តាមដានជាមួយយើង៖ Million Times

សម្តេច ហ៊ុន សែន បានរំលឹកថា រឿងលោកឪស៊ុច ក៏មិនជារឿងថ្មីនោះដែរ ព្រោះសម្តេចក៏ដូចជារាជរដ្ឋាភិបាលកម្ពុជា ក៏ធ្លាប់ជួយដល់អតីតនាយករដ្ឋមន្ត្រី ថាក់សុីន និងអតីតនាយករដ្ឋមន្ត្រី យ៉ីងឡាក់ ដែលជាឪពុកបង្កើត ម្តាយមីងបង្កើត របស់នាយករដ្ឋមន្ត្រីថៃបច្ចុប្បន្នផងដែរ។ ការរំលឹករបស់សម្តេចធ្វើឡើងក្នុងពេលដែលសម្តេច ហ៊ុន ម៉ាណែត បានប្រកាសស្វាគមន៍លោកឪស៊ុច មកគង់នៅកម្ពុជា ក្រោយមានការរើសអើងពីប្រជាពលរដ្ឋថៃមួយចំនួន។

តាមរយៈបណ្តាញសង្គមហ្វេសប៊ុក សម្តេច ហ៊ុន សែន សរសេរយ៉ាងដូច្នេះថា នៅពេលទស្សនកិច្ចផ្លូវការរបស់នាយករដ្ឋមន្ត្រីថៃនៅកម្ពុជា កាលពីខែមេសា ឆ្នាំ២០២៥កន្លងទៅ ក្រៅពីកម្មវិធីផ្លូវការយើងមានកម្មវិធីគ្រួសារដោយនាយករដ្ឋមន្ត្រីថៃ អ៊ុងអុីន និងស្វាមីបានមកទទួលទានអាហារនៅផ្ទះខ្ញុំ។ មុនពេលចាកចេញនាយករដ្ឋមន្ត្រីថៃ បានសុំមើលបន្ទប់ដែលឪពុករបស់គាត់ និងម្តាយមីងរបស់គាត់សម្រាក ព្រោះផ្ទះរបស់ខ្ញុំបានរក្សាបន្ទប់ពីរជូនបងប្អូនទាំងពីរនាក់។ បន្ទប់មួយខ្ញុំដាក់ឈ្មោះថា បន្ទប់ ថាក់សុីន និងបន្ទប់មួយទៀតមានឈ្មោះថា បន្ទប់ យ៉ីងឡាក់។ ស្វាមីនាយករដ្ឋមន្ត្រីថៃ បានថត និងថតជាវីដេអូនៅបន្ទប់ទាំងពីរនេះ។

សម្តេចបានបញ្ជាក់ថា មនោសញ្ចេតនារយៈពេលជាង ៣០ឆ្នាំរវាងគ្រួសារទាំងពីរ ត្រូវបានបំផ្លាញដោយការបែកធ្លាយនូវការសន្ទនាតាមទូរស័ព្ទដោយមន្ត្រីកម្ពុជាណាមួយដែលមានកំហឹងចំពោះការប្រមាថមកលើរូបសម្តេច និងនាយករដ្ឋមន្ត្រីកម្ពុជាថាគ្មានវិជ្ជាជីវៈ។

គួររម្លឹកថា ការបែកធ្លាយសំឡេងសន្ទនាមួយរវាងសម្ដេច ហ៊ុន សែន និងនាយករដ្ឋមន្ត្រីថៃបច្ចុប្បន្ន បានលាតត្រដាងការពិតដ៏គួរឱ្យភ្ញាក់ផ្អើល និងគួរឲ្យព្រួយបារម្ភ ជុំវិញភាពប្រេះស្រាំផ្ទៃក្នុងរវាងរាជរដ្ឋាភិបាលថៃ និងក្រុមយោធា និងក៏បង្ហាញយ៉ាងច្បាស់ផងដែរថា តើជម្លោះនៅព្រំដែនរវាងកម្ពុជានិងថៃបច្ចុប្បន្ន តើអ្នកណាជាអ្នកបង្កហេតុ?

