គេហទំព័រនិយាយពីសហគ្រិនជោគជ័យបញ្ជាក់ថា ត្រកូលគ្រួសារមហាសេដ្ឋីទាំង៥នោះ មានជនជាតិឥណ្ឌាចំនួន ២គ្រួសារ ថៃមួយគ្រួសារ ឥណ្ឌូណេស៊ីមួយគ្រួសារ និងហុងកុងមួយគ្រួសារ ហើយសរុបទ្រព្យសម្បត្តិពួកគេរួមបញ្ចូលគ្នា មានទំហំដល់ទៅ ២៤៨ពាន់លានដុល្លារ។

តទៅនេះ គឺជាបញ្ជីឈ្មោះគ្រួសារមហាសេដ្ឋីមានទ្រព្យសម្បត្តិច្រើនបំផុតនៅក្នុងទ្វីបអាស៊ី រៀបរៀងដោយគេហទំព័រ Bloomberg៖

1/ គ្រួសារត្រកូល Ambani នៃប្រទេសឥណ្ឌា

តាមដានជាមួយយើង៖ Million Times

ត្រកូល Ambani គឺជាម្ចាស់ក្រុមហ៊ុនខ្នាតយក្សធំបំផុតប្រចាំប្រទេសឥណ្ឌា Reliance Industries និងជាគ្រួសារមានទ្រព្យស្ដុកស្ដម្ភបំផុតនៅក្នុងទ្វីបអាស៊ី ដោយមានទ្រព្យសម្បត្តិ ៩០,៥ពាន់លានដុល្លារ។

បច្ចុប្បន្នក្រុមហ៊ុនមួយនេះកំពុងស្ថិតក្រោមការគ្រប់គ្រងពីមហាសេដ្ឋី Mukesh Ambani ហើយលោក និងក្រុមគ្រួសារកំពុងរស់នៅក្នុងអគារកំពស់ ២៧ជាន់ ដែលត្រូវបានចាត់ទុកថា ជាផ្ទះមានតម្លៃថ្លៃបំផុតមួយលើពិភពលោក។

2/ គ្រួសារត្រកូល Chearavanont នៃប្រទេសថៃ

ត្រកូល Chearavanont គឺជាគ្រួសារមានបំផុតនៅប្រទេសថៃ និងជាប់នៅលំដាប់ទី២ ជាគ្រួសារមានទ្រព្យសម្បត្តិច្រើនដាច់គេក្នុងទ្វីបអាស៊ី ជាមួយទំហំទឹកប្រាក់ ៤២,៦ពាន់លានដុល្លារ។

គ្រួសារមួយនេះ គឺជាម្ចាស់អាជីវកម្មដែលមានឈ្មោះថា Caroen Pokphand Group ជាស្ដេចត្រាញ់រកស៊ីលើវិស័យចំណីអាហារ ការលក់រាយ និងវិស័យទូរគមនាគមន៍។

3/ គ្រួសារត្រកូល Hartono នៃប្រទេសឥណ្ឌូណេស៊ី

គ្រួសារម្ចាស់អាជីវកម្មផលិតបារី Djarum និងធនាគារ Bank Central Asia ជាប់នៅចំណាត់ថ្នាក់ទី៣ និងជាត្រកូលមានទ្រព្យសម្បត្តិច្រើនបំផុតប្រចាំប្រទេសឥណ្ឌូណេស៊ី ដោយមានទ្រព្យសម្បត្តិ ៤២,២ពាន់លានដុល្លារ។

4/ គ្រួសារត្រកូល Mistry នៃប្រទេសឥណ្ឌា

គ្រួសារឥណ្ឌាទី២ក្នុងបញ្ជីមួយនេះ គឺជាវង្សត្រកូលមហាសេដ្ឋី ៥ជំនាន់មកហើយ ដោយមានទ្រព្យសម្បត្តិ ៣៧,៥ពាន់លានដុល្លារ។

ត្រកូល Mistry គឺជាម្ចាស់ក្រុមហ៊ុន Shapoorji Pallonji Group ដែលរកស៊ីលើពហុវិស័យ ប៉ុន្តែភាគច្រើនជំនាញក្នុងវិស័យវិស្វកម្ម និងសំណង់។

