លោក ឌួង ឆាយ ទៅកម្សាន្តនៅបារាំងជួបមិត្តភ័ក្តិសុទ្ធសឹងជាកីឡាករបាល់ទាត់លំដាប់ពិភពលោក

ទីន Tin — Mon, 02 Jun 2025 07:43:41 +0000

លោក ឌួង ឆាយ ដែលជាអគ្គនាយក បុរីដោនថោន បានចំណាយពេលទៅមើលការបាល់ទាត់ពិភពលោក Champions League 2025 ជួបជុំជាមួយមិត្តភ័ក្ត ដែលជាបុគ្គលល្បីៗ កាលពីចុងខែឧសភាកន្លងទៅ។

តាមដានជាមួយយើង៖ Million Times

អគ្គនាយក បុរីដោនថោន បានហោះទៅអឺរ៉ុប ក្នុងបេសកកម្មការងារផ្ទាល់ខ្លួន និងបានធ្វើដំណើរកម្សាន្តជាច្រើនប្រទេសដូចជា ម៉ូណាកូ អ៊ីតាលី និងបារាំង ហើយក៏បានទស្សនាការប្រកួតវគ្គផ្ដាច់ព្រ័ត្រ Champions League 2025 ជាមួយមិត្តភ័ក្ដិដែលជាកីឡាករបាល់ទាត់ល្បីៗពីទីក្រុងប៉ារីសផងដែរ។

អ្នកជំនួញលំដាប់សេដ្ឋីដូចលោក ឌួង ឆាយ បានចំណាយពេលវេលាដ៏សប្បាយរីករាយជួបជុំមិត្តភ័ក្ដិជាជនបរទេស និងបុគ្គលល្បីៗដែលជាកីឡាករបាល់ទាត់កំពុងប្រកបអាជីពនៅលីគកំពូលៗ Serie A ព្រមជាអតីតកីឡាករ Patrice Evra អតីតប្រធានក្រុម Manchester United និងក្រុមជម្រើសជាតិបារាំង។

ក្រៅពីទៅទស្សនាការប្រកួត Champions League 2025 អ្នកជំនួញមានកេរ្តិ៍ឈ្មោះល្បីល្បាញរូបនេះ ក៏បានទៅទស្សនាការប្រកួត Formula 1 និងបានសាកល្បងកំពូលរថយន្តទំនើបៗបំផុតក្នុងលោកផងដែរ។

សម្រាប់រូបភាពដែល អគ្គនាយក បុរីដោនថោន បង្ហោះលើបណ្ដាញសង្គម បានឲ្យដឹងថា លោកគឺជាមិត្តភ័ក្តិជាមួយកីឡាករ AC Milan ម្នាក់ ដោយរៀបរាប់សំណេរថា “អរគុណ Theo Hernández កីឡាករបាល់ទាត់ជម្រើសជាតិបារាំង និងជាកីឡាករក្លឹប AC Milan ដែលបានជូនខ្ញុំដើរលេងនៅប៉ារីស”។

គ្រានោះដែរ លោក ឌួង ឆាយ បានបង្ហាញការគាំទ្រដល់ PSG -Paris Saint-Germainin ពីព្រោះបងប្រុសបង្កើត Theo Hernández គឺកីឡាករ Lucas Hernandez ក៏ជាកីឡាករក្រុម PSG ដែរ ហើយក្រុមPSG ពិតជាបានលើកពាន Champions League 2025 ប្រាកដមែន៕

អត្ថបទ៖ មេរ៉ា, រូបភាព៖ ឌួង ឆាយ

The post លោក ឌួង ឆាយ ទៅកម្សាន្តនៅបារាំងជួបមិត្តភ័ក្តិសុទ្ធសឹងជាកីឡាករបាល់ទាត់លំដាប់ពិភពលោក appeared first on Millions times.