ការបែកធ្លាយសំឡេងសន្ទនារយៈពេលជាង១៧នាទី បានបង្ហាញថា ទំនាស់ព្រំដែនរវាងកម្ពុជា និងថៃនាពេលនេះ គឺកើតឡើងដោយសារតែមហិច្ឆតារបស់ក្រុមយោធាថៃ ដែលធ្វើឱ្យទំនាក់ទំនងធ្លាប់តែល្អរវាងកម្ពុជានិងថៃកន្លងមកនេះបានប្រែក្លាយជាមានភាពប្រេះស្រាំ។ ជាមួយគ្នានេះ ក៏នាំឲ្យបក្សប្រឆាំងថៃស្នើសុំឲ្យលោកស្រី Paetongtarn Shinawatra ចុះចេញពីតំណែងទៀតផង៕

អត្ថបទ៖ សាងតេជៈ រូបភាព៖ ផេកសម្តេចតេជោ

The post មនោសញ្ចេតនារយៈពេលជាង ៣០ឆ្នាំរវាងគ្រួសារសម្តេច ហ៊ុន សែន និងលោក ថាក់ស៊ីន ត្រូវបានបំផ្លាញដោយការបែកធ្លាយសារសន្ទនា appeared first on Millions times.

កិច្ចប្រជុំនៅប្រទេសប្រ៊ុយណេត្រូវបានដឹងថា ទាក់ទងនឹងការធ្វើជាប្រធាននៃកិច្ចប្រជុំអាស៊ានរបស់ប្រទេសម៉ាឡេស៊ីនៅចុងឆ្នាំនេះ។ បើយោងតាមចុះផ្សាយដោយសារព័ត៌មាន The Nation។ ដំណើរទស្សនៈកិច្ចនេះ ក្រោយពេលលោក ថាក់ស៊ីន ត្រូវបាននាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម ដែលបានតែងតាំងលោក ជាទីប្រឹក្សាក្រៅផ្លូវការកាលពីខែធ្នូ។

ទោះ​ជា​យ៉ាង​ណា តុលាការ​បាន​បដិសេធ​សំណើ​របស់​លោក ថាក់ស៊ីន ក្នុង​ការ​ធ្វើ​ដំណើរ​ទៅ​ប្រទេស​វៀតណាម និង​កម្ពុជា ក្នុង​អំឡុង​ថ្ងៃ​ទី ១៨-១៩ ខែ​កុម្ភៈ។ តុលាការ​បាន​ផ្តល់​ហេតុផល​ថា ដំណើរ​ទស្សនកិច្ច​របស់​លោក ថាក់ស៊ីន ទៅ​ប្រទេស​ទាំង​ពីរ​នេះ គឺ​ស្ថិត​ក្រោម​ការ​អញ្ជើញ​ផ្ទាល់​ពី​ពាណិជ្ជករ​នៅ​ប្រទេស​វៀតណាម និង​អតីត​មេដឹកនាំ​កម្ពុជា សម្តេច ហ៊ុន សែន មិនមែន​ជា​ការ​អញ្ជើញ​ផ្លូវការ​របស់​រដ្ឋាភិបាល​នៃ​ប្រទេស​រៀងៗ​ខ្លួន​ទេ។

គួរឲ្យដឹងថា តុលាការបានបង្គាប់ឱ្យលោក ថាក់ស៊ីន បង់ប្រាក់ធានាចំនួន ៥លានបាតមុនពេលធ្វើដំណើររបស់លោម ដែលជាចំនួនដូចគ្នាដែលលោកត្រូវបានបង្គាប់ឱ្យបង់ប្រាក់មុនពេលធ្វើដំណើរទៅកាន់ប្រទេសម៉ាឡេស៊ីកាលពីដើមខែនេះ។ អតីតនាយករដ្ឋមន្ត្រីរូបនេះក៏ត្រូវរាយការណ៍ទៅតុលាការ និងមន្ត្រីអន្តោប្រវេសន៍ក្នុងរយៈពេលបីថ្ងៃបន្ទាប់ពីត្រឡប់មកពីប្រ៊ុយណេ៕

អត្ថបទ៖ សារ៉ាយ រូបភាព៖ The Nation

The post តុលាការអនុញ្ញាត​ឲ្យ​លោក ថាក់ស៊ីន ធ្វើ​ដំណើរ​ទៅ​ប្រ៊ុយណេ ប៉ុន្តែ​ហាមទៅ​វៀតណាម និង​កម្ពុជា appeared first on Millions times.

