តាមដានជាមួយយើង៖ Million Times

នាវា AIDA STELLA មាន​ប្រវែង​បណ្ដោយ ២៥៣,៣០​ម៉ែត្រ ទទឹង​ប្រវែង ៣២,២០ ម៉ែត្រ មាន​ជម្រៅ​ទឹក ៧,៣០ ម៉ែត្រ។ ក្នុង​នាវា​ដ៏​ធំ​សម្បើម​មាន​ជនជាតិ​អាល្លឺម៉ង់​ច្រើន​ជាង​គេ​រហូត ១៧៥៩នាក់ ស្វីស ១០៥ នាក់ និង​អូទ្រីស ៦៩នាក់។

AIDA STELLA បាន​ចេញ​ពី​ប្រទេស​វៀតណាម និង​ចូល​មក​ប្រទេស​កម្ពុជា រួច​ក៏​បន្ត​ដំណើរ ត្រឡប់​ទៅ​ប្រទេស​ថៃ​វិញ​នៅ​១៩ ខែ​ធ្នូ ឆ្នាំ ២០២៤ វេលា​ម៉ោង ១៨៖០០ នាទី​ថ្ងៃ​ដដែល​នេះ​។ ចំណែក​គោលដៅ​ភ្ញៀវ​ទេសចរ​ទៅ​ទស្សនា​មាន​រមណីយដ្ឋាន​ឆ្នេរ​ក្នុង​ក្រុង វត្តអារាម ផ្សារ​លើ និង​ផែ​នេសាទ​ទំនប់​រលក​ជាដើម។

ប្រធានមន្ទីរទេសចរខេត្តព្រះសីហនុ លោក តាំង សុចិត្តគ្រឹស្នា បាន​ឲ្យ​ដឹង​ថា បច្ចុប្បន្ន​ចំនួន​ភ្ញៀវ​ទេសចរ​ចូល​តាម​ផ្លូវទឹក មាន​ការ​កើន​ឡើង​ខ្ពស់ តាម​រយៈ​នាវា​ទេសចរណ៍ ចូលចត​នៅ​កំពង់ផែ​អន្តរជាតិ​ក្រុង​ព្រះសីហនុ​ជា​បន្តបន្ទាប់៕

អត្ថបទ៖ មេរ៉ា, មន្ទីរទេសចរណ៍ ខេត្តព្រះសីហនុ

The post ភ្ញៀវទេសចរជាង ២ ពាន់នាក់ ធ្វើដំណើរតាមនាវា AIDA STELLA មកដល់កំពង់សោមថ្ងៃនេះ appeared first on Millions times.

ក្រសួងបរិស្ថាន បានឲ្យដឹងថា ភ្ញៀវទេសចរណ៍ នៅតាមសហគមន៍តំបន់ការពារធម្មជាតិ ក្នុងរដូវភ្ជុំបិណ្ឌរយៈពេល១៥ថ្ងៃ ចាប់ពីថ្ងៃទី១៨ ខែកញ្ញា ដល់ថ្ងៃ០២ ខែតុលា ឆ្នាំ២០២៤ នាពេលកន្លងមក មានភ្ញៀវទេសចរចំនួន ៧២,០៩៧នាក់ ហើយក្នុងនោះបាននាំចំណូលដល់សហគមន៍ ចំនួន ៣៥ ៣៦៧ ដុល្លារអាមេរិក។

តាមដានជាមួយយើង៖ Million Times

បើតាមក្រសួងបរិស្ថាន សហគមន៍តំបន់ការពារធម្មជាតិ ទឹកធ្លាក់ច្រកល្អៀង នៅក្នុងដែនជម្រកសត្វព្រៃភ្នំឱរ៉ាល់ ក្នុងភូមិសាស្រ្តខេត្តពោធិ៍សាត់ បានទាក់ទាញភ្ញៀវទេសចរណ៍ បានច្រើនជាងគេ ជិត២ម៉ឺននាក់ និងអាចរកចំណូលបានជិត១ម៉ឺនដុល្លារ។ តំបន់ការពារធម្មជាតិបឹងយក្សឡោម ក្នុងខេត្តរតនៈគីរី ក៏បានទទួលអ្នកទេសចរណ៍ជាតិ និងអន្តរជាតិចំនួនជាង១ម៉ឺននាក់ និងអាចរកចំណូលបាន ជាង៤ពាន់ដុល្លារ។ 