5/ គ្រួសារត្រកូល Kwok នៃទីក្រុងហុងកុង

គ្រួសារមានទ្រព្យសម្បត្តិច្រើនបំផុតទី៥ ប្រចាំទ្វីបអាស៊ី បានទៅលើត្រកូល Kwok នៃតំបន់សេដ្ឋកិច្ចពិសេសហុងកុង ដោយមានទ្រព្យសម្បត្តិសរុប ៣៥,៦ពាន់លានដុល្លារ និងរកស៊ីលើវិស័យអចលនទ្រព្យ ដោយមានក្រុមហ៊ុនឈ្មោះថា Sun Hung Kai Properties ៕

អត្ថបទ៖ Luffy រូបភាព៖ Tatler/ CP/ BusinessInsider

The post មកស្គាល់ត្រកូលគ្រួសារមហាសេដ្ឋីមានទ្រព្យសម្បត្តិច្រើនបំផុតប្រចាំទ្វីបអាស៊ី appeared first on Millions times.

តាមដានជាមួយយើង៖ Million Times

យោងតាមការចុះផ្សាយពីសារព័ត៌មាន Reuters បានរាយការណ៍ថា សម្ពាធនៃតម្លៃទំនិញបន្តធ្លាក់ចុះពីចិន នឹងបង្កឲ្យកើតមាននូវភាពតានតឹងពាណិជ្ជកម្ម ហើយថែមទាំងធ្វើឲ្យប៉ះពាល់ដល់វិស័យជាច្រើន នៅក្នុងប្រទេសដែលមានលក្ខណៈនាំចេញស្រដៀងគ្នាក្នុងតំបន់។

IMF បានអំពាវនាវឲ្យរដ្ឋាភិបាលចិន ប្រញាប់រកវិធីដោះស្រាយនូវបញ្ហាមួយនេះ ដើម្បីអាចសម្រេចបាននូវការងើបឡើងវិញនៃសេដ្ឋកិច្ច ដែលជំរុញដោយការធ្វើពាណិជ្ជកម្មឆ្លងប្រទេស។

IMF បាននិយាយនៅក្នុងរបាយការណ៍ទស្សនវិស័យសេដ្ឋកិច្ច ក្នុងតំបន់អាស៊ីថា៖ ការធ្លាក់តម្លៃទំនិញយូរជាង និងច្រើនជាងការរំពឹងទុកក្នុងប្រទេសចិន នឹងបង្កគ្រោះថ្នាក់ទាំងក្នុងតំបន់ និងសេដ្ឋកិច្ចពិភពលោក។ រដ្ឋាភិបាលចិន គួរតែចាត់វិធានការបន្ទាន់ ដើម្បីដោះស្រាយបញ្ហាមួយនេះ។

សូមជម្រាបដែរថា ប្រទេសចិនដើរតួយ៉ាងសំខាន់ នៅក្នុងស្ថានភាពសេដ្ឋកិច្ចពិភពលោក ដោយមហាអំណាចសេដ្ឋកិច្ចធំបំផុតលើលោកទី២ គ្រប់គ្រងការនាំចេញសរុប ១០% ទូទាំងសកលលោក និងជាប្រភពនៃសង្វាក់ផលិតកម្មធំបំផុតមួយលើលោកថែមទៀត។ ដូច្នេះហើយបើសិនជាចិន ជួបភាពតានតឹងនៃពាណិជ្ជកម្ម នោះការធ្វើពាណិជ្ជកម្មទូទាំងសកលលោក ក៏ប្រឈមនឹងហានិភ័យដូចគ្នា៕

អត្ថបទ៖ Luffy រូបភាព៖ New York Times

The post IMF ព្រមានពីហានិភ័យកំណើនសេដ្ឋកិច្ចអាស៊ី ដោយសារភាពតានតឹងផ្នែកពាណិជ្ជកម្មចិន appeared first on Millions times.