កាសែត Bangkok Post ចុះផ្សាយថា ជំនួបនេះបានធ្វើឡើងបន្ទាប់ពីលោក ថាក់ស៊ីន ត្រូវបានតែងតាំងជាទីប្រឹក្សារបស់លោក អាន់វ៉ា ទទួលបន្ទុកកិច្ចការសមាគមប្រជាជាតិអាស៊ីអាគ្នេយ៍ (អាស៊ាន)។ 

តាមដានជាមួយយើង៖ Million Times

កាលពីថ្ងៃសុក្រ ក្នុងពេលចូលរួមប្រារព្ធខួបលើកទី ៧៥ឆ្នាំនៃកាសែត Thai Rath លោក ថាក់ស៊ីន ប្រាប់អ្នកសារព័ត៌មានថា លោកបានជិះទូកនៅភូកេត ហើយបានជិះទៅកោះ Lipe ក្នុងខេត្ត Satun ជាមួយអតីតរដ្ឋមន្ត្រីកសិកម្ម Thamanat Prompow កាលពីថ្ងៃពុធ។ បន្ទាប់មក លោកបានឡើងជិះទូកទៅជួបលោក អាន់វ៉ា ដែលធ្វើឡើងនៅសមុទ្រក្បែរព្រំដែនសមុទ្រថៃ-ម៉ាឡេស៊ី។

លោក ថាក់ស៊ីន បាននិយាយថា ជំនួបនោះបានផ្តល់ឱកាសដើម្បីពិភាក្សាអំពីបញ្ហានានា រួមទាំងស្ថានភាពនៅភាគខាងត្បូងរបស់ប្រទេសថៃ សេដ្ឋកិច្ចថៃ វិបត្តិមីយ៉ាន់ម៉ា និងអាស៊ាន និងកិច្ចការពិភពលោក។ លោក​​ថ្លែង​ថា លោក​បាន​សង្កត់​ធ្ងន់​លើ​តម្រូវការ​សម្រាប់​ប្រទេស​ជា​សមាជិក​អាស៊ាន​ដើម្បី​រួបរួម​ជា​ធ្លុងមួយ និង​ក្លាយ​ជា​សហគមន៍​ដ៏​រឹង​មាំ។

លោក អាន់វ៉ា បានបង្ហោះនៅលើបណ្តាញសង្គម X ដោយនិយាយថា លោកបានជួប “មិត្តសម្លាញ់” លោក ថាក់ស៊ីន ពិភាក្សាអំពីបញ្ហាទ្វេភាគី និងតំបន់ រួមទាំងកិច្ចខិតខំប្រឹងប្រែងដើម្បីស្តារសន្តិភាពនៅភាគខាងត្បូងប្រទេសថៃ និងវិបត្តិនៅមីយ៉ាន់ម៉ា។

លោកបានសរសេរថា “វាពិតជារីករាយណាស់ដែលបានជួបអតីតនាយករដ្ឋមន្ត្រីថៃ និងជាមិត្តជាទីស្រឡាញ់ លោកបណ្ឌិត ថាក់ស៊ីន ស៊ីណាវ៉ាត្រា សម្រាប់ការពិភាក្សាដ៏ទូលំទូលាយ និងប្រកបដោយផ្លែផ្កា រួមទាំងក្នុងសមត្ថភាពរបស់គាត់ក្នុងនាមជាទីប្រឹក្សាក្រៅផ្លូវការសម្រាប់ប្រធានអាស៊ានរបស់ម៉ាឡេស៊ី”។

