បើតាមក្រុមប្រឹក្សាអភិវឌ្ឍន៍កម្ពុជា ដំណើរទស្សនកិច្ចនេះអមដំណើរម្ចាស់អាជីវកម្មជាច្រើនកំពុងរកស៊ីនៅប្រទេសកម្ពុជា ក្នុងនោះក៏មានវត្តមានសមាជិកសមាគមឧកញ៉ាកម្ពុជាផងដែរ។ ក្នុងនាមសមាជិកនៃសមាគមកម្ពុជា ឧកញ៉ា អាន ឌីណា ម្ចាស់ក្រុមហ៊ុន FSC Group និងឧកញ៉ា ឈឹម បញ្ហា ម្ចាស់បុរី​ ច័ន្ធ ខាស់សល ក៏បានចូលរួមបំពេញទស្សនកិច្ចគោះទ្វារវិនិយោគនាពេលនេះដែរ។

តាមដានជាមួយយើង៖ Million Times

តាមផែនការដែលបានគ្រោងទុក ឧបនាយករដ្ឋមន្រ្តី ស៊ុន ចាន់ថុល នឹងដឹកនាគណៈជួបជាមួយវិនិយោគិននៅក្រុង សាន់ហ្វ្រាន់ស៊ីសស្កូ ឡូសអែនជែលលេស ញ៉ូវយ៉ក វ៉ាស៊ីងតោនឌីស៊ី និងម៉ុងត្រេអាល់។

ការិយាល័យសេដ្ឋកិច្ច និងជំនួញរបស់ក្រសួងការបរទេសអាមេរិក ធ្លាប់បានចេញផ្សាយនូវរបាយការណ៍ស្តីអំពីបម្រែបម្រួលការវិនិយោគប្រចាំឆ្នាំ២០២៤។ ក្នុងរបាយការណ៍នោះក្រសួងការបរទេសអាមេរិក បានទទួលស្គាល់ថា រដ្ឋាភិបាលកម្ពុជាបានផ្តល់ការលើកទឹកចិត្តជាច្រើនសម្រាប់ទាក់ទាញការវិនិយោគពីបរទេស។ ក្នុងនោះ រួមមានច្បាប់ស្តីពីការវិនិយោគ ការលើកទឹកចិត្តការវិនិយោគផ្ទាល់ពីបរទេស ការកាត់បន្ថយអត្រាពន្ធសាជីវកម្ម ការនាំចូលទំនិញមូលធនដោយមិនបង់ពន្ធ ជាដើម។ ល។

បើយោងតាមអគ្គនាយកដ្ឋានគយ និងរដ្ឋាករកម្ពុជា (GDCE) ពាណិជ្ជកម្មទ្វេភាគីរវាងកម្ពុជា-អាមេរិក នៅក្នុងរយៈពេល ៧ ខែ ឆ្នាំ២០២៤ មានទំហំទឹកប្រាក់ជាង ៥ ពាន់លានដុល្លារ កើនឡើង ៦,៥ភាគរយ ធៀបនឹងរយៈពេលដូចគ្នាក្នុងឆ្នាំ២០២៣៕

អត្ថបទ៖ ផល កុសល រូបភាព៖ សមាគមឧកញ៉ាកម្ពុជា

The post ឧកញ៉ា អាន ឌីណា ឧកញ៉ា ឈឹម បញ្ញា អមដំណើរឧបនាយករដ្ឋមន្រ្តី ស៊ុន ចាន់ថុល គោះទ្វារវិនិយោគនៅអាមេរិក និងកាណាដា appeared first on Millions times.