កិច្ចសហប្រតិបត្តិការនេះត្រូវបានធ្វើឡើងក្នុងសិក្ខាសាលាមួយរវាងសម្ព័ន្ធភាពរវាងបណ្ឌិតសភាវិទ្យាសាស្ត្រកសិកម្ម Hainan របស់ប្រទេសចិន និងសមាគមឧស្សាហកម្មទុរេននៃរដ្ឋជាសមាជិកអាស៊ាន ដែលរៀបចំឡើងក្នុងទីក្រុង Sanya ខេត្ត Hainan ភាគខាងត្បូងប្រទេសចិន ។

តាមដានជាមួយយើង៖ Million Times

សម្ព័ន្ធភាពនេះមានគោលបំណងបង្កើតកាច្នៃប្រឌិតតាមបែបវិទ្យាសាស្ត្របច្ចេកវិទ្យាដោយបើកចំហ រួមបញ្ចូល និងផ្តល់ផលប្រយោជន៍ទៅវិញទៅមក ក៏ដូចជាជំរុញកិច្ចសហប្រតិបត្តិការរវាងភាគីទាំងពីរលើបច្ចេកវិទ្យាដាំទុរេន បច្ចេកវិទ្យាកែលម្អពូជ បច្ចេកវិទ្យាកែច្នៃស៊ីជម្រៅ និងការច្នៃប្រឌិតខ្សែសង្វាក់ឧស្សាហកម្ម ។

អ្នកជំនាញនៅក្នុងសិក្ខាសាលានេះបាននិយាយថា សម្ព័ន្ធភាពមួយនេះនឹងជួយពួកគេបន្ថែមទៀតក្នុងការលើកកម្ពស់ឧស្សាហកម្មទុរេន ។ វាក៏នឹងដើរតួនាទីយ៉ាងសកម្មផងដែរក្នុងកិច្ចសហប្រតិបត្តិការរបស់ពួកគេក្នុងការស្រាវជ្រាវ ការច្នៃប្រឌិត ដំណើរការផលិត ការបណ្តុះបណ្តាលធនធានមនុស្ស និងការលើកកម្ពស់ទីផ្សារអ្នកប្រើប្រាស់ជាដើម ។

សូមបញ្ជាក់ថា ក្នុង​ឆ្នាំ​ ២០២៣ ការ​នាំ​ចេញ​ទុរេន​ពី​ប្រទេស​អាស៊ាន​ដូច​ជា ​ថៃ និង​វៀតណាម​ទៅ​ប្រទេស​ចិន​មាន​ចំនួន​លើស​ពី ៤.៦ ពាន់លានដុល្លារ ។ ដោយឡែកសម្រាប់ប្រទេសម៉ាឡេស៊ី តម្លៃនៃការនាំចេញទុរេនបង្កកទៅកាន់ប្រទេសចិនមានចំនួន ៤ ពាន់លានដុល្លារ ៕

បកប្រែ ៖ ទីន

The post អាស៊ាន-ចិន ចែករំលែកបច្ចេកទេសបង្កាត់ពូជ ដាំដុះ និងកែច្នៃទុរេន appeared first on Millions times.

ជប៉ុន ឥណ្ឌូណេស៊ី និងកូរ៉េខាងត្បូង គឺជាប្រទេសនាំមុខគេទាំង ១២ ក្នុងការធ្លាក់ចុះទុនបម្រុងដល់ទៅ ៧.៥ ពាន់ពាន់លានដុល្លារនៅចុងខែមិថុនា ខណៈមានការកើនឡើង ២.២ ភាគរយប៉ុណ្ណោះ បើប្រៀបធៀបក្នុងរយៈពេលដូចគ្នាកាលពីឆ្នាំមុន ។

ទិន្នន័យពីសមាគមទីផ្សារមូលបត្របានបង្ហាញថា លំហូរវិនិយោគិនបរទេសចូលទៅក្នុងមូលបត្របំណុលអាស៊ីបានធ្លាក់ចុះ ៣៤ ភាគរយនៅក្នុងឆមាសទីមួយនៃឆ្នាំ ២០២៤ នេះ បើប្រៀបធៀបនឹងឆ្នាំមុន ។

