយចំណាយដី១ភាគ៣សម្រាប់ធ្វើផ្លូវសាធារណៈ គឺពិតជាត្រឹមត្រូវ ​ហើយសម្តេចសូមប្រកាសគាំទ្រចំពោះគម្រោងបែបនេះ ដើម្បីផ្តល់ភាពងាយស្រួលដល់បងប្អូនប្រជាពលរដ្ឋ។

សម្តេចបានថ្លែងថា «ទីក្រុងមេគង្គឃីនឹងបង្កើតការងារជូនដល់បងប្អូនប្រជាពលរដ្ឋ នៅទិសខាងកើតកាន់តែច្រើនបន្ថែមទៀត ហើយកន្លែងនេះបានប្រែក្លាយជាដីខ្សាច់ដុះស្មៅចោល ក្លាយទៅជាកន្លែងមាន សេដ្ឋកិច្ចកាន់តែច្រើន»។

តំណាងក្រុមហ៊ុនអភិវឌ្ឍន៍ទីក្រុងមេគង្គឃី បានឲ្យដឹងថា ការអភិវឌ្ឍន៍លើផ្ទៃដីប្រមាណ ២០០ហិចតានៃទំហំផ្ទៃដីសរុបក្រុមហ៊ុនគ្រោងអភិវឌ្ឍន៍ដោយបែងចែកជា ៦វិស័យសំខាន់ៗ ដូចជា ពាណិជ្ជកម្ម, លំនៅឋាន, បដិសណ្ឋារកិច្ច, អប់រំ, សុខាភិបាល និងទេសចរណ៍ និងវប្បធម៌។

បើតាមតំណាងក្រុមហ៊ុន ផ្ទៃដីដែលនៅសល់ជាង ៧០ហិចតាសម្រាប់ជាចក្ខុវិស័យអភិវឌ្ឍន៍ក្រុងមេគង្គឃី គ្រោងទុកសម្រាប់រៀបចំហេដ្ឋារចនាសម្ព័ន្ធ ក្នុងនោះរួមមាន រៀបចំបណ្តាញហេដ្ឋារចនាសម្ព័ន្ធសាធារណៈ ដូចជាសាងសង់ជ្រាំងទន្លេ ផ្លូវបើកបរយានជំនះ ផ្លូវថ្មើជើង ផ្លូវជិះកង់ កន្លែងសាធារណៈ កន្លែងហាត់ប្រាណ និងរៀបចំជាសួនច្បារបៃតងដ៏ធំទូលាយដែលមានទទឹងរហូតដល់ទៅ ៥០ម៉ែត្រ និងប្រវែង ៦គីឡូម៉ែត្រក្នុងគោលបំណងលើកផ្ទួយគុណភាព ផាសុកភាពរស់នៅរបស់ប្រជាពលរដ្ឋ និងបំរើផលប្រយោជន៍រួមសាធារណៈ៕

អត្ថបទ៖ សាងតេជៈ រូបភាព៖ ក្រុមព័ត៌មានសម្តេចធិបតី

The post ក្រុមហ៊ុន ឃុន សៀ សហការជាមួយបរទេសអភិវឌ្ឍន៍«ទីក្រុងមេគង្គឃី» លើផ្ទៃដីជាង ២០០ហិចតា appeared first on Millions times.