លោកសរសេរបន្តថា “ការសន្ទនារបស់យើងផ្តោតលើអាទិភាពក្នុងតំបន់សំខាន់ៗ៖ ការធ្វើឱ្យសេដ្ឋកិច្ចរស់ឡើងវិញ ការប្រើប្រាស់បច្ចេកវិទ្យាដែលកំពុងរីកចម្រើន ជំរុញសន្តិភាពនៅភាគខាងត្បូងប្រទេសថៃ និងការដោះស្រាយវិបត្តិមីយ៉ាន់ម៉ា“។ 

លោកបានគូសបញ្ជាក់ថា បណ្តាញទំនាក់ទំនងដែលមិនអាចប្រៀបផ្ទឹមបានរបស់លោកថាក់ស៊ីននៅទូទាំងតំបន់ រួមជាមួយនឹងជំនាញពិសេសរបស់លោក សង្ឃឹមថានឹងបើកឱកាសដែលមិនអាចកាត់ថ្លៃបានសម្រាប់ម៉ាឡេស៊ី និងអាស៊ាន ដើម្បីដោះស្រាយបញ្ហាប្រឈមទាំងនេះដោយទំនុកចិត្ត និងប្រសិទ្ធភាពកាន់តែច្រើន។

សរសេរបន្ថែមថា លោកក៏បានពិភាក្សាគ្នាអំពីវិធីពង្រឹងទំនាក់ទំនងទ្វេភាគីដ៏រឹងមាំរួចទៅហើយរវាងម៉ាឡេស៊ី និងថៃ ដោយធ្វើឱ្យស្របទៅនឹងចក្ខុវិស័យសម្រាប់ការអភិវឌ្ឍន៍ប្រកបដោយនិរន្តរភាព និងកិច្ចសហប្រតិបត្តិការក្នុងតំបន់ ដែលលោកបានពិភាក្សាជាមួយនាយករដ្ឋមន្រ្តីលោកស្រី Paetongtarn Shinawatra ។

លោក អាន់វ៉ា កំពុងបង្កើតក្រុមប្រឹក្សាក្រៅផ្លូវការមួយ ដើម្បីគាំទ្រដល់ការធ្វើជាប្រធានអាស៊ានរបស់ម៉ាឡេស៊ីនៅឆ្នាំក្រោយ ដោយមានលោក ថាក់ស៊ីន ក្នុងចំណោមសមាជិករបស់ខ្លួន។ នាយករដ្ឋមន្ត្រីម៉ាឡេស៊ីបានបង្ហាញផែនការនេះក្នុងសន្និសីទសារព័ត៌មានរួមគ្នាមួយកាលពីថ្ងៃទី ១៦ ខែធ្នូ នៅទីក្រុង Putrajaya ជាកន្លែងដែលលោកបានជួបជាមួយលោកស្រី Paetongtarn ដែលជាកូនស្រីរបស់លោកថាក់ស៊ីន៕

អត្ថបទ៖ សារ៉ាយ រូបភាព៖ @anwaribrahim X 

The post លោក ថាក់ស៊ីន និងលោក អាន់វ៉ា ជួបពិភាក្សាគ្នានៅលើទូកដ៏ប្រណិតក្បែរព្រំដែនសមុទ្រថៃ-ម៉ាឡេស៊ី appeared first on Millions times.

អគ្គលេខាធិការ NACC លោក Sarote Phuengramphan និយាយកាលពីថ្ងៃចន្ទថា គណៈកម្មការសម្រេចបានស៊ើបអង្កេតជាការឆ្លើយតបទៅនឹងការចោទប្រកាន់ថា មន្ត្រីនៅនាយកដ្ឋានកែប្រែ, មន្ទីរពេទ្យ និងអគ្គស្នងការដ្ឋាននគរបាលជាតិ បានបញ្ជូនលោក ថាក់ស៊ីន ទៅមន្ទីរពេទ្យដើម្បីកុំឲ្យលោកជាប់ពន្ធនាគារ។

