ហាង​លក់​ពូក ខ្នើយ​ដែល​​តែ​ទទួល​បាន​ភាព​ល្បីល្បាញ​ខ្លាំង​មួយ​រយៈ​នេះ តាម​រយៈ​វីដេអូ​កំប្លែង​ដែល​សម្ដែង​ដោយ​ប្ដី​ប្រពន្ធ​ម្ចាស់​ ស្ថាបនិក សុបិន្ដល្អ លក់ពូកសុខភាព​តែម្ដង។

តាមដានជាមួយយើង៖ Million Times

សម្រាប់​ស្ថាបនិក​ហាង​សុបិន្ដល្អ លក់ពូកសុខភាព គឺ​លោក តោ ថាំរ៉ុង និង​ភរិយា គីមចេង ពិត​ជា​សាង​កេរ្តិ៍ឈ្មោះ​កាន់តែ​ល្បី​ទាំង​ផលិតផល និង​ឃ្លីប​វីដេអូ​ដែល​ប្ដី​ប្រពន្ធ​គូ​នេះ ផលិត​ឡើង ដើម្បី​វាយ​លុក​ទីផ្សារ​ដោយ​ខ្លួនឯង។ ជោគជ័យ​នៃ​អាជីវកម្ម​ពូក ខ្នើយ និង​សម្ភារៈ​គេង មួយ​នេះ​បាន​ធ្វើឲ្យ​សុបិន្ដល្អ លក់ពូកសុខភាព ពង្រីក​សាខា​បាន​ច្រើន។

លោក តោ ថាំរ៉ុង ឲ្យ​ដឹង​ថា កត្តា​ធ្វើឲ្យ​អាជីវកម្ម​លោក​បាន​ជោគជ័យ​ក្នុង​រយៈពេល ៨ ឆ្នាំ​មក​នេះ មាន​មួយ គឺ​ការ​ធ្វើ​ទីផ្សារ​ដោយ​ខ្លួនឯង។ ចំណែក​កត្តា​ផ្សេង​ទៀត​គឺ ទំនួល​ខុស​ត្រូវ ការ​ទទួល​ភ្ញៀវ​ដោយ​ភាព​រួសរាយ​រាក់ទាក់ ព្រម​ទាំង​គុណភាព​នៃ​ទំនិញ។

បើ​និយាយ​ពី​ការ​ធ្វើ​ជំនួញ តោ ថាំរ៉ុង បាន​បញ្ជាក់​ថា ដើមទុន​មិនមែន​ជា​បញ្ហា​សំខាន់​ក្នុង​ការ​ចេញ​ធ្វើ​អាជីវកម្ម​ឡើយ តែ​គោលដៅ​ទើប​ធ្វើឲ្យ​ឈាន​ទៅ​ដល់​ការ​សម្រេច​ចេញ​ជា​ផ្លែផ្កា។

ម្ចាស់​ស្ថាបនិក​ហាង​ សុបិន្ដល្អ លក់ពូកសុខភាព​រូប​នេះ ក៏​មាន​តួនាទី​ជា President នៅ BNI Champion ផង​ដែរ។ ត្បិត​តែ​វ័យ​ក្មេង​ទាំង​ប្ដី​ប្រពន្ធ​ក៏​ពិតមែន តែ​សហគ្រិន​គូ​នេះ បាន​ខិតខំ​ខ្លាំង​ក្នុង​មុខ​ជំនួញ និង​តែង​នៅ​ក្បែរ​គ្នា​ផ្ដល់​ជា​កម្លាំង​ចិត្ត​ឲ្យ​គ្នា​ទោ​វិញ​ទៅ​មក៕

The post លោក តោ ថាំរ៉ុង ស្ថាបនិក សុបិន្ដល្អ លក់ពូកសុខភាព ថាហាងកាន់តែល្បី ដោយសារកត្តាទាំងនេះ appeared first on Millions times.