ជម្លោះ ឌួង ឆាយ និងអតីតភរិយា បន្តរ៉ាំរ៉ៃ រាប់ឆ្នាំទោះជាលែងលះគ្នាដាច់ស្រេច

Vin Chang — Fri, 27 Sep 2024 08:38:49 +0000

កាលពីម្សិលមិញនេះ ជម្លោះរវាងលោក ឌួង ឆាយ និងអ្នកនាង ដេត ម៉ាលីណា បានកើតឡើងកក្រើកយ៉ាងខ្លាំងម្ដងទៀតហើយ ក្រោយពីមានការឡាយផ្ទាល់នៅលើបណ្ដាញសង្គម Facebook ពីភាគីខាងអតីតភរិយាផងដែរ។

តាមដានជាមួយយើង៖ Million Times

ម្សិលមិញអ្នកជំនួញអនឡាញវ័យក្មេង និងជោគជ័យ ដេត ម៉ាលីណា បានអះអាងថាទៅមើលកូនដែលខានជួបមុខគ្នាជាង ១ ឆ្នាំមកហើយ ដោយរួមដំណើរជាមួយបងប្រុសបង្កើត និងអង្គរក្សរបស់អ្នកនាង។ តែចុងបញ្ចប់នាងមិនបានជួបជាមួយកូនផ្ទាល់នោះទេ ដោយសារតែមានការរារាំងពីសំណាក់លោក ឌួង ឆាយ និងអង្គរក្សរបស់លោកនៅក្នុងបុរីផ្ទាល់តែម្ដង។ រហូតដល់ចុងបញ្ចប់ក៏ចង់ណាត់គ្នាទៅប៉ុស្ដិប៉ូលិសផងដែរ។

យ៉ាងណាមិញនៅថ្ងៃនេះ លោក ឌួង ឆាយ បានចេញមកបកស្រាយវិញផងដែរ។ លោកអះអាងថាដំបូងឡើយបានយល់ព្រមឱ្យម្ដាយទៅជួបមុខកូនទេ ប៉ុន្តែត្រូវមានការសុំឱ្យបានស្រួលបួល និងចូលទៅតែម្នាក់ ឬពីរនាក់កូនប្រុសបានហើយ មិនចាំបាច់មានអង្គរក្ស ២ នាក់ទៀតចូលទេ។ តែចុងបញ្ចប់ អ្នកនាង ដេត ម៉ាលីណា មិនព្រមនោះទេទើបបណ្ដាលឱ្យមានការទាស់ពាក្យសម្ដីគ្នា និងឡាយលើបណ្ដាញសង្គម Facebook តែម្ដង។

យ៉ាងណាមិញ លោក ឌួង ឆាយ ក៏បានអះអាងនៅលើបណ្ដាញសង្គមទៀតថាលោកនឹងមិនប្ដឹងទៅអតីតភរិយាទេ ប្រសិនបើនាងយល់ព្រមលុបវីដេអូឡាយម្សិលមិញចេញ និងមកជួបកូនៗនៅផ្ទះខ្ញុំដោយសន្តិវិធីដោយមានអាជ្ញាធរចូលរួមជាមួយ។

រឿងរ៉ាវមួយនេះ បើទោះជាមានសាលក្រមពីស្ថាប័នតុលាការហើយក៏ដោយ តែជម្លោះគ្រួសារ ២ នេះមិនបានបញ្ចប់ឡើយ នៅតែមានកក្រើកឡើងពេញបណ្ដាញសង្គមជាហូរហែ។ បញ្ហាជម្លោះរ៉ាំរ៉ៃមួយនេះ កើតឡើងជាង ៤ឆ្នាំ មកហើយ ដោយភាគច្រើនអ្នកតាមដានកាន់ជើងខាងអ្នកជំនួញអនឡាញហាយសូ ដ៏ស្រស់ស្អាត ដេត ម៉ាលីណា៕

The post ជម្លោះ ឌួង ឆាយ និងអតីតភរិយា បន្តរ៉ាំរ៉ៃ រាប់ឆ្នាំទោះជាលែងលះគ្នាដាច់ស្រេច appeared first on Millions times.

ឌួង ឆាយ Archives - Millions times

លោក ឌួង ឆាយ ទៅកម្សាន្តនៅបារាំងជួបមិត្តភ័ក្តិសុទ្ធសឹងជាកីឡាករបាល់ទាត់លំដាប់ពិភពលោក

ជម្លោះ ឌួង ឆាយ និងអតីតភរិយា បន្តរ៉ាំរ៉ៃ រាប់ឆ្នាំទោះជាលែងលះគ្នាដាច់ស្រេច