តាមដានជាមួយយើង៖ Million Times

លោក ថាក់ស៊ីន ក្នុងរថយន្តពេលត្រឡប់មកដល់ប្រទេសវិញ

យោងតាមការចោទប្រកាន់ លោក ថាក់ស៊ីន ត្រូវបានអនុញ្ញាតឱ្យស្នាក់នៅក្នុងមន្ទីរពេទ្យរយៈពេល ១៨០ថ្ងៃ ទោះបីលោកមិនឈឺធ្ងន់ក៏ដោយ។ លោក Sarote បន្តថា NACC បានរកឃើញអង្គហេតុ សាក្សី និងភស្តុតាងគ្រប់គ្រាន់ ដើម្បីធ្វើការស៊ើបអង្កេត ដូច្នេះបានចាប់ផ្តើមបន្តសំណុំរឿងនេះ។ លោក​បន្ត​ទៀតថា ការ​ស៊ើប​អង្កេត​នឹង​ផ្តោត​លើ​មន្ត្រី​ចំនួន ១២នាក់​នៅ​នាយកដ្ឋាន​កែប្រែ មន្ទីរពេទ្យ​ និងនគរបាល។

លោក ថាក់ស៊ីន បាន​វិល​ត្រឡប់​ចូលស្រុកវិញ​កាល​ពី​ថ្ងៃ​ទី​២២ ខែ​សីហា ឆ្នាំ​២០២៣ បន្ទាប់​ពី​បាន​និរទេស​ខ្លួន​អស់រយៈពេល ១៥​ឆ្នាំ។ ជាន់ទឹកដីថៃភ្លាម លោកត្រូវបញ្ជូនទៅពន្ធនាគារ Remand ទីក្រុងបាងកក ហើយក្រោយមកបញ្ជូនទៅសម្រាកនៅឯមន្ទីរពេទ្យក្រោមហេតុផលសុខភាព។ នៅយប់ដំបូងនៅពន្ធនាគារ Remand គ្រូពេទ្យបញ្ជាក់ថា លោក ថាក់ស៊ីន គួរតែត្រូវបានផ្ទេរទៅមន្ទីរពេទ្យ ដោយសារតែមានការឈឺទ្រូង លើសឈាម និងកម្រិតអុកស៊ីសែនក្នុងឈាមទាប។

លោកថាក់ស៊ីន ត្រូវបានអនុញ្ញាតស្របច្បាប់ឱ្យទទួលការព្យាបាលនៅខាងក្រៅពន្ធនាគាររយៈពេល ១២០ថ្ងៃ ប៉ុន្តែនាយកដ្ឋានកែប្រែ បានអនុញ្ញាតឱ្យលោកបន្តស្នាក់នៅមន្ទីរពេទ្យលើសពីថ្ងៃទី ២២ខែធ្នូ។ លោកត្រូវ​បាន​គេ​ដាក់​ឲ្យ​នៅ​ក្រៅ​ឃុំ និង​បាន​ចេញ​ពី​មន្ទីរពេទ្យ​នៅ​ថ្ងៃ​ទី១៨ ខែ​កុម្ភៈ ឆ្នាំ២០២៤។ អតីត​នាយក​រដ្ឋមន្ត្រី​រូប​នេះ​បាន​បញ្ចប់​ការ​ជាប់​ពន្ធនាគារ​រយៈពេល​មួយ​ឆ្នាំ​ជា​ផ្លូវការ​នៅ​ថ្ងៃ​ទី ៣១ ខែ​សីហា ឆ្នាំ​នេះ៕

អត្ថបទ៖ សារ៉ាយ រូបភាព៖ Bangkok Post

The post ក្រុមប្រឆាំងអំពើពុករលួយ ស៊ើបអង្កេតលើមន្ត្រីរដ្ឋាភិបាលអនុញ្ញាតឱ្យលោក ថាក់ស៊ីន ស្នាក់នៅមន្ទីរពេទ្យជំនួសឱ្យពន្ធនាគារ appeared first on Millions times.