តាមដានជាមួយយើង៖ Million Times

ទោះបីជាការធ្លាក់ចុះនៃទុនបម្រុងមិនប៉ះទង្គិចធ្ងន់ធ្ងរឈានដល់ការបង្កឱ្យមានវិបត្តិហិរញ្ញវត្ថុ ឬបណ្តាលឱ្យប្រទេសនានាប្រឈមនឹងការទូទាត់ការនាំចូលរបស់ពួកគេ ដោយសារតែបំណុលខាងក្រៅក៏ដោយ ប៉ុន្តែអ្នកវិភាគកត់សម្គាល់ថា វានៅតែអាចប៉ះពាល់ដល់អារម្មណ៍វិនិយោគិន ហើយអាចនាំឱ្យមានការដកហ៊ុនចេញផងដែរ ។

ទោះជាយ៉ាងណាក៏ដោយ បញ្ហាទាំងនេះប្រហែលជាមិនប៉ះពាល់ខ្លាំងដល់ ម៉ាឡេស៊ី ឥណ្ឌូណេស៊ី និងថៃនោះទេ ដោយសារតែមានលំហូរនាំចេញច្រើន ។

សូមជម្រាបថា រូបិយប័ណ្ណអាស៊ីបានធ្លាក់ចុះយ៉ាងគំហុកនៅក្នុងឆមាសទីមួយនៃឆ្នាំ ២០២៤ នេះ ដោយសារភាពស្រពិចស្រពិលរបស់ធនាគារកណ្តាល ដោយបានជំរុញឱ្យប្រាក់ដុល្លារអាមេរិកចាប់ផ្ដើមមានហាងឆេងឡើងវិញ ៕

បកប្រែ ៖ ទីន

The post អាស៊ីត្រូវការកញ្ចប់ទឹកប្រាក់ ៥០ ពាន់លានដុល្លារ ដើម្បីទប់លំនឹងទុនបម្រុងបរទេស appeared first on Millions times.

តម្លៃប្រេងឆៅរបស់ក្រុមហ៊ុនឈ្មោះ Brent បានកើនឡើង ៦ សេន លក់ក្នុងតម្លៃ ៨៣.១៦ ដុល្លារក្នុងមួយបារ៉ែល ខណៈតម្លៃប្រេងឆៅរបស់ក្រុមហ៊ុនអាមេរិក West Texas Intermediate (WTI) កើនថ្លៃ ១.០៨ ដុល្លារ ឬ ១.៣៩ ភាគរយ លក់ក្នុងតម្លៃ ៧៨.៨០ ដុល្លារក្នុងមួយបារ៉ែល ។

តម្លៃប្រេងបានកើនឡើងជាង ១ ភាគរយនៅក្នុងការជួញដូរកាលពីថ្ងៃចន្ទ ដោយសារតែថ្ងៃឈប់សម្រាកនៅចក្រភពអង់គ្លេស និងសហរដ្ឋអាមេរិក ស្របពេលដែលវិនិយោគិនក៏កំពុងរង់ចាំការបន្ថូរបន្ថយអត្រាការប្រាក់នៅអាមេរិកដើម្បីជួយសម្រួលដល់អតិផរណា ។

លោក Satoru Yoshida អ្នកវិភាគទីផ្សារនៅក្រុមហ៊ុន Rakuten Securities បាននិយាយថា “តម្លៃប្រេងនឹងកើនឡើងខ្ពស់បន្ថែមទៀតនៅប៉ុន្មានថ្ងៃខាងមុខនេះ ដោយសារការរំពឹងទុកជាបន្តលើការកាត់បន្ថយទិន្នផលពីប្រទេសផលិតប្រេង និងការកើនឡើងនៃការបន្ធូរបន្ថយគោលនយោបាយរូបិយវត្ថុរបស់សហរដ្ឋអាមេរិក” ។

ចំណែកទាក់ទិននឹងការឡើងតម្លៃប្រេងនេះដែរ ក៏ដោយសារតែក្រុមប្រទេសនាំចេញប្រេង OPEC+ នៅតែបន្តកាត់បន្ថយទិន្នផលប្រេងចំនួន ២.២ លានបារ៉ែលក្នុងមួយថ្ងៃដល់ដាច់ឆ្នាំ ២០២៤ នេះ ៕

តាមដានជាមួយយើង៖ Million Times

បកប្រែ ៖ ទីន

The post តម្លៃប្រេងនៅតំបន់អាស៊ីឡើងថ្លៃលើសការរំពឹងទុក appeared first on Millions times.