លើសពីនេះ សហគមន៍តំបន់ការពារធម្មជាតិនានា ផ្សេងទៀត សរុបចំនួន៥៣ ក្នុងចំណោមសហគមន៍តំបន់ការពារធម្មជាតិ ដែលបានទទួលស្គាល់ ដោយក្រសួងបរិស្ថាន សរុបចំនួន១៩៣ ទូទាំងប្រទេសកម្ពុជា ដែលមានសក្តានុពល និងជាគោលដៅទេសចរណ៍ធម្មជាតិ។

សូមបញ្ជាក់ថា ក្នុងរយៈពេល៩ខែ ក្នុងឆ្នាំ២០២៤ នេះ សហគមន៍តំបន់ការពារធម្មជាតិ បានទាក់ទាញ់ទេសចរមកសម្រាកកម្សាន្តបានចំនួន ៦៦៣ ២០៧ នាក់ ក្នុងនោះទេសចរបរទេស មានចំនួន១២ ៥២០នាក់ និងបានផ្តល់ចំណូលដល់សហគមន៍បានចំនួន ៥២៥ ៣៥២ ដុល្លារអាមេរិក។

អត្ថបទ៖ សាងតេជៈ រូបភាព៖ ក្រសួងបរិស្ថាន

The post បុណ្យភ្ជុំបិណ្ឌភ្ញៀវទេសចរទស្សនាតាមតំបន់ការពារធម្មជាតិនៅទូទាំងប្រទេស រកចំណូលបានជាង ៣ម៉ឺនដុល្លារ appeared first on Millions times.

លោក ឡុង ឌីម៉ង់ អភិបាលរងខេត្តព្រះសីហនុ និងតំណាងប្រតិភូភាគីកម្ពុជា បានឱ្យដឹងថា ភាគីកម្ពុជា ថៃ និងវៀតណាម បានឯកភាពគ្នាថានឹងសាកល្បងរៀបចំការដឹកជញ្ជូនភ្ញៀវទេសចរតាមផ្លូវទឹកទៅមក ពិសេសរវាងកម្ពុជានិងថៃ កម្ពុជានិងវៀតណាម គឺនៅខែតុលា ឬខែវិច្ឆិកា ឆ្នាំ២០២៤ ដែលជារដូវដែលភ្ញៀវបរទេសមកលេងច្រើន។ 

តាមដានជាមួយយើង៖ Million Times

លោកថា គោលដៅរវាងកម្ពុជានិងថៃ គឺមានខេត្តត្រាត និងកោះសំខាន់ៗរបស់ខេត្តត្រាត ជាមួយគោលដៅនៃតំបន់សមុទ្រកម្ពុជា ដែលមានខេត្តកោះកុង ខេត្តព្រះសីហនុ ខេត្តកំពត និងខេត្តកែប និងអាចតភ្ជាប់ទៅដល់កោះត្រល់ និងខេត្តកាម៉ៅ ភាគខាងត្បូងបំផុតនៃប្រទេសវៀតណាម។

ជាមួយគ្នានេះ លោក ឡុង ឌីម៉ង់ បានលើកទឹកចិត្តដល់វិស័យឯកជនឱ្យខិតខំធ្វើទំនាក់ទំនងជាមួយគ្នា ដើម្បីឈានទៅរកការរៀបចំកញ្ចប់ទស្សនកិច្ចជូនភ្ញៀវទេសចរ បង្កើតឱ្យមានការធ្វើដំណើរតាមផ្លូវទឹកទៅវិញទៅមកឱ្យបាន ស្របតាមការឯកភាពគ្នារវាងភាគីទាំង៣។

ជុំវិញការតភ្ជាប់ដឹកជញ្ជូនភ្ញៀវទេសចរតាមផ្លូវទឹកនេះ ភាគីថៃក៏បានលើកឡើងដែរថា ប្រសិនបើការតភ្ជាប់ការដឹកជញ្ជូនទេសចរតាមផ្លូវទឹកនេះសម្រេចទៅបានមែន នោះភាគីកម្ពុជា ភាគីថៃ និងភាគីវៀតណាម នឹងសម្រេចបាននូវចក្ខុវិស័យទេសចរណ៍ «ប្រទេស៣ គោលដៅតែ១» ដែលតែងខិតខំពិភាក្សានិងអនុវត្តជារឿយៗមកនោះ៕

អត្ថបទ៖ សេដ្ឋានី រូបភាព៖ ហ្វេសប៊ុកលោក ឡុង ឌីម៉ង់

The post លើកដំបូង! កម្ពុជា-ថៃនិងវៀតណាម សម្រេចតភ្ជាប់ដឹកជញ្ជូនភ្ញៀវទេសចរតាមផ្លូវទឹក appeared first on Millions times.