បើទោះលោករស់នៅនិរទេសខ្លួនក៏ដោយ បើនិយាយដល់ទ្រព្យសម្បត្តិរបស់លោកក៏មិនមែនការធ្លាក់ខ្លាំងប៉ុន្មានឡើយ។ យោងតាមទស្សនាវដ្តី Forbes គិតថ្ងៃទី១១ ខែកញ្ញា ឆ្នាំ២០២៤នេះ លោក ថាក់ស៊ីន មានទ្រព្យសម្បត្តិសុទ្ធសរុប ២.១ពាន់លានដុល្លារអាមេរិក។ និយាយដល់អ្នកមានក្នុងស្រុកថៃវិញ លោកឈរលេខរៀងទី១១ ក្នុងបញ្ជីមហាសេដ្ឋីមានបំផុតទាំង ៥០រូបក្នុងក្រុងបាងកក។

បើតាមទស្សនាវដ្តី Forbes លោក ថាក់ស៊ីន មានវ័យ ៧៥ឆ្នាំ ជាអ្នកនយោបាយ និងជំនួញជាប់ជាមហាសេដ្ឋីលំដាប់ទី ១៥៤៥ លើពិភពលោក ក្នុងឆ្នាំ២០២៤។

លោក ថាក់ស៊ី ជាឪពុកបង្កើតលោកស្រី Paetongtarn Shinawatra នាយករដ្ឋមន្រ្តីថ្មីថៃដែលទើបចូលកាន់តំណែងថ្មីៗ។ លោកថាក់ស៊ីន ជាម្ចាស់ភាគហ៊ុនគ្រប់គ្រងនៅក្នុងក្រុមហ៊ុនអចលនទ្រព្យ SC Asset ក្នុងចំណោមក្រុមហ៊ុនជាច្រើនទៀត។ ប្អូនស្រីរបស់លោក គឺលោកស្រី យីងឡាក់ ដែលជាអតីតនាយករដ្ឋមន្ត្រីផងដែរ បានភៀសខ្លួនចេញពីប្រទេសក្នុងឆ្នាំ ២០១៧ ដើម្បីគេចពីការចាប់ខ្លួន ដោយសារការធ្វើរដ្ឋប្រហារពីយោធានា ហើយតុលាការ​ថៃ​បាន​លើក​លែង​ទោស​លោកស្រី​ក្នុង​ខែ​មីនា ឆ្នាំ​២០២៤៕

អត្ថបទ៖ សារ៉ាយ រូបភាព៖

The post ឪពុកនាយករដ្ឋមន្រ្តីថៃ មានទ្រព្យសម្បត្តិសុទ្ធប៉ុន្មាន ដែលធ្លាប់រស់នៅនិរទេសខ្លួនក្នុងទីក្រុងឌូបៃ appeared first on Millions times.

ទោះបីជាលោកមិនមានតួនាទីផ្លូវការក្នុងរដ្ឋាភិបាលក៏ដោយ ប៉ុន្តែលោក ថាក់ស៊ីន គឺជាឥស្សរជនដ៏មានឥទ្ធិពលបំផុតនៅក្នុងនយោបាយថៃ ហើយត្រូវបានគេមើលឃើញថាជាអ្នករៀបចំតំណែងនាយករដ្ឋមន្ត្រីឲ្យកូនស្រីអាយុ ៣៧ឆ្នាំរបស់លោក គឺលោកស្រី Paetongtarn Shinawatra ។

តាមដានជាមួយយើង៖ Million Times

មេដឹកនាំ​គណបក្ស​ភឿ​ថៃ​ ដែល​មាន​ប្រជា​ប្រិយ​ភាពលោកស្រី Paetongtarn ត្រូវ​បាន​បោះឆ្នោត​ជ្រើសរើស​កាលពី​ថ្ងៃ​សុក្រ​សប្តាហ៍មុនជំនួស​លោក សេដ្ឋា ថាវីស៊ីន ដែល​ត្រូវ​បណ្តេញ​ចេញ​ដោយ​ដីកា​តុលាការ។

លោក ថាក់ស៊ីន បាននិយាយក្នុងវេទិកាមួយនៅរាជធានីបាងកក ថា៖ “យើងត្រូវជំរុញសេដ្ឋកិច្ច ខណៈដែលប្រទេសរបស់យើងបានរីកចម្រើនយឺតៗ អស់រយៈពេលជាយូរមកហើយ”។ ក្នុងវេទិកានោះលោកបានបង្ហាញពីអត្ថប្រយោជន៍នៃគម្រោងចែកចាយកាបូបឌីជីថល ដែលជាការសន្យាក្នុងយុទ្ធនាការដ៏សំខាន់សម្រាប់គណបក្សរបស់លោកនៅក្នុងការបោះឆ្នោតកាលពីឆ្នាំមុន។