ឧកញ៉ា ឈឹម បញ្ញា ដែល​ជា​ម្ចាស់​បុរីច័ន្ទខាស់សល បើ​ទោះ​ជា​ទើប​រៀប​អាពាហ៍ពិពាហ៍​បាន​ត្រឹម ២ ឆ្នាំ​ក៏​ពិត​មែន តែ​ជីវិត​ប្រចាំ​ថ្ងៃ​របស់​លោក​ពិតជា​ស្រស់​បំព្រង ដែល​មាន​ភរិយា​រូប​ស្រស់ និង​កូន​ប្រុស​ម្នាក់​ដ៏​គួរ​ឲ្យ​ស្រលាញ់ គ្រាន់​ថ្នាក់ថ្នម​ប្រលែង​លេង។

តាមដានជាមួយយើង៖ Million Times

នៅ​លើ​បណ្ដាញ​សង្គម​ម្ចាស់​បុរី​រូប​នេះ ពិតជា​មិន​សូវ​សំញែង​ទ្រព្យ ឬ​របស់​របរ​ប្រេន​ៗ​ឡើយ ដោយ​គេ​តែង​សង្កេត​ឃើញ​លោក​រវល់​ជាមួយ​ការងារអចលនទ្រព្យ និង​សល់​ពេល​យក​ចិត្ត​ទុកដាក់​ជាមួយ​គ្រួសារ​តូច​របស់​ខ្លួន​ប៉ុណ្ណោះ។

បើ​ទោះ​ជា​មិន​មែន​​ជា​អ្នក​សម្ភារៈ​និយម​ក៏​ពិត​មែន តែ​គ្រួសារ​លោក​រស់នៅ​យ៉ាង​សុខ​ស្រួល​លើ​ផ្ទះ​ដ៏​ធំ​ទ្រនំ​ខ្ពស់ ឡាន​ស៊េរី​ទំនើប​ៗ​ចាំ​បំពេញ​តម្រូវ​ការ​មិន​ឲ្យ​ខ្វះ​ឡើយ។ អ្វី​ដែល​អ្នក​លេង​បណ្ដាញ​សង្គម​តែងតែ​ឃើញ​ឧកញ៉ា ឈឹម បញ្ញា បង្ហោះ​និយាយ​ពី​ភរិយា និង​កូន​ប្រុស​ជារឿយៗ ដែល​អាច​បញ្ជាក់​យ៉ាង​ច្បាស់​ថា លោក​ជា​មនុស្ស​ស្រលាញ់ គោរព ឲ្យ​តម្លៃ​ភរិយា​កម្រិត​ណា​។

ក្រឡេក​ទៅ​មើល​ភរិយា​ដ៏​ស្រស់​ផូរផង់​របស់​ឧកញ៉ា ឈឹម បញ្ញា គឺ​ជំទាវ ឈ លីជូរ វិញ​មាន​ទឹក​មុខ​ស្រស់​ប្រិមប្រិយ​ជានិច្ច ដែល​នោះ​ក៏​ព្រោះ​តែ​មាន​ស្វាមី​ពូកែ​យល់​ចិត្ត និង​ថ្នាក់ថ្នម​មិន​ឲ្យ​ទាស់ ឬ​ហ្មងសៅ​ឡើយ។ ក្រៅ​ពី​ជួយ​មើល​ការងារ​ខុសត្រូវ​លើ​ជំនួញ​ស្វាមី ជំទាវ​វ័យ​ក្មេង​រូប​នេះ ក៏​ចូល​ចិត្ត​ដើរ​កម្សាន្ត​ផង​ដែរ។

ជំទាវ ឈ លីជូរ មិនត្រឹម​ពូកែ​ការងារ យក​ចិត្ត​ស្វាមីវិញ​ក៏​ចំណាប់ ហើយ​គូស្វាមី​ភរិយា​មួយ​គូ​នេះ តែងតែ​មាន​ភាព​ផ្អែមល្ហែម​នឹង​គ្នា​ជានិច្ច ព្រម​ទាំង​ធ្វើ​ឲ្យ​អ្នក​ដទៃ​លួច​សរសើរ​មិន​ដាច់​ពី​ភាព​ចុះ​សម្រុង​៕

រូបភាព៖ FB ឧកញ៉ា ឈឹម បញ្ញា

The post ជីវិតធម្មតាៗថ្លៃថ្នូរពេញដោយក្ដីសុខឧកញ៉ា ឈឹម បញ្ញា ម្ចាស់បុរីច័ន្ទខាស់សល និងភរិយារូបស្រស់ appeared first on Millions times.