គម្រោងចែកចាយ “កាបូបឌីជីថល” ដែលនឹងធ្វើឱ្យប្រជាជនថៃប្រហែល ៥០លាននាក់ទទួលបានឥណទាន ១០,០០០ បាតតាមរយៈកម្មវិធីស្មាតហ្វូនដើម្បីចំណាយក្នុងស្រុករយៈពេល ៦ខែនោះ ត្រូវបានគេគ្រោងនឹងដាក់ឱ្យប្រើប្រាស់នៅត្រីមាសទី៤ ក្រោមការដឹកនាំរបស់លោក សេដ្ឋា។ យ៉ាង​ណា​ក៏​ដោយ ការ​ចាកចេញ​របស់​លោក​ សេដ្ឋា បាន​បង្ក​ការ​សង្ស័យ​ខ្លះ​ថា​ តើ​វា​នៅ​តែ​បន្ត​ដំណើរ​ទៅ​មុខ​ទៀត ​ឬ​យ៉ាង​ណា។

ការកត់សម្គាល់របស់លោក ថាក់ស៊ីន កាលពីថ្ងៃព្រហស្បតិ៍បានបង្ហាញថា លោកស្រី Paetongtarn ទំនងជានឹងបន្តផែនការនេះ ដែលកើតឡើងក្រោមការរិះគន់ពីអ្នកជំនាញសេដ្ឋកិច្ច និងធនាគារកណ្តាលរបស់ប្រទេសថៃ។

អតីតនាយករដ្ឋមន្ត្រីដែលបានចំណាយពេល ១៥ឆ្នាំក្នុងការនិរទេសខ្លួនឯង មុនពេលវិលត្រឡប់ទៅកាន់ប្រទេសថៃវិញកាលពីឆ្នាំមុន លោក ថាក់ស៊ីន បាននិយាយថា រដ្ឋាភិបាលរបស់កូនស្រីរបស់លោកនឹងអាចដោះស្រាយជាមួយនឹងបញ្ហាប្រឈមដែលរារាំងដល់កំណើនសេដ្ឋកិច្ច។ លោកនិយាយថា រដ្ឋាភិបាលកំពុងពិចារណាប្រើប្រាស់ថវិកាចំនួន ១៤៥ពាន់លានបាតពីថវិកាសារពើពន្ធឆ្នាំ២០២៤ ដើម្បីផ្តល់ឧបត្ថម្ភធនដល់ប្រជាជនចំនួន ១៤.៥លាននាក់នៅក្នុងខែកញ្ញាជាមួយនឹងការផ្តល់បន្ថែមដែលចាប់ផ្តើមពីខែតុលា។

បើតាមអតីតនាយករដ្ឋមន្រ្តីរូបនេះ វា​នឹង​ជួយជំរុញ​សេដ្ឋកិច្ច​របស់ថៃភ្លាមៗ​ នៅ​ក្នុងខែ​កញ្ញា​ ខណៈដែលសេដ្ឋកិច្ចថៃបានកើនឡើង ២.៣% នៅក្នុងត្រីមាសទី២ ពោលចាប់ពីខែមេសា ដល់ខែមិថុនា បើធៀបនឹងឆ្នាំមុន។

ទន្ទឹមនឹងនោះ លោកបានគូសបញ្ជាក់អំពីបញ្ហាបន្ទាន់ក្នុងការដោះស្រាយបំណុលគ្រួសារកំពុងកើនឡើងដែលមានចំនួន ១៦.៤ ពាន់ពាន់លានបាត ឬស្មើនឹង ៩០.៨% នៃផលិតផលក្នុងស្រុកសរុប GDP នៅចុងខែមីនា ក្នុងចំណោមប្រទេសនៅអាស៊ី។ លោកបាននិយាយថា “យើងត្រូវរៀបចំរចនាសម្ព័ន្ធបំណុលគ្រួសារឡើងវិញ។ រដ្ឋមន្ត្រីហិរញ្ញវត្ថុនឹងត្រូវពិភាក្សាជាមួយធនាគារទាំងអស់ដើម្បីដោះស្រាយបញ្ហានេះ” ។

បន្ថែមទៀតនោះលោក ថាក់ស៊ីន ថា ប្រទេសថៃចាំបាច់ត្រូវធ្វើកំណែទម្រង់វិស័យកសិកម្មរបស់ខ្លួនឱ្យកាន់តែមានភាពប្រកួតប្រជែង និងជំរុញប្រាក់ចំណូល ព្រមទាំងសមត្ថភាពក្នុងវិស័យទេសចរណ៍ ដែលជាកត្តាជំរុញដ៏សំខាន់នៃកំណើន រួមទាំងការពង្រីកអាកាសយានដ្ឋានសំខាន់នៅទីក្រុងបាងកកផងដែរ៕

អត្ថបទ៖ សារ៉ាយ រូបភាព៖ AP

The post លោក ថាក់ស៊ីន ចេញមុខនិយាយរឿងគម្រោងចែកលុយឌីជីថល ជិត ១៥ពាន់លានដុល្លារឲ្យពលរដ្ឋជំរុញសេដ្ឋកិច្ចថៃឡើងវិញ appeared first on Millions times.

អតីតនាយករដ្ឋមន្ត្រីថៃ ថាក់ស៊ីន ស៊ីណាវ៉ាត្រា បានទទួលការលើកលែងទោសពីព្រះមហាក្សត្រដោយកាត់បន្ថយការដោះលែងគាត់ត្រឹមពីរសប្តាហ៍។ មេធាវីរបស់លោក គឺលោកWinyat Chartmontri បានប្រាប់រ៉យទ័រថា “ថាក់ស៊ីនគឺជាអ្នកទោសដែលបានទទួលការលើកលែងទោសពីព្រះមហាក្សត្រ” ក្នុងឱកាសធ្វើបុណ្យចម្រើនព្រះជន្មរបស់ព្រះមហាក្សត្រកាលពីខែមុន”។

លោក Winyat បាននិយាយថា ការលើកលែងទោសត្រូវបានអនុញ្ញាតក្នុងខែកុម្ភៈ នឹងត្រូវបញ្ចប់នៅចុងខែសីហានេះ ប៉ុន្តែត្រូវបានកាត់បន្ថយមកត្រឹមថ្ងៃអាទិត្យនេះវិញ។

លោក ថាក់ស៊ីន គឺជានិមត្តរូបនៃការតស៊ូអំណាចរយៈពេលពីរទសវត្សរ៍រវាងគ្រួសារស៊ីណាវ៉ាត្រា។ បន្ទាប់ពីមាតុភូមិនិវត្តចូលប្រទេសថៃកាលពីខែសីហា ឆ្នាំមុន លោកបានជាប់ពន្ធនាគាររយៈពេលប្រាំមួយខែនៅក្នុងមន្ទីរពេទ្យដោយសារតែហេតុផលសុខភាពមុនពេលត្រូវបានដោះលែងឱ្យនៅក្រៅឃុំក្នុងខែកុម្ភៈ ឆ្នាំ២០២៤។

បន្ទាប់ពីការត្រលប់មកវិញ លោកត្រូវបានកាត់ទោសឱ្យជាប់ពន្ធនាគាររយៈពេលប្រាំបីឆ្នាំពីបទរំលោភអំណាច និងទំនាស់ផលប្រយោជន៍ក្នុងអំឡុងពេលកាន់តំណែងពីឆ្នាំ២០០១ ដល់ឆ្នាំ២០០៦។ ការកាត់ទោសលោក ត្រូវបានបន្ធូរបន្ថយរយៈពេលមួយឆ្នាំដោយព្រះមហាក្សត្រ Maha Vajiralongkorn កាលពីខែកញ្ញាឆ្នាំមុន៕

អត្ថបទ៖ សារ៉ាយ រូបភាព៖ The Nation

The post ព្រះមហាក្សត្រ លើកលែងទោសឲ្យលោក ថាក់ស៊ីន មានសេរីភាពពេញលេញ appeared first on Millions times.